ارجوا التفاعل مع الموضوع والي عندها موضوع اخر تطرحه لاحقاً
agrazy gril
10-09-2009, 04:23 AM
بصراحة غلاء الاسعار بقى مشكلة كل الدول و بال1ات الدول المتفدمة صناعيا انا شفت برنامج على التلفزيون استضفوا فيه مذيع امريكى كان مشهور جدا و كان مرتبه فى السنة 250 الف دولار فى السنة دلوقتى بقى طبيب بيطرى و مرتبه مش بيكيفه مصر على طول فى اذمة اقتصادية و الغريبة ان يقولوا مصر هى من البلدان القيلية التى لم تتاثر بالاذمة الاقتصادية مش عرفة بيضحكوا على مين انا حاسة ان مصر كلها كام سنة و تبقى تحت خط الفقر ربنا يلطف بينا
زهرة اوركيديا
10-09-2009, 01:17 PM
agrazy gril كلالامك صحيح 100% والله يستر من القادم مو بس مصر
وصلت في السعوديه دولة النفط ان السعوديات من الفئه الفقيره تخدم في البيوت تخييييلو وصلنا لهذي الدرجه ..
بنااات عايزين تفاااعل تعالي قولي راايك ,,
دودي انا
10-09-2009, 02:08 PM
ربنا يستر علينا بس يا agrazy gril
مصر في غلاء من 7000 سنة ولسة ارضها بتجيب خير
بس حقيقي فييها غلاء يعني رجال الاعمال لما بيعملو حاجه
زي العقارات والاغذية وكل ده بيحطو السعر ع اساس الطبقة الراقية مش حتي المتوسطة
والدول الخليج برضه نااااااااااااااار الاسعار غالية جدا خصوصا العقار
يعني لو شقة لوضة وصاله بتاخد نص المرتب
ربنا يستر ع الايام الجاية
ام فوشكا
10-10-2009, 02:28 AM
لا اعتقد أننا دولة فقيرة
فقط نحن دولة للأسف منهوبه
نحن يا جماعه فوق ال80 مليوووووووووووووون
رقم مخيف
ولا زال الخير فيك يا بلادى رغم كل النهب والسلب
دودي انا
10-10-2009, 02:44 AM
صح يا ام فوشكا مصر لسة بخير
ع الاقل لما بتمشي في الشارع الناس بتضحك في وشك
الحمدلله ربنا يستر ع الايام الجاية
طيب تعالو نتكلم عن الحياة بعد 20 سنة متخيلنها ازاي ان شاءلله يعني
زهرة اوركيديا
10-10-2009, 03:51 AM
يااااااااه يا دودي عمري مافكرت كيف بتكون حياتي بعد 20 سنه او كيف شكلي راح يكون ان ربنا عطاني عمر
تتوقعين راح يكون فيه منتدى فراشه بعد 20 سنه : )
missamira
10-10-2009, 02:42 PM
فعلا مصر كلها خير رغم الفقر والسرقة والنهب من قبل الناس اللى فيها
ربنا يستر علينا انا بجد مش متخيلة نفسى بعد عشرين سنة ياترى هشوف ده وياترى مين يعيش بقا
دودي انا
10-10-2009, 02:45 PM
ههههههههههههههههه يا زهرة ان شاءلله يكون فيه والتكنولوجيا اتطورت عن كدا
زهرة اوركيديا
10-10-2009, 09:07 PM
يلله عايزين موضوع جديد ,, اقترحوا علينا : )
دودي انا
10-10-2009, 09:23 PM
اممممممممممممم
ايه رائيكم في جواز النت؟؟؟؟؟؟؟؟؟؟؟؟؟؟
verona
10-10-2009, 09:51 PM
هههههههههههههههههههههههه .
هيا الناس عارفة تتجوزعادي ؟, بصراحة مش واثقة فيه .
انما لو مفيش خيار غيره يبقى ماشي بس من غير تجاوزات و ضحك على البنات زي ما بنشوف .
يعني اعرف صديقة واحد اتقدملها عن طريق النت وقالها انه مهندس بترول و من بجاحته كلم مامتها !!!!!!!
و استلف منها فلوس وبعدين بالصدفة عرفت انه كداب و حتى معهوش شهادة وكمان متجوز وبيلعب على النت .......
