بسم الله الرحمن الرحيم
أخواتي الغاليات ..
حبيت أكتب لكم عن رحلتي إلى ماليزيا (رحلة شهر العسل) (Honeymoon) حتى تستفيدوا لو فكرتوا تسافروا لهذه الدولة الجميلة ..
تفاصيل الرحلة
رحلتي إلى ماليزيا كانت عن طريق طيران (الخطوط الجوية السعودية) (درجة الضيافة) من مطار الملك عبد العزيز بمدينة جدة
مدة الرحلة : 12 يوم
تكاليف الرحلة : ( 18000 ) ريال سعودي
مكتب الحجز : ركسون للسياحة (Rixon Tour Network) بمدينة جدة
عدد الأشخاص : شخصين ( طبعاً أنا والعريس)
سعر التذكرة : ( 2850 ) ريال للشخص = ( 5700 ) ريال للشخصين
سعر الفنادق مع وجبة الإفطار : ( 6100 ) ريال مدة 10 أيام في مناطق مختلفة بماليزيا (الفنادق بين 4 نجوم و5 نجوم)
تاريخ الرحلة : يوم السبت 11 فبراير عام 2006 م الموافق 12 محرم 1427 هـ
المصاريف : ( 6200 ) ريال تشمل (المواصلات – الغداء والعشاء – التسوق (الملابس والهدايا) – نشاطات متنوعة) والأفضل تحويلها لدولارات قبل السفر
موعد الرحلة : الساعة 5 عصراً بتوقيت المملكة استغرقت 10 ساعات ونصف (مروراً بمدينة الرياض)
وقت الوصول : يوم الأحد 12 فبراير عام 2006 م الموافق 13 محرم 1427 هـ الساعة 8 ونصف صباحاً بتوقيت ماليزيا (3 ونصف صباحاً بتوقيت المملكة)
فارق التوقيت بين المملكة وماليزيا : 5 ساعات
طبعاً الرحلة كانت 12 يوم بس يومين راحت في الطيارة (يوم السفر ويوم العودة)
لوازم السفر : شنطتين (حجم وسط وحجم صغير) مع إنها تعبتنا جداً في التنقل بين المدن
نصيحة : برأيي شنطة سفر وحدة (حجم وسط) أفضل بكثير من شنطتين ومعاها مثلاً شنطة (Hand Bag) للضروريات والأشياء المهمة
المدن اللي زرناها بماليزيا : سلانجور – لنكاوي – بينانج - كوالا لمبور - جنتنج
العملة المتداولة في ماليزيا : الرينجت (Ringgit) يعادل ريال سعودي واحد
تاريخ العودة : يوم الأربعاء 22 فبراير عام 2006 م الموافق 23 محرم 1427 هـ الساعة 5 عصراً بتوقيت ماليزيا ووصلنا الساعة 9 مساءاً بتوقيت المملكة (استغرقت حوالي 9 ساعات بدون المرور بأي مدينة (من ماليزيا إلى جدة))
سكون
04-25-2006, 02:14 AM
ماليزيا
سلانجور (Selangor)
(3 أيام)
اليوم الأول : وصلنا مطار كوالالمبور الساعة 8 ونص صباحاً وأخذنا تاكسي من المطار (تقريباً سعر التاكسي 80 رينجت = 80 ريال سعودي) لأنه من المطار شوي غالي بس أأمن وأفضل ..
وتوجهنا لفندق صن واي لاقون (5 نجوم) (ٍSunway Lagoon Resort) الواقع في بيتالينق جايا (Petaling Jaya) الفندق هذا تصميمه الخارجي روعة والداخلي أيضاً (نزلت له صور كثيرة في موضوع مستقل) ، نوع الغرفة ديلوكس (Deluxe) الصراحة حلوة وراقية طبعاً الغرفة متوسطة الحجم نافذتها كبيرة جداً تطل على المسبح والمنتجع الترفيهي بالفندق (منظر يرد الروح) وفيها حمام صغير ..
أول شي سويناه أول ما وصلنا الفندق إننا نمنا نومة طويلة للساعة 8 مساءاً وأول ما صحينا طلعنا رحلة استكشاف حول الفندق (مشي) كان موجود جنب فندقنا فندق ثاني بس ناسية اسمه مرينا عليه وبعدين شفنا أماكن كثيرة حلوة ومطاعم يعني أخذنا جولة عامة واحنا راجعين دخلنا الـ (Shopping Mall) التابع للفندق عبارة عن 3 أدوار فيه ماركات كثير مشهورة وحيوي جداً ، الدور الأول والثاني أماكن تسوق أما الدور الثالث كان مخصص للمطاعم والجلسات ، وتسوقنا في المركز اشترينا أشياء خفيفة من (U2) وعلى حظنا بدأت الأماكن تقفل على الساعة 11 تقريباً ، بعدها جلسنا اتعشينا في مطعم (كنتاكي) لأننا نعرفه وخفنا نجرب مطعم غريب يقوم ما يعجبنا الأكل فحبينا نمشيها أول يوم في مطعم (فاست فود) معروف.
اليوم الثاني : قمنا الصباح على الساعة 10 تقريباً ونزلنا فطرنا في مطعم الفندق (بوفيه مفتوح) جميع أنواع الفطور العالمية ، وبعدها لفلفنا شوية داخل الفندق أخذنا نظرة على المسبح ورجعنا الغرفة ارتحنا شوية بعدين بدأنا رحلة لمدينة صن واي لاقون الترفيهية طبعاً دخول المدينة الترفيهية بتذاكر (سعر التذكرة للشخص 40 رينجت) بس لأننا من نزلاء الفندق سوولنا تخفيض (التذكرة 32 رينجت) يعني دخلت أنا وزوجي للملاهي بـ 64 رينجت بس ونلعب في كل الملاهي الموجودة طول اليوم للمغرب تقريباً لأنها تفتح الساعة 11 الصباح وتقفل تقريباً الساعة 6 مساءاً .. المدينة الترفيهية كبيرة جداً فيها أشياء كثيرة (أماكن بيع الملابس والمطاعم الصغيرة للوجبات الخفيفة وملاهي متنوعة فيها السهل وفيها الخطر وحديقة حيوانات مصغرة ومتحف للأحجار الكريمة) لعبنا تقريبأً في كل الألعاب الموجودة ماعدا اللعب الخطيرة زوجي طلعها لوحده (خايفة على روحها) وأحلى شي الألعاب المائية كانت مميزة .. غير هذا كله داخل المدينة فيه جسر معلق كبير جداً إذا طلعتي عليه تشوفي منه المدينة كلها والفندق (منظر خيالي) .. وفيه مثل الممشى اسمه (ممشى الفيلة) لأنه كله مجسمات لفيلة كبيرة مشينا فيه الين تعبنا .. وكمان موجود شلالات صناعية داخل المدينة ( في حياتي كلها ما شفت شي بروعتها) وفي نهاية المطاف رجعنا على المسبح جلست وزوجي راح يسبح (يابخته) طبعاً رجعنا للغرفة على الساعة 6 تقريباً ونمنا للساعة 10 مساءاً وصحينا اتعشينا في الغرفة (طلبنا عشاء من الفندق) ويا سلام على طعم الأكل كان غريييييييب لدرجة إني ما كملته.
