بسم الله الرحن الرحيم
سلام عليكم يا فراشات بصراحه انا اول مره اكتب بل قسم ذا وابي المساعده
........
منكم
واتمنى من كل نبضات قلبي ان تساعدوني
المهم طولت عليكم
بصراحه يافراشات
انا ابي طريقه عجينه كويسه تظبط بكل شي
يعني مثل الفطاير والبيتزاء والخليه
انا اسوي عجينه اوكي
بس
اذا حطيتها بل فرن الكهربائ تتنفخ وتتفتح وتلع الحشوه الي داخلها بنات ابي
منكم طلب هو ابي طريقه عجينه تظبط بكل شي
والله ادعي لكم
استناكم
صفحه مسطره
08-27-2009, 04:09 AM
السلام عليكم
انا بعطيك العجينه واذا ما اعجبتك ادعي علي
كأس حليب بودره
كأسان ماء دافي
ملعقتان خميره
نص كأس زيت
فنجان سكر >وللبيتزا قللي السكر يعني نص فنجان
ملعقه صغيره مره ملح
ملعقه كبيره B,P
4 كأسات دقيق
وراح تحتاجين للطحين خليه جنبك وكل شوي زيدي لين تصير مثل القطنه
قسم بالله الكل يسألني عنها
جربيها وقولي لي
ودعواتك ياقلبي
جل وخل
08-27-2009, 04:20 AM
المقادير:
كأسان دقيق
2 ملعة كبار حليب بودرة
ملعقة كبيرة خميرة (علشان تنتفخ اما اذا تحبينها وسط الانتفاخ فحطي وسط)
ملعقة صغيرة ملح (حقت اللي نحرك الشاي فيها يعني رشتتين)
كوب ماء (قد يقل )
ثلاث ارباع (اذا تحبين العجينة سكرية) او نصف فنجان صغير سكر
بيالة شاي زيت (قد يقل وبعض الاحيان استخدم النصف)
الطريقة:
تحركين الجافة كلها (حلييب البودرة والسكر والخميرة وكوب واحد فقط من الدقيق )اماكوب الدقيق الاخر احتفظي فيه
ثم اضيفي كوب مائل وراح تحسينها مائلة للسيولة مثل حقت القيمات
ثم اضيف الكوب الدقيق اللي احتفظتي فيه واعجينها واضيفي الزيت شوي شوي حتى تصلين للعجينة المرغوبة ومش لازم زي ما قلت تستخدمين كل الزيت
ثم غطيها للتخمر وهي خيااااااااااااال مع الجبن والزعتر اما البيتزا فما ظبطت معاي
وتحمرينها من تحت على درجة 160 او 180 وفوق لكن اقعدي عندها لانهاتحمر من فوق وتحت بسررررررعة
وقدميها
ورب الكون ررررررراح تبيييييييض وجهك ورااح تنتفخ مرررررررة
دعواتك لي ادخل الجامعة قسم حاسب
وانا ناقلتها من وحدة في المنتدى هذا
ياربي أهديني
08-27-2009, 04:23 AM
مرحبا اختي انا بعطيك عجينتي وانشاء الله تضبط معك انا بصراحه اسوي فيها كل شي سنبون خليه بيتزا فطاير
المقادير:
3اكواب دقيق
3ملاعق ك حليب بودره
3ملاعق ك سكر
بيالة زيت
ملعقه ك خميره
ملعقه ص بيكنج بودر
ذرة ملح
اعجني المقادير مع بعضها وحطي عندك كاس ماء وحطي على العجينه شوي شوي وانتي تعجنين لما تشوفينها تماسكت وخليها تخمر ساعتين وكل ساعه اعجنيها
ارجو انك فهمتي لاني انا بالتعبير مو ذاك الزود
وتكفين ادعيلي ان ربي ييسر لي امري