آهات روح
09-26-2009, 08:00 AM
:0108:السلام عليكم ورحمة الله وبركاته:0108:
اعذروني عالعنوان بس والله مو جاي في بالي غيره
المهم ادخل في موضوعي بدون مقدمات
:
:
اليوم وانا اتصفح اليوتيوب قلت ليش ماادور على شي يخليني اقرب لله
وافرفر وادور الين جت عيني على عنوان مقطع
الليله التى بكى فيها الرسول طوال الليل وبكت عائشه وبكى الصحابه والتابعين , ولكن قلوبنا غليظه لم تذق حلاوة البكاء لرب العالمين
ودخلت والله المقطع جدا رائع يتكلم عن التفكر واقشعر جسمي وانا اسمعه وقلت بحطه لاخواتي
في موقع الفراشه بس كله صور رجال عشان كذا ترددت "ياليت اللي تعرف المقطع بس صوت تنزله لعله ينفع غيري مثل مانفعني"
قلت ليش انا مااتفكر وصرت ادور واحوس بالنت ابي اعرف وش يعني التفكر وكيف يكون
طبعا انا من الله عليه بالهدايه احمده واشكره على كل شيء
دعواتي لي ولكم ولجميع المسلمين بالثبات.. وشوي لقيت موضوع عن التفكر في اسماء الله
يوم جيت أقرء حسيت نفسي جاهله ببعض اللي قرأته قلت خليني اول شي اعرف معاني اسماء الله عشان افهم كل كلمه اقرئها رحت دورت ولقيت موضوع معاني اسماء الله الحسنى
عرفت معنى الله ومشيت وبعده
الرحمن الرحيم: الرحمن الرحيم إسمان مشتقان من الرحمة ، والرحمة فى الأصل رقة فى القلب تستلزم التفضل والإحسان وهذا جائز فى حق العباد ، ولكنه محال فى حق الله سبحانه وتعالى،
قلت ياربي الحين وش المقصود بالتفضل والاحسان وهل انا عندي تفضل واحسان
وافرفر وادور وطاحت عيني على موضوع قلت يوه وش ذا كلام طويل
وقلت لا بقرئه لوجه الله وهنا بدئت الحوسه العظمى احس في كلام اعرفه وكلام جديد عليا
قلت ياربيه ليش احنا كذا جاهلين بأمور كثيره بالدين
انا اول شي حبيت اشارككم موقفي ذا وفي نفس الوقت ابغى النصيحه منكم اخواتي
والله مالي الا الله ثم انتم ودي اقرب من ربي ودي احس ان ربي راضي عني ودي تكون توبتي نصوح مو مثل كل مره اتوب وارجع و اتوب وارجع
..بكل الم اقول ان ربي ابتلى اسرتنا بمصيبه وياليتها ماكانت مصيبه في الدين ايه والله في الدين وفي شي اعظم من مصائب الدين .. اقسم بالله اني تجيني الغصه اذا شفت الناس يروحون للمساجد
واسمع فلانه حافظه القران وفلان يصلي وفلانه وفلان اقول يابختهم ربي ان شاء الله راضي عنهم
ياليتني مثلهم واحسن منهم كمان..اصعب شي في بيتنا انك تكون قريب من ربك لان كل شي في بيتنا يخليك تحبين الدنيا والعياذ بالله
يااارب سألتك الهدايه لي ولوالدي ولأخواني ولجميع المسلمين...
اكيد في ناس مثلي مرو بزي كذا مواقف
اجل ايش اللي يخلي الواحد يفهم الاسلام خطأ
واحيانا يشكك فيه واحيانا يتطرف الا لانه مالقى من يمسك بيده
ويدله على الطريق الصحيح
موضوعي ذا ماابغى منه الكثير
اول شي اتمنى ما تنقلونه لقسم ثاني لانه والله انا مو قصدي اشكي ولا شي
انا قصدي منه اني ابغى اخواتي اللي اعلم مني في امور الدين يقولولي وانا في اول الطريق للتوبه..
وش اسوي ومن وين ابدأ.. ومن مين اتعلم..