اليوم الثالث : قمنا الصباح الساعة 8 وفطرنا في مطعم الفندق كالعادة (طبعاً البوفيه تتغير أصنافه كل يوم) وانطلقنا بعدها لوسط مدينة كوالالمبور المتميزة بالتوين تاور (twin tower) والأسواق المشهورة .. اتمشينا في شارع العرب والأسواق وأخذنا جولة عليها كلها اشترينا ملابس وكاميرة فيديو (لأننا كنا جايبين الكاميرة الفوتوغرافية بس وقلنا لازم مانفوت الرحلة بدون تصوير فيديو يجلس ذكرى حلوة) بعد ما اتسوقنا جلسنا في كوفي شوب وأخذنا سناك خفيف ورجعنا للفندق على الساعة 6 تقريباً ونمنا وصحينا بالليل على صوت دق الباب ، وكان يومها (عيد الحب) الفالنتين عندهم فجابولنا حلويات (أنواع من الكيكات والآيس كريم) بس طبعاً الحلويات هاذي مايقدموها إلا للمتزوجين حديثاً يعني عارفين إنهم بشهر العسل كضيافة حلوة .. بعدها طلعنا رحلة تصوير للفندق وكل شيء قريب منه من مطاعم وكافيهات وأسواق وجلسنا اتعشينا في مطعم ايراني اسمه (نور الشمس) بصراحة أكله لا يعلى عليه .. وقبل مانرجع رحنا لسوبر ماركت واشترينا حلويات وعصيرات مختلفة (أسعارهم معقولة).
سكون
04-25-2006, 02:15 AM
جزيرة لنكاوي (Langkawi Island)
(يومان ونصف)
اليوم الرابع : قمنا الصباح الساعة 8 وفطرنا في الفندق وأخذنا آخر جولة قبل السفر وصورنا بالفيديو الفندق من الداخل والمسبح ، بعدها رحنا المطار على الساعة 10 ونصف وسافرنا عن طريق طيران (Air Asia) ووصلنا مطار لنكاوي الساعة 12 ونصف ظهراً ، وأخذنا تاكسي من المطار وتوجهنا لمنتجع فندق شيراتون بيردانا (5 نجوم) (Sheraton Perdana) ، نوع الغرفة سي فيسينق (Seafacing) حجمها متوسط وفيها بلكونة حلوة تطل على حديقة المنتجع والبحر أما حمامها كان كبير تقريباً ..
طبعاً حطينا الشنط في الغرفة وطلعنا بعدها رحلة بحرية دامت الساعتين (سعر القارب 280 رينجت) وهذه الرحلة اسمها رحلة نهر المنكروف (Mangrove River) استكشفنا خلالها أماكن كثيرة منها :
1- النسور (Eagle) : مرينا على منطقة بالقارب يكثر فيها النسور اللي تتسابق في التقاط فريستها من داخل النهر وطبعاً كان منظرها حلو جداً.
2- كهف التماسيح (Crocodile Cave) : منطقة نمر فيها بالقارب من تحت كهف مليء بالتماسيح بس على حظنا شكل التماسيح كانت نايمة وماشفنا شيء بس شفنا الوطاويط اللي كانت متعلقة في هالكهف (ياربي ياكنت خايفة خوف يومها ما خفته بحياتي).
3- مزرعة الأسماك (Fish Farm) : منطقة ننزل فيها على مبنى خشبي مقسمينه تقسيم على شكل مربعات وفي كل مربع بركة صغيرة فيها نوع من أنواع السمك (فيه سمك خطير وسمك عملاق وسمك أشكاله غريبة) وتابع للمكان هذا مطعم يقدمون فيه طعام بحري من نفس هالأسماك.
4- كهف الوطاويط وجزيرة القرود (Bats Cave) : جزيرة تكثر فيها القرود والأشجار الموجودة في هذي الجزيرة على شكل حبال متعلقة (سبحان الله) عشان يسهل على القرود التعلق فيها طبعاً غير كذا موجود كهف كبير مظلم جداً (تحتاجوا فيه لكشاف غالباً يكون مع قائد القارب) موجود فيه عدد هائل من الوطاويط (طبعاً أنا دخلت الكهف وحاطة يدي على قلبي) اتفرجنا على كل شيء موجود ، واللي يميز هالجزيرة إنهم واضعين فيها جسر خشبي يسهل فيه التنقل بين الكهف والجزيرة.
5- رحلة بحرية للمحيط : بعد ما خلصنا هالأماكن كلها توجهنا بالقارب للمحيط الهندي أخذنا جولة كاملة على أغلب جزر لنكاوي وشفنا فيها من بعيد جزيرة تايلند ورجعنا للشاطئ (الصراحة كانت أحلى رحلة بحرية) ويومها كان الجو مغيم وأمطار طول الوقت.
بعدها رجعنا للفندق على الساعة 6 مساءاً ومن كثر التعب نمنا لثاني يوم.
اليوم الخامس : قمنا الساعة 4 صباحاً وفطرنا فطور خفيف في الغرفة (طبعاً اليوم اللي قبله ما أكلنا شيء من حلاوة الرحلة نسينا الأكل) وعلى الساعة 7 طلعنا أخذنا لفة في المنتجع ومنه طلعنا على البحر اتمشينا ورجعنا فطرنا فطور ثاني في مطعم الفندق (بوفيه مفتوح) كان المطعم رائع لأنه مكشوف ونقدر نتفرج على البحر ، بعدها استعدينا للرحلة البرية في جزيرة لنكاوي طبعاً استأجرنا فان (Van) مع السائق (سعر الرحلة 260 رينجت حوالي 6 ساعات) وتضمنت الرحلة الآتي :
1- عالم ما تحت الماء (Underwater World) : مبنى ضخم فيه أنواع كثير من الكائنات البحرية ومركز للهدايا التذكارية (سعر التذكرة للشخص 38 رينجت).
2- التلفريك : كانت جولة ممتعة طلعنا فيها لارتفاع 700 كيلو متر عن سطح الأرض وشاهدنا الجبال المكسوة بالأشجار ومشينا على جسر يفصل بين جبال كثيرة وقدرنا نشوف جزيرة لنكاوي بالكامل من أعلى الجبل (ما أقدر أوصف المشهد من شدة روعته) وبعد مارجعنا اشترينا من مركز الهدايا التذكارية أشياء بسيطة تذكرنا بهذا المكان.
3- شلالات عيون السبعة : مكان نصعد فيه على الدرج (مشي على الأقدام) حوالي الربع ساعة بعدها نصل للشلالات (جلسنا في هالمنطقة يمكن ساعة ونصف من جمالها) ونزلنا في مياه الشلال الحلوة ومشينا وانبسطنا ، كان مكان رومانسي جداً وخيالي بنفس الوقت.
