بنوته وحلوه
10-16-2009, 03:27 PM
ان هالقصه قريتها بمنتدى ثاني فحبيتكم تشاركوني فيها واذا اعجبتكم راح اكمل البارتات
(الجود كانت تتمشى في قرية التراث ويا دانا تطالع القرية وهي منصدمة انه قرية التراث وايد ايونها ناس ..والمشكلة انه في يويلة وايد وما كانت مهتمة تسير المكان اللي ايولون فيه وكانوا يتمشون بعيد عن هالمكان .. وتنصدم عيونها فعيون شخص تعرفه واحمر ويهها ..شخص من زمان تتمنى تكون وياه ..وعلى طول هالشخص من شافها ترك كل شي وسار صوبها ...وهي سوت عمرها ما تشوفه )
............: السلام عليكم
الجود: عليكم السلام ..
............: ممكن اكلمج لو دقيقة؟
الجود: مامن بيننا كلام !!
............: لا!! في ومن حقي بعد!!
الجود: مب من حقك تبرر شي ..لانه طاف دهر !!
.............: ومعقولة هالدهر بالنسبة لج تنسينه وتكملين حياتج؟.
الجود: كل شي يصير فهالدنيا ..دامنك .....(وسكتت)
............: مزاجية ومغرورة يالجود لكن مشكورة ...
الجود: كل هذا فية؟ معقولة؟ يزاك الله خير !!(وروحت دانا بهدوء محد حس فيها ..كانوا ثنيناتهم يتطاير من عينه الشرار ...)
............: يعلني من هذا وأزيد !!
الجود: لا!!لاتقول جذيه !!
(وحن قلبها عليه ..وسحبها من ايدها وساروا يلسوا في مطعم كان زمان ..يلسوا يطالعون بعض وردت بهم الايام سنتين على ورا ...وهني تبدا القصة...))
*** الجود بنت دلوعة ومغرورة واهلها مخلينها تسوي اللي تباه ومن النوع الفري لاتلبس عباة ولا شيلة .. ابوها سالم وامها ندى ..تعتبرها امها اللي ربتها واتحبها اكثر عن نفسها.. لانه روضة واللي هي امها الصدجية فرتها من اول اسبوع ما يابتها واتطلقت من ابوها واتزوجت حد ثاني وعندها لخو اسمه راشد يدرس فامريكا ويا ولد عمه ..وعلاقتها وياهلها وااايد زينة ..ودرجاتها دومز مرتفعة بس الزين ما يكمل .. وبتعرفون ليش ..
(الجود وسلامة وفاطمة ربع من يوم هم صغار .. الجود عمرها 17 سنة بنت شخصيتها قوية الا طاغية احلى مافيها شعرها اللي لينتحت ركبتها ويلفت كان شعرها اسود وفيه هايلات اشقر عيون عسليات ووساع جمالها عادي وطبيعي..وسلامة وفاطمة 18 سنة .. وساكنين في دبي ..وبعدهم يدرسون ..عندهم ثانوية عامة ....كلهم فيهم جمال بس كل وحدة متميزة بجمالها .. دق الجرس من ربع ساعة ..ولازم الجود تي متأخرة على الصف ..دشت..)
المس: يامرحبا وسهلا !!ليش ياية حضرتج؟ جان تميتي برع؟ كملي المزافن!!
الجود وبدلع: مرحبا بالشيوخ !!هو الصراحة؟ كنت بكمل بس نصحوني اني ما افوت حصتج الحلوة ياحلوة !!
المس: جاب !!اوقفي فآخر الصف وعيني خير!!
الجود: ليش مس؟انا وابد احبج !!ليش ما تدانيني؟ (ويتضحكون عليها البنات)
المس: بتسيرين توقفين ورا ولا تروحين عند الاخصائية؟
الجود: ويييييييه!!الاخصائيات بعدهن ما اختفوا من الدنيا؟
المس: لا!! يتيريون اشارة منج (وتدزها عسب توقف ورا) يالله!! (ووقفت ورا والمعلمة تشرح ماكملت 5 دقايق)
الجود: مس؟ ابلة!!
المس: عندج سؤال عن الشرح؟
الجود: هيه عندي ..ابلة؟ مس .. مب صح عضلات الجسم تحتاج للراحة بعد جهد؟
المس: صح!! وخصوصا اذا كان الشخص مصاب ويحتاج للراحة والعلاج الطبيعي ..بس لازم يداوم عليه !!
الجود: انزين ابلة مس ..انا بذلت وايد جهد وجسمي يحتاج للراحة ..والله!! والله!! والله انتي اللي قلتي انا ما قلت شي !!
(ويتضحكون البنات اللي في الصف على ذكاء الجود وبلاهة المس)
المس: اوووص!!اسكتوا !!بتمين واقفة يالجوووود!!
الجود: ابلة؟ انا الجود بس ما فية مد وايد ..بعدين بيختر اسمي !!
المس: عله بالخراب !!انتي ما بتفوتين الحصة على خير ؟ سيري زوري الاخصائية احسن لج ..يالله !!
(وروحت وسارت صوب صف سلامة وفاطمة وتشوفهم من الدريشة ..وتسويلهم باي باي بعدين تدق الباب على صفهم)
الجود: ابلة مس؟
المس: ايوا؟
الجود: الاخصائية تبا سلامة وفاطمة الحينة !! الحينه!!
المس معصبة: إيه ده !! هو على حصتي كل مرة !! ده تسّيب !! عاوزة منكم ايه؟ عاملين ايه؟
سلامة: والله ماعملناشي حاجة ..دولت عوزين يخططوا لرحلة لصفنا!!(ويصارخون البنات وتصفق الجود)
الجود: عاشوا !! بنسير رحلة ووين؟ سيتي سنتر ولا المطار؟
فاطمة: ابن بطوطة !!
سلامة: السوق الصيني !!
(ويصفقن البنات ..وخلتهم يستأذنون ويطلعون وهن يضحكن)
الجود: هاهاهاهاي صدقوا الجذبة !!
فاطمة: هيه والله !!انتي شو طلعج من الصف؟
سلامة: اكيد طاردينها !!
الجود وتنفض كندورتها : حشا علية !!
فاطمة تضحك: والحشا عن الف يمين!!
الجود: هذوه صف ريووس !!تعالوا بنطفر ابلتهم !!
سلامة: بندق الباب!! جودوه دقي!!
الجود : زين !! (وتدق الباب بالقو ويرفعن كندورتهم شوي عسب مايطيحن ويربعن بعيد وهن يضحكن ..وسارن يلسن فوق عند الدري مخبأهم السري عالسطح)
سلامة: هالجامة؟ سويتي حق الحب مالج؟
الجود: لا !!ماسويت اليوم بيلس وياه عالماسنجر ..
فاطمة: كلميه وسوي اللي تبينه بس اقولج لا اطرشين صورتج دخيل الله!!
الجود: ليش انا مينونة؟ بس والله متخبلة عليه!!
سلامة : مول مافيه جمال وانتي!! انتي الجمال كله !!
الجود: احبه !! احبه !! ويقول انه بيرمس اهلية !!
فاطمة تشهق: مينونة !! شدراه برقم اهلج؟
الجود: انا عطيته !!
سلامة: خبلة !!خبلة !!
الجود: هو رمس اهله ..وانا موافقة !!
سلامة: واتخيلي يقص عليج؟ ويمكن الصورة هب صورته ..تراهم شباب ويسوونها !!
الجود: حبيبتي !!انتي شو تقولين انا شفته ومتأكدة !!
فاطمة: نحن نبا نتأكد اذا رايدنج!!
الجود: تبوين اطلع وياه؟
فاطمة: ابد اهبي!!
سلامة: عندي الحل !!خليه يفج الكام عسب نتأكد وفنفس الوقت يكلمج في التيلفون !!
الجود: يصير خير ..
فاطمة: انا الصراحة هالريال هب داش مخي ولا خاطري !!احس انه جذاب واكبر جذاب بعد!!
الجود: لاتقولين جذيه عنه!!
فاطمة: عيل كيف بيخطبج وهو يحبج وما شافج ها.؟؟
الجود: مب لازم !!لا وجبيلته معروفة ..وابوه شيخ ..وعندهم خير !! يعني بيسترني وخلاص ..
سلامة: انتي تبين حد يسترج .؟ ولا يفضحج؟
الجود: بس عاد !!انتوا كلكم علية !! قوموا نروح الصف ..وبسير عند الاخصائية ..
سلامة: بنوديج يالله يا دامة !!
فاطمة: يالله يا سامة !! قومي ياجامة!!(ووصلوا عند الاخصائية)
(الجود = جامة - فاطمة = دامة - سلامة = سامة)
الاخصائية: ماشاء الله !!ماشاء الله انا اقول الاخت الجود اليومما مرت علية !!
الجود بدلع: افا!! لازم اسلم عليج يا حلوة!!
الاخصائية: مب من الله !!مصلحة!! خير؟ بشريني؟ اتمنى يوم واحد ما يشتكون منج !!
فاطمة: الله لا اييب هاليوم !!
سلامة: ليش؟
الجود: لاني بكون غايبة هههههههه..
الاخصائية: لاوالله؟ وين يالسين نحن في السنتر؟ شو تبون؟
الجود: هم يايين يوصلوني ..بس انا يايتنج ابا اخذ علومج واخبارج ..
الاخصائية: ماشاء الله جيه؟ هم تكسي وانامادري ؟ يالله عالصف !!(وطلعن ثلاثتهن) الجود ردي!!
الجود: انتي قلتي يالله عالصف!!
الاخصائية: يلسي !!(ويلست) لين متى؟لين متى مطفرة الصفوف !!جابلي دروسج!!
الجود: انا اجابل دروسي ياحلوة في البيت !!انا شاطرة !!
الاخصائية: شوفي ان ما تعدلتي برمستج شو الحلوة؟ اتكلمي عدل!!
الجود: خلاص يالاخصائية الحلوة!!شو اسوي يوم لساني ينقط عسل!!(واصلا الجود كانت زايغة وفجأة جان تضحك الاخصائية)
الاخصائية: غربل الله منكرج !!والله انج تضحكين !!سيري !! سيري الصف!!
الجود فخاطرها:الحمدلله والشكر... الله يعطيج العقل
(وروحت الصف ..وعالعصر ..طرشت مسج للحب عسب يدخل الماسنجر)
الجـــــــــــــــــــــزء 2
اشغل قلبي شرا خط الغرام: توة الناس؟ مابغيت؟
يا وصفة الحب يادكتوري وطبي..:سوري حبيبتي كنت مشغول ..شحالج فديتج؟
اشغل قلبي شرا خط الغرام: انا بخير ربي يعافيك ..تولهت عليك وايد وايد
يا وصفة الحب يادكتوري وطبي..:انا اكثر اكثر اكثر ..تحبيني؟
اشغل قلبي شرا خط الغرام: اموت فيك ياسعود ..احبك ..احبك ..
يا وصفة الحب يادكتوري وطبي..:انا بعد احبج ..انزين طلبتج قولي تم؟
اشغل قلبي شرا خط الغرام: تم!! امر عيوني لك!!
يا وصفة الحب يادكتوري وطبي..:ابا اشوف صورتج ..متوله عليج ..الكلام ممنو نتكلم في التيلفون ..نشوف بعض ترفضين على الاقل راويني صورتج ..شوي وشليها عشان خاطري ..
اشغل قلبي شرا خط الغرام: انا موافقة بس على شرط ..اول شي تفج الكام ابا اشوفك متولهه على صورتك ..
يا وصفة الحب يادكتوري وطبي..:والله لوعندي جان راويتج مايغلى عليج ..ليش اخشها عنج؟ انتي راويني الحين صورتج وانا باجر ان شاء الله بشتري الكام وبراويج صورتي..
(وحزتها حست في شي غلط فكلامه ..ليش ينغزها قلبها منه ..واليوم الثاني في المدرسة في الطابور عندهم تفتيش..)
مس فوقية: وليك الجود؟ ليه مو لابسة سروال؟ ولييك!! وطرة عالجنبين؟بتبين رجلك!!
الجود: مس!!هذي الموضة !!ما احب البس سروال انا مب بدوية ..
مس فوقية: يبعتلك حمى!! روحي عند الاخصائية ..وبعد ماجبتي الشيلة؟
الجود: مس!! اهلي عادي عندهم اووووف!! خلوني على راحتي!!
مس فوقية: ليك!!ليك!!ليك!! راح تشوفي احلى راحة في البيت !! روحي!!
الجود: ان شاء الله
(وروحت صوب الاخصائية ..ومن وصلت عند الباب تبا تلعوز الاخصائية .. فجت شعرها ودشت)
الاخصائية:يالله بصباح خير!! يالله بصباح خير!!
الجود: وين بييج الخير؟ ها؟ دامنهم هالمدرسات يطرشوني كل مرة عندج..شوفي!!شوفي!!تبطل حتى شعري!!
الاخصائية حليلها على نياتها معاناتها دوم ويا الجود:ماشاء الله!!لفيه عن الحسد!!
الجود:وين الفه؟ تبطلت ربطة شعري وقالت لي المس البس سروال!!وين اييبه عندج؟
الاخصائية: انف!!شو هالكلام؟ جود؟ وين سار المذهب؟ انا كم من مرة اقولج لازم تلبسين سروال طاعي!!طاعي !!طاعي كيف ريلج ظاهرة من الطرة !!! عيييييييييييب!! وبعد ماشي شيلة؟لاحول ولاقوة الا بالله !!يودي هذي الربطة!!
الجود: هذي حال الدنيا !! وعععععععععععع اخاف مال وحدة فيها قمل!!يعععععععع!!
الاخصائية بيأس: سيري!!سيري الصف وارحمينا من مصايبج !!
(وروحت الصف وهي ميتة من الضحك ..ومن وصلت الصف لازم تبدا بلاويها ..وطلعت من شنطتها قفص صغير حجمه على كف اليد وداخله............وداخله .........اقول؟ ولا ما اقول؟؟....... بقول خلاص بتاكلوني!! داخله ضــــب ..عاطنها اخو سلامة الصغير كان زاخنه هو وابوه في البر وعطاها على امل انها تلاده في المستقبل القريب وطلعته من القفص بدون ماتلمسه وهي مشمئزة.. وخلته عالارض واونها منتبهه على المس ..والبنات يطالعون الضب واللي منهم يبا يضحك والوحدة منهم لازقة فربيعتها من الزياغ ...اول ماوصل عند طاولة المس ..شلته البنية من ذيله بدون خوف ..وكانت االمس صادة الجهة الثانية)
مس جميلة: جهينة؟ قومي حلي المسألة!! (وهالمس محد يواطنها بعيشة الله يكرهونها كره كل البنات)
جهينة: انا مس!! مس ما اعرف!!
(والبنية زايغة لانه الضب فإيدها)
مس جميلة: قومي حلي لو غلط !!ولا بنقصج درجتين!!
(وقامت المسكينه ..واول ما خذت القلم تبا تكتب ما تقدر.. لانها ماسكة الضب ..وشافت المس صادة ويالسة تكتب على دفتر الملاحظات وخلته على الكرسي مال المس وكملت شغلها والبنات يضحكن والمس تحس شي يحبي على ظهرها ...وتقوم شرا المينونة من كرسيها وتزاعج وتدور على عمرها والبنات يضحكن بصوت عالي ..)
مس جميلة: آآآي!! شوها!! وااابووويييي!!! الحقوا علية!! شو ها؟؟؟ (ونفضت قميصها لين طاح) بسم الله الرحمن الرحيم!! عجوه عني!! اعععععععععععععع!! شو ها؟ طيطار؟؟
وحدة من البنات: لا ابلة !! هذا طيطار كبير!!
جهينة:هذا ضب!! ماتشوفون كيف ويهه وذيله؟
مس جميلة وهي معصبة: ضب؟ منو يايب ضب في الصف؟ بسم الله!! انطقوا!! منو؟ ما بتقولون منو؟
(وتربع برع تنادري الاخصائية والمشرفة ووصلوا الصف والاخصائية لمحت الجود فاخر الصف)
الاخصائية: لاااااا؟ عرفت منو !! قومي بكرامتج احسن لج!!!
الجود قامت : دوم ظالميني لاحول!! مب انا والله العظيم !!
المرفة عايشة: ياجاااني!!(الفراشة) تعالي شلي الضب !!اسميه عود !! اعنبوا دارج من وين يبتيه؟
مس جميلة معصبة: لاوالله!! عيل منو؟
الجود: ايدي اللي يابته ..وبعد هالضب يتيم ماعنده اهل !!
(ويضحكون البنات ويمرن فاطمة وسلامة صوب صف الجود)
جهينة قامت: مس!! انا حطيته عالكرسي لاني ما قدرت اكتب ..انا اسفة انا الغلطانة!!
الاخصائية: اتفضلي ياجهينة والجود على مكتبي الحينة!!
(الاخصائية والمشرفة سبقوهم ..وهم في الطريج)
الجود: ليش دافعتي عني؟
جهينة: لاني!! بصراحة!! بصراحة !!
الجود: اكيد في شي غيرها؟
جهينة محمر ويهها: معجبة فيج!!(الجود احمر ويهها من الاحراج)
الجود: عن المصخرة!!
جهينة: صدق والله!!
الجود: غريبة!! خلصنا من سالفة العنود والحينه انتي؟كيف انعجبتي فية بالله عليج؟
جهينة: الصراحة العنود ماتنلام فيج يوم حفرت اسمج على ايدها !!
الجود معصبة: بموووس!!! بموس شفتيه؟
جهينة: اكيييد..وانتي حلوة ..لا لا الا حلوة وايد بعد!! وشطانتج الاحلى ..يعني تسوين الشي ومب خايفة من العواقب..
الجود تضحك: لا والله احيانا اخاف..
جهينة: ترضين تكونين ربيعتي ..وفي البريك باجر نتمشى ويا بعض؟
الجود: عسب يعرفون البنات انج المعجبة رقم 2 فية.؟
جهينة: مب لازم !!ومب شرط ..الصراحة انا وايد احبج!!
الجود: تسلمين ..بس الصراحة ..انا ما اؤمن بشي اسمه حب بين بنت وبنت!!
جهينة: يعني ما تبين تكونين ربيعتي؟
الجود: ما اقدر اقولج لا!!ربيعتج بس في حدود!!
(ودشوا عالاخصائية وعطتهم انذار وخبرت اهلهم وفي البريك جامة كانت ويا دامة وسامة)
سلامة: ها يا جامة؟ شو هالمرة؟ شو مسوية؟
الجود ببراءة: الصراحة ..شي سخيف ما ينقال!!
فاطمة: قولي !!قولي!! ماعليج!!
الجود: يبت ضب للصف بس!!
سلامة: وعععععععععععععع بس!! بس!! لاتكملين!!لايكون من اخويه عمير؟
فاطمة: كملي وبعدين؟
الجود:جهينة سارت....(وتقاطعها سلامة)
سلامة: جهينة اللي شعرها بوي وتصرفاتها غير ريال؟
الجود: يس!! سارت وشلت الضب والمس نادتها عسب تحل المسألة وحطت الضب على الكرسي ...طاعي الملعون ما حلاله ينخش الا فقميص المس!! (ويضحكون) وهي تصارخ وتدور على عمرها ..وااااااي!!!! واااااي!! عجوه عني!! عجووه!! ونحن نصيح من الضحك
فاطمة عينها دمعت: غربلج الله ياجامة!!!
الجود: وبعد ماعاقبونا اعترفت جهينة انها معجبة فية وتحبني..(ويشهقن اثنيناتهن)
سلامة: مينونة هذي؟
فاطمة: ماتدري عن سالفة عنودوه؟
الجود : تدري !!وتعرف كل شي !!فديتني انا جميلة كل حد يحبني!!
سلامة: مووول اممممممرة!! شوي شوي عن ينكسر خشمج الشيوخي!!
الجود: بسم الله عليه!! الله يحفظه من الحسد ..ياولد العرب والجبايل !!بسبتك استوت الحرب عليه ووصل الدم لين الركب!!
فاطمة: ونحنا خشومنا مال عيال البشاكير والدريولية؟(ويضحكن) شوها؟( ويشوفون صورة واحد)
الجود: هذا الشاعر اللي عازمينه !!اكيد احين يقصد وحالته لله !!(وهي تبطل شعرها اللي دوم تفتخر به)
سلامة: سعيد الدرعي ..اسميه خطير ..شكله مراوغ ..اوووه فاتنا!!
(وتوة سعيد طالع من المسرح وساير ويا المدرسات صوب الصفوف)
الجود: فطموووه !! يالسبالة!! مرة ثانية اطري مليون مب سعيد فهمتي!!
فاطمة: انتي والله اللي طريتيه يالهبلة هب انا!!
سلامة: طاعي!! طاعي كيف البنات وراه!! تقولين شيخ ...
فاطمة: شخ الله راسه ..يتمناها الشيوخية !! اصلا انا سمعت انه وايد خجاج ..شو رايكم نسير ناكل ايس كريم؟
الجود: مابندته جااني؟
سلامة: حبيبتي مب علينا!!
(وساروا حجرة الفراشة اللي كانت حذالها حجرة السيستر وخذوا الايسكريم بالتوت ويلسوا عالارض)
فاطمة: جاااموووه ..لفي شعرج على ينب عن يخيس غبار!!
سلامة: جيه ماتلفينه؟
الجود: الا تغارين!!!(ولفته)لفيته خلاص يعيبج جذيه؟؟
((وشفايفهن كلهن حمر وتمر مس جميلة اللي انخش فملابسها الضب ووياها سعيد الدرعي وابلة وداد))
مس جميلة: شو تسوون هني؟(الجود ساكتة وتاكل ايسكريم وسعيد يطالعها بنظرة خجاجة)
سلامة: ناكل ايسكريم!!
مس جميلة: غاديات غير طلاليب!!
فاطمة: شووه؟(وتقوم الجود ويقومن على طول سلامة وفاطمة)
الجود: الطلاليب يطلبون !! مب يتمنون شراتج يا ماماتي!! (ويحمر ويه مس جميلة)
مس جميلة: انتي قليلة ادب!!
الجود حطت ايدها على خصرها: الحشمة هب لج !! حق الابلوات الللي حذالج !!وعلى قولتج طلاليب؟ اللي اشرتي عليهن يشترونج ويشترو طوايفج !!سيري اسالي عن عايلة كل وحدة وعقب تعالي ارمسي ياماما!!
سعيد: عيب !! مايقولون هالكلام!!!
فاطمة مفولة: وانته شو يخصك؟
الجود: شو دخلك في الموضوع؟ تحيدين الصبح يوم ينخش الضب فقميصج؟ قلت فخاطرية حرام !!لكن تستاهلينه وزيادة !!
(ويبتعد سعيد عن جميلة ..ومس وداد ميتة من الضحك وجميلة متغايظة ..وسارت الجود عن مس وداد ..وعين سعيد عليها ..وتبوسها على خدها)
الجود: هذيلا الابلوات ولا بلاش!! حشمة ورزانة!!!
فاطمة: يقولون الثقل صنعة!!
(ويوم هم بيروحون ..سعيد يبا يلحقهم واتعذر بعذ ما ينقال لكن قاله)
سعيد: لوماعليكم امارة ابا اسير الحمام..(وتحمر ويوه الابلوات ..وصدن البنات الثلاثة كأنه اذنيهم تخونهم)
الجود وسلامة وفاطمة كلهم مرة وحدة: شووه؟
مس وداد: انته تدري انها مدرسة بنات ..مافي حمام رياييل!!
سعيد: اتصرفوا !!ابا اسير الحمام..وبسرعة!! (ويضحكن ثلاثتهن ..ويركضن الابلوات)
مس وداد: انته تم هنيه لين نفضي لك حمام ..(وهو ميت من الضحك)
الجود: خلونا نروح الصف ولا هالمهزلة!!(يوم توهم بيتحركون)
سعيد: صاحبة البوسات!! مشتاق لج!!!
الجود تأشر بايدها : كش!! كش!! بعيد!!!
سعيد: بعّد لج قصيد لج انتي بس!!
الجود: قولها لعمرك !!انا ما افتهم فهالسوالف!! باي!!
سعيد: جيه تتحريني ذبابة تكشيني؟ واحينه باي؟
الجود: يس!! see you in TV
سعيد: خذي الرقم دخيلج!!
الجود تضحك: انا هالمرة اقولك ماتعيبني ولادشيت حتى مخي!!(ويركضون صفوفهم.. ودت البيت وهي مستانسة لانها بتدخل النت ..وبتكلم الحب ..حاولت كم من مرة اتدش الماسنجر بس ما استوا ..طرشت مسج ع تيلفونه ..وبعدها ب 5 دقايق حاولت اتدش ودخلت)
سعود: يامرحبا الساع بغناتي ..
حبيبي انته: هلا والله
سعود:شحالج غناتي؟
حبيبي انته: والله هالمرة ما بيسرك حالي !!
سعود: ليش عاد؟ خير؟
حبيبي انته: انا كم من مرة اقولك لاتدش على ايميلي والماسنجر وتفتش !!تضيف وتمسح على كيفك !!منو قالك عندك الصلاحية؟؟
سعود: افا ياغناتي !!افا!! انا تقولين لي انا؟ انا هالكلام؟
حبيبي انته: هي لك!! يعني اتدق شي مب لك عيب!! ترضاها اني اسويها فيك؟
سعود: يالله باي !!
حبيبي انته:لا خلاص!!(بس هو بند الماسنجر وهي اتضايجت ..شو تسوي ..واستوت شرا المينونة ..اتصلت به مارد حرقت تيلفونه طول الليل وهي تتصل ماشي فايدة ..واخر شي رد عليها على الساعة 3 ..صوت خفيف وناعم بس حلو ..خبل بها)
سعود: الو؟
الجود برقة: مرحبا ..
سعود: مرحبا الساع ..(ويستهبل) سارة؟
الجود: هيه نعم !!
سعود: انا زعلان وايد وايد وايد منج!!
الجود: والله ما تزعل مني!! اسفة !!
سعود: بقبل اسفج بس على شرط !!
الجود: امر..
سعود: ابا رصيد
الجود: والله يفداك!! بس انا اخر مرة صرفت كل بيزاتي كلهن على البطايق اللي عطيتك اياهن ومول ماعندي ..
سعود بدلع: انا زعلان منج واذا ماحصلت منج ترا وايد بنات يتمنون هالشي مني ..يتريون ميسد كول!!
الجود عصبت: اخخخخخخخ عليك !!سير عندهن !!
سعود: عصبتي فديتج؟
(المهم كمل حواره وياها بكلمات الغزل وتملكها ..لين طرشت له رصيد ..قام يغار عليها ويقول انه يحبها وهي عقلها كله صوبه وقلبها وشفايفها ما ينطقن غير باسمه وعمرها ماخانته ..كانت كل مايعطونها اهلها مصروفها تشتري رصيد بس مب حقها كله له .. وهي تترياه يتصل ..كله طاف ..ويوم يباها او يبا منها شي اتصل بها ..وهي الايام اللي ما يتصل بها يستوي عندها جحيم ليش؟ لاتها تصيح وماتطيع تاكل وهو مسولها اكبر طاف لانه استنتج انها خالة وانه ما بيشوفها ولا بيحصل فايدة غير البطايق ..مرات يتعذر لها انه فيه فشل كلوي ومتنوم في المستشفى ..ومرة انه البنات يلاحقونه ويطلبون رقمه حتى في المستشفى واللي هن السيسترات ..وفي يوم من الايام..اتصل بها)
سعود: غناتي؟
الجود: والله تولهت عليك ياحبيبي!!
عاد باجر بخبركم شو من القرارات اللي بيتخذها سعود
وشو ردة فعل جود على هالقرارات .. الله يعينها ينقص عليها وهي ولا حاسة!!
[center]سعود: وانا اكثر!! مانام الليل كله افكر فيج واقول انه يا الوقت ..
الجود: شو يعني ؟ بتهدني؟
سعود: لادفيتج !!شوفي انتي عندج ثانوية عامة ..وانا مابا اعطلج ومن تخلصين مالج عذر ..
الجود: شو تقول؟
سعود: اباج تجابلين دروسج وانا مول ما بلعوزج ولا بتصل ..ومن تخلصين امتحانات ..
الجود: هيه؟
سعود: ابا اشوف حرمتي !!
الجود: نعم؟ نعم؟
سعود: هيه نعم ابا اشوفج !!وقبل ما اكلم اهلي ..انتي موافقة؟.
الجود وهي تصيح: هذا احلى يوم فحياتي..يوم بكون من نصيبك ..
سعود: انا وعدتج !! وانا عند وعدي !! بس بعد في شي!!
الجود: امر تدلل!!
سعود: انا اعرف انه اسمج الجود ماله داعي تجذبين (فهذيجي اللحظة احمر ويهها ..ماعرفت شو تقول وكمل) من اليوم وساير اباج ماتتصلين ابد لين تخلصين اماتحانات ..
الجود: بس انا ما اقدر اعيش من دون ما اسمع صوتك !!ما اقدر!!(وتصيح)
سعود: سمعيني عدل !!لاتصيحين اعنبوه !!الا شهر هب سنة !! وبغيتج تغلقين تيلفونج وان فتحتيه وماخلصتي امتحاناتج ينتهي من بيننا كل شي !!كل شي تسمعيني؟ وبطرش لج مسج وان وصلني التقرير خلاص!! عرفي من نفسج!!
الجود: بس صدق بتوله عليك !! لازم اسمع صوتك !!
سعود: غناتي بتسمعين صوتي وايد عقب الزواج وبتملين بعد!!يالله بترخص عنج ياحلوة ولا تنسين انه من تخلصين امتحانات هو لقانا
الجود: اكيد ..ولاتنسى انه في وحدة اتحبك!!
سعود: وانا بعد !!يالله باي ياغناتي وخلج عند وعدج!!
الجود: تامر الله يحفظك!!
سعود: واغلقيه!!
الجود: ان شاء الله
(وكان الفصل الثاني على اخره ..وشدت حيلها ..وكان تفكيرها كله صوب سعود ..شو يسوي؟ ياكل عدل؟ يرقد عدل؟ اكيد يفكر فيها وسارت عند امها..)
الجود: اميه؟ اميه؟
ندى: ها امايا؟
الجود: بسير عند الدكتور ..
ندى: جيه اميه بلاج؟
الجود: لاااا!! اميه بركب تقويم !!
ندى: واااابووويييييه!! جيه بلاهن ضروسج؟
الجود:هههههههه مابلاهن شي !! بس جيه!! كل البنات يلبسونهن ويطلعن غاويات!!
ندى: أهـــــأ !! ماجد سمعنا عن هالمنكر بعد!!يعني ضروسج مافيهن شي ويركبون لج حدايد.؟ ياهو منكر !!
الجود: اميه عاد يالله!!
ندى: سيري حد مانعنج؟ هاكوه الباب مشرع!!
الجود: لا اميه!! (وتضحك ضحكة مكر) قصدي هاتي بطاقتج ..
ندى: ماشاء الله مافي شي ببلاش؟ كم بتسحبين؟
الجود: اظني اول شي الفين وبعدين على دفعات !!
ندى: ويديه غربل الله منكرج !!هذي لعبة مقصة!!! الا نهــــــــيبة!!!(وتحبها على راسها)
الجود: يالله ماماتي عشان خاطري!!
ندى: سيري فجي الشنطة وفي البوك البطاقة والرقم السري ولاتتحيرين !!
الجود: ان شاء الله تراني باخذ ويايه سامة ودامة!!
ندى: انزين قولي حق جعفروه مايسرع!!
الجود: ان شاء الله (وروحت ويا ربيعاتها عند الدكتور ..وفي البيت وصل ابوها)
سالم: السلام عليكم !!(وعج عقاله وسفرته ويلس حذال حرمته) ها نداية؟ وينها بنتج؟
ندى: سارت الدختر!!
سالم: جيه بلاها؟
ندى: فديتها شافت البنيات يحطن توقيم اووووه!!تقويم وسارت بتركبهن!!
سالم: انف!! حديد فضروسها؟ والله هالبنية دلوعة!!
ندى: راس مالنا هالبنية ..لازم ندلعها وراشد فديته فأمريكا !!منو بيدلعها غيرنا !!
سالم: انا ماعلية من كلامج !!بدلعج هذا بتدمرينها !!
ندى تنفض كندورتها: بسم الله عليها من التدمير !!لاتيلس تقول عن بنتي جذيه!!
سالم: ماعلينا !!رمستيها عن السفر؟
ندى: رمستها وقالت هالسنة ماتبا تسافر !!
سالم ابتسم ابتسامة مكر: دامنها ما تبا تسافر بنخليها عند اخويه علي ..
ندى: الا امايا!!
سالم:شوفي عاد بنتج مدلعة بسبتج وبتدمرينها وان ما سمعتي كلامي ماتلومين الا نفسج!!
ندى: شو تبا تسويبها؟
سالم: بسوي شي يخلي بنتج تعرف جيمة الصرف اللي تصرفه بالهبل!! وتثمن الاشياء وتحمد ربها على هالنعمة!!
ندى: بس يا سالم!!
سالم: لابس ولا شياته !!بتتعلم المذهب العدل عند اخويه وحرمته واميه !!من غير الحشمة سمعتي؟ الحشمة!! بتنجبر تلبس عباة وشيلة من نفسها بدال المرصص والقصير!!
ندى: انا ماروم اهدها روحها !!
سالم: سمعيني عدل وخلي كلامي حلقة فأذنيج تبين بنتنا اتم على جبدنا طول العمر؟ الله عاطنها جمال ومال وحلاة ووحدة شايفة عمرها على الناس وكي شي متوفر فايدها ..من غير هي جد مرة زارت عمها ولا شافت عيالهم ..اقولج عايشة عيشة شيوخ!!!
ندى: لازم تعيش هالعيشة ..لانها بنتنا ونحبها!!
سالم: نحبها ونموت فيها بعد!!لكن لكل شي حدود !!يوم قلنا لها انه ولد عمها عواد خاطبنها ..شو قالت؟
ندى اتلعثمت: إإإإإإإإإه !!قالت ..قالت اسمه هب حلو!!
سالم منفعل: جان سمعتي بنية تقول هالكلام؟ من متى تحكم عالريال من اسمه؟
ندى: اكيد ماعيبها!!
سالم عصب ازيد: وتعاشيني بعد؟ وابويه عليج !!لاشافوا بعض ولا شياته !! بس لسانها طويل ويباله قص!!
ندى تترجاه: دخيل الله سالم!! لاتفتح هالموضوع وياها هالفترة!!
سالم: ادر عليها امتحانات !!بس من تخلص امتحانات بتشل شلايلها وبتروح بوظبي!!
ندى: طب السالفة الحين!! ماتشوفهال ياية!!
الجود: hi !! hello mom dad..
سالم: شدي ..يالله ترطن بالانجليزي بعد!!(وتبوسه على راسه)
الجود: فديت هالثلعة!!(قصدها الصلعة) هههههههه
سالم: حشمي يابنية!! اشوف فجي حلجج
ندى: راويني غناتي!!
الجود: آآآآآآآآآآآآآآآآآآآآآآآآه!!
سالم يضحك: اندوج!! وفيهن ليتات بعد!!
ندى: شو ها الوان؟
الجود: شو ليتات؟ لاثتيك !!فديتني طالعة غاوية ..لكن في شي!!
ندى: شو بعد؟
سالم: انا اعرف من لبست هالخطام ثقل لسانها ..
الجود بحسرة: هي والله !!رمثتي بتثقل !!واكلي بيقل!! ولثاني بيقثر!!
سالم: ياحية يوم بيقصر!! سوا خير الدكتور !!يزاه الله الف خير وجعله هذا الشغل من ميزان حسناته..
الجود: ابويه !!لاتقول جذيه عن بنتك!! راث مالك هالبنية!!(وتأشر على عمرها)
ندى: وابويه!! شو اث ؟. بلاج انطقي عدل!!
الجود: واعلية عليج يالجامة ..ماروم يانداية شي ثار واثتوا !!
سالم: اندوك انته غدت شرا اليهال !!
(ويضحك وروحت حجرتها تذاكر وكانت تحس باوجاع التقويم فضروسها يعورنها واكلها قل لدرجة تاكل شي لين ..وتحس عمرها بتموت لانها تفكر في سعود وفي امتحاناتها وشدت حيلها قطعت الكتب تقطيع ..كانت حاطة في بالها تيب نسبة عسب تدخل جامعة الامارات وتدخل التخصص اللي تحلم به وهو الكب العام..صابها الارق ماتعرف ترقد ..وركزت تفكيرها بدراستها ..وبدت الاماتحانات وكانت تضغط على عمرها عالاخر وانقطعت عن العالم ..يالسة فحجرتها ماترضى تطلع من الحجرة الا على المدرسة ..تمتحن وترد لكن ترد تصيح ..تخاف كاتبة في الامتحان شي غلط..كانت كل ماتخلص ورقة الامتحان تحسب درجات الاسئلة اللي واثقة انها صح وتوصل لين الحمسين درجة وتوقف تعرفون ليش؟ بس تضمن نجاحها ..وعلى اخر الامتحانات كان صعب..ردت البيت وهي خايفة وتنتفض ماكانت تخاف من ردة فعل اهلها بس كانت تبا ترفع راسهم ..ومن ردت على طول فجت تيلفونها على امل انها تحصل مسج من الحب ..لاحصلت مسج ولا شياته مثل ماوعدها ..بس مسجات عتاب وحب من ربيعاتها ..وسوت له بلهفة ورد عليها ..)
الجود: الو؟ مرحبا شحالك؟
سعود: الجود؟ يامرحبا مليون ..شحالج فديت قلبج؟
الجود: بخير الحمدلله ...ياويلي ..ياويلي ياويلي ياحبيبي..
سعود: شو سويتي في الامتحانات ؟
الجود: الحمدلله زينة !! (وعلى طول دخل في الموضوع)
سعود: يعني شوفتنا لبعض باجر؟
الجود وهي زايغة: باجر؟ اعنبوا حار بحار؟
سعود: مالج عذر !!احبج يال...(نسى اسمها فجأة واتذكره) الجود!!
الجود: اخاف بث عشان خاطرك بغامر مغامرة عمري !!زين؟ وين بنتلاقى؟
سعود: امممممممم ..الصراحة؟ انا ماروم اييج دبي !!(كأنه فجر قنبلة ذرية)
الجود مفولة: نعم؟ نعم؟ اذا انته ماييتني دبي عيل انا بييك بوظبي؟
سعود متردد: هيه..
الجود: آثفة ما اقدر ...
سعود: شو؟ شو ماتقدرين؟سمعيني عدل وخلي كلامي يغدي حلقة فأذنيج !!اذا باجر ماييتيني بوظبي.. بقطعها بطاقتي ولا بتعرفين عقب تحصليني ..فهمتي؟
الجود : لا!!لا!! بث والله اخاف ..اعنبوا اييك بتكثي لين بوظبي؟اخاف يثوي فية شي راع التكثي!!
سعود يتمتم بصوت ماينسمع: وانتي من زينج عسب يطالعج او يسوي شي؟ الا خالة شقرا!!
سعود بصوت ينسمع: اقول!! انتي من تركبين التكسي برمس وياج لين توصلين بوظبي ..الصراحة في دبي عندكم التحريات ..ماشي كاني ماني يزخون البنية والريال !! احيد ربيعي طالع وياربيعته ويتمشون بالموتر(قصده انه يتكلم عن نفسه ويوم يزخونه) والله انه زخوهم وانفضحت البنية وانفضح الريال!! وانا اخاف على سمعتج يا حبيبتي!!
الجود: خلاث اوكيه..
سعود:رتبي الامور ويا اهلج بعد!!كم بتمين عندي؟
الجود: والله ماعرف بث مابتأخر بسلم عليك وبروح ..انا فحياتي مازرت بوظبي ..لكن عشانك ؟اثوي المثتحيل !!
سعود: فديتج انا !! هذي هيه حرمتي جيه اباها اتطيع ريلها !!
(اوهمها بكلام ريلج وحرمتي واهلي يبون يخطبونج لي وسوالف الشباب البطالية لين صدقته ..وماعلمت سلامة وفاطمة ..نزلت يلست ويا اهلها)
الجود:ماماه؟
ندى: ها اميه؟
الجود: ابا بيزات باجر بثير الثيتي ..بهوم لين اشبع !!
ندى: كله هاتي !!هاتي!! ولامرة قلتي خذي!!!
الجود وتبوسها: خذي!! شو اثوي انزين؟ انا ما اشتغل وارباب مالي مايطيع يعطيني !!فديتج انا!!
ندى: والله ماتهونين علية !!سيري سيري الغرفة وخذي !!
الجود: تراني باجر يمكن اتاخر ..بتغدى عند ربيعتي كلثم مثوية عزيمة وبطلع من عندها العثر وبتعشى في الثنتر !!
ندى: زين خلي جعفروه ينزلج السنتر وايييني..
الجود: لا اميه مايحتاي !!كلثم بتثير ويايه هي بتوديني !!بث اباه يوثلني بيتهم ..
ندى: زين يا امايا ..اووووه عن انسى ..ترا ورا باجر بتسيرين تسكنين فبوظبي ..
الجود منصدمة: شو؟ شو؟
ندى مكتئبة: حكم القوي على الضعيف ..انا مارمت اخبرج لين تخلصين امتحانات ..مع انه ابوج كم من مرة يلمح لج وانتي ولا حاسة ..ترا ابوج خسر بيزاته كله في البورصة ..
الجود تشهق: الله!! وابوووييييه !!!ليش؟ وكيف؟
ندى: اسمعيني عدل ..ابوج يبا يروح امريكا عند اخود رشود..
الجود: امريكا؟ انتي اول شي خبريني كيف؟ يعني نحن فقراء؟(وقبضتها الغصة)
ندى: لافقراء ولا اغنياء !!على قد حالنا !!ابوج هالمرة راهن ببيزاتنا كلهن !!وبنسير انا وهو امريكا
الجود منصدمة: انتي؟ اميه دخيلج !!(وتصيح)ابا اثير وياكم لاتخلوني روحي !!
ندى: امايا؟ غناتي؟ انا بسير ويا ابوج اول شي لانه ماياكل الا من ايدي ..ومن غير عنده صفقة وياريال واذا اتفقوا ..هامعناته انه الله بيرزقنا مرة ثانية ..وانتي مابتسكنين عند حد غرب !!عند عمج وحرمته وعياله ويدتج !!
الجود: ومرته الكويتية؟ اخافها ماترضى !!
ندى: عيب يا امايا!!هذي تنحط على الجرح يطيب ..انتي ماتعرفينها ..لكن يوم بتشوفينها بتدخل خاطرج ..وعن تنسيني !!بيي ولد عمج حمدان وحرمته بياخذونج وعاد غناتي حشمي !!وغدي حرمة ..اي شي يقولونه قولي ان شاء الله...
الجود تقاطعها: الا امايا!!مالي خث هب ثايرة انا مينونة ؟ لا!! يعني لا!! بثير وياكم !!
ندى منفعلة: ودراستج ؟ها؟ منو بييلس يعابل فأوراقج؟
الجود: تلتعن !!جهنم!! مابا ادرث!!
ندى: بتدرسين غصب عنج !!وعن شياطينج التسع!!
الجود: مابا يعني مابا!!
ندى: صدق انج نحيسة !!لكن انا راسي ايبس عن راسج يالهرمة!!
الجود: وليش يعني مثتعيلين؟.حتى النتايج ماظهرن!!
ندى: يالجامة!! اقولج صفقة عمل !!وابوج مثتعيل على قولتج !!ونحنا بنتم بس في الصيف ..وبيلس اطبخ وانظف واطمن على اخوج وبنشوف شو دراسته بعد.. ومن يومين ابوج باع الارض اللي في جميرا حق المشروع اليديد ..
الجود معصبة: ردت وقالت طبيخ!! شو طبيخ ياامايا!!همها على بطونهم !!بث بعدني مابثير!!
ندى معصبة: انا وراج والزمن طويل!!
الجود: وانا وراج والزمن قثير!!
وروحت غرفتها وهي تحاتي كيف بتسكن فمكان غير بيتها ..ومن غير اهلها بعيد عنها الا تقنع امها انها تسافر وياهم ولازم بعد!! والمشكلة الاكبر انه باجر بتروح بوظبي روحها لاحسيب ولا رقيب وضرب خط من دبي لبوظبي ..اعنبوا مايقدر يتنزل ايي على الاقل ياخذها؟ هو بايعنها بايعنها !!طول الليل ما رقدت وهي تتجلب...كل ماتفكر انها بتشوفه تنتفض من غير ايدها تبرد بسرعة ..وعلى الصبح الساعة 10 ..نشت مستانسة ..اتسبحت وبدلت ..لبست برمودا جينز اسود لتحت ركبتها وقميص كويتي وسيع شرا الفراشة ولونه مزيج من الاحمر الفاقع والنيلي الفاقع ويد قصيرة لين كوعها ..لفت شعرها على فوق وثبتته بالكليبس وعسب تبين طفولية حطت كليب الفراشة حمراء على ينب ونزلت قصتها ..اتجحلت من داخل وحطت جلوس شفاف ..وتبوس المنظرة)
الجود: فديتج يالجامة مغواتج !!بتعجين ثعود !!اثميه بيتخبل عليج!!
(نزلت وسارت تحت ماحصلت حد ..خذت الدريول ونزلها عند المحطة وركبت التكسي وسوالها سعود)
سعود: هاغناتي وينج؟
الجود تنتفض: تونا طالعين من المحطة ..(وبعد فترة وصلوا طريق الرفاعة ..بعدين السمحة .. ووصلوا بوظبي..) بابا؟ هذا شو اثم الثنتر. ؟ وايد كبير وحلو!!
راع التكسي: ماما هذا بيلدينج مال اتسالات !!
الجود فخاطرها: الله يثامحج يا امايا والله يثامحك يابويه !!بوظبي فعمري ماشفتها حتى مبنى الاتثالات اتحراه ثنتر!!
(ويتصل سعود)
الجود: هافديتك؟ نحنا عند مبنى الاتثالات !!نوقف هناك؟ زين ثعود؟ كلهم يطالعوني ..انا ميتة من الزياغ ..زين !!زين اترياك (وردت لها النفضة وبعد 10 دقايق وقف موتر ورا التكسي على طول جسم جامة انجلب للاحمر ويوم ينجلب للاحمر هامعناته انه خطر ياينها وهي ماتدري شو السالفة ..) زين !!زين بنزل!!
(حاسبت التكسي ونزلت ورد لها الخوف ..كان الموتر اللي ورا مخفي شامل كامري لا انفينيتي ولا شياته ..ورقم منقع ..بطلت الباب يلست منزلة راسها وعيونها عالارض على طول)
الجــــــــــــــــــــزء 4
سعود متخبل: ياويل حالي !!انتي الجود؟ والله تحريتج زلمة !!لكن غاوية ياجمالج!!
(واتقرب منها يبا يتأكد اذا هي الجود وصدت صوبه تبا تشوف شكله ..بطلت عينها من الزياغ)
الجود: آآآآآآآآآي(ومسكت قبضة الباب من الزياغ) منو انته ؟ (وتنتفض ميتة)
سعود: انا سعود حبيبيج ..بلاج زايغة؟ لاتخافين!!!
الجود تصارخ: جذاب!!انته مب هو !!!
(وهي هب مصدقة تحس عمرها تحلم ..كان ريال عمره فحدود 33 سنة وقايل انه عمره 25 سنة .. وبطنه ماشاء الله ضارب عالسكان واقرع ..من غير هب حنطي الا اسمر ولا شي يشبه من الصورة اللي طرش لها اياها ..كله عكسه ..)
سعود يترجاها: سامحيني حبيبتي جذبت عليج!!
(هو كان يتوسل وتوة بيكمل ..صابها انهيار ودوخت من اللي شافته وهو يهف بسفرته عليها)
سعود: جود؟ جود؟ قومي!! (ويهزها لين نشت ..اول ماقامت انهمرن دموعها ..تتحرى عمرها تتخيل)
الجود: انته منو؟ منووو؟
سعود يتحرك بموتره: صبري!! خلينا نوصل المكان وبعلمج كل شي !!(وهي تنتفض وتفكر انه هالانسان مريض نفسيا الا هي مينونة لانه جذب عليها من غير صورته ..الا تعرف شو تفسيره !!يمكن ربيعه هب هو )بنسير صحارى وبناخذ راحتنا..
الجود فخاطرها: هذا وقته يوديني ثنتر؟ والله متفيج !!(وهي عندها مليون سؤال وسؤال والدموع ينهمرن ووصلوا مكان كاتبين عليه صحارى للشقق الفندقية )
سعود: لاتقولين شي !!بسير اييب شي وبرد بسرعة ما بتأخر(ونزل)
الجود: الله يغربلك يالخايث!!! انا جيه تثوي فية؟؟ انا؟ انا براويك يالحقير !!(بطلت السدة اللي حذالها ماحصلت شي وبطلت السدة اللي جدامها شافت صورته على بطاقة االlandmarkويوم ركزت اكثر قامت تولول..) يالخايث !!يعلك ماتربح!! علك بعوق ماعقبه عوق !!مثعود؟ اثمك مثعود؟ وعايلتك!!لابارك الله فيك (وبندت السدة ودموعها على خدها وعرفت انه كلامه جذب في جذب....كأنه شريط الحب او فيلم الحب اللي صار من سنة مر جدام عينها وغدا سراب ..وفصخت طبجة نعالها اللي بوشوجة وحطته حذالها ويوم ركب الموتر اهتز الموتر)
سعود: غناتي؟ خلينا ننزل !!يالله عسب افهمج كل شي!!
الجود فخاطرها: الله يغربل هالشيفة لك !!يالجلب يالحيوان!!
الجود بتكبر وتمسح دموعها من غير جحالها سال : قبل اي شي !!اونك تحبني؟ زين!! فج الثدة هذي!!
سعود تلعثم: إإإه ..إإإه شو تبين بها السدة؟ ياغناتي..
الجود بانفعال:فجها الحينه !!انا هب غناتك !!ومن هاللحظة يالجذاب كرهتك وكرهت شي اثمه حب!!
سعود: ماريد اصلا اشياء ربيعي فيها ..
الجود : انته يالخايث ياللي ماتثوى شي !!جيه ؟ تتحراني من البنات الرخاث؟ويايبني فندق اتحراني بثير وياك!! ثدق اللي قالوا الشيفة شيفة والمعاني ضعيفة !!ثدقتك وثويت كل اللي تباه !!كله!! جذبت علية فكل شي يالثبال!! ثدق اني ياهل لاني ثدقتك !!(ومسكها بقوة من ذراعها يبا ينزلها وياه بالقوة)
سعود: جيه تتحريني بهيمة تيلسين تكلميني جذيه؟(ويابت نعالها اللي حذالها وتضربه على جتفه بالقو)
الجود: هيه نعم بهيمة يامثعود ال.....(وتقول اسم عايلته بالكامل وهو منصدم )طز فيك!! هدني اقولك !!هدني!!
سعود: يوم دريتي اني مسعود اكيد فجيتي السدة !!ومب هادنج!!
الجود: الله يغربلك ويغربل اليوم اللي عرفتك فيه !!والله اثويها والله بخبج راثك بنعالي !!هدني!!(وتضربه بالقو)
سعود: آآآي الله يغربلج والله لافضحج يالجلبة !! (اول ما هداها نزلت بسرعة وموعدة له)
الجود: اللي فراثك ثوة ياويه الجلب!!
(ورضت الباب ودورت تكسي تمت ربع ساعة وكل مرة تشوف شباب يلعوزونها وهي مب رايمة تستحمل لانها تفكر انها ضيعت سنة كاملة على هالانسان ولين حصلت تكسي غزال وركبت وياه ..تمت ساعتين في الطريج ووصلت السيتي وعلى الساعة 3 الظهر وهي منهارة وتتصل على سامة ..)
الجود: الو؟ ها ثامة!! اقولج بطلب منج طلب !!عنود اختج اتداوم العصر في الاتصالات؟ هيه زين !!رمثيها اني ابا رقم لاني بغير رقمي ولو باثمها لاني في الثنتر وماعندي ثورة من الجواز ..تقدرين؟ هيه نعم !!وانا على الثاعة 4:30 بييها !!وردي علية خبر !!لا!! ماشي ثبب بث جذيه يالله باي !!(ويلست في الكوفي شوب روحها ..كان هادي والموسيقى هادية كانت يالسة تشرب الكوفي وبعد نص ساعة من التفكير باللي صار ..اتصلت للسايق)
الجود: الو؟ ها جعفر؟ تعال الثيتي هيه ثيتي ثنتر !!
(سارت بعدين خذت البطاقة ..وقطعت بطاقتها وركبت الشريحة اليديدة ..وتكسر البطاقة الجديمة بغصة من ردت البيت على طول سارت غرفتها بس ماكانت تصيح كانت متحسفة على عمرها اللي ضاع جذيه انها حبت انسان مايستاهل الحب الا جذاب وسارت الحمام ورجعت كل اللي كلته ..كل ماتتذكر تزيد اللوعة ودشت عليها امها على الساعة 11 ..)
ندى : ها امايا؟ جهزتي اغراضج؟
الجود: ولا خلقة !!بثافر وياكم!!
ندى: امايا حبيبتي اسمعي كلامي !!هذا لمصلحتج !!(وتحضن امها)
الجود تصيح: اميه!!دخيلج لاتخليني انا احينه محتايتنج اكثر عن قل!!
ندى: خير يا امايا بلاج؟ حد غلط عليج؟. شو مستوي؟
الجود فخاطرها: اللي مايتسمى!!
الجود:ماشي اميه ..اللي تبينه بيثير!!
ندى تمسح على راس بنتها: هيه اميه جيه اباج !!والله انج فنظري تكبرين كل يوم ياغناتي !!
الجود: اميه؟عادي اخذ بطاقتج مال التيلفون..واعطيج بطاقتي اليديدة؟
ندى: ليش حبيبتي غيرتي بطاقتج؟
الجود: وايد يطفروني !!انتي خذي اليديدة وانا باخذ مالتج!!
ندى: زين .. انا اصلا كل اللي عندي لج!!
الجود: فديتج يا اميه !!علني ما انحرم منج !!
ندى: سيري خذي البطاقة!!
الجود: انزين اميه؟ شو رايج نوثلكم المطار بعدين نروح؟
ندى: يصير خير بس نحن بنروح الظهر ..
الجود: الثاعة كم؟
ندى: الساعة 3 بنروح المطار بس يا امايا ما اوصيج ..عيال عمج مب واحد ولا ثنينه!! سبعة فهمتي يا امايا؟ اغدي حرمة وأي شي تقولج وفاء تقولين ان شاء الله !!ولا تتراددين في الكلام وياهم ..نباهم يقولون عنج كل شي زين !!
الجود: ان شاء الله امايا بث ..بث !!لا خلاث ماشي !! بثير ابدل البطاقات..
(روحت حجرة امها وابوها بدلت البطايق لييش بدلت البطايق؟ لانها من زمان اتصلت به من تيلفون امها وهو هددها انه بيفضحها واحسن شي سوته انها بدلت البطايق عسب مايدرون اهلها ..وانسدحت على فراش امها وابوها ودخل ابوها)
سالم يتكلم في التيلفون:هيه !!هيه نعم باجر ان شاء الله هيه على الساعة 3 ..بسم الله الرحمن الرحيم!!شو تسوين هني؟ (طالعته بنظرة فرح) هيه انزين !!الله يسلمك من الشر تامر بشي؟الله يخليك سلم!!سلم!! فمان الله (وبند) هالجامة؟ بلاج؟ (وهي منسدحة وهو يالس)
الجود: مافية شي !!
سالم: يا اميه بلاج ؟ شكلج بتتولهين علينا ها؟
الجود تصيح فحضن ابوها: ابويه؟ والله بتوله عليك وعلى امايا !!فديتك يا بوثلعة!!
سالم معصب: اهبي هباج الله من بنية!!
الجود تضحك: شر البلية ما يضحك!!
سالم يضحك وياها: بلاج تخبلتي؟ اتصيحين وتضحكين؟
الجود: باباه؟ كيف شكل عيال عمي؟
سالم: اوادم بعد اشجى شكلهم وابويه عليج!!
الجود: انزين حد من سناي؟
سالم: عندج من الثانوية لين مرتبة عقيد !!
الجود مندهشة: الله !!يعني عمي علي اكبر عنك؟اعنبوا ماشاء الله متى حثل وقت اييبهم؟
سالم: حشمي يابنية!!اعنبوج محد يسلم من لسانج !!اسمعي علي اكبر عني بسنتين ..بس هلي يوزوه وهو 17 سنة
الجود: اووويييه قدي!! انزين وكيف خذا خالوه وفاء؟
سالم: هييييه!!على زمان ابويه الله يرحمه !!ترا عبدالله الله يغفر له ويرحمه كان ربيع ابويه ..هو كويتي وساكن فبوظبي واتوفى ابوها وتمت وحيدة مقطوعة من شيرة سار ابويه وقال لها بنيوزج علي ووافقت ..واصلا كانوا من قبل يبون بعض ..
الجود: انزين وكيف يدي رضى ياخذ ولده وحدة هب مواطنة؟
سالم: يامخج مواطنة مواطنة!!وانتي شدراج؟طاعي عيالهم وطاعي تربيتهم !!اخلاق ومروة وذرابة ومعاني!!
الجود: يعني ابويه اذا يا خطبني واحد بحريني او قطري او ثعودي بتوافق؟
سالم: اقول؟ انطمي واسكتي !!يوم عليج هالسان بتطلقين ثاني يوم !!
الجود: بثم الله علية من الطلاق !!لاتفاول علية جذيه!!(وفجأة قامت من مكانها) ابويه؟
سالم: بلاج روعتيني؟ غربل الله هالعيون المبججة!!
الجود: لايكون موديني هناك !!عثب واحد منهم يختارني ويخطبني؟.
سالم: مالت عليج طاح حظج!!هذا اللي قدرتي عليه؟ هذي الامتحانات مأثرة عليج !!
الجود: انته ثرت لهم؟
سالم: هيه توني راد من عندهم ماشاء الله على امايا رحالة !!
الجود: ليش؟. وينها؟
سالم: مسافرة قطر ويا احمد ..هو ساير ويا ربعه وهي سايرة عندها عرس!!
الجود: فديتها انا!!انزين انته رمثتهم؟
سالم: بالله عليج يدرون قبل ماتدرين انتي!!ومن متى يتريونج !!
الجود: شخثية مشهورة فديتني!!بس مب في خاطري اثير!!
سالم: موول امممرة!! انا بتخبرج برجج العاجي متى بتنزلين منه؟ ها؟ انتي ولا جد مرة سرتي بيتهم ولا تدلين بيتهم حتى ولا تعرفين ادمي من العايلة تلقينها حلوة انه يدتج وعمج كل مرة هم اللي اييونج حلوة؟ صح؟ وانتي جنج تقولين انا ما اتنزل ايي بيتكم.. بتخبرج انتي عيال عمج تعرفين كم هم؟
الجود: هي اعرف 8 وكلهم شباب
سالم: انزين شو اساميهم؟
الجود: واحد اسمه حمدان والثاني مصبح واللي خاطبني عيد على ما اظن ..
سالم: حوووووووووووووووه!!حوووووووووووه غربل الله هالمنطوق!! عيد منو؟ ومصبح بعد؟؟ لعنبوا دارج انتي في السيح؟ ماتدرين بالدنيا؟؟ عواد!!!! عواااااد!!(وهو يتكلم وهي نامت على ريله)اووييييه ؟رقدت!! فديتج ياحبيبتي !!(وتدخل ندى الغرفة)
ندى: رقدت فديتها
سالم: مادري ويامنو بتضارب كل يوم !!
ندى: شفت غلاتها؟ شو رايك ناخذها ويانا؟
سالم: ولا كلمة زيادة !! بتسير عندهم يعني بتسير !!وانا ما ارد فكلامي ..جهزتي شنطتها؟
ندى: الا شنطها !!
سالم: اعنبوه بتتحول؟
ندى: انته تراك بتقفل البيت وهي مابتروم ترد البيت الا اذا كنا موجودين !!
سالم: والدريول؟
ندى: رمسته!! الله يسلمنا كل مايسير ينسى شي من السواقة !!ولاتنسى تزيد عالمعاش!!
سالم:ان شاء الله شو نسوي بها؟ اشلها اوديها حجرتها؟
ندى: لا خلها ترقد عندي
سالم: لا والله؟ وانا؟
ندى: فديتك يابوراشد انته استريح فحجرتها ..
سالم: ماعليه انتي تعرفين منو داق لي عقب المغرب؟
ندى: منو؟
سالم: روضة !!اكيد وصل لها الخبر انه نحن بنسافر !!
ندى: شوه؟(بانفعال) ليش؟. شو تبا؟
سالم: تباني اخلي الجود تيلس عندها !!
ندى بعصبية: شوف ياسالم !!اذا بتسافر سافر وانا بيلس ويا بنتي !!لكن تيلس عند روضة لا والف لا !!
سالم: غناتي؟ بلاج عصبتي جذيه؟ انتي تعرفين جوابي!!
ندى: انا هب معصبة!!
سالم: مصبة ونص انتي تعرفين اني ما برضى!!
ندى: انا امها!!هب هب !!هي يابتها وفرتها وانا اللي ربيتها هي واخوها (وتدمع عيونها) انا اللي ينادوني ماما!!
سالم: غناتي؟ هدي اعصابج اصلا عيالج يعتبرونها ولا كأنها موجودة !!شفتيهم جد مرة قالوا نبا نسير لها؟
ندى: لا!!
سالم: عيل خلاص!! الجود بتيلس عند علي واميه وانتي تعرفين انه اذا تقربت من بيتهم اميه بتنهشها !!
ندى: انا اللي مغصصني انها رابية وياكم وكانت امك حاطتنها فعيونها !!
سالم: غرتها الفلوس ..وعضت اليد اللي انمدت لها ومن اتطلقت خذت واحد لا اصل ولا فصل!!
ندى: الله يبعدها عنا وعن عيالنا
سالم: امين يالله استهدي بالله وارقدي وانا بروح حجرة جامووه ولا تحاتين !!
(وكان هذا اخر يوم يكونون متيمعين الجود راقدة فحضن ندى وسالم مانام الليل يفكر في بنته ويفكر بكلام روضة وعلى الساعة 10 الصبح كلهم نشوا الا الجود راقدة وبعدها بنص ساعة نشت الجود يوم سارت الحجرة حصلت اغراضها في الشنط وامها مطلعتلها بدلة تنورة سوداء قصيرة لين الركبة وفيها قصات طويلة وقصيرة وفانيلة بيج سادة وبدون اكمام بس هاي نك سارت تسبحت وتلبست وكان مزاجها وايد متعكر مب طايعة تكلم حد ويصيح تيلفونها وردت)
راشد: الو؟hi mom how r u?
الجود:انا مب ماما
راشد:الجود؟how r u sis?
الجود:I'm miserable
راشد:ليش حبيبتي؟
الجود: اهلك يبون الفكة مني وبيحوشوني بيت عمي
راشد:you're so spoiled.. come on..انتي طول الوقت يدلعونج خليني احصل شوية دلع من ابويه واميه
و كان مزاجها وايد متعكر مب طايعه تكلم حد.. يوم نزلت..)
الجود: الثلام عليكم (صبت حليب و زادت كوفي.. و هم يطلعونها مستغربين.. لانهم اتعودوا انها تسلم عليهم..)
بو راشد: اتصل حمدان و قال أحين بيوصل!!
(و يسمعون صوت الهرن..)لو طارين مليون جان زين!!(و الجود قلبها يدق من الخوف..)
ندى:يا رحيل!! رحيل؟ سيري ودي الشنط الموتر!!
رحيل:اي موتر؟ ماما جعفر سار المتار!!
ندى: امية؟ سيري ودي الشنط في الموتر اللى تسمعين هرنه!!حشا يا بوكم!!(ويسمعون دق الباب)
حمدان:هود!!هود!! السلام عليكم!!
بو راشد:هدا!! اقرب!! عليكم و رحمته وبركاته(و يتخاشمون)
حمدان:جريب!!علومك عمي؟شحالج عموه؟
* اما حمدان عمره 30 سنة متزوج من رفيعة من علاقة حب ..كان الفرق من بينهم العمر بس ..هي كانت اكبر بس في الشكل هو اكبر ..لانه ينكرففي الجيش كراف اليهد ..لدرجة انه من الهموم طلع له شعر ابيض فراسه ..ابيضاني بس اكتسب السمرة من الشمس خشم طويل والعظمة تبين وهذي اللي محلتنه وحواجبه مقرونات ولحيته خفيفة ..طويل وفيه كرش بس خفيفة واختار رفيعة من بين كل البنات وحباها من خاطره ولازال والثمره هي فيصل..
ندى: بخير ربي يعافيك يا بويه!!وينها رفيعه؟
حمدان:في الموتر..شحالج بنت عمي( ويطالعهم من فوق لين تحت)
الجود:بخير الحمد الله
حمدان فخاطره: الله يسلمنا!!جان ما تنفجر رفوع من الغصه!!جميله!!احلى عن رفوع!!
حمدان: يا الله الجود؟نروح؟(و هي قلبها يدق ما تبا تفارجهم)
بو راشد:بعدكم عنبوا؟
حمدان:ورانا درب!!يا الله سامحونا!!
(و يسلم عليهم..و ببرودة اعصاب سارت الجود باست ابوها على راسه..و باست امهاعلى راسها..وركضت الموتر..)
ندى:شفت؟ما نصخت لنا حتى احضنها!!يعني حاطه فخاطرها!!(و عيونها تدمع)
بوراشد: كان فخاطري تقول شي!!لكن مردها بترضى!!بنتي و اعرفها!!
(رفيعه اتطلع وحده يايه..بججت عينيهاعالاخر..) رفيعه فخاطرها:لبنانيه؟شو ها؟غربلها الله غاويه!!
(و تشوف حمدان وراها..و ركبت ورا..) الجود: السلام عليكم..
رفيعه صدت اطالع ورا: عليكم السلام و رحمه الله وبركاته ..(و عرف حزتها حمدان من ردها بالسلام كله انها ميته..)
حمدان: بشكارتج بتي؟(و ايي بو راشد..)
الجود: هي بتي!!
بوراشد:عن اسهى!!جود؟غناتي؟من فتره لفتره سيري المزرعه و شوفيهم اذا محتاجين شي!!
الجود: ان شاء الله!!
بوراشد يعطي حمدان: يودي هذه بطاقه.. اسحبي منها يوم بيحتايون سبوس و مونه!!
حمدان:يا الله عمي!!ونحنا وين سايرين؟نحنا بنوفي بالمونه ماله داعي!!
بوراشد بو راشد: الحق حق يا بويه!!و انتي يوم بغتي شي رمسي عمج وهو ما بيقصر!!هاكن خذ مفاتيح البيت و المزرعه!!
الجود: زين
(و ركبت الخدامه..و الجود مينه بغصتها ما تعرف شو تسوي..كيف رضت انها تسير بيت هب بيتها وعند ناس ما فكرت جد مره تقول او حتى انها تسير لهم..و اللى هم من لحمها و دمها..كيف اشكالهم..حلوين و لا خسفين ..طوال و لا قصار؟..هاديين و لا شياطين؟مطاوعه او فري؟بيحبونها ولا لأ؟ و طول الطريج رفيعه ساكته و حمدان يسولف ويا الجود..بس بعدها الجودمتخوفه..و بعد ساعه و نص.,.تتصل بها ندى)
الجود: ألو؟ها أميه؟لا هب زعلانه!!بش متضايجه شوي!!تروحون وتردون بالثلامه!! اااااااه!! حمدان؟متى بنوثل؟
حمدان:بنوصل الحين بعد الاشاره!!
