اخواتي صاحبات الخبره وصاحبات الذوق الرفيع
اني اناااشدكم واطلب منكم ان تسااااعدون هتون
تراها محتااااسه وقلبها يعورها من الخوف
زوجي عازم ربعه بشاليه وطالب مني ان ابيض وجهه
طبعا عشاه خروووف
وهو كل يوم على واحد يسوي من البيت ويجيبه وياه
المشكله مو هنيه المشكله اني بحياتي ماطبخت ذبيحه وقلبي يرقع من الخوف شكلي بطيح بالقدر من كثر خوفي عسا ماصير مفطحهم يوم العشاء:074:
<<<وقررررو الشباب طبعا انهم يعطون جايزه افضل طبخ زوجه>>>
وانا متحمسه من قبل بس لما دريت ان فيه جوايز زاد خوفي ورعبي
تكفون ياخواتي طالبتكم لاتردوني وش تنصحوني فيه
عشاء زوجي يوم الجمعه ليله السبت
ولازم يكون كله شغل بيت مو لازم بس يفضل
وانا قررت اني اسوي كذا شغله
وابيكم تساعدوني ااذا ازيد او ااانقص لاني محتااااره
وابي مشورتكم
مفكره اسوي 1.ورق عنب _2.سلطه حاره _3.سلطه فاصوليا حمرا وذره _4.حلى جالكسي ـ5.حلى كريمه الكرمل_6.جريش_7.تشريب
والكبسه اسوي عيش ابيض واسوي كشنه بصل وزبيب وصنوبر واسلق مكرونا وبيض
واحطها كمنظر فوقه وش رايكم
؟؟؟؟؟
تكفوني شووروا علي
واذا احد تفضل ودخل الموضوع انتما من الله ثم منه يرفعلي الموضوع
واكون شاكره له
انسانه لا اكثر
08-31-2009, 11:15 PM
رائع جدا والاصناف اللي اختريتها حلوه
ومن رااي انا تضيفين التبوله لأن اغلب الشباب يحبونها
ومحشي كوسا أو مكرونه بالبشاميل
وان شاء الله تكون الجائزه من نصيبك
سحر الليالي
08-31-2009, 11:57 PM
ان شاء الله تكون الهديه من نصيبج
وفكرتي تكون الاطباق ورق عنب او محشي كوسا
وتبوله او فتوش
مكرونه بالبشاميل
هريس افضل من الجريش بس مادري ابو الشباب وش يحب
نوع رز
وحلى واحد مثل تشيز كيك او ترايفل بالفراوله او تيراميسو
ولا تنسي السمبوسة
فيها ذبيحه السموحه مالنا في التئيل :044:
لكن احاول اساعدك
بعد ماتسلقي اللحم طلعيه وجيبي من الدسم اللي على المرق
وضيفي له ملح وملون طعام اصفر او كركم وادهني فيه الذبيحه
ودخليها للفرن تاخذ لون
واما المكرونه اسلقيها بماجي
ثم كشني بصل وعلبه طماطم مقطعه مع علبه الصلصه
مع بهارات وفلفل حار ومن ثم ضيفي قطرتين من ماء الكادي
ثم اخلطي معهم المكرونه وقلبيها على النار لين تتسبك تمام وزيدي ملح لو احتجتي وكمان زيت زيتون
واما الحلى سويه بعلب افضل
وبالنسبه لورق العنب احس اغلب الرجال ما يحبونه
الجريش حلوو
مع صينيه بسبوسه لذيذه
مقاديرها ثلاث ارباع كوب سمن
مع كوب حليب مجفف+كوب سميد +نص كوب سكر +تفركيها بالسمن سمن مازولا او زبده ثلاث ارباع الكوب
وتضيفي علبتين قشطه وتخلطينها مع فانيلا
وتدهني الصينيه بالطحينه السائله
وتصبي نصف الكميه وتحشي البسبوسه ب2علبتين قشطه طازجه مو القشطه العلب وتصبي باقي الخليط
وتحطي شوي طحينه سائله على الوجه وتمسحي فيها الوجه
وتضيفي الفستق المجروش وتدخليها الفرن نص ساعه على نار منخفضه وشربيها الشيره
وتطلع لذيذه مرررره
السلطه الحاره
هذي السلطه لذيذهخ مع العيش الابيض
عباره عن بصل ابيض مفروووم ناعم بيدك تقطعينه
وطماطم مفروم بالسكين على يدك كمان
وفلفل حار مفروم على يدك كمان
ونعناع ورشه ملح وفلفل اسود وخل قليل مرره
وتطلع لذيذه مرره مع الرز
واهم شيئ اضبطي توقيتاتك ورتبي نفسك وكوني مرتاحه
والله يوفقك يارب
ام الساندريلا
09-01-2009, 01:07 AM
انا فاشله والله لكن للررررررررررررررفع لعيونك
momo 2008
09-01-2009, 02:51 AM
للرفع
яόђë ţђbк
09-01-2009, 02:55 AM
up
لعنونك
معاد بدري
09-01-2009, 02:59 AM
اممممممم والله مو ذاك الخبره
لكن للرفع اللي يرفع مقدارك دنيا واخره
:$
طموحي أكبرهمومي