4- شلالات التومرون : عبارة عن منطقة جبلية يكثر فيها القرود طبعاً وصلنا للشلال بعد ما تسلقنا بين الجبال (كان المشي متعب جداً وخطير بس كان موجود درج بسيط مبني من الأحجار) كانت المنطقة محصورة بالجبال من جميع النواحي والشلال يسقط من الأعلى للأسفل ويصب في بركة عميقة (وكان فيها قرود) طبعاً كان معانا أجانب كثير يسبحوا في هالبركة ، جلسنا اتفرجنا واتصورنا في هالمكان صور فوتوغرافية لأنه الفيديو خلص علينا واحنا في منطقة الشلالات السبعة.
بعدها رجعنا اتعشينا في مطعم الفندق وانتهت رحلتنا لهذا اليوم.
اليوم السادس : قمنا الصباح الساعة 8 وفطرنا في الفندق واتمشينا على البحر شوية بعدها جهزنا الشنط استعداداً لرحلة جزيرة بينانج وسافرنا عن طريق البحر (سفينة الفيري) (Super Fast Ferry Ventures) سافرنا الساعة 2 ونصف ظهراً.
سكون
04-25-2006, 02:17 AM
جزيرة بينانج (Penang Island)
(يومان ونصف)
تابع اليوم السادس : دامت الرحلة حوالي الساعتين ووصلنا لميناء بينانج الساعة 5 ونصف وأخذنا تاكسي من الميناء وتوجهنا لمنتجع فندق موتيارا بيتش (5 نجوم) (Mutiara Beach) ، نوع الغرفة جراند ديلوكس سي فيو (Grand Deluxe Seaview) ما شاء الله الغرفة كانت جداً كبيرة وواسعة وفيها بلكونة كبيرة مطلة على الشاطئ والبحر غير الأثاث اللي موجود فيها جداً راقي ، والحمام كبير جداً وفيه دولاب يفتح على الغرفة نفسها (حركات) وموجود فيه ساونا (من حلاوته تقدري تنامي فيه هههههههه) وفيه مغسلتين (يا عيني على الدلع) طبعاً زوجي أول ما شاف المغسلتين قال اختاري وحدة لك ولا تجي للثانية كل واحد يغسل في مغسلته :frxxagir وراسمين لنا على السرير قلبين داخل بعض ببتلات الورود بمناسبة شهر العسل (يعني حركة للعرسان) بصراحة كانت أحلى غرفة بين جميع الغرف اللي سكنا فيها (لا تفوتكم) ..
طبعاً بعدها رحنا اتغدينا في مطعم (كنتاكي) (له طعم خاص في ماليزيا) وأخذنا جولة (مشي) في شارع بوتوفرنجي ورجعنا للفندق اتمشينا حول المسبح والشاطئ بس كان المكان مظلم والأنوار مقفلة لأننا رجعنا متأخرين فما شفنا شيء وطلعنا للغرفة ومو قادرين ننام عشان الورود اللي على السرير كان شكلها حلو هههههههههههه بس آخر شي اتنازلنا وشلناها ونمنا.
اليوم السابع : قمنا الصباح الساعة 10 وفطرنا في مطعم الفندق (بوفيه مفتوح) وبعدها طلعنا اتمشينا على الشاطئ وجلسنا جلسة استرخاء حوالي ساعتين ، ورجعنا للغرفة ارتحنا شوي وبعدها استعدينا لرحلة بحرية لصيد السمك والغداء في جزيرة القرود ، أخذنا قارب يشبه للقارب اللي في لنكاوي (سعر الرحلة 250 رينجت) وبدأنا الرحلة الساعة 2 ظهراً رحنا لمنطقة فيها أسماك كثيرة ووقفنا القارب وجلسنا نصيد (أنا وزوجي) ومافي ولا سمكة راضية تنصاد أخذنا تقريباً ساعة على هالحال ، آخر شيء قلنا للسواق خلاص يودينا على الجزيرة وفجأة زوجي صاد سمكة على آخر لحظة (انبسطنا عليها) بعدها رحنا جزيرة القرود تقريباً كانت فاضية مافيها غيرنا فقال لنا الرجال انتوا روحوا وأنا أسويلكم الغداء طبعاً من ضمن الرحلة (وجبة الغداء) ، أخذنا لفة على الشاطئ وجلسنا نجري ونكتب ذكرياتنا على الرمل (كانت رحلة حرية) بعد كذا جلسنا اتغدينا في الجزيرة وحوالينا القرود (تخيلوا المنظر بس) ، الغداء كان سمك وجمبري ودجاج مشوي (أطعم أكلة في ماليزيا) بعدها رجعنا للفندق على الساعة 6 مساءاً وجلسنا في الغرفة نتفرج على الأفلام اللي صورناها بالكاميرا في الجزيرة (الغرفة كانت روعة عشان كذا عسكرنا فيها هههههههههه).
اليوم الثامن : كالعادة صحينا الصباح وفطرنا في الفندق وبعدها بدأنا رحلة برية (طبعاً اتفقنا مع نفس التاكسي اللي أخذنا من المطار) والرحلة تضمنت الآتي :
1- مزرعة الفراشات (Butterfly Farm) : زرنا هذي المزرعة (سعر التذكرة للشخص 15 رينجت) وإذا معاكم كاميرا فيديو ياخذوا منكم 5 رينجت ، المكان كان مليء بالفراشات اللي توقف على راسك واللي توقف على يدك من كثرها ما تشوفي غير فراشات حوالينك (أشكال وألوان وأحجام) ، وداخل المزرعة موجود مبنى تدخليه وتلاقي فيه (أنواع الحشرات الغريبة) (صراصير – سحالي – خنافس – أفاعي وغيرها الكثير) (الصراحة شيء مقرف وعععع) غير الحشرات المحنّطة ، بس المزرعة في مجملها صغيرة جداً.
2- مزرعة الفواكه (Tropical Fruit Farm) : وصلنا بالتاكسي لمكان قطع التذاكر للمزرعة (سعر التذكرة للشخص 25 رينجت) بعدها وزعوا علينا قبعات تشبه قبعات المزارعين اللي تجي مثل الخيش وركبنا باص جماعي وطلعنا للمزرعة لأنها كانت في مكان مرتفع عن الجزيرة صعبة السيارات يوصلولها ، أول ما وصلنا أخذنا مرشد المزرعة وجلس يحكيلنا عن كل شجرة وأهميتها ، وأنواع الفواكه الموجودة عندهم بعدها قدمولنا صحن فواكه من كل نوع موجود وعصير فواكه (حسب اختيارك) وبكذا انتهت الزيارة.
3- مصنع الفضة (Silver Factory) : زرنا المصنع واتفرجنا على طريقة عمل الفضة بعدها اشترينا من عندهم (فضيات) سلاسل وخواتم وميداليات.