الجود:شوى وبنثول!!يثير خير!!لا مب محتاجه بيزات!!متى حطيتيهن؟ خلاش مشكوره يا الله فمان الله!!
(حمدان و رفيعه..مستغربين من طريقه معامله الجود للامها..)
(ووصلوا البيت ..والجود تشوف حوي عود وكله مواتر ..كأنه مسوين عزيمة.. وفيلا عودة.. لقت عمها علي وياالمزارع يسقي الزرع ..اول ماشاف الموتر خلا الهوز وسار جداهم وابتسمت الجود ..ونزلت ..)
الجود: رحيل امايا؟ نزلي الشنط فديتج !!
علي فاتح ذراعه للجود وساير جداها : يامرحبا!!يامرحبا!! مرحبا الساع!! هلا!!هلا!!
(وتركض جداه وتحضنه وهي عيونها كلها دموع) فديتج انا !!
الجود: عمي!!! واااايد اتولهت عليك !!
علي: منو ينزل دموع حبيبتي؟.؟لالعن صيره هالهرم
الجود: حد غيره؟ اخوك!!
علي: العن الله صيره الهرم بو صلعة!!! انا براويه خليه يرد البلاد وانا اراويج فيه!!وانتي؟ ماتقولين عمي علي اتولهت عليه ابا اشوفه ها؟
الجود: شو اثوي ياعمي والله امتحانات وانا بعد مقثرة !!(رفيعة دشت داخل وحمدان ينزل الشنط ويا رحيل ..)
علي: يوم انج مقصرة !! اشوف وين بوستي؟(باسته على خده وعلى راسه)
الجود: الله يطول بعمرك يابويه!!
علي: تعالي بندش داخل خالوتج وفاية اترياج من الفجر!!
الجود:ثدق؟
(وهي اول ما سلمت على عمها شمت عطره شرا ابوها وكأنها تسلم على ابوها والشبه من بينهم فظيع بس ابوها فيه صلعة وعمها لا ولا حتى فيه شعرة بيضاء وشكله يبين انه حمدان الابو هب علي ودشوا داخل)
وفاء: هلا!!هلا!! مرحبا ملاايييين !!
(وتحضن الجود وتشوف حرمة تحضنها في الثلاثينات شكلها صغيرة ..لابسة جلابية وردية انيقة ..جميلة وضئيلة ولا يبين انها عندها 8 عيال )
الجود: تثلمين خالوه!!
وفاء: قربي قربي يمة !!(وتزاعج) يادانا!! ياسهيل!! فهوود!!حمد!!! رشوود!!!!
راشد: ياي!! ياي!!
(وساروا يلسوا في الصالة وكان الدري حذالهم ونزل راشد)
*راشد عمره 21 سنة يدرس فكلية التقنية يشبه امه في الملامح عيونه وساع ..ورموش طوال وخشم طويل بس مب وايد ..اطول واحد في البيت ووايد ضعيف ..شعره قصير ودوم يسوي حركة السبايكي لانها تناسبة ..هادي وشاطر فدراسته .
وفاء: يمه شنو تشربين؟
الجود: لا!!لا!!مشكورة!!
(راشد نازل وفج عينه عالاخر)
علي: بلاك غادي غير صنم؟. تعال سلم على بنت عمك!!
راشد: إإإه!! إإإإه السلام عليكم (ومد ايده وسلمت عليه)
الجود تبتسم: عليكم الثلام ..
وفاء: يمه جود؟ هذا ولدي راشد !!
الجود: هلا مرحبا الثاع !!
راشد فخاطره: ما اصدق!! الجود؟ خسها ابليس ظاهرة غير زلمة!!
راشد: علومج بنت عمي؟
الجود: بخير ربي يعافيك..
علي: وفاي راوي بنتي حجرتها وأي حد يأذيج تعالي علميني..
الجود تضحك: ان شاء الله
(وهم يركبون الدري حصلت فوق صالة عودة يالسين فيها 3 شباب وبنية شكلها اجنبية ..ومن شافوها على طول وقفوا ..)
وفاء: وييه فشيلة !!انتوا هنيه وانا اناديكم؟
(دانا ترحب بالجود بلهجة مكسرة بين العربي والانجليزي)
دانا: هلا مرهبا !!(وتحضنها )انا دانا I'm Suhail's wife
*دانا تكون حرمة سهيل اخوهم ..اصلها امريكية انولدت فامريكا وكرست حياتها لشغلها في بوظبي هي 25 سنة والتقت بسهيل فمركز شغلها وهو بنك ابوظبي وكان حب من اول تظرة واول ما خذته اسلمت ولبست العباة والشيلة تقرا القرآن وتجويده..ومواصفاتها شعرها طويل لين ظهرها اشقر ..وخشمها صغير حلو ..وعيونها زرق ..طيبة وخلوقة تتقن اللغة العربية لانها درسته ..وحدة واثقة من عمرها والكل في البيت يحبها ولا يفرقون من بينها وهي تعدهم من عايلتها الوحيدة لانها مقطوعة من شيرة..
الجود: هلا والله فيج يادانا (ويتجدم سهيل)
سهيل: هلا مرحبا الساع ببنت عمي !!انا اتحريت اخت دانوه بتي !!
دانا: عيب يا سهيل!!
سهيل: come on this is the truth !!
وفاء: حشم ياولد!!
*سهيل عمره 29 سنة يشتغل في الجيش.. هو وحرمته متزوجين من 5 سنين حنطي ..خشمه صغير وزنه 70 وكويل ..هادي ويحب مرات يستهبل على حسب مزاجه ويحب حرمته حب وبارد برود مايحب شي اسمه ضرايب ..
الجود تضحك: لاعادي !!خليه!!(ويمد ايده عسب يسلم عليها)
سهيل: اتمصخر وياج هب تحطين فخاطرج!!
الجود: لاعادي !!take it easy ياعزيزي !!
سهيل: yup!! جذيه اباج!!
وفاء: هذا فهد!!
*فهد عمره 18 سنة يدرس 2 ثانوي وياحمد ..دوم ويا ابوه ..شعره بني طويللتحت رقبته ..وعيونه عسليات صغار وخشمه طويل وناعم وعليه خدود حمر من الله
فهد: شحالج الجود؟ (وتسلم عليه)
الجود: الحمدلله بخير!!
حمد: وانا نهيان!!
فهد: جاب!!جاب !! اصلا اسم نهيان اطول عنك!!(ويضحكون عليه)
*حمد عمره 17 سنة يدرس ثاني ثانوي ويا فهد وهو اخر العنقود شيطان والخارج عن اطار العايلة ..شطانته مالها حدود مايحب يسمع الكلام ..محد يقدر عليه غير ابوه ..شعره اسود شرا الليل وطويل وعيونه عسليات وساع طوله مناسب ويا وزنه يعرف اليولة والرزفة لكن مافلح في المدرسة ومغصوب عليها ..
راشد: اعنبوا حشموا البنية توها ياية!!
وفاء: يمه تعالي اوريج غرفتج!! (وودتها حجرتها)
الجود:خالوه؟ممكن تنادين رحيل؟
وفاء: ان شاء الله
دانا اتدق الباب: ممكن ادخل؟
الجود:اتفضلي!!(وفي الصالة الشباب حاشرين الدنيا)
حمد:شفتوها؟.
فهد:جمالها جمال لبنانيات..
حمد: لا!!ولابسة قصير وإيدها ظاهرة!!
فهد:قصدك جتوفها!!
سهيل:بس اعنبوكم قطعتوها!!توها ياية!!
حمد:انته اسكت!!مادري عيل منو اللي مقطعنها وقايل لها تحريتج اخت دانوه؟
(ويضحك راشد ..وفي الحجرة عند الجود..)
دانا: هذي المرة الاولى اشوف مواتنة ماتلبس عباة ولا شيلة !!
الجود تبتسم: تتقنين العربية عدل!!
دانا: اكيد انا دارسة so I speak little English and lot of Arabic
الجود: اممم وعلى رايج في المواطنة ؟انا الثراحة اهلي معوديني البث اللي اباه!!
دانا:here in AD is different all local wear abaya and sheilah..
الجود: I know, but I told my parent I'm 17 and young
دانا:you know that your thoughts like American people?
الجود:oh really? You know that when I watch seriel programs I think that when I'll be 18 years old ' I'll have my own apartement and my oen life..
دانا تضحك: تتكلمين جد؟
الجود: yes ofcourse !! when I say to my mother about what I see, she says:عيونج مبججة على التلفزيون البنية تطلع من بيت اهلها لبيت ريلها !!
(وقامن يرمسن ويضحكن لين فهموا بعض وكل وحدة خذت رقم الثانية ...لين يسمعون حد يدق عالباب)
رحيل: ها امايه ادش؟
الجود تضحك: دشي
دانا: اسمهيلي بيلس في الصالة اي شي تبين !!don't be shy!!
الجود: تثلمين حبيبتي ..
(طلعت دانا ودخلت رحيل الشنط ويلسوا يرتبون الاغراض )
الجود: رحيل؟ يوم بيثوي لج عبود البيدار من المزرعة قولي لي!!
رحيل: ان شاء الله امايا
الجود: وثمعيني عدل !!تنشين من الثاعة 7 تنظفين وتطبخين ويا خدامتهم فهمتي؟
رحيل: ان شاء الله
الجود: مابغي ضرايب وياخدامتهم فهمتي؟وبترقدين عندي !!مانبا مشاكل !!وأي شي يقولونه لج تثوينه
رحيل: زين امايا(وتوها رحيل بتظهر)
الجود: إإييييه ثبري!! خلثت كلامي انا؟
رحيل منزلة راسها : لا!!
الجود: مابا خراريف !!اي شي تثمعينه تثكتين فهمتي؟مابا هاي قالت وهاي ثوّت ؟ فهمتي؟
رحيل: زين امايا
الجود: احين انزلي وهاتي جشارج ورتبيهن وعقب ثيري فازعيهم زين؟
رحيل: ان شاء الله
(وطلعت عنها تمت واقفة الجود على البلكونه وكانت مجابلتنها بيوت ..يلست وقلبها يدق واتحس بعد بالملل والخوف من النتايج وبعد من فراق الاهل الجود اتطالع موبايلها)
الجود: ما اقدر اخليهم يثافرون بدون ما اخبرهم اني احبهم (وتتصل على امها) الو؟ اميه؟
ندى: الو؟(والجود من سمعت صوت امها على طول صاحت) الجود؟
الجود: ثامحيني يا اميه !!والله اني احبج !!ثامحيني دخيل الله!!
ندى تآزرها في الصياح: فديتج يا اميه !!اصلا الام ما تزعل من بنتها !!
الجود: اميه؟ قولي الثدق !!مب زعلانة؟
ندى: والله هب زعلانة!!
الجود: احلفي براثي!!
ندى: مب الفة!! حلفت برب العالمين !!
الجود: حبيبتي يا اميه..
ندى: اميه؟ حبيبتي؟ لاتنسين صلاتج..
الجود: انزين اميه؟ عطيني ابويه!!
ندى: سالم؟ ياسالم؟ تعال بنتك تباك !!(ويوم وصل)
سالم: الو؟ ها اميه؟
الجود: دخيل الله تثامحني يا ابويه !!
سالم: انا اصلا قلت بنتي لو انها زعلانه منا بترضينا!! مافي شي يزعل اصلا!!
(بندت عنه وهي مستانسة ..تمت فحجرتها ومن فترة لفترة تيها وفاء واييها علي ودانا وكم من مرة حاولوا ينزلونها بس ما قدروا ..كانت مستانسة انه اهلها رضوا عنها ..بس بعد متولههة عليهم خصوصا امها ومن وصلت البيت ماطلعت من حجرتها ريوقها وغداها وعشاها يوصلها لين عندها ..مرات تاكل ومرات لا كانوا عاذرينها بسبب شوقها لاهلها ..مرات ماييها نوم..وبعد 3 ايام اييها مسج من رقم غريب ..)
" بنتج الل حاطتنها ع راسج وتلاليبها ..تطلع ويا شباب وشوفي المنكر على اصوله اتم بالايام وياهم وانتي ع بالج ويا ربيعاتها وصورها منتشرة سمعتها شرا البواليع واسمها الجود عسب اقولج اني هب غلطان"
الجود وعيونها مبججة: شووو؟ شو هذا؟ هذا اكيد مثعود!!ثود الله ويهه!! يعله العوق !! شو هذا؟ انا اتم بالايام ويا شباب؟؟ انا؟وانا سمعتي شرا البوااليع؟؟(ويت في بالها فكرة وتتصل على رحيل) ها رحيل؟ شو تثوين؟ زين خلي اللي فايدج وتعالي دهديه!!
(اول مايتها)رحيل: ها امايا؟
الجود: دانا هنيه؟
رحيل: لاماما تلعت!!
الجود: انزين والشباب؟
رحيل: كلوا في سغل حتى بابا عود!!
الجود:زين بدلي ملابثج بنثير الجمعية !!(بدلت ولبست بنطلون جينزل وفانيلة سوداء وفيها خطوط الوان لفت شعرها ومول ماحطت مكياج وكان مبين عليها التعب اول ما نزلت)خالوه؟خالوه؟
وفاء: في الميلس!! في الميلس!!(وروحت لها)
الجود: خالوه؟ انا بروح ويارحيل الجمعية في اشياء ضرورية ابا اخذها !!
وفاء: يمه سامحيني محد وياي كلهم طلعوا عني
الجود: لاعادي خالوه !!باخذ تكثي لاني محتاية هالاغراض ضروري!!
وفاء:ويييه فشيلة !!وين اودي ويهي منج!!
الجود:لافديتج !خالوه عطيني رقمج عثب اثايفه عندي!!(وعطتها رقمها)
وفاء:يمه لاتتأخرين واتحملي على روحج !!(وبعد ربع ساعة حصلت تاكسي وركبوا وياه)
الجود: بابا ثير اقرب مركز شرطة!!
السايق زين ماما !!(واتطالعها رحيل بنظرة)
رحيل: انا والله ماما ماسويت شي!!والله!!(وتنتفض رحيل)
الجود:بلاج؟
رحيل: انا اي شي سوي ماما والله ماسوي شي !!انا كله قول ان شاء الله
الجود متعجبة: عوذبالله من ابليث؟بتثكتين ولا اثمج بأي شي جدامي !!(ورحيل تصيح) يا اميه مب يايين عشانج !! الناث في حالة وهي في حالة!!
(وسكتت وبعد 10 دقايق وصلت ونزلت وهي واثقة من عمرها من اللي تسويه ووراها رحيل ..واللي في المركز كلهم يطالعونها لانه شي غريب انه بنية اتدش مركز الشرطة ..وهي مسوية طاف)
الجود فخاطرها: الحين براويك قدرك يامثعود يالخال!!مادري منو بيهدد الثاني!!
(ووصلت عند واحد وتسأله)
الجود: لوثمحت ابا اقدم بلاغ!!
الملازم منصور:اتفضلي وياي
الجود: انتي يلثي هنيه اترييني!!
رحيل:زين امايا
الملازم منصور: اتفضلي اختيه؟ (ويلست)
الجود: انا اثمي الجود ثالم ......(وتقول اسم عايلتها)
الملازم منصور: والنعم وسبعة انعام ..معروفين والمعرفة تشرف!!وابوج اشهر من النار على العلم!!
(ابوها كان مشهور من مشاريعه الناجحة)
الجود:شوماشاء الله تعرفه؟
الملازم منصور: والله حصل لي الشرف مرتين بس !!
الجود: المهم هذا واحد يطفر بي ماعرف منو ومرش لي مثج (وتعطيه التيلفون)
الملازم منصور: استغفر الله العظيم !!شو ها؟
الجود:وانا طلعت البطاقة باثم منو!!قالوا لي اثمه مثعود.......(وتقول اسم عايلته)
الملازم منصور: كيف طلعتي باسم منو؟
الجود:خلني اقول انه عندي ناث !!المهم هذا الجلب يبا يشوه ثمعتي مادري منو دازنه علية ..فعمري لاشفته ولا رمثته!!ويلوث ثمعتي هذا اللوث!!
الملازم منصور: وانتي بصراحة ماكلمتيه؟
الجود: يخثي !!والله ما اتنزل !!انا احين يايتنكم عثب تاخذون حقي منه !!
الملازم منصور: بنخلي التيلفون عندنا اذا ثمحتي!!
الجود: ومتى بتردونه لي؟ انا ما اقدر ايي الثراحة اهلي مثافرين وكل حد يتثل بي!!
الملازم منصور: زين عطيني رقمج ورقمه واشوف المسج !!
الجود: اوكي بث اثمح لي ما اقدر اطب هالمكان مرة ثانية !!انا ياية اقدم بلاغ وابي حقي حتى لو ينثجن لكم من يوم يتأدب !!ليش يتحرى بنات الناث لعبة فايده؟ والله لو ابويه يدري ليملحه ملاح اليهد!!
الملازم منصور يضحك: هذا ابوج وانتي ادرى به!! المهم بتصل بج من نيبه!!
الجود قامت: مشكور وماتقثر والثموحة!!
الملازم منصور: لاتحاتين حقج بتاخذينه لو على قطع رقبتي!!
الجود: يالله انا اثتأذن!!
الملازم منصور: الله يحفظج!!
الجود وركبت التكثي: بابا؟ ودنا الجمعية!!()وهم في الطريج)
الجود فخاطرها: احين براويك شغل الله يامثعود !!مادري منو بيترجى الثاني !!ومنو بيفضح الثاني !!تتحراني بثكت؟ اونك بتعجني فتهالك؟ بنشوف!! بنشوف
(نزلوا الجمعيه اتشروا الاغراض..و ردوا البيت)
وفاء: يمه صيفتوا؟
الجود:زحمة الجمعيه!!(وعطتها كيسه) هذي حق فيصل!!
وفاء: تسلمين يا يمه!!
الجود: انا بروح غرفتي ارتاح..تامرين بشئ؟
وفاء: لا يا يمه!!
الجود:يا الله امايا رحيل!!(وساروا الغرفة)اثمعيني عدل رحيل..
رحيل: زين ماما
الجود:ان علمتي حد اني ثرت الشرطة..اتعرفين شو بثوي؟بحلق شعرج كله بالموث!!والله بالموث بخليج قرعة وبعدين بكنثلج!!
رحيل:ان شاء الله ماما..
الجود:ياالله ثيري بدلي.. وروحي المطبخ..انا مابا غدا..
(وروحت عنها واتصلت على ابوها..رمسته وبعين امها و راشد..و على اذان العشاء..و اييها رقم غريب..ما ردت و بعدين طرش لها مسج ''انا الملازم منصور'' .. وعلى طول ردت من اتصل)
الجود: ثامحني ما ارد على ارقام غريبة!!ها؟شو قال؟ناديتوه؟
الملازم منصور:هيه نعم وهو عندنا..و يقول انه يعرفج و مكلمنج وظاهر وياج..
الجود: وانته ثدقته؟اكبد وحدة من اربيعاتي عاطتنه الرقم..وقلت لي كيف شكله؟(و فخاطرها تضحك)
الملازم منصور: لا والله فرق بين السماء والارض..صدقج هذا الا يتبلى !!نحنا بنحجزه لين يكفلونه!!
الجود:تثلم!!وبعد أباك توقعه على تعهد ما يتعرض لي!!
الملازم منصور:أكيد!!و هذا يا الشيخة رقمي..واذا في اي مشكله..بتحصليني!!
الجود:ما تقثر!!يا الله ثامحني و الله يحفظك!!(بندت عنه)هاهاهاهاهاهاي!!زين الله راوك يا الخايث!!محد قالك تلعب وياي..تجذب علي ألفين مره؟و انا براوك الجذب اللى على اثوله يا راعي الاثل!!
(وبعدها بــ4 ايام اتصلت بها امها المغرب) ندى:ها امية؟شو انتي؟
الجود: الحمدالله بخير..وانتي شو حالج؟
ندى:حالي ما يسرج يا الغاليه!!
الجود: ليش امبه؟خير؟
ندى:خالوتج وفاء اتقول انج دوم يالسه في الحجرة و حابسة عمرج!!ليش يا اميه؟
الجود:اميه؟مافيةّ اثقل عليهم!!هم ناث خيرين!!
ندى: اميه حبيبتي؟ عمري؟ محد يتضايق منج!! خصوصا وفاء!! طاعيها كيف خايفة عليج!!
الجود: خلاث ..ان شاء الله بيلث وياهم ..
ندى: وقدمي في الكليات اللي عندهم !!تراهم يتساهلون انا سمعت لو تعرفين انجليزي عدل بيدخلونج على طول!!
الجود: يثير خير..
ندى:خلاص عيل ماوصيج وهالله هالله بعمرج!!
الجود: اوكيك ياحلوة وثلمي على رشود!!
(ونزلت الجود ..وعواد طايح على ثبان امه ووفاء تلعب بشعره واتطالع التلفزيون وجامة نازلة من الدري ومحد لاحظها ويلست عالغنفة )
وفاء: شف!! شف زينب العسكري انا ماتعيبني مليقة!! يمة منها!!
عواد: الا امايا !!غاوية وشعرها وضحكتها الدلوعة !!يمة على دلعها!!
*عواد عمره 26 سنة يويل ورزيف يحب البر ويشتغل في المطار ..عيونه وساع عسليات وشعره اسود طويل لين رقبته وخشم سليلي ويشبه حمدان وشفايفه على الحمرة .. ابيضاني طويل وضعيف ..يحب القصيد ..ويحب بعد الاستهبال على اصوله وحبوب وايد الكل يحبه ..
وفاء محتجة: اقول؟ قم!! قم!! يمة منكم انتوا الصبيان ومن لسانكم!! (عواد قام من مكانه)
عواد: يقول الشاعر !!(انصدم بالبنية اللي يالسة) بسم الله من وين ظهرتي؟ منو انتي؟ (وفاء صدت)
وفاء: ويييه!!يمة جود تعالي قربي صوبنا ودنا نحاجيج ياعمري!! هذي الجود بنت عمك !!سلم عليها يمة!!
عواد منزل راسه وفخاطره: غربلج الله لبنانية؟
عواد: مرحبا..مرحبا..
وفاء: يمه انتي مثل بنتنا ..وأي شي يضايقج ..تعالي علميني وانا اخذ حقج !!
الجود تضحك لاول مرة جدامهم: افا عليج ياحلوة !!انا ايدي تكفي تاخذ قضى البلاد كلها!!
وفاء: بسم الله عليج ..الله يحفظج !!(على لهجتها الكويتية البحته الا انها كناري جنها اماراتية)
عواد: عوذبالله !!(واتجاهلها)خلوني اعد قصيد !!(وهن يضحكن) يقول الشاعر!!
وفاء: شنو يقول الشاعر؟
عواد: ياعاذلين الهوا خلوه .... يلعب بقلبي على كيفه (ويغمز للجود يلعوزها)
وفاء والجود: كيفه!!
عواد :ماتحمل الصد والمشروه .... منه ولو زاد تعنيفه ..(وسلمتوا)
وفاء والجود:تعنيفه!!
عواد يستهبل: ماقصر بن طناف على هالقصيد !!
وفاء: حووووه مو بن طناف !!انته وش فيك الله يهديك!! هذا الشيخ مايد الخاطري!!
عواد: والله؟ ما اذكر!!بس احيد بن طناف!! لكن ماعليه عديها لنا ياوفاية!!(وهن يضحكن ..كان يحب يسوي سوالف ودخل فيصل وهو يصيح)
وفاء: بلاك يمة؟ شفيك؟(وتحضنه)
فيصل: ماشي امايا!!
وفاء: ميري شفيه فيصل ؟ليش يبجي؟
ميري: ماما فيصل دربي انا الا راس مالي !! وانا سويت مسكي هو ويبجي!! (الجود مادشت خاطرها اللي اسمها ميري)
وفاء: يمه فيصل؟ جم من مرة اقولك لاتطق ميري!!
فيصل: انا والله والله يا امايا ما ضربتها!!
ميري منفعلة: انا جدابة؟ انا؟
وفاء: يامعودة !!محد قال انج جذابة ..يالله روحي!!روحي!!
عواد معصب: هذي الا جذابة !!الله يغربلها ويغربل يومها !!اميه فخاطري اسلخ يلدها الحقيرة!!
وفاء: اوووش!! عيب ياعواد مو جدام الجود ..(ويسمعون فيصل والجود يضحكون ..الجود شافتهم يطالعونها وسكتت)
الجود: خالوه يثموني جامة لانه اثمي طويل!!
عواد:هههههههه اثمج طويل؟قولي سعيد سالم سلمان سلطان سهيل وسلسبيل؟
الجود: جاب!!جاب!!تعلق علية لاني حاطة تقويم؟خالوه؟ناديني الجامة!!
وفاء: شنو جامة انتي دريشة؟انتي اصلا الدلع كله!!
عواد: ههههههه جامة لا!!لا!! حلوة!! ياجامة!!(وتطالعه بطرف عينها)
الجود: طوف فيصل بنلعب برع !!عندك كرة؟(وتطلع برع)
عواد: هذي رافعة خشمها على شو؟
وفاء: اسمعني يا يمة!! هذي بنت عمك من لحمك ودمك ..والظفر ما يطلع من اللحم!!
عواد يتويع: آآآآووج!!
وفاء: شفيك؟
عواد: قلتي الظفر مايطلع من اللحم!!واتخيلت الظفر يطلع من اللحم هههههههه(وتضربه على جتفه)
وفاء: مليق!! اسمعني يايمة !!مابيك تلعوز البنية ..وانا كلمت الصبيان فهمت؟
عواد: اميه..هذي اول ماشفتها قلت يمكن حد من اخواني عرس وياب لبنانية !!هذي اماراتية.؟اشك انه عندها جواز..
وفاء معصبة: عواد!! عيب ياصبي!!اهلها من النوع الفري ..وراس مالهم هالبنية !!عواد؟ وين سرحت؟
عواد فخاطرها: والله لالعوزها الهرمة!! انا تقولي جاب هالجامة؟
عواد: لا!!اميه ان شاء الله !!بس اميه هي مب في دبي هي فدار زايد على الاقل تتستر وتلبس عباة ووجاية!!
وفاء: شي ما يخصك ولا يخصنا !!روحها من نفسها راح تلبس !!وانته شكوا؟(الجود برع ويا فيصل)
الجود: خبرني يا قيثل..ليش ضربت ميري؟
فيصل: تحفظين السر؟
الجود: احفظه في بير ياحبيبي
فيصل: اووييه!!انتي تحبيني؟
الجود: طبعا ياحلو !!
فيصل: اول شي احلفي!!ورفعي ايدج اليمين!!
الجود: هههه زين(وبجدية رفعت ايدها اليمين) والله مابخبر حد!!
فيصل: ميري يوم تشوفني كله تضربني ..مرات اشوفها تاخذ اغراض ماما ..ومحد يصدقني ..انتي تصدقيني؟
(عورها قلبها عليه)
الجود: تضربك؟ طبعا حبيبي اثدقك !!
فيصل يصيح: كله ماما وبابا يتحروني اخذ اغراضهم ويضربوني بعد !!بس انا والله والله ما اجذب ..بس ميري تقول لي ان خبرت بتضربني بالمعلاق وبتحرق صبوعي !!
الجود مفولة: الله يغربلها اثبر علية انا براويها الملعونة !!هالثيلانيات يبالهن ضرب الملاعين!!(ويراويها ظهره اللي ميّرح كله من المعلاق)
فيصل: شوفي هذا يوم العب تيلس تضربني
الجود معصبة: الله يكثر ايدها واتفدع الخايثة !!الجلبة!! تعال بنثير حجرتي باخذ تيلفوني وبنثوي حق الدكان بنطلب ..اممم شو تبا؟
فيصل: كافي وايس كريم وشيبس تشيتوز الحار !!
الجود: ياكبير!! كفك!!(ويعطيها كفه)وكرة بعد!! من زمان مالعبت!!
فيصل: شو تعرفين؟ سلة ولا قدم؟
الجود بحماس: كلوا!!كلوا!!
فيصل يضحك: ياكبيرة !!(وتاخذه غرفتها ويابت التيلفون ونزلت)
الجود: خالوه الحلوة؟كم رقم الدكان؟
فيصل بحماس:انا اعرفه اتصل؟
الجود: هيه حبيبي اتثل ..الموبايل موبايلك (سوا حق الدكان وطلبوا)
فيصل: عمي عواد؟يالله روح بدل!!
عواد: شعنه؟
فيصل: جامة عازمتنا على مباراة انا في فريقها!!!
وفاء: ويييه!! يمه دلوعة ماتعوزينها!!بتتعورين!!
الجود: خالوتي الحلوة مباراة وحدة لا غيرها!!
عواد يستهزىء: انتي؟ ماعنثرج!!(ويأشر على عمره) خلي المبارايات لاهلها!!(والجود حطت ايدها على خاصرتها)
الجود: تثتهين بي؟ خالوه منو تشجعين؟
وفاء: طول عمري اشجع عيالي ..دامج ييتي بشجعج(ويسمعون صوت الجرس)
الجود: هذا اكيد راع الدكان !!(وتغمز لفيصل) اللي بيوثل قبل يقرث عواد!!
(ويركضون صوب باب الصالة بيطلعون ..وكانت الجود تسبق فيصل ..بطلت الباب ودعمت اللي مجابلنها )
عواد: طاعوا !!كله يدخلوني في السالفة !!يقول الشاعر!!
احمد يزاعج:اووووووووووووووووووب!!(هي دعمته ورد على ورا اثار الدفع ..من غير دعمها بعد فيصل من السرعة) هـــــــــــــــــــــــــيدوا!!!
*احمد عمره 25 سنة يشتغل في بنك بوظبي ويادانا ..عريض معضل طويل ووزنه مناسب وياطوله..شعره بني غامج على حمرة لين تحت رقبته ...خشم شيوخي كحد السيف..وشفايف عاديات ..وعيونه السود اللي تلفت ..رزيف درجة اولى وشاعر ..شارك فكم من فيديو كليب ..صفاته طيب والابتسامة ماتفارج ويهه ولسانه سليط ..
(ورفعت جامة راسها واتطالع الريال اللي يقول لها هيدوا ..هذا البني ادم شايفتنه لكن وين؟ ماتعرف ..احمر ويهها)
الجود فخاطرها: اول مرة فحياتي ادعم واحد حليو !!اووف ياعيونه كيف تلمع!!(هو يعدل كندورته وهي ردت على ورا)
الجود منصدمة: مزااجي!!! مغرورة ومشكورة!!(هو يعدل كندورته وهي ردت على ورا)
احمد: هههههههههه هيه نعم مزاجي!!وبعد مغرورة؟ لكن مشكورة!!
وفاء: يمه شوي شوي على روحج عن تتعورين !!(ويقاطعهم عواد)
عواد: يقول الشاعر ..
وفاء: شنو يقول؟اللهم ياكافي!!(احمد دخل البيت وهي تمت واقفة عند الباب ..مب رايمة تتجرك وفيصل وراها)
عواد: يجيني طيفك يعدل مزاجي ..وانا طبعي مثل طبعك مزاجي ..
احمد يضحك ويردد ويا وفاء: مزاجي!! (وسلم عليهم)
عواد: اذا اصحى ولا القاك عندي ...يهيم الشوق ويكدر مزاجي...
احمد ووفاء: مزاجي!!!
عواد: ماقصر المرحوم سالم الجمري على هالقصيد!!!
احمد: حوووووووووووه!! لاحول ولاقوة الا بالله!!علي الكعبي يالتعبان !!
عواد: والله؟.وانا شدراني؟(والجود تضحك عليهم ..طلعت هي وفيصل)
احمد ويأشر صوب الباب: منو هذي اخت دانا؟
وفاء تضحك: حسبي الله على ابليس !!شفيكم؟هذي الجود بنت عمك سالم!!
احمد مستغرب: اوووه!!اوووه!! بلاها جذيه شرا الاجانب؟ وليش ياية؟
عواد يضحك: سير فججها يالمهيندي !!(ويقلد امه)يمه ياحمود هذي بنت عمك الجود !!ابوها وامها مسافرين امريكا عند عبادي ورشود..وخلوها عندنا امانة لين يرجعون ..وحط في بالك !!(ويأشر بصبعه بتوعد وتهديد) لاتلعوزها !!هذي بنت حساسة !!والعثرة الجبيرة انه امك مسمتنها دلع!!(احمد ميت من الضحك)
احمد: انزين !!لين متى بتم؟
وفاء: ويدي؟بتحوشها؟ امبيييييييييه !! نسيتني!!وين يدتك؟(احمد ضرب ايده على راسه)
احمد يشهق: نسيتها في الموتر راقدة!!(ضحك عواد بصوت عالي ويربع احمد برع وكانت الجامة ويافيصل يالسين على الدجة وياكلون تشيتوز ويطالعونه مستغربين)
الجود: فيصل؟ هذا منو؟
فيصل: امبييييه!!ماتعرفينه؟هذا عمي احمد اخو بابا!! وايد يحبني هو وعمي عواد!!!
الجود مستغربة ومستانسة فنفس الوقت: ولد عمي؟
فيصل: ولد عمج؟جود؟انتي شو اسمج الصدقي؟
الجود تضحك: اثمي الجود ثالم ..ومعناته الكرم ..يعني كريمة فديتني ..(وتاكل شيبس)تراك تزجر اميه الجود بهالاسم!!
فيصل: هيه!!وتحّرج يوم اقول لها يدوه الجود!!
الجود تضحك: لازم!!تعرف؟ازجرني الجامة !ويالله ثير ناد عواد واللي يبا يلعب يالله (احمد وينزل يدته)
احمد يبتسم: سامحيني يدوه !!من الغلبة نسيتج!!(وتوخي تظهر عصاة احمد مال الرزفة اللي كانت حذالها وتضربه بها)
اليدة الجود: يامسود الويه !!تنسى يدتك؟ خلني اجر الدعنة وانا بروايك يالمهاروم!!
(احمد يضحك ودشوا الجاراج وتركض الجود وتبوسها على راسها)
الجود: امييييييه العودة !! حبيبتي!!!
اليدة واتطالعها: احمدوه؟ بنت منو هذي؟ لا يكون اخت دانوه؟
احمد يضحك: لا اميه هذي بنت عمي!!
اليدة اتدقق فيها: الجود؟ وااايه فديتج !!وانا اقول محد يزجرني بهالاسم غيرج !!ولا كنت ناحرتنهم!!
الجود تبتسم وتحط ايدها على خاصرتها محتجة: توة الناث !!مالي خث !!انا زعلانة !!ابا بوثة على خدي بثرعة!!!
(واحمد يتقرب منها ) اليدة: حوووووه!!بلاك بسم الله؟
احمد: والله هي قالت انها زعلانة وتبا بوسة !!وقلت فخاطرية ليش تتعنين؟ انا بعطيها!! (احمر ويه الجود)
اليدة: انف عليك يالرغيد!!! طوف جدامي عند امك!!!
الجود: احمد؟ (التفت صوبها)
احمد: نعم؟ تراني اتمصخر وياج (ويمسح على شعرها جنها ياهل)
الجود معصبة: انا هب ياهل !!انا عمري ثبع تعشر ثنة ونث!!
احمد: اسف!!اسف!! اعذرينا يا ثبع تعشر ثنة ونث!!! هههههههههههههه
الجود: انزين ولد عمي؟ ممكن تلعب ويانا شوط واحد؟
اليدة محتجة: وابويه !!شو يلعب؟
الجود: كرة ثلة ..احين اخوانك بينزلون عشان خاطري؟
احمد: ما اقدر !!توني ياي من قطر ومنهد حيلي مرة ثانية!!(طالعته بنظرة غرور وسارت جدا يدتها)مغرورة!!هذي شو مشكلتها؟
(كانت حاطة في بالها انه احمد مابيرفض لها طلب لانه مبين انه طيب وسمح الويه)
اليدة: غربلج الله تلعبين وياعيال عمج؟اهبي!!
الجود: وانتي؟ نثيتي شكل بنت ولدج؟ ها؟
اليدة: ياكبرج !!يلسيني عالكرسي بطالع شوط على قولتج!!
الجود وتبوسها: يطول لي بعمرج ياحلوة!! شو قطر؟
اليدة: حلوة وزينة والجو غاوي !!لكن في الطيارة غربلهم الله كله هنود!! وصنانة عوذبالله!!غرشة اللوشن خلصناها من كثر مانرشرش !!
(الجود تضحك ويت وفاء)
وفاء: حمدلله عالسلامة يايمة.؟تستاهلين السلامة !!
اليدة: الله يسلمج ياامايا !!شفتي ولدج المهاروم مساني في الموتر؟ (الجود تضحك بصوت عالي)
وفاء: انا اوريج فيه الهرم!! يمة؟ مابتروحين ترتاحين داخل؟
اليدة: بنشوف شوط!!
(عواد ياي هو وفهد وسهيل وحمد وراشد ولابسين بناطلين وفوانيل ومتحمسين)
عواد: اووووووووه!!اوووه!! يدوه هني؟يامرحبا ويامسهلا (وساروا سلموا عليها)
اليدة: اندوكم انتوا!!! وصلوا وصلوا !! وصلوا الاجانب!!!
عواد: ها الجامة؟ منو في فريقج؟
فيصل: انا في فريق الجامة!!
الجامة بدلع: راشد؟ ثهيل؟
وفاء: شوفي الدلع كيف يعمي بصيرتهم!!
عواد: ان كيدكن لعظيم!!
راشد: وياج!!
سهيل: تم بالح!!!
عواد: بنلعب كرة ثلة!!هههههههههههه
الجود: ماعليه!!
فهد: عليهم!!(وترفع الجود جينزها وتطلع ريولها شوي)
حمد: بتخبل!!
اليدة: خبلك ابليس!! نزلي سروالج!! (وهم يضحكون)
الجود: ماقدر ياحلوة !!اخاف ادوثه واتخرطف واطيح!!!
فيصل: منو بيفر الكرة في النص؟
اليدة: انا بفرها!! (ويضحكون كلهم)
الجود: ماعنثرج !!اخاف الا ندفرج!!
اليدة وتقوم: اروم!! هاتي الجبة!! (ورحيل واقفة ورا وفاء)
الجود: لا اميه !!يلثي !!رحيل امايا؟ تعالي فري الكرة في النص !!
رحيل: زين امايا!!
(وتاخذ عنهم الكرة وقفت فنص الحوي ..عواد وراشد مجابلين بعض ..وتفر رحيل الكرة فوق وتسير مكانها وتطالعهمولعبوا شوطين وبعدهم متعادلين 66 ل 66 وكان اللاعب المحترف هو راشد لانه اطولهم ويفرون على بعض ..كانت جامة بعيد عن الهدف ..جان تفر الكرة على سهيل وهو حليله بكل قوته فر الكرة ويسمعون صوت دريشة تتكسر)
وفاء حطت ايدها على قلبها : يمة!!!! اخترعت!!!
راشد: ياثور!!فر الكرة على السلة هب درشتنا!!
(وزاغوا كلهم ويطالعون المكان المكسور وعلى طول وقفت الجود ورا راشد ماسكة فانيلته زايغة ..ويوايج احمد من دريشته معصب وويهه احمر)
احمد يزاعج: لابارك الله فيكم!!! منو هالرغيد اللي كاسر جامة حمامي؟؟
عواد يزيد الطين بلة: سهيل كسرها !!(واليدة تضحك)
احمد يصارخ: سهول ويهد!! جيه تتحرى ال goal هو دريشة حمامي ياتيس؟
فهد: هاهاهاهاي عصبوا عليه!!
سهيل يستعبط: وانا شدراني؟ قول الحمدلله انه مايت على راسك!!(ويتضحكون كلهم عليه)
احمد معصب: هيه اضحكوا ..جيه مسوين عرض؟ نادوا الخدامات خلهم ينظفون !!طيرتوا الرقاد من عيني!!!
حمد بصوت واطي: الا مرارته انفجرت من الزياغ!!
(ويضحكون كلهم على كلام حمد وتدخل دانا من باب الجاراج)
دانا: مرهبا!!
الجود: هلا والله!!
دانا: ليش كلكم برا؟ what happen?
سهيلur cousin played with us basket ,then without purpose i……i…..
دانا:I ? I what?
اليدة تقاطعهم: فر الجبة على دريشة حمام احمدوه وكسرها!!
دانا h my god!! Somebody is hurt?
عواد: عاشت يدوه ترطن انجليزي!! ( ويضحكون)
اليدة: اعنبوا تتحراني ما افتهم؟ هو اللي ما يعرف يجاوبها قابض لها آآي!!! و آآآآآي!!!
وفاء: يالله يمه دخلوا داخل ..احين بيي ابوكم وبننجب العشاء ..
الجود: ثامحوني انا ماكلة ويا فيثل لين قلت بث!!
وفاء تصاصر الجود: دلع يمه ..دام الجميع وصلوا ترا عندنا تقليد على الغدا نتيمع كلنا كبار وصغار كل يوم ..وبيزعل بوحمدان اذا ما شافج !!انتي من وصلتي ولا جد مرة كلتي ويانا ...
الجود: خالوه؟ انا ما احب اثقل عليكم !!ومن غير تشوفين؟(وتراويهم التقويم) حاطة تقويم واكلي خفيف !!المهم حبيبتي تثبحين على خير ..بروح غرفتي اتثبح!!
وفاء: مشكورة..
الجود: على شو؟
وفاء: من زمان ماتيمعوا ولا لعبوا جذيه!!!
الجود تبتسم: العفو!! (وتوها بتروح بس ردت) خالوه؟ انا لازم باجر اثير عند الدكتور الاثنان حق تقويمي !!
وفاء: انتي تامريني امر حبيبتي بس الساعة جم؟
الجود: على الثاعة 11 بث انا ابا من هني !!ماروم اثير لين دبي !! (ويطلع لهم حمد فجأة)
حمد: انا بوديها!!
الجود: بسم الله!!
وفاء: خرعتنا!! يمه باجر عندنا عرس بتودينا في الليل ..ومو عليك معهد باجر؟ مو كفاية عندك دور ثاني؟
حمد: عادي اول حصة!!
وفاء: لا اول حصة ولا اخر حصة !!ان ما حضرت لأسحب عنك الموتر !! وانته تعرف ابوك!!
الجود: خالوه؟ انا بروح غرفتي وباجر الثبح بكون جاهزة!!
دانا: جود؟ after dinner can I step to your room?
الجود:you're welcome anytime
دانا: رفيئة يت ولا لأ؟
وفاء: لا يا يمة ما يت!!
(وروحت الجود ويوم ركبت الدري وفطريجها لغرفتها تشوف حجرة احمد والشباب مبطلة وتسمع المكينة اللي تخم وهو يتحرطم ..دشت غرفتها وسوت حق امها ما ردت عليها ..وسوت حق ابوها وبعد ما رد يمكن رقود لاختلاف الاوقات وبعد نص ساعة تسمع حد يدق الباب )
دانا: ادخل؟
الجود: ادخلي!!ادخلي!!
دانا: why didn't you have dinner with us?
الجود: I ate with faithal cheetoth (ويسمعون حد يدق الباب)
رفيعة: ممكن ادخل؟
الجود: اتفضلي قريب!!
رفيعة: زاد فضلج الغالية !! (ويلست وياهم وسولفت شوي ..)
دانا: do you remember رفيئة last week what happen?..
رفيعة: شو؟ شو استوا الاسبوع اللي طاف؟
دانا تضحك: I was knocking her door !! and when I ask her open the door!!
رفيعة: هيه!!! هههههههههههه شو اسوي اهتم بعمري!!
دانا: اقول لها افتهي الباب اتقول لي لاهية لاهية وصوت الموسيقى ينسمع !!!
الجود: جيه بلاها؟ شو تثوي؟
دانا: الحرمة ترقص!!
رفيعة: شو اسوي اخفف وزني (وبعدها)
دانا: what happen today?
الجود: I was bored so I bought a ball to play with them basket ball until your husband and have broken ahmad's window(وتضحك)
رفيعة بلهفة: احمد؟ بلاه احمد؟
الجود: بقاطعج فكلامج انا فحياتي ماشفت عيال عمي وانثدمت انه احمد هو اللي في الفيديوكليب
رفيعة بلؤم: هاااااا؟ حطيتي عينج عليه؟ من اولها؟
الجود تبتسم: لا حبيبتي ماحطيت عيني عليه!!
رفيعة تغير الموضوع: تراه بعد يومين عمليتي !!
الجود: خير؟
دانا: بتسوي plastic surgery!!
الجود: شو ؟ليش؟
رفيعة مستانسة: عملية حق خشمي واكبر شفايفي !!
الجود: الله واكبر !!بتغيرين خلقة ربج؟
رفيعة: خلق الله يسوون ولا عاد الفنانات الخبايل !!كل وحدة قالت بتخوز العظمة اللي فخشمها لانها اتأثر على صوتها !! عطوني اعظام خشومكم وارحموني!!
(دانا والجود طالعوا بعض وضحكوا بصوت عالي )
الجود: احم!!! انزين وريلج؟
رفيعة: اول شي ما رضا !!وبالحيلة رضا !! والله اني ادور على العظمة بس عسب يطول خشمي !!(ويصيح تيلفون رفيعة ) هلا والله شحالك حبيبي؟ انا بخير في البيت .. ( الجود اتطالع دانا ..ويسمعون صوت تيلفون ثاني وتيلس عالكرفاية وتتكلم بدلع) هممم؟ سعيد؟ لحظة فديتك عندي خط ثاني !!(وطلعت تيلفونها الثاني والجود مستغربة من اللي تشوفه) ها حمداني؟ شو؟ خلاص اوكيه فديتك ..باجر بشوفك ولا يهمك فمان الله (وردت على سعيد اللي تكلمه)
الجود: انا احلم؟
دانا: لا ما تهلمين!! This is reality
الجود: betrayer?
داناfcourse she is careless about this situation
الجود: I can't imagine what happen
دانا: هذا الوضع من زمان مو الهينة !!
الجود: and her husband?
دانا: he works in the army and in holidays returns home
الجود: nobody notice?
دانا:she flirts everyone but she has a crush on one !!
الجود: who?
دانا:you'll discover it soon !! ( والفضول بيذبحها كيف تخون ريلها؟ وليش؟ ومن بندت عن سعيد)
رفيعة: اكيد خبرتج ام الخراريف كل شي!!
دانا: انا ام الخراريف؟ الله يسامهج!!
الجود: فهميني لو ماعندج مانع!!
دانا: yes فهميها!!
رفيعة: غناتي؟ انتي تتوقعين كل حرمة معرسة مخلصة؟ لا!! انا الصراحة اتم بالايام روحي وريلي محد هب ويايه وفيصل عند الخدامة ..عندي كل شي فايدي بيزات!!ريال!! موبايلات!!وحتة حمدان مايدري عن الموبايلات..هو دوم لاهي ما بجذب!! من يحصل فرصة ما يقصر فية!! بس احس خلاص!!مايملي عيني الا المغامرات الشبابية ..(شفتوا كيف نظرة رفيعة للمجتمع تتحرى هي النظيفة والباجي لوث مع انه العكس صحيح)
الجود: بث هذي يثمونها خيانة!!!
رفيعة: شو خيانة؟انا رقدت ويا حد؟ لا!! بس تسلية اكلمهم ..اشوفهم من بعيد بس!! واذا محتاية مثلا يصرفون علية!!
الجود: شوه ؟ كيف؟
رفيعة: مثلا افصل عباة ..اطرش حبيبي واقول له يدفع عنها ..او اي شي فخاطري كله اييني بالسياسة والكلام الحلو !!
الجود: الله واكبر !!وانتي مرتاحة جذيه؟
رفيعة: اكيد مرتاحة ..لانه في حد يكلمني ويحبني !!
الجود: وريلج مول ما لاحظ انه عندج تيلفون ثاني؟
رفيعة: هو شدراه؟انا اخشه فكبتي اللي فيه كله ذهب واقفل عليهن!!ا
الجود: عليهن؟
رفيعة: عندي كم من موبايل تبين واحد بعطيج!!
الجود: لالالالالالالالالالا !!مابا انا عندي واحد ويكفي !! (ورفيعة تغمز للجود)
رفيعة: وانتي ياللبنانية ماعندج بوي فريند؟
الجود: لا طبعا !!
رفيعة: على هذا كله؟ وبعد ما عندج؟ (ورفيعة هب مصدقة)
الجود: والله ماعندي !!
رفيعة: خلاص انا بعرفج!!
الجود: مشكورة هب محتاية!!
رفيعة: طبعا هب محتاية يوم عندج 7 شباب في البيت ( الجود عصبت)
دانا:come on you don't have manners? Don't talk to her like this !!
رفيعة: اقول الجود؟ اتمنى يكون هذا السر من بيننا ..واذا كشفتيه محد بيصدقج !!اوكي؟ وانتي!! اييييه الامريكية!! مب ياية تعلميني دروس في الادب والاخلاق!!بروح اكلم حبيبي يالغيارة!!
(وروحت لغرفتها وحست الجود فخاطرها تعفد على رفيعة وتضربها)
دانا:she's always like this ,but when she doesn't have someone to hear her she comes to me
الجود: ثامحيني دانا على الثؤال !!but do although have a boyfriend?
دانا تضحك: ofcourse I have !! ( والجود زاغت)
الجود: are you serious?
دانا: ofcourse I am, سهيل هبيبي وهياتي and my handsome boyfriend
(ويضحكن اثنيناتهن وروحت عنها دانا ..لبست بجامتها ويلست تذكر كيف كانت امها تيها في الليل قبل ما ترقد وتطلب منها تقرا آية الكرسي والمعوذات ومن غير ابوها اللي مايرفض لها طلب وتفكر بعد ف سلامة وفاطمة وطرشت لهم مسجات ..وهي ماخبرتهم عن مسعود والبلوى اللي استوتوبعدين نامت ..نشت على الساعة 4:30 يوعانة وعطشانة وصدت فآخر الغرفة رحيل راقدة ومتلحفة بالكامل ..لفت شعرها وتبطل..)
الجود: الله يغربل القباضة !!التعني !!وانته !!(تقصد شعرها) تم مبطل محد بيلفك !!ولكن ان ما انلفيت مرة ثانية !! بقثك!! والله بقثك!! بنشوف عقب يا انا يا انته !!(وكانت معصبة انه شعرها ما ينلف ..بدلت ولبست بجامة يهال بنطلون وفانيلة نزلت عين مبطلة وعين مبندة كانت يوعانة وبعد فيها رقاد تبا تلحق على الحلم عن يطير عنها.. سمعت صوت الاذان ) الله واكبر الاعظم...
(بطلت الثلاجة خذت لبن بتشربه وتسمع عمها علي يدق على الشباب ..)
علي: يالله قوموا !!اقم صلاتك قبل مماتك !!يالله عالمسيد بيقيم الصلاة !!(وتسمع عيال عمها الا واحد يتأفف ..واللي يقول ثواني ..واللي يقول ان شاء الله ويطنش) قـــــوموا!! (ونزل تحت ويشوف ليت المطبخ مبطل) منو هناك؟
الجود: انا!! انا!!!
علي: بسم الله !! شو موعنج من الفيّر؟
الجود: نشيت يوعانة !!قلت بنزل باكل لي شي!!
علي: ماشاء الله على شعرج مربتنه !!جيه البنات !!الله الله عليهن!!فديتها بنت اخويه!!!
الجود: فديتك انته!!
علي: انتي بنتنا وامانة بعد..كلي وسيري صلي !!
الجود: ان شاء الله (سار عنها المسيد وهي حطت راسها على الطاولة ورقدت بدون ما تحس )
عواد: يقول الشاعر !!
حمد: ياخي بعدين !!الشاعر راقد هالوقت!! وعها!!
عواد: زين!! جامة؟ جامة؟
احمد: منو الجامة؟
عواد: هي ينادونها الجامة!!
احمد: هييييييه عسبت جذيه كسرتوا جامة حمامي يالهروم!!
فهد: حرام عليكم !!جود؟ جود؟ قومي!!
راشد: شفت شعرها مطوله؟ اول مرة اشوف وحدة شعرها طويل جذيه !!شكلها عراقية لكنها اغوا!!
سهيل: قول ما شاء الله!!
عواد: ليش ما تنش؟ نومها ثقيل!!
سهيل: انا بروح ارقد !!وعوا سنووايت يالاقزام السبعة !!
عواد: احمدان انته وعها !!هزها بايدك!!
احمد زايغ واحمر ويهه: شمعنى انا يا ريال؟ تبا تيني الصفعة؟
عواد: لا يا خوي !!انته رزيف ..عادي يعني اذا دقيت البنية !! يعني في الفيديو كليب مادقيت البنية؟ يوم كانت تدلع؟
احمد: تمثيل!! يسمونه تمثيل هب صدق!! (وتسمع حشرتهم ..بطلت عينها وقامت مفزوعة)
الجود: بثم الله الرحمن الرحيم !!بلاكم؟ ابويه او اميه اثتوا فيهم شي؟
احمد: هّيدي !!هّيدي !!انتي اللي فيج شي !!
الجود: انا؟ (واتطالعهم وعيونهم كلهم اثارة ..عايبتنهم انها زايغة)
احمد: شفنا ليت المطبخ مبطل ..ويوم يينا لقيناج !!
عواد: يقول الشاعر ...
حمد: لايقول ولا شياته !!قلنا لك راقد !!طوفوا يوم قامت خلاص !!(روحوا الشباب وبقى عواد واحمد)
عواد: اظني يا احمدان ..بنت عمنا عيبتها رقدة المطابخ شرا القطاو !!
احمد: هي والله غدت قطو مطابخ !!
الجود: ههه مايضحك ثخيفين!!
احمد: ثخيفين ولا نحيفين؟ (ويضحك عواد)
الجود: جاب!!جاب!! (طالعته بنظرة احتقار وروحت عنهم)
احمد: بلاها جيه مغرورة؟
عواد: هذا هو اول الحب!!
احمد: اي حب؟ اي خرابيط !! انا احبها هذي؟ هذي الا ياهل !!
عواد: كل ياهل يكبر!!
احمد: يوم بحط عيني على وحدة ..اباها كاملة الاوصاف !!
عواد: موووول امممممرة !!بتحصلها على طول ..كل انسان وله عيوبه يا احمدان !!دان دان!!
احمد: اقول؟ انطم وخلنا نسير نرقد!!
عواد: انطم ولا اسكت؟ هههههههه (ويدزه احمد ...)
(وعلى الصبح الساعة 10 اتسبحت وغسلت شعرها ونشفته لفته ونزلت قصتها على ينب وكم من خصلة ..لبست بنطلون جينزل طويل ووسيع وركبت الحزام الذهبي العريض عليه ولبست فانيلة تركواز سادة ويد طويلة وبعد لبست حيول ذهبية وتركواز وخطت جحال داخل عينها وشلت موبايلها وبكها وحطتهم في مخباها ونزلت)
وفاء:هلا !! مرحبا يا صباح الخير!!(وباستها على راسها)
الجود: صباح النور والفل والياسمين والدهن العود!!
وفاء: تعالي يمة تريجي وياي ..كلهم راحوا الشغل ..
لجود: عيل منو بيوديني العيادة؟
وفاء: يا احمد او راشد !!
الجود: هم نشوا؟
وفاء: بعدهم نايمين ..تعبوني هذي سادس مرة اوعيهم !!روحي شوفيهم!!
الجود: بثير اطالعهم ..بث هم ماعندهم شغلة؟
وفاء: يمة حمد في المعهد ..وعواد عيوني راح المطار ..وفهد ويا عمج..سهيل وحمدان في الجيش...اممممم.. اييه راشد في التقنية واحمد يشتغل في بنك بوظبي مع دانا ..بس هو ماخذ اجازة شهرين يبي يرتاح .لانه كان عنده حفلة في قطر ويالفرقة الحربية ...
الجود متشججة: خالوه وايد حلو في الفيديو كليب اللي كان فيه !!اتخيلي انا وربيعاتي كل ما نشوفه نتخبل!! بث في الفيديو كليب شي ..والواقع شي ثاني !!
وفاء تغمز لها: عجبج؟
الجود: تمثيله في الفيديوكليب بث!! اقول؟ بروح اوعيهم !!
وفاء: ايييه يمه روحي!! (وسارت دقت الباب محد رد)
الجود: اتثتروا يا رياييل الجود بتدخل!! (ولا كأنه قالت شي ..هم في تاسع نومة ..دشت حمامهم ..غسلت ايدها بماي بارد ..احمد متلحف بالكامل وراشد عاج اللحاف وشعره مكشش وراقد ومبطل حلجه ..ضحكت الجود وبعدين قالت) احمدان؟ قوم عاد!!
احمد: منو انتي؟ بلاج؟
الجود: انا جامة قوم!!(ويتحرك)
احمد: شو تبين؟
الجود: حد منكم يوديني دكتور الاثنان !!
احمد: رشود خاه يوديج دخيل الله ابا ارقد !!(سارت عند راشد)
الجود: راشد؟ راشد؟ قوم عاد!! (ولاحد معبرنها ..سارت فجت اللحاف عن احمد ..زاغت) بثم الله الرحم الحيم!! (طلعت ريله ههههه طلع احمد راقد العكس ..وفجت اللحاف من الجهة الثانية ..كان صاد هب مجابلنها وبإيدها الخرسانة مسحت على ويهه وراحت مسحت على ويه راشد ..قام احمد معصب وراشد اخسين..)
راشد: شو سويتي!!!
الجود: هذا دواكم انتوا مب رايمين تقومون تودوني؟
احمد مفول: ياللي بيوديج !!اعنبوج ياي من السفر قدري حالتي !!لو تطيرين وتحلين ماوديتج!!
الجود: قلعتك!! بتذلني على ثيرة؟لاتكلمني!! (وطلعت وهي معصبة)
احمد: جهنم!! فحياتي محد طلعني عن طوري !!تي هالياهل تلعب بأعصابي!!
راشد: انا بقوم بوديها !!حرام هذي بنت عمنا !!(سار الحمام ونزلت وهي تتحرطم)
الجود تكلم عمرها: مادري على شو خجاج؟ كدر مزاجي!! الله يغربل هالكلمة ان شاء الله!!
وفاء: يمة شفيج تتحرطمين؟
الجود: لاخالوه مافية شي (طلعت وفاء من شنطتها فلوس وتعطيها وترد الجود لها الفلوس) اثمحي لي خالوه بردج هالمرة انا ثح اهلي خثروا فلوثهم لكن هب محتاية ..انا وبكل ثراحة ابويه عاطني 2100 كلهن عندي ..صح اني مثرفة لكن انتي عالعين والراث ..واهلي الله يطول بعمارهم (وملامحها جدية) موجودين .ويوم ماعندهم بثبر..
وفاء: تردين خالوتج؟ (والجود تغير السالفة)
الجود: حبيبتي انتي ياحلوة !!(وباست وفاء على راسها ..وينزل راشد)
وفاء: صباح الخير ياعيوني تريج يمة !! (لابس كندورة بيج ومسوي شعره سبايكي)
راشد:لا اميه مابا ..يالله جامة قومي!!
الجود: لوكي!!
وفاء: عفية يمه لاتسوق بالحيل ..(وفاء تغمز لراشد تباه)
راشد: إإإه ان شاء الله ..سيري الموتر وانا ياينج !!
الجود: انزين (وروحت)
وفاء: عفية يمة هذي فلوس ..هي مارضت تاخذهم مني .. من تنزلها تقدر ترد عليها ؟
راشد: بشوف على حسب ظروفي !!
وفاء: خلاص يمة واتحمل عليها امانة هذي!!
راشد : ان شاء الله (خذ عنها الفلوس وروح ..ركب الموتر وصد ورا حصلها )جيه امايا؟ يلسي جدام !! (ركبت جدام وهي تضحك)
الجود: اخاف لانه الشيطان ثالثنا !!
راشد يضحك: الا عاد انتي!! من يدري انج موجودة بيشرد وبدون رجعة !!
الجود تضحك: لهالدرجة اخوف؟
راشد: الله واكبر منج!! اللي بيطيح فلسانج هذي امه داعية عليه!! (ويضحكون)
الجود: اي عيادة بتوديني؟
راشد: عيادة الدكتور سليمان هذا اتعالج عنده ..اذا سألج اي شي قوليله عن اسمي وهو بيتصرف
الجود تبتسم: قثدك معاملة الفي اي بي؟
راشد: هيه (وبعد نص ساعة وصلوا وبتنزل) حوووه!! صبري !!عطيني رقمج !!
الجود: انزين !!(وعطته وسايفت رقمه) باي!!
راشد: ردي !!
الجود: لاحول!! شو بعد؟ (ويمد ايده ويعطيها الفلوس )
راشد: هذي بيزات من اميه !!(وهي ماطاعت تمد ايدها)
الجود: آثفة !!ثامحني ما اقدر يالله باي !!اوووه راشد ؟ عن انثى !!احين بيرد الشيطان وبتثتوون اثنينه عثب يونثك!!
(ويضحك ..سارت العيادة وكانت زحمة واتصلت بها وفاء ..)
الجود: ها خالوه؟ بعدني اتريا دوري !!باجي وحدة وبدش ..خلاث عيل فمان الله
(ووصل دورها والدكتور يسوي شغله كملت ساعة ونص واييها رقم غريب بس ماردت ..والمشكلة انه كم من ودية وماطاعت ترد ..وتتصل وفاء لها)
الجود: الو؟ هاحبيبتي ..شو؟ انزين مادري انه متصل محد علمني !!وانا اصلا ما ارد على ارقام غريبة !!انزين خلوه عفية!!كملي يزاج انتي رمسيه وقولي له انا الحين بنزل ..لانه ماعندي رصيد اتصل به ..
(بندت عنها وحاسبت الدكتور ونزلت الصيدلية خذت بروفين وتوها بتطلع من الصيدلية انه احمد فويهها ..هي فجت عينها عالاخر كان لابس كندورة سوداء ومتعصم عصامة هل العين على ينب وشعره يبين ..وكانت ملامحه جدية وشكله من وعته الجود مانام .. بطلت الباب وهي متخبلة )
احمد: جيه ماتردين يوم اتصل؟ (وحطت ايدها على خصرها)
الجود: انا اصلا ما ارد على ارقام غريبة !!
احمد: وانا هب غريب عسب ماتردين !!اقول؟ طوفي مادام النفس راضية عليج!!
الجود: لاوالله؟ خوفتني!! اي نفس؟ وأي راضية؟ انته كلك ماتهمني !!
احمد: يعني اروح واخليج؟
الجود: يالله جان تروم!!
احمد فخاطره: آآي بتذبحني البنية !!والله فخاطري أيودها من رقبتها !!لكن جمالها خطير الملعونة غاوية!!
احمد: طوفي !! طوفي!! (ركبت الموتر ورا) ردينا؟ جيه انا دريولج؟
الجود: لا مب زين ترا الشيطان ثالثنا !!
احمد: خلج يالمطوعة !! اي بنية شراتج بتعفد جدام!!
الجود: اي بنية !! هب الجود سالم!! حط هذا الكلام فراسك!!
(احمد يطالعها من المنظرة ومعصب من كلامها ..وهي من النوع مول ماتحب السرعة ..ومسكت السيت اللي جدامها )
الجود: ها؟ ها؟ هيد تبا تروحنا؟ بعدهم اهلي يبوني !!
احمد: كيفي الموتر موتري !!وانتي شعليج؟
(حست بغيظ فظيع منه ومن غير الالم اللي فضروسها)(
الجود فخاطرها:اتمنن علية؟ بطوفها السالفة على خير لكن ان زدت والله ما بسكت !!ولساني متبري مني!!
(سكتت عنه وهو طول الوقت حاط اغنية تواعدني ويرد يعيدها من تخلص)
الجود: شكلك كل ما تواعد حبيبتك ماتي!!
احمد معصب: وانتي وشلج؟ الا اغنية نسمعها حرام؟(احمر ويهها شكلها ضربت عالوتر الحساس ..يعني اول معلومة احمد يحب وحدة ومن غير كل ما يواعدها فمكان ماتي ..)
الجود فخاطرها:الله يغربلني بس يوم فكرت ارمسه !!زين تسوي فيك وماتي !!جهنم!!
(كل ما تتكلم يسكتها بكلامه ..ووصل في مكان مب بيتهم وصد صوبها)
احمد: انا بنزل عندي شغلة فشركة الانتاج وبيي(ولاحظ انه ويهها محمر بعده ..كأنه بتلبج ضو) إإإإإإه اقول؟ انزلي خذي لج بارد لين ارد
(نزل وروح عنها وهي تتحرطم عليه ..وتسبه لين قررت انها تنزل تبا تطالع شو هي شركة الانتاج..نزلت وخلت الموتر مبطل ..يوم توها بتدخل )
الامن: excuse me miss?
الجود: my brother ahmad entered the building ..
الامن:are you working here?
الجود: no!! I'm his sister !!can I enter?
الامن: ok. But not in my responsibility
الجود: اقولك؟ go to hell (يلست تسبه لانها عطته وايد ويه وهو كان بس يلعوزها)
(روحت عنه وركبت المصعد ماعرفت اي طابق )
اجود: يالله خلنا نجرب الطابق الاول !!بسم الله!!
(ومن انفج الباب كله عيادات ..ردت ركبت ووصلت الطابق الثاني وجربت لين الطابق السابع ومول ما يأست وطلعت من الطابق السابع ..اتطالع المكان شكله مثل شركة ..طلعت شركة خاصة للمواد الغذائية ..يوم سارت تبا تلحق عاللفت بس بند ويلست اتدقه..وتحس شي لزج لاصق فنعالها ..لانه صعب انها تحرك ريلها اليمين..)
الجود: وععععععععععععععع لبان!!!(وسوت اكبر غلط يلست تمسح بريلها على باب اللفت عسب تلصق اللبانة في اللفت ..وشافت انه اللفت بيتبطل على طول رفعت ريلها بس اختل توازنها ) وااااي!! واااي!! (وتبطل اللفت بس الله راواها جد قالها تخيس المكان باللبانة ..طاحت على ركبتها .عاد وين؟ على عتبة الباب مال اللفت ) آآآآي ! يالله اتكسرت !! (وترفع راسها ..تشوف نعال منو فويهها ..وشافت بن صبيح استحت قامت ونزلت راسها وهو نزل راسه حليله مارام يقول شي عسب ما يحرجها )
الجود فخاطرها: ياحظي بن صبيح!! بن صبيح!! (الناس في حالة وهي في حالة ..بدال ماتشوف ركبتها الا مستانسة حدها على بن صبيح)
محمد: الشيخة اي طابق؟
الجود فخاطرها: ويييه وين اودي ويهي منه!! يافضيحتج يا جاموووه !!عاد احين بيتشمت جدام ربعه عليج!!
الجود: ابا اعرف اي طابق مال الاستوديو اللي يسجلون فيه اغاني؟
محمد:منتقلين مبنى يديد والله ماعرف !!بنجرب الثامن على الله نحصله!!
الجود: تراني من الطابق الاول لين السابع وماشي فايدة!!
محمد: الشيخة؟ انتي ياية تغنين؟ او عندج شغلة؟
الجود: لا انا ولد عمي خلاني في الموتر وقال عنده شغلة اسمه احمد ..هو وياكم في الحربية!!
(انحرجت واتغير ويهها لانها قالت كلام ماينقال) محمد: الرزيف احمد علي؟
الجود: هيه نعم بعينه!! (ويتبطل الطابق الثامن وبعد ماحصلوا شي )
محمد: والنعم !!والنعم وسبعة انعام!!
