وعدتكم بطريقة رسم الحواجب ووفيت بوعدي والطريقة بين ايديكم ....بالصور
السلام عليكم حبيباتي الفراشات لانو اكترمن فراشة حلوة طلبت مني طريقة رسم الحواجب اليوم نزلتلكم الموضوع ووفيت بوعدي وهاي الطريقة بالصور على عيني بس لا تعيبو علي لانو كنت هلا فايقة من النوم لاني وعدتكم من مبارح ومبارح ما قدرت فاول ما فقت كتبتلكم الطريقة بلا حكي كتير تفضلو:
اول صورة
وبهالصورة الحاجب بدون اي رسم عالطبيعة شفتو هالمنظر البشع....
ثاني صورة
وبهالصورة نمشط الحاجب بالمشط الخاص بالقلم اكيد بتعرفو باتجاه الشعر وبعدين ترسمي بالقلم من بداية الحاجب من تحت لانو بدنا نحدد اول شي بعدو عن العين فهمتو ليش من تحت اول؟ ويا بنات اللي ما تعرف ترسم مثل اول ما بلشت بس ترسم نقط بالقلم بالشكل اللي بدها ياه وبعدين توصلهم
ثالث صورة
وبهالصورة رسمنا بالقلم من فوق من بداية الحاجب للنهاية بالضبط بمحاذاة الخط التحتاني يعني تنسي شكل الحاجب وتتخيلي الرسمة اللي ببالك وترسمي لانو في اكثر من موديل للحواجب وانا شخصيا اغير بالرسمة كل يوم شكل يعني ممكن حواجب ثمانية (يعني شكل ثمانية)وممكن الشيطانية الجديدة وممكن الحواجب الساوية وغيرها اوكي..
رابع صورة
راح يصير عندك بين الخطين اللي رسمتيكم فراغ بالوسط اذا كانت حواجبك خفيفة يعني ما فيها شعركتير لذلك بهالصورة نملا الفراغان بالقلم بطريقة طبيعية
ونصيحة اخيرة يا صبايا لا تضغطي على القلم جدا عشان ما يبين المنظر غير طبيعي وشغلة تانية انو مبين بالصور الحاجب مو طبيعي بس لانو بدون مكياج للعين بس مع مكياج يبين انو كتير طبيعي شوفو الصورة
اتمنى تستفيدون وما بدي غير ردودكم وارائكم اللي تفرحني يلا حواجب موفقة وحلوة لكل البنات باي يا حلوين
شغلك طيب الله يعطيك العافية أنا سمعت عن الواكس اللى يغطي شعر الحواجب لان شعري كثيف مرررررة لازم يتغطي وارسم الحاجب زمان كنت أشقر بس الحين لا أذاتعرفين درجة الواكس ممكن تقولين لي انا بشرتى بيضاء
عنوان الرابط المتبادل
حول الروابط المتبادلة
وعدتكم بطريقة رسم الحواجب ووفيت بوعدي والطريقة بين ايديكم ....بالصور
رد مع اقتباس
.gif "Frashagirls (5)")