4- متحف معبد بوذا : شفنا فيه أنواع التخاريف والتماثيل اللي يعبدها البوذيين ، وكل تمثال أكبر من الثاني ، حتى إنه فيه تمثال متمدد حجمه تقريباً يجي بحجم عمارة ، وشفنا فيه حركات غريبة وشموع وحلويات يقدموها للتماثيل قال يعني يتقربوا منها (يا لطيف) تلاقي كل تمثال وحوالينه شموع وحلويات ونقود معدنية ، غير اللعب الموجودة في المعبد (لعبة الحظ للحياة) حاجة كذا مثل الأكواب تدور ومكتوب على كل كوب الحظ اللي يصير (مثل كوب مكتوب عليه زواج سعيد – حياة كريمة – ثروة) وطبعاً يرموا النقود المعدنية واللي تسقط في الكوب يشوفوا حظه ( أنواع التخلف) ، آخر شي قلت لزوجي خلينا نطلع لأنه ماقدرت أتحمل البدع والخرافات اللي بتصير فيه.
5- المقطورة المعلقة (Penang Hill) : طبعاً هذا المكان تصعد فيه المقطورة لأعلى قمة في جزيرة بينانج (سعر التذكرة للشخص 4 رينجت) وتستغرق الرحلة نصف ساعة تقريباً ، ومن الأعلى تقدري تشوفي الجزيرة بالكامل هذا غير إنه فيه حياة ثانية على سطح هذه المنطقة المرتفعة (كشكات ملابس وأكل) وناس يعيشوا في بيوت مثل الأكواخ.
6- متحف اللعب (Toy Museum) : موجود فيه جميع أبطال أفلام الكارتون (سعر التذكرة للشخص 10 رينجت) طبعاً الشخصيات الموجودة على شكل مجسمات صغيرة داخل دواليب زجاجية غير المجسمات المعلقة في السقف والمجسمات الكبيرة الواقفة على الأرض ، من هذه الشخصيات (توم وجيري – بينك بانثر – قارفيلد – سوبر مان – بات مان – ميكي ودونالد – نينجا ترتلز – توي ستوري وغير كذا موجود شخصيات الافلام الاجنبية القديمة).
بعدها اتعشينا في مطعم ورجعنا للفندق لأنه انتهت رحلتنا لهذااليوم.
اليوم التاسع : قمنا الصباح الساعة 6 تقريباً استعداداً لمغادرة جزيرة بينانج إلى كوالالمبور ، رحنا المطار وكانت رحلتنا الساعة 8 ونصف عن طريق طيران (Air Asia) ووصلنا الساعة 9 ونصف وأخذنا تاكسي من المطار وتوجهنا لفندق بيرجايا تايمز سكوير (4 نجوم) (Berjaya Times Square) مبنى الفندق كان كلاسيك وضخم جداً عبارة عن برجين قدام بعض وكله زجاج ، نوع الغرفة ستاندرد سويت (Standard Suite) مكونة من سيب وصالة كبيرة وغرفة نوم ومطبخ وحمام كبير مقسوم نصفين (تصميم السويت جداً متناغم) الصالة بينها وبين غرفة النوم باب خشب مثل الأوكارديون معلق عليه تلفزيون ممكن نتفرج عليه من الصالة ونقدر نوجهه لغرفة النوم أيضاً ومن غرفة النوم فيه باب الحمام وله باب ثاني يطلع على السيب الخارجي وفيه ساونا ، والغرفة نافذتها ضخمة جداً تقدري تشوفي المدينة بكاملها وتشوفي البرج الثاني من الفندق أمامك.
طلعنا أخذنا جولة في مبنى الفندق اتفرجنا على أماكن الملابس موجود فيه ماركات كثيرة غير صالة الألعاب الضخمة المغطاة داخل الفندق (روعة) ، جلسنا اتغدينا في (ماكدونالدز) وبعدها خرجنا من الفندق واتمشينا في شارع العرب (بوكيت بنتنج) واتجولنا بين الأسواق ورجعنا نمنا نومة خفيفة وقمنا في الليل طلعنا عالأسواق وأخذنا جولة ثانية ورجعنا الفندق ودخلنا السينما واتفرجنا على فيلم أجنبي (سعر تذكرة السينما للشخص 9 رينجت) وخلص الفيلم على الساعة 12 ونصف.
اليوم العاشر : قمنا الساعة 8 ونصف وفطرنا في الفندق واستعدينا لطلعة جنتنج ، أخذنا تاكسي واتفقنا معاه يودينا ويرجعنا بنفس اليوم (سعره 200 رينجت) وصلنا جنتنج على الساعة 11 ودخلنا ملاهي جنتنج ثيم بارك (Genting Theme Park) (سعر التذكرة للشخص 32 رينجت شاملة كل الألعاب) ، تشمل الملاهي قسمين : ملاهي داخلية وملاهي خارجية ، كان الجو مغيم جداً وأمطار وبرد والسحاب يمشي معانا (سبحان الله) بدأنا رحلة اللعب والمتعة وركبنا ألعاب كثيرة (القطار السريع – ومركبة الفضاء(مرة تافهه) – التنين – المراكب المائية – سيارات السباق (وقعنا على تأمين على حياتنا لو صارلنا شي مالهم دخل ايش رأيكم؟) – النملة – قطار الموت) هذي كلها الملاهي الخارجية وما اكتشفنا الملاهي الداخلية غير بعد ماتعبنا من كثر اللعب (خسارة) بعدها جلسنا اتغدينا ورجعنا على الساعة 6 مساءاً كان الطريق ممطر ومغيم والجو بارد جداً وضباب ورعد وبرق طول الوقت ، ما وصلنا الفندق غير بعد فترة طويلة ارتحنا شوي في الغرفة وبعدها رحنا اتفرجنا على فيلم أجنبي في السينما.
اليوم الحادي العشر (يوم العودة) : قمنا الصباح على الساعة 8 ونصف وفطرنا في مطعم الفندق وبعدها رحنا اشترينا الهدايا لأهلنا وأقاربنا من السوق ورجعنا على الساعة 2 ظهراً وجهزنا الشنط استعداداً لمغادرة ماليزيا وتوجهنا للمطار وكانت رحلتنا الساعة 5 عصراً بتوقيت ماليزيا ووصلنا جدة الساعة 9 مساءاً بتوقيت المملكة ..
كانت رحلة ممتعة جداً بالرغم من قصرها إلا إننا كفينا ووفينا في هذي الدولة وما خلينا شي ..
فيه أحلى من كذا رحلة عسل ؟؟؟ :de11
بنات أي سؤال حبيتوا تسألوه لايردكم شي يالغاليات ..
من عيوني راح أساعدكم .. :fkjuiyhag
ملاك111
04-25-2006, 04:51 AM
والله انك صادقه انا رحت لها لكن مشبعت منها الله يعين زوجي السنه يوديني يازينها من بلاد والله ماتملين منها والله تحسين فيها بقمت الرومنسيه ويا زوجك هناك تصير اشياء مع الزوجين مصارت ولاستوت
أم حموود
04-25-2006, 02:13 PM
ماشاءالله كفيتي ووفيتي يالغاليه
يسلمووووووووووو يا عسل
:)
أسيرة الغرام
04-25-2006, 10:49 PM
أناارحتهاا بالصيف والله انها خطيررة
اتمنى ارجع لها مرة ثانيه
ظبية الامارات
04-25-2006, 11:46 PM
يعطيج العافية على التقرير
أنا ما سرت ماليزيا ولا كنت أفكر أسيرها بس من كلامج عنها أبا أشوفها شوقتينا
بنت المــــــ2006ــــــري
04-25-2006, 11:57 PM
مشــــــــــــــــاء الله تبارك الله@@ الوصف بس يبهج الروح
الله يهينكم ويبارك لكم انشاءالله @@
سكون
04-29-2006, 07:14 AM
هلا فراشات .. تسلموووووو على الردود .. :fhgfreagi
ملاك111 أكيد والله ما ينشبع منها ونقدر نقول عليها (بلد الرومانسية) ..