بصراحة موضوع الجواز على النت مثير للجدل بس و الله اللى هقوله ده اللى انا سمعته و اللى حصل لجيران اصحابى و حدة صحبتى جارها اتجوز من على الطريق النت و الشخص ده ملتزم جدا و سنى و كان بيعمل للى اتجوزها اختبارات من على النت عشان كان عايز وحدة ملتزمة و حفظة القران الكريم و صحبتى بتحكى انه عمالها اختبارات صعبة و مكنش ينفع تغش فيها عشان كان مايك و فى الاخر لما اتاكد منها اتجوزها و حضرت الحنة و صحبتى دى برضو قالت ان فى جار ليها تانى اتجوز من على طريق النت ووحدة صحبة ماما صحبتها اتجوزت من على طريق النت برضه
بصراحة الانترنت عموما بيتوقف على حسب استخدام الشخص سواء كان خير او شر و تقبلوا مرورى
دودي انا
10-11-2009, 03:47 AM
ماشي يا زهرة بس مش هسيبك برضه
اجرزي ربنا يوفقهم يارب
انا بقي تعليقي هيكون في الاخر ان شاءلله
زهرة اوركيديا
10-11-2009, 05:42 PM
ممكن يصير جواز من النت بس بنسبه بسيطه حتى لو صار صدقيني راح تترتب عليه مصاعب ومشاكل
مثل عدم الثقه من الطرفين ,, بس انا من الغير موئيدين للجواز عن طريق النت ,
لانه لا يخلو من الكذب والخداع وتخلو المصداقيه مهما كانت نسبة الصدق فيها ,,
هذا رايي وننتظر رايك ياقمر يادودي ,, : )
دودي انا
10-11-2009, 08:56 PM
مشكورة زهرة ع ردك
اعتقد ان النت زي النادي او جواز الصالونات
بس لو في صراحه ومصداقية
ممكن تعرفي حد في النادي ويطلع كذاب
ممكن يتقدم واحد ويطلع كذاب
العصر تطور دلوقتي
زي الخاطبة زمان كانت تيجي وتوصف وتحكي ع العريس
ويا يطلع كويس يا وحش
طيب لو قلتلك ان في تجربة ناجحة من النت هتقولي ايييييييييييييييييييه
زهرة اوركيديا
10-12-2009, 12:38 PM
دوووودي ليكون انتي متجوزه عن طريق النت :087:
قوليلنا تجربتك :0149:
دودي انا
10-12-2009, 03:54 PM
هههههههههههههههههههههههه
ايوة يا زهرة الحمدلله ربنا تمم ليا بكل الخير الحمدلله
زهرة اوركيديا
10-13-2009, 07:55 AM
سبحان الله النصيب : )
ربنا يوفقك ,, كذا غيرتي نظرتي السلبيه من جواز النت من كلامك وكلام الاخوات
ام فوشكا
10-13-2009, 09:53 AM
مازلت لا أوافق على كده
لا استطيع تخيل ابنتى او ابنى يجلس على النت للبحث عن زوج أو زوجة
أعتقد أنها فقط حالات فردية ونااااااااادرة جدا
verona
10-13-2009, 10:32 AM
ياااااااااااااااااه , مش ممكن يا دودي , ماشاء الله لاقوة إلا بالله .
ربنا يهدي سرك ويتملك على خير يا حبيبتي :)
تصدقي بأة أنا كدة ممكن اتبع طريقتك بس مش ليا , خالي الصغير ابتدى يكبر ومش لاقينله بنت الحلال خالص ,,
انا كنت خايفة من موضوع صحبتي دة لكن الظاهر انتي حتشجعيني .....
ميرسي يا حبيبتي
دودي انا
10-13-2009, 12:39 PM
ام فوشكا مع احترامي لرأيك انا مش اعدت ع النت ودورت عليه ولا هو اعد ودرو عليا
ده نصيب ولا حتي كنا بندور ع عرسان مجرد تعارف وبعد كدا لما لاقاني انسانة جادة الحمدلله كلم بابا ع طول
زهرة الاوركيد مشكورة جزاك الله كل خير
فيرون انا مش عارفه والله الحكاية كلها مكنتش في الحسبان
verona
10-23-2009, 12:21 AM
السلام عليكم هوا اية خلاص خلص الموضوع على كدة ولا اية :(
ماليش دعوة انا اختارو حاجة تانية نتكلم فيها بدل ما اختارلكو انا ويبقى ذنبكم على جنبكم يا حلوين :)
dododoa
10-23-2009, 01:13 AM
تقبلووووووو مني اضافه رد
الجواز اسمه ونصيب من النت او غير
لكن انا احب ان المراه تعرف الرجل على الطبيعه
واتمنى منكم قراءه موضوعي كيف تتعاملين مع الرجل (الحياه الزوجيه)
نصائح مهمة جدا جدا و عجبتني أوي وبالذات النصيحة دي .............