الجود: ينعم بحالك !! شكلنا مابنحصله !!( هو صد صوبها يبا يرد على كلامها وبدون قصد بدال مايدق الرقم دق الجرس مال الانذار ويسمعون الجرس ..وحست الجود قلبها بيطلع من الزياغ ..وتخاف وايد من الاماكن المغلقة ..على هالقوة اللي فيها من برع الا انها مثلها مثل غيرها ..عندها مخاوف ..تمسكت بالحديدة وطاح تيلفونها ونزلت عالارض تنتفض ..ومحمد ماعرف كيف يتصرف )
محمد: لاتخافين!! لاتخافين!!(وهي ماتشوف شي تحس انه الخوف مسيطر عليها ولابسنها ..ومحمد نزل لمستواها ) انزين؟ انتي شو اسمج؟
الجود: ها؟
محمد: شو اسمج؟
الجود بعصبية: الجود!! الجود!!
(وتخفض راسها لين ريلها وهو يكلمها وهي مطنشتنه ..تحس اخرتها قربت ..وبعد خمس دقايق انفج المصعد ..لكن في حدود 5 شباب عند المصعد مستغربين)
محمد: راشد؟ يوّد المصعد !!الجود؟ قومي تبطل المصعد!!انتي بخير!!
(ومسكها من ذراعها عسب تقوم والشباب عيونهم شرا الليزر عليها ..شل محمد تيلفونها وحطاه في مخباه عسب ما يختل توازنه وهي متساندة عليه وميتة من الخوف تحس الارض تدور بها ..ويلسها عالكرسي ..واحمد توة طلع من الغرفة وهي ما تتكلم)
احمد: الجود؟ الجود؟ بلاج؟
محمد: بند اللفت علينا وزاغت !!(ويسمعون حد من الشباب يقول ياحظك يا بن صبيح)
احمد: حد منكم اييب لها ماي !!شي بسرعة!! (وكان زايغ عليها) الجود؟ انتي بخير؟
الجود: انا؟
(ويناولها احمد الماي بس مارامت تمسكه )
احمد:هيه انتي!! (وبعدهم الشباب واقفين وطالعهم احمد بنظرة) اقول؟ ماشي شغل غير اتطالعوني انا وبنت عمي؟(وبعدهم مكانهم وهو كان نازل لمستواها وماسك الماي ..وفجأة بطريقة عفوية اتقربت من اذنيه تبا تصاصره وقالت بصوت مايسمعه الا هو )
الجود: ابا اسير الحمام..(وفجأة تتغير تعابير ويه احمد من الجدية للضحك وبطريقة حنونة قام ومسكها من ايدها )
احمد: تعالي !!(وسار وياها بعيد وهي ساكتة والعيون عليهم) هذوه دشي !!
(ودشت الحمام وخلصت شغلها ويوم ظهرت حصلت احمد يترياها )
الجود: اوووف انروح؟ (وهو يطالعها)
احمد يضحك: يالجبانة!!
الجود: دخيلك ما تخبر حد
احمد: زين!!زين!! وين مفتاح الموتر.؟
الجود: في الموتر
احمد يصارخ: شو؟ خليتي الموتر مبطل؟
الجود: انا ماعرف ابند الموتر
احمد: حسبي الله ونعم الوكيل !!طوفي جدامي (ويمشي مسرع وساحبنها وراه ووصلوا المصعد ..وتشوف بن صبيح يالس على نفس المكان اللي هي كانت يالسة ..وتبتسم ابتسامة شكر ..وهو رد لها بابتسامة..وتحس شي شادنها صوبه وتستوي فجأة الحشرة من بين الشباب والجود فلتت ايدها منه )
الجود: مابركب اللفت !!(ويدخلون الشباب الاستوديو)
احمد: غربلج الله بيسرقون موتري دشي بسرعة!!
(هو دش اللفت ويوم حاول يسحبها هي ردت على ورا)
الجود: مابا بنزل بالدري !!(بند المصعد ودورت على الدري ونزلت ..وتسمع حد ينزل وياها في الدري صدت فوق اتطالع منو... حصلت بن صبيح وابتسمت)
محمد: الجود؟ صبري!! (وقفت مكانها تترياه ينزل ..ومن وصل عندها )
الجود: نعم؟ (وهي فرحتها ما توسعها من نطق باسمها وطلع موبايلها من مخباه)
محمد: طاح موبايلج يوم كنتي يالسة عالارض (مدت ايدها تبا تاخذه هو ماطاع يعطيها .. كتب رقمه فتيلفونها )
الجود مستغربة: ليش؟
محمد: ممكن؟ (وابتسمت واتصل من تيلفونها لتيلفونه وعطاها موبايلها)
الجود: بعد شوه؟ بعد مافات الفوت؟
محمد: ماينفع الصوت !!(وضحكت وياه ..وعلى طول نزلت راسها)
الجود: يمكن ما ارد لوتتصل؟
محمد: كل شي جايز
الجود: انا بروح لانه احمد اكيد بيعصب علية انته توكل على الله!!
محمد: لا بوصلج!! (نزلت وياه وهم ساكتين ..كان مخلنها تمشي جدام ..كم من مرة حاول يكلمها بس حس انه لسانه منعقد ..نزلت وصدت صوبه وابتسموا لبعض من طابق لطابق لين وصلوا)
الجود: مشكور
محمد يتحنحن: احم!! العفو!! الشيخة... (وقف يطالعها لين حصلت احمد في الموتر وركبت)
احمد: توة الناس !! لا!! تمي هناك وسجلي اغاني وياهم؟ جبانة!!
الجود مستانسة: ان شاء الله فالك طيب بس عاد اباك تجولع جدامي عسب اغني!!
(وصل له مسج خلاه وايد يستانس وضحك على كلام الجود ..بس كلامها كان يغايظ )
الجود فخاطرها: ليش يعاملني جذيه؟ انا حتى لو ملسونة كلهم يعرفون اني اتمصخر ...آآي ياضروسي !!(ووصلها مسج من بن صبيح " الشيخة بدق لج على الساعة 4:15 بالضبط اترييني" استانست انه هو طرش لها مسج ومن وصلت البيت )
وفاء: يمة صيفتوا !!
احمد: صيفنا ولا شتينا؟ ههههههههه
وفاء: مليق !!ها يمة؟ شو سويتي؟ شو قالج الدكتور؟ (ويلسوا في الصالة)
الجود: عجوا تقويمي ذلفة ذلفته!!! شوفي آآآآآه !!
وفاء: ويييه الف مبروك !!افتكيتي منه !!الحين تقدرين تاكلين على راحتج !!
احمد فخاطره: اووووووووووه !!انا نسيت ليش مودنها !!(ويطالعون ضروسها)
الجود: خالوه؟ وين عمي علي ؟واميه العودة؟
وفاء: عمج علي يترياكم وامج الجود اتغدت من الساعة 12 ..صلت ونامت !! قوموا عالغدا!!
فيصل: انا بتغدا وياكم!!
ميري: انته في غدا بس !!(وتسحبه)
الجود وتسحبه من ايد ميري: تعال انا اباك شوية!!
احمد: بسير ابدل وبرد!! (وحطوا الغدا والبشكارة تطالع الجود بنظرة مكر)
وفاء: يمه الجود نادي عمج وعلى طريجج نادي العيال
الجود: ان شاء الله ..فيصل انته ايلس اترياني (واتطالع البشكارة من فوق لين تحت)
فيصل: زين (سارت الجود نادتهم ونزلت ماحصلت فيصل)
وفاء: اللي يبا دياي ييلس فوق ..واللي يبا سمج عالارض
الجود: خالوه وين فيصل؟
وفاء: خذته الخدامة قالت بتنيمه..(الجود سارت المطبخ)
الجود: رحيل؟ وين ميري وفيصل؟
رحيل: ماما داكل!!
(سارت حجرة الخدامة وحصلتها تضربه وتهزبه ..وعلى طول سارت الجود ومسكتها من جلابيتها)
الجود: شوفي عدل ياميري !!ان شفتج مرة ثانية ماسكة فيصل وتضربينه او تهزبينه !!ياويلج وسواد ليلج تعرفين كم عندنا رياييل؟ 9 يعني بيذبحونج من الضرب ان دروا !! (وميري تسوي عمرها متندمة)
ميري: كلاس ماما اكر مرة كلاس!!! (وتسوي عمرها تصيح والجود سحبت فيصل)
الجود: انا باخذ حقك بايدي واذا مب بايدي بريولي !!(وفيصل يضحك)
فيصل: زين تسوين فيها !!كسري راسها بعد
الجود: الا!!!
(وروحوا صالة الطعام ..حمد وفهد واحمد ووفاء ورفيعة وعلي يالسين عالارض ..وسهيل ودانا وعواد والجود وفيصل يلسوا فوق)
دانا: مبروك هبيبتي you took off your braces
الجود: الله يبارك فحياتج
فهد: آآآآآآآآآتشووووووووووه!!
احمد: وابويه زجام؟ بعيد!!بعيد!! بتعادينا!!
وفاء: يمة اليوم انتي غرفي لهم الغدا ..لاني افت لهم السمج!!
الجود: اوكي
عواد: مبروك مبروك مبروك عجيتي الخطام؟
علي: حشم ياولد !!ما ارضى تراني!!
عواد: ان شاء الله ..ان شاء اله
الجود: ماعليك منه عمي اصلا هو غيران مني!!
عواد: هي صدقتي غيران !! (ويضحكون ..وكانت عيون رفيعة على احمد ..واحمد شاهد على نظراتها ..احمر ويهه ونزل راسه ..غرفت لهم الجود ..)
علي: اميه اليوم بنروح دبي !!
الجود: الله!! كشخة!! بس ليش؟
علي: البيادير يتضاربون ..ومن غير ماعندهم مونة حق الهوش!!
الجود: لاحول!!منو خبرك انته؟.
علي: بشكارتكم رحيل !!اتقول مسوين لها تيلفون ومطفرينها !!
الجود وملامحها جدية: لابارك الله فيهم!! منو هالمرة متضارب؟
علي: يقولون سرقة!!
عواد:انا بروح وياكم احب هالسوالف!!
الجود: سرقة؟ ماعليه يصير خير انا براويهم شغل الله !!يتحروني روحت بوظبي وما اقدر ارد!!
(ويسمعون صوت ياهل يقول" رجب!! حوش صاحبك عني رجب!!" ويتصددون يطالعون منو هالياهل .. اتحروا فيصل يقول جذيه بس قامت الجود وطلعت موبايلها من مخباها وقامت مبتسمة من مكانها )
الجود: اسفة !!
عواد: وابويه انا!! شو بعد حوش؟ ورجب؟
حمد: عاشت هيفاء وهبي!!
فهد: رجب!! حوش!! حوش!! روغ !!روغ!!
علي معصب: انف عليكم منك له!! جاب وكلوا!!
الجود: مرحبا الساع يعلني ما خلا منك!! (وكلهم يطالعونها)
...........: شحالج جود؟
الجود: بخير الحمدلله .. شوف عاد!! انا زعلانة منك!! وحاطة فخاطرية بعد!!
سالم: الله!! هذا كله؟ ليش؟
الجود: سافرت ويا نداية الحب وخليت الحب مالك هنيه!!
عواد: طاعوا كيف تكلم ابوها !!وابويه عالدلع!!
سالم: شحالج؟ وشحال عمج وحرمته وعياله؟ واميه؟
الجود: كلهم بخير ما يقصرون فية!!(واتطالع احمد اللي يسوي عمره مشغول بالاكل) شحال رشود وعبادي؟
سالم: الحمدلله اسميه فاتج!! امج البارحة طابختلنا هذيجي فوقة الجاشع !!
الجود تشهق: وعععععع !! استغفر الله العظيم سامحني ياربي!! ليش فأمريكا عندهم جاشع؟ ( ويغص عمها علي وعواد يضحك)
سالم: امج محملتنه وياها في الشنطة ..ما قلتي لي شخبار الليتات اللي فضروسج؟
الجود: شو ليتات؟ ابويه اليوم وداني راشد الدكتور وعجيتهن ماروم استحملهن!!!
سالم: حرام!! خسارة !!ماشي اث اث (وثنيناتهم ضحكوا)
الجود: لا ماشي اث اث!! ابويه وينها اميه؟
سالم: انا برع ماتدري بي !! لوتدري بتجلب علينا البيت !!
الجود: فديتها نداية !!انا والله والله اتولهت عليكم وحتى انته يا بو صلعة!!
سالم: ماعليه!!! عيل مابخبرج شي بيخليج اتطيرين من الفرحة !!
الجود: والله؟ والله؟ شو؟
سالم: اول شي قولي وراي !! باباتي!!
الجود: باباتي
سالم: الحلو اللي فيه شعر فراسه!!
الجود: الحلو اللي فيه شعر فراسه؟مع انه مافيه يقص عليكم!!
سالم: وبنته الجميلة؟
الجود: بس انا اسمي الجود مب جميلة!!
سالم معصب:بتقولين ولا لأ؟
الجود: زين زين بياكلني !! وبنته الجميلة بلاها؟ (وخلق الله يسمعون)
سالم: حصلت على !!
الجود: حصلت على؟
سالم: نسبة 97% على مستوى المدرسة .......<<(مصرية مقطعة الكتب تقطيع خخخخخ)
الجود: نسبة 97% على مستوى المدرسة (وبعدين استرجعت كلامه) والله؟ والله؟ ابويه تتكلم جد؟ احلف؟ انا يبت 97% والله؟
سالم يضحك: مبروك ياغناتي خبرني واحد مسؤول انه بنتي الغالية يابت نسبة ترفع الراس لفوق!!
وفاء تيهيل: مبروك!! مبروك!! الف مبروك!!! (المشكلة انه وفاء تيهيل وايدها كله سمج وكل الشباب يباركون لها )
الجود: الله يبارك فحياتكم والله انه احلى يوم فحياتي!!
سالم:وينه عمج؟ عطيني اياه!! (سارت بتركب الدري)
وفاء: يمة؟ وين رايحة؟
الجود: بسير انادي عمي ابويه يباه!! (وكلهم يضحكون عليها)
وفاء: بسم الله عليج والادمي اللي حذالي منوه؟ شفيج تدودهتي؟(نزلت مرة ثانية)
الجود: والله من الغلبة!! قصدي من الفرحة!! (وعطته التيلفون وهو يكلم اخوه ..ردت الجود مكانها ..وتشوف فيصل يطالعها)
فيصل: نجحتي في الامتحانات؟
الجود بحماس: والله نجحت وافتكيت !!
علي: الجود بنتي؟ انتي قدمتي على مكان؟ ابوج يسأل !!
الجود: لابعدني !!
علي: زين !!زين !! هد اعصابك لا!!لا!! مب لهالدرجة ان شاء الله جود؟ تعالي ابوج يباج !! (ويهزبها عسب انه ماقدمت في مكان ..احمر ويهها)
الجود:ابويه انا ابا جامعة الامارات بقدم فيها!!
سالم: قدمي فأي مكان الا هالجامعة !! لا يعني لا!! منو عندج في العين ها؟
الجود: محد عندي في العين ..في سكن مال الجامعة!!
سالم: انتي تعرفين ظروفي ..ماعندي ولازم تستحملين يا بنتي وانا الريال بعدني ما شفته !!
(الجود فخاطرها تصيح من الغصة ..التخصص اللي تباه ..والحلم اللي تتمناه بيختفي ..بندت عنه بدون ما تناقشه شرا قبل ..يلست واتكالع صحنها )
علي: لاتحطين فخاطرج انا برمسه ..
الجود تبتسم: لاعمي خله !!هو يعرف مصلحتي اكثر عني!!
رفيعة وتزيد الطين بلة: انتي اي تخصص تبين تاخذينه؟ (واحم يسوي عمره مب مهتم فكلامهم)
الجود: طب عام!! (طلعت الكلمتين منها بالغصب)
رفيعة: وييييييه قطيعة !!مالقيتي غير هالتخصص؟ هذا 7 سنين يعني بتعنسين وانتي في الجامعة !!
(وكلهم يطالعون رفيعة وجرأتها)
وفاء: رفيعة؟ لاتزيدين عليها !! يمة ولا يهمج !!
الجود: الحمدلله (وتبتسم كاتمة دموعها بالغصب) الحمدلله على كل شي !! وانا راضية بكل شي يقوله ..
رفيعة: انا ما زدت عليها بس اقول لها انه اذا دخلت هالجامعو بتخترب ..كفاية انها غادية غير !! (وبكلامها هذا كلهم يطالعونها)
الجود: بخترب؟ (والغصة فقلبها تزيد وردت عليها رد يسكتها) اقولج حياتي !! لو ابا اخترب جان اختربت في دبي ..هناك وايد عندي فرص!! عندي دريول اسير وأرد واهلي واثقين فية ..شفتيني لا البس وجاية ولا عباة وقلتي بتسكتيني بكلامج؟ لا حبيبتي انا ما اخاف منج ولا شياته (وابتسمت لهم الجود) سامحوني اذا كهربت الجود !! بس انا اخذ حقي بايدي ..
فيصل: او بريولج !! (وتضحك الجود وروحت فوق)
سهيل: دانا حبيبتي؟ سيري عندها فوق!! ترا ناس غصصوا بها ..and don't let her worry...
دانا: ان شاء الله (ولحقتها)
علي: سمعيني عدل يارفيعة مالج خص !!ماتدخلين فشي مايخصج !!انا هالمرة طوفتها لكن المرة الثانية بتشوفين شي ما يسرج !!
(رفيعة سكتت)
وفاء: ياعمري ليش ابوها مايريدها تروح جامعة الامارات؟
علي: خايف عليها ..لانه محد عندها هناك لوفي جامعة هني جان خلاها !!
احمد: ابويه ..في وحدة فعيمان اسمها الخليج هذي خاصة ..(طالعته رفيعة بنظرة)
علي: بتقدر كل يوم تصك من بوظبي لين عيمان؟
احمد: اللي يبا الصلاة ماتفوته !!
علي: بعد بعيدة ..بكلم ابوها مع انه غمضتني يعني على هالنسبة هذي .. شو نسوي عاد (وتقاطعه رفيعه)
رفيعة: ماشي دلع هنيه !!اوووووووووه !!اسفة بس عمي انتوا وايد مهتمين بها!!!
علي: لانه من دمنا ولحمنا !! مب من بعيد !!ويجوز عليها الدلع وكل اللي تباه (رفيعة سكتت مع انها متغايظة ..واحمد وعواد قاموا يتغسلون)
عواد: شفت حرمة اخوك الملعونة؟
احمد: الا ملعونة؟ انا مول ماتنزل لي من زور !!والجود تحريتها مسكينة مابترد طلعت قوية (وروحوا غرفتهم ..فغرفة الجود)
الجود: ياربيتقهرني هالانسانة ..ليش تعاماني جذيه؟
دانا: هبيبتي she's jealous منج لانج انتي smart ويوم خذتي 97% قالت هالكلام..
الجود: i don't care about her...
دانا: please don't hare her...
الجود: her attittude lets me nervous and angry (وتصرفاتها تخليني متوترة وعصبية)
دانا: you want me to stay with you?
الجود: لاحبيبتي i'm fine وابا ارتاح لاني i'm exhausted
دانا: اوكي dear (ودشت رفيعة بدون ما اتدق ..وكانت توها دانا بتطلع من الحجرة ولجود طايحة ومتلحفة)
رفيعة: ابا اكلمج بسرعة دشي دانوه!!
دانا: بسم الله الرحمن الرحيم !!خرعتيني !!
الجود: بلاج؟ اول شي دفقتي سمج في الغدا والحينه شو بعد؟
رفيعة: انا كنت العوزج بس!! (وحطت ايدها على خصرها) تبين تسمعين دانوه؟
دانا: شنو؟
رفيعة: اليوم احمداني راد الانسة الجود من العيادة ووداها الاستوديو ..ودوخت اونها في اللفت الجبانة !! ثرها تخاف ..شوفي الجود ابتعدي عن احمدان !! (وهذيجي اذنيها تخونها)
الجود: احمد.؟ احمد خبرج؟
دانا: Ahmad is her boyfriend
الجود قامت من فراشها: شوه؟ (احمر ويهها وتحس لسانها منعقد)
رفيعة: حمدان!!قصدي احمداني هو حبيبي
الجود: اعنبوه !!نحنا عايشين فمجتمع فيها هالخيانات؟
رفيعة: اي مجتمع؟ وأي خيانات؟ عن الفلفسة مالتج !!
الجود: حتى الفلسفة ماترومين تنطقينها !! (ودانا تحاول تهدي الوضع)
دانا: Ahmad doesn't know that he's talking to rafeeah,he thinks that he speaks with Aisha and she's single..
رفيعة: حبيبتي يحبني انا !!انا!! مب انتي الحاسرة!! (حست كلمة حاسرة تدوي فذنيها)
الجود: خذيه والله يهنيكم !!انا وش لي؟
رفيعة: بس حبيت اقولج يوم بتكونين وياه لاتيلسين تمثلين عليه وحركات الدلع معروفة !! لانج كل ما تكونين وياه انا بكون عالتيلفون ارمسه !! تفهمين ياحلوة؟.
الجود مفولة: اقول؟ انجلعي من مكانج !!ولا والله !! بتشوفين شي ما يسرج !!
دانا: come on girls stop it
رفيعة: هي اللي بادية هب انا !!
الجود: ومنو داش علية الغرفة ها؟ مب انتي اللي داشة بشراع وميداف؟ الله يسعدج ويا احمد وحمدان !! فارجي !!
(طلعت عنها وهي معصبة وميتة بغيظها)
دانا: لاتعصبين بليز!!
الجود:انا حاشمتنها لين الحينه لانها اكبر عني !!لكن والله!! (وسكتت)
دانا: انا بروح ماي روم برتاح شوي !!
الجود: سيري فديتج (روحت عنها وكانت مسخنة وتعطس) هذي اولها؟ حمى؟ الله يستر!!
(قامت فجأة من فراشها وسارت غرفة احمد وتدق الباب وسمعت ادخلوا ودشت لقت احمد وعواد وحمد يلعبون كيرم ولفودر حذالهم )
عواد: امري!!
الجود وتوجه كلامها لأحمد: تحيد كلامي يوم اقولك في الاستوديو ..لاتعلم حد باللي استوا؟
احمد احمر ويهه واعتدل فيلسته:انا؟ اناااا انا ماكان قصدي ..ماعلمت حد..
الجود: لا والله؟. جذاب !!انا صريحة فكل شي ..لكن اتقولي انزين وتسوي شي ثاني شعنه؟
احمد: شو شعنه؟ بلاج معصبة؟ خلصتي من رفوع وييتييني؟ (وحطت ايدها على خصرها)
الجود: اتحرى ماوصلني الكلام؟ وصلني !! وحبيبتك امممم شو اسمها؟ عواش؟ هيه عواش !!اتهددني اوني حاطة عيني عليك !!مرة ثانية يوم ماتبا توديني مكان قول وانا ما بأذيك ..مابي منتك بس لاتيلس اتكلم عني جدام فلان وعلان ..ومن اليوم وساير عسب اتفادى لسان حبيبتك لسانك مايطيح فلساني !!ونصيحة !!لاتعطي قلبك كل من هب و دب !! اعرف منوه اول !! (وروحت)
عواد: ردي !! بكلمج ردي !! شو استوا؟ ليش تقولك جذيه؟
احمد: طلعت تعرف حبيبتي عواش!! حرام !! اوووه!!لايكون ربيعتها !! انا مب قصدي اجرحها بكلامي !!
عواد: سير اتأسف لها
احمد: عقب بتأسف لها ..خلني اسوي حق عاشوه مسودة الويه وبتخبرها من وين تعرف الجامة ((وفغرفة الجود هي تكلم عمرها)
الجود: باربي !!انا يوم كنت فبيت اهلي كنت كافية خيري وشري ..هني المشاكل وايد وبتزيد !!احسن لي مول ما اظهر من حجرتي الا يوم ابا شي !!وهذا احمدوه !!شو يتحرى عمره؟ لازم مول ما احب حد واكون قوية لانه الضعيف فهالدنيا ياكلونه..كفاية اللي شفته من هذاكي الخاين الجذاب اللي ما يسوى شي ..وغربل حياتي كلها (وتسمع تيلفونها يرن)هذا محمد!!(وتبتسم وتوها بترد) آآآتشوووه !!الجمدلله !!الو؟
محمد: هههه هذي اولها؟ يرحمج الله
الجود تضحك: يهدينا وهديك الله
محمد: الجود؟
الجود: محمد؟
محمد: عونج!!
الجود: شحالك؟
محمد: بخير ربي يعافيج..انتي شو حالج؟ اسمعج تعاطسين؟
الجود: ههههه حالي شرا حالك
محمد: ياحي الله بشيخة الشيوخ !!
الجود: الله يخليك
محمد: ممكن اقولج شي؟
الجود: ممكن ونص
محمد: انا اتوقعنج زلمة !!سامحيني على كلامي (وهي منسدحة ومتلحفة وتضحك)
الجود: زلمة عاد؟
محمد: الصراحة هيه ..انتي كم عمرج؟
الجود: خلك من عمري !!انته ويهك خير علية !!
محمد: خير؟ الحمدلله ..بس ليش؟
الجود: طلعوا نتيجتي مال الثانوية العامة ويبت 97%
محمد: مبروك تستاهلين كل الخير ..عيل زين وين يوم ويهي خير عليج !!
الجود: انته اكيد من........ (وتقول اسم المنطقة اللي ساكن فيها)
محمد: اكيد !!
الجود: وهل يخفى القمر؟ (ضحك على كلامها)
محمد: وانتي وين دارج؟
الجود: انا اصلا من دبي بس اهلي سافروا وانا يالسة فبيت عمي فبوظبي
محمد: ياحيج!!
الجود: ياحي الله بهال.... (وتقول اسم منطقته ..وهو ضحك زيادة)
محمد: ماشاء الله تدلين مكاننا بعد؟
الجود: احين دوري اسالك
محمد: امري
الجود: اشمعنى قلت بتتصل الساعة 4:15؟
محمد: لانه ياطويلة العمر لين يأذن جد سرت اتسبحت واتوضيت وصليت وبعدها ارمسج !!
الجود: امممممم !! ما شاء الله !! انزين ..انا والله منحرجة منك ماعرف شو اقولك انا بترخص عنك مع انه فخاطري اكلمك زيادة!!
محمد: الشيخة انتي مشغولة؟
الجود: انا الحين بروح المزرعة اللي صوب.... (وتقول مكانها اللي جريب من بيتهم)
محمد: اوووووووه !!صوبنا وجدانا !!
الجود: ههههههه هيه !!البيادير يتضاربون !!
محمد: انتي لا تدخلين خلي الرياييل هم اللي يتفاهمون وياهم !!
الجود: ههههههه يصير خير !!
محمد: خلاص عيل الله يحفظج وعالعشاء بسويلج تيلفون
الجود: اكيد !!يالله فمان الله (بندت عنه وهي يالسة تبدل يتصل بها عواد) الو؟ ها عواد؟ وين انته؟ اوويييه !! في الموتر؟ وعمي؟ هههه زين انا ياية ..بغيت منك شي !! هيه ... عندك عصا محناية؟ او خيزرانة عادية؟ هيه!! بعدين بخبرك !! (ويوم نزلت) اميه العودة؟
الدية: ها امايا؟ اشوفج تحيرتي !!
الجود: وين فيصل؟
اليدة: عند ميري
الجود: اميه انتي اركبي الموتر وانا بيي (ويدش عواد) ها عواد ؟ يبتها؟
عواد: الحين بييبها (وركب فوق وسار حجرته اييب العصا ..وهي سارت صوب حجرة البشكارة وتشوف فيصل يلعب بسيارته)
الجود: فيصل؟ عندك موعد اليوم ويا حد؟
فيصل: موعد ويا منو؟
الجود: انا اسالك !! اووههووووه !!اقول سير البس نعالك ..باخذك ويايه
فيصل: ترا ماماه سارت المستشفى اليوم ..بيسوون العملية حقها ..
الجود: انته سير البس نعالك وبنتفاهم في الموتر
فيصل: زين !!
ميري: فيسل وين انته؟ (وجطت الجود ايدها على خاصرتها)
الجود: انا باخذ فيصل في شي؟. (وتتقرب الجود من ويه ميري ..وهذيجي على طول زاغت)
ميري: لا جود ما في سي!!
الجود: انا تقولين لي ماما الجود مب الجود فهمتي؟
ميري: جين ماما جود!!
الجود: مب جين؟ ان شاء الله قولي (وتزاعج)
ميري: ان شاء الله
الجود: هيه جيه اباج (وروحت هي وفيصل اول ما طلعت شافت موترين)احين وين نركب؟
فيصل: عند عمي عواد دخيلج!!
الجود: زين يالله (ويوم فجت الباب ..ويلست هي وفيصل واليدة ورا وجدام عمها ) عيل منو في الموتر الثاني؟
اليدة: خالتج حليلها مادري شو اللي الله سلطها تيلس ويا الخبايل احمدوه وحمود !!
الجود: انزين شي مكان !!خلوها تي!! (وتحركوا وهم في الطريج)
علي: جري مكانج !!خلها اتعلم يوم نقول لها اتجذبنا خلها اتجيس سواقة حمد !!
عواد: ههههههه اسميهم بيخضهم خض!!
فيصل: مثل يوم يكون التيلفون عالهزاز (واتخيلوا الموقف وضحكوا من خاطرهم)
الجود: عيل امك سارت المستشفى؟
فيصل: هيه يت خالوه سعاد وخذتها
الجود: لاحول!!
عواد: هذا هو اللي تباه!!
الجود: انزين وين بتسوي العملية؟
عواد: في جميرا !!اونه اليوم بيسوون لها وباجر بتظهر من المستشفى
اليدة: شفتوا المنكر؟ حد يغير من خلقة ربه؟
علي: نحنا مالنا خص !!
الجود: وحمدان وينه؟
علي: اليوم في الليل بيروح لها
الجود: انا متحمسة ليش ما اعرف !!احس جني بشوف مال تغييير اللوك !!
اليدة: اللي يسوي هالشي ماعنده ايمان !!الا يقصون خشومهم ولا مادري شوه!! والله انهم متصابين !!
علي: صدقتي يا امايا !!
عواد: امايا جان بتسوين عملية تجميل !!يالله ع طريجنا!!
اليدة: الا امايا !! فديتني انا ما بلاني شي !! الحمدلله والشكر على هالنعمة !!! الله خلقني جميلة!!
الجود: الحمدلله اني ظاهرة على اميه العودة!! (وتضربها اليدة على ايدها)
اليدة: انا كم من مرة اقولج لا تقولين اميه العودة !!انتي تبين تجتليني؟ كفاية انه مسمينج علية!!
الجود: وليش ماتتنزلين تعطيني اسمج ولا انه مالج بحكم القانون وانا بالتجنيس؟
اليدة: يالسانج !!
علي: اصلا يوم روضة يابتج !!(واحمر ويه الجود)
اليدة معصبة: لا تطريها على لسانك!!(عواد مستغرب)
علي: اميه هذي امها لو نحنا ما طريناها اكيد هي بتسأل !!
الجود: انزين عمي كمل السالفة (اتسوي عمرها هب مهتمة فسالفة امها روضة)
علي: انزين قالت روضة تبا تسميها نور !!
عواد: نور؟
فيصل: نور؟
علي:هيه نور !!وحلف ابوج الف يمين انه يسميها على اميه!!
اليدة: هيه!! يبا يذبحني !!على الاقل يوم الله بياخذ امانته يقدر يسمي هب وانا حية!!
علي: اصلا انتي من كثر ما يحبج مسمي بنته عليج وطلعت تشبهج سبحان الله !!
فيصل: ونور؟
اليدة: لاتذكرني !!نور اونه!!
علي:روضة كان فخاطرها تسميج نور لانه هالاسم عايبنها!!
اليدة: عيبها سكني قول امين!! شو نور؟ هذا الا خياط في فريج المرر !!قال نور والله!!
(وينفجرون من الضحك على كلامها ...كان علي يدلي عواد ومن وصلوا الجود تشهق)
الجود: بسم الله الرحمن الرحيم !! شوها؟ شو مستوي في المزرعة؟
اليدة : لاحول ولا قوة الا بالله !!
(الجود تتصل على البيدار عبدالله)
الجود: ها عبدالله؟ تعال عند الدروازة !!وينه احمد؟ خله عند الهوش وانته تعال!!
(كانت المزرعة فيها قبل شجر ونخيل ومزدهرة لكن الصدمة العودة كله مات ..والمزرعة شكلها توها ..ومحد يعتني فيها )
عواد: يالله انزلوا ..والغرض اللي تبينه في الدبة !!
(نزلت وبطلت الدبة ..طلعت العصا ووراها على طول نزلوا اللي في الموتر الثاني )
وفاء: ويييه بسم الله !!مابغينا نوصل !! يمة!! شو تبين فيها العصا؟
(واحمد يطالعها)
الجود: اعلم اللي ماعنده مذهب واللي رفس النعمة !!انتوا اتفضلوا داخل الفيلا وانا بطالع الهوش ويا عمي ..
عواد: انا بعد بروح وياكم
الجود: حياك !!بس لاتضحكني يوم بتكلم جد !!فازعني!!
علي: خليني انا بتفاهم وياهم !!انا اعرف لهم !!
الجود: لا عمي !!خلها علية !!ها عبدالله؟ شو استوا في المزرعة؟ (وملامحها جدية)
عبدالله: ماما والله !!والله مو انا!! هادا احمد كلوا سوي جديه!!
الجود: ليش؟ ليش مايسقي االزرع؟ ها؟ ولا قلتوا ارباب سار يعني خلاص!!
عبدالله: انا ماما عند بكري !!وهو كلوا يروح برا !!انا سوي حق ارباب !!بس ارباب ما يرد!!
الجود: اشوف طوف جدامي عند الهوش!!
(في الفيلا رحيل تنظف ..وكلهم يالسين يتقهويون)
اليدة:رحيل؟. شو يسوون هناك عند الهوش؟
رحيل: ماما!! هذا احم بيدار يسوي سرق SEEDS
اليدة: شو سيد؟
احمد: بذور !! بذور!!
رحيل: بادين يسوي بيع برا وكلوا يروح برا ويا friends
احمد: اسميه هذا هب هيّن!!
اليدة: انزين والجود شو بتسوي له؟ سرق وخلص كنسلوه!!
رحيل وعيونها منطرة من الزياغ: ماما!! لو في حد سرق !!ماما جود هي بتأرف منو !!وجنجال وايد!!
وفاء: يعني بتطقه؟
رحيل: اييييه ماما!!هذا كلوا بيدار سوي خوف من ماما جود!!
احمد يضحك: هذي بعبع مب الجود !! اميه صبي لي قهوة زيادة !!(ويضحكون)
رحيل: ماما هذا في سديك كلوا بنات هني سوي party وفي بيدار يسوي كهرباء مال ليت !!هو كلوا شوف بنات!! بادين ماما جود سوت جنجال وهو سوا جنجال بااأد !!بادين هي جيب هي سوط انا وايد خاف!!
حمد: هذا اللي ما يسمع كلامها جيه يستوي له !!
رحيل: انا والله !!واله ارباب كله قول ان شاء الله والله!!
حمد: زين سيري نظفي الحجر!!
رحيل: ان شاء الله (وعند الهوش والجود بعصاتها)
الجود: احمد؟ تعال هني!!
احمد: ها ماما؟ (وايي صوبها) السلام عليكم ارباب؟
علي: عليكم السلام
احمد: ماما كلوا شغل اوكي!!(وتضرب بالعصا على قفص الهوش )
الجود: شغل اوكي ها؟ وينه الاوكي؟ ها؟ سود الله ويهك يالخايس!! وين البذور اللي عطاك اياها ارباب؟
احمد: مافي !! ماعطاني بذور!!
الجود: انا بحيادة شفته عاطنك 4 اكياس !!ظهرهن !!
احمد:ماما والله مافي!!(عواد سار يطالع زرب الهوش ..ولحقه عبدالله)
عبدالله: باباه؟
عواد: ها؟
عبدالله:بابا هادا في بزور هو حطي في box وقفلي مشان وددي بلاد مال هو !!
عواد: هيه !!زين عيل !!انته نفرات وايد زين !! كمل شغلك!! (وسار جدا بنت عمه ويصاصرها عواد)
علي: ابويه؟ ظهر البذور وبنسامحك !!لا تيلس اتسوي مشاكل ترا ارباب بيكنسلك !!
احمد: والله ارباب ماكوا!!
الجود: لاتحلف يالخايس!! اشوف طوف خلنا نسير حجرتكم يالله!!
علي: شو تبين بها حجرتهم خليها تولي سالفة البذور !! تلتعن!!
الجود: وانا ما بسكت !!ان طلعت البذور عندك يا احمدوه لأشلخك بالعصا وأقطع ينبك !!تحيدها هذييجي المرة !!ثرك ما اتوب!!
(وسار وياهم الغرفة ..فصخ عواد سفرته ..وبين شعره الاسود المرتب وعطاها)
عواد: خذي اتلثمي بها عن اييج فيروس من الريحة !!(وفجت السفرة لبستها وتلثمتبها ..ودشوا)
علي: اععععععععععع عوذبالله شو هالريحة؟ صالونة سمج؟
عواد يضحك: هذيلا في البر وعندهم السمج !!لو في البحر بيكون عندهم القعود!!
احمد: شوفوا مافي!! ماكو!!
الجود: اشوف ارفع اللحاف عن الارض !!خلني اشوف شو تحت الشبرية؟
احمد: ماما !!ماكوا شي !! هذا كلوا فار في كل مكان !!(وتنقز توقف ورا عواد)
الجود: إيييييييييييييييييه!!
عواد: يبا يزيغج !!ماعليج منه!! (وعلي سار شل اللحاف حصل صندوق تحت)
علي: الا صندوق!! (وتوقف الجود جدام)
الجود: احمدوه !!شله وتعال ويايه!!
احمد: ماكوا شي!!
الجود: بتشله ولا لأ؟
احمد: ماما هذا انا في شري حق حرمة مال انا!!
الجود: ولا كلمة !!شله وتعال ويايه !!ما بتشله؟
علي: اسكتي عنه وخلينا نظهر!!
الجود: انا ما بسكت عن حقي وباخذه بايدي !! (وتضربه بالعصا بكل قوتها على جتفه .وهو زايغ) ما بتشله؟
احمد: لا خلاص !!ماما!! والله!! (وتضربه زياده)
عواد: خلاص الجود بس!!
الجود: ان سمعت انك عافد على حجرة عبدالله !!والله!!والله!! الله الشاهد لانحرك !!اتشوف يوم نذبح الذبيحة؟ جذيه!! والله انه جذيه!! بخليك اضحية حق العيد العود !!جلب واحد!!!
احمد: والله سوري!!
الجود: اشوف شل الصندوق واطلع!! انا اخر مرة قايلتلك !!لكن انته روحك ما سمعت الكلام !!وهذا اخر تحذير ولا والله !! تشوف هالريال؟ (وتأشر على عمها) هذا في الشرطة !!بيضربك ضرب وبعدين بيجلعك باكستان مكسر !!
(وشل الصندوق ..ويوم وصلوا الفيلا ..كان احمد يرمس في التيلفون ..وفيصل وحمد عالميرحانة)
عواد: يالله فج الصندوق!!
الجود: عمي سير ارتاح داخل!! (ويصاصرها)
علي: خليني اطالع !!عيبتني اليلسة!! (ياب كرسي ويلس)
احمد فخاطره: ياخطيرة !!حتى وانتي متلثمة ياجمالج!! (واتقرب منهم وعجت اللثامة يوم شافت احمد اتطالعه بطرف عينها وهي معصبة .. كانت يايتنها العطسة بس خازت عنها)
الجود: بتفجه ولا افج راسك بهالعصا؟ (وتضرب بالعصا عالصندوق ..وينقز البيدار من مكانه)
احمد: هادووه يودي!!
الجود تزاعج: اتهبي!!انته افتحه هب انا!! (وتسوي عمرها جريئة كل ما تشوف احمد ولد عمها ....ويفج الصندوق)
عواد: اشهد!! هذا مصنع مال البذور عنده !!افتح شركة دخيل الله !! (ومن الزياغ رد احمد على ورا يخاف تيه لشطة)
الجود: لابارك الله فيك!! شو هذا؟ لعنبوا دارك ما تشبع؟ (وتضربه بالعصا مرة وحدة)
احمد: ماما والله سوري اكر مرة!!
الجود: اسمعني عدل!! ارباب محد لكن انا هني !! (وتضرب بالعصا على الصندوق) انا منو؟
احمد: انتي ارباب!!
الجود: تبا تشتغل حياك!! وماشك كل شهر !!وانا اعرفك ماتسقي الزرع مال نحاسة !!يوم ضربتك اخر مرة!! تبا الشغل جدامك!! ما تبا التعن بلادك !!ومليون واحد غيرك بيشتغل !!
احمد: ماما حرام في بجاه ثنين ماكوا اكل!!
الجود: عيل بتأكلهم بأكل حرام؟ ها؟ خل نفسك عزيزة وان وصلني خبر انك مدخل ربعك المزرعة !!او تيب هالخايسات داخل !!حرام اني ما بخليك تعيش فهمت؟ وانا كل شي يوصلني !!واذا ييت مرة ثانية وحصلت المزرعة جذيه !! تشوفها هالعصا؟ على ظهرك !! بخليك مول تشوب وانته شباب !!تبا الشغل ولا لأ؟
احمد: زين ماما!!
الجود: تشل البذور وفي المساحة الخالية اللي على اليمين تزرع طماطه وباذنجان وقرع ورويد وجرجير وكل البذور تزرعهن فهمت؟
احمد: زين ماما !!
الجود: قول ان شاء الله ماما!!
احمد: ان شاء الله ماما (ومنزل راسه)
الجود:وان لقيت عازم ربعك هني او ضاربين عبدالله لأخلي الشرطة تزخكم واحد واحد !!وتخليكم تدفعون 100000 حق عبدالله على الضرب اللي تضربونه !!(وصاح احمد) اشوف انجلع من جدامي وسير اسقي الزرع وازجر عبدالله !! يالله !!
احمد: ان شاء الله ماما!! (وروح..ريحت جتوفها وسارت داخل)
الجود: اووووووووووووووف !!(وسارت خذت لها كولا تشربه) عوذبالله من ابليس!!
وفاء: انا فعمري كله ماشفت وحدة شراتج!!
الجود تضحك: قصدج قوية؟
عواد: الا بدوية !! (وتيمعوا كلهم في الصالة)
اليدة: اعنبوا دارج لعلعتي ماخليتي شي !!
علي يضحك: لا وتقوله انا منوه؟
عواد يقلد احمد: انتي ارباب !! هاهاهاهاي !!(ويدق الباب عبدالله)
الجود: تعال عبدالله (وعبدالله منزل راسه) شوف هذي بذور ..خله يزرع وأي شي غلط تشوفه تتصل بي انا فهمت؟
عبدالله: ان شاء الله ماما !!
الجود: سير كمل شغلك!!(ويوم روحوا ضحكوا كلهم)
عواد: ان شاء الله ماما
اليدة: ما ينلام احمد فيج يوم يقول عند بعبع!! بعبعتينا كلنا!!
الجود: لا صدق !!احين انته ياعمي شو بتسوي لو انته مكاني؟
علي: بكنسلهم بدال عوار الراس!!
الجود: مايكفي!! هذا احمدوه يسرق من ابويه الالاف لو مب انا واميه حادين له جان سرق زيادة !!اتخيل اييب بشاكير خلق الله هنيه..يرقدهم في المزرعة !!واييب ربعه يضربون عبدالله !!
عواد: انزين ماتخافين انه اييب ربعه وياخذون قضاهم؟
الجود: لو استوا هالشي هذا اللي كان مقدر !! ما احب حد يستغل طيبتي او طيبة اهلي!!
احمد: الله يعين اللي بياخذج!!يوم لسانج جذيه الله يرحمه!!
اليدة: وجدامي بعد؟ تغلط عليها؟ هذي اصلا ما بتاخذ غير شيخ!!
الجود: يعلني ماخلا من كلامج !! ياحلوة!! (وتسوي عمرها ما تشوفه.. واذن المغرب يوم توهم بيطلعون من المزرعة)عواد؟ اباك توديني بيت ربيعتي بسلم عليها ممكن؟
عواد: تامرين !!اصلا اللي يقولج لا غلطان!! هههههههه
علي: عيل انا بنزل وبخلي وفاية تركب وياكم !!نحنا بنروح البلاد قبلكم !!
عواد: خلاص عيل !!هالله هالله بالطريج عن يزخكم الرادار !!(وركبت وياهم وفاء وهم في الطريج الجود تتصل)
الجود: هاااااي؟ شحالج دامة؟
فاطمة: منو جامة؟
الجود: هي جامة يالقاطعة!!
عواد يتحرطم: دامة وسامة وجامة يعيني الله!!
فاطمة: مادري منو القاطع يالجامة !!لاتخليني اكسر الجامة!!
الجود: ههههههههه خلج انتي يادامة اللي اتدمين في البحر !!وينها سامة؟
فاطمة: حظج انه سامة اليوم بتبات عندي!! مب مثل ناس خجاجين !!
الجود: هي صدقج خجاجة!! الخجاجة والمغرورة الحينه ياية بتسلم من عند الباب لانها بتروح بوظبي!!
فاطمة: احلفي !!احلفي!!
الجود: والله !! بس سلام وبنروح ورانا خط!!
(وبعد ربع ساعة وصلوا ..ويضرب عواد هرن ونزلت الجود وبندت الباب والموتر مخفي شامل ويظهرن بنتين جميلات بشيلهن يركضن صوب الجود)
اليدة: ههههههههههههههه اندوكم غير طرفشانات!!!
وفاء: ههههه يركضن بشيلهن البيض!! نفس التشكيلة ثلاثتهن!!
(عواد مأخوذ من سلامة ..كانت لابسة جلابية خضراء خشمها صغير وعيونها الوساع وطولها ..كانت لافة الشيلة ولا تبين شعرة وحدة ويتحاضنون كلهم)
الجود: شحالكم بنات شربت؟
فاطمة: يالقاطعة!!
سلامة: انتي شحالج جاموه؟
الجود: انا بخير !!سامة؟ شو ها؟ ليش مجبسة ايدج؟
سلامة: هههههه منزلقة وطايحة في الحمام
الجود: وماتخبريني؟
سلامة: خلاص يوم بتزحلق بعزمج انتي ودامة!!(ويضحكن)
فاطمة: يالملعونة استويتي اغوا !!
الجود: ماخبرتكم تحيدون مزاجي ومغرورة ومشكورة؟
سلامة: هي هذاكي الريال !!
الجود: ههههههههههههه هيه طلع ولد عمي واسمه احمد والله!!والله!!
فاطمة: احلفي!! الله!!
(وبحركة عفوية سلامة سايرة صوب دريشة عواد)
الجود: وين سايرة؟
سلامة: بسلم على جعفروه الهرم !!(وتدق الجامة) افتح جعفروه !! وابويه الحينه تستحي؟ قبل تنزل الجامة وتوايج !! بسلم مب ماكلتنك!!
(عواد زاغ واللي في الموتر كلهم وفج الجامة وهو محمر ويهه ..وسلامة منذهلة من اللي صاير)
سلامة: اوووييييه !!اسفة!!اسفة!! والله اسفة!! (وسلامة احمر ويهها ويدق قلبها بسرعة ..وتركض صوب الجود)
الجود: هاهاهاهاي !على شو مستعيلة؟ خليتي من نفسج مصخرة !!
فاطمة: منو ها؟
الجود: هذا عواد ولد عمي !!تعالوا يدوتي داخل!! وخالوه وفاية!!
سلامة: ياربي !! وين اودي ويهي ؟
الجود: قولي وين بضرب براسي فأي يدار؟ ههههههههه تعالوا (وفجت الباب صوب يدتها) اميه؟ هذيلا ربيعاتي وخواتي !!تحيدينهن؟ هذي فاطمة ونسميها دامة ..وهذي سلامة نسميها سامة(وعيون عواد عالمنظرة يبا يطالع البنية اللي انحرجت منه) وهذي خالوه وفاية ..وهذا عواد يا سلامة !!(وتنغز بكلامها سلامة اللي ماتعرف وين تضرب براسها من الاحراج)
سلامة فخاطرها: ماعليه يا مسودة الويه !!اتفضحيني جدامهم؟
الجود:وهذا فيصل اللي راقد !! المهم سامحوني الحين لازم نروح صح يا عواد.؟
(وهذاكي مايروم ينطق بكلمة ..حس لسانه منعقد)
عواد: هيه ها؟ صح! صح!! (وتسلم عليهم وتروح وهو يسوق وسرحان فسلامة ..وكيف بعفويتها يوم تدق الدريشة ويضحك فجأة)
وفاء: بسم الله الرحمن !! شفيك؟
اليدة: لبسه سكني!!
عواد: اتذكرت شي!!
الجود: شوهوه؟
عواد: اللي استوا في المزرعة !!(وهو يجذب)
الجود: متأكد؟
عواد احمر ويهه: اكيد !!
الجود: الا هب اكيد !!
(وتصد وفاء تغمز للجود)
وفاء: يمة؟ باجر بنروح عند رفيعة المستشفى بتروحين ويانا؟
اليدة: ماعنثري !!وانتي الجامة؟ بتروحين وياهم؟
الجود: انا اسمحوا لي ما اقدر !!زجمانة اخاف اعاديها !! سلموا عليها!!
عواد يقاطعهم: يقول الشاعر!!
اليدة: شو يقول يا بن روغة؟
عواد: قلبي خذاه لي ساكن دبي .. غر جميل ومرهف اسلوب
اليدة ووفاء والجود: اسلوب!!
عواد: فتان من نظراته يسمي ... خالج على الخفرات حبوب
اليدة ووفاء والجود: حبوب!!
عواد: واصبحت لا ميت ولا حي ... يوم التقي اذوب ماذوب!!
اليدة ووفاء والجود: ذوب!!
عواد: امجى العذوبة صافي المي ... ذو مبسم بوريج معذوب
اليدة ووفاء والجود: معذوب!!
اليدة: يالله شو اللي جلب حالك يا عنتر!!
عواد: ماقصر نغم الوطن على هالقصيد!!
وفاء: اول مرة يقول شي صح!!(ووصلوا البيت ..كانت فهاليومين ما تظهر من حجرتها مع انه رفيعه ردت ..الحمى زادت عليها مب طايعة تخوز عنها وضاع تيلفونها ماتعرف وين فرته..وعالعصر الساعة 5:30 غمضت عينها ونامت دشت عليها وفاء )
وفاء: يمه جود؟ قومي بسج نوم!!
لجود: امممم خالوه تعبانة!!
وفاء: يمة فيج شي؟ مسخنة؟
الجود: لا خالوه مافية شي !! بس تعبانة!! (وحطت وفاء ايدها على راس الجود)
وفاء: انتي مسخنة!!
الجود: شوية حمى!!انا بخير!!
وفاء: وشلون بخير وانتي مسخنة؟ قومي!! بنروح العيادة!!
الجود: مابسير انا بخير صدق!! (ساعدتها توقف ولبستها ثيابها ونزلتها)
وفاء:يمة؟ شوفيها لين اروح اتلبس وارد ..البنت محمومة(وانسدحت الجود عالغنفة ويلست اليدة عالارض)
اليدة: ماتشوفين شر يالغالية!!هذا كله من فهود !!اكيد عاداج!!
راشد نازل: بلاها الجامة؟
اليدة: محمومة!!محمومة!! سير شغل موترك!!
(وطلع ..فجأة قامت الجود من مكانها وتربع صوب الحمام وترجع كل اللي في بطنها ..كانت عرقانة وويهها مصفر ووايد حار .. غسلت ويهها وتمشي شوي شوي ..وصلت الصالة)
اليدة: ها امايا؟ رجعتي؟
الجود: شوي!! (ونزلت وفاء لقتها منسدحة ونايمة)
وفاء: ها يمة؟ شنو حالتها؟
اليدة: بعدها محمومة !!وقبل شوية رجعت الاكل!!
وفاء: هذا فايح فكل مكان !!عوذبالله!! (وتصارخ) يافهد!!فهد!! يالله يمة اتأخرنا !! (فهد نازل ويعدل كندورته)
فهد: ياي!! ياي!!
(واحمد نازل بس كاشخ عالاخر ..لابس كندورة بيج وعقال وسفرة ومتدخن بالعود ..والدهن العود السيوفي اللي ضاربة ريحته فكل البيت)
اليدة:يالله تستر!!يالله تستر!! ها ماشاء الله بتروح العرس؟
احمد اتلعثم: ها؟. هيه!! هيه!!عرس!! بروح العرس !!بلاها الجود؟
اليدة: محمومة!!
وفاء: يمة راشد!!يالله ساعدنا !! يمة جود؟ جود؟ قومي حبيبتي !! (بطلت عينها وقبل ما يتجدم راشد سبقه احمد ومسكها من ذراعها ..ووفاء ماسكتنها من الذراع الثانية ) شوي شوي يمة!!
احمد: شكلها الحمى ثجيلة عليها !! (وهي تمشي فجت عينها ورفعت راسها تشوف احمد)
الجود: احمد؟
احمد: ها؟
اليدة: واعلية عليج يابنتي ماتستاهلين
(وقوتها كلها خارت بين احمد ووفاء وركبوها الموتر ..فهد يالس جدام وياراشد ..والجود حاطة راسها على ريل وفاء ونايمة لين وصلوا)
الدكتورة: هذا فيروس منتشر وايد ..حمى وترجيع وزجام ..بنعطيها ابرة وهذي وصفة لازم تاخذها !!
الجود: ابرة؟ لا ماريد!!
وفاء: لازم!! لازم!!
(ويتهم اثنينه من الممرضات وماسكينها ..هذا بس عشان يضربونها الابرة ..وهي تصارخ وترافس وحالتها لله ويضربونها هذيجي الابرة وتصرخ هذيجي الصرخة)
الممرضة: كلاس مافي آآووور!! (واتطالع وفاء اللي ميتة من الضحك)
وفاء: فشلتينا!! يمة مو جذيه عاد!! تستاهلين السلامة!! (ويوم هم في الموتر)
راشد : ياخي مب صرخة صرختها !!والله يا امايا مرتين ضربه الدكتور الابرة ..كسر الابرة الاولى!!
فهد معصب: هيه!! انته جربها والله !!انه ايدهم ثجيلة!!
الجود: والله ثجيلة !!والله ماطيحها هالعيادة !! (راشد ووفاء يضحكون عليهم ونامت الجود في الموتر)
راشد: اميه؟
وفاء: ها يمة؟
راشد: ماردوا عليج هل البنية؟ انا الصراحة ماروم اتريا لازم اشوفها!!
وفاء: يمة شفيك؟ خلنا نوصل البيت وبنتفاهم!!
راشد: خلينا ننهي الموضوع !!البنية تباني ولا لأ؟
وفاء: انزين شرايك فمنيرة؟ جميلة وطيبة وحشيم!!
راشد: انا ابا وحدة بدوية هب حضرية !!وهذي الا سمعتها في الطين!! ماعليج من جمالها!!
وفاء: تفي!! تفي!! في التراب!! وهذيجي البنية رمسنا اهلها وماردوا علينا خبر !!انا حاطة عيني على خوش بنية!!
راشد: اللي تشوفينه زين سويه!! بس ماريدها تشتغل !!اباها تتفرغ لي ولعيالي!!
فهد: ياحافظ عليك !!ووين عيالك؟
راشد: يوم بيون ان شاء الله
وفاء: وش رايك في ....... (وتغمز له عسب يفهم)
راشد: لا يا حبيبتي يا وفاية !!مب من نصيبي !!ناس حاجزينها !!
فهد متلهف: منو؟ منو؟
وفاء: عن اللقافة!! منو؟
فهد: احين منو فيه لقافة؟ امحق حياة!!
راشد: نووووووووووووووو!! ما بخبركم !! (ومن وصلوا البيت ..اليدة يالسة في الصالة ويا علي)
علي: ها؟ شو حالتها؟
وفاء: ضربوها ابرة وعطونا كم من دوا!!
اليدة: الله يشافيها!!!
فهد: وانا شو؟ محد يسأل عني؟ كله عن ست الحسن؟
اليدة: تستاهل السلامة يابويه!!
وفاء: انا بوديها لغرفتها (ويدش حمدان بلباس الجيش)
حمدان: السلام عليكم (ويردون كلهم السلام) بلاها بنت العم؟
وفاء: حمى وزجام!!
حمدان:وابويه !!بعيد!!بعيد!! الله يسلمنا !!كلهم في الدوام طبعانين !!وينها رفيعة؟
اليدة: سارت العرس
حمدان: بس ماخبرتني!!
اليدة: ابويه هي سارت الصالون وردت البيت اتلبست وظهرت ..هي من طلعت من المستشفى ماروعني غير براطمها
حمدان معصب: انا حارق تيلفونها وماترد!!
اليدة: بلاك عليها؟ خف عالبنية !!يعني سايرة عرس وكله دق وطيران اكيد مابتسمع!!
(ومن وصلت الجود لغرفتها اتلحفت)
الجود: ابا انام !!تعبانة!!
وفاء: انا ببدل وبييج !!بييب لج كمادات ودواج ..وبسوي لج شوربة بايدي!!
الجود: خالوه ؟ لاتعبين عمرج!!انا حتى هب بنتج لكن الله عطاني ام ثانية !! مب وحدة فارتني ولا تدري ببنتها حية ولا ميتة!!
(وفاء عيونها دمعت)
وفاء: تعرفين حاولت كم من مرة ..بس ما شاء الله كله اولاد!! الله راد اني اييب كله اولاد..وانتي من خبروني عنج وكلمت امج دشيتي خاطري مع اني من زمان ماشفتج ...وانا اعتبرج مثل بنتي الي مايبتها!!
الجود: الله يخليج حبيبتي (وغمضت عينها وطلعت عنها وفاء وتحط ايدها داخل الموسدة ..طلع التيلفون واتطالع بن صبيح حارق تيلفونها وبالصدفة كانت محاولة يائسة له انه يتصل وكان اخر اتصال وعلى طول ردت)
محمد: انتي وينج؟
الجود: موجودة..
محمد: الجود سمعيني اذا ما ارتحتي لي قوليها بس لاتتهربين!!
الجود: والله تيلفوني ضايع من يومين وحصلته داخل موسدتي وكنت في العيادة وتوني رادة!!
محمد: جيه؟ شو تسوين في العيادة؟
--------------------------------------------------------------------------------
محمد: جيه؟ شو تسوين في العيادة؟
الجود: ماشي بس جايستني شوية حمى!!
محمد: ماتشوفين شر الغالية !!ليته فيني ولا فيج !!
الجود: لاتقول جذيه ..انته بعد غالي يالشويبة!! (ويضحك)
محمد: شو قالج الدكتور؟
الجود: ضربني ابرة الهرم!! وعطاني دويات!!
محمد: عشان خاطري هالله هاالله بعمرج !!وخذي دواج!!
الجود: يهمك؟
محمد: من الحينه؟ هيه يهمني!!
الجود: تسلم على خوفك علية!!
محمد: الله يخليج يالعيوز!!
الجود: قصدك العيوز المتصابية!! (وهو يضحك)
محمد: مستانس وياج بصراحة ... وانتي؟
الجود: وايد يعله دوم !!
محمد: انزين يالحلوة قصدي الجود !!شفتي عاد؟ خطأ مطبعي !! بترخص عنج وبخليج ترتاحين وانا بعدين بطمن عليج !!
الجود: ان شاء الله والله يحفظك (وهي ماودها تبند عنه.. بس بندت وهي مستانسة ..ليش؟ لانها تكلم اليويل وراعي الشلة؟ واسلوبه الخطير في الكلام .. حلو وذرابة ومروة وادب واخلاق .. بس على هذا كله تعتبره مثل الصديق ..لايكون بعدها تحب مسعود؟ اتخسي!! واتهبي!! بس يمكن لين الحينه ماقامت من صدمته وماتفكر تنصدم مرة ثانية .. وقامت على صوت خالتها)
وفاء: يمة جود قومي اشربي لج هالشوربة!! (ودشت عليهم دانا)
دانا: انا بشربها ..(وطلعت من مخباها) هذا panadol cold خذيه بعد الاكل للزكام..
وفاء: زين خليها تخلص الشوربة وانا بروح عند فهد (بندت الباب وراها وهي تشرب الشوربة يسمعون حد يبند الباب بالقو!!)
الجود: والعثرة!! حشا !! كسروا البيبان!!
دانا: هذا اكيد احمد ..هههههههههههههه
الجود: ليش؟ شو استوا؟ لا يكون اتضارب ويا رفيعة؟
دانا:I said to you she's jealous
الجود: يالله عاد خبريني..
دانا: اول شي اشربي الشوربة (ويالسة تشرب الشوربة .. والكلينكس حذالها حق كل عطسة)
الجود: يالله عاد خبريني !!قولي بلاها؟
دانا: today she went to see Ahmad in private.. (وتغص الجود هذيجي الغصة ..وتدحها على ظهرها)
الجود: شوه؟ هذي مينونة؟
دانا: يس مينونة ..سارت الصالون وسوت ميك اب for عرس then سارت عنده ..بعد العملية هية مول not nice
الجود: انا ما شفتها !!ليش عاد هذا كله؟
دانا: دايما تواعده في مكان بس هي ما تجي !!واليوم when he talked عنج عصبت وكانت تبي تقتلك!!
الجود: are you happy with this situation?
دانا: very much…
الجود:why? It is a disaster
دانا:طبعا مشكلة كبيرة but احب اشوف رفيئة يوم نجلس في الصالة جميع وهي تشوفه وهو ما يعرف شنو السالفة ههههههههههههه
الجود: are you sure he doesn't know her?
دانا: now? He knows her !! did you hear the door slammed?
الجود: اسمعه انرض رض بعد!! شكله مال غصة !!
دانا وتضحك:guarantee this is Ahmad
الجود: حرام تسوي فيه جذيه ..والمشكلة اخو ريلها ..نحنا مالنا خص !!
دانا: اوف كورس مالنا خص ..نحنا نسمع ونرى فقط..
الجود: هذي من بين كل الشباب ما اختارت الا احمد؟
دانا: I will tell you Ahmad's story
الجود: عن شو؟ عن انه خجاج وشايف عمره؟
دانا: هبيبتي انا اعرفه زين ..احمد من 2 years سوا حادث .. كان يجلس على wheel chair انجلب الموتر كم من مرة .. والله نجاه من الحادث !! and of course he have girls to talk with
(والجود خلت الشوربة على الطاولة ..وانسدحت تسمعها ..ودانا تلعب بشعر الجود ..كانت الجود مهتمة )
الجود: وبعدين؟
دانا: ربيعاته خلوه يوم ارفوا انه disabled كان في حالة صعبة ..ما يحب يطلع كله يقعد في البيت وعالنت ..كان شديد الطيبة ويانا وعلى غيره طبعا ..وكل ما يكلم وحدة ويخبرها شو استوا له ما ترد عليه او disconnect her mobile لين سوا عملية لرجله فألمانيا ورد البلاد.. وكله يروح المستشفى ويسوي علاج طبيعي ..لين مرة كانت رفيئة سوت له بالخطأ من موبايلها الثاني على اساس انه يمر على فيصل المدرسة .هو ما عرفها ..وهي بعدين اتذكرت انه سوت له من تيلفونها الثاني ..بعدين يا حرمة !! هو حب عايشة وعايشة حبت احمد ..
الجود: انزين !! بس اكيد طلب يشوفها او اطرش صورتها صح؟
دانا: طبعا !! she said to him انه اهلها ما يرضون انها تطلع برع البيت روحها then طرشت الصورة
الجود مندهشة: صورتها؟
دانا: يا ابيطة لا!! طرشت له صورة بنية من النت مو معروفة بس حلوة انا شفتها
الجود: اعنبوه ما يعرف يفرق بين الصور العادية والمركبة؟ اكيد دامنها من النت منتشرة
[b]دانا: ومن الحب ما قتل !! (ودشت عليهم رفيعة لكن محملها وياها عاصفة بدون بعد ما اتدق ..كانت متمكيجة مكياج مال اعراس خشمها الافطس هذاكي اختفى ..غدا خشم نعيم وطويل بس براطمها كانت تباهن شرا نانسي عجرم بس طالعات XXL .. كل شي فيها حلو الا براطمها الكبار المتجلبات ولجود اتطالعها ومنصدمة ..ورفيعة عيونها كله دموع ..ومسوية تسريحة الحرمة ..بندت الباب وعجت عباتها وتصيح)
رفيعة: كله منج يا جودوه !!كله منج!!!
الجود: انا شو سويت؟ ها؟ احين رديتي السالفة علية؟
دانا: come on you went روحج
الجود: نحنا ما غصبناج تواعدينه !!وتتوقعينه يوم بيعرفج بياخذج بالاحضان؟
رفيعة: انتي اللي خليتيني اتضطر اسوي هالشي!!
الجود:اقولج لا تعجين مياديف !!انا مالي خص ترا حمدان وصل ويسأل عنج!!
رفيعة مفولة: شو يبا هذا بعد؟
دانا: calm down and go see your husband
رفيعة: انا بسير له لكن حسابي وياج بعدين !!واحمد بيتم لي انا !! فهمتي؟. (وروحت)
الجود: why do she thinks that I love him?
دانا: I don't know بس انتي لايقة عليه!!
الجود: ايخسي المغرور !!
دانا: يالله خذي دواج وبحط لج كمادات (ويوم حطت لها الكمادات)
الجود: اووووووووووووه بارد!!
دانا: يالله هبيبتي انا بسير وبرد عليج بعدين and when you'll be fine بوديج ندور في الجامعات وال colleges ok?
الجود: you're so kind!! Thanx
دانا: you're not welcome !! (طاحت الجود عالفراش وروحت دانا)
الجود: الله يعينك يا احمد على هالحرمة !! شو بيفججك منها؟ آآآه يا محمد !!اويييه؟ ليش شو دخله في السالفة؟ انا من وصلت هالبيت وانا كله افكر ..متى بتردين يا امايا !!اتولهت عليج وايد
(لين نامت وما حست بعمرها ناشة الا الساعة اربع وربع ..شافت 4 ميسد كول ومسج مطرشنه محمد .."تصبحين على خير" .. ماشافت الساعة كم بس على طول اتصلت به ورد عليها صوت خفيف كأنه توة وعى من النوم)
محمد: الو؟
الجود: مرحبا ..
محمد: الجود؟
الجود: محمد؟
محمد: عونج!! (وكأنه مستانس انه سمع صوتها)
الجود: السموحة اذا وعيتك من الرقاد !!سامحني كمل رقادك !!والصبح بدق لك!!
محمد: الغالية اوووش!! ان قلتي هالكلام ما اسامحج عليه فهمتي؟
الجود: اوكي
محمد:انا اتصلت بج عسب اتطمن عليج ويوم مارديتي قلت اكيد راقدة.. وماطاوعني قلبي قلت لازم اسمع صوتها حتى لو كلمة الو تكفي وببند..
الجود: سامحني مول ما كنت احس بعمري الحمى مبهدلتني !! (ويسمعون صوت نخير وبصوت عالي) بسم الله !!
محمد: شو ها؟ منو يناخر حذالج؟
الجود: هههههههه هذي بعيدة وجذيه!! افتتحت السمفونية !!هذي بشكارتنا راقدة!!
محمد: هههههههه ماقلتي لي خفت عنج الحمى؟
الجود: الحمدلله بس باجي الزجام والكحة!!
محمد: اقول بلاه صوت البنية اغلظ!!
الجود: ها؟ انا؟
محمد يضحك: اتمصخر وياج صدقتي؟
الجود: شويبة!!!
محمد: عيوز!! (ويسمعون صوت الاذان)
الجود: اويييه اذن !!الله واكبر اعظم!!
محمد: الله يذكرج بالخير متصلة توعيني حق الصلاة .؟ يزاج الله الف خير !!
الجود: بالصدفة والله !!