أم حموود الله يسلمك حبيبتي ..
أسيرة الغرام كلنا نتمنى نرجع لها .. مشكورة :fhgfdhagi
ظبية الامارات الله يعافيك يالغالية .. أنصحك بزيارتها والله والله قمة في الطبيعة الساحرة ..
بنت المــــــ2006ــــــري تسلمي والله .. ويهنيك ويبارك فيك .. :frashagir
فنجال قهوهـ
04-30-2006, 07:07 AM
مشاء الله
الله يسعدك غاليتى وويوفقك ياارب
أشواق القلوب
04-30-2006, 10:09 AM
يعطيكي العاااااااافيه حبيبتي عن جد فيتي ووفيتي
وموضوووع مشوووق ويجنن بقراه حرف حرف
..:)..
rnood1
05-01-2006, 06:03 PM
أشكركككككككككككككككككككككك وأنا وزوجي " حبيب قلبي " مسافرين هالصيف ان شاء الله
هنادي7
05-05-2006, 02:07 AM
مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووورةبس ابي صور لها :de11 :de11 :de43r
(`•.¸butterfly ¸.•)
05-05-2006, 02:28 AM
تسلمين عنوني انشاء الله اذا تزوجت كتبت لكم شهر عسلي<<<يا عوبي
حبيبه عبودي
05-05-2006, 03:11 PM
من جد وناسه وصفك من جد ودي اروووح ماليزيا
وردة جده
05-06-2006, 10:01 AM
الله يهنيكم اختي ويسعدكم
بالنسبه لي ماعجبني بماليزيا غير جنتنج بارده وحلوه اما الباقي هي حلوه بس موووت حر ورطوبه واحنا مو ناقصين
مثلا لانكاوي قمة الرومانسيه لكن تضيع مع هذاك الحر والرطوبه
فراشة شفافة
05-06-2006, 03:24 PM
بصراحة ماليزيا بلد رووووووووووعة
وتحسها فعلا غير شكل[I]
مها الجزيرة
05-06-2006, 05:50 PM
ماشاء الله الله يهنيكم ....
وشوقتينااااا حق ذيك الايــــــــــام...
ام_مرام
05-15-2006, 09:53 PM
ما شاء الله
يعطيج العافيه
lady100
05-15-2006, 11:12 PM
مشكوووووووووووووووووووووووورة على التقرير ذكرتيني بماليزيا العجيبة
^إحساس^
05-16-2006, 04:16 PM
تقرير حلو الله يسعدك اكثر واكثر
نجمة الجنوب
05-16-2006, 08:42 PM
السلام عليكم ...
بنات أنا سافرت ماليزيا ومن جد حلوه واللي بتسافر هناك لا يطوفها (آي فاموسا) هذا منتجع تقدرون تأجرون فيه شاليه صغير ومعاه حمام سباحه مغطى صدقوووووووووني والله راح تستمتعون بالخصوصية وبعدين فيه أماكن وااااجد بعدين ان شاء الله أذكرها لكم بس احنا فااادنا أخ مصري مقيم في ماليزيا كان يرتب لنا الرحلات بسعر رخيص مرة يعني نفس أسعار الماليزين لأن عندهم أسعار للسواح مرة غالية وأذا تبون تروحون ماليزيا أنصحكم تتصلون بالشخص هذا وهو يرتب لكم كل شي أسمه/محمد الشرقاوي وتقدرون تطلعون معلومات عنه عن طريق النت.
ودمتم بسلام.....
ام_نهيان
05-16-2006, 10:25 PM
ماشالله كفيتي ووفيتي بس لو كان في صور بيكون احسن لان ماليزيا وايد حلوه
سكون
05-28-2006, 08:35 PM
فراشة حلوووووة ويسعدك يالغالية ..
سكون
05-28-2006, 08:46 PM
رتاج÷ الله يعافيك حبيبتي وحلو إنك تشوقتي .. :fhgfreagi
rnood العفو أختي وتروحوا وترجعوا بالسلامة إن شاء الله ..
هنادي7 العفو يالغالية .. وحطيت روابط للصور بس شكلك ما انتبهتي لها ..
(`•.¸butterfly ¸.•) الله يسلمك وننتظر منك رحلتك عن قريب إن شاء الله ..
حبيبه عبودي تسلمي والله .. وإن شاء الله تروحيلها .. :fhgfdhagi
وردة جده ويهنيك ويسعدك حبيبتي .. وكلامك 100% ..
فراشة شفافة مشكورة على المرور والرد وأكيد إنها روعة ..
مها الجزيرة الجميع يارب .. تسلمي على الرد ..
سكون
05-28-2006, 08:51 PM
ام_مرام الله يعافيك .. :fkjuiyhag
lady100 العفوووووووووووو .. دايم إن شاء الله نتذكر كل شيء حلو ..
^إحساس^ ويسعدك حبوبة ..
نجمة الجنوب وعليكم السلام والرحمة والإكرام .. مشكورة على الإضافة ..
ام_نهيان تسلمي على المرور وحطيت لكم روابط الصور في آخر الموضوع .. :fhgfreagi
anona717
06-17-2006, 09:42 AM
تقرير كثير ممتاز الله يعطيكي الصحة والعافية
بس المدة مررررررررررررررررررررررة قصيرة
ما صارت رحلة تمشية
وكانك رايحة مجبوووورة للرحلة وتمشي كل هذة الاماكن ...............
المرة الجاياة مرررررى لعندى وواوديكي المنطقة الشرقية لماليزيا احلى واحلى
كل المناطق الذى زرتيها اغلبها سياحية واسواق ...........
الله يعافيك anona717 .. أعرف إنها قصيرة بس الصراحة مرة انبسطت ولله الحمد (أحلى أيام عمري) وكملناها بسفرة لدولة النمسا كانت قبل مدة قصيرة جلست فيها 14 يوم وإن شاء الله أنزلكم موضوع شامل عنها قريباً ..
عالعموم تسلمي والله وإذا فكرنا نرجع لها يصير أعطيكي خبر .. الله يعطيك العافية ..
Maryanaa الله يسلمك ويعافيك يالغلا ..
moon ويهنيك ويسعدك أكثر وأكثر .. العفو حبيبتي .. وإن شاء الله راح آخذ بنصيحتك وأروح الأماكن اللي قلتي عليها ..
منتهى الامال
06-20-2006, 10:39 PM
الله يهنيكم ويبارك لكم
ان شاء الله
نعومه موت
06-21-2006, 03:54 PM
انا رحتها شهر عسل
واللله تجنن
مشكوره اختي كفيتي ووفيتي
اختك نعومه موت
نوسه 7070
06-23-2006, 05:31 AM
ماشاء الله رحله رااااااااائعه .... الله يهنيك حبيبتي سكون
وماليزيا بلد راااااائع الجمال
وننتظر رحلة النمسا بميزانيتها ..