11-لا تقصري في حق نفسك حتى لا يتعود على ذلك ويعتقد انه امر طبيعي او حق مكتسب له
لان تلت اربع الزوجات المصريات للاسف بتيجي على نفسها عالطول لحساب البيت و الاولاد والزوج نفسه فبيكون أمر مسلم بيه خلاص من المسلمات واية الجديد في كدة ؟؟؟؟:(
زهرة اوركيديا
10-23-2009, 07:03 PM
السلام عليكم هوا اية خلاص خلص الموضوع على كدة ولا اية :(
ماليش دعوة انا اختارو حاجة تانية نتكلم فيها بدل ما اختارلكو انا ويبقى ذنبكم على جنبكم يا حلوين :)
وعليكم السلام فيرون ازيك يا امر : )
لا لسه النقاش مفتوح بس عايزين موضوع حلوو وجذاب :0134:
يلله اختاري موضوع شيق واحنا جاهزين ناخد وندي مع بعض :0149:
رحوبه الحبوبه
10-24-2009, 02:23 AM
انا شايفه انه التعارف على النت زي التعارف في النادي او الكلية او زواج الصالونات كله واحد
يعني هو مجرد طريقه للتعارف فقط
وطبعا ماحدش قال تدخلي تدوري على النت على عريس لأطبعا ..
لكن اغلب الجوازات اللي حصلت من النت بتكون في الاساس كان تعارف بطريقة الصدفه وتطورت العلاقه واتجوزوا
واغلبهم مبسوطيييييييييييين جداااا
وشفت حالات كتييييييييييييييييير جدا وكلهم ماشاء الله مبسوطين جداااا
وربنا يباركلك يادودو واوعي تهتمي لاي حد يقول كلام مايعجبكيش المهم انكم مبسوطين مع بعض
وربنا يوفقك
رحوبه الحبوبه
10-24-2009, 02:25 AM
ياليت لو تسمحولي اطرح موضوع بيضايقني جداااا
موضة تطويل الشعر اللي طالع فيها الولاد والشباب اليومين دول
بجد حاجه تقرف وشكلهم يقرف ويغم النفس والله احيانا بشوف مناظر بحس اني هرجع من المنظر المقرف
اللي عاملينه في شعرهم
مشكورة كتير يا رحوبة الحمدلله انا اسعد زوجة في العالم بفضل الله علينا
بصي بقي يا ستي
انا بشوف حاجات اتغقر الله يعني الولد يبقي شعره اكرت استغفر الله
مش عارفه كاويه ولا مسشوره المهم يعني فارده وتلاقي واقف كدا زي سلك الاريل
مش عارفه وكمان حكايت البنطلونات الساقطة دي
يعني هما دول امل مصر مثلا ولا دول ولاد تدخل الجبش
ربنا يرحمنا برحمته يارب
verona
10-24-2009, 01:29 PM
ههههههههههههههههههههههههههههههه
عسل يا رحوبة والله عسللللل
وربنا يهنيكي يا دودي ويسعدك يارب ...
بالنسبة للموضوع بتاع شكل الشباب للاسف ابن خالتي منهم و كان شكله زي القنفذ أستغفر الله العظيم .
ولما تسألي ليه بتعمل كدة متلاقيش أي إجابه مقنعة ,,,تغيير ,,, نيولوك , هبل وخلاص
حتى موضوع البنطلونات الساقطة دي تقليد وخلاص , طب عارفة انها أول ما ظهرت أصلا كان اللي بيعملوها الناس الشواذ برة استغفر الله العظيم عشان يعلنوا عن نفسهم و خدناها وبنقلدها من غير أي تفكير و منظر وحش اوي و أهو تقليد من غير تفكير .
طب اللي العن من كدة في افتتاح المحلات بيعدوا يشغلوا أغاني عربي وأجنبي عارفة مرة كنت في مصر وماشية سمعت اغنية اجنبية قذرررة في كلماتها منتى القذارة لو اترجمت عربي والله مباحث الآداب تمسكهم و الناس عمالة ترقص ومبسوطة مش عارفة على اية ؟
مهو يا إما انتو مش فاهمين حاجة ودة الأغلب و بتقلدوا وخلاص ودي مصيبة ..