محمد: الا صدفة حلوة ..يالله غناتي انا بسير اصلي ومن ارد ابا اسمع صوتج قبل ما ارقد !!
الجود: ضروري؟
محمد: جيه وراج شغلة؟
الجود: لاوالله ...بس كنت اسأل !!
محمد: ضروري بالنسبة لي انا ..اما بالنسبة لج بعدني مادله!!
الجود: ان شاء الله على خير!!
محمد: سيري صلي واتعوذي من ابليس!!
الجود: ان شاء الله ربي يحفظك
(بندت عنه وهي مستانسة..وتسمع صوت عمها وهو ينادي عليهم عسب يروحون المسيد ..قامت وبطلت الباب من الفرحة)
الجود: عمي علي؟
علي صد صوبها : عونج!! انتي بخير؟ شو الحمى خفت عنج؟
الجود: هيه الحمدلله عمي؟ تباهم ينشون من وقت؟
علي: والله يا ريت!!
--------------------------------------------------------------------------------
الجود: اوقف طالعني شو بسوي !!(دقت الباب عليهم) اتستروا الجود بتدخل!! (دشت الحمام والعم يطالعها ..خرست ايدها ماي )عواد؟ عواد؟ قوم!! قوم!!
عواد: خمس دقايق !!وبقوم !! صدق!!صدق!!
الجود: يقول الشاعر!!
عواد: الشاعر راقد !!راقد!!
الجود: الشاعر سار يصلي !! (وقام من مكانه)
عواد: وكيف بتجلعين الباجين من فراشهم ها؟ (سارت مسحت على ويه راشد)
راشد ويفر اللحاف: غربل الله هالحالة !!انتي يعني ما بتوبين؟ (العم يضحك وبعدين يا دور فهد وحمد)
حمد مفول: اوكي بردها لج يا بنت الععععععععععععم!!
علي يأشر لها : احمد؟ احمد؟ (ويترياها تسوي الحركة في احمد)
الجود زايغة: لا!! لا!! بيضربني!!
علي: شو يضربج وانا موجود؟ ماييسر !! اهم شي احمدوه الرغيد يالله!!
الجود: احمد؟ احمد؟
احمد: هاااااااه؟ (ومسحت على ويهه وايدها الباردة وتركض صوب عمها) يعني انتي مابتيوزين عن هالسوالف؟
(العم والجود يضحكون)
علي: وجدامي بعد تهزبها؟ لازم كل يوم نقراها؟ قوموا صلاة !!انتوا رياييل هب يهال..غادين غير يهود!! يالله عالمسيد!!!
الجود اونها معصبة: يالله!!
عواد طالع من الحمام: اشوف من خزوج بالابرة استقويتي علينا!!
الجود: ماكلمك يقول الشاعر!!
(روحت حجرتها وهي تضحك اتوضت وصلت ويدق لها محمد)
الجود: مرررحبا الساع!!
محمد: هههههه يبتيها عالعوق !!حلوة طلعت منج مرحبا ملايين ..صليتي الغالية.؟
الجود: الحمدلله
محمد: بغيت اتخبرج عن شي خاص ..انتي واحمد محيرين لبعض؟ او حد من عيال عمج؟
الجود: بسم الله علية!! لا صار ولا استوا !!
محمد: ريحتي بالي!! (ويتنهد تنهيدة راحة)
الجود: هههههههههه ليش عاد؟
محمد: ماشي !!بس من من طلعتج من اللفت وانا اشوفه يمسكج من ايدج كم من مرة !!
الجود: هههههه عيل انته ماشفته يوم .........(وتقول شي ماينقال ..تووووت..توووت..شريط المراقبة ماروم اقول)
محمد منصدم: شووه!!
الجود: اتمصخر وياك !!لاتاخذها جد !!
محمد: اشوا !!الغالية خذتي دواج؟
الجود: لا ما خذته ..انا بخير اصلا !!
محمد: خذيه !!يالله اشوف!!
الجود: ههههه لا!! غمض عينك اول!!
محمد: تعرفين ان ضحكتج اتخيلها جدامي؟
الجود: والله؟
محمد: فذمتي عذاب!! ياويل حالي عليج!!
الجود: وتعرف انه كل لفظة تلفظها تعطي طعم للسالفة؟
محمد انحرج: لاتغيرين السالفة !!خذي دواج..
الجود: زين ..
محمد: اشوف لصقي السماعة عسب اسمع عدل!!
الجود: شو تسمع؟
محمد: يوم بتاخذين الدوا وبتشربين الماي عسب اتأكد
الجود تتمصخر: بق!!بق!! بق!! بق!!
محمد: الحرمة دياية وانا مادري تبقبق !! هههههههههههه
الجود تضحك:اعنبوا انا بتعلج الدوا؟ انزين يمكن اقص عليك؟
محمد: ماعليه هذا بينج وبين ربج!!(وخذت الدوا)
الجود: خذته
محمد: زين غمضي عينج !!
الجود: معقولة؟
محمد يشل شلة بصوته اللي خلاها اتعذب: معقول يا حبيبي معقول.. قلب تفنن بتعذيبه
الجو وترد عليه بصوتها: ويغرك الحسن يا مجهول ...هذي ترا اكبر مصيبة !!
محمد: ماعشت في دنيتي مذلول ... الحب من خاطري اسطي به ..
والطيب بي ساري المفعول ... والجود دايم يماري به (مستقصد يقول هالبيت عسب كلمة الجود)
الجود: امشي بعزة بعرض ويووووووووول!!
محمد يقاطعها: هههههههه طول!!طول!! هب يووول!!
الجود: ادري اصلا اتمصخر وياك
امشي بعزة بعرض وطول ... ع نية الله وتكاتيبه ...
مايهمني هرجك المعسول ... لا لا تباهر لي بطيبه..
محمد: يعلني ما خلا من هالصوت!!
الجود:محمد.؟
محمد: امري؟ اتدللي !!
الجود: انته اصلا اللي يكلمك يتجنن طيبة و وذرابة!!
محمد: الله يخليج الغالية ..عيل هذا اول يوم !! بعدين بتشييييييطن عليج !!
الجود: ممكن طلب؟
محمد:تذكرينها عيوني؟
الجود:مادققت فيهن..بس هي لمحتهن!!
محمد بلهفة: كلهن لج!!
الجود: بغيتك تسمعني بصوتك العذاب شلة آه من خلي تعيبني وايد ياريت اسمعها
محمد: والله ما بكسر بخاطرج الغالية ..بس انا بيت وانتي بيت اوكي؟
الجود: اوكي (ويتنهد...وبعدها يشل الشلة بصوته الخطير..ومن سمع صوتها تكمل عنه اتخبل)
محمد: فديت هالصوت يعلني ما انحرم منه !! طلبتج!!
الجود: تم!! والله انه تم!!
محمد: بدون ما تعرفين شو هوه؟
الجود: قول ..
محمد:اباج تشلين لي شلة وتسجلينها واتطرشينها بالوسايط ترومين؟
الجود: من زينه صوتي؟ عوذبالله!!
محمد: اوووش !!اقولج ما بسامحج اذا قلتي هالكلام مرة ثانية .. موافقة؟
الجود: موافقة..
محمد: يالله بندي ..واتريا صوتج على احر من الجمر..
الجود: اوكي..
محمد: الله يحفظج!! (وبندت عنه)
الجود تكلم عمرها: احين انا صوتي حلو؟ من متى ياحظي!! شو اشل له؟ شلة معروفة؟ والله ما اعرف!! (وشغلت التسجيل وعلى طول اتذكرت مسعود واللي سواه بها)
قلب تولع بك حبك وذليته .......... بذل عينه عسى مايرد يعصاني .......
بقل شانه لاني عاصي ريته .........يتبع شرا الذل ياهو زود شقياني ......
مادام في صدري وجوفي مثابيته...... بحكم ندامه لي الموت يدهاني ......
يلعب به الحب يكثر مشاتيته ......... وانا اشهد انه المحبة امرها فاني...... (اللي يبا الشلة ايطرش لي عالخاص وانا بطرشها ما فينا مقص الرقابة)
(وطرشتها بدون ما تسمعها ...كانت تقول وهي كلها حزن ..تذكر مسعود وخداعه وجذبه وكل اللي صار ..وقالت يمكن بعد محمد يقص عليها شرات مسعود... لين اتصل بها محمد... وردت على طول ...)
محمد: هلا..
الجود: شوف اذا ماعيبتك واذا كله نشاز امسحها والله مابزعل عادي.. سوالف شباب..
محمد: ليش اتخبلت؟
الجود: عيبتك؟
محمد بندم: بصراحة؟
الجود: اكيد !!
محمد بلهفة: صوتج عذب حالي كله !!تراني لو ماعندج مانع !!بحطها رنة فتيلفوني ابا اسمع صوتج على كل اتصال اييينيي !!
الجود: ماله داعي هذا كله !!عنبوه !!تراك تسمع صوتي كل مرة!!
محمد:قلتيها بلسانج كل مرة!! وانا ابا اسمع الصوت اللي معذب حالي كله وجلبني !!اووووووووه!! واحمد يعرف صوتج؟
الجود: بس ما يعرف اني اشل شلات !!اصلا انا استحي اغني جدامه !!
محمد: بس من اليوم وساير بس جدام محمد !!
الجود: يمكن ..
محمد: اعنبوه ولا جنة تونا مصلين الا غنينا !!استغفر الله العظيم !!
الجود: هي والله..انزين ممكن تغمض عينك وتنام؟
محمد: ان شاء الله!!
الجود: نام!!
محمد: انزين
الجود:يالله فمان الله!!
محمد: وين ؟ وين؟
الجود: ببند!!
محمد معصب: جيه منو متصل انا ولا انتي؟
الجود: انته!!
محمد: عيل غمضي عينج ونامي !!
الجود: حرام بيخلص رصيدك وانا عالخط راقدة!!
محمد: فاتورة هب رصيد !!وانتي شعليج؟ نص العبالة عليج !!انا راضي ..قولي بس تبين الفكة!!
الجود: لا والله ..
محمد: وانا ابا اصلا اثبت شي
الجود: شو.؟
محمد: انج ما تناخرين في الليل!!هههههههه
الجود تتحرطم :اقول انا تراني غمضت عيني..
محمد: اقري المعوذات ونامي!!
الجود: ان شاء الله (وبعد 5 دقايق) محمد نمت؟
محمد يضحك: توني كنت برقد !!بس اتصدقين اسم محمد غاوي؟
الجود: ارقد الشويبة !!وبسك مغازل!!
محمد: ان شاء الله العيوز!!
(هو يسوي عمره راقد بس مارقد اما هي نامت وبحركة غير مقصودة صدت الجهة الثانية وانفصل التيلفون وبند ..وعلى الساعة 11 قامت واتسبحت وبعده الزجام فيها ..لبست تنورة وردية وسيعة مثل الاسبانية ..وفانيلة بيضاء كات عليها صورةماروكو ..فجت شعرها سحته ولفته ونزلت قصتها على عيونها ..يابت كلينكس ومثت خشمها)
الجود:عوذبالله يا هالزجام متى بيوقف؟
(شلت تيلفونها تعطرت بعطرها ال alian البنفسجي ونزلت)
اليدة: هلا هلا !!
الجود وتبوسها على راسها: صباح الخير..
اليدة: صباح النور ..شو انتي الحينه؟
الجود: احمدلله بخير وفهد؟
اليدة: راقد!!رقدت عليه طوفة!!
الجود: بسير اتريج !!يوعانة!! وينها خالوه وفاية؟
اليدة: سارت السوق ويا حمد!!
الجود: حليلها والله لعوزتها البارحة ..دانا ورفيعة ساروا الشغل؟
اليدة: دانا سارت ورفيعة فوق راقدة!!
الجود فخاطرها: من سالفة البارحة !!الله يعينها ..بس الجلبة مستوية غاوية بس هالبراطم!!
(سارت غرفة الطعام واتشوف احمد يالس يتريج ولابس بنطلون جينز ازرق وفانيلة سوداء تبين جتوفه العراض وكاب احمر رادنه على ورا ..ومخفف اللحية والشنب وعيونه تبين انه مانام عدل ..وحصلت حذاله مجموعة كلينكس واستنتجت انه زجمان ..دشت ويلست ..وتاكل قطعة المحلى وتصب لها حليب ..هو يطالعها وياكل)
احمد: يعني ما بتتكلمين؟ تلعوزينا الفجر واحين ما تتكلمين؟
(وهي اونها مركزة على المحلى ورافعة حواجبها اونها مستغربة ..وتكمل اكلها ..هو يطالعها)
الجود فخاطرها:مابرد عليك!! مابا !!
احمد: انا اكلمج جود!!
الجود مستغربة: اوووه؟ تكلمني انا؟
احمد: انا فخاطري وايد كلام ..بموت بغصتي!!
الجود: زين ... اتكلم ...
احمد: خازت عنج الحمى؟
الجود: الحمدلله !!
احمد: زين يالله تغسلي وبنظهر عازمنج برع!!
الجود: برع لا!! بتستوي مشاكل !!كفاية السالفة القبلية!!
احمد: انا ابا احسم الموضوع ..طول الليل ما رقدت وما اقدر اتكلم هني ..اخاف حد يسمعنا!!
الجود: يا احمدان !!ترا هي لودرت اني ظاهرة وياك ..بتجلب الدنيا علية وانا لساني مابيسكت عن حقه!!
احمد: لاحول!! الله يسلمنا من لسانج !!يالله قومي!!
الجود: بتريج اول!!
احمد: طوفي مابيفوتج الريوق !! بريجج في مكان بيعيبج!!
الجود: زين ..زين.. بعدني زعلانة منك!!
احمد: براضيج بس انتي ارحميني قومي!!(وقامت ويوم هم بيطلعون)
اليدة: ها ماشاء الله؟ على وين العزم؟
احمد: يدوه !! تباني الجود اوديها السوق عسب اشتري لها عباة وشيلة (وتضربه الجود على جتفه من الغيظ)
اليدة: وااايه فديت يومج ..الحمدلله والشكر !!الله هداها هالبنية يزاك الله الف خير يابويه!!!
احمد: شفتي عاد؟
الجود: يتمصخر وياج امايا!!(وتبطل شعر الجود)
اليدة: امايا لفي شعرج عن تتقرعين بيحسدونج!!(ويضحك احمد بصوت عالي) هييييييه!! على طريجكم نزلوني الدختر عندي موعد!!
احمد:ان شاء الله سيري هاتي عباتج بنترياج في الموتر
الجود: طوف جدامي يابو البلاوي !!طوف!! (ركبت ورا وهو شغل الموتر وصد صوبها)
احمد:يعني انتي ما بتوبين؟جدام يالله!!!!
(نزلت وهي متغايظة يوم توها بتركب تلمح رفيعة عالبلكونة ويوم يلست اتوترت وتضرب على يد احمد)
الجود: إلحق!!إلحق!! رفيعة عالبلكونة !!وابووويييييه!!
احمد: طنشيها !!طنشي!! (وتركب اليدة)
اليدة: يالله بسم الله !!توكلنا على الله!!
الجود تضحك: ولا إله الا الله
(واتحرك بموتره ..وحط اغنية هادية)
احمد: اوني بتخبرج ..رحيل بلاها كل ما حد يطلب منها شي قالت ان شاء الله ابويه؟
الجود بعفوية تضحك:غربل الله بليسها !!لانها تسمعني اقول حق الدريول مثلا خلص ابويه وتعال وحفظتها!!
اليدة: ههههههههه ياهي سلطة الزمان !!حتى البشاكير يتعلمون الرمسة !! لو تقول لهم تعرفون تطبخون قالوا لا!! طمة!!!
الجود: اميه عاد الله حق رحيل مافي احسن عنها فديتها!!!
احمد يضحك: لانه في حد ضابطنها وحاد لها بعصا عند باب الحجرة !!
الجود: اقول احمدان؟ مب جنك زودتها؟
احمد: لا!! انا امدحج ما اذمج فديتج!!
(ويبتسم لها ابتسامة مشرقة ..كانت الاشارة خضراء توها واتحركوا وتعترضهم سيارة متجاوزة من الشارع الثاني ..الله سلمهم كانت بين الموترين شعرة ..وكانوا بيدعمون واحمد ضرب بريك وطر الدنيا بالهرن ..اليدة اتمسكت بالسيت اللي جدامها واختضت هذيجي الخضة..اما الجود ماكانت رابطة الحزام طاحت من على السيت وسيدة على طول عالارض واحمد ينزل الجامة ويصرخ)
احمد: يعلك العوووق !!اتغربلت فدنيتك يالجلب!!
اليدة: اشهد ان لا إله الا الله !!(وبعد ثواني من الهدوء بطلت اليدة الباب) انا براويك يالملعون!!!
(ونزلت اليدة والجود قامت من مكانها ونزل احمد بعد)
الجود مفولة: انته المذهب ماتعرفه !!الله يغربلك!!
اليدة: لو تعرف المذهب جان ما تخطيت الشارة يالجلب الميذع!!!
(وتلف شيلتها بعصبية زين ما افترت رقبتها)
الريال: السموحة !!السموحة !!
(وروح عنهم مسرع وردوا ركبوا الموتر ..وهم يتحرطمون كلهم)
اليدة: الله سلمنا!! وانته؟ لاتسرع عن تروحنا !!بعدنا فعز شبابنا!!
الجود تضحك: شر البلية ما يضحك!!
احمد: هو اغلطان هب انا!! (ووصلوا المستشفى ..واليدة وهي تنزل توصي)
اليدة: هالله هاالله على بنتنا هب تكسرها !! هذي امانة!!
احمد: انزين زين هب ماكلنها !! (ونزلت عنهم ..وهم في الطريج)
الجود: يالله اتكلم!!
احمد: خلينا نوصل وبتكلم !!
(واتطرش مسج لمحمد .. لانها شافت مسج منه ..ووداها كوفي شكله يديد ومحد فيه ديكوره عصري ...ويوم دشوا)
الجود: واااااو حلو!!! ووسيع!!!وشكله يديد وين نحن فقصر الامارات؟
احمد: طبعا يديد ما كمل اسبوع فاتحينه ..واحلى شي انه محد غيرنا فيه !!يعني كلهم تحت امرتي!!
الجود: اونه؟ من متى ياحظي؟ (وياهم الريال وعطاهم قايمة الاكل)
احمد: شو تبين اطلبيه!!
الجود: امممم اول شي !! سندويش جبنويحط شيبس داخله وموكا كابتشينو
احمد: وانا شراتها بس ابا كوفي ويا حليب يا طيب ..وشيبس على ينب!!
الجود: انا بعد!!
احمد: قلاااااااااادة!!
الريال: بدكم شي زيادة؟
احمد: لا.....لو نبا شي بنطلبك (وروح عنهم وهو يطالعها وهي تشوفه)
الجود: امر !! تدلل!! (وهي فخاطرها تموت من الضحك)
احمد: اتعرفين .. انا الحين طايح فمشكلة عودة وكله بسبت حرمة اخوج الجلبة!!
الجود: انته اصلا وين كان مخك؟ ها؟
احمد: مادري كيف دشت خاطري بكلامها ..ويوم درت اني كنت مسوي حادث حنت علية وشجعتني !! بس هذي حرمة اخوية !! واللحمة عظاظة!!
الجود: انا اعرف كل شي !!دانا خبرتني بكل شي صار ..(ومبطل عينه عالاخر)
احمد وشوي وبياكلها: شوه؟ دانا تعرف؟
الجود: اتحراها ماتعرف؟ بالله عليك منو يالس في البيت وبيكلم رفوع ها؟ حد غير دانا؟ لو تبا جان سوت فضيحة لكن البنية اصيلة
احمد: انتي اسمعيني عدل!! انا ما كنت ادري انها حرمة اخويه والمصحف مادري!!
الجود:مصدق!! وكلنا مصدقينك !!بس البنية اتحبك لو ماتحبك جان ما سوت عملية التجميل وجان ما يلست تهددني عالطالعة والنازلة ..انا من يييت بيتكم كلهم حاطيني على روسهم الا انته ورفوع !!
احمد: لاوالله ما اكرهج ولا شياته !!انتي على عيني !!بس والله انصدمت صدمة عمري يوم شفتها راكبة الموتر ومن عجت غشوتها حسيت الارض اتدور بي واتخونني او تخسس فية !!!(وبغصة يقولها) شو السبب اللي خلاها تسوي هالشي؟ وهي على ذمة ريال ما تخاف ربها؟ ومب اي ريال !! اخويه!!!!
الجود:ههههههههههههههههههههه احلف؟ (وهي ميتة من الضحك)
احمد: هيه اتحاول تشرح لي ..بس انا ماكنت راضي !!قلت لها وانا مفول انزلي!! وان شفتج متصلة لاعلم العيلة كلها واللي يستوي يستوي!! كنت بصكها كف على ويهها !!
الجود: هيه يتنا البارحة تصيح وتقول انه كله مني !!اوني انا امثل لها تهديد !!اونه ومول ما بتخليك!!
احمد: وانا هب راد لها مينون؟ اتخبلت عسب اسوي هالشي؟ جهنم كلتها!!!
الجود: والله هذا م بينكم !!لاتدخلني يا احمدان !!
احمد: كل بنية اتكلم معناتها تحب وتبا زواج او مصلحة ..بس هذي الادمية شو مصلحتها دامنها معرسة؟
الجود: والله ماعرف بس شكلها حبتك!!
احمد بعصبية: حبها برص!! كيف تحبني والادمي اللي يرقد حذالها؟ ها؟ واخويه من لحمي ودمي؟
(وايي الريال ويحط الطلبات اللي طلبوهن ويالسين ياكلون)
الجود: انته هد اعصابك !!وما بيصير الا اللي تباه !!
احمد: تعرفين لو درا اخويه بسواياها ؟ بتتشتت العايلة والله !!انا هذا اللي اخاف منه !! وانتي!!!
الجود: انا؟ بلاية؟
احمد: جيه ما خبرتيني من دريتي؟ مخلتني على عماي؟
الجود: اسفة هي امنتني اقولك؟ انا عندي لك حل يرضيك !!
احمد: شوه؟ علميني بسرعة!!
الجود: you must get married
احمد منصدم: شوه اتخبلتي؟
الجود: ماتخبلت ولا شياته !!هذا اللي بيسكتها !!
احمد: وسعادتي؟ وعزوبيتي؟
الجود: موووووووووول اممممرة!!عزوبيتك !!انف عليك!! ترا اخرتها بتتزوج اذا هب الحينه بعدين!!
احمد: بسألج الي ما تتسمى تتكلم عني؟
الجود: مادري بس شبت حريجة يوم درت اني دوخت في المصعد
احمد مشمئز:قطيعة!! الله يغربل هالشيفة اللي فيها!! والله هالبنية هب هينة !!طاعي بنت البلاد كيف وطاعي الاجنبية كيف!!
(الجود تضحك)
احمد: بلاج تضحكين؟ قلت نكتة؟ ولا كاتبين على يبهتي شي؟
الجود: لا!! بس ويهك ..يضحك يوم ترمس عنها ولايعة جبدك !!
احمد: هيه !!انتي جاهزة حق الطنازة!!
الجود: وعن دانا؟. والله انها دينة واخلاق وحشمة ورزانه ..واهم شي عقل!! وانته فكر بكلامي عدل!!!
احمد: عن شوه؟
الجود: وابويه؟ عن الزواج!!
احم: بفكر وبرد عليج!!
الجود: على راحتك ..بس اذا تباني بمهد لك الطريج ويا خالوه !!
احمد: مادري والله بس بشوف!!
الجود: ابا اكلمك عن شي واحد مهم!!
احمد: شوه؟ لايكون تبين تعرسين؟
الجود: حشا علية!!بعيد !!بعيد!! على قولتك!! انا يوم بعرس باخذ يا اما شيخ او تاجر !!(ويضحك)
احمد: زين قولي...
الجود: انته مثلي الاعلى في الحياة!! واحلى رزيف !!ومزاجي!!ووسط روض القلب!! وانته مغرور ومشكور !!
احمد: يالله!!يالله!! شو نازل عليج؟ قولي اللي عندج؟
الجود: ابا اسير وياك الشركة هذيجي مال الانتاج مادري الاستوديو ..ابا اشوفك يوم تغني!!
احمد: هاه؟ قولي جذيه !!يالحرامية !!ليش؟
الجود: ابا اشوف جو الفن !!دخيلك!!دخيلك!!
احمد: عيب!!منقود!!
الجود: شو عيب ومنقود؟ بيلس اطالعكم!!
احمد: يصير خير !!يالله خلصتي؟
الجود:هيه خلصت ..الحمدلله (ودشوا باريس جاليري)
احمد: اختاري اللي تبينه ..واعتبريه هدية نجاحج يالمصرية!!
الجود عصبت وفخاطرها: جيه؟ من عرف انه اهلي ماعندهم بيزات بيتمنن علية؟ والله ماخذت منّة حد!! انا نفسي عزيزة وبتم جذيه!!
الجود:ليش؟ريحة عطري هب عايبتنك؟ (واحمر ويهه)
احمد: لاوالله مب قصدي جذيه !!انا كان قصدي ماعرف ذوقج في العطور !! وماكنت عارف شو بهديج !!! ليش خذتي الامور بحساسية؟
الجود معصبة: انته قلت فخاطرك بظهرها واباها تسمعني ..وقلت بهديها شي عربون على انها سمعتني !! انا اقولك لا!! اي بنية بترضاها بس انا لا!!! فهمت؟
احمد: والله ماكان قصدي شي!!سمعيني!!
الجود: خلنا انروح!!لاني مب طايقة عمري ممكن؟
احمد: هب متحرك لين تسمعيني !!
(والمشكلة انهم في نص باريس جاليري والمتطفلين يطالعونهم)
الجود: بدون ماتقولي اي شي !!ماعندي ريال واحد داخل مخباية !!وماداني منّة حد !!
(وعيونها احمرن ..وروحوا الموتر وهم ساكتين )
(ومن وصلوا البيت تشوف رفيعة عالبلكونة ..وتغيرت تعابير ويه الجود من الجدية للضحك)
الجود: احمد؟
احمد: همممم؟
الجود: من تنزل بطل لي الباب ويوّد ايدي!!
احمد: ليش؟. حبيتيني؟
الجود تبتسم: لا !!رفوع عالبلكونة!!
احمد: ههههههه ايوا!! (نزل وبطل الباب ونزلت الجود بغرور ومسكت ايده وحس احمد برعشة فجسمه)
الجود تتقرب منه تتمصخر وياه: شحالك انته؟ (هو احمر ويهه ويضحك ..وقلبه يدق بسرعة)
احمد: احين؟ والله بخير يالخير انتي!!
(وهو الفرحة مب متسعة له ..شل عنهالكاب ولبسها الكاب وهي تضحك وتلعب بشعره)
الجود: مب جنه سوينا فيلم هندي؟
احمد: شكلنا جذيه!!
(وتدخل رفيعة وترض باب البلكونة رض زين ماكسرته.. ودشوا داخل ..ووفاء نازلة من الدري)
وفاء: ييتوا؟ تعالي جود ابيج فغرفتج (ولحقتها من وصلوا .. حصلت دانا ورفيعة داخل)
الجود: شو ها؟
دانا فرحانة: هذا كله هبيبتي لج!!
(حصلت 3 فساتين للسهرة وشنطة مكياج ترس مكياج من كل الانواع والماركات .. وعباة كلها كرستال وعلى ظهر العباة كلمة باليابانية بس بالكرستال الراينبوه ..)
رفيعة:شفتي كيف يعبرون الناس عن حبهم؟
الجود:مشكوورين بس ليش تكلفون على عماركم؟
رفيعه فخاطرها:يعلج ما تتهنين بهذا كله!!
وفاء:هذه يسمونها هديه نجاح..
دانا:و انا شتريت لج قلب ذهب مال Bahrain ..اتفضلي!!
الجود:سامحوني والله..والله ما اعرف اقولكم غير مشكورين!!يعلني ما خلا منكم!!
رفيعه بمكر:السمووحه ما خذتلج شي..لاني طول الوقت في البيت..ماظهرت!!
الجود:حبيبتي كلمه مبرووك تسوي الدنيا و ما فيها (واتطلع الفاستين الاسود جنان..والاصفر..والاخضر الفاقع..)
وفاء:يمه جود روحي الصاله عمج يبيج!!
الجود:ان شاء الله..(وهي مستانسه..نزلت حصلت عمها يالس ويا اليده..وحمد منسدح يطالع التلفزيون..)
اليده:تعالي امايا ايلسي..طاعي عمج شويايبلج!!
الجود يالسة: شوه؟؟
علي:فجيها وبتعرفين!!(ومن فجتها..حصلت ساعه ذهبيه شكلها رجاليه..بس نسائية و حلوه..)
الجود:عمي!!هذه احلى ساعه!!والله العظيم(وتحضنه)مشكور!!
على:العفو يا غناتي تستاهلين!!(وطلع من مخباه بوكه وطلع بيزاته..
الجود:لا عمي الا هذا!!
على:هذه بيزات..يوم محتاجه شي!!
الجود:لا!!اهلى مب عيزانين عني !!
على:بس انا وصلني الخبر انه ماعندج مصروفج حتى!!
اليده:خذيهن امايا!!هذا عمج!!شرات ابوج!! الا قولي ابوج!!
الجود معصبه:ابويه على عيني وراسي..لكن ما ابا حد يتصدق عليه!!(وقام حمد وتعدل فيلسته..)
على:منو قالج انه هذي صدقة؟
الجود: عمي اول شي خالوه وفاية وبعدين راشد واحمد والحينه انته؟
علي: شوفي !!ان ماخذتي الفلوس بتصل حق ابوج وخله يتصرف وياج!! منو حاط فراسج هالتفكير؟
الجود: عمي فديتك انا بقولك !! بس انا هب محتاية!!
(علي مسك تيلفونه ويتحرطم ويتصل بعصبية)
علي: الو؟؟ السلام عليك شحالك؟ الله يسلمك ..انا متصل اتخبرك انته ماحيدك عنادي جذيه!!
اليدة تتحرطم: هااا؟ زين؟ سار اتصل حق ابوج الحينه!!
(وهي ساكته وبعدين عطاها التيلفون)
الجود: الو؟ هابويه؟ يوم انته بتوصل البلاد تقدر تعطيني بيزات بس الحينة هب ماخذه !!شو؟ انا والله احبهم لكن بعد ما ارضى ...لاتحرق اعصابك لاني هب ماخذه!! ويوم محتاية بطلب منك انته !!وفي شي بعد... انا بقدم اوراقي فكلية التقنية مال بوظبي وبشتغل بعد .. شوه؟ شوه لا؟ انا كبيرة واعرف شو ابا فحياتي !!اول شي حرمتني ادخل التخصص اللي اباه واحين بتحرمني من الشغل؟يابويه انا ابا اعتمد على عمري .. سامحني ماقدر..هذا مستقبلي انا!!
(وعطت التيلفون لعمها وروحت عنهم ..سارت حجرتها تصيح وماطاعت تتغدى وعالعصر اتصل بها محمد )
الجود: الو؟ مرحبا
محمد: مرحبتين بلاه صوتج؟
الجود: مابلاه شي
محمد: انتي فيج شي
الجود: صدق مافية شي
محمد: اذا ماخبرتيني عيل منو بتخبرين ها؟
الجود: ماشي بس مشاكل ويا العايلة..
محمد: الغالية ..انا مابضرج بالعكس بنفعج ..ويمكن اساعدج بعد ..خبريني..
الجود: اليوم طلعت ويا احمد تريجنا ومر محل مال العطور وقال لي اتشري اللي تبينه..
محمد: انزين وبعدين؟
الجود:اناا ما عيبني تصرفه احس انه يتمنن علية!!
محمد منصدم: احمد؟ انتي غلطانة !!بعدج ماتعرفينه عدل !! سامحيني ماتعرفينه!!!
الجود: ومن غير امه وعمي وحرمة اخوه يايبيلي هداايا !!
محمد: انزين؟
الجود: بس لين طلع من بوكه بيزات يبا يعطيني !! يوم رديته سوا حق ابويه وابويه ماقصر هزبني!! ومن علمته اني بشتغل عصب ازيد!!!
محمد: ماشاء الله !!انتي طلعني كل اللي فخاطرج مايودتي شي عليهم!!!
الجود: انا طبعي اني ما احب اخذ من حد بيزات لاني اعتبرها صدقة..
محمد: الشيخة الغالية ..تحبين تسمعين وجهة نظري؟
الجود: اكيد
محمد: وبدون عصبية ..اول شي عيال عمج من حسب معرفتي بهم وفأحمد ..ريال ماعليه كلام .. واعرف انه اخوانه كلهم شباب..هالهدايا اللي بيهدونج اياها لانهم يحبونج ..وماعندهم بنات في البيت ..واعتبروا نجاحج من نجاحهم ..وعن سالفة البيزات .. اهلج مسافرين صح؟
الجود معصبة: صح!!
محمد: ها معناته انج امانة عندهم ومايبونج اتمين غريبة عنهم او محتاية شي ...والله لو تسمعين عن عايلات مايحصلون ربع اللي تحصلينه ..يحصلون السب والشتيمة وكل انواع العذاب ..احمدي ربج انه الله عطاج هالنعمة وهي الاهل
الجود منصدمة من كلامه: اول مرة احس كلامك كله من قلبك ..
محمد يتمصخر: وليش من قبل كنت اجذب عليج؟
الجود: لا!! حاشاك!!!
محمد: يالله الغالية ..سيري استسمحي من عمج ومن احمد بعد..ما ارضى خويي يكون زعلان..
الجود: ان شاء الله والله ماتقصر..
محمد:بس يوم بتردين ..لي كلام ثاني وياج ..
الجود: ليش؟
محمد: يوم بتردين بخبرج واهم شي تراضين ابوج ..
الجود: قلنا ان شاء الله الشويبة!!
محمد: سيري العيوز!!!
(بندت عمه وسارت اعتذرت من الجميع وكانت ندمانة من الخاطر ..ويوم مد عمها ايده يعطيها البيزات خذتهن وباسته على راسه ..واتصلت حق ابوها تستسمح منه ..واتراضت وياه ..بس كانت مصرة على شغلها ..ويلست في الصالة وتشوف عواد نازل)
عواد: يالله احمدان بسرعة زخينا واحد!!(وكان لابس بنطلون وقميص)
[COLOR=#ff00cc]احمد: ياي!!ياي!!
عواد: اوووه جامة؟ تعالي ويانا !!
الجود: وين؟
عواد: انا يايب قفاطة(قفص) مال قطاو !! عسب نزخهن
الجود: يعععععععععععععع!!قطاو؟ جيه ؟ زخيتوا؟
عواد: ههههههههههههههه هيه الظهر احمد حط سمجة في القفاطة .. ونسمع احين صوت قطاو!!
الجود مشمئزة: الله ياخذهن !!مايخلنا نرقد!!!
عواد: نجنا نرقد ولا نسمع القطاو الا احمدووه جنه القطوة تماوي عند اذنيه وهو حالف الف يمين اني اخذ القفص ولا بيرميهن بالسلاح ..ويوم وايجنا حصلنا قطو داخل القفاطة وقطوتين برع حذاله...
الجود: هههههههههههههه يواسونه!!
عواد: الا؟ يشدون أزره علىى بلواه!!!
(واحمد نازل بنفس لباسه ماغيره )
احمد: الجود؟
الجود: نعم؟
احمد: والله راسي يعورني ..مكن تقولين حق ميري تسوي لي كوفي؟
الجود:ميري ورحيل رقود ..انا بسوي لك ..كم سكر تبا فيه؟
احمد: ثنتين !! لوماعليج امارة!!
عواد: انته بعد!!! ماتعرف تغازل؟ قول لها ..حطي صبعج في الكوفي مرتين وهذا روحه سكر..
الجود: طاعوا اللعانة!! تباني احترق؟
احمد: اوووووووب !!اووووب !!يابوك ماروم عليك يامحترف!! طوف خلنا نطالع القطاو الله يغربلهن!!
(وهم روحوا وسارت الجود لبستشيلة بيضاء ولفتها عن ريحة المطابخ .. وهي يالسة تسخن الحليب في الضو..وكانت عاطية ظهرها وتدندن وتيب السكر والكوفي ..وتحس بشي ..... ريحة؟ لكن ريحة شو؟..ريحة حليب يحترق؟ لا!!! ويوم صدت ورا انه اتلبست فيها الضو (النار) وشيلتها تحترق ويمكن شعرها بعد ..)
الجود تصارخ: آآآآآي !! آآآآآآآآآي !!
نسيت اخبركم شي حادثة الجود يوم تحترق تراها حصلت لي فاخر يوم رمضان واول ماقال المأذن الله واكبر بيصلي بالناس شبت فية الضو وماكنت اعرف وين اضرب براسي وكنت ادور في الجوي شرا المينونة لو مب البشاكير ورايه جان ما كنت موجودة الله سلمني والحمدلله على كل شي بس صدق كنت زايغة من غير ذراعي احترقت شوي حرق خفيف ووواااااااعثرتي لدرجة قصيت شعري بعد والله اني اقص شعري واصيح من الغصة..هذا كله من الشيل البيض الطوال اللي يسحبن يبالنا ياناس حد يخترع لنا حجابات صغار حق المطابخ والله اتحملوا واتحذروا الشيل البيض لهن منافع وضار وانتبهوا
(وتصارخ بأعلى صوتها..وتركض برع في الحوي ..واللي في البيت زاغوا من الصرخة ..ويدورون وين الصوت.. ..ورحيل ظهرت على الصوت ..وعواد واحمد .كانوا شالين القفص ..شافوها تصارخ وتدور عالبيت ..وعجوا القفص من الصدمة واختض القطو ...)
عواد: بسم الله بلاها؟ تحترق!!!!! تحترق!!! حد لها من هالجهة!!!
احمد يصارخ: زخها!! زخها!! بتحترق !! (وتشرد عنهم الجهة الثانية )عواد!! الحقها!! اناا بحد لها هالجهة بسرعة!!!
(ووفاء وعلي واليدة ظهروا برع ..وشافوها مارة صوبهم والضو متلبسة فيها ومب راضية تفج)
علي يركض وراها: جود تعالي!! زخوها!! زخوها!!!
وفاء تصارخ: هاتوا لحاف !!هاتوا شي !!بتحترق البنية !!(وتصيح وفاء ويلحقونها ..لين يت جهة احمد)
الجود تصارخ وتستنجد: آآآآآي !!!! آآآآآآآي بموووووووووووت!!! بموت!!! (وحاولت تشرد عن احمد ..ومسك المتبقي من الشيلة وفصخها من على راسها وصلخ ايده ..وكان ظهرها بعده ...ومسكها من ذراعها ولصقها على اليدار بقوة ..وهي تحاول تفلت عمرها منه .. وهو يحج ظهرها باليدار ...لين انطفت الحريجة لكن بعد شوه؟ بعد عناء طويل... كان داير راسها)
احمد يصارخ: سمعيني!!! سمعيني جود!! خلاص!! خلاص!!! انطفت الحريجة !!! شوفي ... شوفي...
(لين يلست عالارض واندست فريل احمد ..يعني حطت راسها على ريل احمد.. وهي تصيح .. واحمد كان محمر ويهه من اللي صار ويدورون عليها اللي في البيت ..ويتقرب عواد منهم ..وحس احمد انه ظهرها كاشف ... بس توة يبا يقول شي فصخ عواد فانيلته وعطاه احمد عسب يغطيها كانت تصيح كأنها ياهل ..)
احمد: عواد؟ سير هات لحاف ..شادر ..اي شي نسترها به دهديه !!! (ويترابعون صوبهم هل البيت)
علي معصب: قوم عنها اشوووووف!!! (علي يرفع راس الجود يبا يشوف ويهها)
الجود: انا بخير!! بخير...
علي: أجبي علية بنوديج المستشفى ...
اليدة: واعلية عليج يابنتي شو استوا بج ؟
(وفاء تبا تحضنها بس احمد يأشر بعيونه عسب تمسك الفانيلة عن تكشف عن ظهرها ..وحضنتها ومسكت الفانيلة وهن يصيحن ثنيناتهن )
عواد: هذوه اللحاف (ورحيل تصيح)
الجود بجرأة: لا!! مافية شي انا بخير ..
(احمد وعواد يطالعونها وهم زايغين عليها .. ويساعدونها تقوم)
احمد: انا بسير ابدل (وروح عنهم)
علي: متأكدة؟ مافيج شي؟ ظهرج؟
الجود ودموعها على خدها : مافية شي بس كنت زايغة (وفلتت ايدها من وفاء ..وسارت جدا رحيل)رحيل؟ وديني غرفتي !!(وودتها الحجرة وكانت متساندة عليها)رحيل؟ شفتي اللي استوا؟ زين ما مت!!!
(ورحيل دموعها ينهمرن)
رحيل: انا وايد خاف أليج !!ماما!!في سي اقول؟
الجود: مب وقته!!
رحيل: very important
الجود: شو؟
(وتفج شعرها وتشوف شعرها المحترق ..وكوعها المحترق)
رحيل: هادا كله من ميري
الجود: بلاها ميري؟ شو دخليها؟ (وهي تمسح دموعها)
رحيل: انا سويت نوم اندها الظهر بادين ...اشوف هي سوي black magic هقج!!
الجود: شو ها بعد؟
رحيل: سهر !! سهر!! هي maybe يوم سرنا المزرعة she entered your room وخدت داخل مشط مال انتي شعر ..
الجود:حق السحر؟ هذي الجلبة!!! تبا تجتلني؟
رحيل: انا في شوف بااد (وتصاصرها)
الجود مفججة عيونها: شووه؟ اععععععععععع مالي؟ من وين يابته؟
رحيل: ماعرف مال منو !!بس انا في شوف she use it ممكن هي خدي من trashcan مال الحمام مال انتي..
الجود: ويدي يعلها العوق!!! خليني اتسبح وانا براويها !!آآآآآآآي ياذراعي!!!
رحيل: ماما؟ I help you?
الجود: لا !!!! اقدر !!!
(روحت الحمام وعجت ثيابها ويلست اتطالع عمرها وتصيح على ما اظن نص ساعة شراتي .. كان كوعها محترق ..ويبين المكان المحترق احمر شرا الدم المتيمع ..وظهرها كانت العظام مبينة ..وشوية محترق .. ..اما الضرر الاكبر كان شعرها .. وتوايج من باب الحمام)
الجود: رحيل امايا؟ هاتي لي مقص !!
(وعطتها وقصت شعرها بحسرة لين كوع ريلها بالضبط ..وقامت تشوف المكان المتقصف او فيه ريحة وتقصه لين قصته مدرج مع انها مالها خص في القص وكان مبين على شعرها انه مقصوص مدرج .. وغسلت شعرها وهي تفكر باللي صار ...كيف الضو اتلبست فيها ...وكيف كانت تركض شرا المينونة دور داير عالبيت ..ويوم زخاها احمد .. وكيف كانت شرا اليهال)
الجود فخاطرها: آآآآخ يا فضيحتي!!ويييييييه !!اشوا انه رفيعة ماكانت موجودة ..وانا وين اودي ويهي !!اصلا اكيد مالاحظ من الصدمة !!آآآآخ علية!!! غادية غير ياهل!!!
(طلعت من الحمام وهي بروب الحمام)
رحيل: اميه؟ تبين شي؟
الجود: هيه سيري نادي ميري وانتي يوم بتشوفينها طالعة ... خذي الاغراض مال السحر وحطيهن فكيس ..واسمعيني عدل!!!
رحيل: ان شاء الله ماما
الجود: تاخذين من مشطها شعرها .. وتحطينه بدال شعري ..وتدورين في trashcan حمامها عن هذاكي وتحطينه فهمتي؟ وتغسلين ايدج 3 مرات اوكي؟
رحيل: زين ماما !!انا في خوف هي تجي!!
الجود: بخليها اتدخن حجرتي !!وانتي بسرعة خلصي شغلج !!وتين عندي زين؟
رحيل: ماما؟
الجود: شو ؟ في شي من بلاويها بعد؟
رحيل: ماما انا كل يوم سوي انتي اكل غير because هي تسوي ... إإإإإه ..إإإه !!
الجود منفعلة: شو؟
رحيل: ميري حط في غدا مال family ....إإإإإه ...إإإإه !!! ماما انا في خوف!!
الجود: بتقولين ولا اصمج طراق على ويهج !!(وهي يالسة تبدل ثيابها في الحمام وتسمعها)
رحيل: ماما هي في سوي تفل في جدر كل يوم....
الجود تصارخ: اخيييييييييييييييييييج!!! وعععععععععععععععع !! (لاعت جبدها) لعنبوا دارها شو هالوصاخة؟ وين خالوه وفاء عنها؟ (وجبدها لاعت من اللي سمعنه وتبا ترجع)
رحيل: مدري ..بس هي كل يوم حديه هي ما تهبهم ..even madam Dana ...
الجود: شووه؟ دانا تسوي سحر؟
رحيل: لالالالالا ماما!! هي سوي سهر حق دانا مشان ما تجيب بيبي !!هيّة قول وانا في شوف !!!
الجود: اعنبوا هذيلا رقود؟ مايدرون بالدنيا؟ انا لازم اسوي شي !!ولازم اخذ حقي !!(وتتذكر كلا رحيل عن سالفة الاكل يوم اتفل في الاكل) خذي اغراض دانا وبعد حطي بدالهن اغراض ميري ..رحيل؟ هي اتفل على اكلي؟
رحيل: ماما ..هي ما تجي عند جدر مال انا ..انا في قول هذا اكل مالي!!
الجود: والله يارحيل لو طلع هذا كله صح ..اذا حد يا خطبج والله انه عرسج علية !!انا بدفع تكاليف العرس وبخليه غاوي ..
رحيل مستانسة: صدق ماما؟
الجود: هيه صدق !!وبيكون عرسج في الفندق وبندور حق ريلج شغلة بس اهم شي اتمين عندنا!!
رحيل: والله ماما انا اهب your family!!
الجود: زين سيري وسوي اللي قلت لج عليه احينة!!
رحيل: ان شاء الله ماما ..(وتبوسها على راسها وسارت رحيل عند ميري) ميري؟ ميري؟
ميري: مني!!مني!! (ودشت حجرتها)
رحيل: ماما جود تبيج!!
ميري تضحك: هادي تبي help صح؟
رحيل: مادري !!هي قول نادي ميري !!روحي!! (وسارت عندها وميري منزلة راسها اتسوي عمرها فقيرة)
ميري: نعم ماما؟
(واتطالعها الجود من تحت لين فوق ..واتقول فخاطرها .. هذي تسوي جذيه في العايلة؟ هذي شيطان متلبسة فجسم انسان ..)
الجود: هيه!! كنت اباج اتدخنين حجرتي !!!
ميري: زين ماما !!
الجود تصارخ: قولي ان شاء الله!!!
ميري تنتفض: ان شاء الله ماما !!
الجود: سيري المطبخ التحضيري وسوي دخون!!
ميري: ماما بسوي تهت!!!
الجود تصارخ: : انتي شوه!!! ماتفهمين؟ اقولج في المطبخ اللي حذالنا !!!
ميري: زين!!زين!! اوووه ان شاء الله ان شاء الله ماما...
حمدان يدق الباب : جود؟ جود؟
الجود: اتفضل !! اقرب !! (وهو بطل الباب وتم واقف عند الباب )
حمدان: ماتشوفين شر !!سلامات!!! تعالي الصالة اباج!!
الجود: بييب شي وبييك !!(وتشوف ميري مكانها) وانتي؟ بعدج واقفة؟ شو قايلتلج؟
ميري: ان شاء الله ماما ...
(وسارت تسوي الدخون ...وهي يالسة تسوي؟؟ الجود يابت تيلفونها ..وفجت الفيديو ..وسجلت وخلت كيمرتها مجابل كرفايتها وحطت التيلفون على طاولة المكياج عيني عينك .. وسارت الصالة اللي مجابلة حجرتها ..وكانت تحس بالويع والحرق في ذراعها وظهرها..)
حمدان: تعالي انا بداويج!!
الجود زايغة وردت على ورا: لايابويه !!لا!! (وكان في الصالة فهد وعواد وسهيل واليدة)
سهيل: ماتشوفين شر يابنت العم !!في العدو ولا فيج!!
الجود: الشر ما ييك !!
(وتشوف ميري تدخل غرفتها ..وكانت يالسة عالغنفة وحذالها حمدان وعدة الاسعافات الاولية وياه وعواد واقف عند ظهرها)
عواد: حمدان دارس اسعافات اولية !!يعني عادي لو كنتي حامل بيخليج تربين!!
الجود: سو اي شي الا الابرة !!
حمدان: اشوف ايدج؟ يالله عاد!!(وهي مغمضة عينها وزايغة ..ومدت له ذراعها)
عواد: آآآآآآآآآآآآآآآآآآآآآآآآآآآآآي!!!
الجود معصبة: وجعاااااه!!!
حمدان: هذا حرق خفيف !!الله سلمج زين ما احترقتي في مكان ثاني !!بحط لج كريم وعلى ظهرج روحج حطي .. وكل اربع ساعات تبدلينه زين؟
الجود: زين !!
(وطلع احمد من حجرته ويلس وياهم بس عالارض)
احمد: ها؟ شو عطوج؟ (وكان متسبح ومبدل ثيابه)
الجود: بيحطون لي دوا!! انته ايدك اظني احترقت..
احمد اتجاهل كلامها وقال: ماتشوفين شر!!!
الجود: الشر ما اييك !!
(ويوم توة حمدان بيحط لها الكريم ..ومغمضة وزايغة .. وفخاطرها تصارخ لانه صدق الحرق يعورها .. ويوم توة لمسها على طول بالغلط رفعت ايدها وكفخت عواد على ويهه)
عواد يصارخ: وعثرة!!!
(وهم ميتين من الضحك)
الجود: اسفة ما شفتك!!
عواد: حاسبي يا بنت الناس !!بلاج؟ اول شي الحريجة والحينة كفخة؟ (احمر ويهه من الكفخة اللي يته)
(رفيعة طالعة من حجرتها بغرور وسكت احمد لانه كان بيقول شي)
رفيعة: ها؟ يقولون انج محترقة!!
عواد: لا!! غلطانة !! بس شبت فيها حريجة!!!
حمدان: اعنبوا ماتعرفين المذهب؟ البنية محترقة وماتتحمدين لها بالسلامة؟
رفيعة: الحمدلله عالسلامة..
الجود واتطالعها بطرف عينها: الله يسلمج ..(وطلعت ميري من حجرة الجود) ميري؟
ميري من الزياغ: ان شاء الله ماما!! (وضحك احمد)
الجود: خذي المدخن ودخني حجرة الشباب ..
احمد يصاصرها: انتي مول مب طبيعية !!
الجود تصاصره: بعدين بعلمك!!
ميري: ان شاء الله ماما!! (وروحت وتي رحيل فايدها كيس من الزينات وودته داخل وذراع الجود ممدودة)
عواد: ها الجامة؟ علوم ايدج؟ (وكلهم يالسين يرمسون وحالتهم لله)
الجود: اتشوف ذراعي اللي انكفخت بها على ويهك قبل شوي؟
عواد: لا!! لا!! يامعودة يقول الشاعر !!
اليدة: شو يقول يا بن روغة؟
عواد: ياعربي بالله ودوني جداه ... وارحلوا بي وين القى راحلين ...
كلهم: راحلين...
عواد: بس من هلي اهيعوا لي والوحاه ..... دامني فية استطاع على الضعين ...
كلهم: الضعين ..
عواد: دون شوفه مالي انس ولا ضحاه... وماخذ غير الصدود الباجين ...
كلهم: الباجين!!
اليدة: اسميها صدود تذكرينها يالجامة؟.
الجود: وحد ينساها؟ ويقولك الشاعر يا عنتر !!فدبي ساكن صاحبي!! واااي !! اوووه!! يعورني ههههههههه
عواد يقاطعها: بس!!بس!! اعنبوكم فضحتوني!!!
الجود: انته مدحت اللي تريد ...وكل حد يمدح من يبي !!
احمد يتقرب من ويه يدته: يقولج الشاعر يا بنت الايواد!!
اليدة: شو يقول يابوزايد؟
عواد: هييييييييييييييييييييييييييييه!! انا عنتر تسمين !!واللي يتروع من زهيوي سميتيه بوزايد !!!
اليدة: ماعليك منه يابوزايد !!كمل فديت ويهك !! (ورفيعة سرحانة فأحمد وكلامه)
احمد : يقولج!! ..مايخف شوقي بنظرة عيني عيونك ...ولا الشوق يبرد حبيبي لو تمنيته....
كلهم: تمنيته
احمد: زاد الوله بي كذا واصبحت مرهونك.... واحكمت قلبي ياويلي منك شقيته...
كلهم:شقيته ..
احمد: انته حياتي وعمري واحكم بهونك ...انته الغلا والحبيب اللي تمنيته ...
كلهم:تمنيته..
احمد ويبوس يدته على راسها: اتبع شروع الهوا وامشي بقانونك.... يوم الهوا جر لي قلبك وحبيته...
كلهم: حبيته...
اليدة مستانسة: واااايه فديت هالويه !!يدك الله يرحمه ماغازلني جذيه!!! يعلني ما انحرم من هالمغازل!!!
عواد يصاصر سهيل: شكلها ولا تدري بشي !!
عواد: خلنا انطوف السالفة على خير...
(روحت الجود لغرفتها وتشل التيلفون المبطل ...ووقفت التصوير ..وردت اتطالعه ..كانت اول شي ميري اتدخن الحجرة ..وبريقة غريبة توايج اتطالع اذا حد ياي ..بعدين بطلت كبتها وحطت فقميص من قمصانها ورقة سوداء ..بعدين اتطالع شي في الحمام... وكأنها اتدور على شي ..واتقرب صوب كاميرا التيلفون ... وهي ماتعرف ..وتاخذ شي لانه الكاميرا كانت العكس ..والحرمة شكلها ماخذة شي من صندوق الذهب ... لانها سمعت من الفيديو ومثل رضة الصندوق وتصرصيره ..شافته ..الخاتم داخل مخباها ..واتطالع المنظرة بعدين انتفضت ..وردته مكانه ..وتمتمت شي بالهندي ماينفهم وظهرت)
الجود: جلبة!! زايغة الملعونة!!
رحيل: مااما؟ هذوه في كيس !!
الجود: خليه!! (وتتصل على امها)
ندى: هلا امايا !!(وتصارخ) انا كم من مرة اقولج لا تتقربين من الضو !!(وتصيح) تبين تجتليني؟.
الجود: امايا!! استهدي بالله ما استوا الا الخير!!
ندى: اي خير؟ انا رادة البلاد ما اقدر اخليج روحج!!
الجود متحمسة: والله؟. وبن عروة؟
ندى: منو؟ ابوج بن عروة؟
الجود: لا حشا عليه!!! الريال اللي بتسوون صفقة وياه!!!
ندى: انا اللي بيي ابوج بيتم ما خلص بعده!!!
الجود فرحانة: والله؟ والله؟ هذا احلى خبر سمعته!!! متى بتنورين البلاد؟
ندى: اليوم طيارتي في الليل !! وانتي يامسودة الويه ياويلج وسواد ليلج ان اتقربتي صوب الجز !!هذي اكيد عين حد!!!
الجود: شو عينه يا اميه!! وااايه فديت عنونج انتي!! في اي مطار؟
ندى:وابويه مطار بوظبي!!
الجود منصدمة: شوه؟ مابنرد دبي؟ مابنيلس فبيتنا؟
ندى: ابوج قال محد يشبر البيت لانه مافيه ريال ..وانا الا بيلس اسبوع وبروح!!!
الجود: نعم؟ نعم؟ شو تقولين؟ ولا اقولج؟ من توصلين بالسلامو يصير خير!!
ندى: هيه والله يصير خير !!ماقلتي لي؟ الحرق وايد؟
الجود: بس ذراعي وشعري!!
ندى تزاعج:واعثرتي عثرة!! اتقرعت بنتي !!لاحول ولا قوة الا بالله!!يعل اللي عطاها بعين تنجلع عينه قولي آمين!!
الجود: آآآآآآآآآآآآمين!!
ندى: اميه قصيتي شعرج؟
الجود: شوي ..وحمدان عطاني دوا ريحته شرا المكسرات عذاااب ريحته ... فخاطري اتطعنه هالدوا!!
ندى: طعمج طعمي !!!وشخبار رحيل؟
الجود: بخير تشجح وتنطح !!اميه ماخبرتج عن احمدوه البيدار شو سوا!!
ندى: بلاه الارضي؟
الجود: مخلي المزرعة صحرا والله العظيم !!ولعنت ابو خامسه واسلاف اسلافه وضربته بعد!!!
ندى: زين سويتي فيه الباهس !!الحرامي الكنجوس ... الله واكبر عليه !!صبري بعلم عليه ابوج!!
الجود: لا لا لاتخبرينه انا ادبته!!
(ويلسوا يسولفون وبعدما بندت عنها لفت يدها بالشاش وجربت العباة والشيلة وطلعت مضبوطة ..يلست تطالع عمرها في المنظرة ..ولفت الشيلة عدل ..ودقت الباب على حجرة الشباب..)
عواد: ياي!!ياي!!دومي ابطل البيبان!!
(اول مافج الباب انصدم وكلهم اللي يالسين عالارض ..منهم يلعبون ورقة ..ومنهم بلاي ستيشن واللي يقرا الجريدة ..وكلهم صدوا يطالعون منو هذي اللي لابسة عباة يمكن دانا ولا رفيعة ومنصدمين مكانهم)
عواد: يقول الشاعر!!
الجود مبتسمة: شو يقول؟
عواد: ياطويل المعنق ... ياوسيع النحر...
كلهم: النحر..
عواد: يانحيف المعزل ..ليش لابس عباة..
كلهم: عباة!!
عواد: يكفي من العباية .. جاج لين انحدر..
كلهم: انحدر!!
عواد: لف به عالمفاتن والصدر والقطاة ..
طلهم: القطاة
عواد: والظنور الذرايب ..واستره بالشعر..
كلهم: خصلتين تكفي... تستره عن عراه..
كلهم: عراه!!
(وهي تضحك)
عواد: ماقصر راشد شرار على هالقصيد!!
فهد: حوووووووووووه!!! هذي احلى اغنية اللي كاتبنها سعيد بن مصلح يالتعبان!!!
احمد:شكله رد شفر !!من العباة ما ينلام!!!
عواد: واانا شدراني؟. (وقام احمد وسار صوبهم)
الجود: ها؟ شو رايك؟
احمد منصدم: عجب عجاب!!!
الجود: انا اسفة على كلامي يا احمدان ..على اللي قلته لك في المول ..ومشكور على ...على .....
احمد: ماعليج !!
عواد: شو هذا فايدج؟
الجود: عادي ادش؟
احمد: خشي ياماما!!(وخلوا الباب مفتوح)
الجود: بلاك جلبت القناة المصرية !!
عواد: شفر!!شفر!! ماعليج منه دشي!!
راشد خلا الجريدة: هذي اكيد هدية حقي!!
عواد: لا يا ريال !! (ويغمز للجود) هدية من هل دبي حقي صح؟
الجود يلست عالارض وتبطل الكيس: تبون طبوب؟
احمد: تف!!!
عواد: تف!!!
فهد: تفففففففففففف!!
راشد: تفين الا هب تف !!
حمد: تف تف في التراب!!!
احمد معصب: غربلج الله تسوين طبوب؟ الله واكبر عليج !!اللهم عافنا!! (وكلوها بكلامهم وتتفيلهم)
الجود تضحك: بلاكم اتفتفون ؟ سبحتونا عوذبالله!!!مب انا اسوي طبوب !!تبوني اطيح في النار؟
احمد: عيل منو؟
الجود: اتوقعوا منو؟
عواد: بلاج عاد!!ارمسي!!
الجود: ميري!!
عواد: ميري؟
حمد: لا...لا...حرام هب هي من زمان تشتغل عندنا ..يمكن رحيل!!
الجود:تبون الا اثبات؟
احمد: شو؟ (وتطلع تيلفونها وتراويهم فيديو كليب )
فهد: قوموا روسكم ابا اشوف!!
الجود: ها؟ شو رايكم؟
حمد: الله يخسها !!وشو اللي حطته فمخبا قميصج؟
الجود: ورقة سوداء حطيتها في الكيس !!كاتبين آيات قرآنية بالدم..
عواد: وععع !!هذي الحقيرة !!انا براويها ..
الجود: اليوم انا بسوي فيها شي..يخليها اتروع ..
عواد: انا بساعدج !!
الجود: نسيت اقول لكم شي !!رحيل اتخبرني انه ميري كل يوم اتتفل في الجدر اللي تاكلون منه!!
(ولاعت جبدهم)
عواد: تف!! فضل عنها!!!
احمد: تف !!الله يغربلها !!
حمد: تف!! تف!! تف!! تف!!
فهد: وعععععععععععع برجع!! تف فويهها !!ملعونة الصير!! (واتغير ويه راشد غدا مصفر)
راشد: انا بسير لها وبعرفها جيمتها !!الله ياخذها طول حياتنا ناكل من تفالها !!
(وسار الحمام يرجع)
الجو: خلوها علية انا اعرف دواها عدل!!
عواد: انا بسير اعلم ابويه ..شو هذا؟ هذي الملوج جيه تسوي؟ ما أذيناها بشي !!
الجود: عواد لا!! لانه انتوا ما عندكم بشاكير غيرها ..رحيل اتخبرني انها سوت سحر خلتني احترق ..من غير تقول انه دانا ماتيب عيال لانها سوت لها سوا !!
عواد: الصراحة لو ماراويتينا الفيديو ما كنا بنصدقج !! لكن فخاطرية اسحبها من كشتها !!ام القمل والصيبان!!
سهيل يدش عليهم: اوووووه!!اوووووووووه!! منو الحجية؟
الجود: عمتك وتاج راسك الجود بنت سالم!!
سهيل: يالله!!مووول اممممرة !!شو ما شاء الله؟ ظهر عليج الطوع؟ويايه توزعين ادعية حق الشباب؟
الجود: بقولك شي !!(وتنشد) الا صلاتي ما اخليها ... إهية حياتي ... (وصخت فجأة .. حست بالاحراج لانهم يطالعونها)
راشد بحماس: كملي!!
احمد: بلاج؟ كملي ؟والله صوتج حلو!!
الجود: ماشي!! انا بروح حجرتي!! (واحمر ويهها)
سهيل: استحت البنية !!
عواد: جامة؟ انزلي تحت خلها يدوه تشوفج ..بنشوف her reaction
سهيل: اووووووووووووووووب!!! بعد her reaction اتطورت العزبة ياخويه!!
(فهد خذا عنها الكيس ودساه)
الجود: يالله!!
(ونزلت وهي متغشية ....ووراها عيال عمها وميتين من الضحك ..ومسكها احمد من ذراعها وبصوت واطي)
الجود: آآآي!!
احمد: اسف اسف !! يدوه؟ يدوه؟ بعرفج على ربيعتي في الشغل !!
(ورفيعة طالعة من المطبخ ...وتشوفهم)
اليدة مستغربة: ماشفتها حادرة من الباب !!هذي رفيعة ولا دانوه!!
رفيعة: انا هنيه!!
سهيل: أييييييهأ !!اتحرين بخلي اخويه إيووود دانا؟ هذا اللي ناقص!!
اليدة تزاعج ومسكت راسها: وابويه !!وشو تسوي فحجرتك؟
احمد بمكر: كنا نشتغل !!شغل!! شغل!!!
اليدة: وااابووويييييه!! يوم انها فحجرتك اكيد كشفت عن ويهها !! وجيه متغشية جدامي ها؟
احمد بمكر ازيد: بكل صراحة !!ماتشوفين جيش ورايه ؟ عيب يشوفونها انا اغار !!
(والجود تبا تنفجر من الضحك)
اليدة تولول: اتغربلتي !!امايا ؟ هذا عيب ومنقود !!البنية ما اتدش بيت عرب ماتعرفهم !! شو هالبلى!!(وتزاعج) علوووه !! ياعلوووه!!! هات حرمتك وطالع مذهب ولدك الخايس!!! انزلوا وطاعوا البلى !!اشوف هدها لاصق فيها لزقة!!! هدها!!!
احمد: ما اقدر يدوه !!بوصلها لموترها ..كانت حابة تسلم وبس!!!
عواد: سلمت عليها العافية!!(وكلهم ردوا وراه ..ورفيعة منصدمة)
اليدة تعطس: الحمدلله ..انتوا بتجتلوني؟ (وتأجب على عصاتها وتقوم) اميييه؟ تيسري بيت اهلج ...والله يستر عليج !!! ماعندنا معاريس هني!! يبتوا لي المرض!! (وفجت غشوتها وكلهم ماتوا من الضحك واليدة منصدمة)
احمد: ها؟ شو رايج؟
اليدة وتيهيل: وييييه !! يعله من نصيبج قولي امين!!
الجود وتسوي بايدها: مب امين!!مب امين!!
اليدة: وشعلية من كلامج ؟ علكم لبعض !! (ورفيعة مشتطة وينكسر الصحن) خير!!خير!! خير ان شاء الله..
رفيعة فخاطرها: ماعليه يامسودة الويه !!انتي تاخذين عني احمد؟ لا والف لا!! (وسارت الجود فوق واتصلت لمحمد)
الجود: محمد؟
محمد: الجود؟
الجود: زعلان مني؟.
محمد: يمكن!! مادري بج!!
الجود: والله صدق !!زعلان؟
محمد: لا!! اسوي سوالف وياج !! بشري؟ شو سويتي؟
الجود: اتصالحنا واعتذرت منهم
(وماطاعت تخبره عن الحريجة وعلى الساعة 12 كانوا خلق الله رقود ..بس الجود واعية وتبا تاخذ قضاها من ميري .. وعلى فكرة عواد يابلهم عشاء من برع ..وسوت تيلفون حق عواد ..ثره برع يترياها في الحوي)
عواد: شوها؟
الجود: حصا!!(وتصاصره)
عواد: انتي يالساحرة!! ههههههه انتقام فظيع !!يالله نبدا ...
(وسارت الجود وفرت الحصا على دريشتها كم من مرة ما قامت وبعدين قامت ..وعواد حذال دريشتها وماسك القطو .. اول مافجت الدريشة ... تبا توايج تبا تعرف ..شو هالصوت فر القطو داخل والمشكلة عفد القطو على ويهها .. وميري تشاهق وتزاعج ..وحالتها لله ومحد سامعنها لانهم بندوا البيبان عدل..الجود وعواد يبون يضحكون بس مسكوا عمارهم)
ميري: آآآي!! آآآآه !! آآآآآه ماماااااا!!
(ووقفت الجود عند باب حجرة ميري هي وعواد ..وكانت ميري قافلة باب الحجرة ... وقبض عواد قبضة الباب يزيغها..)
الجود بصوت عالي: مياااااااااااااااااو!! مياااااااااااااااو!!
(وهو يقبض قبضة الباب وهي تناوي .. وهذيجي تنتفض ومن غير عندها البلوى العودة القطو .. ويطلع القطو من الدريشة ..تموا على هذي الحالة نص ساعة بعدين روحوا وهم يركبون الدري)
عواد:الجود؟ دخيل الله رمسي رحيل !!قوليلها هي خلها تطبخ وميري تنظف وانا من معاشي بزيدها ولا هالوصاخة!!!
الجود: وابويه؟ شو هالكلام؟ شو تزيدها؟ بتطبخ وميري بتنظف ماعليك!!
عواد: شخبار هل دبي؟
الجود تبتسم: والله ماندري بهم من هذيجي المرة !!
عواد: وصلي لهم السلام!!
