ارجوكم اللي يدخل موضوعي يرد الله يسعدكم دنيا واخره

[عاشقه روحها]

السلام عليكم
في البدايه انا احترت اي قسم احط الموضوع
انا بنت عمري 18 سنه
ونفسي اتوب احس اني اسوي معاصي كثير وبعيده عن ربي وصلاتي مو زينه يعني احيانا انسى فرض انام عن الصلاه احيانا اصلي بغير وقتها واحيانا من دون خشوع بس انا كان معي ضيقه صدر واكتئابورحت طبيب نفسي واعطاني ادويه واستمريت عليا وتحسنت حالي بس الكل يقول علاج الاكتئاب التقرب الى الله الخ
المهم اني ابغى اتوب وابي مساعدتكم يافراشات كيف اتوب بالتدريج يعني شوي شوي
نفسي ادخل الجنه ونفسي انام وانا مرتاحه نفسي احس بالسعاده
تكفون ساعدوني وش اسوي
بانتظار ردودكم

[عاشقه روحها]

افاااااااااااا
ليش مافي ردود واللله خيبتم ظني

[××أميرة الذوق××]

السلام عليكم ..

بما اننا في الشهر الفضيل استغلي وقتك بقراءة القرآآن والأعمال الصالحه ..

وأهم شي الدعاااء بأن الله يهديك و يثبتك على طاعته..

واذا كنت بتعملي معصيه تذكري عظمة من تعصين


وأتمنى اكون افدتك وان شاء الله الأخوات بيفيدونك ماراح يقصرووون ..

[أم سوون]

الله يهديك ويتوب عليك في هذا الشهر الفضيل أولا صلي الصلوات في وقتها وألزمي الإستغفار وقومي الليل فوالله انه سبب في الراحة النفسيه والطمأنينه وعليك بالدعاء وقراءة القرآن
وفقك الله لما يحب ويرضى

[نسمة حنين]

وعليكم السلام ورحمة الله وبركاته
حيااااااااااااااااااااك الله اختي التائبه
يكفي كلمات الصادقه ياغاليه
الله يهدينا واياك حبي ويثبتنا على الحق
حاول ياغاليه قبل كل شيء انك تحافظي على صلاتك
ابد لا تفوتي ولا فرض واذا فات عليك الوقت صليه اول ماتتذكري او تصحي
اكثري من الدعاء والتضرع إلى الله ان يرقك الخشوع ولذة المناجاه
فالدعاء سلاح
اكثري من الاستغفار ياغاليه
خصصي لك ورد يومي من القران حتى بعد رمضان
وربي يثبتنا واياك وييسر امورك ويشرح صدرك ويفرج همك

وطمنينا عليك

[rozy11]

هلا بك اختي
اعترافك انك مقصره هذا اول التوبه اختي
عليك بالاستغفار كل ماجرك الشيطان للمعصيه استغفري ربك وبإذن الله راح تنصرفين عنها وبالنسبه للصلوات حاولي تحطين المنبه واذا فاتتك صلاة لاتتركينها وتقولين راح وقتها ترى ربك يشوفك وربك غفور رحيم حاولي تقرين على الأقل على الأقل صفحتين باليوم من القرآن لاتفوتين عليك يوم من دون ذكر الله اختي ترى اليوم اللي يروح من عمرك ابد مايرجع
الله يهديك ويهديني ويهدي كل مسلمه ياااااااارب

[جوري طيبة]

حبيبة قلبي

الله يهديك ويثبتك

يالغلا بما انك حسيتي بالغلط فهذا بداية الطريق الصحيح

حبيبتي ربنا رحيم كريم أرحم بنا من انفسنا

فكري مع نفسك الله كم أعطاك من النعم ؟؟

أعطاك عقل وغيرك مجانين

أعطاك سمع وكثير ناس ماتسمع

أعطاك بصر وكثير عميان مايشوفون

أعطاك الجمال والصحة والاهل والالراحة ووووو

وبعدين يستحق منك انك تعصيه بهالنعم

ربي يقدر ياخذها منك أي لحظة


محد منا يضمن منا عمره ممكن يموت اليوم وممكن قبل مانخرج من المنتدى نموت

ايش ننتظر علشان نتوب؟

اذا جانا الموت ماراح نقدر نسوي شي وبنتمنى وقتها لو ساعة نعبد الله فيها

أول خطوة يالغالية انك تبعدين عن المعاصي اذا كنت تتابعين افلام ومسلسلات وهي اللي تاخرك عن الصلاة احذفي القنوات وبكذا راح تتخلصين منها

