الموضوع: لايفوووتكم تجربتي مع كريم الاساس والكونسيلر والباودر

*******************************************
تجربتي الخاصه مع كريم الاساس والكونسيلر والباودر انشالله تفيدكم وماتكون مكرره
اولا كريم الاساس:
تعبت وانا استخدم كريمات اساس من مختلف الماركات ولا واحد منهم اعجبني لاني انا ابي واحد تكون تغطيته حلوه وفي نفس الوقت يكون فيه لمعه طبيعيه ومايكون ناشف ومقشر واخيرا لقيت الاساس اللي ناسبني وانشالله يناسبكم
للمناسبات استخدم كريم اساس ايسيما من غيرلان فيه منه نوعين نوع كريم ثقيل في علبه وهذا تغطيته ثقيله ومره حلو والثاني تغطيته اخف ويجي كريم سايل
للاستخدام اليومي توتش بيرفكت من ايف سان لوران وهذا تغطيته حلوه وخفيفه وتنفع للدوام والمناسبات الصغيره
وللاستخدام اليومي كريم اساس ملون برونز من كلارينس واسم درجته سن كيس هذا اساس خفيف برونز ينفع للدوام ومرررره طبيعي
واذا تبين كريم مرطب ملون يعني اخف من كريم الاساس ويعطي تغطيه خفيفه تقدرين تحطين بيز او كريم مرطب ملون من كلينك *الجديد*
او تخلطين كريم اساس مع كريم مرطب عادي يعطيك نفس نتيجة الكريم المرطب الملون..
ملاحظه هااااامه: اخلطي مع كريم الاساس البيز اللي يلمع من لاتحطينه قبل الاساس لا اخلطيه معه وهو مو البيز المسطح لا هوالبيز اللي يجي منه الوان وردي وبرونز وبيج طبيعي والوان ثانيه استخدمي الطبيعي لانه هو احسن شي ويعطيك نتيجه مبهره وطبيعيه
وطبعا لاتنسين المرطب والبيز قبل الاساس وتقشير البشره عشان يعطي نعومه اكثر للبشره
انا ستخدم البيز من ايف سان لوران والمرطب من ماك والمقشر بودي شوب
ثانيا الكونسيلر:
للمناسبات استخدم كونسيلر تغطيته ثقيله من ميك اب فور ايفر واللي يجي في انبوب شفاف ينضغط
وفي بعضهم يمدح الكونسيلر اللي يجي في باليت من نفس الماركه وكذلك فيه ناس تمدح الكونسيلر السايل ماك
وللاستخدام اليومي استخدم كونسيلر تاتش اكلا من ايف سان لوران وهذا الكونسيلر جنااااااااااااان وكثييييير يمدحونه وهو ميزته بانه يستخدم للاضاءه وتقدرين تاخذينه معك عشان تصححين اي عيب لانه على شقل قلم يضغط
ثالثا الباودر:
للمناسبات استخدم اللوس باودر من غيرلان او الباودر المضغوط من نفس الماركه
بالنسبه لي انا ماافضل استخدام الباودر على كل الوجه بس على منطقة التي زون يعني الاماكن اللي تدهن لاني احسها تبهت المكياج وتخفف لمعة كريم الاساس
وطبعا تستخدم تحت العين عشان مايسيح الكونسيلر
وباودر الاضاءه استخدمها من ماك اللون الوردي الطبيعي للمكياج العادي والباودر البرونز للمكياج البرونزي
فيه ناس يمدحون باودر الاضاءه من فور ايفر و ريفلون
والاستخدام اليومي انا مااستخدم اي باودر لاني احس اني مااحتاجه ...
***اللي بشرتها دهنيه تستخدم البيز الشفاف المات من فور ايفر او سماش بوكس لانه يمنع الدهون توصل للمكياج عشان ماتسيحه وتخربه واللي تحس ان بشرتها باهته حتى بعد التقشير تستخدم البيز الابيض من فور ايفر اللي علبته مستطيله مسطحه***

اتمنى اكون افدتكم وماابي منكم الا دعوه حلوه
**اي اخت عندها استفسار اتمنى منها ترسله لي عالخاص لاني يمكن مااقدر امر عالموضوع**
وبالتوفيق للجميع
@هذا الموضوع من جهدي الخاص اتمنى اي وحده تنقله تكتب منقووول@

كثير دخلوا ومحد رد عالموضوع لو بشكر حتى لو مجامله

مشكوره ويعطيك العافيه جهد تشكرين عليه ...
معلومات حلوه ان شاء الله بطبقها ...

يسلمووووووووو
يعطيك العافيه

مشكورة

يعطيك العافيه

الله يعطيك العاااااافيه عيوني

تسلمي حبوبة على هيك معلومات افادتنا كثير



ويعطيك العافية يا عسل

يسلمو يالغلا مجهودمن جد رائع

يسلموووووووووو لكل اللي ردوا واتمنى من كل قلبي انكم استفدتوا