09-01-2009, 03:27 AM
والله ما أدري ...:044:
وللرفع لعيونك ....:ق7:
shشيرينsh
09-01-2009, 09:20 PM
ان شاء الله ان الجائزه من نصيبك وانامن رايي انك تكوني في الشليه ترتبين السفره انتي علشان تبدعي بالسفره في ترتيبها ياليتني معك اساعدك
عاشقة السعودية
09-01-2009, 09:34 PM
السلام عليكم ورحمة الله
اختي انا من رأيي انك تسوين سمبوووووسة بعد وووو تشيز كيك احمر منظرة مرة حلو بالسفرة
امممم وتسوين منتو ووو صينية توست
سوي 3 انواع سلطة كفااااية
اهم شي ترتيبك بالسفرة حاااااولي تكوون بيضاء وجيبي مناديل احمر وسوي فيه حركات عندك بالمنتدى تلاقين صوور
الخبز حطيه بسلال وقصية على شكل مثلثات
الفاكهة رتبيها بشكل حلوووو بسلال
الحلا خليه بصواني حلوة وحاولي تحطين كذا لووون
امممممم
هذا اللي عندي
طمنينا وش صاار معك
تحياااتي
غلا روحي 2005
09-01-2009, 09:39 PM
ان شاء الله تكون الجائزة من نصيبك
ولاتنسي تصوري السفرة
" رونق"
09-01-2009, 10:51 PM
اهم شي الترتيييييييييييييييييب تراه يفتح النفس والنضافه وعلمي زوجك اشلون يرتب السفره ولاتنسي مناديل السفره
بالنسبه للحلا خليه بالصواني بدون تقطيع ويجيب زوجك طاوله يحط كلللللل الحلا عليها على جنب ومعاها الفواكه وعصير الفواكه يعني بعد مايتعشوا يقوموا يحلون بس نسقي مع زوجك عالترتيب...........
وموفقه لاتنسينا من الجايزه هههههههههههههه<<<<<<تحمست معاك ترا
**جودي**
09-02-2009, 12:41 AM
حلوو عساك ع القوة
حاولي تسوين الحلا قبلها بيوم والسلطات
عشان ما تنحاسين يوم العزيمة وما تضبطين شي
ولو عندك خوات خليهم يساعدونك خخخخخ
فراشة المجد
09-02-2009, 01:27 AM
عزيزتي الجريش مـــــاله داعي مادام فيه كبسة عشــــــاء لإن الرجــــــــال بيركزوا على المفطحــــــــات أكثر فأنت صلحي نوع حلأ ونوع مـــــالح والسلطـات طبعـــــاً
أمـــــا للعشـــــــاء الرئسي فعندك كذا طريقة طريقةوضع بصل في زيت حتى يشقر لونه ونضع علية اللحم وحبات الهيل والقرنفل حتى ينضج ونخرجه من القدر ونضع علية فلفل وبهار ويوضع في الفرن حتى يحمر ثم يوضع الرزطويل الحبة في مرقة اللحم المعدة من قبل تكون كمية الماء أقل من الرز حتى النضج ثم نضع نقطة مــــاء ورد ونقطة مــاء كادي ثم على جنب نضع الزبيب والصنوبر حتى تحمر في قليل من الزيت طبعاً ثم نضع عليها صبغة طعام أصفر ثم نضع قليل من الرز مع الصنوبر والزبيب للزينة وطبعاً بإمكانك أضافة المكرونة والبصل الحمر للزينة
هذه أفضل وألذ كبسةذقتها وعملتها وياليت تجربينها من قبل وأي خدمة أناَ حاضرة وبالتوفيق عزيزتي:0151:
رتاااااااج
09-02-2009, 01:35 AM
ان شاء الله الجائزه من نصيبك وتبيضي وجهك زوجك
طريقة الذبيحه تسلق بماء فقط ساعه وتشيلي الزوائد اللي تطلع على موية الذبيحه
وبعده تكشني بصل وطماط وفلفل رومي وشوي ثوم وبهارات
وتحطيها على الذبيحه وتحطي 5 لومي وهيل ودارسين عدله بدون طحن وملح
وانتبهي خليه تستوي زين لاتكون قاسيه ولا ذايبه من الطبخ
وبقدر ثاني كشني بصل فقط
وحطي عليه مويا حاره وحطي الملح بعدين الرز اذا الرز متنقع لا تكثرين الماء علشان مايندق واذا لا خليه وسط ليكون حب
انا ماعندي اخت للاسف
والله تحمست لك مره ويالتيني اختك
اساعدك ..
اقترح عليك انتي بنفسك ترتبين السفره وتزينين المغاسل بشيفونات ورد مجفف ..
سوي طاوله صغيره عليها فاكهه اطباق الحلى والعصاير ..
سوي سلطات ..
ورق عنب الرجال مايحبونه
سوي بداله محشي كوسا - بطاطس وفلفل رومي ..
ويارب
يارب
يارب
يارب
تكون لك الجائزه وبليز
صوري شغلك و وريناااااااااااااااااااا ضروري ..