الجود: يبلغ ان شاء الله عواد؟ انته بتيب اماية نداية.؟
عواد: انا وراي شغل !! البطالي احمدان بييبها هو وابويه !! (وتغير السالفة)
الجود تبتسم: ها؟ اكيد ينت ميري !! على اللي سويناه اليوم!!
عواد: الا بتهاذي بالقطو !! مياااااو!!
الجود: مياااو !!مياااااااو!! هههههههه وابويه اخاف يتراوالي في الليل !!
عواد: اتعوذي من ابليس ورقدي!!
(وراحت غرفتها وتتجلب في الفراش مب ياينها رقاد ..وتسمع نخير رحيل ..بس هي مب ياينها رقاد ..لانها اتذكرت الحريجة اللي شبت فيها ..هذا شي هب هين .. فحياتها مافكرت انه حد يسوي سحر ..وكيف تلبج فيها الضو فظهرها وماحست بها ويوم يمسكها احمد ويلحفها بقميص عواد .. وفجأة تضحك تذكر كيف عمها واليدة ووفاء وعواد يركضون وراها يبون يزخونها ومحد قادر يزخها غير احمد اللي كان حاد لها الجهة الثانية ..شكله كان يبا يزخ قطوة ...ونشت على الساعة 11 .اتسبحت وحطت الدوا ولفت يدها بالشاش ..لبست تنورة تركواز قصيرة لين ركبتها وبادي تركواز ولبست حزامها الذهبي..ونعال سطاحي ورفعت شعرها فوق ..ونزلت كم من خصلة وحطت كونسيلر على عينها تخفي السوادة اللي فعينها ..لانها ما رقدت عدل .. وحطت جلوس شفاف وتعطرت ويوم توها بتظهر )
الجود: اووووووووه !!نسيت اهم شي !!
(وطلعت من صندوقها مال الذهب خلخال من الفيروز كانت شارتنه من صحارى ولبسته)
الجود: نااايس!! نااايس!! يبالي رقصة !!
(وبطلت الباب وتشوف دانا)
دانا: هبيبيتي سلامات!! Yesterday ,I was so exhausted from work ,what happen to you?
الجود:ماصار الا الخير !! بعدين بخبرج!!
دانا: انا خذيت holiday عشان your mom بتي وبسير وياكم ..
الجود:حياج الله!!
دانا: وين؟ is the pain?
الجود: في ذراعي
(وهم نازلين .. تشوف اليدة تتكلم في التيلفون ووفاء يالسة تشرب قهوة ويا علي)
علي: مرحبا !!مرحبا!!
وفاء: مرحبا الساع!!
الجود: مرحبا ملاييين ..هذا احلى ترحيب احصله !!
وفاء: يمه روحوا صالة الطعام واتريجوا وانتي دانا اتريجي عدل من البارحة ماكلتي!!
دانا: ان شاء الله mom
علي: ترا اليوم خالتكم هي اللي مسوية الريوق!!
الجود مستغربة: ليش؟ وميري؟
علي: اتخبلت هالحرمة ..ماندري شو جاسها !!متحلف بكنسلها !!صبروا علية!!
وفاء: اونه عفدت عليها قطوة فغرفتها!!كيف مانعرف !!وجعااااه فينبها قولوا امين !!
الجود: امين!!
اليدة: لبسها سكني في الليل ماعليكم منها !!(وترد ترمس في التيلفون) هيييييييييه!! هذي ميري بشكارتنا !!خسها ابليس ان شاء الله !!
( الجود تضحك ويدشون غرفة الطعام ..واحمد توة بيصب له حليب ..شكله توة نازل ..كان لابس كندورة بيضاء ..ومتعصم وعيونه مسودات من قلة الرقاد)
دانا والجود: صباح الخير!!
احمد: صباح النور!!
الجود: بلاها مسودة عيونك؟
احمد: شي غيرهن؟ هالقطاو الله ياخذهن ما يخلن حد يرقد !!جان ما احطلهن سم اسم راسهن به الملاعين!!!
الجود: خبرك عواد؟
احمد: عن شوه؟ ماشفته سار الدوام !! ليش شو السالفة؟
الجود: خبلنا البارحة فوحدة الله يستر عليها (وهو سار تفكيره جدا رفيعة)
احمد: هااه؟
الجود: مب هذيلا يالعفش!! ميري!! (وتتكلم بصوت واطي) خبلنا بها!!
دانا: what did you do? Haram !!
احمد معصب: حرمت عليها عيشتها !!هذي ما ينقال لها غير الذبح فيها حلال !!
دانا: ليش؟
الجود: انته خبرها انا ابا اكل !! (وهي تغرف في الصحن حقها وحق دانا خبيصة وتاكل بايدها)
احمد: جد سمعتي عن بشكارة تشتغل عند ناس اخيار وتسوي سحر حقهم؟
دانا: magic? سمعت وايد ناس!!
احمد: وشو رايج؟ (وتقاطعهم الجود)
الجود: كلي واسمعي!! (وتاكل واحم يرمس)
احمد: وشو رايج اذا قلنا لج ..انه الاكل اللي ناكله من يد ميري وهي اتفل عليه!!قولي من طبت البيت!!
دانا: شنو اتفل؟
الجود: اراويها اشجى يتفلون؟ هههههههههههه
احمد: اععععععععععع !!يا ويلج!!
الجود بصوت واطي: يعني تف!!تف!!
دانا باشمئزاز: yuk!! Disgusting !!oh god!! Yuk yuk yuk yuk gross!! This……………. (مقص الرقابة ما نروم انقول شي هههه)
الجود: الا؟ ............(وتقول كلمة دانا) امية مرة هب مرة!!!
احمد: وانها تسوي سويات وخلت الجود تحترق ..ومن غير ماخذة اغراضج عسب جذيه ماتيبين عيال !!
دانا: شو هذا؟ are you kidding?
احمد: لاوالله !!وراوتنا جاموووه البارحة فيديو شي مب طبيعي !!ماخبرتيني شو سويتوا؟
الجود: اتحيد القطو اللي زاخينه في القفاطة؟
احمد: هيه الله يلعنه !!آدمي هب قطو!!(وتخبره)
الجود: اقولك غديت جني في مكة شليت حصا وقمت افر على دريشتها !!جنه نفر على الشيطان !!
(واحمد ودانا ميتين من الضحك )
احمد: وبعدين؟
الجود:عواد حد لها عند دريشتها وفايده القطو ..اول مافجت الدريشة عفد القطو على ويهها
(الجود وعينها تدمع من الضحك .. واحمد احمر ويهه من الضحك )
احمد: خلصتوا ريوق؟
دانا: الحمدلله
الجود: الحمدلله هيه
احمد: دانا بتاخذين الجود وياج؟
دانا: زين ..
احمد: زين خذي سويج البورش كايين وانا باخذ الانفينيتي مال راشد..
دانا: غريبة he didn't say anything …
احمد: عطيته الليكزس ستيشن شو يبا بعد؟
الجود: وراشد شو بيسوق؟
احمد: ماخذ ال x5 مال فهود!!
الجود: اوووووووووووووف!!بخبركم شو هالمواتر .؟ عمي وايد مدلعنكم !!
احمد: شوفي!! نحن اول شي من ناخذ الليسن ابويه الله يطول لي بعمره ياخذ لنا الموتر اللي نبا والموتر لثاني بمعاشنا !!انا مثلا عندي ليكزس ستيشن ورنج سبورت ..الرنج انا شارنها من معاشي!!
الجود: خلك يابومعاش !!يالله انروح اخاف طيارة اميه وصلت!! (وهم يركبون ونزلت دانا الجامة حق احمد)
دانا: race ok?
احمد: تم!! Ladies first !!
(ويأشر بايده انها تسبقهم ..مثل انه تحديني بس انا بفوز وقاموا يترايسون لين فازت دانا)
الجود: اسميج هب هينة يادان!!!
دانا: لو سمهتي ام زايد !!
الجود تضحك: وابويه عليج !! علموج هالسوالف بعد ؟
دانا: فديتج sure (ووقفوا في الباركينج) ها؟ loser!!
احمد: loser ? loser!!
دانا: منو الهينه الجولة؟ (والجود وعلي يضحكون على كلمة جولة ... دوم الرياييل يقولون عن الحرمة انها يوم تسوق جولة )
احمد: انتي من بين كل البنات ياحرمة اخويه هب جولة اشهد انج هب جولة !!
علي: اميه دانا ؟ لاتسرعين جذيه خطر!! اخر مرة!!
دانا: ان شاء الله father ( وهم يمشون تشوف دانا خلخال الجود) خااال!! Wow nice!!
(وينفجرون من الضحك)
الجود: هذا خلخال والله واصل!!
(ووخت الجود تبا تبطله واحمر ويه احمد)
(ووقف وراها على طول عسب ما يشوفون اللي شافه ..علي ودانا ضحكوا)
علي: آآآخ منكم !!اللحمة عظاظة!!
(واحمر ويه احمد وبطلت الخلخال)
الجود: بلاها اللحمة وليش عظاظة؟ (وصدت) وانته بلاك ورايه؟
احمد: أستر عليج !!هذا يزايه؟ وانتي مرة ثانية لاتلبسين جذيه !!عوذبالله!!
علي يقاطعه: احمدوه؟ مالك خص !!يوم بتكون حرمتك وعلى ذمتك قول لها البسي وسوي!!
احمد: انا بس كان قصدي.. (احمر ويه الجود وويه احمد وابتسمت دانا)
الجود: عمي؟
علي: ها؟
الجود: ليش تعصب على ولد عمي؟ هذا مزاجي ووسط روض القلب !!لاتغلط عليه وجدامي بعد؟
علي: هذا يزايه ادافع عنج؟ ماعليه يوم بيقول شي بسكت بشوف شو بتقولين له يا ام لسانين!!
الجود وماسكة ذراع احمد: اقول احمدان؟
احمد: همممممممممم؟
الجود: عمي عازمنا على هالكوفي شوفه؟ (وتصاصره) لو رفوع هني جان اشتطت وبراطمها انتفخن!!
احمد ضحك: هههههههههه غربل الله بليسج !!العيب بلى !! بس ماجذبتي !!
علي: انتوا اتجدموا ..انا ودانا بنطالع متى طيارتها (وهم يمشون) يالله اتكون من نصيبه!!
دانا: امين بس هذيلا كله سوالف مافي شي جدي!!
علي: بيكون !!بيكون!! ويالله ايكون جريب !!(واحمد خذ الجود الكوفي شوب خذت لها جالاكسي ووحليب بالكاكاو وهو خذ كوفي ويوم يابوا لهم كان احمد كبير)
الجود:الله واكبر بتشربه كله هالجيك؟
احمد: قولي ماشاء الله تبيني اغص؟
الجود: ماشاء الله .. ماشاء الله!!
احمد: ها؟ ماشاء الله متكشخة حق منو هذا كله؟
الجود وتنفض فانيلتها: بسم الله علية !!انا امبوني كشيخة !!وهالمرة زيادة لانه ست الحبايب ياية!!
(ويشوف احمدان حرمة ياية صوبهم )
احمد: وحدة ياية صوبنا وايد تشبهج طاعيها !!صدي ورا!! (وصدت تبا اتطالع)
الجود: منو اللي تتجرأ تكون شبيهة الجود؟ (وانصدمت مكانها ..وتحس بقشعريرة فجسمها
اذاا شفت ردودكم راح اكمل باقي البارتات
(الجود كانت تتمشى في قرية التراث ويا دانا تطالع القرية وهي منصدمة انه قرية التراث وايد ايونها ناس ..والمشكلة انه في يويلة وايد وما كانت مهتمة تسير المكان اللي ايولون فيه وكانوا يتمشون بعيد عن هالمكان .. وتنصدم عيونها فعيون شخص تعرفه واحمر ويهها ..شخص من زمان تتمنى تكون وياه ..وعلى طول هالشخص من شافها ترك كل شي وسار صوبها ...وهي سوت عمرها ما تشوفه )
............: السلام عليكم
الجود: عليكم السلام ..
............: ممكن اكلمج لو دقيقة؟
الجود: مامن بيننا كلام !!
............: لا!! في ومن حقي بعد!!
الجود: مب من حقك تبرر شي ..لانه طاف دهر !!
.............: ومعقولة هالدهر بالنسبة لج تنسينه وتكملين حياتج؟.
الجود: كل شي يصير فهالدنيا ..دامنك .....(وسكتت)
............: مزاجية ومغرورة يالجود لكن مشكورة ...
الجود: كل هذا فية؟ معقولة؟ يزاك الله خير !!(وروحت دانا بهدوء محد حس فيها ..كانوا ثنيناتهم يتطاير من عينه الشرار ...)
............: يعلني من هذا وأزيد !!
الجود: لا!!لاتقول جذيه !!
(وحن قلبها عليه ..وسحبها من ايدها وساروا يلسوا في مطعم كان زمان ..يلسوا يطالعون بعض وردت بهم الايام سنتين على ورا ...وهني تبدا القصة...))
*** الجود بنت دلوعة ومغرورة واهلها مخلينها تسوي اللي تباه ومن النوع الفري لاتلبس عباة ولا شيلة .. ابوها سالم وامها ندى ..تعتبرها امها اللي ربتها واتحبها اكثر عن نفسها.. لانه روضة واللي هي امها الصدجية فرتها من اول اسبوع ما يابتها واتطلقت من ابوها واتزوجت حد ثاني وعندها لخو اسمه راشد يدرس فامريكا ويا ولد عمه ..وعلاقتها وياهلها وااايد زينة ..ودرجاتها دومز مرتفعة بس الزين ما يكمل .. وبتعرفون ليش ..
(الجود وسلامة وفاطمة ربع من يوم هم صغار .. الجود عمرها 17 سنة بنت شخصيتها قوية الا طاغية احلى مافيها شعرها اللي لينتحت ركبتها ويلفت كان شعرها اسود وفيه هايلات اشقر عيون عسليات ووساع جمالها عادي وطبيعي..وسلامة وفاطمة 18 سنة .. وساكنين في دبي ..وبعدهم يدرسون ..عندهم ثانوية عامة ....كلهم فيهم جمال بس كل وحدة متميزة بجمالها .. دق الجرس من ربع ساعة ..ولازم الجود تي متأخرة على الصف ..دشت..)
المس: يامرحبا وسهلا !!ليش ياية حضرتج؟ جان تميتي برع؟ كملي المزافن!!
الجود وبدلع: مرحبا بالشيوخ !!هو الصراحة؟ كنت بكمل بس نصحوني اني ما افوت حصتج الحلوة ياحلوة !!
المس: جاب !!اوقفي فآخر الصف وعيني خير!!
الجود: ليش مس؟انا وابد احبج !!ليش ما تدانيني؟ (ويتضحكون عليها البنات)
المس: بتسيرين توقفين ورا ولا تروحين عند الاخصائية؟
الجود: ويييييييه!!الاخصائيات بعدهن ما اختفوا من الدنيا؟
المس: لا!! يتيريون اشارة منج (وتدزها عسب توقف ورا) يالله!! (ووقفت ورا والمعلمة تشرح ماكملت 5 دقايق)
الجود: مس؟ ابلة!!
المس: عندج سؤال عن الشرح؟
الجود: هيه عندي ..ابلة؟ مس .. مب صح عضلات الجسم تحتاج للراحة بعد جهد؟
المس: صح!! وخصوصا اذا كان الشخص مصاب ويحتاج للراحة والعلاج الطبيعي ..بس لازم يداوم عليه !!
الجود: انزين ابلة مس ..انا بذلت وايد جهد وجسمي يحتاج للراحة ..والله!! والله!! والله انتي اللي قلتي انا ما قلت شي !!
(ويتضحكون البنات اللي في الصف على ذكاء الجود وبلاهة المس)
المس: اوووص!!اسكتوا !!بتمين واقفة يالجوووود!!
الجود: ابلة؟ انا الجود بس ما فية مد وايد ..بعدين بيختر اسمي !!
المس: عله بالخراب !!انتي ما بتفوتين الحصة على خير ؟ سيري زوري الاخصائية احسن لج ..يالله !!
(وروحت وسارت صوب صف سلامة وفاطمة وتشوفهم من الدريشة ..وتسويلهم باي باي بعدين تدق الباب على صفهم)
الجود: ابلة مس؟
المس: ايوا؟
الجود: الاخصائية تبا سلامة وفاطمة الحينة !! الحينه!!
المس معصبة: إيه ده !! هو على حصتي كل مرة !! ده تسّيب !! عاوزة منكم ايه؟ عاملين ايه؟
سلامة: والله ماعملناشي حاجة ..دولت عوزين يخططوا لرحلة لصفنا!!(ويصارخون البنات وتصفق الجود)
الجود: عاشوا !! بنسير رحلة ووين؟ سيتي سنتر ولا المطار؟
فاطمة: ابن بطوطة !!
سلامة: السوق الصيني !!
(ويصفقن البنات ..وخلتهم يستأذنون ويطلعون وهن يضحكن)
الجود: هاهاهاهاي صدقوا الجذبة !!
فاطمة: هيه والله !!انتي شو طلعج من الصف؟
سلامة: اكيد طاردينها !!
الجود وتنفض كندورتها : حشا علية !!
فاطمة تضحك: والحشا عن الف يمين!!
الجود: هذوه صف ريووس !!تعالوا بنطفر ابلتهم !!
سلامة: بندق الباب!! جودوه دقي!!
الجود : زين !! (وتدق الباب بالقو ويرفعن كندورتهم شوي عسب مايطيحن ويربعن بعيد وهن يضحكن ..وسارن يلسن فوق عند الدري مخبأهم السري عالسطح)
سلامة: هالجامة؟ سويتي حق الحب مالج؟
الجود: لا !!ماسويت اليوم بيلس وياه عالماسنجر ..
فاطمة: كلميه وسوي اللي تبينه بس اقولج لا اطرشين صورتج دخيل الله!!
الجود: ليش انا مينونة؟ بس والله متخبلة عليه!!
سلامة : مول مافيه جمال وانتي!! انتي الجمال كله !!
الجود: احبه !! احبه !! ويقول انه بيرمس اهلية !!
فاطمة تشهق: مينونة !! شدراه برقم اهلج؟
الجود: انا عطيته !!
سلامة: خبلة !!خبلة !!
الجود: هو رمس اهله ..وانا موافقة !!
سلامة: واتخيلي يقص عليج؟ ويمكن الصورة هب صورته ..تراهم شباب ويسوونها !!
الجود: حبيبتي !!انتي شو تقولين انا شفته ومتأكدة !!
فاطمة: نحن نبا نتأكد اذا رايدنج!!
الجود: تبوين اطلع وياه؟
فاطمة: ابد اهبي!!
سلامة: عندي الحل !!خليه يفج الكام عسب نتأكد وفنفس الوقت يكلمج في التيلفون !!
الجود: يصير خير ..
فاطمة: انا الصراحة هالريال هب داش مخي ولا خاطري !!احس انه جذاب واكبر جذاب بعد!!
الجود: لاتقولين جذيه عنه!!
فاطمة: عيل كيف بيخطبج وهو يحبج وما شافج ها.؟؟
الجود: مب لازم !!لا وجبيلته معروفة ..وابوه شيخ ..وعندهم خير !! يعني بيسترني وخلاص ..
سلامة: انتي تبين حد يسترج .؟ ولا يفضحج؟
الجود: بس عاد !!انتوا كلكم علية !! قوموا نروح الصف ..وبسير عند الاخصائية ..
سلامة: بنوديج يالله يا دامة !!
فاطمة: يالله يا سامة !! قومي ياجامة!!(ووصلوا عند الاخصائية)
(الجود = جامة - فاطمة = دامة - سلامة = سامة)
الاخصائية: ماشاء الله !!ماشاء الله انا اقول الاخت الجود اليومما مرت علية !!
الجود بدلع: افا!! لازم اسلم عليج يا حلوة!!
الاخصائية: مب من الله !!مصلحة!! خير؟ بشريني؟ اتمنى يوم واحد ما يشتكون منج !!
فاطمة: الله لا اييب هاليوم !!
سلامة: ليش؟
الجود: لاني بكون غايبة هههههههه..
الاخصائية: لاوالله؟ وين يالسين نحن في السنتر؟ شو تبون؟
الجود: هم يايين يوصلوني ..بس انا يايتنج ابا اخذ علومج واخبارج ..
الاخصائية: ماشاء الله جيه؟ هم تكسي وانامادري ؟ يالله عالصف !!(وطلعن ثلاثتهن) الجود ردي!!
الجود: انتي قلتي يالله عالصف!!
الاخصائية: يلسي !!(ويلست) لين متى؟لين متى مطفرة الصفوف !!جابلي دروسج!!
الجود: انا اجابل دروسي ياحلوة في البيت !!انا شاطرة !!
الاخصائية: شوفي ان ما تعدلتي برمستج شو الحلوة؟ اتكلمي عدل!!
الجود: خلاص يالاخصائية الحلوة!!شو اسوي يوم لساني ينقط عسل!!(واصلا الجود كانت زايغة وفجأة جان تضحك الاخصائية)
الاخصائية: غربل الله منكرج !!والله انج تضحكين !!سيري !! سيري الصف!!
الجود فخاطرها:الحمدلله والشكر... الله يعطيج العقل
(وروحت الصف ..وعالعصر ..طرشت مسج للحب عسب يدخل الماسنجر)
الجـــــــــــــــــــــزء 2
اشغل قلبي شرا خط الغرام: توة الناس؟ مابغيت؟
يا وصفة الحب يادكتوري وطبي..:سوري حبيبتي كنت مشغول ..شحالج فديتج؟
اشغل قلبي شرا خط الغرام: انا بخير ربي يعافيك ..تولهت عليك وايد وايد
يا وصفة الحب يادكتوري وطبي..:انا اكثر اكثر اكثر ..تحبيني؟
اشغل قلبي شرا خط الغرام: اموت فيك ياسعود ..احبك ..احبك ..
يا وصفة الحب يادكتوري وطبي..:انا بعد احبج ..انزين طلبتج قولي تم؟
اشغل قلبي شرا خط الغرام: تم!! امر عيوني لك!!
يا وصفة الحب يادكتوري وطبي..:ابا اشوف صورتج ..متوله عليج ..الكلام ممنو نتكلم في التيلفون ..نشوف بعض ترفضين على الاقل راويني صورتج ..شوي وشليها عشان خاطري ..
اشغل قلبي شرا خط الغرام: انا موافقة بس على شرط ..اول شي تفج الكام ابا اشوفك متولهه على صورتك ..
يا وصفة الحب يادكتوري وطبي..:والله لوعندي جان راويتج مايغلى عليج ..ليش اخشها عنج؟ انتي راويني الحين صورتج وانا باجر ان شاء الله بشتري الكام وبراويج صورتي..
(وحزتها حست في شي غلط فكلامه ..ليش ينغزها قلبها منه ..واليوم الثاني في المدرسة في الطابور عندهم تفتيش..)
مس فوقية: وليك الجود؟ ليه مو لابسة سروال؟ ولييك!! وطرة عالجنبين؟بتبين رجلك!!
الجود: مس!!هذي الموضة !!ما احب البس سروال انا مب بدوية ..
مس فوقية: يبعتلك حمى!! روحي عند الاخصائية ..وبعد ماجبتي الشيلة؟
الجود: مس!! اهلي عادي عندهم اووووف!! خلوني على راحتي!!
مس فوقية: ليك!!ليك!!ليك!! راح تشوفي احلى راحة في البيت !! روحي!!
الجود: ان شاء الله
(وروحت صوب الاخصائية ..ومن وصلت عند الباب تبا تلعوز الاخصائية .. فجت شعرها ودشت)
الاخصائية:يالله بصباح خير!! يالله بصباح خير!!
الجود: وين بييج الخير؟ ها؟ دامنهم هالمدرسات يطرشوني كل مرة عندج..شوفي!!شوفي!!تبطل حتى شعري!!
الاخصائية حليلها على نياتها معاناتها دوم ويا الجود:ماشاء الله!!لفيه عن الحسد!!
الجود:وين الفه؟ تبطلت ربطة شعري وقالت لي المس البس سروال!!وين اييبه عندج؟
الاخصائية: انف!!شو هالكلام؟ جود؟ وين سار المذهب؟ انا كم من مرة اقولج لازم تلبسين سروال طاعي!!طاعي !!طاعي كيف ريلج ظاهرة من الطرة !!! عيييييييييييب!! وبعد ماشي شيلة؟لاحول ولاقوة الا بالله !!يودي هذي الربطة!!
الجود: هذي حال الدنيا !! وعععععععععععع اخاف مال وحدة فيها قمل!!يعععععععع!!
الاخصائية بيأس: سيري!!سيري الصف وارحمينا من مصايبج !!
(وروحت الصف وهي ميتة من الضحك ..ومن وصلت الصف لازم تبدا بلاويها ..وطلعت من شنطتها قفص صغير حجمه على كف اليد وداخله............وداخله .........اقول؟ ولا ما اقول؟؟....... بقول خلاص بتاكلوني!! داخله ضــــب ..عاطنها اخو سلامة الصغير كان زاخنه هو وابوه في البر وعطاها على امل انها تلاده في المستقبل القريب وطلعته من القفص بدون ماتلمسه وهي مشمئزة.. وخلته عالارض واونها منتبهه على المس ..والبنات يطالعون الضب واللي منهم يبا يضحك والوحدة منهم لازقة فربيعتها من الزياغ ...اول ماوصل عند طاولة المس ..شلته البنية من ذيله بدون خوف ..وكانت االمس صادة الجهة الثانية)
مس جميلة: جهينة؟ قومي حلي المسألة!! (وهالمس محد يواطنها بعيشة الله يكرهونها كره كل البنات)
جهينة: انا مس!! مس ما اعرف!!
(والبنية زايغة لانه الضب فإيدها)
مس جميلة: قومي حلي لو غلط !!ولا بنقصج درجتين!!
(وقامت المسكينه ..واول ما خذت القلم تبا تكتب ما تقدر.. لانها ماسكة الضب ..وشافت المس صادة ويالسة تكتب على دفتر الملاحظات وخلته على الكرسي مال المس وكملت شغلها والبنات يضحكن والمس تحس شي يحبي على ظهرها ...وتقوم شرا المينونة من كرسيها وتزاعج وتدور على عمرها والبنات يضحكن بصوت عالي ..)
مس جميلة: آآآي!! شوها!! وااابووويييي!!! الحقوا علية!! شو ها؟؟؟ (ونفضت قميصها لين طاح) بسم الله الرحمن الرحيم!! عجوه عني!! اعععععععععععععع!! شو ها؟ طيطار؟؟
وحدة من البنات: لا ابلة !! هذا طيطار كبير!!
جهينة:هذا ضب!! ماتشوفون كيف ويهه وذيله؟
مس جميلة وهي معصبة: ضب؟ منو يايب ضب في الصف؟ بسم الله!! انطقوا!! منو؟ ما بتقولون منو؟
(وتربع برع تنادري الاخصائية والمشرفة ووصلوا الصف والاخصائية لمحت الجود فاخر الصف)
الاخصائية: لاااااا؟ عرفت منو !! قومي بكرامتج احسن لج!!!
الجود قامت : دوم ظالميني لاحول!! مب انا والله العظيم !!
المرفة عايشة: ياجاااني!!(الفراشة) تعالي شلي الضب !!اسميه عود !! اعنبوا دارج من وين يبتيه؟
مس جميلة معصبة: لاوالله!! عيل منو؟
الجود: ايدي اللي يابته ..وبعد هالضب يتيم ماعنده اهل !!
(ويضحكون البنات ويمرن فاطمة وسلامة صوب صف الجود)
جهينة قامت: مس!! انا حطيته عالكرسي لاني ما قدرت اكتب ..انا اسفة انا الغلطانة!!
الاخصائية: اتفضلي ياجهينة والجود على مكتبي الحينة!!
(الاخصائية والمشرفة سبقوهم ..وهم في الطريج)
الجود: ليش دافعتي عني؟
جهينة: لاني!! بصراحة!! بصراحة !!
الجود: اكيد في شي غيرها؟
جهينة محمر ويهها: معجبة فيج!!(الجود احمر ويهها من الاحراج)
الجود: عن المصخرة!!
جهينة: صدق والله!!
الجود: غريبة!! خلصنا من سالفة العنود والحينه انتي؟كيف انعجبتي فية بالله عليج؟
جهينة: الصراحة العنود ماتنلام فيج يوم حفرت اسمج على ايدها !!
الجود معصبة: بموووس!!! بموس شفتيه؟
جهينة: اكيييد..وانتي حلوة ..لا لا الا حلوة وايد بعد!! وشطانتج الاحلى ..يعني تسوين الشي ومب خايفة من العواقب..
الجود تضحك: لا والله احيانا اخاف..
جهينة: ترضين تكونين ربيعتي ..وفي البريك باجر نتمشى ويا بعض؟
الجود: عسب يعرفون البنات انج المعجبة رقم 2 فية.؟
جهينة: مب لازم !!ومب شرط ..الصراحة انا وايد احبج!!
الجود: تسلمين ..بس الصراحة ..انا ما اؤمن بشي اسمه حب بين بنت وبنت!!
جهينة: يعني ما تبين تكونين ربيعتي؟
الجود: ما اقدر اقولج لا!!ربيعتج بس في حدود!!
(ودشوا عالاخصائية وعطتهم انذار وخبرت اهلهم وفي البريك جامة كانت ويا دامة وسامة)
سلامة: ها يا جامة؟ شو هالمرة؟ شو مسوية؟
الجود ببراءة: الصراحة ..شي سخيف ما ينقال!!
فاطمة: قولي !!قولي!! ماعليج!!
الجود: يبت ضب للصف بس!!
سلامة: وعععععععععععععع بس!! بس!! لاتكملين!!لايكون من اخويه عمير؟
فاطمة: كملي وبعدين؟
الجود:جهينة سارت....(وتقاطعها سلامة)
سلامة: جهينة اللي شعرها بوي وتصرفاتها غير ريال؟
الجود: يس!! سارت وشلت الضب والمس نادتها عسب تحل المسألة وحطت الضب على الكرسي ...طاعي الملعون ما حلاله ينخش الا فقميص المس!! (ويضحكون) وهي تصارخ وتدور على عمرها ..وااااااي!!!! واااااي!! عجوه عني!! عجووه!! ونحن نصيح من الضحك
فاطمة عينها دمعت: غربلج الله ياجامة!!!
الجود: وبعد ماعاقبونا اعترفت جهينة انها معجبة فية وتحبني..(ويشهقن اثنيناتهن)
سلامة: مينونة هذي؟
فاطمة: ماتدري عن سالفة عنودوه؟
الجود : تدري !!وتعرف كل شي !!فديتني انا جميلة كل حد يحبني!!
سلامة: مووول اممممممرة!! شوي شوي عن ينكسر خشمج الشيوخي!!
الجود: بسم الله عليه!! الله يحفظه من الحسد ..ياولد العرب والجبايل !!بسبتك استوت الحرب عليه ووصل الدم لين الركب!!
فاطمة: ونحنا خشومنا مال عيال البشاكير والدريولية؟(ويضحكن) شوها؟( ويشوفون صورة واحد)
الجود: هذا الشاعر اللي عازمينه !!اكيد احين يقصد وحالته لله !!(وهي تبطل شعرها اللي دوم تفتخر به)
سلامة: سعيد الدرعي ..اسميه خطير ..شكله مراوغ ..اوووه فاتنا!!
(وتوة سعيد طالع من المسرح وساير ويا المدرسات صوب الصفوف)
الجود: فطموووه !! يالسبالة!! مرة ثانية اطري مليون مب سعيد فهمتي!!
فاطمة: انتي والله اللي طريتيه يالهبلة هب انا!!
سلامة: طاعي!! طاعي كيف البنات وراه!! تقولين شيخ ...
فاطمة: شخ الله راسه ..يتمناها الشيوخية !! اصلا انا سمعت انه وايد خجاج ..شو رايكم نسير ناكل ايس كريم؟
الجود: مابندته جااني؟
سلامة: حبيبتي مب علينا!!
(وساروا حجرة الفراشة اللي كانت حذالها حجرة السيستر وخذوا الايسكريم بالتوت ويلسوا عالارض)
فاطمة: جاااموووه ..لفي شعرج على ينب عن يخيس غبار!!
سلامة: جيه ماتلفينه؟
الجود: الا تغارين!!!(ولفته)لفيته خلاص يعيبج جذيه؟؟
((وشفايفهن كلهن حمر وتمر مس جميلة اللي انخش فملابسها الضب ووياها سعيد الدرعي وابلة وداد))
مس جميلة: شو تسوون هني؟(الجود ساكتة وتاكل ايسكريم وسعيد يطالعها بنظرة خجاجة)
سلامة: ناكل ايسكريم!!
مس جميلة: غاديات غير طلاليب!!
فاطمة: شووه؟(وتقوم الجود ويقومن على طول سلامة وفاطمة)
الجود: الطلاليب يطلبون !! مب يتمنون شراتج يا ماماتي!! (ويحمر ويه مس جميلة)
مس جميلة: انتي قليلة ادب!!
الجود حطت ايدها على خصرها: الحشمة هب لج !! حق الابلوات الللي حذالج !!وعلى قولتج طلاليب؟ اللي اشرتي عليهن يشترونج ويشترو طوايفج !!سيري اسالي عن عايلة كل وحدة وعقب تعالي ارمسي ياماما!!
سعيد: عيب !! مايقولون هالكلام!!!
فاطمة مفولة: وانته شو يخصك؟
الجود: شو دخلك في الموضوع؟ تحيدين الصبح يوم ينخش الضب فقميصج؟ قلت فخاطرية حرام !!لكن تستاهلينه وزيادة !!
(ويبتعد سعيد عن جميلة ..ومس وداد ميتة من الضحك وجميلة متغايظة ..وسارت الجود عن مس وداد ..وعين سعيد عليها ..وتبوسها على خدها)
الجود: هذيلا الابلوات ولا بلاش!! حشمة ورزانة!!!
فاطمة: يقولون الثقل صنعة!!
(ويوم هم بيروحون ..سعيد يبا يلحقهم واتعذر بعذ ما ينقال لكن قاله)
سعيد: لوماعليكم امارة ابا اسير الحمام..(وتحمر ويوه الابلوات ..وصدن البنات الثلاثة كأنه اذنيهم تخونهم)
الجود وسلامة وفاطمة كلهم مرة وحدة: شووه؟
مس وداد: انته تدري انها مدرسة بنات ..مافي حمام رياييل!!
سعيد: اتصرفوا !!ابا اسير الحمام..وبسرعة!! (ويضحكن ثلاثتهن ..ويركضن الابلوات)
مس وداد: انته تم هنيه لين نفضي لك حمام ..(وهو ميت من الضحك)
الجود: خلونا نروح الصف ولا هالمهزلة!!(يوم توهم بيتحركون)
سعيد: صاحبة البوسات!! مشتاق لج!!!
الجود تأشر بايدها : كش!! كش!! بعيد!!!
سعيد: بعّد لج قصيد لج انتي بس!!
الجود: قولها لعمرك !!انا ما افتهم فهالسوالف!! باي!!
سعيد: جيه تتحريني ذبابة تكشيني؟ واحينه باي؟
الجود: يس!! see you in TV
سعيد: خذي الرقم دخيلج!!
الجود تضحك: انا هالمرة اقولك ماتعيبني ولادشيت حتى مخي!!(ويركضون صفوفهم.. ودت البيت وهي مستانسة لانها بتدخل النت ..وبتكلم الحب ..حاولت كم من مرة اتدش الماسنجر بس ما استوا ..طرشت مسج ع تيلفونه ..وبعدها ب 5 دقايق حاولت اتدش ودخلت)
سعود: يامرحبا الساع بغناتي ..
حبيبي انته: هلا والله
سعود:شحالج غناتي؟
حبيبي انته: والله هالمرة ما بيسرك حالي !!
سعود: ليش عاد؟ خير؟
حبيبي انته: انا كم من مرة اقولك لاتدش على ايميلي والماسنجر وتفتش !!تضيف وتمسح على كيفك !!منو قالك عندك الصلاحية؟؟
سعود: افا ياغناتي !!افا!! انا تقولين لي انا؟ انا هالكلام؟
حبيبي انته: هي لك!! يعني اتدق شي مب لك عيب!! ترضاها اني اسويها فيك؟
سعود: يالله باي !!
حبيبي انته:لا خلاص!!(بس هو بند الماسنجر وهي اتضايجت ..شو تسوي ..واستوت شرا المينونة ..اتصلت به مارد حرقت تيلفونه طول الليل وهي تتصل ماشي فايدة ..واخر شي رد عليها على الساعة 3 ..صوت خفيف وناعم بس حلو ..خبل بها)
سعود: الو؟
الجود برقة: مرحبا ..
سعود: مرحبا الساع ..(ويستهبل) سارة؟
الجود: هيه نعم !!
سعود: انا زعلان وايد وايد وايد منج!!
الجود: والله ما تزعل مني!! اسفة !!
سعود: بقبل اسفج بس على شرط !!
الجود: امر..
سعود: ابا رصيد
الجود: والله يفداك!! بس انا اخر مرة صرفت كل بيزاتي كلهن على البطايق اللي عطيتك اياهن ومول ماعندي ..
سعود بدلع: انا زعلان منج واذا ماحصلت منج ترا وايد بنات يتمنون هالشي مني ..يتريون ميسد كول!!
الجود عصبت: اخخخخخخخ عليك !!سير عندهن !!
سعود: عصبتي فديتج؟
(المهم كمل حواره وياها بكلمات الغزل وتملكها ..لين طرشت له رصيد ..قام يغار عليها ويقول انه يحبها وهي عقلها كله صوبه وقلبها وشفايفها ما ينطقن غير باسمه وعمرها ماخانته ..كانت كل مايعطونها اهلها مصروفها تشتري رصيد بس مب حقها كله له .. وهي تترياه يتصل ..كله طاف ..ويوم يباها او يبا منها شي اتصل بها ..وهي الايام اللي ما يتصل بها يستوي عندها جحيم ليش؟ لاتها تصيح وماتطيع تاكل وهو مسولها اكبر طاف لانه استنتج انها خالة وانه ما بيشوفها ولا بيحصل فايدة غير البطايق ..مرات يتعذر لها انه فيه فشل كلوي ومتنوم في المستشفى ..ومرة انه البنات يلاحقونه ويطلبون رقمه حتى في المستشفى واللي هن السيسترات ..وفي يوم من الايام..اتصل بها)
سعود: غناتي؟
الجود: والله تولهت عليك ياحبيبي!!
عاد باجر بخبركم شو من القرارات اللي بيتخذها سعود
وشو ردة فعل جود على هالقرارات .. الله يعينها ينقص عليها وهي ولا حاسة!!
[center]سعود: وانا اكثر!! مانام الليل كله افكر فيج واقول انه يا الوقت ..
الجود: شو يعني ؟ بتهدني؟
سعود: لادفيتج !!شوفي انتي عندج ثانوية عامة ..وانا مابا اعطلج ومن تخلصين مالج عذر ..
الجود: شو تقول؟
سعود: اباج تجابلين دروسج وانا مول ما بلعوزج ولا بتصل ..ومن تخلصين امتحانات ..
الجود: هيه؟
سعود: ابا اشوف حرمتي !!
الجود: نعم؟ نعم؟
سعود: هيه نعم ابا اشوفج !!وقبل ما اكلم اهلي ..انتي موافقة؟.
الجود وهي تصيح: هذا احلى يوم فحياتي..يوم بكون من نصيبك ..
سعود: انا وعدتج !! وانا عند وعدي !! بس بعد في شي!!
الجود: امر تدلل!!
سعود: انا اعرف انه اسمج الجود ماله داعي تجذبين (فهذيجي اللحظة احمر ويهها ..ماعرفت شو تقول وكمل) من اليوم وساير اباج ماتتصلين ابد لين تخلصين اماتحانات ..
الجود: بس انا ما اقدر اعيش من دون ما اسمع صوتك !!ما اقدر!!(وتصيح)
سعود: سمعيني عدل !!لاتصيحين اعنبوه !!الا شهر هب سنة !! وبغيتج تغلقين تيلفونج وان فتحتيه وماخلصتي امتحاناتج ينتهي من بيننا كل شي !!كل شي تسمعيني؟ وبطرش لج مسج وان وصلني التقرير خلاص!! عرفي من نفسج!!
الجود: بس صدق بتوله عليك !! لازم اسمع صوتك !!
سعود: غناتي بتسمعين صوتي وايد عقب الزواج وبتملين بعد!!يالله بترخص عنج ياحلوة ولا تنسين انه من تخلصين امتحانات هو لقانا
الجود: اكيد ..ولاتنسى انه في وحدة اتحبك!!
سعود: وانا بعد !!يالله باي ياغناتي وخلج عند وعدج!!
الجود: تامر الله يحفظك!!
سعود: واغلقيه!!
الجود: ان شاء الله
(وكان الفصل الثاني على اخره ..وشدت حيلها ..وكان تفكيرها كله صوب سعود ..شو يسوي؟ ياكل عدل؟ يرقد عدل؟ اكيد يفكر فيها وسارت عند امها..)
الجود: اميه؟ اميه؟
ندى: ها امايا؟
الجود: بسير عند الدكتور ..
ندى: جيه اميه بلاج؟
الجود: لاااا!! اميه بركب تقويم !!
ندى: واااابووويييييه!! جيه بلاهن ضروسج؟
الجود:هههههههه مابلاهن شي !! بس جيه!! كل البنات يلبسونهن ويطلعن غاويات!!
ندى: أهـــــأ !! ماجد سمعنا عن هالمنكر بعد!!يعني ضروسج مافيهن شي ويركبون لج حدايد.؟ ياهو منكر !!
الجود: اميه عاد يالله!!
ندى: سيري حد مانعنج؟ هاكوه الباب مشرع!!
الجود: لا اميه!! (وتضحك ضحكة مكر) قصدي هاتي بطاقتج ..
ندى: ماشاء الله مافي شي ببلاش؟ كم بتسحبين؟
الجود: اظني اول شي الفين وبعدين على دفعات !!
ندى: ويديه غربل الله منكرج !!هذي لعبة مقصة!!! الا نهــــــــيبة!!!(وتحبها على راسها)
الجود: يالله ماماتي عشان خاطري!!
ندى: سيري فجي الشنطة وفي البوك البطاقة والرقم السري ولاتتحيرين !!
الجود: ان شاء الله تراني باخذ ويايه سامة ودامة!!
ندى: انزين قولي حق جعفروه مايسرع!!
الجود: ان شاء الله (وروحت ويا ربيعاتها عند الدكتور ..وفي البيت وصل ابوها)
سالم: السلام عليكم !!(وعج عقاله وسفرته ويلس حذال حرمته) ها نداية؟ وينها بنتج؟
ندى: سارت الدختر!!
سالم: جيه بلاها؟
ندى: فديتها شافت البنيات يحطن توقيم اووووه!!تقويم وسارت بتركبهن!!
سالم: انف!! حديد فضروسها؟ والله هالبنية دلوعة!!
ندى: راس مالنا هالبنية ..لازم ندلعها وراشد فديته فأمريكا !!منو بيدلعها غيرنا !!
سالم: انا ماعلية من كلامج !!بدلعج هذا بتدمرينها !!
ندى تنفض كندورتها: بسم الله عليها من التدمير !!لاتيلس تقول عن بنتي جذيه!!
سالم: ماعلينا !!رمستيها عن السفر؟
ندى: رمستها وقالت هالسنة ماتبا تسافر !!
سالم ابتسم ابتسامة مكر: دامنها ما تبا تسافر بنخليها عند اخويه علي ..
ندى: الا امايا!!
سالم:شوفي عاد بنتج مدلعة بسبتج وبتدمرينها وان ما سمعتي كلامي ماتلومين الا نفسج!!
ندى: شو تبا تسويبها؟
سالم: بسوي شي يخلي بنتج تعرف جيمة الصرف اللي تصرفه بالهبل!! وتثمن الاشياء وتحمد ربها على هالنعمة!!
ندى: بس يا سالم!!
سالم: لابس ولا شياته !!بتتعلم المذهب العدل عند اخويه وحرمته واميه !!من غير الحشمة سمعتي؟ الحشمة!! بتنجبر تلبس عباة وشيلة من نفسها بدال المرصص والقصير!!
ندى: انا ماروم اهدها روحها !!
سالم: سمعيني عدل وخلي كلامي حلقة فأذنيج تبين بنتنا اتم على جبدنا طول العمر؟ الله عاطنها جمال ومال وحلاة ووحدة شايفة عمرها على الناس وكي شي متوفر فايدها ..من غير هي جد مرة زارت عمها ولا شافت عيالهم ..اقولج عايشة عيشة شيوخ!!!
ندى: لازم تعيش هالعيشة ..لانها بنتنا ونحبها!!
سالم: نحبها ونموت فيها بعد!!لكن لكل شي حدود !!يوم قلنا لها انه ولد عمها عواد خاطبنها ..شو قالت؟
ندى اتلعثمت: إإإإإإإإإه !!قالت ..قالت اسمه هب حلو!!
سالم منفعل: جان سمعتي بنية تقول هالكلام؟ من متى تحكم عالريال من اسمه؟
ندى: اكيد ماعيبها!!
سالم عصب ازيد: وتعاشيني بعد؟ وابويه عليج !!لاشافوا بعض ولا شياته !! بس لسانها طويل ويباله قص!!
ندى تترجاه: دخيل الله سالم!! لاتفتح هالموضوع وياها هالفترة!!
سالم: ادر عليها امتحانات !!بس من تخلص امتحانات بتشل شلايلها وبتروح بوظبي!!
ندى: طب السالفة الحين!! ماتشوفهال ياية!!
الجود: hi !! hello mom dad..
سالم: شدي ..يالله ترطن بالانجليزي بعد!!(وتبوسه على راسه)
الجود: فديت هالثلعة!!(قصدها الصلعة) هههههههه
سالم: حشمي يابنية!! اشوف فجي حلجج
ندى: راويني غناتي!!
الجود: آآآآآآآآآآآآآآآآآآآآآآآآه!!
سالم يضحك: اندوج!! وفيهن ليتات بعد!!
ندى: شو ها الوان؟
الجود: شو ليتات؟ لاثتيك !!فديتني طالعة غاوية ..لكن في شي!!
ندى: شو بعد؟
سالم: انا اعرف من لبست هالخطام ثقل لسانها ..
الجود بحسرة: هي والله !!رمثتي بتثقل !!واكلي بيقل!! ولثاني بيقثر!!
سالم: ياحية يوم بيقصر!! سوا خير الدكتور !!يزاه الله الف خير وجعله هذا الشغل من ميزان حسناته..
الجود: ابويه !!لاتقول جذيه عن بنتك!! راث مالك هالبنية!!(وتأشر على عمرها)
ندى: وابويه!! شو اث ؟. بلاج انطقي عدل!!
الجود: واعلية عليج يالجامة ..ماروم يانداية شي ثار واثتوا !!
سالم: اندوك انته غدت شرا اليهال !!
(ويضحك وروحت حجرتها تذاكر وكانت تحس باوجاع التقويم فضروسها يعورنها واكلها قل لدرجة تاكل شي لين ..وتحس عمرها بتموت لانها تفكر في سعود وفي امتحاناتها وشدت حيلها قطعت الكتب تقطيع ..كانت حاطة في بالها تيب نسبة عسب تدخل جامعة الامارات وتدخل التخصص اللي تحلم به وهو الكب العام..صابها الارق ماتعرف ترقد ..وركزت تفكيرها بدراستها ..وبدت الاماتحانات وكانت تضغط على عمرها عالاخر وانقطعت عن العالم ..يالسة فحجرتها ماترضى تطلع من الحجرة الا على المدرسة ..تمتحن وترد لكن ترد تصيح ..تخاف كاتبة في الامتحان شي غلط..كانت كل ماتخلص ورقة الامتحان تحسب درجات الاسئلة اللي واثقة انها صح وتوصل لين الحمسين درجة وتوقف تعرفون ليش؟ بس تضمن نجاحها ..وعلى اخر الامتحانات كان صعب..ردت البيت وهي خايفة وتنتفض ماكانت تخاف من ردة فعل اهلها بس كانت تبا ترفع راسهم ..ومن ردت على طول فجت تيلفونها على امل انها تحصل مسج من الحب ..لاحصلت مسج ولا شياته مثل ماوعدها ..بس مسجات عتاب وحب من ربيعاتها ..وسوت له بلهفة ورد عليها ..)
الجود: الو؟ مرحبا شحالك؟
سعود: الجود؟ يامرحبا مليون ..شحالج فديت قلبج؟
الجود: بخير الحمدلله ...ياويلي ..ياويلي ياويلي ياحبيبي..
سعود: شو سويتي في الامتحانات ؟
الجود: الحمدلله زينة !! (وعلى طول دخل في الموضوع)
سعود: يعني شوفتنا لبعض باجر؟
الجود وهي زايغة: باجر؟ اعنبوا حار بحار؟
سعود: مالج عذر !!احبج يال...(نسى اسمها فجأة واتذكره) الجود!!
الجود: اخاف بث عشان خاطرك بغامر مغامرة عمري !!زين؟ وين بنتلاقى؟
سعود: امممممممم ..الصراحة؟ انا ماروم اييج دبي !!(كأنه فجر قنبلة ذرية)
الجود مفولة: نعم؟ نعم؟ اذا انته ماييتني دبي عيل انا بييك بوظبي؟
سعود متردد: هيه..
الجود: آثفة ما اقدر ...
سعود: شو؟ شو ماتقدرين؟سمعيني عدل وخلي كلامي يغدي حلقة فأذنيج !!اذا باجر ماييتيني بوظبي.. بقطعها بطاقتي ولا بتعرفين عقب تحصليني ..فهمتي؟
الجود : لا!!لا!! بث والله اخاف ..اعنبوا اييك بتكثي لين بوظبي؟اخاف يثوي فية شي راع التكثي!!
سعود يتمتم بصوت ماينسمع: وانتي من زينج عسب يطالعج او يسوي شي؟ الا خالة شقرا!!
سعود بصوت ينسمع: اقول!! انتي من تركبين التكسي برمس وياج لين توصلين بوظبي ..الصراحة في دبي عندكم التحريات ..ماشي كاني ماني يزخون البنية والريال !! احيد ربيعي طالع وياربيعته ويتمشون بالموتر(قصده انه يتكلم عن نفسه ويوم يزخونه) والله انه زخوهم وانفضحت البنية وانفضح الريال!! وانا اخاف على سمعتج يا حبيبتي!!
الجود: خلاث اوكيه..
سعود:رتبي الامور ويا اهلج بعد!!كم بتمين عندي؟
الجود: والله ماعرف بث مابتأخر بسلم عليك وبروح ..انا فحياتي مازرت بوظبي ..لكن عشانك ؟اثوي المثتحيل !!
سعود: فديتج انا !! هذي هيه حرمتي جيه اباها اتطيع ريلها !!
(اوهمها بكلام ريلج وحرمتي واهلي يبون يخطبونج لي وسوالف الشباب البطالية لين صدقته ..وماعلمت سلامة وفاطمة ..نزلت يلست ويا اهلها)
الجود:ماماه؟
ندى: ها اميه؟
الجود: ابا بيزات باجر بثير الثيتي ..بهوم لين اشبع !!
ندى: كله هاتي !!هاتي!! ولامرة قلتي خذي!!!
الجود وتبوسها: خذي!! شو اثوي انزين؟ انا ما اشتغل وارباب مالي مايطيع يعطيني !!فديتج انا!!
ندى: والله ماتهونين علية !!سيري سيري الغرفة وخذي !!
الجود: تراني باجر يمكن اتاخر ..بتغدى عند ربيعتي كلثم مثوية عزيمة وبطلع من عندها العثر وبتعشى في الثنتر !!
ندى: زين خلي جعفروه ينزلج السنتر وايييني..
الجود: لا اميه مايحتاي !!كلثم بتثير ويايه هي بتوديني !!بث اباه يوثلني بيتهم ..
ندى: زين يا امايا ..اووووه عن انسى ..ترا ورا باجر بتسيرين تسكنين فبوظبي ..
الجود منصدمة: شو؟ شو؟
ندى مكتئبة: حكم القوي على الضعيف ..انا مارمت اخبرج لين تخلصين امتحانات ..مع انه ابوج كم من مرة يلمح لج وانتي ولا حاسة ..ترا ابوج خسر بيزاته كله في البورصة ..
الجود تشهق: الله!! وابوووييييه !!!ليش؟ وكيف؟
ندى: اسمعيني عدل ..ابوج يبا يروح امريكا عند اخود رشود..
الجود: امريكا؟ انتي اول شي خبريني كيف؟ يعني نحن فقراء؟(وقبضتها الغصة)
ندى: لافقراء ولا اغنياء !!على قد حالنا !!ابوج هالمرة راهن ببيزاتنا كلهن !!وبنسير انا وهو امريكا
الجود منصدمة: انتي؟ اميه دخيلج !!(وتصيح)ابا اثير وياكم لاتخلوني روحي !!
ندى: امايا؟ غناتي؟ انا بسير ويا ابوج اول شي لانه ماياكل الا من ايدي ..ومن غير عنده صفقة وياريال واذا اتفقوا ..هامعناته انه الله بيرزقنا مرة ثانية ..وانتي مابتسكنين عند حد غرب !!عند عمج وحرمته وعياله ويدتج !!
الجود: ومرته الكويتية؟ اخافها ماترضى !!
ندى: عيب يا امايا!!هذي تنحط على الجرح يطيب ..انتي ماتعرفينها ..لكن يوم بتشوفينها بتدخل خاطرج ..وعن تنسيني !!بيي ولد عمج حمدان وحرمته بياخذونج وعاد غناتي حشمي !!وغدي حرمة ..اي شي يقولونه قولي ان شاء الله...
الجود تقاطعها: الا امايا!!مالي خث هب ثايرة انا مينونة ؟ لا!! يعني لا!! بثير وياكم !!
ندى منفعلة: ودراستج ؟ها؟ منو بييلس يعابل فأوراقج؟
الجود: تلتعن !!جهنم!! مابا ادرث!!
ندى: بتدرسين غصب عنج !!وعن شياطينج التسع!!
الجود: مابا يعني مابا!!
ندى: صدق انج نحيسة !!لكن انا راسي ايبس عن راسج يالهرمة!!
الجود: وليش يعني مثتعيلين؟.حتى النتايج ماظهرن!!
ندى: يالجامة!! اقولج صفقة عمل !!وابوج مثتعيل على قولتج !!ونحنا بنتم بس في الصيف ..وبيلس اطبخ وانظف واطمن على اخوج وبنشوف شو دراسته بعد.. ومن يومين ابوج باع الارض اللي في جميرا حق المشروع اليديد ..
الجود معصبة: ردت وقالت طبيخ!! شو طبيخ ياامايا!!همها على بطونهم !!بث بعدني مابثير!!
ندى معصبة: انا وراج والزمن طويل!!
الجود: وانا وراج والزمن قثير!!
وروحت غرفتها وهي تحاتي كيف بتسكن فمكان غير بيتها ..ومن غير اهلها بعيد عنها الا تقنع امها انها تسافر وياهم ولازم بعد!! والمشكلة الاكبر انه باجر بتروح بوظبي روحها لاحسيب ولا رقيب وضرب خط من دبي لبوظبي ..اعنبوا مايقدر يتنزل ايي على الاقل ياخذها؟ هو بايعنها بايعنها !!طول الليل ما رقدت وهي تتجلب...كل ماتفكر انها بتشوفه تنتفض من غير ايدها تبرد بسرعة ..وعلى الصبح الساعة 10 ..نشت مستانسة ..اتسبحت وبدلت ..لبست برمودا جينز اسود لتحت ركبتها وقميص كويتي وسيع شرا الفراشة ولونه مزيج من الاحمر الفاقع والنيلي الفاقع ويد قصيرة لين كوعها ..لفت شعرها على فوق وثبتته بالكليبس وعسب تبين طفولية حطت كليب الفراشة حمراء على ينب ونزلت قصتها ..اتجحلت من داخل وحطت جلوس شفاف ..وتبوس المنظرة)
الجود: فديتج يالجامة مغواتج !!بتعجين ثعود !!اثميه بيتخبل عليج!!
(نزلت وسارت تحت ماحصلت حد ..خذت الدريول ونزلها عند المحطة وركبت التكسي وسوالها سعود)
سعود: هاغناتي وينج؟
الجود تنتفض: تونا طالعين من المحطة ..(وبعد فترة وصلوا طريق الرفاعة ..بعدين السمحة .. ووصلوا بوظبي..) بابا؟ هذا شو اثم الثنتر. ؟ وايد كبير وحلو!!
راع التكسي: ماما هذا بيلدينج مال اتسالات !!
الجود فخاطرها: الله يثامحج يا امايا والله يثامحك يابويه !!بوظبي فعمري ماشفتها حتى مبنى الاتثالات اتحراه ثنتر!!
(ويتصل سعود)
الجود: هافديتك؟ نحنا عند مبنى الاتثالات !!نوقف هناك؟ زين ثعود؟ كلهم يطالعوني ..انا ميتة من الزياغ ..زين !!زين اترياك (وردت لها النفضة وبعد 10 دقايق وقف موتر ورا التكسي على طول جسم جامة انجلب للاحمر ويوم ينجلب للاحمر هامعناته انه خطر ياينها وهي ماتدري شو السالفة ..) زين !!زين بنزل!!
(حاسبت التكسي ونزلت ورد لها الخوف ..كان الموتر اللي ورا مخفي شامل كامري لا انفينيتي ولا شياته ..ورقم منقع ..بطلت الباب يلست منزلة راسها وعيونها عالارض على طول)
الجــــــــــــــــــــزء 4
سعود متخبل: ياويل حالي !!انتي الجود؟ والله تحريتج زلمة !!لكن غاوية ياجمالج!!
(واتقرب منها يبا يتأكد اذا هي الجود وصدت صوبه تبا تشوف شكله ..بطلت عينها من الزياغ)
الجود: آآآآآآآآآي(ومسكت قبضة الباب من الزياغ) منو انته ؟ (وتنتفض ميتة)
سعود: انا سعود حبيبيج ..بلاج زايغة؟ لاتخافين!!!
الجود تصارخ: جذاب!!انته مب هو !!!
(وهي هب مصدقة تحس عمرها تحلم ..كان ريال عمره فحدود 33 سنة وقايل انه عمره 25 سنة .. وبطنه ماشاء الله ضارب عالسكان واقرع ..من غير هب حنطي الا اسمر ولا شي يشبه من الصورة اللي طرش لها اياها ..كله عكسه ..)
سعود يترجاها: سامحيني حبيبتي جذبت عليج!!
(هو كان يتوسل وتوة بيكمل ..صابها انهيار ودوخت من اللي شافته وهو يهف بسفرته عليها)
سعود: جود؟ جود؟ قومي!! (ويهزها لين نشت ..اول ماقامت انهمرن دموعها ..تتحرى عمرها تتخيل)
الجود: انته منو؟ منووو؟
سعود يتحرك بموتره: صبري!! خلينا نوصل المكان وبعلمج كل شي !!(وهي تنتفض وتفكر انه هالانسان مريض نفسيا الا هي مينونة لانه جذب عليها من غير صورته ..الا تعرف شو تفسيره !!يمكن ربيعه هب هو )بنسير صحارى وبناخذ راحتنا..
الجود فخاطرها: هذا وقته يوديني ثنتر؟ والله متفيج !!(وهي عندها مليون سؤال وسؤال والدموع ينهمرن ووصلوا مكان كاتبين عليه صحارى للشقق الفندقية )
سعود: لاتقولين شي !!بسير اييب شي وبرد بسرعة ما بتأخر(ونزل)
الجود: الله يغربلك يالخايث!!! انا جيه تثوي فية؟؟ انا؟ انا براويك يالحقير !!(بطلت السدة اللي حذالها ماحصلت شي وبطلت السدة اللي جدامها شافت صورته على بطاقة االlandmarkويوم ركزت اكثر قامت تولول..) يالخايث !!يعلك ماتربح!! علك بعوق ماعقبه عوق !!مثعود؟ اثمك مثعود؟ وعايلتك!!لابارك الله فيك (وبندت السدة ودموعها على خدها وعرفت انه كلامه جذب في جذب....كأنه شريط الحب او فيلم الحب اللي صار من سنة مر جدام عينها وغدا سراب ..وفصخت طبجة نعالها اللي بوشوجة وحطته حذالها ويوم ركب الموتر اهتز الموتر)
سعود: غناتي؟ خلينا ننزل !!يالله عسب افهمج كل شي!!
الجود فخاطرها: الله يغربل هالشيفة لك !!يالجلب يالحيوان!!
الجود بتكبر وتمسح دموعها من غير جحالها سال : قبل اي شي !!اونك تحبني؟ زين!! فج الثدة هذي!!
سعود تلعثم: إإإه ..إإإه شو تبين بها السدة؟ ياغناتي..
الجود بانفعال:فجها الحينه !!انا هب غناتك !!ومن هاللحظة يالجذاب كرهتك وكرهت شي اثمه حب!!
سعود: ماريد اصلا اشياء ربيعي فيها ..
الجود : انته يالخايث ياللي ماتثوى شي !!جيه ؟ تتحراني من البنات الرخاث؟ويايبني فندق اتحراني بثير وياك!! ثدق اللي قالوا الشيفة شيفة والمعاني ضعيفة !!ثدقتك وثويت كل اللي تباه !!كله!! جذبت علية فكل شي يالثبال!! ثدق اني ياهل لاني ثدقتك !!(ومسكها بقوة من ذراعها يبا ينزلها وياه بالقوة)
سعود: جيه تتحريني بهيمة تيلسين تكلميني جذيه؟(ويابت نعالها اللي حذالها وتضربه على جتفه بالقو)
الجود: هيه نعم بهيمة يامثعود ال.....(وتقول اسم عايلته بالكامل وهو منصدم )طز فيك!! هدني اقولك !!هدني!!
سعود: يوم دريتي اني مسعود اكيد فجيتي السدة !!ومب هادنج!!
الجود: الله يغربلك ويغربل اليوم اللي عرفتك فيه !!والله اثويها والله بخبج راثك بنعالي !!هدني!!(وتضربه بالقو)
سعود: آآآي الله يغربلج والله لافضحج يالجلبة !! (اول ما هداها نزلت بسرعة وموعدة له)
الجود: اللي فراثك ثوة ياويه الجلب!!
(ورضت الباب ودورت تكسي تمت ربع ساعة وكل مرة تشوف شباب يلعوزونها وهي مب رايمة تستحمل لانها تفكر انها ضيعت سنة كاملة على هالانسان ولين حصلت تكسي غزال وركبت وياه ..تمت ساعتين في الطريج ووصلت السيتي وعلى الساعة 3 الظهر وهي منهارة وتتصل على سامة ..)
الجود: الو؟ ها ثامة!! اقولج بطلب منج طلب !!عنود اختج اتداوم العصر في الاتصالات؟ هيه زين !!رمثيها اني ابا رقم لاني بغير رقمي ولو باثمها لاني في الثنتر وماعندي ثورة من الجواز ..تقدرين؟ هيه نعم !!وانا على الثاعة 4:30 بييها !!وردي علية خبر !!لا!! ماشي ثبب بث جذيه يالله باي !!(ويلست في الكوفي شوب روحها ..كان هادي والموسيقى هادية كانت يالسة تشرب الكوفي وبعد نص ساعة من التفكير باللي صار ..اتصلت للسايق)
الجود: الو؟ ها جعفر؟ تعال الثيتي هيه ثيتي ثنتر !!
(سارت بعدين خذت البطاقة ..وقطعت بطاقتها وركبت الشريحة اليديدة ..وتكسر البطاقة الجديمة بغصة من ردت البيت على طول سارت غرفتها بس ماكانت تصيح كانت متحسفة على عمرها اللي ضاع جذيه انها حبت انسان مايستاهل الحب الا جذاب وسارت الحمام ورجعت كل اللي كلته ..كل ماتتذكر تزيد اللوعة ودشت عليها امها على الساعة 11 ..)
ندى : ها امايا؟ جهزتي اغراضج؟
الجود: ولا خلقة !!بثافر وياكم!!
ندى: امايا حبيبتي اسمعي كلامي !!هذا لمصلحتج !!(وتحضن امها)
الجود تصيح: اميه!!دخيلج لاتخليني انا احينه محتايتنج اكثر عن قل!!
ندى: خير يا امايا بلاج؟ حد غلط عليج؟. شو مستوي؟
الجود فخاطرها: اللي مايتسمى!!
الجود:ماشي اميه ..اللي تبينه بيثير!!
ندى تمسح على راس بنتها: هيه اميه جيه اباج !!والله انج فنظري تكبرين كل يوم ياغناتي !!
الجود: اميه؟عادي اخذ بطاقتج مال التيلفون..واعطيج بطاقتي اليديدة؟
ندى: ليش حبيبتي غيرتي بطاقتج؟
الجود: وايد يطفروني !!انتي خذي اليديدة وانا باخذ مالتج!!
ندى: زين .. انا اصلا كل اللي عندي لج!!
الجود: فديتج يا اميه !!علني ما انحرم منج !!
ندى: سيري خذي البطاقة!!
الجود: انزين اميه؟ شو رايج نوثلكم المطار بعدين نروح؟
ندى: يصير خير بس نحن بنروح الظهر ..
الجود: الثاعة كم؟
ندى: الساعة 3 بنروح المطار بس يا امايا ما اوصيج ..عيال عمج مب واحد ولا ثنينه!! سبعة فهمتي يا امايا؟ اغدي حرمة وأي شي تقولج وفاء تقولين ان شاء الله !!ولا تتراددين في الكلام وياهم ..نباهم يقولون عنج كل شي زين !!
الجود: ان شاء الله امايا بث ..بث !!لا خلاث ماشي !! بثير ابدل البطاقات..
(روحت حجرة امها وابوها بدلت البطايق لييش بدلت البطايق؟ لانها من زمان اتصلت به من تيلفون امها وهو هددها انه بيفضحها واحسن شي سوته انها بدلت البطايق عسب مايدرون اهلها ..وانسدحت على فراش امها وابوها ودخل ابوها)
سالم يتكلم في التيلفون:هيه !!هيه نعم باجر ان شاء الله هيه على الساعة 3 ..بسم الله الرحمن الرحيم!!شو تسوين هني؟ (طالعته بنظرة فرح) هيه انزين !!الله يسلمك من الشر تامر بشي؟الله يخليك سلم!!سلم!! فمان الله (وبند) هالجامة؟ بلاج؟ (وهي منسدحة وهو يالس)
الجود: مافية شي !!
سالم: يا اميه بلاج ؟ شكلج بتتولهين علينا ها؟
الجود تصيح فحضن ابوها: ابويه؟ والله بتوله عليك وعلى امايا !!فديتك يا بوثلعة!!
سالم معصب: اهبي هباج الله من بنية!!
الجود تضحك: شر البلية ما يضحك!!
سالم يضحك وياها: بلاج تخبلتي؟ اتصيحين وتضحكين؟
الجود: باباه؟ كيف شكل عيال عمي؟
سالم: اوادم بعد اشجى شكلهم وابويه عليج!!
الجود: انزين حد من سناي؟
سالم: عندج من الثانوية لين مرتبة عقيد !!
الجود مندهشة: الله !!يعني عمي علي اكبر عنك؟اعنبوا ماشاء الله متى حثل وقت اييبهم؟
سالم: حشمي يابنية!!اعنبوج محد يسلم من لسانج !!اسمعي علي اكبر عني بسنتين ..بس هلي يوزوه وهو 17 سنة
الجود: اووويييه قدي!! انزين وكيف خذا خالوه وفاء؟
سالم: هييييه!!على زمان ابويه الله يرحمه !!ترا عبدالله الله يغفر له ويرحمه كان ربيع ابويه ..هو كويتي وساكن فبوظبي واتوفى ابوها وتمت وحيدة مقطوعة من شيرة سار ابويه وقال لها بنيوزج علي ووافقت ..واصلا كانوا من قبل يبون بعض ..