Roselike
06-23-2006, 03:19 PM
مشـــــــــــاء اللـــــــــه رائــــــــــــعة جدا
الف الف شـــــــكر لك اختي
سكون
07-17-2006, 01:13 AM
منتهى الامال ويهنيك ويبارك في عمرك ..
نعومه موت العفو يالغالية .. أكيد شهر عسل فريد من نوعه .. :h45r4
نوسه 7070 ويهنيك .. أما رحلة النمسا إن شاء الله راح أنزلكم موضوع مستقل عنها بالتفاصيل والميزانية بس اصبروا عليها كمان شويه ..
Roselike العفوووووووو وتسلمي على المرور والرد الكريم ..
Algorba
07-17-2006, 04:36 AM
ماشاء الله.. قمنا بأجمل زيارة معكـ...
فوصفك رائع...
تسلمي عالموضوع الحلو...
سكون
08-25-2006, 01:36 AM
الله يسلمك حبيبتي .. والأروع هو مرورك .. :de43r
نويفه
08-25-2006, 01:51 AM
اييي والله مرررررررررره تجنن ماليزيا و انصح اللي تبي تسافر تررروح...
بنت الرس
09-04-2006, 07:31 PM
فعلا اسيا الحيقية
مشكووووووووورة
انا حبيبت زوجي
09-05-2006, 09:04 AM
والله ما شالله عليها في قمت الروعه كل الفنادق اللي ذكرتيها رحتلها انا كانت شهر عسل من سنتين
لمدة 22يوم
خطة الرحله :: كانت الرحله من مطار الملك فهد اللي بالدمام الساعه 7 المغرب لمطار الدوحه (( لنه رحلتنا عن طريق الخطوط القطريه )) طرنا من قطر الساعه11 مساءا وصلنا الساعه 8 الصبح مطار كوالالمبور ورحنا لفندق الخيول الذهبيه (( وكان في قمت الروعه ومن الفنادق الاكثر جمالن من ناحية الغرف والحمام اللي ودج تنامين فيه من جماله )) جلسنا يومين ورحنا بالطياره لجزيره بينج وسكنا في فندق موتيارا بيتش وكان روعها خاصتن الرحلات البحريه جلسنا فيها 7 ايام وكانت روعه وبعدها رحنا لجزيرة لنكاوي عن طريق الطياره وسكنه في فندق شيرتون بردانا وكان حلو ومضهره حيل كلاسيك
قعدنا فيها 3 ايام ورحنا عن طريق الطياره لكوالامبور وسكنه في فندق المارينا اللي على شارع البكت اي العرب وقعدنا فيها 7 ايام
بس ماليزيا روعه اتمنى انها ما تطوف عليكم سفره مثل هذي
تحياتي
!احلـى كتكـوتـه!
09-06-2006, 09:15 AM
مرحبااا
مشكوره اختي انا رحت لها وربيييييي روعه تقريبا ثلاث مرات
من جد حلوه بس والله ماني متذكره اي شي منها خخخخخخخخخخخ
الدلع جود والحلا موجود
09-07-2006, 02:11 AM
ما قصرتي يا عمري
والله يهنيك بزواجك ويسعدك دوم يارب
وأنتي بعد ياملاك 11 إنشاء الله زوجك بيوديك مره ثانيه وثالثه ورابعه بعد بس أصبري شوي لا تستعجلين العجله ما هي زينه
والله لا يغير عليكم إنشاء الله
كلمــــــــــــــات
09-07-2006, 12:19 PM
ماشاء الله عليك سكووووووووووووون كفيتي ووفيتي حياتي الله يوفقك
ويعطيك العافية يااااااااااارب وعقبال ما تسافرين سفريه ثانيه على بلد
ثاني وتكون أروع من هاذي السفريه بعد........
ملكه بلا مملكه
09-08-2006, 09:08 AM
الصور رهيبه يعطيك العافيه
*أمورة بس مو مغرورة*
09-08-2006, 10:44 AM
ماشاء الله عليكم الله يوفكم يارب ويهنيكم مع بعض
تسلمين
امواج الامارات
09-08-2006, 06:29 PM
اول شى مبررررروك على الزواج وبالرفاه والبنين موفقه................
ريم القصيم
09-09-2006, 06:20 AM
انا في شهر العسل رحت لماليزيا تقريبا بعدك ياسكون بشهرين يعني قبل خمس شهور وشفت اغلب
الاماكن اللي قلتي عنها..
ورحت لسن وي لاقون وسكنت بالفلل مو في الفندق الفلل احلى من الخيال انصح كل وحده تروح لماليزيا تروح لهذي الفلل
جوووووها رايق وماودك تطلعين منها وفيها مسبح بعد..
ورحت لانكاوي وسكنت بلانكاوي لاقون حلوووه وهي عباره عن اكواخ على البحر ..
وبعدين رحت لبننق وسكنا في بارك رويال لان موتيارا كان مغلق للصيانه..
وبعدين رجعت لكوالالمبور وسكنا بفندق مندرين حلوووو مره هو جنب البرجين التوام بالضبط وبجنبه مجمع تجاري كبير..
وبالتوووووووووووووفيق ياسكووووووووون..
وعقبااااااااااااااااال كل البنات يارب واللي ماراحوا ماليزيا ان شاء الله يرحون له قريب..
وعجلي علينا يا سكون برحلتك للنمسا لانه هي محطتنا وسفرتنا الجايه انا وزوجي باذن الله..
سكون
09-09-2006, 08:19 AM
نويفه مشكورة على المرور ..
عرسة حلوة العفوووووووووووووووو حبوبة ..
انا حبيبت زوجي منووورة .. ماشالله يعني طولتي بماليزيا أكثر مني .. (الله يهنيكم يارب) ..
!احلـى كتكـوتـه! مرحبتين .. العفو يالغالية ..
الدلع جود والحلا موجود الله يسلمك وانتي بعد ماقصرتي كفاية شرفتي الموضوع .. ويهنيك ويسعدك حبيبتي .. :fkjuiyhag
كلمــــــــــــــات هلا والله وغلا .. ويوفقك ياكل الحلا .. وتسلمي على الدعوة الحلوة .. الله يعطيك العافية .. :h45r4
ملكه بلا مملكه الله يعافــــــــيك يالغالية ..
*أمورة بس مو مغرورة* ويوفقك ويهنيك يا قمر .. الله يسلمك سعدت بوجودك .. :de43r
امواج الامارات الله يبارك فيك ولو إنها متأخرة .. :frxxagir .. الله يوفقك إن شالله ..
ريم القصيم حياك الله حبيبتي .. يعني عروسة مثلي :frafgagir .. الله يوفقك ويهنيك إن شالله .. وانتظريني حبيبتي سفرة النمسا شوي راح أتأخر في كتابتها لأن جميع الأوراق الخاصة بالسفر بجدة وأنا الآن مع زوجي بالشرقية .. يعني على بعد العيد إن شالله .. مو لشيء بس عشان أكتب السفرية واضحة مثل ماليزيا وأنزل لها صور خاصة كمان يعني تحتاج شوية وقت وما يصير خاطرك إلا كل خير ..