وبالتوفيق
:)
نجدية بكل فخر
09-02-2009, 07:32 AM
الله يوفقك الاصناف حلوة
راح اعطيكي وصفة لكريم كرمل (كريمة )
سوي الكريمة عادي اللي هي حليب + كريمة علي حسب الصنية او القوالب OK
ابعديها عن النار وحطي عليها حبة بيضة + قشطة وحركيها بقوة عشان البيض مايتكتل
صبي نصف الكريمة في القوالب اوالصينية علي حسب الرغبة بالقوالب حلو وبرضوا الصينية حلو لما
تقطعينة جيبي كيك جاهز الي بالقصدير عرفتية ساري بالكاكاو فتتيه علي الكريمة بعدين جيبي فليك
حبتين علي حسب الكمية وفتتية برضوا على الكيك حطية بالثلاجة او الفريزل اسرع عشان يبرد
طبعن باقي نصف الكمية خلية يبرد لما تبردالكريمةاللي بالفريزل طلعيها و صبي عليها باقي الكريمة
ملاحظة:أذا حطيتيه بالفريزل لايطول عشان يعني عشر دقايق بس لين يتماسك عشان نصب الباقي عليها عقب حطيها في الثلاجة احسن شئ تسوينا بالليل عشان تتماسك
نسيت اقول حطي السكر تبعي الكرمل قبل ماتحطين الكريمة
ياليت تكوني فهمتي بصراحة مرة حلوة ولذيذة وشكلها مرة حلو
انشاء الله اسويها في اقرب يوم وانزلها
بسراحة انا شفتها في منتدي ثاني وصارت هي اللي اسويها في العزايم عندي
موكل يوم انا انوع في الحلا:د0:
الله يكون في العون
هتون1407
09-06-2009, 09:54 PM
مشكووورات ياخواتي الله يجزاكن بالخير جميييعاااا
اعذروني ماقدرت اصور لان مافهمتو قصدي انتم انا اسوي بالبيت وارسله مع زوجي الشاليه بس رجال
يعني ماكون موجوده
انا سويت الاصناف اللي ذكرتها ببدايه الموووضوع
وابشركم الاصناف كلها طلعت فضيعه كله من فضل الله
الحلويات سويتها يوم الخميس وعبيتها بالقصادير اللي تجي على شكل دواير حقت الكشتات والطلعات ووورق العنب بعد سويته الخميس وطبخته
اليوم الجمعه الظهر سويت السلطه الحاره وعبيتها بمطابق دواير شاريته من جمعيييه عندنا بالكويت
ورتبت ورق العنب بالصحون على شكل مربعات اللي تدش بالفرن ام غطاء حطيت بالبدايه ملفوف مقطع سخيف وخيار وليمون وفلفل رومي
وحطيت الورق العنب بشكل مرتب وقطعت سلطه العاديه بس بدون احط الذره والفاصوليا زالملح خليتها بالليل عشان ماتخرب
ولما ذليت المغرب ركبت الجريش وسويت الكشنه حقت الجريش اللي هي بصل محروق وسمن وقطعت بصل وطماط حق الخروف وسويت الكشنه حقت الذبيحه وسويت مكرونا مسلوقه وبيض مسلوق
واللحم دهنت من مرق الذبيحه مع كركم ودخلته الفرن لين طلع مشوي
بس طلع رووووعه والحمدلله
وابشركم سووووا تصويت افضل سفره وطبخ اللي هي انا مسويتها
الجريش والورق العنب حبووووه وعيبهم
بس ..... ماكو جايزه لانهم درسوا الموضوع بيزعلون الحريم لانهم بعد تكلفو بس كل وحده مجهووودها
بنات نسيت اقولكم انا خواتي بديره وانا بديره موعندي
انا بروحي سويت كل شي
بس خالتي ام زوجي وقفت وياي وانا اطبخ الذبيحه تعلمني عليها
والحمدلله كل شي جا تمام التمام
وبعد العزيمه رجولي ورمت من الوقاف وتعبت شوي بس الحمدللله صار اللي كنت ابيه
كل ربع زوجي قال بالاجمااااع افضل سفره زوجتك وهي اكثر وحده تعبت وتكلفت
وبيض الله وجهااا مثل مابيضت وجه زوجها والحمدلله
وبس
ليما1
09-06-2009, 11:59 PM
الله يوفقك والجا ئزه من نصيبك
حلومه2009
09-07-2009, 12:57 AM
ماشاء الله
the best9
09-07-2009, 04:12 AM
ماشاء الله
الله يعطيك العافيه
فاقده غالي0
09-07-2009, 04:35 AM
يسسسسسسسسسسسسسسلموو
بانا2009
09-12-2009, 03:42 AM
يعطييك العاافية
g000ry
09-15-2009, 07:50 AM
خليكي هادية والحلا سويه قبل بيوم وخليه بثاجة والسلطة قطعيها بدري ولاتحطي عليها خل وملح وليمون ش بعد سوي ورق عنب وجريش وسبوسة ومعجنات وسلطة ثلاث انواع عاديه وحارة وزبادي والله يوفقك يارب وتكون من نصيبك الجائزة