الجود: انزين وكيف يدي رضى ياخذ ولده وحدة هب مواطنة؟
سالم: يامخج مواطنة مواطنة!!وانتي شدراج؟طاعي عيالهم وطاعي تربيتهم !!اخلاق ومروة وذرابة ومعاني!!
الجود: يعني ابويه اذا يا خطبني واحد بحريني او قطري او ثعودي بتوافق؟
سالم: اقول؟ انطمي واسكتي !!يوم عليج هالسان بتطلقين ثاني يوم !!
الجود: بثم الله علية من الطلاق !!لاتفاول علية جذيه!!(وفجأة قامت من مكانها) ابويه؟
سالم: بلاج روعتيني؟ غربل الله هالعيون المبججة!!
الجود: لايكون موديني هناك !!عثب واحد منهم يختارني ويخطبني؟.
سالم: مالت عليج طاح حظج!!هذا اللي قدرتي عليه؟ هذي الامتحانات مأثرة عليج !!
الجود: انته ثرت لهم؟
سالم: هيه توني راد من عندهم ماشاء الله على امايا رحالة !!
الجود: ليش؟. وينها؟
سالم: مسافرة قطر ويا احمد ..هو ساير ويا ربعه وهي سايرة عندها عرس!!
الجود: فديتها انا!!انزين انته رمثتهم؟
سالم: بالله عليج يدرون قبل ماتدرين انتي!!ومن متى يتريونج !!
الجود: شخثية مشهورة فديتني!!بس مب في خاطري اثير!!
سالم: موول امممرة!! انا بتخبرج برجج العاجي متى بتنزلين منه؟ ها؟ انتي ولا جد مرة سرتي بيتهم ولا تدلين بيتهم حتى ولا تعرفين ادمي من العايلة تلقينها حلوة انه يدتج وعمج كل مرة هم اللي اييونج حلوة؟ صح؟ وانتي جنج تقولين انا ما اتنزل ايي بيتكم.. بتخبرج انتي عيال عمج تعرفين كم هم؟
الجود: هي اعرف 8 وكلهم شباب
سالم: انزين شو اساميهم؟
الجود: واحد اسمه حمدان والثاني مصبح واللي خاطبني عيد على ما اظن ..
سالم: حوووووووووووووووه!!حوووووووووووه غربل الله هالمنطوق!! عيد منو؟ ومصبح بعد؟؟ لعنبوا دارج انتي في السيح؟ ماتدرين بالدنيا؟؟ عواد!!!! عواااااد!!(وهو يتكلم وهي نامت على ريله)اووييييه ؟رقدت!! فديتج ياحبيبتي !!(وتدخل ندى الغرفة)
ندى: رقدت فديتها
سالم: مادري ويامنو بتضارب كل يوم !!
ندى: شفت غلاتها؟ شو رايك ناخذها ويانا؟
سالم: ولا كلمة زيادة !! بتسير عندهم يعني بتسير !!وانا ما ارد فكلامي ..جهزتي شنطتها؟
ندى: الا شنطها !!
سالم: اعنبوه بتتحول؟
ندى: انته تراك بتقفل البيت وهي مابتروم ترد البيت الا اذا كنا موجودين !!
سالم: والدريول؟
ندى: رمسته!! الله يسلمنا كل مايسير ينسى شي من السواقة !!ولاتنسى تزيد عالمعاش!!
سالم:ان شاء الله شو نسوي بها؟ اشلها اوديها حجرتها؟
ندى: لا خلها ترقد عندي
سالم: لا والله؟ وانا؟
ندى: فديتك يابوراشد انته استريح فحجرتها ..
سالم: ماعليه انتي تعرفين منو داق لي عقب المغرب؟
ندى: منو؟
سالم: روضة !!اكيد وصل لها الخبر انه نحن بنسافر !!
ندى: شوه؟(بانفعال) ليش؟. شو تبا؟
سالم: تباني اخلي الجود تيلس عندها !!
ندى بعصبية: شوف ياسالم !!اذا بتسافر سافر وانا بيلس ويا بنتي !!لكن تيلس عند روضة لا والف لا !!
سالم: غناتي؟ بلاج عصبتي جذيه؟ انتي تعرفين جوابي!!
ندى: انا هب معصبة!!
سالم: مصبة ونص انتي تعرفين اني ما برضى!!
ندى: انا امها!!هب هب !!هي يابتها وفرتها وانا اللي ربيتها هي واخوها (وتدمع عيونها) انا اللي ينادوني ماما!!
سالم: غناتي؟ هدي اعصابج اصلا عيالج يعتبرونها ولا كأنها موجودة !!شفتيهم جد مرة قالوا نبا نسير لها؟
ندى: لا!!
سالم: عيل خلاص!! الجود بتيلس عند علي واميه وانتي تعرفين انه اذا تقربت من بيتهم اميه بتنهشها !!
ندى: انا اللي مغصصني انها رابية وياكم وكانت امك حاطتنها فعيونها !!
سالم: غرتها الفلوس ..وعضت اليد اللي انمدت لها ومن اتطلقت خذت واحد لا اصل ولا فصل!!
ندى: الله يبعدها عنا وعن عيالنا
سالم: امين يالله استهدي بالله وارقدي وانا بروح حجرة جامووه ولا تحاتين !!
(وكان هذا اخر يوم يكونون متيمعين الجود راقدة فحضن ندى وسالم مانام الليل يفكر في بنته ويفكر بكلام روضة وعلى الساعة 10 الصبح كلهم نشوا الا الجود راقدة وبعدها بنص ساعة نشت الجود يوم سارت الحجرة حصلت اغراضها في الشنط وامها مطلعتلها بدلة تنورة سوداء قصيرة لين الركبة وفيها قصات طويلة وقصيرة وفانيلة بيج سادة وبدون اكمام بس هاي نك سارت تسبحت وتلبست وكان مزاجها وايد متعكر مب طايعة تكلم حد ويصيح تيلفونها وردت)
راشد: الو؟hi mom how r u?
الجود:انا مب ماما
راشد:الجود؟how r u sis?
الجود:I'm miserable
راشد:ليش حبيبتي؟
الجود: اهلك يبون الفكة مني وبيحوشوني بيت عمي
راشد:you're so spoiled.. come on..انتي طول الوقت يدلعونج خليني احصل شوية دلع من ابويه واميه
و كان مزاجها وايد متعكر مب طايعه تكلم حد.. يوم نزلت..)
الجود: الثلام عليكم (صبت حليب و زادت كوفي.. و هم يطلعونها مستغربين.. لانهم اتعودوا انها تسلم عليهم..)
بو راشد: اتصل حمدان و قال أحين بيوصل!!
(و يسمعون صوت الهرن..)لو طارين مليون جان زين!!(و الجود قلبها يدق من الخوف..)
ندى:يا رحيل!! رحيل؟ سيري ودي الشنط الموتر!!
رحيل:اي موتر؟ ماما جعفر سار المتار!!
ندى: امية؟ سيري ودي الشنط في الموتر اللى تسمعين هرنه!!حشا يا بوكم!!(ويسمعون دق الباب)
حمدان:هود!!هود!! السلام عليكم!!
بو راشد:هدا!! اقرب!! عليكم و رحمته وبركاته(و يتخاشمون)
حمدان:جريب!!علومك عمي؟شحالج عموه؟
* اما حمدان عمره 30 سنة متزوج من رفيعة من علاقة حب ..كان الفرق من بينهم العمر بس ..هي كانت اكبر بس في الشكل هو اكبر ..لانه ينكرففي الجيش كراف اليهد ..لدرجة انه من الهموم طلع له شعر ابيض فراسه ..ابيضاني بس اكتسب السمرة من الشمس خشم طويل والعظمة تبين وهذي اللي محلتنه وحواجبه مقرونات ولحيته خفيفة ..طويل وفيه كرش بس خفيفة واختار رفيعة من بين كل البنات وحباها من خاطره ولازال والثمره هي فيصل..
ندى: بخير ربي يعافيك يا بويه!!وينها رفيعه؟
حمدان:في الموتر..شحالج بنت عمي( ويطالعهم من فوق لين تحت)
الجود:بخير الحمد الله
حمدان فخاطره: الله يسلمنا!!جان ما تنفجر رفوع من الغصه!!جميله!!احلى عن رفوع!!
حمدان: يا الله الجود؟نروح؟(و هي قلبها يدق ما تبا تفارجهم)
بو راشد:بعدكم عنبوا؟
حمدان:ورانا درب!!يا الله سامحونا!!
(و يسلم عليهم..و ببرودة اعصاب سارت الجود باست ابوها على راسه..و باست امهاعلى راسها..وركضت الموتر..)
ندى:شفت؟ما نصخت لنا حتى احضنها!!يعني حاطه فخاطرها!!(و عيونها تدمع)
بوراشد: كان فخاطري تقول شي!!لكن مردها بترضى!!بنتي و اعرفها!!
(رفيعه اتطلع وحده يايه..بججت عينيهاعالاخر..) رفيعه فخاطرها:لبنانيه؟شو ها؟غربلها الله غاويه!!
(و تشوف حمدان وراها..و ركبت ورا..) الجود: السلام عليكم..
رفيعه صدت اطالع ورا: عليكم السلام و رحمه الله وبركاته ..(و عرف حزتها حمدان من ردها بالسلام كله انها ميته..)
حمدان: بشكارتج بتي؟(و ايي بو راشد..)
الجود: هي بتي!!
بوراشد:عن اسهى!!جود؟غناتي؟من فتره لفتره سيري المزرعه و شوفيهم اذا محتاجين شي!!
الجود: ان شاء الله!!
بوراشد يعطي حمدان: يودي هذه بطاقه.. اسحبي منها يوم بيحتايون سبوس و مونه!!
حمدان:يا الله عمي!!ونحنا وين سايرين؟نحنا بنوفي بالمونه ماله داعي!!
بوراشد بو راشد: الحق حق يا بويه!!و انتي يوم بغتي شي رمسي عمج وهو ما بيقصر!!هاكن خذ مفاتيح البيت و المزرعه!!
الجود: زين
(و ركبت الخدامه..و الجود مينه بغصتها ما تعرف شو تسوي..كيف رضت انها تسير بيت هب بيتها وعند ناس ما فكرت جد مره تقول او حتى انها تسير لهم..و اللى هم من لحمها و دمها..كيف اشكالهم..حلوين و لا خسفين ..طوال و لا قصار؟..هاديين و لا شياطين؟مطاوعه او فري؟بيحبونها ولا لأ؟ و طول الطريج رفيعه ساكته و حمدان يسولف ويا الجود..بس بعدها الجودمتخوفه..و بعد ساعه و نص.,.تتصل بها ندى)
الجود: ألو؟ها أميه؟لا هب زعلانه!!بش متضايجه شوي!!تروحون وتردون بالثلامه!! اااااااه!! حمدان؟متى بنوثل؟
حمدان:بنوصل الحين بعد الاشاره!!
الجود:شوى وبنثول!!يثير خير!!لا مب محتاجه بيزات!!متى حطيتيهن؟ خلاش مشكوره يا الله فمان الله!!
(حمدان و رفيعه..مستغربين من طريقه معامله الجود للامها..)
(ووصلوا البيت ..والجود تشوف حوي عود وكله مواتر ..كأنه مسوين عزيمة.. وفيلا عودة.. لقت عمها علي وياالمزارع يسقي الزرع ..اول ماشاف الموتر خلا الهوز وسار جداهم وابتسمت الجود ..ونزلت ..)
الجود: رحيل امايا؟ نزلي الشنط فديتج !!
علي فاتح ذراعه للجود وساير جداها : يامرحبا!!يامرحبا!! مرحبا الساع!! هلا!!هلا!!
(وتركض جداه وتحضنه وهي عيونها كلها دموع) فديتج انا !!
الجود: عمي!!! واااايد اتولهت عليك !!
علي: منو ينزل دموع حبيبتي؟.؟لالعن صيره هالهرم
الجود: حد غيره؟ اخوك!!
علي: العن الله صيره الهرم بو صلعة!!! انا براويه خليه يرد البلاد وانا اراويج فيه!!وانتي؟ ماتقولين عمي علي اتولهت عليه ابا اشوفه ها؟
الجود: شو اثوي ياعمي والله امتحانات وانا بعد مقثرة !!(رفيعة دشت داخل وحمدان ينزل الشنط ويا رحيل ..)
علي: يوم انج مقصرة !! اشوف وين بوستي؟(باسته على خده وعلى راسه)
الجود: الله يطول بعمرك يابويه!!
علي: تعالي بندش داخل خالوتج وفاية اترياج من الفجر!!
الجود:ثدق؟
(وهي اول ما سلمت على عمها شمت عطره شرا ابوها وكأنها تسلم على ابوها والشبه من بينهم فظيع بس ابوها فيه صلعة وعمها لا ولا حتى فيه شعرة بيضاء وشكله يبين انه حمدان الابو هب علي ودشوا داخل)
وفاء: هلا!!هلا!! مرحبا ملاايييين !!
(وتحضن الجود وتشوف حرمة تحضنها في الثلاثينات شكلها صغيرة ..لابسة جلابية وردية انيقة ..جميلة وضئيلة ولا يبين انها عندها 8 عيال )
الجود: تثلمين خالوه!!
وفاء: قربي قربي يمة !!(وتزاعج) يادانا!! ياسهيل!! فهوود!!حمد!!! رشوود!!!!
راشد: ياي!! ياي!!
(وساروا يلسوا في الصالة وكان الدري حذالهم ونزل راشد)
*راشد عمره 21 سنة يدرس فكلية التقنية يشبه امه في الملامح عيونه وساع ..ورموش طوال وخشم طويل بس مب وايد ..اطول واحد في البيت ووايد ضعيف ..شعره قصير ودوم يسوي حركة السبايكي لانها تناسبة ..هادي وشاطر فدراسته .
وفاء: يمه شنو تشربين؟
الجود: لا!!لا!!مشكورة!!
(راشد نازل وفج عينه عالاخر)
علي: بلاك غادي غير صنم؟. تعال سلم على بنت عمك!!
راشد: إإإه!! إإإإه السلام عليكم (ومد ايده وسلمت عليه)
الجود تبتسم: عليكم الثلام ..
وفاء: يمه جود؟ هذا ولدي راشد !!
الجود: هلا مرحبا الثاع !!
راشد فخاطره: ما اصدق!! الجود؟ خسها ابليس ظاهرة غير زلمة!!
راشد: علومج بنت عمي؟
الجود: بخير ربي يعافيك..
علي: وفاي راوي بنتي حجرتها وأي حد يأذيج تعالي علميني..
الجود تضحك: ان شاء الله
(وهم يركبون الدري حصلت فوق صالة عودة يالسين فيها 3 شباب وبنية شكلها اجنبية ..ومن شافوها على طول وقفوا ..)
وفاء: وييه فشيلة !!انتوا هنيه وانا اناديكم؟
(دانا ترحب بالجود بلهجة مكسرة بين العربي والانجليزي)
دانا: هلا مرهبا !!(وتحضنها )انا دانا I'm Suhail's wife
*دانا تكون حرمة سهيل اخوهم ..اصلها امريكية انولدت فامريكا وكرست حياتها لشغلها في بوظبي هي 25 سنة والتقت بسهيل فمركز شغلها وهو بنك ابوظبي وكان حب من اول تظرة واول ما خذته اسلمت ولبست العباة والشيلة تقرا القرآن وتجويده..ومواصفاتها شعرها طويل لين ظهرها اشقر ..وخشمها صغير حلو ..وعيونها زرق ..طيبة وخلوقة تتقن اللغة العربية لانها درسته ..وحدة واثقة من عمرها والكل في البيت يحبها ولا يفرقون من بينها وهي تعدهم من عايلتها الوحيدة لانها مقطوعة من شيرة..
الجود: هلا والله فيج يادانا (ويتجدم سهيل)
سهيل: هلا مرحبا الساع ببنت عمي !!انا اتحريت اخت دانوه بتي !!
دانا: عيب يا سهيل!!
سهيل: come on this is the truth !!
وفاء: حشم ياولد!!
*سهيل عمره 29 سنة يشتغل في الجيش.. هو وحرمته متزوجين من 5 سنين حنطي ..خشمه صغير وزنه 70 وكويل ..هادي ويحب مرات يستهبل على حسب مزاجه ويحب حرمته حب وبارد برود مايحب شي اسمه ضرايب ..
الجود تضحك: لاعادي !!خليه!!(ويمد ايده عسب يسلم عليها)
سهيل: اتمصخر وياج هب تحطين فخاطرج!!
الجود: لاعادي !!take it easy ياعزيزي !!
سهيل: yup!! جذيه اباج!!
وفاء: هذا فهد!!
*فهد عمره 18 سنة يدرس 2 ثانوي وياحمد ..دوم ويا ابوه ..شعره بني طويللتحت رقبته ..وعيونه عسليات صغار وخشمه طويل وناعم وعليه خدود حمر من الله
فهد: شحالج الجود؟ (وتسلم عليه)
الجود: الحمدلله بخير!!
حمد: وانا نهيان!!
فهد: جاب!!جاب !! اصلا اسم نهيان اطول عنك!!(ويضحكون عليه)
*حمد عمره 17 سنة يدرس ثاني ثانوي ويا فهد وهو اخر العنقود شيطان والخارج عن اطار العايلة ..شطانته مالها حدود مايحب يسمع الكلام ..محد يقدر عليه غير ابوه ..شعره اسود شرا الليل وطويل وعيونه عسليات وساع طوله مناسب ويا وزنه يعرف اليولة والرزفة لكن مافلح في المدرسة ومغصوب عليها ..
راشد: اعنبوا حشموا البنية توها ياية!!
وفاء: يمه تعالي اوريج غرفتج!! (وودتها حجرتها)
الجود:خالوه؟ممكن تنادين رحيل؟
وفاء: ان شاء الله
دانا اتدق الباب: ممكن ادخل؟
الجود:اتفضلي!!(وفي الصالة الشباب حاشرين الدنيا)
حمد:شفتوها؟.
فهد:جمالها جمال لبنانيات..
حمد: لا!!ولابسة قصير وإيدها ظاهرة!!
فهد:قصدك جتوفها!!
سهيل:بس اعنبوكم قطعتوها!!توها ياية!!
حمد:انته اسكت!!مادري عيل منو اللي مقطعنها وقايل لها تحريتج اخت دانوه؟
(ويضحك راشد ..وفي الحجرة عند الجود..)
دانا: هذي المرة الاولى اشوف مواتنة ماتلبس عباة ولا شيلة !!
الجود تبتسم: تتقنين العربية عدل!!
دانا: اكيد انا دارسة so I speak little English and lot of Arabic
الجود: اممم وعلى رايج في المواطنة ؟انا الثراحة اهلي معوديني البث اللي اباه!!
دانا:here in AD is different all local wear abaya and sheilah..
الجود: I know, but I told my parent I'm 17 and young
دانا:you know that your thoughts like American people?
الجود:oh really? You know that when I watch seriel programs I think that when I'll be 18 years old ' I'll have my own apartement and my oen life..
دانا تضحك: تتكلمين جد؟
الجود: yes ofcourse !! when I say to my mother about what I see, she says:عيونج مبججة على التلفزيون البنية تطلع من بيت اهلها لبيت ريلها !!
(وقامن يرمسن ويضحكن لين فهموا بعض وكل وحدة خذت رقم الثانية ...لين يسمعون حد يدق عالباب)
رحيل: ها امايه ادش؟
الجود تضحك: دشي
دانا: اسمهيلي بيلس في الصالة اي شي تبين !!don't be shy!!
الجود: تثلمين حبيبتي ..
(طلعت دانا ودخلت رحيل الشنط ويلسوا يرتبون الاغراض )
الجود: رحيل؟ يوم بيثوي لج عبود البيدار من المزرعة قولي لي!!
رحيل: ان شاء الله امايا
الجود: وثمعيني عدل !!تنشين من الثاعة 7 تنظفين وتطبخين ويا خدامتهم فهمتي؟
رحيل: ان شاء الله
الجود: مابغي ضرايب وياخدامتهم فهمتي؟وبترقدين عندي !!مانبا مشاكل !!وأي شي يقولونه لج تثوينه
رحيل: زين امايا(وتوها رحيل بتظهر)
الجود: إإييييه ثبري!! خلثت كلامي انا؟
رحيل منزلة راسها : لا!!
الجود: مابا خراريف !!اي شي تثمعينه تثكتين فهمتي؟مابا هاي قالت وهاي ثوّت ؟ فهمتي؟
رحيل: زين امايا
الجود: احين انزلي وهاتي جشارج ورتبيهن وعقب ثيري فازعيهم زين؟
رحيل: ان شاء الله
(وطلعت عنها تمت واقفة الجود على البلكونه وكانت مجابلتنها بيوت ..يلست وقلبها يدق واتحس بعد بالملل والخوف من النتايج وبعد من فراق الاهل الجود اتطالع موبايلها)
الجود: ما اقدر اخليهم يثافرون بدون ما اخبرهم اني احبهم (وتتصل على امها) الو؟ اميه؟
ندى: الو؟(والجود من سمعت صوت امها على طول صاحت) الجود؟
الجود: ثامحيني يا اميه !!والله اني احبج !!ثامحيني دخيل الله!!
ندى تآزرها في الصياح: فديتج يا اميه !!اصلا الام ما تزعل من بنتها !!
الجود: اميه؟ قولي الثدق !!مب زعلانة؟
ندى: والله هب زعلانة!!
الجود: احلفي براثي!!
ندى: مب الفة!! حلفت برب العالمين !!
الجود: حبيبتي يا اميه..
ندى: اميه؟ حبيبتي؟ لاتنسين صلاتج..
الجود: انزين اميه؟ عطيني ابويه!!
ندى: سالم؟ ياسالم؟ تعال بنتك تباك !!(ويوم وصل)
سالم: الو؟ ها اميه؟
الجود: دخيل الله تثامحني يا ابويه !!
سالم: انا اصلا قلت بنتي لو انها زعلانه منا بترضينا!! مافي شي يزعل اصلا!!
(بندت عنه وهي مستانسة ..تمت فحجرتها ومن فترة لفترة تيها وفاء واييها علي ودانا وكم من مرة حاولوا ينزلونها بس ما قدروا ..كانت مستانسة انه اهلها رضوا عنها ..بس بعد متولههة عليهم خصوصا امها ومن وصلت البيت ماطلعت من حجرتها ريوقها وغداها وعشاها يوصلها لين عندها ..مرات تاكل ومرات لا كانوا عاذرينها بسبب شوقها لاهلها ..مرات ماييها نوم..وبعد 3 ايام اييها مسج من رقم غريب ..)
" بنتج الل حاطتنها ع راسج وتلاليبها ..تطلع ويا شباب وشوفي المنكر على اصوله اتم بالايام وياهم وانتي ع بالج ويا ربيعاتها وصورها منتشرة سمعتها شرا البواليع واسمها الجود عسب اقولج اني هب غلطان"
الجود وعيونها مبججة: شووو؟ شو هذا؟ هذا اكيد مثعود!!ثود الله ويهه!! يعله العوق !! شو هذا؟ انا اتم بالايام ويا شباب؟؟ انا؟وانا سمعتي شرا البوااليع؟؟(ويت في بالها فكرة وتتصل على رحيل) ها رحيل؟ شو تثوين؟ زين خلي اللي فايدج وتعالي دهديه!!
(اول مايتها)رحيل: ها امايا؟
الجود: دانا هنيه؟
رحيل: لاماما تلعت!!
الجود: انزين والشباب؟
رحيل: كلوا في سغل حتى بابا عود!!
الجود:زين بدلي ملابثج بنثير الجمعية !!(بدلت ولبست بنطلون جينزل وفانيلة سوداء وفيها خطوط الوان لفت شعرها ومول ماحطت مكياج وكان مبين عليها التعب اول ما نزلت)خالوه؟خالوه؟
وفاء: في الميلس!! في الميلس!!(وروحت لها)
الجود: خالوه؟ انا بروح ويارحيل الجمعية في اشياء ضرورية ابا اخذها !!
وفاء: يمه سامحيني محد وياي كلهم طلعوا عني
الجود: لاعادي خالوه !!باخذ تكثي لاني محتاية هالاغراض ضروري!!
وفاء:ويييه فشيلة !!وين اودي ويهي منج!!
الجود:لافديتج !خالوه عطيني رقمج عثب اثايفه عندي!!(وعطتها رقمها)
وفاء:يمه لاتتأخرين واتحملي على روحج !!(وبعد ربع ساعة حصلت تاكسي وركبوا وياه)
الجود: بابا ثير اقرب مركز شرطة!!
السايق زين ماما !!(واتطالعها رحيل بنظرة)
رحيل: انا والله ماما ماسويت شي!!والله!!(وتنتفض رحيل)
الجود:بلاج؟
رحيل: انا اي شي سوي ماما والله ماسوي شي !!انا كله قول ان شاء الله
الجود متعجبة: عوذبالله من ابليث؟بتثكتين ولا اثمج بأي شي جدامي !!(ورحيل تصيح) يا اميه مب يايين عشانج !! الناث في حالة وهي في حالة!!
(وسكتت وبعد 10 دقايق وصلت ونزلت وهي واثقة من عمرها من اللي تسويه ووراها رحيل ..واللي في المركز كلهم يطالعونها لانه شي غريب انه بنية اتدش مركز الشرطة ..وهي مسوية طاف)
الجود فخاطرها: الحين براويك قدرك يامثعود يالخال!!مادري منو بيهدد الثاني!!
(ووصلت عند واحد وتسأله)
الجود: لوثمحت ابا اقدم بلاغ!!
الملازم منصور:اتفضلي وياي
الجود: انتي يلثي هنيه اترييني!!
رحيل:زين امايا
الملازم منصور: اتفضلي اختيه؟ (ويلست)
الجود: انا اثمي الجود ثالم ......(وتقول اسم عايلتها)
الملازم منصور: والنعم وسبعة انعام ..معروفين والمعرفة تشرف!!وابوج اشهر من النار على العلم!!
(ابوها كان مشهور من مشاريعه الناجحة)
الجود:شوماشاء الله تعرفه؟
الملازم منصور: والله حصل لي الشرف مرتين بس !!
الجود: المهم هذا واحد يطفر بي ماعرف منو ومرش لي مثج (وتعطيه التيلفون)
الملازم منصور: استغفر الله العظيم !!شو ها؟
الجود:وانا طلعت البطاقة باثم منو!!قالوا لي اثمه مثعود.......(وتقول اسم عايلته)
الملازم منصور: كيف طلعتي باسم منو؟
الجود:خلني اقول انه عندي ناث !!المهم هذا الجلب يبا يشوه ثمعتي مادري منو دازنه علية ..فعمري لاشفته ولا رمثته!!ويلوث ثمعتي هذا اللوث!!
الملازم منصور: وانتي بصراحة ماكلمتيه؟
الجود: يخثي !!والله ما اتنزل !!انا احين يايتنكم عثب تاخذون حقي منه !!
الملازم منصور: بنخلي التيلفون عندنا اذا ثمحتي!!
الجود: ومتى بتردونه لي؟ انا ما اقدر ايي الثراحة اهلي مثافرين وكل حد يتثل بي!!
الملازم منصور: زين عطيني رقمج ورقمه واشوف المسج !!
الجود: اوكي بث اثمح لي ما اقدر اطب هالمكان مرة ثانية !!انا ياية اقدم بلاغ وابي حقي حتى لو ينثجن لكم من يوم يتأدب !!ليش يتحرى بنات الناث لعبة فايده؟ والله لو ابويه يدري ليملحه ملاح اليهد!!
الملازم منصور يضحك: هذا ابوج وانتي ادرى به!! المهم بتصل بج من نيبه!!
الجود قامت: مشكور وماتقثر والثموحة!!
الملازم منصور: لاتحاتين حقج بتاخذينه لو على قطع رقبتي!!
الجود: يالله انا اثتأذن!!
الملازم منصور: الله يحفظج!!
الجود وركبت التكثي: بابا؟ ودنا الجمعية!!()وهم في الطريج)
الجود فخاطرها: احين براويك شغل الله يامثعود !!مادري منو بيترجى الثاني !!ومنو بيفضح الثاني !!تتحراني بثكت؟ اونك بتعجني فتهالك؟ بنشوف!! بنشوف
(نزلوا الجمعيه اتشروا الاغراض..و ردوا البيت)
وفاء: يمه صيفتوا؟
الجود:زحمة الجمعيه!!(وعطتها كيسه) هذي حق فيصل!!
وفاء: تسلمين يا يمه!!
الجود: انا بروح غرفتي ارتاح..تامرين بشئ؟
وفاء: لا يا يمه!!
الجود:يا الله امايا رحيل!!(وساروا الغرفة)اثمعيني عدل رحيل..
رحيل: زين ماما
الجود:ان علمتي حد اني ثرت الشرطة..اتعرفين شو بثوي؟بحلق شعرج كله بالموث!!والله بالموث بخليج قرعة وبعدين بكنثلج!!
رحيل:ان شاء الله ماما..
الجود:ياالله ثيري بدلي.. وروحي المطبخ..انا مابا غدا..
(وروحت عنها واتصلت على ابوها..رمسته وبعين امها و راشد..و على اذان العشاء..و اييها رقم غريب..ما ردت و بعدين طرش لها مسج ''انا الملازم منصور'' .. وعلى طول ردت من اتصل)
الجود: ثامحني ما ارد على ارقام غريبة!!ها؟شو قال؟ناديتوه؟
الملازم منصور:هيه نعم وهو عندنا..و يقول انه يعرفج و مكلمنج وظاهر وياج..
الجود: وانته ثدقته؟اكبد وحدة من اربيعاتي عاطتنه الرقم..وقلت لي كيف شكله؟(و فخاطرها تضحك)
الملازم منصور: لا والله فرق بين السماء والارض..صدقج هذا الا يتبلى !!نحنا بنحجزه لين يكفلونه!!
الجود:تثلم!!وبعد أباك توقعه على تعهد ما يتعرض لي!!
الملازم منصور:أكيد!!و هذا يا الشيخة رقمي..واذا في اي مشكله..بتحصليني!!
الجود:ما تقثر!!يا الله ثامحني و الله يحفظك!!(بندت عنه)هاهاهاهاهاهاي!!زين الله راوك يا الخايث!!محد قالك تلعب وياي..تجذب علي ألفين مره؟و انا براوك الجذب اللى على اثوله يا راعي الاثل!!
(وبعدها بــ4 ايام اتصلت بها امها المغرب) ندى:ها امية؟شو انتي؟
الجود: الحمدالله بخير..وانتي شو حالج؟
ندى:حالي ما يسرج يا الغاليه!!
الجود: ليش امبه؟خير؟
ندى:خالوتج وفاء اتقول انج دوم يالسه في الحجرة و حابسة عمرج!!ليش يا اميه؟
الجود:اميه؟مافيةّ اثقل عليهم!!هم ناث خيرين!!
ندى: اميه حبيبتي؟ عمري؟ محد يتضايق منج!! خصوصا وفاء!! طاعيها كيف خايفة عليج!!
الجود: خلاث ..ان شاء الله بيلث وياهم ..
ندى: وقدمي في الكليات اللي عندهم !!تراهم يتساهلون انا سمعت لو تعرفين انجليزي عدل بيدخلونج على طول!!
الجود: يثير خير..
ندى:خلاص عيل ماوصيج وهالله هالله بعمرج!!
الجود: اوكيك ياحلوة وثلمي على رشود!!
(ونزلت الجود ..وعواد طايح على ثبان امه ووفاء تلعب بشعره واتطالع التلفزيون وجامة نازلة من الدري ومحد لاحظها ويلست عالغنفة )
وفاء: شف!! شف زينب العسكري انا ماتعيبني مليقة!! يمة منها!!
عواد: الا امايا !!غاوية وشعرها وضحكتها الدلوعة !!يمة على دلعها!!
*عواد عمره 26 سنة يويل ورزيف يحب البر ويشتغل في المطار ..عيونه وساع عسليات وشعره اسود طويل لين رقبته وخشم سليلي ويشبه حمدان وشفايفه على الحمرة .. ابيضاني طويل وضعيف ..يحب القصيد ..ويحب بعد الاستهبال على اصوله وحبوب وايد الكل يحبه ..
وفاء محتجة: اقول؟ قم!! قم!! يمة منكم انتوا الصبيان ومن لسانكم!! (عواد قام من مكانه)
عواد: يقول الشاعر !!(انصدم بالبنية اللي يالسة) بسم الله من وين ظهرتي؟ منو انتي؟ (وفاء صدت)
وفاء: ويييه!!يمة جود تعالي قربي صوبنا ودنا نحاجيج ياعمري!! هذي الجود بنت عمك !!سلم عليها يمة!!
عواد منزل راسه وفخاطره: غربلج الله لبنانية؟
عواد: مرحبا..مرحبا..
وفاء: يمه انتي مثل بنتنا ..وأي شي يضايقج ..تعالي علميني وانا اخذ حقج !!
الجود تضحك لاول مرة جدامهم: افا عليج ياحلوة !!انا ايدي تكفي تاخذ قضى البلاد كلها!!
وفاء: بسم الله عليج ..الله يحفظج !!(على لهجتها الكويتية البحته الا انها كناري جنها اماراتية)
عواد: عوذبالله !!(واتجاهلها)خلوني اعد قصيد !!(وهن يضحكن) يقول الشاعر!!
وفاء: شنو يقول الشاعر؟
عواد: ياعاذلين الهوا خلوه .... يلعب بقلبي على كيفه (ويغمز للجود يلعوزها)
وفاء والجود: كيفه!!
عواد :ماتحمل الصد والمشروه .... منه ولو زاد تعنيفه ..(وسلمتوا)
وفاء والجود:تعنيفه!!
عواد يستهبل: ماقصر بن طناف على هالقصيد !!
وفاء: حووووه مو بن طناف !!انته وش فيك الله يهديك!! هذا الشيخ مايد الخاطري!!
عواد: والله؟ ما اذكر!!بس احيد بن طناف!! لكن ماعليه عديها لنا ياوفاية!!(وهن يضحكن ..كان يحب يسوي سوالف ودخل فيصل وهو يصيح)
وفاء: بلاك يمة؟ شفيك؟(وتحضنه)
فيصل: ماشي امايا!!
وفاء: ميري شفيه فيصل ؟ليش يبجي؟
ميري: ماما فيصل دربي انا الا راس مالي !! وانا سويت مسكي هو ويبجي!! (الجود مادشت خاطرها اللي اسمها ميري)
وفاء: يمه فيصل؟ جم من مرة اقولك لاتطق ميري!!
فيصل: انا والله والله يا امايا ما ضربتها!!
ميري منفعلة: انا جدابة؟ انا؟
وفاء: يامعودة !!محد قال انج جذابة ..يالله روحي!!روحي!!
عواد معصب: هذي الا جذابة !!الله يغربلها ويغربل يومها !!اميه فخاطري اسلخ يلدها الحقيرة!!
وفاء: اوووش!! عيب ياعواد مو جدام الجود ..(ويسمعون فيصل والجود يضحكون ..الجود شافتهم يطالعونها وسكتت)
الجود: خالوه يثموني جامة لانه اثمي طويل!!
عواد:هههههههه اثمج طويل؟قولي سعيد سالم سلمان سلطان سهيل وسلسبيل؟
الجود: جاب!!جاب!!تعلق علية لاني حاطة تقويم؟خالوه؟ناديني الجامة!!
وفاء: شنو جامة انتي دريشة؟انتي اصلا الدلع كله!!
عواد: ههههههه جامة لا!!لا!! حلوة!! ياجامة!!(وتطالعه بطرف عينها)
الجود: طوف فيصل بنلعب برع !!عندك كرة؟(وتطلع برع)
عواد: هذي رافعة خشمها على شو؟
وفاء: اسمعني يا يمة!! هذي بنت عمك من لحمك ودمك ..والظفر ما يطلع من اللحم!!
عواد يتويع: آآآآووج!!
وفاء: شفيك؟
عواد: قلتي الظفر مايطلع من اللحم!!واتخيلت الظفر يطلع من اللحم هههههههه(وتضربه على جتفه)
وفاء: مليق!! اسمعني يايمة !!مابيك تلعوز البنية ..وانا كلمت الصبيان فهمت؟
عواد: اميه..هذي اول ماشفتها قلت يمكن حد من اخواني عرس وياب لبنانية !!هذي اماراتية.؟اشك انه عندها جواز..
وفاء معصبة: عواد!! عيب ياصبي!!اهلها من النوع الفري ..وراس مالهم هالبنية !!عواد؟ وين سرحت؟
عواد فخاطرها: والله لالعوزها الهرمة!! انا تقولي جاب هالجامة؟
عواد: لا!!اميه ان شاء الله !!بس اميه هي مب في دبي هي فدار زايد على الاقل تتستر وتلبس عباة ووجاية!!
وفاء: شي ما يخصك ولا يخصنا !!روحها من نفسها راح تلبس !!وانته شكوا؟(الجود برع ويا فيصل)
الجود: خبرني يا قيثل..ليش ضربت ميري؟
فيصل: تحفظين السر؟
الجود: احفظه في بير ياحبيبي
فيصل: اووييه!!انتي تحبيني؟
الجود: طبعا ياحلو !!
فيصل: اول شي احلفي!!ورفعي ايدج اليمين!!
الجود: هههه زين(وبجدية رفعت ايدها اليمين) والله مابخبر حد!!
فيصل: ميري يوم تشوفني كله تضربني ..مرات اشوفها تاخذ اغراض ماما ..ومحد يصدقني ..انتي تصدقيني؟
(عورها قلبها عليه)
الجود: تضربك؟ طبعا حبيبي اثدقك !!
فيصل يصيح: كله ماما وبابا يتحروني اخذ اغراضهم ويضربوني بعد !!بس انا والله والله ما اجذب ..بس ميري تقول لي ان خبرت بتضربني بالمعلاق وبتحرق صبوعي !!
الجود مفولة: الله يغربلها اثبر علية انا براويها الملعونة !!هالثيلانيات يبالهن ضرب الملاعين!!(ويراويها ظهره اللي ميّرح كله من المعلاق)
فيصل: شوفي هذا يوم العب تيلس تضربني
الجود معصبة: الله يكثر ايدها واتفدع الخايثة !!الجلبة!! تعال بنثير حجرتي باخذ تيلفوني وبنثوي حق الدكان بنطلب ..اممم شو تبا؟
فيصل: كافي وايس كريم وشيبس تشيتوز الحار !!
الجود: ياكبير!! كفك!!(ويعطيها كفه)وكرة بعد!! من زمان مالعبت!!
فيصل: شو تعرفين؟ سلة ولا قدم؟
الجود بحماس: كلوا!!كلوا!!
فيصل يضحك: ياكبيرة !!(وتاخذه غرفتها ويابت التيلفون ونزلت)
الجود: خالوه الحلوة؟كم رقم الدكان؟
فيصل بحماس:انا اعرفه اتصل؟
الجود: هيه حبيبي اتثل ..الموبايل موبايلك (سوا حق الدكان وطلبوا)
فيصل: عمي عواد؟يالله روح بدل!!
عواد: شعنه؟
فيصل: جامة عازمتنا على مباراة انا في فريقها!!!
وفاء: ويييه!! يمه دلوعة ماتعوزينها!!بتتعورين!!
الجود: خالوتي الحلوة مباراة وحدة لا غيرها!!
عواد يستهزىء: انتي؟ ماعنثرج!!(ويأشر على عمره) خلي المبارايات لاهلها!!(والجود حطت ايدها على خاصرتها)
الجود: تثتهين بي؟ خالوه منو تشجعين؟
وفاء: طول عمري اشجع عيالي ..دامج ييتي بشجعج(ويسمعون صوت الجرس)
الجود: هذا اكيد راع الدكان !!(وتغمز لفيصل) اللي بيوثل قبل يقرث عواد!!
(ويركضون صوب باب الصالة بيطلعون ..وكانت الجود تسبق فيصل ..بطلت الباب ودعمت اللي مجابلنها )
عواد: طاعوا !!كله يدخلوني في السالفة !!يقول الشاعر!!
احمد يزاعج:اووووووووووووووووووب!!(هي دعمته ورد على ورا اثار الدفع ..من غير دعمها بعد فيصل من السرعة) هـــــــــــــــــــــــــيدوا!!!
*احمد عمره 25 سنة يشتغل في بنك بوظبي ويادانا ..عريض معضل طويل ووزنه مناسب وياطوله..شعره بني غامج على حمرة لين تحت رقبته ...خشم شيوخي كحد السيف..وشفايف عاديات ..وعيونه السود اللي تلفت ..رزيف درجة اولى وشاعر ..شارك فكم من فيديو كليب ..صفاته طيب والابتسامة ماتفارج ويهه ولسانه سليط ..
(ورفعت جامة راسها واتطالع الريال اللي يقول لها هيدوا ..هذا البني ادم شايفتنه لكن وين؟ ماتعرف ..احمر ويهها)
الجود فخاطرها: اول مرة فحياتي ادعم واحد حليو !!اووف ياعيونه كيف تلمع!!(هو يعدل كندورته وهي ردت على ورا)
الجود منصدمة: مزااجي!!! مغرورة ومشكورة!!(هو يعدل كندورته وهي ردت على ورا)
احمد: هههههههههه هيه نعم مزاجي!!وبعد مغرورة؟ لكن مشكورة!!
وفاء: يمه شوي شوي على روحج عن تتعورين !!(ويقاطعهم عواد)
عواد: يقول الشاعر ..
وفاء: شنو يقول؟اللهم ياكافي!!(احمد دخل البيت وهي تمت واقفة عند الباب ..مب رايمة تتجرك وفيصل وراها)
عواد: يجيني طيفك يعدل مزاجي ..وانا طبعي مثل طبعك مزاجي ..
احمد يضحك ويردد ويا وفاء: مزاجي!! (وسلم عليهم)
عواد: اذا اصحى ولا القاك عندي ...يهيم الشوق ويكدر مزاجي...
احمد ووفاء: مزاجي!!!
عواد: ماقصر المرحوم سالم الجمري على هالقصيد!!!
احمد: حوووووووووووه!! لاحول ولاقوة الا بالله!!علي الكعبي يالتعبان !!
عواد: والله؟.وانا شدراني؟(والجود تضحك عليهم ..طلعت هي وفيصل)
احمد ويأشر صوب الباب: منو هذي اخت دانا؟
وفاء تضحك: حسبي الله على ابليس !!شفيكم؟هذي الجود بنت عمك سالم!!
احمد مستغرب: اوووه!!اوووه!! بلاها جذيه شرا الاجانب؟ وليش ياية؟
عواد يضحك: سير فججها يالمهيندي !!(ويقلد امه)يمه ياحمود هذي بنت عمك الجود !!ابوها وامها مسافرين امريكا عند عبادي ورشود..وخلوها عندنا امانة لين يرجعون ..وحط في بالك !!(ويأشر بصبعه بتوعد وتهديد) لاتلعوزها !!هذي بنت حساسة !!والعثرة الجبيرة انه امك مسمتنها دلع!!(احمد ميت من الضحك)
احمد: انزين !!لين متى بتم؟
وفاء: ويدي؟بتحوشها؟ امبيييييييييه !! نسيتني!!وين يدتك؟(احمد ضرب ايده على راسه)
احمد يشهق: نسيتها في الموتر راقدة!!(ضحك عواد بصوت عالي ويربع احمد برع وكانت الجامة ويافيصل يالسين على الدجة وياكلون تشيتوز ويطالعونه مستغربين)
الجود: فيصل؟ هذا منو؟
فيصل: امبييييه!!ماتعرفينه؟هذا عمي احمد اخو بابا!! وايد يحبني هو وعمي عواد!!!
الجود مستغربة ومستانسة فنفس الوقت: ولد عمي؟
فيصل: ولد عمج؟جود؟انتي شو اسمج الصدقي؟
الجود تضحك: اثمي الجود ثالم ..ومعناته الكرم ..يعني كريمة فديتني ..(وتاكل شيبس)تراك تزجر اميه الجود بهالاسم!!
فيصل: هيه!!وتحّرج يوم اقول لها يدوه الجود!!
الجود تضحك: لازم!!تعرف؟ازجرني الجامة !ويالله ثير ناد عواد واللي يبا يلعب يالله (احمد وينزل يدته)
احمد يبتسم: سامحيني يدوه !!من الغلبة نسيتج!!(وتوخي تظهر عصاة احمد مال الرزفة اللي كانت حذالها وتضربه بها)
اليدة الجود: يامسود الويه !!تنسى يدتك؟ خلني اجر الدعنة وانا بروايك يالمهاروم!!
(احمد يضحك ودشوا الجاراج وتركض الجود وتبوسها على راسها)
الجود: امييييييه العودة !! حبيبتي!!!
اليدة واتطالعها: احمدوه؟ بنت منو هذي؟ لا يكون اخت دانوه؟
احمد يضحك: لا اميه هذي بنت عمي!!
اليدة اتدقق فيها: الجود؟ وااايه فديتج !!وانا اقول محد يزجرني بهالاسم غيرج !!ولا كنت ناحرتنهم!!
الجود تبتسم وتحط ايدها على خاصرتها محتجة: توة الناث !!مالي خث !!انا زعلانة !!ابا بوثة على خدي بثرعة!!!
(واحمد يتقرب منها ) اليدة: حوووووه!!بلاك بسم الله؟
احمد: والله هي قالت انها زعلانة وتبا بوسة !!وقلت فخاطرية ليش تتعنين؟ انا بعطيها!! (احمر ويه الجود)
اليدة: انف عليك يالرغيد!!! طوف جدامي عند امك!!!
الجود: احمد؟ (التفت صوبها)
احمد: نعم؟ تراني اتمصخر وياج (ويمسح على شعرها جنها ياهل)
الجود معصبة: انا هب ياهل !!انا عمري ثبع تعشر ثنة ونث!!
احمد: اسف!!اسف!! اعذرينا يا ثبع تعشر ثنة ونث!!! هههههههههههههه
الجود: انزين ولد عمي؟ ممكن تلعب ويانا شوط واحد؟
اليدة محتجة: وابويه !!شو يلعب؟
الجود: كرة ثلة ..احين اخوانك بينزلون عشان خاطري؟
احمد: ما اقدر !!توني ياي من قطر ومنهد حيلي مرة ثانية!!(طالعته بنظرة غرور وسارت جدا يدتها)مغرورة!!هذي شو مشكلتها؟
(كانت حاطة في بالها انه احمد مابيرفض لها طلب لانه مبين انه طيب وسمح الويه)
اليدة: غربلج الله تلعبين وياعيال عمج؟اهبي!!
الجود: وانتي؟ نثيتي شكل بنت ولدج؟ ها؟
اليدة: ياكبرج !!يلسيني عالكرسي بطالع شوط على قولتج!!
الجود وتبوسها: يطول لي بعمرج ياحلوة!! شو قطر؟
اليدة: حلوة وزينة والجو غاوي !!لكن في الطيارة غربلهم الله كله هنود!! وصنانة عوذبالله!!غرشة اللوشن خلصناها من كثر مانرشرش !!
(الجود تضحك ويت وفاء)
وفاء: حمدلله عالسلامة يايمة.؟تستاهلين السلامة !!
اليدة: الله يسلمج ياامايا !!شفتي ولدج المهاروم مساني في الموتر؟ (الجود تضحك بصوت عالي)
وفاء: انا اوريج فيه الهرم!! يمة؟ مابتروحين ترتاحين داخل؟
اليدة: بنشوف شوط!!
(عواد ياي هو وفهد وسهيل وحمد وراشد ولابسين بناطلين وفوانيل ومتحمسين)
عواد: اووووووووه!!اوووه!! يدوه هني؟يامرحبا ويامسهلا (وساروا سلموا عليها)
اليدة: اندوكم انتوا!!! وصلوا وصلوا !! وصلوا الاجانب!!!
عواد: ها الجامة؟ منو في فريقج؟
فيصل: انا في فريق الجامة!!
الجامة بدلع: راشد؟ ثهيل؟
وفاء: شوفي الدلع كيف يعمي بصيرتهم!!
عواد: ان كيدكن لعظيم!!
راشد: وياج!!
سهيل: تم بالح!!!
عواد: بنلعب كرة ثلة!!هههههههههههه
الجود: ماعليه!!
فهد: عليهم!!(وترفع الجود جينزها وتطلع ريولها شوي)
حمد: بتخبل!!
اليدة: خبلك ابليس!! نزلي سروالج!! (وهم يضحكون)
الجود: ماقدر ياحلوة !!اخاف ادوثه واتخرطف واطيح!!!
فيصل: منو بيفر الكرة في النص؟
اليدة: انا بفرها!! (ويضحكون كلهم)
الجود: ماعنثرج !!اخاف الا ندفرج!!
اليدة وتقوم: اروم!! هاتي الجبة!! (ورحيل واقفة ورا وفاء)
الجود: لا اميه !!يلثي !!رحيل امايا؟ تعالي فري الكرة في النص !!
رحيل: زين امايا!!
(وتاخذ عنهم الكرة وقفت فنص الحوي ..عواد وراشد مجابلين بعض ..وتفر رحيل الكرة فوق وتسير مكانها وتطالعهمولعبوا شوطين وبعدهم متعادلين 66 ل 66 وكان اللاعب المحترف هو راشد لانه اطولهم ويفرون على بعض ..كانت جامة بعيد عن الهدف ..جان تفر الكرة على سهيل وهو حليله بكل قوته فر الكرة ويسمعون صوت دريشة تتكسر)
وفاء حطت ايدها على قلبها : يمة!!!! اخترعت!!!
راشد: ياثور!!فر الكرة على السلة هب درشتنا!!
(وزاغوا كلهم ويطالعون المكان المكسور وعلى طول وقفت الجود ورا راشد ماسكة فانيلته زايغة ..ويوايج احمد من دريشته معصب وويهه احمر)
احمد يزاعج: لابارك الله فيكم!!! منو هالرغيد اللي كاسر جامة حمامي؟؟
عواد يزيد الطين بلة: سهيل كسرها !!(واليدة تضحك)
احمد يصارخ: سهول ويهد!! جيه تتحرى ال goal هو دريشة حمامي ياتيس؟
فهد: هاهاهاهاي عصبوا عليه!!
سهيل يستعبط: وانا شدراني؟ قول الحمدلله انه مايت على راسك!!(ويتضحكون كلهم عليه)
احمد معصب: هيه اضحكوا ..جيه مسوين عرض؟ نادوا الخدامات خلهم ينظفون !!طيرتوا الرقاد من عيني!!!
حمد بصوت واطي: الا مرارته انفجرت من الزياغ!!
(ويضحكون كلهم على كلام حمد وتدخل دانا من باب الجاراج)
دانا: مرهبا!!
الجود: هلا والله!!
دانا: ليش كلكم برا؟ what happen?
سهيلur cousin played with us basket ,then without purpose i……i…..
دانا:I ? I what?
اليدة تقاطعهم: فر الجبة على دريشة حمام احمدوه وكسرها!!
دانا h my god!! Somebody is hurt?
عواد: عاشت يدوه ترطن انجليزي!! ( ويضحكون)
اليدة: اعنبوا تتحراني ما افتهم؟ هو اللي ما يعرف يجاوبها قابض لها آآي!!! و آآآآآي!!!
وفاء: يالله يمه دخلوا داخل ..احين بيي ابوكم وبننجب العشاء ..
الجود: ثامحوني انا ماكلة ويا فيثل لين قلت بث!!
وفاء تصاصر الجود: دلع يمه ..دام الجميع وصلوا ترا عندنا تقليد على الغدا نتيمع كلنا كبار وصغار كل يوم ..وبيزعل بوحمدان اذا ما شافج !!انتي من وصلتي ولا جد مرة كلتي ويانا ...
الجود: خالوه؟ انا ما احب اثقل عليكم !!ومن غير تشوفين؟(وتراويهم التقويم) حاطة تقويم واكلي خفيف !!المهم حبيبتي تثبحين على خير ..بروح غرفتي اتثبح!!
وفاء: مشكورة..
الجود: على شو؟
وفاء: من زمان ماتيمعوا ولا لعبوا جذيه!!!
الجود تبتسم: العفو!! (وتوها بتروح بس ردت) خالوه؟ انا لازم باجر اثير عند الدكتور الاثنان حق تقويمي !!
وفاء: انتي تامريني امر حبيبتي بس الساعة جم؟
الجود: على الثاعة 11 بث انا ابا من هني !!ماروم اثير لين دبي !! (ويطلع لهم حمد فجأة)
حمد: انا بوديها!!
الجود: بسم الله!!
وفاء: خرعتنا!! يمه باجر عندنا عرس بتودينا في الليل ..ومو عليك معهد باجر؟ مو كفاية عندك دور ثاني؟
حمد: عادي اول حصة!!
وفاء: لا اول حصة ولا اخر حصة !!ان ما حضرت لأسحب عنك الموتر !! وانته تعرف ابوك!!
الجود: خالوه؟ انا بروح غرفتي وباجر الثبح بكون جاهزة!!
دانا: جود؟ after dinner can I step to your room?
الجود:you're welcome anytime
دانا: رفيئة يت ولا لأ؟
وفاء: لا يا يمة ما يت!!
(وروحت الجود ويوم ركبت الدري وفطريجها لغرفتها تشوف حجرة احمد والشباب مبطلة وتسمع المكينة اللي تخم وهو يتحرطم ..دشت غرفتها وسوت حق امها ما ردت عليها ..وسوت حق ابوها وبعد ما رد يمكن رقود لاختلاف الاوقات وبعد نص ساعة تسمع حد يدق الباب )
دانا: ادخل؟
الجود: ادخلي!!ادخلي!!
دانا: why didn't you have dinner with us?
الجود: I ate with faithal cheetoth (ويسمعون حد يدق الباب)
رفيعة: ممكن ادخل؟
الجود: اتفضلي قريب!!
رفيعة: زاد فضلج الغالية !! (ويلست وياهم وسولفت شوي ..)
دانا: do you remember رفيئة last week what happen?..
رفيعة: شو؟ شو استوا الاسبوع اللي طاف؟
دانا تضحك: I was knocking her door !! and when I ask her open the door!!
رفيعة: هيه!!! هههههههههههه شو اسوي اهتم بعمري!!
دانا: اقول لها افتهي الباب اتقول لي لاهية لاهية وصوت الموسيقى ينسمع !!!
الجود: جيه بلاها؟ شو تثوي؟
دانا: الحرمة ترقص!!
رفيعة: شو اسوي اخفف وزني (وبعدها)
دانا: what happen today?
الجود: I was bored so I bought a ball to play with them basket ball until your husband and have broken ahmad's window(وتضحك)
رفيعة بلهفة: احمد؟ بلاه احمد؟
الجود: بقاطعج فكلامج انا فحياتي ماشفت عيال عمي وانثدمت انه احمد هو اللي في الفيديوكليب
رفيعة بلؤم: هاااااا؟ حطيتي عينج عليه؟ من اولها؟
الجود تبتسم: لا حبيبتي ماحطيت عيني عليه!!
رفيعة تغير الموضوع: تراه بعد يومين عمليتي !!
الجود: خير؟
دانا: بتسوي plastic surgery!!
الجود: شو ؟ليش؟
رفيعة مستانسة: عملية حق خشمي واكبر شفايفي !!
الجود: الله واكبر !!بتغيرين خلقة ربج؟
رفيعة: خلق الله يسوون ولا عاد الفنانات الخبايل !!كل وحدة قالت بتخوز العظمة اللي فخشمها لانها اتأثر على صوتها !! عطوني اعظام خشومكم وارحموني!!
(دانا والجود طالعوا بعض وضحكوا بصوت عالي )
الجود: احم!!! انزين وريلج؟
رفيعة: اول شي ما رضا !!وبالحيلة رضا !! والله اني ادور على العظمة بس عسب يطول خشمي !!(ويصيح تيلفون رفيعة ) هلا والله شحالك حبيبي؟ انا بخير في البيت .. ( الجود اتطالع دانا ..ويسمعون صوت تيلفون ثاني وتيلس عالكرفاية وتتكلم بدلع) هممم؟ سعيد؟ لحظة فديتك عندي خط ثاني !!(وطلعت تيلفونها الثاني والجود مستغربة من اللي تشوفه) ها حمداني؟ شو؟ خلاص اوكيه فديتك ..باجر بشوفك ولا يهمك فمان الله (وردت على سعيد اللي تكلمه)
الجود: انا احلم؟
دانا: لا ما تهلمين!! This is reality
الجود: betrayer?
داناfcourse she is careless about this situation
الجود: I can't imagine what happen
دانا: هذا الوضع من زمان مو الهينة !!
الجود: and her husband?
دانا: he works in the army and in holidays returns home
الجود: nobody notice?
دانا:she flirts everyone but she has a crush on one !!
الجود: who?
دانا:you'll discover it soon !! ( والفضول بيذبحها كيف تخون ريلها؟ وليش؟ ومن بندت عن سعيد)
رفيعة: اكيد خبرتج ام الخراريف كل شي!!
دانا: انا ام الخراريف؟ الله يسامهج!!
الجود: فهميني لو ماعندج مانع!!
دانا: yes فهميها!!
رفيعة: غناتي؟ انتي تتوقعين كل حرمة معرسة مخلصة؟ لا!! انا الصراحة اتم بالايام روحي وريلي محد هب ويايه وفيصل عند الخدامة ..عندي كل شي فايدي بيزات!!ريال!! موبايلات!!وحتة حمدان مايدري عن الموبايلات..هو دوم لاهي ما بجذب!! من يحصل فرصة ما يقصر فية!! بس احس خلاص!!مايملي عيني الا المغامرات الشبابية ..(شفتوا كيف نظرة رفيعة للمجتمع تتحرى هي النظيفة والباجي لوث مع انه العكس صحيح)
الجود: بث هذي يثمونها خيانة!!!
رفيعة: شو خيانة؟انا رقدت ويا حد؟ لا!! بس تسلية اكلمهم ..اشوفهم من بعيد بس!! واذا محتاية مثلا يصرفون علية!!
الجود: شوه ؟ كيف؟
رفيعة: مثلا افصل عباة ..اطرش حبيبي واقول له يدفع عنها ..او اي شي فخاطري كله اييني بالسياسة والكلام الحلو !!
الجود: الله واكبر !!وانتي مرتاحة جذيه؟
رفيعة: اكيد مرتاحة ..لانه في حد يكلمني ويحبني !!
الجود: وريلج مول ما لاحظ انه عندج تيلفون ثاني؟
رفيعة: هو شدراه؟انا اخشه فكبتي اللي فيه كله ذهب واقفل عليهن!!ا
الجود: عليهن؟
رفيعة: عندي كم من موبايل تبين واحد بعطيج!!
الجود: لالالالالالالالالالا !!مابا انا عندي واحد ويكفي !! (ورفيعة تغمز للجود)
رفيعة: وانتي ياللبنانية ماعندج بوي فريند؟
الجود: لا طبعا !!
رفيعة: على هذا كله؟ وبعد ما عندج؟ (ورفيعة هب مصدقة)
الجود: والله ماعندي !!
رفيعة: خلاص انا بعرفج!!
الجود: مشكورة هب محتاية!!
رفيعة: طبعا هب محتاية يوم عندج 7 شباب في البيت ( الجود عصبت)
دانا:come on you don't have manners? Don't talk to her like this !!
رفيعة: اقول الجود؟ اتمنى يكون هذا السر من بيننا ..واذا كشفتيه محد بيصدقج !!اوكي؟ وانتي!! اييييه الامريكية!! مب ياية تعلميني دروس في الادب والاخلاق!!بروح اكلم حبيبي يالغيارة!!
(وروحت لغرفتها وحست الجود فخاطرها تعفد على رفيعة وتضربها)
دانا:she's always like this ,but when she doesn't have someone to hear her she comes to me
الجود: ثامحيني دانا على الثؤال !!but do although have a boyfriend?
دانا تضحك: ofcourse I have !! ( والجود زاغت)
الجود: are you serious?
دانا: ofcourse I am, سهيل هبيبي وهياتي and my handsome boyfriend
(ويضحكن اثنيناتهن وروحت عنها دانا ..لبست بجامتها ويلست تذكر كيف كانت امها تيها في الليل قبل ما ترقد وتطلب منها تقرا آية الكرسي والمعوذات ومن غير ابوها اللي مايرفض لها طلب وتفكر بعد ف سلامة وفاطمة وطرشت لهم مسجات ..وهي ماخبرتهم عن مسعود والبلوى اللي استوتوبعدين نامت ..نشت على الساعة 4:30 يوعانة وعطشانة وصدت فآخر الغرفة رحيل راقدة ومتلحفة بالكامل ..لفت شعرها وتبطل..)
الجود: الله يغربل القباضة !!التعني !!وانته !!(تقصد شعرها) تم مبطل محد بيلفك !!ولكن ان ما انلفيت مرة ثانية !! بقثك!! والله بقثك!! بنشوف عقب يا انا يا انته !!(وكانت معصبة انه شعرها ما ينلف ..بدلت ولبست بجامة يهال بنطلون وفانيلة نزلت عين مبطلة وعين مبندة كانت يوعانة وبعد فيها رقاد تبا تلحق على الحلم عن يطير عنها.. سمعت صوت الاذان ) الله واكبر الاعظم...
(بطلت الثلاجة خذت لبن بتشربه وتسمع عمها علي يدق على الشباب ..)
علي: يالله قوموا !!اقم صلاتك قبل مماتك !!يالله عالمسيد بيقيم الصلاة !!(وتسمع عيال عمها الا واحد يتأفف ..واللي يقول ثواني ..واللي يقول ان شاء الله ويطنش) قـــــوموا!! (ونزل تحت ويشوف ليت المطبخ مبطل) منو هناك؟
الجود: انا!! انا!!!
علي: بسم الله !! شو موعنج من الفيّر؟
الجود: نشيت يوعانة !!قلت بنزل باكل لي شي!!
علي: ماشاء الله على شعرج مربتنه !!جيه البنات !!الله الله عليهن!!فديتها بنت اخويه!!!
الجود: فديتك انته!!
علي: انتي بنتنا وامانة بعد..كلي وسيري صلي !!
الجود: ان شاء الله (سار عنها المسيد وهي حطت راسها على الطاولة ورقدت بدون ما تحس )
عواد: يقول الشاعر !!
حمد: ياخي بعدين !!الشاعر راقد هالوقت!! وعها!!
عواد: زين!! جامة؟ جامة؟
احمد: منو الجامة؟
عواد: هي ينادونها الجامة!!
احمد: هييييييه عسبت جذيه كسرتوا جامة حمامي يالهروم!!
فهد: حرام عليكم !!جود؟ جود؟ قومي!!
راشد: شفت شعرها مطوله؟ اول مرة اشوف وحدة شعرها طويل جذيه !!شكلها عراقية لكنها اغوا!!
سهيل: قول ما شاء الله!!
عواد: ليش ما تنش؟ نومها ثقيل!!
سهيل: انا بروح ارقد !!وعوا سنووايت يالاقزام السبعة !!
عواد: احمدان انته وعها !!هزها بايدك!!
احمد زايغ واحمر ويهه: شمعنى انا يا ريال؟ تبا تيني الصفعة؟
عواد: لا يا خوي !!انته رزيف ..عادي يعني اذا دقيت البنية !! يعني في الفيديو كليب مادقيت البنية؟ يوم كانت تدلع؟
احمد: تمثيل!! يسمونه تمثيل هب صدق!! (وتسمع حشرتهم ..بطلت عينها وقامت مفزوعة)
الجود: بثم الله الرحمن الرحيم !!بلاكم؟ ابويه او اميه اثتوا فيهم شي؟
احمد: هّيدي !!هّيدي !!انتي اللي فيج شي !!
الجود: انا؟ (واتطالعهم وعيونهم كلهم اثارة ..عايبتنهم انها زايغة)
احمد: شفنا ليت المطبخ مبطل ..ويوم يينا لقيناج !!
عواد: يقول الشاعر ...
حمد: لايقول ولا شياته !!قلنا لك راقد !!طوفوا يوم قامت خلاص !!(روحوا الشباب وبقى عواد واحمد)
عواد: اظني يا احمدان ..بنت عمنا عيبتها رقدة المطابخ شرا القطاو !!
احمد: هي والله غدت قطو مطابخ !!
الجود: ههه مايضحك ثخيفين!!
احمد: ثخيفين ولا نحيفين؟ (ويضحك عواد)
الجود: جاب!!جاب!! (طالعته بنظرة احتقار وروحت عنهم)
احمد: بلاها جيه مغرورة؟
عواد: هذا هو اول الحب!!
احمد: اي حب؟ اي خرابيط !! انا احبها هذي؟ هذي الا ياهل !!
عواد: كل ياهل يكبر!!
احمد: يوم بحط عيني على وحدة ..اباها كاملة الاوصاف !!
عواد: موووول امممممرة !!بتحصلها على طول ..كل انسان وله عيوبه يا احمدان !!دان دان!!
احمد: اقول؟ انطم وخلنا نسير نرقد!!
عواد: انطم ولا اسكت؟ هههههههه (ويدزه احمد ...)
(وعلى الصبح الساعة 10 اتسبحت وغسلت شعرها ونشفته لفته ونزلت قصتها على ينب وكم من خصلة ..لبست بنطلون جينزل طويل ووسيع وركبت الحزام الذهبي العريض عليه ولبست فانيلة تركواز سادة ويد طويلة وبعد لبست حيول ذهبية وتركواز وخطت جحال داخل عينها وشلت موبايلها وبكها وحطتهم في مخباها ونزلت)
وفاء:هلا !! مرحبا يا صباح الخير!!(وباستها على راسها)
الجود: صباح النور والفل والياسمين والدهن العود!!
وفاء: تعالي يمة تريجي وياي ..كلهم راحوا الشغل ..
لجود: عيل منو بيوديني العيادة؟
وفاء: يا احمد او راشد !!
الجود: هم نشوا؟
وفاء: بعدهم نايمين ..تعبوني هذي سادس مرة اوعيهم !!روحي شوفيهم!!
الجود: بثير اطالعهم ..بث هم ماعندهم شغلة؟
وفاء: يمة حمد في المعهد ..وعواد عيوني راح المطار ..وفهد ويا عمج..سهيل وحمدان في الجيش...اممممم.. اييه راشد في التقنية واحمد يشتغل في بنك بوظبي مع دانا ..بس هو ماخذ اجازة شهرين يبي يرتاح .لانه كان عنده حفلة في قطر ويالفرقة الحربية ...
الجود متشججة: خالوه وايد حلو في الفيديو كليب اللي كان فيه !!اتخيلي انا وربيعاتي كل ما نشوفه نتخبل!! بث في الفيديو كليب شي ..والواقع شي ثاني !!
وفاء تغمز لها: عجبج؟
الجود: تمثيله في الفيديوكليب بث!! اقول؟ بروح اوعيهم !!
وفاء: ايييه يمه روحي!! (وسارت دقت الباب محد رد)
الجود: اتثتروا يا رياييل الجود بتدخل!! (ولا كأنه قالت شي ..هم في تاسع نومة ..دشت حمامهم ..غسلت ايدها بماي بارد ..احمد متلحف بالكامل وراشد عاج اللحاف وشعره مكشش وراقد ومبطل حلجه ..ضحكت الجود وبعدين قالت) احمدان؟ قوم عاد!!
احمد: منو انتي؟ بلاج؟
الجود: انا جامة قوم!!(ويتحرك)
احمد: شو تبين؟
الجود: حد منكم يوديني دكتور الاثنان !!