الله يعطيكم العافية يا أحلى فراشات ....... :fkjuiyhag
!!waiting
09-09-2006, 03:13 PM
هلا والله اختي سكوووون
ماليزيا رووووووووعه
بس احس انك مارحتي اماكن كثيره
احس سفرتكم كلها كانت بالفنادق
في اشياء كثيييييييييييييره حلوه مارحتوا لها
والله يوفقكم ويهنيكم
ومشكوووووووره على الجهد اللي سويتيه
!!waiting
09-09-2006, 03:15 PM
هلا والله اختي سكوووون :frashagir
ماليزيا رووووووووعه :de43r
بس احس انك مارحتي اماكن كثيره :frxxagir
احس سفرتكم كلها كانت بالفنادق :frxxagir
في اشياء كثيييييييييييييره حلوه مارحتوا لها :de43r
والله يوفقكم ويهنيكم :fragghagi
ومشكوووووووره على الجهد اللي سويتيه :de43r
شمس النهار****
09-10-2006, 02:40 PM
الله يهنيك ويسعدك
ويوفقك يارب
ريما الجنوب
09-10-2006, 05:28 PM
الله يهنيك يارب
وعقبالي يوم اتزوج اروح لها >>>>>>>>>>>>>>> اول شي انخطبي وبعدين تشرطي
رقية ام عيسي
09-11-2006, 08:09 AM
يعطيج العافية
سكون
09-11-2006, 01:44 PM
maroOoOoOoma هلا فيك والله .. صحيح ما رحت أماكن كثيرة لأن المدة كانت 12 يوم ويومين راحوا بالطيارة .. بس من جد انجاز إننا رحنا هالأماكن في أيام قليلة .. وبعدين أحلى شيء الفنادق في شهر العسل والا موووووووو .. :frxxagir .. ويوفقك ويهنيك يا الغالية والعفوووووووو كل هالجهد يهون في سبيل الفايدة للفراشات .. :h45r4
شمس النهار**** شرفتي الموضوع يا كل الغلا .. ويهنيك ويسعدك ويخليلك أولادك =========>> مبروووووووك على التوقيع الجديد .. :de43r
ريما الجنوب الله يرزقك بالزوج الصالح اللي يسعدك ويهنيك إن شالله وتلفي معاه كل هالكرة الأرضية .. :de11
رقية ام عيسي الله يعافيك يا قلبي ..
سكون
09-13-2006, 11:14 PM
يرفع للفائدة ..
ام مها**
09-13-2006, 11:31 PM
مشكوره على الشرح بالتفصيل والله يوفقج مع زوجج
ام مها
شعلوول
09-15-2006, 12:54 AM
الله يوفقك ويسعدك يارب
وصفك كان مره دقيق
حبيبة عصام
09-15-2006, 02:33 AM
رحلة موافقة والله يهنيك
Ranronah
09-17-2006, 11:54 AM
يعطيكي ألف عافية
ويارب أيامك كلها أفراح
الله يسعدك
amany1912
09-22-2006, 07:08 PM
ما شاء الله
سكون
10-03-2006, 01:30 PM
الله يعافيكم ويوفقكم ويسعدكم جميعاً يالغاليات ..
بنوتة مغربية
10-04-2006, 02:52 AM
مااااااااشاء الله والله سفركم رائع يالغالية شكون
اتمنى لك كل التوفيق ان شاء الله وذرية صالحه يارب للجميع
مشكوووووورة حبيبتي على الشرح الرائع واتمنى اروح لها ان شاء الله في المستقبل
كلام الحب
10-04-2006, 03:24 AM
مشكوووووووووووره اختي سكون على هالمجهود الاكثر من رائع ,,بس حبيت استفسر عن الفنادق الابعه نجوم هل في فرق كبير بينها وبين فنادق الخمس نجوم ,,
واذا ممكن الاخت وردة الجنوب تحط معلومات عن المصري المقيم في ماليزيا (محمد الشرقاوي) حتى يستفيد الكل منه وانا اولهم واذا تقدر ترسل لي رقمه على الخاص ,,, وما قصرتوا
ام_مرام
10-04-2006, 04:54 AM
يعطيج العااااااافيه
Om Shooq
10-04-2006, 12:47 PM
يسلمووحبيبتي على الموضوع ماليزيا جنان انا كنت ح روحلها بس حولت الوجه لامريكا
أم طيف
10-04-2006, 01:02 PM
سرد حلوووو .. الله يهنيكم دائما..
وردة السعوديه
10-05-2006, 02:55 AM
الله يهنيك سكون ذكرتيني برحلتي لماليزيا الي كانت مدتها شهر بس تصدقين اني ودي اروح لها خضره وبراد وكل شئ فيها حلو وراقي بس كلفتنا الرحله لانا طولنا بس فريناها فر واتمنى ازورها مره ثانيه.....
ريماس الصغيرة
10-09-2006, 07:35 AM
مشــــــــــــــــاء الله تبارك الله الله يهينكم ويبارك لكم انشاءالله وعقبال اروح فيها بشهر العسل ان شاء الله ادعولي
مونيه
10-11-2006, 08:42 AM
الله يهنيكم يارب والله حسرتيبنا من جد نزلت دموعي من شدة شوقي للروحة لماليزيا وماعندي امل اروح احسه مستحيييييييييييل
يارب يرزقنا ونرووووووح ادعيلنا
الأحلام الملونة
10-11-2006, 11:13 AM
و الله روعة الغالية ،، هيك بناخد معلومات ممتازة
و عقبال كل العرايس
اماراتيه وبس
10-31-2006, 04:50 AM
الله يهنيكم
انا وخطيبي خاطرنا نسير ماليزيا بس عندنا مشكله مانعرف نتكلم انجليزي ههههههه
يمكن تنلغي وروح دولعه ثانيه
لو وردة الجنوب تحط معلومات عن المصري المقيم في ماليزيا (محمد الشرقاوي)... تسوي خير ..
تسلمين
عذوبة الأحساس
10-31-2006, 05:45 PM
مرة رهيب موضوعك
تسلم ايديك ويعطيك العافيه
سكون
11-05-2006, 08:29 PM
يسلمووووو على المرور والرد يا أحلى فراشات .. :fkjuiyhag
Mshoar Emraah
11-05-2006, 11:00 PM
يسلموا يابعدهم كلهم
انا رايحه لها يوم الاحد
وراح ننزل في جزيرة لنج كاوي+ كوالالمبور
بس حناخذ درجه اولى لانها 9 ساعات ماهي سهله
متعبه مره بس والله نار تخيلي 8600 للفرد يعني انا وزوجي 17200 ريال سعودي
قهر خخخخخخخخخخخخخخخخخ
يسلموا عسوله والف مبروك ولو انها جت متاخره
.......