والله معاكم الف حق البنطلون شكله مقزز موت وهو نازل في وسط الولد
وفي مشكله اكبر وهي الاغاني الشعبيه التي تتكلم عن اشياء ؟؟؟؟
سمعت ابنتي تغنيها وانهرت عليها وصرخت
دودي انا
10-25-2009, 03:09 PM
هههههههههههههههه
والله يا دودو انا بضحك لما بشوف بنت خالي اللي عندها 3 سنيين بتغني
معلش اللي بيشد الاطفال اللحن مش الكلمات طبعا
dododoa
10-25-2009, 03:47 PM
وكل حاجه بيتكلموا فيها والبنت مجنونه بالمكرو جيب
واصحابي مجنين بتغير العربيات والخروج والنادي
وانا مش بحب الخروج ولا السواقه لفترات طويله
اعصااااااااااااااااااااااااااااااااااااااابي
verona
10-26-2009, 10:30 AM
ما شاء الله لا قوة الا بالله ربنا يبارك لكم يا رب و يزيدكم :) و يخليلك بنتك
احمدي ربنا لانك لو في جتى تانية مش حتقدري تسوقي أصلا
حقولك على تجربة ناجحة معايا جدا الحمد لله , انا كنت بحب اسمع أغاني كتييير أوي و كذلك اخواتي و بنات خالتي و بعدين جاتلي فترة اتخنقت أوي من كل الأغاني وبقيت من وقت للتاني أجيب إذاعة القرآن الكريم
و بعدين الموضوع تطور بقيت مبغيرشي اذاعة القرآن الكريم خااااالص بفضل ربنا
و حاطة الكاسيت في المطبخ طول وانا في المطبخ قرآن أو برامج دينية
عارفة فوايد الموضوع دة اية ؟؟
أولا ولادك حيتعودا على سماع القرآن و يبقى سهل على قلوبهم وودانهم و أسهل للحفظ لان فعلا الاولاد في السن دة بتبقى ملكة الحفظ عندهم عاااالية جدا
طب سمعتي عن اللي كانت بتقرا سورة الكهف وهيا حامل عالطول فابنا ما شاء الله 3 سنين وبيكر سورة الكهف بمنتهى السهوله لانه كان بيسمعها وهو جنين
خلونا نسهل على اولادنا وعلى الاقل في البيت نسمعهم قرآان يمكن يطلعوا من حفظه كتابه و يدعولنا دعاء صالح
على فكرة الجميل في الموضوع ان انا كمان بأة حفظ القرآن عليا سهل الحمد لله لدرجة اني ساعات وانا بحفظ الاقي نفسي بقول الآية وانا مش عارفة حفظتها ازاي :)
جربي و قوليلي وباذن الله حتدعيلي يا دودو
dododoa
10-26-2009, 01:04 PM
شكرا شكرا شكرا يا قمر
:069:والله نصيحه غاليه من ناس غاليه:069:
:079:
verona
10-26-2009, 08:45 PM
تسلميلي يا أحلى دودو :)
طيب حسألكم أنا المرة دي سؤال مهم جدا
أية أكتر حاجة نفسكم تغيروها في مجتمعنا ؟؟؟ ومجتمعنا قصدي بيه عادة اجتماعية مش بتحبوها ونفسكم تتغير ؟؟؟؟
وعلى النقيض أكتر عاده اجتماعية عندنا احنا المصريين وبتحبوها ونفسكم تكبر وتستمر ؟؟؟
دودي انا
10-27-2009, 03:28 PM
اللي نفسي تستمر هي الزيارات وصلة الرحم والمودة بين الناس
لان بحس اننا بجد كلنا متشابكيين مع بعض
اللي عايزاها تختفي الناس اللي بترمي مخلفاتها وهي سايقة عربيتهم في الشارع
verona
10-27-2009, 04:27 PM
عندك حق يا دودي والله
نفسي نبطل نرمي أي حاجة في الشارع أصلا ..
عن نفسي بحب اوي الشهامة والجدعنه ولو انها زي ما بيقولوا قلت كتيير عن زمان لكن انا شايفاها لسة موجودة بكثرة والحمد لله في مجتمعنا
الحاجة اللي نفسي اصحى الصبح الاقينا كلنا مبطلينها هيا الغيبة بصراحة . لانها في كل القعدات و كل الجلسات وللاسف كلنا بنقع فيها غصب عننا و ربنا يعفو يا رب .