احمد: رشود خاه يوديج دخيل الله ابا ارقد !!(سارت عند راشد)
الجود: راشد؟ راشد؟ قوم عاد!! (ولاحد معبرنها ..سارت فجت اللحاف عن احمد ..زاغت) بثم الله الرحم الحيم!! (طلعت ريله ههههه طلع احمد راقد العكس ..وفجت اللحاف من الجهة الثانية ..كان صاد هب مجابلنها وبإيدها الخرسانة مسحت على ويهه وراحت مسحت على ويه راشد ..قام احمد معصب وراشد اخسين..)
راشد: شو سويتي!!!
الجود: هذا دواكم انتوا مب رايمين تقومون تودوني؟
احمد مفول: ياللي بيوديج !!اعنبوج ياي من السفر قدري حالتي !!لو تطيرين وتحلين ماوديتج!!
الجود: قلعتك!! بتذلني على ثيرة؟لاتكلمني!! (وطلعت وهي معصبة)
احمد: جهنم!! فحياتي محد طلعني عن طوري !!تي هالياهل تلعب بأعصابي!!
راشد: انا بقوم بوديها !!حرام هذي بنت عمنا !!(سار الحمام ونزلت وهي تتحرطم)
الجود تكلم عمرها: مادري على شو خجاج؟ كدر مزاجي!! الله يغربل هالكلمة ان شاء الله!!
وفاء: يمة شفيج تتحرطمين؟
الجود: لاخالوه مافية شي (طلعت وفاء من شنطتها فلوس وتعطيها وترد الجود لها الفلوس) اثمحي لي خالوه بردج هالمرة انا ثح اهلي خثروا فلوثهم لكن هب محتاية ..انا وبكل ثراحة ابويه عاطني 2100 كلهن عندي ..صح اني مثرفة لكن انتي عالعين والراث ..واهلي الله يطول بعمارهم (وملامحها جدية) موجودين .ويوم ماعندهم بثبر..
وفاء: تردين خالوتج؟ (والجود تغير السالفة)
الجود: حبيبتي انتي ياحلوة !!(وباست وفاء على راسها ..وينزل راشد)
وفاء: صباح الخير ياعيوني تريج يمة !! (لابس كندورة بيج ومسوي شعره سبايكي)
راشد:لا اميه مابا ..يالله جامة قومي!!
الجود: لوكي!!
وفاء: عفية يمه لاتسوق بالحيل ..(وفاء تغمز لراشد تباه)
راشد: إإإه ان شاء الله ..سيري الموتر وانا ياينج !!
الجود: انزين (وروحت)
وفاء: عفية يمة هذي فلوس ..هي مارضت تاخذهم مني .. من تنزلها تقدر ترد عليها ؟
راشد: بشوف على حسب ظروفي !!
وفاء: خلاص يمة واتحمل عليها امانة هذي!!
راشد : ان شاء الله (خذ عنها الفلوس وروح ..ركب الموتر وصد ورا حصلها )جيه امايا؟ يلسي جدام !! (ركبت جدام وهي تضحك)
الجود: اخاف لانه الشيطان ثالثنا !!
راشد يضحك: الا عاد انتي!! من يدري انج موجودة بيشرد وبدون رجعة !!
الجود تضحك: لهالدرجة اخوف؟
راشد: الله واكبر منج!! اللي بيطيح فلسانج هذي امه داعية عليه!! (ويضحكون)
الجود: اي عيادة بتوديني؟
راشد: عيادة الدكتور سليمان هذا اتعالج عنده ..اذا سألج اي شي قوليله عن اسمي وهو بيتصرف
الجود تبتسم: قثدك معاملة الفي اي بي؟
راشد: هيه (وبعد نص ساعة وصلوا وبتنزل) حوووه!! صبري !!عطيني رقمج !!
الجود: انزين !!(وعطته وسايفت رقمه) باي!!
راشد: ردي !!
الجود: لاحول!! شو بعد؟ (ويمد ايده ويعطيها الفلوس )
راشد: هذي بيزات من اميه !!(وهي ماطاعت تمد ايدها)
الجود: آثفة !!ثامحني ما اقدر يالله باي !!اوووه راشد ؟ عن انثى !!احين بيرد الشيطان وبتثتوون اثنينه عثب يونثك!!
(ويضحك ..سارت العيادة وكانت زحمة واتصلت بها وفاء ..)
الجود: ها خالوه؟ بعدني اتريا دوري !!باجي وحدة وبدش ..خلاث عيل فمان الله
(ووصل دورها والدكتور يسوي شغله كملت ساعة ونص واييها رقم غريب بس ماردت ..والمشكلة انه كم من ودية وماطاعت ترد ..وتتصل وفاء لها)
الجود: الو؟ هاحبيبتي ..شو؟ انزين مادري انه متصل محد علمني !!وانا اصلا ما ارد على ارقام غريبة !!انزين خلوه عفية!!كملي يزاج انتي رمسيه وقولي له انا الحين بنزل ..لانه ماعندي رصيد اتصل به ..
(بندت عنها وحاسبت الدكتور ونزلت الصيدلية خذت بروفين وتوها بتطلع من الصيدلية انه احمد فويهها ..هي فجت عينها عالاخر كان لابس كندورة سوداء ومتعصم عصامة هل العين على ينب وشعره يبين ..وكانت ملامحه جدية وشكله من وعته الجود مانام .. بطلت الباب وهي متخبلة )
احمد: جيه ماتردين يوم اتصل؟ (وحطت ايدها على خصرها)
الجود: انا اصلا ما ارد على ارقام غريبة !!
احمد: وانا هب غريب عسب ماتردين !!اقول؟ طوفي مادام النفس راضية عليج!!
الجود: لاوالله؟ خوفتني!! اي نفس؟ وأي راضية؟ انته كلك ماتهمني !!
احمد: يعني اروح واخليج؟
الجود: يالله جان تروم!!
احمد فخاطره: آآي بتذبحني البنية !!والله فخاطري أيودها من رقبتها !!لكن جمالها خطير الملعونة غاوية!!
احمد: طوفي !! طوفي!! (ركبت الموتر ورا) ردينا؟ جيه انا دريولج؟
الجود: لا مب زين ترا الشيطان ثالثنا !!
احمد: خلج يالمطوعة !! اي بنية شراتج بتعفد جدام!!
الجود: اي بنية !! هب الجود سالم!! حط هذا الكلام فراسك!!
(احمد يطالعها من المنظرة ومعصب من كلامها ..وهي من النوع مول ماتحب السرعة ..ومسكت السيت اللي جدامها )
الجود: ها؟ ها؟ هيد تبا تروحنا؟ بعدهم اهلي يبوني !!
احمد: كيفي الموتر موتري !!وانتي شعليج؟
(حست بغيظ فظيع منه ومن غير الالم اللي فضروسها)(
الجود فخاطرها:اتمنن علية؟ بطوفها السالفة على خير لكن ان زدت والله ما بسكت !!ولساني متبري مني!!
(سكتت عنه وهو طول الوقت حاط اغنية تواعدني ويرد يعيدها من تخلص)
الجود: شكلك كل ما تواعد حبيبتك ماتي!!
احمد معصب: وانتي وشلج؟ الا اغنية نسمعها حرام؟(احمر ويهها شكلها ضربت عالوتر الحساس ..يعني اول معلومة احمد يحب وحدة ومن غير كل ما يواعدها فمكان ماتي ..)
الجود فخاطرها:الله يغربلني بس يوم فكرت ارمسه !!زين تسوي فيك وماتي !!جهنم!!
(كل ما تتكلم يسكتها بكلامه ..ووصل في مكان مب بيتهم وصد صوبها)
احمد: انا بنزل عندي شغلة فشركة الانتاج وبيي(ولاحظ انه ويهها محمر بعده ..كأنه بتلبج ضو) إإإإإإه اقول؟ انزلي خذي لج بارد لين ارد
(نزل وروح عنها وهي تتحرطم عليه ..وتسبه لين قررت انها تنزل تبا تطالع شو هي شركة الانتاج..نزلت وخلت الموتر مبطل ..يوم توها بتدخل )
الامن: excuse me miss?
الجود: my brother ahmad entered the building ..
الامن:are you working here?
الجود: no!! I'm his sister !!can I enter?
الامن: ok. But not in my responsibility
الجود: اقولك؟ go to hell (يلست تسبه لانها عطته وايد ويه وهو كان بس يلعوزها)
(روحت عنه وركبت المصعد ماعرفت اي طابق )
اجود: يالله خلنا نجرب الطابق الاول !!بسم الله!!
(ومن انفج الباب كله عيادات ..ردت ركبت ووصلت الطابق الثاني وجربت لين الطابق السابع ومول ما يأست وطلعت من الطابق السابع ..اتطالع المكان شكله مثل شركة ..طلعت شركة خاصة للمواد الغذائية ..يوم سارت تبا تلحق عاللفت بس بند ويلست اتدقه..وتحس شي لزج لاصق فنعالها ..لانه صعب انها تحرك ريلها اليمين..)
الجود: وععععععععععععععع لبان!!!(وسوت اكبر غلط يلست تمسح بريلها على باب اللفت عسب تلصق اللبانة في اللفت ..وشافت انه اللفت بيتبطل على طول رفعت ريلها بس اختل توازنها ) وااااي!! واااي!! (وتبطل اللفت بس الله راواها جد قالها تخيس المكان باللبانة ..طاحت على ركبتها .عاد وين؟ على عتبة الباب مال اللفت ) آآآآي ! يالله اتكسرت !! (وترفع راسها ..تشوف نعال منو فويهها ..وشافت بن صبيح استحت قامت ونزلت راسها وهو نزل راسه حليله مارام يقول شي عسب ما يحرجها )
الجود فخاطرها: ياحظي بن صبيح!! بن صبيح!! (الناس في حالة وهي في حالة ..بدال ماتشوف ركبتها الا مستانسة حدها على بن صبيح)
محمد: الشيخة اي طابق؟
الجود فخاطرها: ويييه وين اودي ويهي منه!! يافضيحتج يا جاموووه !!عاد احين بيتشمت جدام ربعه عليج!!
الجود: ابا اعرف اي طابق مال الاستوديو اللي يسجلون فيه اغاني؟
محمد:منتقلين مبنى يديد والله ماعرف !!بنجرب الثامن على الله نحصله!!
الجود: تراني من الطابق الاول لين السابع وماشي فايدة!!
محمد: الشيخة؟ انتي ياية تغنين؟ او عندج شغلة؟
الجود: لا انا ولد عمي خلاني في الموتر وقال عنده شغلة اسمه احمد ..هو وياكم في الحربية!!
(انحرجت واتغير ويهها لانها قالت كلام ماينقال) محمد: الرزيف احمد علي؟
الجود: هيه نعم بعينه!! (ويتبطل الطابق الثامن وبعد ماحصلوا شي )
محمد: والنعم !!والنعم وسبعة انعام!!
الجود: ينعم بحالك !! شكلنا مابنحصله !!( هو صد صوبها يبا يرد على كلامها وبدون قصد بدال مايدق الرقم دق الجرس مال الانذار ويسمعون الجرس ..وحست الجود قلبها بيطلع من الزياغ ..وتخاف وايد من الاماكن المغلقة ..على هالقوة اللي فيها من برع الا انها مثلها مثل غيرها ..عندها مخاوف ..تمسكت بالحديدة وطاح تيلفونها ونزلت عالارض تنتفض ..ومحمد ماعرف كيف يتصرف )
محمد: لاتخافين!! لاتخافين!!(وهي ماتشوف شي تحس انه الخوف مسيطر عليها ولابسنها ..ومحمد نزل لمستواها ) انزين؟ انتي شو اسمج؟
الجود: ها؟
محمد: شو اسمج؟
الجود بعصبية: الجود!! الجود!!
(وتخفض راسها لين ريلها وهو يكلمها وهي مطنشتنه ..تحس اخرتها قربت ..وبعد خمس دقايق انفج المصعد ..لكن في حدود 5 شباب عند المصعد مستغربين)
محمد: راشد؟ يوّد المصعد !!الجود؟ قومي تبطل المصعد!!انتي بخير!!
(ومسكها من ذراعها عسب تقوم والشباب عيونهم شرا الليزر عليها ..شل محمد تيلفونها وحطاه في مخباه عسب ما يختل توازنه وهي متساندة عليه وميتة من الخوف تحس الارض تدور بها ..ويلسها عالكرسي ..واحمد توة طلع من الغرفة وهي ما تتكلم)
احمد: الجود؟ الجود؟ بلاج؟
محمد: بند اللفت علينا وزاغت !!(ويسمعون حد من الشباب يقول ياحظك يا بن صبيح)
احمد: حد منكم اييب لها ماي !!شي بسرعة!! (وكان زايغ عليها) الجود؟ انتي بخير؟
الجود: انا؟
(ويناولها احمد الماي بس مارامت تمسكه )
احمد:هيه انتي!! (وبعدهم الشباب واقفين وطالعهم احمد بنظرة) اقول؟ ماشي شغل غير اتطالعوني انا وبنت عمي؟(وبعدهم مكانهم وهو كان نازل لمستواها وماسك الماي ..وفجأة بطريقة عفوية اتقربت من اذنيه تبا تصاصره وقالت بصوت مايسمعه الا هو )
الجود: ابا اسير الحمام..(وفجأة تتغير تعابير ويه احمد من الجدية للضحك وبطريقة حنونة قام ومسكها من ايدها )
احمد: تعالي !!(وسار وياها بعيد وهي ساكتة والعيون عليهم) هذوه دشي !!
(ودشت الحمام وخلصت شغلها ويوم ظهرت حصلت احمد يترياها )
الجود: اوووف انروح؟ (وهو يطالعها)
احمد يضحك: يالجبانة!!
الجود: دخيلك ما تخبر حد
احمد: زين!!زين!! وين مفتاح الموتر.؟
الجود: في الموتر
احمد يصارخ: شو؟ خليتي الموتر مبطل؟
الجود: انا ماعرف ابند الموتر
احمد: حسبي الله ونعم الوكيل !!طوفي جدامي (ويمشي مسرع وساحبنها وراه ووصلوا المصعد ..وتشوف بن صبيح يالس على نفس المكان اللي هي كانت يالسة ..وتبتسم ابتسامة شكر ..وهو رد لها بابتسامة..وتحس شي شادنها صوبه وتستوي فجأة الحشرة من بين الشباب والجود فلتت ايدها منه )
الجود: مابركب اللفت !!(ويدخلون الشباب الاستوديو)
احمد: غربلج الله بيسرقون موتري دشي بسرعة!!
(هو دش اللفت ويوم حاول يسحبها هي ردت على ورا)
الجود: مابا بنزل بالدري !!(بند المصعد ودورت على الدري ونزلت ..وتسمع حد ينزل وياها في الدري صدت فوق اتطالع منو... حصلت بن صبيح وابتسمت)
محمد: الجود؟ صبري!! (وقفت مكانها تترياه ينزل ..ومن وصل عندها )
الجود: نعم؟ (وهي فرحتها ما توسعها من نطق باسمها وطلع موبايلها من مخباه)
محمد: طاح موبايلج يوم كنتي يالسة عالارض (مدت ايدها تبا تاخذه هو ماطاع يعطيها .. كتب رقمه فتيلفونها )
الجود مستغربة: ليش؟
محمد: ممكن؟ (وابتسمت واتصل من تيلفونها لتيلفونه وعطاها موبايلها)
الجود: بعد شوه؟ بعد مافات الفوت؟
محمد: ماينفع الصوت !!(وضحكت وياه ..وعلى طول نزلت راسها)
الجود: يمكن ما ارد لوتتصل؟
محمد: كل شي جايز
الجود: انا بروح لانه احمد اكيد بيعصب علية انته توكل على الله!!
محمد: لا بوصلج!! (نزلت وياه وهم ساكتين ..كان مخلنها تمشي جدام ..كم من مرة حاول يكلمها بس حس انه لسانه منعقد ..نزلت وصدت صوبه وابتسموا لبعض من طابق لطابق لين وصلوا)
الجود: مشكور
محمد يتحنحن: احم!! العفو!! الشيخة... (وقف يطالعها لين حصلت احمد في الموتر وركبت)
احمد: توة الناس !! لا!! تمي هناك وسجلي اغاني وياهم؟ جبانة!!
الجود مستانسة: ان شاء الله فالك طيب بس عاد اباك تجولع جدامي عسب اغني!!
(وصل له مسج خلاه وايد يستانس وضحك على كلام الجود ..بس كلامها كان يغايظ )
الجود فخاطرها: ليش يعاملني جذيه؟ انا حتى لو ملسونة كلهم يعرفون اني اتمصخر ...آآي ياضروسي !!(ووصلها مسج من بن صبيح " الشيخة بدق لج على الساعة 4:15 بالضبط اترييني" استانست انه هو طرش لها مسج ومن وصلت البيت )
وفاء: يمة صيفتوا !!
احمد: صيفنا ولا شتينا؟ ههههههههه
وفاء: مليق !!ها يمة؟ شو سويتي؟ شو قالج الدكتور؟ (ويلسوا في الصالة)
الجود: عجوا تقويمي ذلفة ذلفته!!! شوفي آآآآآه !!
وفاء: ويييه الف مبروك !!افتكيتي منه !!الحين تقدرين تاكلين على راحتج !!
احمد فخاطره: اووووووووووه !!انا نسيت ليش مودنها !!(ويطالعون ضروسها)
الجود: خالوه؟ وين عمي علي ؟واميه العودة؟
وفاء: عمج علي يترياكم وامج الجود اتغدت من الساعة 12 ..صلت ونامت !! قوموا عالغدا!!
فيصل: انا بتغدا وياكم!!
ميري: انته في غدا بس !!(وتسحبه)
الجود وتسحبه من ايد ميري: تعال انا اباك شوية!!
احمد: بسير ابدل وبرد!! (وحطوا الغدا والبشكارة تطالع الجود بنظرة مكر)
وفاء: يمه الجود نادي عمج وعلى طريجج نادي العيال
الجود: ان شاء الله ..فيصل انته ايلس اترياني (واتطالع البشكارة من فوق لين تحت)
فيصل: زين (سارت الجود نادتهم ونزلت ماحصلت فيصل)
وفاء: اللي يبا دياي ييلس فوق ..واللي يبا سمج عالارض
الجود: خالوه وين فيصل؟
وفاء: خذته الخدامة قالت بتنيمه..(الجود سارت المطبخ)
الجود: رحيل؟ وين ميري وفيصل؟
رحيل: ماما داكل!!
(سارت حجرة الخدامة وحصلتها تضربه وتهزبه ..وعلى طول سارت الجود ومسكتها من جلابيتها)
الجود: شوفي عدل ياميري !!ان شفتج مرة ثانية ماسكة فيصل وتضربينه او تهزبينه !!ياويلج وسواد ليلج تعرفين كم عندنا رياييل؟ 9 يعني بيذبحونج من الضرب ان دروا !! (وميري تسوي عمرها متندمة)
ميري: كلاس ماما اكر مرة كلاس!!! (وتسوي عمرها تصيح والجود سحبت فيصل)
الجود: انا باخذ حقك بايدي واذا مب بايدي بريولي !!(وفيصل يضحك)
فيصل: زين تسوين فيها !!كسري راسها بعد
الجود: الا!!!
(وروحوا صالة الطعام ..حمد وفهد واحمد ووفاء ورفيعة وعلي يالسين عالارض ..وسهيل ودانا وعواد والجود وفيصل يلسوا فوق)
دانا: مبروك هبيبتي you took off your braces
الجود: الله يبارك فحياتج
فهد: آآآآآآآآآتشووووووووووه!!
احمد: وابويه زجام؟ بعيد!!بعيد!! بتعادينا!!
وفاء: يمة اليوم انتي غرفي لهم الغدا ..لاني افت لهم السمج!!
الجود: اوكي
عواد: مبروك مبروك مبروك عجيتي الخطام؟
علي: حشم ياولد !!ما ارضى تراني!!
عواد: ان شاء الله ..ان شاء اله
الجود: ماعليك منه عمي اصلا هو غيران مني!!
عواد: هي صدقتي غيران !! (ويضحكون ..وكانت عيون رفيعة على احمد ..واحمد شاهد على نظراتها ..احمر ويهه ونزل راسه ..غرفت لهم الجود ..)
علي: اميه اليوم بنروح دبي !!
الجود: الله!! كشخة!! بس ليش؟
علي: البيادير يتضاربون ..ومن غير ماعندهم مونة حق الهوش!!
الجود: لاحول!!منو خبرك انته؟.
علي: بشكارتكم رحيل !!اتقول مسوين لها تيلفون ومطفرينها !!
الجود وملامحها جدية: لابارك الله فيهم!! منو هالمرة متضارب؟
علي: يقولون سرقة!!
عواد:انا بروح وياكم احب هالسوالف!!
الجود: سرقة؟ ماعليه يصير خير انا براويهم شغل الله !!يتحروني روحت بوظبي وما اقدر ارد!!
(ويسمعون صوت ياهل يقول" رجب!! حوش صاحبك عني رجب!!" ويتصددون يطالعون منو هالياهل .. اتحروا فيصل يقول جذيه بس قامت الجود وطلعت موبايلها من مخباها وقامت مبتسمة من مكانها )
الجود: اسفة !!
عواد: وابويه انا!! شو بعد حوش؟ ورجب؟
حمد: عاشت هيفاء وهبي!!
فهد: رجب!! حوش!! حوش!! روغ !!روغ!!
علي معصب: انف عليكم منك له!! جاب وكلوا!!
الجود: مرحبا الساع يعلني ما خلا منك!! (وكلهم يطالعونها)
...........: شحالج جود؟
الجود: بخير الحمدلله .. شوف عاد!! انا زعلانة منك!! وحاطة فخاطرية بعد!!
سالم: الله!! هذا كله؟ ليش؟
الجود: سافرت ويا نداية الحب وخليت الحب مالك هنيه!!
عواد: طاعوا كيف تكلم ابوها !!وابويه عالدلع!!
سالم: شحالج؟ وشحال عمج وحرمته وعياله؟ واميه؟
الجود: كلهم بخير ما يقصرون فية!!(واتطالع احمد اللي يسوي عمره مشغول بالاكل) شحال رشود وعبادي؟
سالم: الحمدلله اسميه فاتج!! امج البارحة طابختلنا هذيجي فوقة الجاشع !!
الجود تشهق: وعععععع !! استغفر الله العظيم سامحني ياربي!! ليش فأمريكا عندهم جاشع؟ ( ويغص عمها علي وعواد يضحك)
سالم: امج محملتنه وياها في الشنطة ..ما قلتي لي شخبار الليتات اللي فضروسج؟
الجود: شو ليتات؟ ابويه اليوم وداني راشد الدكتور وعجيتهن ماروم استحملهن!!!
سالم: حرام!! خسارة !!ماشي اث اث (وثنيناتهم ضحكوا)
الجود: لا ماشي اث اث!! ابويه وينها اميه؟
سالم: انا برع ماتدري بي !! لوتدري بتجلب علينا البيت !!
الجود: فديتها نداية !!انا والله والله اتولهت عليكم وحتى انته يا بو صلعة!!
سالم: ماعليه!!! عيل مابخبرج شي بيخليج اتطيرين من الفرحة !!
الجود: والله؟ والله؟ شو؟
سالم: اول شي قولي وراي !! باباتي!!
الجود: باباتي
سالم: الحلو اللي فيه شعر فراسه!!
الجود: الحلو اللي فيه شعر فراسه؟مع انه مافيه يقص عليكم!!
سالم: وبنته الجميلة؟
الجود: بس انا اسمي الجود مب جميلة!!
سالم معصب:بتقولين ولا لأ؟
الجود: زين زين بياكلني !! وبنته الجميلة بلاها؟ (وخلق الله يسمعون)
سالم: حصلت على !!
الجود: حصلت على؟
سالم: نسبة 97% على مستوى المدرسة .......<<(مصرية مقطعة الكتب تقطيع خخخخخ)
الجود: نسبة 97% على مستوى المدرسة (وبعدين استرجعت كلامه) والله؟ والله؟ ابويه تتكلم جد؟ احلف؟ انا يبت 97% والله؟
سالم يضحك: مبروك ياغناتي خبرني واحد مسؤول انه بنتي الغالية يابت نسبة ترفع الراس لفوق!!
وفاء تيهيل: مبروك!! مبروك!! الف مبروك!!! (المشكلة انه وفاء تيهيل وايدها كله سمج وكل الشباب يباركون لها )
الجود: الله يبارك فحياتكم والله انه احلى يوم فحياتي!!
سالم:وينه عمج؟ عطيني اياه!! (سارت بتركب الدري)
وفاء: يمة؟ وين رايحة؟
الجود: بسير انادي عمي ابويه يباه!! (وكلهم يضحكون عليها)
وفاء: بسم الله عليج والادمي اللي حذالي منوه؟ شفيج تدودهتي؟(نزلت مرة ثانية)
الجود: والله من الغلبة!! قصدي من الفرحة!! (وعطته التيلفون وهو يكلم اخوه ..ردت الجود مكانها ..وتشوف فيصل يطالعها)
فيصل: نجحتي في الامتحانات؟
الجود بحماس: والله نجحت وافتكيت !!
علي: الجود بنتي؟ انتي قدمتي على مكان؟ ابوج يسأل !!
الجود: لابعدني !!
علي: زين !!زين !! هد اعصابك لا!!لا!! مب لهالدرجة ان شاء الله جود؟ تعالي ابوج يباج !! (ويهزبها عسب انه ماقدمت في مكان ..احمر ويهها)
الجود:ابويه انا ابا جامعة الامارات بقدم فيها!!
سالم: قدمي فأي مكان الا هالجامعة !! لا يعني لا!! منو عندج في العين ها؟
الجود: محد عندي في العين ..في سكن مال الجامعة!!
سالم: انتي تعرفين ظروفي ..ماعندي ولازم تستحملين يا بنتي وانا الريال بعدني ما شفته !!
(الجود فخاطرها تصيح من الغصة ..التخصص اللي تباه ..والحلم اللي تتمناه بيختفي ..بندت عنه بدون ما تناقشه شرا قبل ..يلست واتكالع صحنها )
علي: لاتحطين فخاطرج انا برمسه ..
الجود تبتسم: لاعمي خله !!هو يعرف مصلحتي اكثر عني!!
رفيعة وتزيد الطين بلة: انتي اي تخصص تبين تاخذينه؟ (واحم يسوي عمره مب مهتم فكلامهم)
الجود: طب عام!! (طلعت الكلمتين منها بالغصب)
رفيعة: وييييييه قطيعة !!مالقيتي غير هالتخصص؟ هذا 7 سنين يعني بتعنسين وانتي في الجامعة !!
(وكلهم يطالعون رفيعة وجرأتها)
وفاء: رفيعة؟ لاتزيدين عليها !! يمة ولا يهمج !!
الجود: الحمدلله (وتبتسم كاتمة دموعها بالغصب) الحمدلله على كل شي !! وانا راضية بكل شي يقوله ..
رفيعة: انا ما زدت عليها بس اقول لها انه اذا دخلت هالجامعو بتخترب ..كفاية انها غادية غير !! (وبكلامها هذا كلهم يطالعونها)
الجود: بخترب؟ (والغصة فقلبها تزيد وردت عليها رد يسكتها) اقولج حياتي !! لو ابا اخترب جان اختربت في دبي ..هناك وايد عندي فرص!! عندي دريول اسير وأرد واهلي واثقين فية ..شفتيني لا البس وجاية ولا عباة وقلتي بتسكتيني بكلامج؟ لا حبيبتي انا ما اخاف منج ولا شياته (وابتسمت لهم الجود) سامحوني اذا كهربت الجود !! بس انا اخذ حقي بايدي ..
فيصل: او بريولج !! (وتضحك الجود وروحت فوق)
سهيل: دانا حبيبتي؟ سيري عندها فوق!! ترا ناس غصصوا بها ..and don't let her worry...
دانا: ان شاء الله (ولحقتها)
علي: سمعيني عدل يارفيعة مالج خص !!ماتدخلين فشي مايخصج !!انا هالمرة طوفتها لكن المرة الثانية بتشوفين شي ما يسرج !!
(رفيعة سكتت)
وفاء: ياعمري ليش ابوها مايريدها تروح جامعة الامارات؟
علي: خايف عليها ..لانه محد عندها هناك لوفي جامعة هني جان خلاها !!
احمد: ابويه ..في وحدة فعيمان اسمها الخليج هذي خاصة ..(طالعته رفيعة بنظرة)
علي: بتقدر كل يوم تصك من بوظبي لين عيمان؟
احمد: اللي يبا الصلاة ماتفوته !!
علي: بعد بعيدة ..بكلم ابوها مع انه غمضتني يعني على هالنسبة هذي .. شو نسوي عاد (وتقاطعه رفيعه)
رفيعة: ماشي دلع هنيه !!اوووووووووه !!اسفة بس عمي انتوا وايد مهتمين بها!!!
علي: لانه من دمنا ولحمنا !! مب من بعيد !!ويجوز عليها الدلع وكل اللي تباه (رفيعة سكتت مع انها متغايظة ..واحمد وعواد قاموا يتغسلون)
عواد: شفت حرمة اخوك الملعونة؟
احمد: الا ملعونة؟ انا مول ماتنزل لي من زور !!والجود تحريتها مسكينة مابترد طلعت قوية (وروحوا غرفتهم ..فغرفة الجود)
الجود: ياربيتقهرني هالانسانة ..ليش تعاماني جذيه؟
دانا: هبيبتي she's jealous منج لانج انتي smart ويوم خذتي 97% قالت هالكلام..
الجود: i don't care about her...
دانا: please don't hare her...
الجود: her attittude lets me nervous and angry (وتصرفاتها تخليني متوترة وعصبية)
دانا: you want me to stay with you?
الجود: لاحبيبتي i'm fine وابا ارتاح لاني i'm exhausted
دانا: اوكي dear (ودشت رفيعة بدون ما اتدق ..وكانت توها دانا بتطلع من الحجرة ولجود طايحة ومتلحفة)
رفيعة: ابا اكلمج بسرعة دشي دانوه!!
دانا: بسم الله الرحمن الرحيم !!خرعتيني !!
الجود: بلاج؟ اول شي دفقتي سمج في الغدا والحينه شو بعد؟
رفيعة: انا كنت العوزج بس!! (وحطت ايدها على خصرها) تبين تسمعين دانوه؟
دانا: شنو؟
رفيعة: اليوم احمداني راد الانسة الجود من العيادة ووداها الاستوديو ..ودوخت اونها في اللفت الجبانة !! ثرها تخاف ..شوفي الجود ابتعدي عن احمدان !! (وهذيجي اذنيها تخونها)
الجود: احمد.؟ احمد خبرج؟
دانا: Ahmad is her boyfriend
الجود قامت من فراشها: شوه؟ (احمر ويهها وتحس لسانها منعقد)
رفيعة: حمدان!!قصدي احمداني هو حبيبي
الجود: اعنبوه !!نحنا عايشين فمجتمع فيها هالخيانات؟
رفيعة: اي مجتمع؟ وأي خيانات؟ عن الفلفسة مالتج !!
الجود: حتى الفلسفة ماترومين تنطقينها !! (ودانا تحاول تهدي الوضع)
دانا: Ahmad doesn't know that he's talking to rafeeah,he thinks that he speaks with Aisha and she's single..
رفيعة: حبيبتي يحبني انا !!انا!! مب انتي الحاسرة!! (حست كلمة حاسرة تدوي فذنيها)
الجود: خذيه والله يهنيكم !!انا وش لي؟
رفيعة: بس حبيت اقولج يوم بتكونين وياه لاتيلسين تمثلين عليه وحركات الدلع معروفة !! لانج كل ما تكونين وياه انا بكون عالتيلفون ارمسه !! تفهمين ياحلوة؟.
الجود مفولة: اقول؟ انجلعي من مكانج !!ولا والله !! بتشوفين شي ما يسرج !!
دانا: come on girls stop it
رفيعة: هي اللي بادية هب انا !!
الجود: ومنو داش علية الغرفة ها؟ مب انتي اللي داشة بشراع وميداف؟ الله يسعدج ويا احمد وحمدان !! فارجي !!
(طلعت عنها وهي معصبة وميتة بغيظها)
دانا: لاتعصبين بليز!!
الجود:انا حاشمتنها لين الحينه لانها اكبر عني !!لكن والله!! (وسكتت)
دانا: انا بروح ماي روم برتاح شوي !!
الجود: سيري فديتج (روحت عنها وكانت مسخنة وتعطس) هذي اولها؟ حمى؟ الله يستر!!
(قامت فجأة من فراشها وسارت غرفة احمد وتدق الباب وسمعت ادخلوا ودشت لقت احمد وعواد وحمد يلعبون كيرم ولفودر حذالهم )
عواد: امري!!
الجود وتوجه كلامها لأحمد: تحيد كلامي يوم اقولك في الاستوديو ..لاتعلم حد باللي استوا؟
احمد احمر ويهه واعتدل فيلسته:انا؟ اناااا انا ماكان قصدي ..ماعلمت حد..
الجود: لا والله؟. جذاب !!انا صريحة فكل شي ..لكن اتقولي انزين وتسوي شي ثاني شعنه؟
احمد: شو شعنه؟ بلاج معصبة؟ خلصتي من رفوع وييتييني؟ (وحطت ايدها على خصرها)
الجود: اتحرى ماوصلني الكلام؟ وصلني !! وحبيبتك امممم شو اسمها؟ عواش؟ هيه عواش !!اتهددني اوني حاطة عيني عليك !!مرة ثانية يوم ماتبا توديني مكان قول وانا ما بأذيك ..مابي منتك بس لاتيلس اتكلم عني جدام فلان وعلان ..ومن اليوم وساير عسب اتفادى لسان حبيبتك لسانك مايطيح فلساني !!ونصيحة !!لاتعطي قلبك كل من هب و دب !! اعرف منوه اول !! (وروحت)
عواد: ردي !! بكلمج ردي !! شو استوا؟ ليش تقولك جذيه؟
احمد: طلعت تعرف حبيبتي عواش!! حرام !! اوووه!!لايكون ربيعتها !! انا مب قصدي اجرحها بكلامي !!
عواد: سير اتأسف لها
احمد: عقب بتأسف لها ..خلني اسوي حق عاشوه مسودة الويه وبتخبرها من وين تعرف الجامة ((وفغرفة الجود هي تكلم عمرها)
الجود: باربي !!انا يوم كنت فبيت اهلي كنت كافية خيري وشري ..هني المشاكل وايد وبتزيد !!احسن لي مول ما اظهر من حجرتي الا يوم ابا شي !!وهذا احمدوه !!شو يتحرى عمره؟ لازم مول ما احب حد واكون قوية لانه الضعيف فهالدنيا ياكلونه..كفاية اللي شفته من هذاكي الخاين الجذاب اللي ما يسوى شي ..وغربل حياتي كلها (وتسمع تيلفونها يرن)هذا محمد!!(وتبتسم وتوها بترد) آآآتشوووه !!الجمدلله !!الو؟
محمد: هههه هذي اولها؟ يرحمج الله
الجود تضحك: يهدينا وهديك الله
محمد: الجود؟
الجود: محمد؟
محمد: عونج!!
الجود: شحالك؟
محمد: بخير ربي يعافيج..انتي شو حالج؟ اسمعج تعاطسين؟
الجود: ههههه حالي شرا حالك
محمد: ياحي الله بشيخة الشيوخ !!
الجود: الله يخليك
محمد: ممكن اقولج شي؟
الجود: ممكن ونص
محمد: انا اتوقعنج زلمة !!سامحيني على كلامي (وهي منسدحة ومتلحفة وتضحك)
الجود: زلمة عاد؟
محمد: الصراحة هيه ..انتي كم عمرج؟
الجود: خلك من عمري !!انته ويهك خير علية !!
محمد: خير؟ الحمدلله ..بس ليش؟
الجود: طلعوا نتيجتي مال الثانوية العامة ويبت 97%
محمد: مبروك تستاهلين كل الخير ..عيل زين وين يوم ويهي خير عليج !!
الجود: انته اكيد من........ (وتقول اسم المنطقة اللي ساكن فيها)
محمد: اكيد !!
الجود: وهل يخفى القمر؟ (ضحك على كلامها)
محمد: وانتي وين دارج؟
الجود: انا اصلا من دبي بس اهلي سافروا وانا يالسة فبيت عمي فبوظبي
محمد: ياحيج!!
الجود: ياحي الله بهال.... (وتقول اسم منطقته ..وهو ضحك زيادة)
محمد: ماشاء الله تدلين مكاننا بعد؟
الجود: احين دوري اسالك
محمد: امري
الجود: اشمعنى قلت بتتصل الساعة 4:15؟
محمد: لانه ياطويلة العمر لين يأذن جد سرت اتسبحت واتوضيت وصليت وبعدها ارمسج !!
الجود: امممممم !! ما شاء الله !! انزين ..انا والله منحرجة منك ماعرف شو اقولك انا بترخص عنك مع انه فخاطري اكلمك زيادة!!
محمد: الشيخة انتي مشغولة؟
الجود: انا الحين بروح المزرعة اللي صوب.... (وتقول مكانها اللي جريب من بيتهم)
محمد: اوووووووه !!صوبنا وجدانا !!
الجود: ههههههه هيه !!البيادير يتضاربون !!
محمد: انتي لا تدخلين خلي الرياييل هم اللي يتفاهمون وياهم !!
الجود: ههههههه يصير خير !!
محمد: خلاص عيل الله يحفظج وعالعشاء بسويلج تيلفون
الجود: اكيد !!يالله فمان الله (بندت عنه وهي يالسة تبدل يتصل بها عواد) الو؟ ها عواد؟ وين انته؟ اوويييه !! في الموتر؟ وعمي؟ هههه زين انا ياية ..بغيت منك شي !! هيه ... عندك عصا محناية؟ او خيزرانة عادية؟ هيه!! بعدين بخبرك !! (ويوم نزلت) اميه العودة؟
الدية: ها امايا؟ اشوفج تحيرتي !!
الجود: وين فيصل؟
اليدة: عند ميري
الجود: اميه انتي اركبي الموتر وانا بيي (ويدش عواد) ها عواد ؟ يبتها؟
عواد: الحين بييبها (وركب فوق وسار حجرته اييب العصا ..وهي سارت صوب حجرة البشكارة وتشوف فيصل يلعب بسيارته)
الجود: فيصل؟ عندك موعد اليوم ويا حد؟
فيصل: موعد ويا منو؟
الجود: انا اسالك !! اووههووووه !!اقول سير البس نعالك ..باخذك ويايه
فيصل: ترا ماماه سارت المستشفى اليوم ..بيسوون العملية حقها ..
الجود: انته سير البس نعالك وبنتفاهم في الموتر
فيصل: زين !!
ميري: فيسل وين انته؟ (وجطت الجود ايدها على خاصرتها)
الجود: انا باخذ فيصل في شي؟. (وتتقرب الجود من ويه ميري ..وهذيجي على طول زاغت)
ميري: لا جود ما في سي!!
الجود: انا تقولين لي ماما الجود مب الجود فهمتي؟
ميري: جين ماما جود!!
الجود: مب جين؟ ان شاء الله قولي (وتزاعج)
ميري: ان شاء الله
الجود: هيه جيه اباج (وروحت هي وفيصل اول ما طلعت شافت موترين)احين وين نركب؟
فيصل: عند عمي عواد دخيلج!!
الجود: زين يالله (ويوم فجت الباب ..ويلست هي وفيصل واليدة ورا وجدام عمها ) عيل منو في الموتر الثاني؟
اليدة: خالتج حليلها مادري شو اللي الله سلطها تيلس ويا الخبايل احمدوه وحمود !!
الجود: انزين شي مكان !!خلوها تي!! (وتحركوا وهم في الطريج)
علي: جري مكانج !!خلها اتعلم يوم نقول لها اتجذبنا خلها اتجيس سواقة حمد !!
عواد: ههههههه اسميهم بيخضهم خض!!
فيصل: مثل يوم يكون التيلفون عالهزاز (واتخيلوا الموقف وضحكوا من خاطرهم)
الجود: عيل امك سارت المستشفى؟
فيصل: هيه يت خالوه سعاد وخذتها
الجود: لاحول!!
عواد: هذا هو اللي تباه!!
الجود: انزين وين بتسوي العملية؟
عواد: في جميرا !!اونه اليوم بيسوون لها وباجر بتظهر من المستشفى
اليدة: شفتوا المنكر؟ حد يغير من خلقة ربه؟
علي: نحنا مالنا خص !!
الجود: وحمدان وينه؟
علي: اليوم في الليل بيروح لها
الجود: انا متحمسة ليش ما اعرف !!احس جني بشوف مال تغييير اللوك !!
اليدة: اللي يسوي هالشي ماعنده ايمان !!الا يقصون خشومهم ولا مادري شوه!! والله انهم متصابين !!
علي: صدقتي يا امايا !!
عواد: امايا جان بتسوين عملية تجميل !!يالله ع طريجنا!!
اليدة: الا امايا !! فديتني انا ما بلاني شي !! الحمدلله والشكر على هالنعمة !!! الله خلقني جميلة!!
الجود: الحمدلله اني ظاهرة على اميه العودة!! (وتضربها اليدة على ايدها)
اليدة: انا كم من مرة اقولج لا تقولين اميه العودة !!انتي تبين تجتليني؟ كفاية انه مسمينج علية!!
الجود: وليش ماتتنزلين تعطيني اسمج ولا انه مالج بحكم القانون وانا بالتجنيس؟
اليدة: يالسانج !!
علي: اصلا يوم روضة يابتج !!(واحمر ويه الجود)
اليدة معصبة: لا تطريها على لسانك!!(عواد مستغرب)
علي: اميه هذي امها لو نحنا ما طريناها اكيد هي بتسأل !!
الجود: انزين عمي كمل السالفة (اتسوي عمرها هب مهتمة فسالفة امها روضة)
علي: انزين قالت روضة تبا تسميها نور !!
عواد: نور؟
فيصل: نور؟
علي:هيه نور !!وحلف ابوج الف يمين انه يسميها على اميه!!
اليدة: هيه!! يبا يذبحني !!على الاقل يوم الله بياخذ امانته يقدر يسمي هب وانا حية!!
علي: اصلا انتي من كثر ما يحبج مسمي بنته عليج وطلعت تشبهج سبحان الله !!
فيصل: ونور؟
اليدة: لاتذكرني !!نور اونه!!
علي:روضة كان فخاطرها تسميج نور لانه هالاسم عايبنها!!
اليدة: عيبها سكني قول امين!! شو نور؟ هذا الا خياط في فريج المرر !!قال نور والله!!
(وينفجرون من الضحك على كلامها ...كان علي يدلي عواد ومن وصلوا الجود تشهق)
الجود: بسم الله الرحمن الرحيم !! شوها؟ شو مستوي في المزرعة؟
اليدة : لاحول ولا قوة الا بالله !!
(الجود تتصل على البيدار عبدالله)
الجود: ها عبدالله؟ تعال عند الدروازة !!وينه احمد؟ خله عند الهوش وانته تعال!!
(كانت المزرعة فيها قبل شجر ونخيل ومزدهرة لكن الصدمة العودة كله مات ..والمزرعة شكلها توها ..ومحد يعتني فيها )
عواد: يالله انزلوا ..والغرض اللي تبينه في الدبة !!
(نزلت وبطلت الدبة ..طلعت العصا ووراها على طول نزلوا اللي في الموتر الثاني )
وفاء: ويييه بسم الله !!مابغينا نوصل !! يمة!! شو تبين فيها العصا؟
(واحمد يطالعها)
الجود: اعلم اللي ماعنده مذهب واللي رفس النعمة !!انتوا اتفضلوا داخل الفيلا وانا بطالع الهوش ويا عمي ..
عواد: انا بعد بروح وياكم
الجود: حياك !!بس لاتضحكني يوم بتكلم جد !!فازعني!!
علي: خليني انا بتفاهم وياهم !!انا اعرف لهم !!
الجود: لا عمي !!خلها علية !!ها عبدالله؟ شو استوا في المزرعة؟ (وملامحها جدية)
عبدالله: ماما والله !!والله مو انا!! هادا احمد كلوا سوي جديه!!
الجود: ليش؟ ليش مايسقي االزرع؟ ها؟ ولا قلتوا ارباب سار يعني خلاص!!
عبدالله: انا ماما عند بكري !!وهو كلوا يروح برا !!انا سوي حق ارباب !!بس ارباب ما يرد!!
الجود: اشوف طوف جدامي عند الهوش!!
(في الفيلا رحيل تنظف ..وكلهم يالسين يتقهويون)
اليدة:رحيل؟. شو يسوون هناك عند الهوش؟
رحيل: ماما!! هذا احم بيدار يسوي سرق SEEDS
اليدة: شو سيد؟
احمد: بذور !! بذور!!
رحيل: بادين يسوي بيع برا وكلوا يروح برا ويا friends
احمد: اسميه هذا هب هيّن!!
اليدة: انزين والجود شو بتسوي له؟ سرق وخلص كنسلوه!!
رحيل وعيونها منطرة من الزياغ: ماما!! لو في حد سرق !!ماما جود هي بتأرف منو !!وجنجال وايد!!
وفاء: يعني بتطقه؟
رحيل: اييييه ماما!!هذا كلوا بيدار سوي خوف من ماما جود!!
احمد يضحك: هذي بعبع مب الجود !! اميه صبي لي قهوة زيادة !!(ويضحكون)
رحيل: ماما هذا في سديك كلوا بنات هني سوي party وفي بيدار يسوي كهرباء مال ليت !!هو كلوا شوف بنات!! بادين ماما جود سوت جنجال وهو سوا جنجال بااأد !!بادين هي جيب هي سوط انا وايد خاف!!
حمد: هذا اللي ما يسمع كلامها جيه يستوي له !!
رحيل: انا والله !!واله ارباب كله قول ان شاء الله والله!!
حمد: زين سيري نظفي الحجر!!
رحيل: ان شاء الله (وعند الهوش والجود بعصاتها)
الجود: احمد؟ تعال هني!!
احمد: ها ماما؟ (وايي صوبها) السلام عليكم ارباب؟
علي: عليكم السلام
احمد: ماما كلوا شغل اوكي!!(وتضرب بالعصا على قفص الهوش )
الجود: شغل اوكي ها؟ وينه الاوكي؟ ها؟ سود الله ويهك يالخايس!! وين البذور اللي عطاك اياها ارباب؟
احمد: مافي !! ماعطاني بذور!!
الجود: انا بحيادة شفته عاطنك 4 اكياس !!ظهرهن !!
احمد:ماما والله مافي!!(عواد سار يطالع زرب الهوش ..ولحقه عبدالله)
عبدالله: باباه؟
عواد: ها؟
عبدالله:بابا هادا في بزور هو حطي في box وقفلي مشان وددي بلاد مال هو !!
عواد: هيه !!زين عيل !!انته نفرات وايد زين !! كمل شغلك!! (وسار جدا بنت عمه ويصاصرها عواد)
علي: ابويه؟ ظهر البذور وبنسامحك !!لا تيلس اتسوي مشاكل ترا ارباب بيكنسلك !!
احمد: والله ارباب ماكوا!!
الجود: لاتحلف يالخايس!! اشوف طوف خلنا نسير حجرتكم يالله!!
علي: شو تبين بها حجرتهم خليها تولي سالفة البذور !! تلتعن!!
الجود: وانا ما بسكت !!ان طلعت البذور عندك يا احمدوه لأشلخك بالعصا وأقطع ينبك !!تحيدها هذييجي المرة !!ثرك ما اتوب!!
(وسار وياهم الغرفة ..فصخ عواد سفرته ..وبين شعره الاسود المرتب وعطاها)
عواد: خذي اتلثمي بها عن اييج فيروس من الريحة !!(وفجت السفرة لبستها وتلثمتبها ..ودشوا)
علي: اععععععععععع عوذبالله شو هالريحة؟ صالونة سمج؟
عواد يضحك: هذيلا في البر وعندهم السمج !!لو في البحر بيكون عندهم القعود!!
احمد: شوفوا مافي!! ماكو!!
الجود: اشوف ارفع اللحاف عن الارض !!خلني اشوف شو تحت الشبرية؟
احمد: ماما !!ماكوا شي !! هذا كلوا فار في كل مكان !!(وتنقز توقف ورا عواد)
الجود: إيييييييييييييييييه!!
عواد: يبا يزيغج !!ماعليج منه!! (وعلي سار شل اللحاف حصل صندوق تحت)
علي: الا صندوق!! (وتوقف الجود جدام)
الجود: احمدوه !!شله وتعال ويايه!!
احمد: ماكوا شي!!
الجود: بتشله ولا لأ؟
احمد: ماما هذا انا في شري حق حرمة مال انا!!
الجود: ولا كلمة !!شله وتعال ويايه !!ما بتشله؟
علي: اسكتي عنه وخلينا نظهر!!
الجود: انا ما بسكت عن حقي وباخذه بايدي !! (وتضربه بالعصا بكل قوتها على جتفه .وهو زايغ) ما بتشله؟
احمد: لا خلاص !!ماما!! والله!! (وتضربه زياده)
عواد: خلاص الجود بس!!
الجود: ان سمعت انك عافد على حجرة عبدالله !!والله!!والله!! الله الشاهد لانحرك !!اتشوف يوم نذبح الذبيحة؟ جذيه!! والله انه جذيه!! بخليك اضحية حق العيد العود !!جلب واحد!!!
احمد: والله سوري!!
الجود: اشوف شل الصندوق واطلع!! انا اخر مرة قايلتلك !!لكن انته روحك ما سمعت الكلام !!وهذا اخر تحذير ولا والله !! تشوف هالريال؟ (وتأشر على عمها) هذا في الشرطة !!بيضربك ضرب وبعدين بيجلعك باكستان مكسر !!
(وشل الصندوق ..ويوم وصلوا الفيلا ..كان احمد يرمس في التيلفون ..وفيصل وحمد عالميرحانة)
عواد: يالله فج الصندوق!!
الجود: عمي سير ارتاح داخل!! (ويصاصرها)
علي: خليني اطالع !!عيبتني اليلسة!! (ياب كرسي ويلس)
احمد فخاطره: ياخطيرة !!حتى وانتي متلثمة ياجمالج!! (واتقرب منهم وعجت اللثامة يوم شافت احمد اتطالعه بطرف عينها وهي معصبة .. كانت يايتنها العطسة بس خازت عنها)
الجود: بتفجه ولا افج راسك بهالعصا؟ (وتضرب بالعصا عالصندوق ..وينقز البيدار من مكانه)
احمد: هادووه يودي!!
الجود تزاعج: اتهبي!!انته افتحه هب انا!! (وتسوي عمرها جريئة كل ما تشوف احمد ولد عمها ....ويفج الصندوق)
عواد: اشهد!! هذا مصنع مال البذور عنده !!افتح شركة دخيل الله !! (ومن الزياغ رد احمد على ورا يخاف تيه لشطة)
الجود: لابارك الله فيك!! شو هذا؟ لعنبوا دارك ما تشبع؟ (وتضربه بالعصا مرة وحدة)
احمد: ماما والله سوري اكر مرة!!
الجود: اسمعني عدل!! ارباب محد لكن انا هني !! (وتضرب بالعصا على الصندوق) انا منو؟
احمد: انتي ارباب!!
الجود: تبا تشتغل حياك!! وماشك كل شهر !!وانا اعرفك ماتسقي الزرع مال نحاسة !!يوم ضربتك اخر مرة!! تبا الشغل جدامك!! ما تبا التعن بلادك !!ومليون واحد غيرك بيشتغل !!
احمد: ماما حرام في بجاه ثنين ماكوا اكل!!
الجود: عيل بتأكلهم بأكل حرام؟ ها؟ خل نفسك عزيزة وان وصلني خبر انك مدخل ربعك المزرعة !!او تيب هالخايسات داخل !!حرام اني ما بخليك تعيش فهمت؟ وانا كل شي يوصلني !!واذا ييت مرة ثانية وحصلت المزرعة جذيه !! تشوفها هالعصا؟ على ظهرك !! بخليك مول تشوب وانته شباب !!تبا الشغل ولا لأ؟
احمد: زين ماما!!
الجود: تشل البذور وفي المساحة الخالية اللي على اليمين تزرع طماطه وباذنجان وقرع ورويد وجرجير وكل البذور تزرعهن فهمت؟
احمد: زين ماما !!
الجود: قول ان شاء الله ماما!!
احمد: ان شاء الله ماما (ومنزل راسه)
الجود:وان لقيت عازم ربعك هني او ضاربين عبدالله لأخلي الشرطة تزخكم واحد واحد !!وتخليكم تدفعون 100000 حق عبدالله على الضرب اللي تضربونه !!(وصاح احمد) اشوف انجلع من جدامي وسير اسقي الزرع وازجر عبدالله !! يالله !!
احمد: ان شاء الله ماما!! (وروح..ريحت جتوفها وسارت داخل)
الجود: اووووووووووووووف !!(وسارت خذت لها كولا تشربه) عوذبالله من ابليس!!
وفاء: انا فعمري كله ماشفت وحدة شراتج!!
الجود تضحك: قصدج قوية؟
عواد: الا بدوية !! (وتيمعوا كلهم في الصالة)
اليدة: اعنبوا دارج لعلعتي ماخليتي شي !!
علي يضحك: لا وتقوله انا منوه؟
عواد يقلد احمد: انتي ارباب !! هاهاهاهاي !!(ويدق الباب عبدالله)
الجود: تعال عبدالله (وعبدالله منزل راسه) شوف هذي بذور ..خله يزرع وأي شي غلط تشوفه تتصل بي انا فهمت؟
عبدالله: ان شاء الله ماما !!
الجود: سير كمل شغلك!!(ويوم روحوا ضحكوا كلهم)
عواد: ان شاء الله ماما
اليدة: ما ينلام احمد فيج يوم يقول عند بعبع!! بعبعتينا كلنا!!
الجود: لا صدق !!احين انته ياعمي شو بتسوي لو انته مكاني؟
علي: بكنسلهم بدال عوار الراس!!
الجود: مايكفي!! هذا احمدوه يسرق من ابويه الالاف لو مب انا واميه حادين له جان سرق زيادة !!اتخيل اييب بشاكير خلق الله هنيه..يرقدهم في المزرعة !!واييب ربعه يضربون عبدالله !!
عواد: انزين ماتخافين انه اييب ربعه وياخذون قضاهم؟
الجود: لو استوا هالشي هذا اللي كان مقدر !! ما احب حد يستغل طيبتي او طيبة اهلي!!
احمد: الله يعين اللي بياخذج!!يوم لسانج جذيه الله يرحمه!!
اليدة: وجدامي بعد؟ تغلط عليها؟ هذي اصلا ما بتاخذ غير شيخ!!
الجود: يعلني ماخلا من كلامج !! ياحلوة!! (وتسوي عمرها ما تشوفه.. واذن المغرب يوم توهم بيطلعون من المزرعة)عواد؟ اباك توديني بيت ربيعتي بسلم عليها ممكن؟
عواد: تامرين !!اصلا اللي يقولج لا غلطان!! هههههههه
علي: عيل انا بنزل وبخلي وفاية تركب وياكم !!نحنا بنروح البلاد قبلكم !!
عواد: خلاص عيل !!هالله هالله بالطريج عن يزخكم الرادار !!(وركبت وياهم وفاء وهم في الطريج الجود تتصل)
الجود: هاااااي؟ شحالج دامة؟
فاطمة: منو جامة؟
الجود: هي جامة يالقاطعة!!
عواد يتحرطم: دامة وسامة وجامة يعيني الله!!
فاطمة: مادري منو القاطع يالجامة !!لاتخليني اكسر الجامة!!
الجود: ههههههههه خلج انتي يادامة اللي اتدمين في البحر !!وينها سامة؟
فاطمة: حظج انه سامة اليوم بتبات عندي!! مب مثل ناس خجاجين !!
الجود: هي صدقج خجاجة!! الخجاجة والمغرورة الحينه ياية بتسلم من عند الباب لانها بتروح بوظبي!!
فاطمة: احلفي !!احلفي!!
الجود: والله !! بس سلام وبنروح ورانا خط!!
(وبعد ربع ساعة وصلوا ..ويضرب عواد هرن ونزلت الجود وبندت الباب والموتر مخفي شامل ويظهرن بنتين جميلات بشيلهن يركضن صوب الجود)
اليدة: ههههههههههههههه اندوكم غير طرفشانات!!!
وفاء: ههههه يركضن بشيلهن البيض!! نفس التشكيلة ثلاثتهن!!
(عواد مأخوذ من سلامة ..كانت لابسة جلابية خضراء خشمها صغير وعيونها الوساع وطولها ..كانت لافة الشيلة ولا تبين شعرة وحدة ويتحاضنون كلهم)
الجود: شحالكم بنات شربت؟
فاطمة: يالقاطعة!!
سلامة: انتي شحالج جاموه؟
الجود: انا بخير !!سامة؟ شو ها؟ ليش مجبسة ايدج؟
سلامة: هههههه منزلقة وطايحة في الحمام
الجود: وماتخبريني؟
سلامة: خلاص يوم بتزحلق بعزمج انتي ودامة!!(ويضحكن)
فاطمة: يالملعونة استويتي اغوا !!
الجود: ماخبرتكم تحيدون مزاجي ومغرورة ومشكورة؟
سلامة: هي هذاكي الريال !!
الجود: ههههههههههههه هيه طلع ولد عمي واسمه احمد والله!!والله!!
فاطمة: احلفي!! الله!!
(وبحركة عفوية سلامة سايرة صوب دريشة عواد)
الجود: وين سايرة؟
سلامة: بسلم على جعفروه الهرم !!(وتدق الجامة) افتح جعفروه !! وابويه الحينه تستحي؟ قبل تنزل الجامة وتوايج !! بسلم مب ماكلتنك!!
(عواد زاغ واللي في الموتر كلهم وفج الجامة وهو محمر ويهه ..وسلامة منذهلة من اللي صاير)
سلامة: اوووييييه !!اسفة!!اسفة!! والله اسفة!! (وسلامة احمر ويهها ويدق قلبها بسرعة ..وتركض صوب الجود)
الجود: هاهاهاهاي !على شو مستعيلة؟ خليتي من نفسج مصخرة !!
فاطمة: منو ها؟
الجود: هذا عواد ولد عمي !!تعالوا يدوتي داخل!! وخالوه وفاية!!
سلامة: ياربي !! وين اودي ويهي ؟
الجود: قولي وين بضرب براسي فأي يدار؟ ههههههههه تعالوا (وفجت الباب صوب يدتها) اميه؟ هذيلا ربيعاتي وخواتي !!تحيدينهن؟ هذي فاطمة ونسميها دامة ..وهذي سلامة نسميها سامة(وعيون عواد عالمنظرة يبا يطالع البنية اللي انحرجت منه) وهذي خالوه وفاية ..وهذا عواد يا سلامة !!(وتنغز بكلامها سلامة اللي ماتعرف وين تضرب براسها من الاحراج)
سلامة فخاطرها: ماعليه يا مسودة الويه !!اتفضحيني جدامهم؟
الجود:وهذا فيصل اللي راقد !! المهم سامحوني الحين لازم نروح صح يا عواد.؟
(وهذاكي مايروم ينطق بكلمة ..حس لسانه منعقد)
عواد: هيه ها؟ صح! صح!! (وتسلم عليهم وتروح وهو يسوق وسرحان فسلامة ..وكيف بعفويتها يوم تدق الدريشة ويضحك فجأة)
وفاء: بسم الله الرحمن !! شفيك؟
اليدة: لبسه سكني!!
عواد: اتذكرت شي!!
الجود: شوهوه؟
عواد: اللي استوا في المزرعة !!(وهو يجذب)
الجود: متأكد؟
عواد احمر ويهه: اكيد !!
الجود: الا هب اكيد !!
(وتصد وفاء تغمز للجود)
وفاء: يمة؟ باجر بنروح عند رفيعة المستشفى بتروحين ويانا؟
اليدة: ماعنثري !!وانتي الجامة؟ بتروحين وياهم؟
الجود: انا اسمحوا لي ما اقدر !!زجمانة اخاف اعاديها !! سلموا عليها!!
عواد يقاطعهم: يقول الشاعر!!
اليدة: شو يقول يا بن روغة؟
عواد: قلبي خذاه لي ساكن دبي .. غر جميل ومرهف اسلوب
اليدة ووفاء والجود: اسلوب!!
عواد: فتان من نظراته يسمي ... خالج على الخفرات حبوب
اليدة ووفاء والجود: حبوب!!
عواد: واصبحت لا ميت ولا حي ... يوم التقي اذوب ماذوب!!
اليدة ووفاء والجود: ذوب!!
عواد: امجى العذوبة صافي المي ... ذو مبسم بوريج معذوب
اليدة ووفاء والجود: معذوب!!
اليدة: يالله شو اللي جلب حالك يا عنتر!!
عواد: ماقصر نغم الوطن على هالقصيد!!
وفاء: اول مرة يقول شي صح!!(ووصلوا البيت ..كانت فهاليومين ما تظهر من حجرتها مع انه رفيعه ردت ..الحمى زادت عليها مب طايعة تخوز عنها وضاع تيلفونها ماتعرف وين فرته..وعالعصر الساعة 5:30 غمضت عينها ونامت دشت عليها وفاء )
وفاء: يمه جود؟ قومي بسج نوم!!
لجود: امممم خالوه تعبانة!!
وفاء: يمة فيج شي؟ مسخنة؟
الجود: لا خالوه مافية شي !! بس تعبانة!! (وحطت وفاء ايدها على راس الجود)
وفاء: انتي مسخنة!!
الجود: شوية حمى!!انا بخير!!
وفاء: وشلون بخير وانتي مسخنة؟ قومي!! بنروح العيادة!!
الجود: مابسير انا بخير صدق!! (ساعدتها توقف ولبستها ثيابها ونزلتها)
وفاء:يمة؟ شوفيها لين اروح اتلبس وارد ..البنت محمومة(وانسدحت الجود عالغنفة ويلست اليدة عالارض)
اليدة: ماتشوفين شر يالغالية!!هذا كله من فهود !!اكيد عاداج!!
راشد نازل: بلاها الجامة؟
اليدة: محمومة!!محمومة!! سير شغل موترك!!
(وطلع ..فجأة قامت الجود من مكانها وتربع صوب الحمام وترجع كل اللي في بطنها ..كانت عرقانة وويهها مصفر ووايد حار .. غسلت ويهها وتمشي شوي شوي ..وصلت الصالة)
اليدة: ها امايا؟ رجعتي؟
الجود: شوي!! (ونزلت وفاء لقتها منسدحة ونايمة)
وفاء: ها يمة؟ شنو حالتها؟
اليدة: بعدها محمومة !!وقبل شوية رجعت الاكل!!
وفاء: هذا فايح فكل مكان !!عوذبالله!! (وتصارخ) يافهد!!فهد!! يالله يمة اتأخرنا !! (فهد نازل ويعدل كندورته)
فهد: ياي!! ياي!!
(واحمد نازل بس كاشخ عالاخر ..لابس كندورة بيج وعقال وسفرة ومتدخن بالعود ..والدهن العود السيوفي اللي ضاربة ريحته فكل البيت)
اليدة:يالله تستر!!يالله تستر!! ها ماشاء الله بتروح العرس؟
احمد اتلعثم: ها؟. هيه!! هيه!!عرس!! بروح العرس !!بلاها الجود؟
اليدة: محمومة!!
وفاء: يمة راشد!!يالله ساعدنا !! يمة جود؟ جود؟ قومي حبيبتي !! (بطلت عينها وقبل ما يتجدم راشد سبقه احمد ومسكها من ذراعها ..ووفاء ماسكتنها من الذراع الثانية ) شوي شوي يمة!!
احمد: شكلها الحمى ثجيلة عليها !! (وهي تمشي فجت عينها ورفعت راسها تشوف احمد)
الجود: احمد؟
احمد: ها؟
اليدة: واعلية عليج يابنتي ماتستاهلين
(وقوتها كلها خارت بين احمد ووفاء وركبوها الموتر ..فهد يالس جدام وياراشد ..والجود حاطة راسها على ريل وفاء ونايمة لين وصلوا)
الدكتورة: هذا فيروس منتشر وايد ..حمى وترجيع وزجام ..بنعطيها ابرة وهذي وصفة لازم تاخذها !!
الجود: ابرة؟ لا ماريد!!
وفاء: لازم!! لازم!!
(ويتهم اثنينه من الممرضات وماسكينها ..هذا بس عشان يضربونها الابرة ..وهي تصارخ وترافس وحالتها لله ويضربونها هذيجي الابرة وتصرخ هذيجي الصرخة)
الممرضة: كلاس مافي آآووور!! (واتطالع وفاء اللي ميتة من الضحك)
وفاء: فشلتينا!! يمة مو جذيه عاد!! تستاهلين السلامة!! (ويوم هم في الموتر)
راشد : ياخي مب صرخة صرختها !!والله يا امايا مرتين ضربه الدكتور الابرة ..كسر الابرة الاولى!!
فهد معصب: هيه!! انته جربها والله !!انه ايدهم ثجيلة!!
الجود: والله ثجيلة !!والله ماطيحها هالعيادة !! (راشد ووفاء يضحكون عليهم ونامت الجود في الموتر)
راشد: اميه؟
وفاء: ها يمة؟
راشد: ماردوا عليج هل البنية؟ انا الصراحة ماروم اتريا لازم اشوفها!!
وفاء: يمة شفيك؟ خلنا نوصل البيت وبنتفاهم!!
راشد: خلينا ننهي الموضوع !!البنية تباني ولا لأ؟
وفاء: انزين شرايك فمنيرة؟ جميلة وطيبة وحشيم!!
راشد: انا ابا وحدة بدوية هب حضرية !!وهذي الا سمعتها في الطين!! ماعليج من جمالها!!
وفاء: تفي!! تفي!! في التراب!! وهذيجي البنية رمسنا اهلها وماردوا علينا خبر !!انا حاطة عيني على خوش بنية!!
راشد: اللي تشوفينه زين سويه!! بس ماريدها تشتغل !!اباها تتفرغ لي ولعيالي!!
فهد: ياحافظ عليك !!ووين عيالك؟
راشد: يوم بيون ان شاء الله
وفاء: وش رايك في ....... (وتغمز له عسب يفهم)
راشد: لا يا حبيبتي يا وفاية !!مب من نصيبي !!ناس حاجزينها !!
فهد متلهف: منو؟ منو؟
وفاء: عن اللقافة!! منو؟
فهد: احين منو فيه لقافة؟ امحق حياة!!
راشد: نووووووووووووووو!! ما بخبركم !! (ومن وصلوا البيت ..اليدة يالسة في الصالة ويا علي)
علي: ها؟ شو حالتها؟
وفاء: ضربوها ابرة وعطونا كم من دوا!!
اليدة: الله يشافيها!!!
فهد: وانا شو؟ محد يسأل عني؟ كله عن ست الحسن؟
اليدة: تستاهل السلامة يابويه!!
وفاء: انا بوديها لغرفتها (ويدش حمدان بلباس الجيش)
حمدان: السلام عليكم (ويردون كلهم السلام) بلاها بنت العم؟
وفاء: حمى وزجام!!
حمدان:وابويه !!بعيد!!بعيد!! الله يسلمنا !!كلهم في الدوام طبعانين !!وينها رفيعة؟
اليدة: سارت العرس
حمدان: بس ماخبرتني!!
اليدة: ابويه هي سارت الصالون وردت البيت اتلبست وظهرت ..هي من طلعت من المستشفى ماروعني غير براطمها
حمدان معصب: انا حارق تيلفونها وماترد!!
اليدة: بلاك عليها؟ خف عالبنية !!يعني سايرة عرس وكله دق وطيران اكيد مابتسمع!!