Mshoar Emraah
11-05-2006, 11:04 PM
يسلموا يابعدهم كلهم
انا رايحه لها يوم الاحد
وراح ننزل في جزيرة لنج كاوي+ كوالالمبور
بس حناخذ درجه اولى لانها 9 ساعات ماهي سهله
متعبه مره بس والله نار تخيلي 8600 للفرد يعني انا وزوجي 17200 ريال سعودي
قهر خخخخخخخخخخخخخخخخخ بس كله يهون في سبيل الراحه والسعاده
يسلموا عسوله والف مبروك ولو انها جت متاخره
.......
بنت جيرانكم
11-06-2006, 09:54 AM
يسلمووووو حبيبتي
على الشرح الرائع والموضوع الأروع
ألف مبروووك
الله يسعدكم دنيا واخره
وجميع المسلمين
:)
أختك:
(¯`•._.•( بنت جيرانكم )•._.•°¯)
.
^*^ســـــــالي^*^
11-06-2006, 05:15 PM
الوصف رووووووووعة ومشووووووووووق
مشكووووووووورة ياقمر
سكون
11-13-2006, 03:33 PM
مشوار إمرأه تروحي وترجعي بالسلامة إن شالله .. ولا تنسي تكتبيلنا عن رحلتك ..
بنت جيرانكم يسلموووو يالغالية على المرور .. ومشكورة على الدعوة الحلوة ..
ســـــــالي العفو يا كل الغلا .. إن شالله تزوريها قريب :)
miss_hamoody
11-13-2006, 08:18 PM
ماشاء الله تبارك الله ...الله يهنيك ويوفقك انتي وزوجك...صراحة عمري ما قد قريت وصف لرحلة بهالروعه....كأني اتفرج على فلم وثائقي سياحي ...عقبالنا يارب..والف شكر ...على هالوصف ....
miss_hamoody .. الله يسلمك يالغالية .. مرورك هو الأروع .. والله يرزقك باللي يسعدك ويهنيك حبيبتي :)
دانة الدنيا منورة يا مشرفتنا الغالية .. أشكر تشريفك الموضوع .. وإن شاء الله تستمتعي برحلتك القادمة يا كل الغلا .. :fkjuiyhag
الطفلة الحنونة
11-15-2006, 03:55 PM
من جد ماليزيا الواحد يتمنى يروحوها انا رحتها في الصيف كمان وان شاء الله اروحها بعد ماتزوج لازم راح اشرط عليه
احس ماليزيا تنفع للمتزوجين والأماكن اللي فيها تجنن يارب يجيلي نصيبي واسوي شهر العسل هناك
الله يوفقك ياختي
ريحانة
11-15-2006, 04:17 PM
يسلموووووووووووو يالغاليه
يعطيك العافيه
رند5
11-15-2006, 06:06 PM
مشــــــــــــــــاء الله تبارك الله@@ الوصف بس يبهج الروح
الله يهينكم ويبارك لكم انشاءالله @@
اسوار
11-16-2006, 10:11 AM
ماشاء اله عليج
شرح ووصف دقيق يخليج تعيشين الرحلة
والله يهنيج ويهني كل الفراشات ويجعل ايامكم كلها عسسسسسسسسسسل يارب
يالله
تصدقين خلاص ماعادني برايحه لها لاني حسيت اني زرتها من وصفج الدقيق
انا كنت محتاره هالصيف ماليزيا او استراليا بعد هالوصف ماليزيا بلا تفكير
بس بغيت اسألج برنامجكم هذا انتم مرتبينه ولا من حجزتوا مرتب جذيه
اقصد الرحلات اليوميه في كل جزيره
* الدلوعه *
05-15-2007, 10:12 AM
روووووووووووووووووووووووووووووعه
اطراقة فكر
05-15-2007, 05:19 PM
موضوع رائع
وزواج مبارك باذن الله
سكون
07-05-2008, 04:30 AM
تسلمو يالغاليات ..
ونرفعه لعيونكم ..
جنوبيه بجده
07-05-2008, 04:46 AM
يابنات الله يسر امرها اللي بترد علي ويفرج همها ودي اعرف كم سعر التذكره لشخص واحد من جده الى ماليزيا في شهر 8 بالهجري قبل رمضان تكفون ردو لي
اميرةعنيزة
07-05-2008, 06:38 AM
شوووووووووووووقتيني اكثر ماانا مشتاقه لشوفتها 00بس الله عطاني زوج مايحب السفر وخاصه سفريات برا000 الله يهنيكم ويتمم سعادتكم ياااااارب000
غريبة حالتي وياك
09-19-2008, 12:10 AM
رفع
musk
09-19-2008, 12:15 AM
ماشــــــــــــــــاء الله تبارك الله..............................
الله يهينكم ويبارك لكم ان شاءالله..........ز
فراشـــ خلودي ـــة
09-19-2008, 03:31 AM
ماشاءالله كفيتي ووفيتي يالغاليه
يسلموووووووووو
ɱĬŞŞ ĴŏŕĬ
09-19-2008, 09:45 AM
تسلمين يالغلاااااااااااا
رتاج_تاج
09-20-2008, 04:21 AM
يسلموووووووووو
أميرةألأحساس
09-20-2008, 05:39 AM
هلا
أميرةألأحساس
09-20-2008, 05:45 AM
انا رحة إلى مليزيا مره حلوه الييوت حلوه كل شي فيه حلو اخلاق مره انا الي يبغ يشوف الصور يضيف هاذ الاميل AMAR-(تم حذف الإيميل لأن عرضه مخالف لشروط المنتدى) هاذ الاميل و شكرا في صور
.:.3×قــريــبــاًَSOON.
ثانيه
أميرةألأحساس
09-20-2008, 05:46 AM
AMAR-(تم حذف الإيميل لأن عرضه مخالف لشروط المنتدى)
أميرةألأحساس
09-20-2008, 05:49 AM
ما شاء الله روووعه
أميرةألأحساس
09-20-2008, 05:51 AM
اهني شوف هاذ المنتداء انا ابغ دباب بطه جديد الي الجوال 0555550464:02:
أميرةألأحساس
09-20-2008, 06:02 AM
:095:انا ابغ دباب لي البيع بطه جديد وهاذ اميلي:095::094: AMAR-(تم حذف الإيميل لأن عرضه مخالف لشروط المنتدى) :094: :02:ورمضــاااان اللذي انزل فيه القران :02::222:رمضـــاااان كريــم
أميرةألأحساس
09-20-2008, 06:05 AM
:095:انا ابغ دباب لي البيع بطه جديد وهاذ اميلي:095::094: AMAR-(تم حذف الإيميل لأن عرضه مخالف لشروط المنتدى) :094: :02:ورمضــاااان اللذي انزل فيه القران :02::222:رمضـــاااان كريــم
أميرةألأحساس
09-20-2008, 06:11 AM
انا عمااار محمد القرشي
مرزوقة هايلكس
09-20-2008, 11:05 AM
ماشاء الله تبارك الله يتمم عليك
بس بيماانك ر حتي ودي اطلب طلب صغير
ابي ارقام السواقين اللي تعاملتي معاهم اذا كان متوفرة ارقامهم معك