اذا النت هواللي يسهرك ويشغلك حطي وقت محدد له مثلا من الساعة كذا الى الساعة كذا

واذا انتهى الوقت قومي مباشرة عن النت


الخطوة الثانية الصحبة اهم شي والصاحب ساحب مثل مايقولون

صدقيني الصحبة عامل مهم للثبآآت

سجلي بتحفيظ وبإذن الله بتلقين كل خير

ادعي ربك بكل وقت ان ربي يهديك ويثبتك ويغفر لك

حاولي تصلين الليل لو ركعة وحدة بس

ومو شرط اخر الليل بعد ماتصلين العشا بنفس مكانك صلي اللي تقدرين عليه وكل مازدتي الاجر يزيد


وبكذا حتى لو صلتي بس ركعة وحدة بتنكتبين مع اللي قاموا الليل في هذا اليوم

منتي خسرآنة شي ابدي بركعة ومع الوقت زيدي

احرصي عالاعمال البسيطة اللي اجرها مضآآعف مثلا اذكآآر الصبآآح والمسآآء

ذكر الله في كل وقت

الاستغفار وبتشوفين الراحة والتيسير باذن الوآآحد الاحد



وباذن الله ماراح ننساك من الدعآآء

وأي مسآآعدة أنا بالخدمة حبيبتي


أختك

جوري

[نقــآء الوجــدان]

وعليكمـ السلامـ ورحمه الله وبركاته ..


هلا بك يالغلا ,,


من القلـــــــب اهنيك على ندمك و عودتك ..

غاليتي :.

والله ثم و الله انه ما يشرح صدر الإنسان ويحببه في العبادة و الصلاة

مثل سماع القرآن ..



عندك هذا الموقع فيه قراءات لعدة قراء خليه عندك بالمفضلة

استمعي للقراءة و تبعي مع الشيخ في المصحف


http://alqaree.com/Al-Otaibi.htm (http://alqaree.com/Al-Otaibi.htm)



\


ثانيا الصلاة صلي كأنك اول مرة تصلين تدبري كل كلمة تقولينها ..

حسي بالركوع وفي سجودك ادعي الله كثير كثير ..


خلي ذكر الله داااااااااائم على لسانك لا اله الا الله لا اله الا الله

هالكلمة رااااااااائعة ..


\


انظري لهذا الحديث

قال رسول الله صلى الله عليه وسلم "لله أشد فرحا بتوبة عبده حين يتوب إليه من أحدكم كان على راحلته بأرض
فلاة فانفلتت منه وعليها طعامه وشرابه فأيس منها فأتى شجرة فاضطجع في ظلها قد أيس من راحلته فبينا هو
كذلك إذا هو بها قائمة عنده فأخذ بخطامها ثم قال من شدة الفرح اللهم أنت عبدي وأنا ربك أخطأ من شدة الفرح" رواه مسلم.


يا الله ما احلم الله و اعظمة


\


دعواتي لك و لنا بالهداية ,,

أسعدك المولى

\

[شجون الرووح]

يابعد عمري
الحمدالله ان الله هداكي
وانا بعد ياعمري احس اني مقصره وابي ارجع لربي
صحيح اني محافظه على الصلاه والاذكار والاستغغفار
بس عندي بعض الذنوووب وانا تبت الى ربي وابي ابتعد عن كل شي ابي اااااااالجنه
يارب يرزقني واياكم الجنه
ابي الصحبه الصالحه الي تعيني وتساعدني اني مارجع لشي من المعاصي
لان سبب الذنوب الي اسويها الوحده والفراغ
الله يعينا على فعل الخيرات والتقرب من الله
اتمنى كون اصدقاء ونساعد بعض على التوبه النصوحه

[أميره بنظرتي**]

لما تصلين بوقت الصلاه وتخشعين فيها

وبعد الدعاء بالسجود ان الله يثبتك على دينك

وقراءه االاذكار بالصباح والمساء

سوي هاذي وصدقيني بتحسين براحه