ادري ان اغلبكم بيقول مالك الا القران والسنه
لاكن حتى القران والسنه يبغالها فهم وتفسير
الحمد لله انا محافظه على صلاتي وصيامي..بس ابغى اعرف اكثر واخاف اني اتعلم اشياء غلط او اقع في البدع والضلالات لان دايما يصيرلي مثل موقفي ذا
مثل مره قرات موضوع وشفت كلمه وعجبتني وبعد فتره وبالصدفه عرفت انها بدعه
اتمنى انكم ماتخذلوني واعتبروني مثل طالب العلم ماله الا الله ثم انتم
:
:
اعذروني عالاطاله
اعذروني عالعنوان بس والله مو جاي في بالي غيره
المهم ادخل في موضوعي بدون مقدمات
:
:
اليوم وانا اتصفح اليوتيوب قلت ليش ماادور على شي يخليني اقرب لله
وافرفر وادور الين جت عيني على عنوان مقطع
الليله التى بكى فيها الرسول طوال الليل وبكت عائشه وبكى الصحابه والتابعين , ولكن قلوبنا غليظه لم تذق حلاوة البكاء لرب العالمين
ودخلت والله المقطع جدا رائع يتكلم عن التفكر واقشعر جسمي وانا اسمعه وقلت بحطه لاخواتي
في موقع الفراشه بس كله صور رجال عشان كذا ترددت "ياليت اللي تعرف المقطع بس صوت تنزله لعله ينفع غيري مثل مانفعني"
قلت ليش انا مااتفكر وصرت ادور واحوس بالنت ابي اعرف وش يعني التفكر وكيف يكون
طبعا انا من الله عليه بالهدايه احمده واشكره على كل شيء
دعواتي لي ولكم ولجميع المسلمين بالثبات.. وشوي لقيت موضوع عن التفكر في اسماء الله
يوم جيت أقرء حسيت نفسي جاهله ببعض اللي قرأته قلت خليني اول شي اعرف معاني اسماء الله عشان افهم كل كلمه اقرئها رحت دورت ولقيت موضوع معاني اسماء الله الحسنى
عرفت معنى الله ومشيت وبعده
الرحمن الرحيم: الرحمن الرحيم إسمان مشتقان من الرحمة ، والرحمة فى الأصل رقة فى القلب تستلزم التفضل والإحسان وهذا جائز فى حق العباد ، ولكنه محال فى حق الله سبحانه وتعالى،
قلت ياربي الحين وش المقصود بالتفضل والاحسان وهل انا عندي تفضل واحسان
وافرفر وادور وطاحت عيني على موضوع قلت يوه وش ذا كلام طويل
وقلت لا بقرئه لوجه الله وهنا بدئت الحوسه العظمى احس في كلام اعرفه وكلام جديد عليا
قلت ياربيه ليش احنا كذا جاهلين بأمور كثيره بالدين
انا اول شي حبيت اشارككم موقفي ذا وفي نفس الوقت ابغى النصيحه منكم اخواتي
والله مالي الا الله ثم انتم ودي اقرب من ربي ودي احس ان ربي راضي عني ودي تكون توبتي نصوح مو مثل كل مره اتوب وارجع و اتوب وارجع
..بكل الم اقول ان ربي ابتلى اسرتنا بمصيبه وياليتها ماكانت مصيبه في الدين ايه والله في الدين وفي شي اعظم من مصائب الدين .. اقسم بالله اني تجيني الغصه اذا شفت الناس يروحون للمساجد
واسمع فلانه حافظه القران وفلان يصلي وفلانه وفلان اقول يابختهم ربي ان شاء الله راضي عنهم
ياليتني مثلهم واحسن منهم كمان..اصعب شي في بيتنا انك تكون قريب من ربك لان كل شي في بيتنا يخليك تحبين الدنيا والعياذ بالله
يااارب سألتك الهدايه لي ولوالدي ولأخواني ولجميع المسلمين...
اكيد في ناس مثلي مرو بزي كذا مواقف
اجل ايش اللي يخلي الواحد يفهم الاسلام خطأ
واحيانا يشكك فيه واحيانا يتطرف الا لانه مالقى من يمسك بيده
ويدله على الطريق الصحيح
موضوعي ذا ماابغى منه الكثير
اول شي اتمنى ما تنقلونه لقسم ثاني لانه والله انا مو قصدي اشكي ولا شي
انا قصدي منه اني ابغى اخواتي اللي اعلم مني في امور الدين يقولولي وانا في اول الطريق للتوبه..
وش اسوي ومن وين ابدأ.. ومن مين اتعلم..
ادري ان اغلبكم بيقول مالك الا القران والسنه
لاكن حتى القران والسنه يبغالها فهم وتفسير
الحمد لله انا محافظه على صلاتي وصيامي..بس ابغى اعرف اكثر واخاف اني اتعلم اشياء غلط او اقع في البدع والضلالات لان دايما يصيرلي مثل موقفي ذا
مثل مره قرات موضوع وشفت كلمه وعجبتني وبعد فتره وبالصدفه عرفت انها بدعه
اتمنى انكم ماتخذلوني واعتبروني مثل طالب العلم ماله الا الله ثم انتم
:
:
اعذروني عالاطاله