(ومن وصلت الجود لغرفتها اتلحفت)
الجود: ابا انام !!تعبانة!!
وفاء: انا ببدل وبييج !!بييب لج كمادات ودواج ..وبسوي لج شوربة بايدي!!
الجود: خالوه ؟ لاتعبين عمرج!!انا حتى هب بنتج لكن الله عطاني ام ثانية !! مب وحدة فارتني ولا تدري ببنتها حية ولا ميتة!!
(وفاء عيونها دمعت)
وفاء: تعرفين حاولت كم من مرة ..بس ما شاء الله كله اولاد!! الله راد اني اييب كله اولاد..وانتي من خبروني عنج وكلمت امج دشيتي خاطري مع اني من زمان ماشفتج ...وانا اعتبرج مثل بنتي الي مايبتها!!
الجود: الله يخليج حبيبتي (وغمضت عينها وطلعت عنها وفاء وتحط ايدها داخل الموسدة ..طلع التيلفون واتطالع بن صبيح حارق تيلفونها وبالصدفة كانت محاولة يائسة له انه يتصل وكان اخر اتصال وعلى طول ردت)
محمد: انتي وينج؟
الجود: موجودة..
محمد: الجود سمعيني اذا ما ارتحتي لي قوليها بس لاتتهربين!!
الجود: والله تيلفوني ضايع من يومين وحصلته داخل موسدتي وكنت في العيادة وتوني رادة!!
محمد: جيه؟ شو تسوين في العيادة؟
--------------------------------------------------------------------------------
محمد: جيه؟ شو تسوين في العيادة؟
الجود: ماشي بس جايستني شوية حمى!!
محمد: ماتشوفين شر الغالية !!ليته فيني ولا فيج !!
الجود: لاتقول جذيه ..انته بعد غالي يالشويبة!! (ويضحك)
محمد: شو قالج الدكتور؟
الجود: ضربني ابرة الهرم!! وعطاني دويات!!
محمد: عشان خاطري هالله هاالله بعمرج !!وخذي دواج!!
الجود: يهمك؟
محمد: من الحينه؟ هيه يهمني!!
الجود: تسلم على خوفك علية!!
محمد: الله يخليج يالعيوز!!
الجود: قصدك العيوز المتصابية!! (وهو يضحك)
محمد: مستانس وياج بصراحة ... وانتي؟
الجود: وايد يعله دوم !!
محمد: انزين يالحلوة قصدي الجود !!شفتي عاد؟ خطأ مطبعي !! بترخص عنج وبخليج ترتاحين وانا بعدين بطمن عليج !!
الجود: ان شاء الله والله يحفظك (وهي ماودها تبند عنه.. بس بندت وهي مستانسة ..ليش؟ لانها تكلم اليويل وراعي الشلة؟ واسلوبه الخطير في الكلام .. حلو وذرابة ومروة وادب واخلاق .. بس على هذا كله تعتبره مثل الصديق ..لايكون بعدها تحب مسعود؟ اتخسي!! واتهبي!! بس يمكن لين الحينه ماقامت من صدمته وماتفكر تنصدم مرة ثانية .. وقامت على صوت خالتها)
وفاء: يمة جود قومي اشربي لج هالشوربة!! (ودشت عليهم دانا)
دانا: انا بشربها ..(وطلعت من مخباها) هذا panadol cold خذيه بعد الاكل للزكام..
وفاء: زين خليها تخلص الشوربة وانا بروح عند فهد (بندت الباب وراها وهي تشرب الشوربة يسمعون حد يبند الباب بالقو!!)
الجود: والعثرة!! حشا !! كسروا البيبان!!
دانا: هذا اكيد احمد ..هههههههههههههه
الجود: ليش؟ شو استوا؟ لا يكون اتضارب ويا رفيعة؟
دانا:I said to you she's jealous
الجود: يالله عاد خبريني..
دانا: اول شي اشربي الشوربة (ويالسة تشرب الشوربة .. والكلينكس حذالها حق كل عطسة)
الجود: يالله عاد خبريني !!قولي بلاها؟
دانا: today she went to see Ahmad in private.. (وتغص الجود هذيجي الغصة ..وتدحها على ظهرها)
الجود: شوه؟ هذي مينونة؟
دانا: يس مينونة ..سارت الصالون وسوت ميك اب for عرس then سارت عنده ..بعد العملية هية مول not nice
الجود: انا ما شفتها !!ليش عاد هذا كله؟
دانا: دايما تواعده في مكان بس هي ما تجي !!واليوم when he talked عنج عصبت وكانت تبي تقتلك!!
الجود: are you happy with this situation?
دانا: very much…
الجود:why? It is a disaster
دانا:طبعا مشكلة كبيرة but احب اشوف رفيئة يوم نجلس في الصالة جميع وهي تشوفه وهو ما يعرف شنو السالفة ههههههههههههه
الجود: are you sure he doesn't know her?
دانا: now? He knows her !! did you hear the door slammed?
الجود: اسمعه انرض رض بعد!! شكله مال غصة !!
دانا وتضحك:guarantee this is Ahmad
الجود: حرام تسوي فيه جذيه ..والمشكلة اخو ريلها ..نحنا مالنا خص !!
دانا: اوف كورس مالنا خص ..نحنا نسمع ونرى فقط..
الجود: هذي من بين كل الشباب ما اختارت الا احمد؟
دانا: I will tell you Ahmad's story
الجود: عن شو؟ عن انه خجاج وشايف عمره؟
دانا: هبيبتي انا اعرفه زين ..احمد من 2 years سوا حادث .. كان يجلس على wheel chair انجلب الموتر كم من مرة .. والله نجاه من الحادث !! and of course he have girls to talk with
(والجود خلت الشوربة على الطاولة ..وانسدحت تسمعها ..ودانا تلعب بشعر الجود ..كانت الجود مهتمة )
الجود: وبعدين؟
دانا: ربيعاته خلوه يوم ارفوا انه disabled كان في حالة صعبة ..ما يحب يطلع كله يقعد في البيت وعالنت ..كان شديد الطيبة ويانا وعلى غيره طبعا ..وكل ما يكلم وحدة ويخبرها شو استوا له ما ترد عليه او disconnect her mobile لين سوا عملية لرجله فألمانيا ورد البلاد.. وكله يروح المستشفى ويسوي علاج طبيعي ..لين مرة كانت رفيئة سوت له بالخطأ من موبايلها الثاني على اساس انه يمر على فيصل المدرسة .هو ما عرفها ..وهي بعدين اتذكرت انه سوت له من تيلفونها الثاني ..بعدين يا حرمة !! هو حب عايشة وعايشة حبت احمد ..
الجود: انزين !! بس اكيد طلب يشوفها او اطرش صورتها صح؟
دانا: طبعا !! she said to him انه اهلها ما يرضون انها تطلع برع البيت روحها then طرشت الصورة
الجود مندهشة: صورتها؟
دانا: يا ابيطة لا!! طرشت له صورة بنية من النت مو معروفة بس حلوة انا شفتها
الجود: اعنبوه ما يعرف يفرق بين الصور العادية والمركبة؟ اكيد دامنها من النت منتشرة
[b]دانا: ومن الحب ما قتل !! (ودشت عليهم رفيعة لكن محملها وياها عاصفة بدون بعد ما اتدق ..كانت متمكيجة مكياج مال اعراس خشمها الافطس هذاكي اختفى ..غدا خشم نعيم وطويل بس براطمها كانت تباهن شرا نانسي عجرم بس طالعات XXL .. كل شي فيها حلو الا براطمها الكبار المتجلبات ولجود اتطالعها ومنصدمة ..ورفيعة عيونها كله دموع ..ومسوية تسريحة الحرمة ..بندت الباب وعجت عباتها وتصيح)
رفيعة: كله منج يا جودوه !!كله منج!!!
الجود: انا شو سويت؟ ها؟ احين رديتي السالفة علية؟
دانا: come on you went روحج
الجود: نحنا ما غصبناج تواعدينه !!وتتوقعينه يوم بيعرفج بياخذج بالاحضان؟
رفيعة: انتي اللي خليتيني اتضطر اسوي هالشي!!
الجود:اقولج لا تعجين مياديف !!انا مالي خص ترا حمدان وصل ويسأل عنج!!
رفيعة مفولة: شو يبا هذا بعد؟
دانا: calm down and go see your husband
رفيعة: انا بسير له لكن حسابي وياج بعدين !!واحمد بيتم لي انا !! فهمتي؟. (وروحت)
الجود: why do she thinks that I love him?
دانا: I don't know بس انتي لايقة عليه!!
الجود: ايخسي المغرور !!
دانا: يالله خذي دواج وبحط لج كمادات (ويوم حطت لها الكمادات)
الجود: اووووووووووووه بارد!!
دانا: يالله هبيبتي انا بسير وبرد عليج بعدين and when you'll be fine بوديج ندور في الجامعات وال colleges ok?
الجود: you're so kind!! Thanx
دانا: you're not welcome !! (طاحت الجود عالفراش وروحت دانا)
الجود: الله يعينك يا احمد على هالحرمة !! شو بيفججك منها؟ آآآه يا محمد !!اويييه؟ ليش شو دخله في السالفة؟ انا من وصلت هالبيت وانا كله افكر ..متى بتردين يا امايا !!اتولهت عليج وايد
(لين نامت وما حست بعمرها ناشة الا الساعة اربع وربع ..شافت 4 ميسد كول ومسج مطرشنه محمد .."تصبحين على خير" .. ماشافت الساعة كم بس على طول اتصلت به ورد عليها صوت خفيف كأنه توة وعى من النوم)
محمد: الو؟
الجود: مرحبا ..
محمد: الجود؟
الجود: محمد؟
محمد: عونج!! (وكأنه مستانس انه سمع صوتها)
الجود: السموحة اذا وعيتك من الرقاد !!سامحني كمل رقادك !!والصبح بدق لك!!
محمد: الغالية اوووش!! ان قلتي هالكلام ما اسامحج عليه فهمتي؟
الجود: اوكي
محمد:انا اتصلت بج عسب اتطمن عليج ويوم مارديتي قلت اكيد راقدة.. وماطاوعني قلبي قلت لازم اسمع صوتها حتى لو كلمة الو تكفي وببند..
الجود: سامحني مول ما كنت احس بعمري الحمى مبهدلتني !! (ويسمعون صوت نخير وبصوت عالي) بسم الله !!
محمد: شو ها؟ منو يناخر حذالج؟
الجود: هههههههه هذي بعيدة وجذيه!! افتتحت السمفونية !!هذي بشكارتنا راقدة!!
محمد: هههههههه ماقلتي لي خفت عنج الحمى؟
الجود: الحمدلله بس باجي الزجام والكحة!!
محمد: اقول بلاه صوت البنية اغلظ!!
الجود: ها؟ انا؟
محمد يضحك: اتمصخر وياج صدقتي؟
الجود: شويبة!!!
محمد: عيوز!! (ويسمعون صوت الاذان)
الجود: اويييه اذن !!الله واكبر اعظم!!
محمد: الله يذكرج بالخير متصلة توعيني حق الصلاة .؟ يزاج الله الف خير !!
الجود: بالصدفة والله !!
محمد: الا صدفة حلوة ..يالله غناتي انا بسير اصلي ومن ارد ابا اسمع صوتج قبل ما ارقد !!
الجود: ضروري؟
محمد: جيه وراج شغلة؟
الجود: لاوالله ...بس كنت اسأل !!
محمد: ضروري بالنسبة لي انا ..اما بالنسبة لج بعدني مادله!!
الجود: ان شاء الله على خير!!
محمد: سيري صلي واتعوذي من ابليس!!
الجود: ان شاء الله ربي يحفظك
(بندت عنه وهي مستانسة..وتسمع صوت عمها وهو ينادي عليهم عسب يروحون المسيد ..قامت وبطلت الباب من الفرحة)
الجود: عمي علي؟
علي صد صوبها : عونج!! انتي بخير؟ شو الحمى خفت عنج؟
الجود: هيه الحمدلله عمي؟ تباهم ينشون من وقت؟
علي: والله يا ريت!!
--------------------------------------------------------------------------------
الجود: اوقف طالعني شو بسوي !!(دقت الباب عليهم) اتستروا الجود بتدخل!! (دشت الحمام والعم يطالعها ..خرست ايدها ماي )عواد؟ عواد؟ قوم!! قوم!!
عواد: خمس دقايق !!وبقوم !! صدق!!صدق!!
الجود: يقول الشاعر!!
عواد: الشاعر راقد !!راقد!!
الجود: الشاعر سار يصلي !! (وقام من مكانه)
عواد: وكيف بتجلعين الباجين من فراشهم ها؟ (سارت مسحت على ويه راشد)
راشد ويفر اللحاف: غربل الله هالحالة !!انتي يعني ما بتوبين؟ (العم يضحك وبعدين يا دور فهد وحمد)
حمد مفول: اوكي بردها لج يا بنت الععععععععععععم!!
علي يأشر لها : احمد؟ احمد؟ (ويترياها تسوي الحركة في احمد)
الجود زايغة: لا!! لا!! بيضربني!!
علي: شو يضربج وانا موجود؟ ماييسر !! اهم شي احمدوه الرغيد يالله!!
الجود: احمد؟ احمد؟
احمد: هاااااااه؟ (ومسحت على ويهه وايدها الباردة وتركض صوب عمها) يعني انتي مابتيوزين عن هالسوالف؟
(العم والجود يضحكون)
علي: وجدامي بعد تهزبها؟ لازم كل يوم نقراها؟ قوموا صلاة !!انتوا رياييل هب يهال..غادين غير يهود!! يالله عالمسيد!!!
الجود اونها معصبة: يالله!!
عواد طالع من الحمام: اشوف من خزوج بالابرة استقويتي علينا!!
الجود: ماكلمك يقول الشاعر!!
(روحت حجرتها وهي تضحك اتوضت وصلت ويدق لها محمد)
الجود: مرررحبا الساع!!
محمد: هههههه يبتيها عالعوق !!حلوة طلعت منج مرحبا ملايين ..صليتي الغالية.؟
الجود: الحمدلله
محمد: بغيت اتخبرج عن شي خاص ..انتي واحمد محيرين لبعض؟ او حد من عيال عمج؟
الجود: بسم الله علية!! لا صار ولا استوا !!
محمد: ريحتي بالي!! (ويتنهد تنهيدة راحة)
الجود: هههههههههه ليش عاد؟
محمد: ماشي !!بس من من طلعتج من اللفت وانا اشوفه يمسكج من ايدج كم من مرة !!
الجود: هههههه عيل انته ماشفته يوم .........(وتقول شي ماينقال ..تووووت..توووت..شريط المراقبة ماروم اقول)
محمد منصدم: شووه!!
الجود: اتمصخر وياك !!لاتاخذها جد !!
محمد: اشوا !!الغالية خذتي دواج؟
الجود: لا ما خذته ..انا بخير اصلا !!
محمد: خذيه !!يالله اشوف!!
الجود: ههههه لا!! غمض عينك اول!!
محمد: تعرفين ان ضحكتج اتخيلها جدامي؟
الجود: والله؟
محمد: فذمتي عذاب!! ياويل حالي عليج!!
الجود: وتعرف انه كل لفظة تلفظها تعطي طعم للسالفة؟
محمد انحرج: لاتغيرين السالفة !!خذي دواج..
الجود: زين ..
محمد: اشوف لصقي السماعة عسب اسمع عدل!!
الجود: شو تسمع؟
محمد: يوم بتاخذين الدوا وبتشربين الماي عسب اتأكد
الجود تتمصخر: بق!!بق!! بق!! بق!!
محمد: الحرمة دياية وانا مادري تبقبق !! هههههههههههه
الجود تضحك:اعنبوا انا بتعلج الدوا؟ انزين يمكن اقص عليك؟
محمد: ماعليه هذا بينج وبين ربج!!(وخذت الدوا)
الجود: خذته
محمد: زين غمضي عينج !!
الجود: معقولة؟
محمد يشل شلة بصوته اللي خلاها اتعذب: معقول يا حبيبي معقول.. قلب تفنن بتعذيبه
الجو وترد عليه بصوتها: ويغرك الحسن يا مجهول ...هذي ترا اكبر مصيبة !!
محمد: ماعشت في دنيتي مذلول ... الحب من خاطري اسطي به ..
والطيب بي ساري المفعول ... والجود دايم يماري به (مستقصد يقول هالبيت عسب كلمة الجود)
الجود: امشي بعزة بعرض ويووووووووول!!
محمد يقاطعها: هههههههه طول!!طول!! هب يووول!!
الجود: ادري اصلا اتمصخر وياك
امشي بعزة بعرض وطول ... ع نية الله وتكاتيبه ...
مايهمني هرجك المعسول ... لا لا تباهر لي بطيبه..
محمد: يعلني ما خلا من هالصوت!!
الجود:محمد.؟
محمد: امري؟ اتدللي !!
الجود: انته اصلا اللي يكلمك يتجنن طيبة و وذرابة!!
محمد: الله يخليج الغالية ..عيل هذا اول يوم !! بعدين بتشييييييطن عليج !!
الجود: ممكن طلب؟
محمد:تذكرينها عيوني؟
الجود:مادققت فيهن..بس هي لمحتهن!!
محمد بلهفة: كلهن لج!!
الجود: بغيتك تسمعني بصوتك العذاب شلة آه من خلي تعيبني وايد ياريت اسمعها
محمد: والله ما بكسر بخاطرج الغالية ..بس انا بيت وانتي بيت اوكي؟
الجود: اوكي (ويتنهد...وبعدها يشل الشلة بصوته الخطير..ومن سمع صوتها تكمل عنه اتخبل)
محمد: فديت هالصوت يعلني ما انحرم منه !! طلبتج!!
الجود: تم!! والله انه تم!!
محمد: بدون ما تعرفين شو هوه؟
الجود: قول ..
محمد:اباج تشلين لي شلة وتسجلينها واتطرشينها بالوسايط ترومين؟
الجود: من زينه صوتي؟ عوذبالله!!
محمد: اوووش !!اقولج ما بسامحج اذا قلتي هالكلام مرة ثانية .. موافقة؟
الجود: موافقة..
محمد: يالله بندي ..واتريا صوتج على احر من الجمر..
الجود: اوكي..
محمد: الله يحفظج!! (وبندت عنه)
الجود تكلم عمرها: احين انا صوتي حلو؟ من متى ياحظي!! شو اشل له؟ شلة معروفة؟ والله ما اعرف!! (وشغلت التسجيل وعلى طول اتذكرت مسعود واللي سواه بها)
قلب تولع بك حبك وذليته .......... بذل عينه عسى مايرد يعصاني .......
بقل شانه لاني عاصي ريته .........يتبع شرا الذل ياهو زود شقياني ......
مادام في صدري وجوفي مثابيته...... بحكم ندامه لي الموت يدهاني ......
يلعب به الحب يكثر مشاتيته ......... وانا اشهد انه المحبة امرها فاني...... (اللي يبا الشلة ايطرش لي عالخاص وانا بطرشها ما فينا مقص الرقابة)
(وطرشتها بدون ما تسمعها ...كانت تقول وهي كلها حزن ..تذكر مسعود وخداعه وجذبه وكل اللي صار ..وقالت يمكن بعد محمد يقص عليها شرات مسعود... لين اتصل بها محمد... وردت على طول ...)
محمد: هلا..
الجود: شوف اذا ماعيبتك واذا كله نشاز امسحها والله مابزعل عادي.. سوالف شباب..
محمد: ليش اتخبلت؟
الجود: عيبتك؟
محمد بندم: بصراحة؟
الجود: اكيد !!
محمد بلهفة: صوتج عذب حالي كله !!تراني لو ماعندج مانع !!بحطها رنة فتيلفوني ابا اسمع صوتج على كل اتصال اييينيي !!
الجود: ماله داعي هذا كله !!عنبوه !!تراك تسمع صوتي كل مرة!!
محمد:قلتيها بلسانج كل مرة!! وانا ابا اسمع الصوت اللي معذب حالي كله وجلبني !!اووووووووه!! واحمد يعرف صوتج؟
الجود: بس ما يعرف اني اشل شلات !!اصلا انا استحي اغني جدامه !!
محمد: بس من اليوم وساير بس جدام محمد !!
الجود: يمكن ..
محمد: اعنبوه ولا جنة تونا مصلين الا غنينا !!استغفر الله العظيم !!
الجود: هي والله..انزين ممكن تغمض عينك وتنام؟
محمد: ان شاء الله!!
الجود: نام!!
محمد: انزين
الجود:يالله فمان الله!!
محمد: وين ؟ وين؟
الجود: ببند!!
محمد معصب: جيه منو متصل انا ولا انتي؟
الجود: انته!!
محمد: عيل غمضي عينج ونامي !!
الجود: حرام بيخلص رصيدك وانا عالخط راقدة!!
محمد: فاتورة هب رصيد !!وانتي شعليج؟ نص العبالة عليج !!انا راضي ..قولي بس تبين الفكة!!
الجود: لا والله ..
محمد: وانا ابا اصلا اثبت شي
الجود: شو.؟
محمد: انج ما تناخرين في الليل!!هههههههه
الجود تتحرطم :اقول انا تراني غمضت عيني..
محمد: اقري المعوذات ونامي!!
الجود: ان شاء الله (وبعد 5 دقايق) محمد نمت؟
محمد يضحك: توني كنت برقد !!بس اتصدقين اسم محمد غاوي؟
الجود: ارقد الشويبة !!وبسك مغازل!!
محمد: ان شاء الله العيوز!!
(هو يسوي عمره راقد بس مارقد اما هي نامت وبحركة غير مقصودة صدت الجهة الثانية وانفصل التيلفون وبند ..وعلى الساعة 11 قامت واتسبحت وبعده الزجام فيها ..لبست تنورة وردية وسيعة مثل الاسبانية ..وفانيلة بيضاء كات عليها صورةماروكو ..فجت شعرها سحته ولفته ونزلت قصتها على عيونها ..يابت كلينكس ومثت خشمها)
الجود:عوذبالله يا هالزجام متى بيوقف؟
(شلت تيلفونها تعطرت بعطرها ال alian البنفسجي ونزلت)
اليدة: هلا هلا !!
الجود وتبوسها على راسها: صباح الخير..
اليدة: صباح النور ..شو انتي الحينه؟
الجود: احمدلله بخير وفهد؟
اليدة: راقد!!رقدت عليه طوفة!!
الجود: بسير اتريج !!يوعانة!! وينها خالوه وفاية؟
اليدة: سارت السوق ويا حمد!!
الجود: حليلها والله لعوزتها البارحة ..دانا ورفيعة ساروا الشغل؟
اليدة: دانا سارت ورفيعة فوق راقدة!!
الجود فخاطرها: من سالفة البارحة !!الله يعينها ..بس الجلبة مستوية غاوية بس هالبراطم!!
(سارت غرفة الطعام واتشوف احمد يالس يتريج ولابس بنطلون جينز ازرق وفانيلة سوداء تبين جتوفه العراض وكاب احمر رادنه على ورا ..ومخفف اللحية والشنب وعيونه تبين انه مانام عدل ..وحصلت حذاله مجموعة كلينكس واستنتجت انه زجمان ..دشت ويلست ..وتاكل قطعة المحلى وتصب لها حليب ..هو يطالعها وياكل)
احمد: يعني ما بتتكلمين؟ تلعوزينا الفجر واحين ما تتكلمين؟
(وهي اونها مركزة على المحلى ورافعة حواجبها اونها مستغربة ..وتكمل اكلها ..هو يطالعها)
الجود فخاطرها:مابرد عليك!! مابا !!
احمد: انا اكلمج جود!!
الجود مستغربة: اوووه؟ تكلمني انا؟
احمد: انا فخاطري وايد كلام ..بموت بغصتي!!
الجود: زين ... اتكلم ...
احمد: خازت عنج الحمى؟
الجود: الحمدلله !!
احمد: زين يالله تغسلي وبنظهر عازمنج برع!!
الجود: برع لا!! بتستوي مشاكل !!كفاية السالفة القبلية!!
احمد: انا ابا احسم الموضوع ..طول الليل ما رقدت وما اقدر اتكلم هني ..اخاف حد يسمعنا!!
الجود: يا احمدان !!ترا هي لودرت اني ظاهرة وياك ..بتجلب الدنيا علية وانا لساني مابيسكت عن حقه!!
احمد: لاحول!! الله يسلمنا من لسانج !!يالله قومي!!
الجود: بتريج اول!!
احمد: طوفي مابيفوتج الريوق !! بريجج في مكان بيعيبج!!
الجود: زين ..زين.. بعدني زعلانة منك!!
احمد: براضيج بس انتي ارحميني قومي!!(وقامت ويوم هم بيطلعون)
اليدة: ها ماشاء الله؟ على وين العزم؟
احمد: يدوه !! تباني الجود اوديها السوق عسب اشتري لها عباة وشيلة (وتضربه الجود على جتفه من الغيظ)
اليدة: وااايه فديت يومج ..الحمدلله والشكر !!الله هداها هالبنية يزاك الله الف خير يابويه!!!
احمد: شفتي عاد؟
الجود: يتمصخر وياج امايا!!(وتبطل شعر الجود)
اليدة: امايا لفي شعرج عن تتقرعين بيحسدونج!!(ويضحك احمد بصوت عالي) هييييييه!! على طريجكم نزلوني الدختر عندي موعد!!
احمد:ان شاء الله سيري هاتي عباتج بنترياج في الموتر
الجود: طوف جدامي يابو البلاوي !!طوف!! (ركبت ورا وهو شغل الموتر وصد صوبها)
احمد:يعني انتي ما بتوبين؟جدام يالله!!!!
(نزلت وهي متغايظة يوم توها بتركب تلمح رفيعة عالبلكونة ويوم يلست اتوترت وتضرب على يد احمد)
الجود: إلحق!!إلحق!! رفيعة عالبلكونة !!وابووويييييه!!
احمد: طنشيها !!طنشي!! (وتركب اليدة)
اليدة: يالله بسم الله !!توكلنا على الله!!
الجود تضحك: ولا إله الا الله
(واتحرك بموتره ..وحط اغنية هادية)
احمد: اوني بتخبرج ..رحيل بلاها كل ما حد يطلب منها شي قالت ان شاء الله ابويه؟
الجود بعفوية تضحك:غربل الله بليسها !!لانها تسمعني اقول حق الدريول مثلا خلص ابويه وتعال وحفظتها!!
اليدة: ههههههههه ياهي سلطة الزمان !!حتى البشاكير يتعلمون الرمسة !! لو تقول لهم تعرفون تطبخون قالوا لا!! طمة!!!
الجود: اميه عاد الله حق رحيل مافي احسن عنها فديتها!!!
احمد يضحك: لانه في حد ضابطنها وحاد لها بعصا عند باب الحجرة !!
الجود: اقول احمدان؟ مب جنك زودتها؟
احمد: لا!! انا امدحج ما اذمج فديتج!!
(ويبتسم لها ابتسامة مشرقة ..كانت الاشارة خضراء توها واتحركوا وتعترضهم سيارة متجاوزة من الشارع الثاني ..الله سلمهم كانت بين الموترين شعرة ..وكانوا بيدعمون واحمد ضرب بريك وطر الدنيا بالهرن ..اليدة اتمسكت بالسيت اللي جدامها واختضت هذيجي الخضة..اما الجود ماكانت رابطة الحزام طاحت من على السيت وسيدة على طول عالارض واحمد ينزل الجامة ويصرخ)
احمد: يعلك العوووق !!اتغربلت فدنيتك يالجلب!!
اليدة: اشهد ان لا إله الا الله !!(وبعد ثواني من الهدوء بطلت اليدة الباب) انا براويك يالملعون!!!
(ونزلت اليدة والجود قامت من مكانها ونزل احمد بعد)
الجود مفولة: انته المذهب ماتعرفه !!الله يغربلك!!
اليدة: لو تعرف المذهب جان ما تخطيت الشارة يالجلب الميذع!!!
(وتلف شيلتها بعصبية زين ما افترت رقبتها)
الريال: السموحة !!السموحة !!
(وروح عنهم مسرع وردوا ركبوا الموتر ..وهم يتحرطمون كلهم)
اليدة: الله سلمنا!! وانته؟ لاتسرع عن تروحنا !!بعدنا فعز شبابنا!!
الجود تضحك: شر البلية ما يضحك!!
احمد: هو اغلطان هب انا!! (ووصلوا المستشفى ..واليدة وهي تنزل توصي)
اليدة: هالله هاالله على بنتنا هب تكسرها !! هذي امانة!!
احمد: انزين زين هب ماكلنها !! (ونزلت عنهم ..وهم في الطريج)
الجود: يالله اتكلم!!
احمد: خلينا نوصل وبتكلم !!
(واتطرش مسج لمحمد .. لانها شافت مسج منه ..ووداها كوفي شكله يديد ومحد فيه ديكوره عصري ...ويوم دشوا)
الجود: واااااو حلو!!! ووسيع!!!وشكله يديد وين نحن فقصر الامارات؟
احمد: طبعا يديد ما كمل اسبوع فاتحينه ..واحلى شي انه محد غيرنا فيه !!يعني كلهم تحت امرتي!!
الجود: اونه؟ من متى ياحظي؟ (وياهم الريال وعطاهم قايمة الاكل)
احمد: شو تبين اطلبيه!!
الجود: امممم اول شي !! سندويش جبنويحط شيبس داخله وموكا كابتشينو
احمد: وانا شراتها بس ابا كوفي ويا حليب يا طيب ..وشيبس على ينب!!
الجود: انا بعد!!
احمد: قلاااااااااادة!!
الريال: بدكم شي زيادة؟
احمد: لا.....لو نبا شي بنطلبك (وروح عنهم وهو يطالعها وهي تشوفه)
الجود: امر !! تدلل!! (وهي فخاطرها تموت من الضحك)
احمد: اتعرفين .. انا الحين طايح فمشكلة عودة وكله بسبت حرمة اخوج الجلبة!!
الجود: انته اصلا وين كان مخك؟ ها؟
احمد: مادري كيف دشت خاطري بكلامها ..ويوم درت اني كنت مسوي حادث حنت علية وشجعتني !! بس هذي حرمة اخوية !! واللحمة عظاظة!!
الجود: انا اعرف كل شي !!دانا خبرتني بكل شي صار ..(ومبطل عينه عالاخر)
احمد وشوي وبياكلها: شوه؟ دانا تعرف؟
الجود: اتحراها ماتعرف؟ بالله عليك منو يالس في البيت وبيكلم رفوع ها؟ حد غير دانا؟ لو تبا جان سوت فضيحة لكن البنية اصيلة
احمد: انتي اسمعيني عدل!! انا ما كنت ادري انها حرمة اخويه والمصحف مادري!!
الجود:مصدق!! وكلنا مصدقينك !!بس البنية اتحبك لو ماتحبك جان ما سوت عملية التجميل وجان ما يلست تهددني عالطالعة والنازلة ..انا من يييت بيتكم كلهم حاطيني على روسهم الا انته ورفوع !!
احمد: لاوالله ما اكرهج ولا شياته !!انتي على عيني !!بس والله انصدمت صدمة عمري يوم شفتها راكبة الموتر ومن عجت غشوتها حسيت الارض اتدور بي واتخونني او تخسس فية !!!(وبغصة يقولها) شو السبب اللي خلاها تسوي هالشي؟ وهي على ذمة ريال ما تخاف ربها؟ ومب اي ريال !! اخويه!!!!
الجود:ههههههههههههههههههههه احلف؟ (وهي ميتة من الضحك)
احمد: هيه اتحاول تشرح لي ..بس انا ماكنت راضي !!قلت لها وانا مفول انزلي!! وان شفتج متصلة لاعلم العيلة كلها واللي يستوي يستوي!! كنت بصكها كف على ويهها !!
الجود: هيه يتنا البارحة تصيح وتقول انه كله مني !!اوني انا امثل لها تهديد !!اونه ومول ما بتخليك!!
احمد: وانا هب راد لها مينون؟ اتخبلت عسب اسوي هالشي؟ جهنم كلتها!!!
الجود: والله هذا م بينكم !!لاتدخلني يا احمدان !!
احمد: كل بنية اتكلم معناتها تحب وتبا زواج او مصلحة ..بس هذي الادمية شو مصلحتها دامنها معرسة؟
الجود: والله ماعرف بس شكلها حبتك!!
احمد بعصبية: حبها برص!! كيف تحبني والادمي اللي يرقد حذالها؟ ها؟ واخويه من لحمي ودمي؟
(وايي الريال ويحط الطلبات اللي طلبوهن ويالسين ياكلون)
الجود: انته هد اعصابك !!وما بيصير الا اللي تباه !!
احمد: تعرفين لو درا اخويه بسواياها ؟ بتتشتت العايلة والله !!انا هذا اللي اخاف منه !! وانتي!!!
الجود: انا؟ بلاية؟
احمد: جيه ما خبرتيني من دريتي؟ مخلتني على عماي؟
الجود: اسفة هي امنتني اقولك؟ انا عندي لك حل يرضيك !!
احمد: شوه؟ علميني بسرعة!!
الجود: you must get married
احمد منصدم: شوه اتخبلتي؟
الجود: ماتخبلت ولا شياته !!هذا اللي بيسكتها !!
احمد: وسعادتي؟ وعزوبيتي؟
الجود: موووووووووول اممممرة!!عزوبيتك !!انف عليك!! ترا اخرتها بتتزوج اذا هب الحينه بعدين!!
احمد: بسألج الي ما تتسمى تتكلم عني؟
الجود: مادري بس شبت حريجة يوم درت اني دوخت في المصعد
احمد مشمئز:قطيعة!! الله يغربل هالشيفة اللي فيها!! والله هالبنية هب هينة !!طاعي بنت البلاد كيف وطاعي الاجنبية كيف!!
(الجود تضحك)
احمد: بلاج تضحكين؟ قلت نكتة؟ ولا كاتبين على يبهتي شي؟
الجود: لا!! بس ويهك ..يضحك يوم ترمس عنها ولايعة جبدك !!
احمد: هيه !!انتي جاهزة حق الطنازة!!
الجود: وعن دانا؟. والله انها دينة واخلاق وحشمة ورزانه ..واهم شي عقل!! وانته فكر بكلامي عدل!!!
احمد: عن شوه؟
الجود: وابويه؟ عن الزواج!!
احم: بفكر وبرد عليج!!
الجود: على راحتك ..بس اذا تباني بمهد لك الطريج ويا خالوه !!
احمد: مادري والله بس بشوف!!
الجود: ابا اكلمك عن شي واحد مهم!!
احمد: شوه؟ لايكون تبين تعرسين؟
الجود: حشا علية!!بعيد !!بعيد!! على قولتك!! انا يوم بعرس باخذ يا اما شيخ او تاجر !!(ويضحك)
احمد: زين قولي...
الجود: انته مثلي الاعلى في الحياة!! واحلى رزيف !!ومزاجي!!ووسط روض القلب!! وانته مغرور ومشكور !!
احمد: يالله!!يالله!! شو نازل عليج؟ قولي اللي عندج؟
الجود: ابا اسير وياك الشركة هذيجي مال الانتاج مادري الاستوديو ..ابا اشوفك يوم تغني!!
احمد: هاه؟ قولي جذيه !!يالحرامية !!ليش؟
الجود: ابا اشوف جو الفن !!دخيلك!!دخيلك!!
احمد: عيب!!منقود!!
الجود: شو عيب ومنقود؟ بيلس اطالعكم!!
احمد: يصير خير !!يالله خلصتي؟
الجود:هيه خلصت ..الحمدلله (ودشوا باريس جاليري)
احمد: اختاري اللي تبينه ..واعتبريه هدية نجاحج يالمصرية!!
الجود عصبت وفخاطرها: جيه؟ من عرف انه اهلي ماعندهم بيزات بيتمنن علية؟ والله ماخذت منّة حد!! انا نفسي عزيزة وبتم جذيه!!
الجود:ليش؟ريحة عطري هب عايبتنك؟ (واحمر ويهه)
احمد: لاوالله مب قصدي جذيه !!انا كان قصدي ماعرف ذوقج في العطور !! وماكنت عارف شو بهديج !!! ليش خذتي الامور بحساسية؟
الجود معصبة: انته قلت فخاطرك بظهرها واباها تسمعني ..وقلت بهديها شي عربون على انها سمعتني !! انا اقولك لا!! اي بنية بترضاها بس انا لا!!! فهمت؟
احمد: والله ماكان قصدي شي!!سمعيني!!
الجود: خلنا انروح!!لاني مب طايقة عمري ممكن؟
احمد: هب متحرك لين تسمعيني !!
(والمشكلة انهم في نص باريس جاليري والمتطفلين يطالعونهم)
الجود: بدون ماتقولي اي شي !!ماعندي ريال واحد داخل مخباية !!وماداني منّة حد !!
(وعيونها احمرن ..وروحوا الموتر وهم ساكتين )
(ومن وصلوا البيت تشوف رفيعة عالبلكونة ..وتغيرت تعابير ويه الجود من الجدية للضحك)
الجود: احمد؟
احمد: همممم؟
الجود: من تنزل بطل لي الباب ويوّد ايدي!!
احمد: ليش؟. حبيتيني؟
الجود تبتسم: لا !!رفوع عالبلكونة!!
احمد: ههههههه ايوا!! (نزل وبطل الباب ونزلت الجود بغرور ومسكت ايده وحس احمد برعشة فجسمه)
الجود تتقرب منه تتمصخر وياه: شحالك انته؟ (هو احمر ويهه ويضحك ..وقلبه يدق بسرعة)
احمد: احين؟ والله بخير يالخير انتي!!
(وهو الفرحة مب متسعة له ..شل عنهالكاب ولبسها الكاب وهي تضحك وتلعب بشعره)
الجود: مب جنه سوينا فيلم هندي؟
احمد: شكلنا جذيه!!
(وتدخل رفيعة وترض باب البلكونة رض زين ماكسرته.. ودشوا داخل ..ووفاء نازلة من الدري)
وفاء: ييتوا؟ تعالي جود ابيج فغرفتج (ولحقتها من وصلوا .. حصلت دانا ورفيعة داخل)
الجود: شو ها؟
دانا فرحانة: هذا كله هبيبتي لج!!
(حصلت 3 فساتين للسهرة وشنطة مكياج ترس مكياج من كل الانواع والماركات .. وعباة كلها كرستال وعلى ظهر العباة كلمة باليابانية بس بالكرستال الراينبوه ..)
رفيعة:شفتي كيف يعبرون الناس عن حبهم؟
الجود:مشكوورين بس ليش تكلفون على عماركم؟
رفيعه فخاطرها:يعلج ما تتهنين بهذا كله!!
وفاء:هذه يسمونها هديه نجاح..
دانا:و انا شتريت لج قلب ذهب مال Bahrain ..اتفضلي!!
الجود:سامحوني والله..والله ما اعرف اقولكم غير مشكورين!!يعلني ما خلا منكم!!
رفيعه بمكر:السمووحه ما خذتلج شي..لاني طول الوقت في البيت..ماظهرت!!
الجود:حبيبتي كلمه مبرووك تسوي الدنيا و ما فيها (واتطلع الفاستين الاسود جنان..والاصفر..والاخضر الفاقع..)
وفاء:يمه جود روحي الصاله عمج يبيج!!
الجود:ان شاء الله..(وهي مستانسه..نزلت حصلت عمها يالس ويا اليده..وحمد منسدح يطالع التلفزيون..)
اليده:تعالي امايا ايلسي..طاعي عمج شويايبلج!!
الجود يالسة: شوه؟؟
علي:فجيها وبتعرفين!!(ومن فجتها..حصلت ساعه ذهبيه شكلها رجاليه..بس نسائية و حلوه..)
الجود:عمي!!هذه احلى ساعه!!والله العظيم(وتحضنه)مشكور!!
على:العفو يا غناتي تستاهلين!!(وطلع من مخباه بوكه وطلع بيزاته..
الجود:لا عمي الا هذا!!
على:هذه بيزات..يوم محتاجه شي!!
الجود:لا!!اهلى مب عيزانين عني !!
على:بس انا وصلني الخبر انه ماعندج مصروفج حتى!!
اليده:خذيهن امايا!!هذا عمج!!شرات ابوج!! الا قولي ابوج!!
الجود معصبه:ابويه على عيني وراسي..لكن ما ابا حد يتصدق عليه!!(وقام حمد وتعدل فيلسته..)
على:منو قالج انه هذي صدقة؟
الجود: عمي اول شي خالوه وفاية وبعدين راشد واحمد والحينه انته؟
علي: شوفي !!ان ماخذتي الفلوس بتصل حق ابوج وخله يتصرف وياج!! منو حاط فراسج هالتفكير؟
الجود: عمي فديتك انا بقولك !! بس انا هب محتاية!!
(علي مسك تيلفونه ويتحرطم ويتصل بعصبية)
علي: الو؟؟ السلام عليك شحالك؟ الله يسلمك ..انا متصل اتخبرك انته ماحيدك عنادي جذيه!!
اليدة تتحرطم: هااا؟ زين؟ سار اتصل حق ابوج الحينه!!
(وهي ساكته وبعدين عطاها التيلفون)
الجود: الو؟ هابويه؟ يوم انته بتوصل البلاد تقدر تعطيني بيزات بس الحينة هب ماخذه !!شو؟ انا والله احبهم لكن بعد ما ارضى ...لاتحرق اعصابك لاني هب ماخذه!! ويوم محتاية بطلب منك انته !!وفي شي بعد... انا بقدم اوراقي فكلية التقنية مال بوظبي وبشتغل بعد .. شوه؟ شوه لا؟ انا كبيرة واعرف شو ابا فحياتي !!اول شي حرمتني ادخل التخصص اللي اباه واحين بتحرمني من الشغل؟يابويه انا ابا اعتمد على عمري .. سامحني ماقدر..هذا مستقبلي انا!!
(وعطت التيلفون لعمها وروحت عنهم ..سارت حجرتها تصيح وماطاعت تتغدى وعالعصر اتصل بها محمد )
الجود: الو؟ مرحبا
محمد: مرحبتين بلاه صوتج؟
الجود: مابلاه شي
محمد: انتي فيج شي
الجود: صدق مافية شي
محمد: اذا ماخبرتيني عيل منو بتخبرين ها؟
الجود: ماشي بس مشاكل ويا العايلة..
محمد: الغالية ..انا مابضرج بالعكس بنفعج ..ويمكن اساعدج بعد ..خبريني..
الجود: اليوم طلعت ويا احمد تريجنا ومر محل مال العطور وقال لي اتشري اللي تبينه..
محمد: انزين وبعدين؟
الجود:اناا ما عيبني تصرفه احس انه يتمنن علية!!
محمد منصدم: احمد؟ انتي غلطانة !!بعدج ماتعرفينه عدل !! سامحيني ماتعرفينه!!!
الجود: ومن غير امه وعمي وحرمة اخوه يايبيلي هداايا !!
محمد: انزين؟
الجود: بس لين طلع من بوكه بيزات يبا يعطيني !! يوم رديته سوا حق ابويه وابويه ماقصر هزبني!! ومن علمته اني بشتغل عصب ازيد!!!
محمد: ماشاء الله !!انتي طلعني كل اللي فخاطرج مايودتي شي عليهم!!!
الجود: انا طبعي اني ما احب اخذ من حد بيزات لاني اعتبرها صدقة..
محمد: الشيخة الغالية ..تحبين تسمعين وجهة نظري؟
الجود: اكيد
محمد: وبدون عصبية ..اول شي عيال عمج من حسب معرفتي بهم وفأحمد ..ريال ماعليه كلام .. واعرف انه اخوانه كلهم شباب..هالهدايا اللي بيهدونج اياها لانهم يحبونج ..وماعندهم بنات في البيت ..واعتبروا نجاحج من نجاحهم ..وعن سالفة البيزات .. اهلج مسافرين صح؟
الجود معصبة: صح!!
محمد: ها معناته انج امانة عندهم ومايبونج اتمين غريبة عنهم او محتاية شي ...والله لو تسمعين عن عايلات مايحصلون ربع اللي تحصلينه ..يحصلون السب والشتيمة وكل انواع العذاب ..احمدي ربج انه الله عطاج هالنعمة وهي الاهل
الجود منصدمة من كلامه: اول مرة احس كلامك كله من قلبك ..
محمد يتمصخر: وليش من قبل كنت اجذب عليج؟
الجود: لا!! حاشاك!!!
محمد: يالله الغالية ..سيري استسمحي من عمج ومن احمد بعد..ما ارضى خويي يكون زعلان..
الجود: ان شاء الله والله ماتقصر..
محمد:بس يوم بتردين ..لي كلام ثاني وياج ..
الجود: ليش؟
محمد: يوم بتردين بخبرج واهم شي تراضين ابوج ..
الجود: قلنا ان شاء الله الشويبة!!
محمد: سيري العيوز!!!
(بندت عمه وسارت اعتذرت من الجميع وكانت ندمانة من الخاطر ..ويوم مد عمها ايده يعطيها البيزات خذتهن وباسته على راسه ..واتصلت حق ابوها تستسمح منه ..واتراضت وياه ..بس كانت مصرة على شغلها ..ويلست في الصالة وتشوف عواد نازل)
عواد: يالله احمدان بسرعة زخينا واحد!!(وكان لابس بنطلون وقميص)
[COLOR=#ff00cc]احمد: ياي!!ياي!!
عواد: اوووه جامة؟ تعالي ويانا !!
الجود: وين؟
عواد: انا يايب قفاطة(قفص) مال قطاو !! عسب نزخهن
الجود: يعععععععععععععع!!قطاو؟ جيه ؟ زخيتوا؟
عواد: ههههههههههههههه هيه الظهر احمد حط سمجة في القفاطة .. ونسمع احين صوت قطاو!!
الجود مشمئزة: الله ياخذهن !!مايخلنا نرقد!!!
عواد: نجنا نرقد ولا نسمع القطاو الا احمدووه جنه القطوة تماوي عند اذنيه وهو حالف الف يمين اني اخذ القفص ولا بيرميهن بالسلاح ..ويوم وايجنا حصلنا قطو داخل القفاطة وقطوتين برع حذاله...
الجود: هههههههههههههه يواسونه!!
عواد: الا؟ يشدون أزره علىى بلواه!!!
(واحمد نازل بنفس لباسه ماغيره )
احمد: الجود؟
الجود: نعم؟
احمد: والله راسي يعورني ..مكن تقولين حق ميري تسوي لي كوفي؟
الجود:ميري ورحيل رقود ..انا بسوي لك ..كم سكر تبا فيه؟
احمد: ثنتين !! لوماعليج امارة!!
عواد: انته بعد!!! ماتعرف تغازل؟ قول لها ..حطي صبعج في الكوفي مرتين وهذا روحه سكر..
الجود: طاعوا اللعانة!! تباني احترق؟
احمد: اوووووووب !!اووووب !!يابوك ماروم عليك يامحترف!! طوف خلنا نطالع القطاو الله يغربلهن!!
(وهم روحوا وسارت الجود لبستشيلة بيضاء ولفتها عن ريحة المطابخ .. وهي يالسة تسخن الحليب في الضو..وكانت عاطية ظهرها وتدندن وتيب السكر والكوفي ..وتحس بشي ..... ريحة؟ لكن ريحة شو؟..ريحة حليب يحترق؟ لا!!! ويوم صدت ورا انه اتلبست فيها الضو (النار) وشيلتها تحترق ويمكن شعرها بعد ..)
الجود تصارخ: آآآآآي !! آآآآآآآآآي !!
نسيت اخبركم شي حادثة الجود يوم تحترق تراها حصلت لي فاخر يوم رمضان واول ماقال المأذن الله واكبر بيصلي بالناس شبت فية الضو وماكنت اعرف وين اضرب براسي وكنت ادور في الجوي شرا المينونة لو مب البشاكير ورايه جان ما كنت موجودة الله سلمني والحمدلله على كل شي بس صدق كنت زايغة من غير ذراعي احترقت شوي حرق خفيف ووواااااااعثرتي لدرجة قصيت شعري بعد والله اني اقص شعري واصيح من الغصة..هذا كله من الشيل البيض الطوال اللي يسحبن يبالنا ياناس حد يخترع لنا حجابات صغار حق المطابخ والله اتحملوا واتحذروا الشيل البيض لهن منافع وضار وانتبهوا
(وتصارخ بأعلى صوتها..وتركض برع في الحوي ..واللي في البيت زاغوا من الصرخة ..ويدورون وين الصوت.. ..ورحيل ظهرت على الصوت ..وعواد واحمد .كانوا شالين القفص ..شافوها تصارخ وتدور عالبيت ..وعجوا القفص من الصدمة واختض القطو ...)
عواد: بسم الله بلاها؟ تحترق!!!!! تحترق!!! حد لها من هالجهة!!!
احمد يصارخ: زخها!! زخها!! بتحترق !! (وتشرد عنهم الجهة الثانية )عواد!! الحقها!! اناا بحد لها هالجهة بسرعة!!!
(ووفاء وعلي واليدة ظهروا برع ..وشافوها مارة صوبهم والضو متلبسة فيها ومب راضية تفج)
علي يركض وراها: جود تعالي!! زخوها!! زخوها!!!
وفاء تصارخ: هاتوا لحاف !!هاتوا شي !!بتحترق البنية !!(وتصيح وفاء ويلحقونها ..لين يت جهة احمد)
الجود تصارخ وتستنجد: آآآآآي !!!! آآآآآآآي بموووووووووووت!!! بموت!!! (وحاولت تشرد عن احمد ..ومسك المتبقي من الشيلة وفصخها من على راسها وصلخ ايده ..وكان ظهرها بعده ...ومسكها من ذراعها ولصقها على اليدار بقوة ..وهي تحاول تفلت عمرها منه .. وهو يحج ظهرها باليدار ...لين انطفت الحريجة لكن بعد شوه؟ بعد عناء طويل... كان داير راسها)
احمد يصارخ: سمعيني!!! سمعيني جود!! خلاص!! خلاص!!! انطفت الحريجة !!! شوفي ... شوفي...
(لين يلست عالارض واندست فريل احمد ..يعني حطت راسها على ريل احمد.. وهي تصيح .. واحمد كان محمر ويهه من اللي صار ويدورون عليها اللي في البيت ..ويتقرب عواد منهم ..وحس احمد انه ظهرها كاشف ... بس توة يبا يقول شي فصخ عواد فانيلته وعطاه احمد عسب يغطيها كانت تصيح كأنها ياهل ..)
احمد: عواد؟ سير هات لحاف ..شادر ..اي شي نسترها به دهديه !!! (ويترابعون صوبهم هل البيت)
علي معصب: قوم عنها اشوووووف!!! (علي يرفع راس الجود يبا يشوف ويهها)
الجود: انا بخير!! بخير...
علي: أجبي علية بنوديج المستشفى ...
اليدة: واعلية عليج يابنتي شو استوا بج ؟
(وفاء تبا تحضنها بس احمد يأشر بعيونه عسب تمسك الفانيلة عن تكشف عن ظهرها ..وحضنتها ومسكت الفانيلة وهن يصيحن ثنيناتهن )
عواد: هذوه اللحاف (ورحيل تصيح)
الجود بجرأة: لا!! مافية شي انا بخير ..
(احمد وعواد يطالعونها وهم زايغين عليها .. ويساعدونها تقوم)
احمد: انا بسير ابدل (وروح عنهم)
علي: متأكدة؟ مافيج شي؟ ظهرج؟
الجود ودموعها على خدها : مافية شي بس كنت زايغة (وفلتت ايدها من وفاء ..وسارت جدا رحيل)رحيل؟ وديني غرفتي !!(وودتها الحجرة وكانت متساندة عليها)رحيل؟ شفتي اللي استوا؟ زين ما مت!!!
(ورحيل دموعها ينهمرن)
رحيل: انا وايد خاف أليج !!ماما!!في سي اقول؟
الجود: مب وقته!!
رحيل: very important
الجود: شو؟
(وتفج شعرها وتشوف شعرها المحترق ..وكوعها المحترق)
رحيل: هادا كله من ميري
الجود: بلاها ميري؟ شو دخليها؟ (وهي تمسح دموعها)
رحيل: انا سويت نوم اندها الظهر بادين ...اشوف هي سوي black magic هقج!!
الجود: شو ها بعد؟
رحيل: سهر !! سهر!! هي maybe يوم سرنا المزرعة she entered your room وخدت داخل مشط مال انتي شعر ..
الجود:حق السحر؟ هذي الجلبة!!! تبا تجتلني؟
رحيل: انا في شوف بااد (وتصاصرها)
الجود مفججة عيونها: شووه؟ اععععععععععع مالي؟ من وين يابته؟
رحيل: ماعرف مال منو !!بس انا في شوف she use it ممكن هي خدي من trashcan مال الحمام مال انتي..
الجود: ويدي يعلها العوق!!! خليني اتسبح وانا براويها !!آآآآآآآي ياذراعي!!!
رحيل: ماما؟ I help you?
الجود: لا !!!! اقدر !!!
(روحت الحمام وعجت ثيابها ويلست اتطالع عمرها وتصيح على ما اظن نص ساعة شراتي .. كان كوعها محترق ..ويبين المكان المحترق احمر شرا الدم المتيمع ..وظهرها كانت العظام مبينة ..وشوية محترق .. ..اما الضرر الاكبر كان شعرها .. وتوايج من باب الحمام)
الجود: رحيل امايا؟ هاتي لي مقص !!
(وعطتها وقصت شعرها بحسرة لين كوع ريلها بالضبط ..وقامت تشوف المكان المتقصف او فيه ريحة وتقصه لين قصته مدرج مع انها مالها خص في القص وكان مبين على شعرها انه مقصوص مدرج .. وغسلت شعرها وهي تفكر باللي صار ...كيف الضو اتلبست فيها ...وكيف كانت تركض شرا المينونة دور داير عالبيت ..ويوم زخاها احمد .. وكيف كانت شرا اليهال)
الجود فخاطرها: آآآآخ يا فضيحتي!!ويييييييه !!اشوا انه رفيعة ماكانت موجودة ..وانا وين اودي ويهي !!اصلا اكيد مالاحظ من الصدمة !!آآآآخ علية!!! غادية غير ياهل!!!
(طلعت من الحمام وهي بروب الحمام)
رحيل: اميه؟ تبين شي؟
الجود: هيه سيري نادي ميري وانتي يوم بتشوفينها طالعة ... خذي الاغراض مال السحر وحطيهن فكيس ..واسمعيني عدل!!!
رحيل: ان شاء الله ماما
الجود: تاخذين من مشطها شعرها .. وتحطينه بدال شعري ..وتدورين في trashcan حمامها عن هذاكي وتحطينه فهمتي؟ وتغسلين ايدج 3 مرات اوكي؟
رحيل: زين ماما !!انا في خوف هي تجي!!
الجود: بخليها اتدخن حجرتي !!وانتي بسرعة خلصي شغلج !!وتين عندي زين؟
رحيل: ماما؟
الجود: شو ؟ في شي من بلاويها بعد؟
رحيل: ماما انا كل يوم سوي انتي اكل غير because هي تسوي ... إإإإإه ..إإإه !!
الجود منفعلة: شو؟
رحيل: ميري حط في غدا مال family ....إإإإإه ...إإإإه !!! ماما انا في خوف!!
الجود: بتقولين ولا اصمج طراق على ويهج !!(وهي يالسة تبدل ثيابها في الحمام وتسمعها)
رحيل: ماما هي في سوي تفل في جدر كل يوم....
الجود تصارخ: اخيييييييييييييييييييج!!! وعععععععععععععععع !! (لاعت جبدها) لعنبوا دارها شو هالوصاخة؟ وين خالوه وفاء عنها؟ (وجبدها لاعت من اللي سمعنه وتبا ترجع)
رحيل: مدري ..بس هي كل يوم حديه هي ما تهبهم ..even madam Dana ...
الجود: شووه؟ دانا تسوي سحر؟
رحيل: لالالالالا ماما!! هي سوي سهر حق دانا مشان ما تجيب بيبي !!هيّة قول وانا في شوف !!!
الجود: اعنبوا هذيلا رقود؟ مايدرون بالدنيا؟ انا لازم اسوي شي !!ولازم اخذ حقي !!(وتتذكر كلا رحيل عن سالفة الاكل يوم اتفل في الاكل) خذي اغراض دانا وبعد حطي بدالهن اغراض ميري ..رحيل؟ هي اتفل على اكلي؟
رحيل: ماما ..هي ما تجي عند جدر مال انا ..انا في قول هذا اكل مالي!!
الجود: والله يارحيل لو طلع هذا كله صح ..اذا حد يا خطبج والله انه عرسج علية !!انا بدفع تكاليف العرس وبخليه غاوي ..
رحيل مستانسة: صدق ماما؟
الجود: هيه صدق !!وبيكون عرسج في الفندق وبندور حق ريلج شغلة بس اهم شي اتمين عندنا!!
رحيل: والله ماما انا اهب your family!!
الجود: زين سيري وسوي اللي قلت لج عليه احينة!!
رحيل: ان شاء الله ماما ..(وتبوسها على راسها وسارت رحيل عند ميري) ميري؟ ميري؟
ميري: مني!!مني!! (ودشت حجرتها)
رحيل: ماما جود تبيج!!
ميري تضحك: هادي تبي help صح؟
رحيل: مادري !!هي قول نادي ميري !!روحي!! (وسارت عندها وميري منزلة راسها اتسوي عمرها فقيرة)
ميري: نعم ماما؟
(واتطالعها الجود من تحت لين فوق ..واتقول فخاطرها .. هذي تسوي جذيه في العايلة؟ هذي شيطان متلبسة فجسم انسان ..)
الجود: هيه!! كنت اباج اتدخنين حجرتي !!!
ميري: زين ماما !!
الجود تصارخ: قولي ان شاء الله!!!
ميري تنتفض: ان شاء الله ماما !!
الجود: سيري المطبخ التحضيري وسوي دخون!!
ميري: ماما بسوي تهت!!!
الجود تصارخ: : انتي شوه!!! ماتفهمين؟ اقولج في المطبخ اللي حذالنا !!!
ميري: زين!!زين!! اوووه ان شاء الله ان شاء الله ماما...
حمدان يدق الباب : جود؟ جود؟
الجود: اتفضل !! اقرب !! (وهو بطل الباب وتم واقف عند الباب )
حمدان: ماتشوفين شر !!سلامات!!! تعالي الصالة اباج!!
الجود: بييب شي وبييك !!(وتشوف ميري مكانها) وانتي؟ بعدج واقفة؟ شو قايلتلج؟
ميري: ان شاء الله ماما ...
(وسارت تسوي الدخون ...وهي يالسة تسوي؟؟ الجود يابت تيلفونها ..وفجت الفيديو ..وسجلت وخلت كيمرتها مجابل كرفايتها وحطت التيلفون على طاولة المكياج عيني عينك .. وسارت الصالة اللي مجابلة حجرتها ..وكانت تحس بالويع والحرق في ذراعها وظهرها..)
حمدان: تعالي انا بداويج!!
الجود زايغة وردت على ورا: لايابويه !!لا!! (وكان في الصالة فهد وعواد وسهيل واليدة)
سهيل: ماتشوفين شر يابنت العم !!في العدو ولا فيج!!
الجود: الشر ما ييك !!
(وتشوف ميري تدخل غرفتها ..وكانت يالسة عالغنفة وحذالها حمدان وعدة الاسعافات الاولية وياه وعواد واقف عند ظهرها)
عواد: حمدان دارس اسعافات اولية !!يعني عادي لو كنتي حامل بيخليج تربين!!
الجود: سو اي شي الا الابرة !!
حمدان: اشوف ايدج؟ يالله عاد!!(وهي مغمضة عينها وزايغة ..ومدت له ذراعها)
عواد: آآآآآآآآآآآآآآآآآآآآآآآآآآآآآي!!!
الجود معصبة: وجعاااااه!!!
حمدان: هذا حرق خفيف !!الله سلمج زين ما احترقتي في مكان ثاني !!بحط لج كريم وعلى ظهرج روحج حطي .. وكل اربع ساعات تبدلينه زين؟
الجود: زين !!
(وطلع احمد من حجرته ويلس وياهم بس عالارض)
احمد: ها؟ شو عطوج؟ (وكان متسبح ومبدل ثيابه)
الجود: بيحطون لي دوا!! انته ايدك اظني احترقت..
احمد اتجاهل كلامها وقال: ماتشوفين شر!!!
الجود: الشر ما اييك !!
(ويوم توة حمدان بيحط لها الكريم ..ومغمضة وزايغة .. وفخاطرها تصارخ لانه صدق الحرق يعورها .. ويوم توة لمسها على طول بالغلط رفعت ايدها وكفخت عواد على ويهه)
عواد يصارخ: وعثرة!!!
(وهم ميتين من الضحك)
الجود: اسفة ما شفتك!!
عواد: حاسبي يا بنت الناس !!بلاج؟ اول شي الحريجة والحينة كفخة؟ (احمر ويهه من الكفخة اللي يته)
(رفيعة طالعة من حجرتها بغرور وسكت احمد لانه كان بيقول شي)
رفيعة: ها؟ يقولون انج محترقة!!
عواد: لا!! غلطانة !! بس شبت فيها حريجة!!!
حمدان: اعنبوا ماتعرفين المذهب؟ البنية محترقة وماتتحمدين لها بالسلامة؟
رفيعة: الحمدلله عالسلامة..
الجود واتطالعها بطرف عينها: الله يسلمج ..(وطلعت ميري من حجرة الجود) ميري؟
ميري من الزياغ: ان شاء الله ماما!! (وضحك احمد)
الجود: خذي المدخن ودخني حجرة الشباب ..
احمد يصاصرها: انتي مول مب طبيعية !!
الجود تصاصره: بعدين بعلمك!!
ميري: ان شاء الله ماما!! (وروحت وتي رحيل فايدها كيس من الزينات وودته داخل وذراع الجود ممدودة)
عواد: ها الجامة؟ علوم ايدج؟ (وكلهم يالسين يرمسون وحالتهم لله)
الجود: اتشوف ذراعي اللي انكفخت بها على ويهك قبل شوي؟
عواد: لا!! لا!! يامعودة يقول الشاعر !!
اليدة: شو يقول يا بن روغة؟
عواد: ياعربي بالله ودوني جداه ... وارحلوا بي وين القى راحلين ...
كلهم: راحلين...
عواد: بس من هلي اهيعوا لي والوحاه ..... دامني فية استطاع على الضعين ...
كلهم: الضعين ..
عواد: دون شوفه مالي انس ولا ضحاه... وماخذ غير الصدود الباجين ...
كلهم: الباجين!!
اليدة: اسميها صدود تذكرينها يالجامة؟.
الجود: وحد ينساها؟ ويقولك الشاعر يا عنتر !!فدبي ساكن صاحبي!! واااي !! اوووه!! يعورني ههههههههه
عواد يقاطعها: بس!!بس!! اعنبوكم فضحتوني!!!
الجود: انته مدحت اللي تريد ...وكل حد يمدح من يبي !!
احمد يتقرب من ويه يدته: يقولج الشاعر يا بنت الايواد!!
اليدة: شو يقول يابوزايد؟
عواد: هييييييييييييييييييييييييييييه!! انا عنتر تسمين !!واللي يتروع من زهيوي سميتيه بوزايد !!!
اليدة: ماعليك منه يابوزايد !!كمل فديت ويهك !! (ورفيعة سرحانة فأحمد وكلامه)
احمد : يقولج!! ..مايخف شوقي بنظرة عيني عيونك ...ولا الشوق يبرد حبيبي لو تمنيته....
كلهم: تمنيته
احمد: زاد الوله بي كذا واصبحت مرهونك.... واحكمت قلبي ياويلي منك شقيته...
كلهم:شقيته ..
احمد: انته حياتي وعمري واحكم بهونك ...انته الغلا والحبيب اللي تمنيته ...
كلهم:تمنيته..
احمد ويبوس يدته على راسها: اتبع شروع الهوا وامشي بقانونك.... يوم الهوا جر لي قلبك وحبيته...
كلهم: حبيته...
اليدة مستانسة: واااايه فديت هالويه !!يدك الله يرحمه ماغازلني جذيه!!! يعلني ما انحرم من هالمغازل!!!
عواد يصاصر سهيل: شكلها ولا تدري بشي !!
عواد: خلنا انطوف السالفة على خير...
(روحت الجود لغرفتها وتشل التيلفون المبطل ...ووقفت التصوير ..وردت اتطالعه ..كانت اول شي ميري اتدخن الحجرة ..وبريقة غريبة توايج اتطالع اذا حد ياي ..بعدين بطلت كبتها وحطت فقميص من قمصانها ورقة سوداء ..بعدين اتطالع شي في الحمام... وكأنها اتدور على شي ..واتقرب صوب كاميرا التيلفون ... وهي ماتعرف ..وتاخذ شي لانه الكاميرا كانت العكس ..والحرمة شكلها ماخذة شي من صندوق الذهب ... لانها سمعت من الفيديو ومثل رضة الصندوق وتصرصيره ..شافته ..الخاتم داخل مخباها ..واتطالع المنظرة بعدين انتفضت ..وردته مكانه ..وتمتمت شي بالهندي ماينفهم وظهرت)
الجود: جلبة!! زايغة الملعونة!!
رحيل: مااما؟ هذوه في كيس !!
الجود: خليه!! (وتتصل على امها)
ندى: هلا امايا !!(وتصارخ) انا كم من مرة اقولج لا تتقربين من الضو !!(وتصيح) تبين تجتليني؟.
الجود: امايا!! استهدي بالله ما استوا الا الخير!!
ندى: اي خير؟ انا رادة البلاد ما اقدر اخليج روحج!!
الجود متحمسة: والله؟. وبن عروة؟
ندى: منو؟ ابوج بن عروة؟
الجود: لا حشا عليه!!! الريال اللي بتسوون صفقة وياه!!!
ندى: انا اللي بيي ابوج بيتم ما خلص بعده!!!
الجود فرحانة: والله؟ والله؟ هذا احلى خبر سمعته!!! متى بتنورين البلاد؟
ندى: اليوم طيارتي في الليل !! وانتي يامسودة الويه ياويلج وسواد ليلج ان اتقربتي صوب الجز !!هذي اكيد عين حد!!!
الجود: شو عينه يا اميه!! وااايه فديت عنونج انتي!! في اي مطار؟
ندى:وابويه مطار بوظبي!!
الجود منصدمة: شوه؟ مابنرد دبي؟ مابنيلس فبيتنا؟
ندى: ابوج قال محد يشبر البيت لانه مافيه ريال ..وانا الا بيلس اسبوع وبروح!!!
الجود: نعم؟ نعم؟ شو تقولين؟ ولا اقولج؟ من توصلين بالسلامو يصير خير!!
ندى: هيه والله يصير خير !!ماقلتي لي؟ الحرق وايد؟
الجود: بس ذراعي وشعري!!
ندى تزاعج:واعثرتي عثرة!! اتقرعت بنتي !!لاحول ولا قوة الا بالله!!يعل اللي عطاها بعين تنجلع عينه قولي آمين!!
الجود: آآآآآآآآآآآآمين!!
ندى: اميه قصيتي شعرج؟
الجود: شوي ..وحمدان عطاني دوا ريحته شرا المكسرات عذاااب ريحته ... فخاطري اتطعنه هالدوا!!
ندى: طعمج طعمي !!!وشخبار رحيل؟
الجود: بخير تشجح وتنطح !!اميه ماخبرتج عن احمدوه البيدار شو سوا!!
ندى: بلاه الارضي؟
الجود: مخلي المزرعة صحرا والله العظيم !!ولعنت ابو خامسه واسلاف اسلافه وضربته بعد!!!
ندى: زين سويتي فيه الباهس !!الحرامي الكنجوس ... الله واكبر عليه !!صبري بعلم عليه ابوج!!
الجود: لا لا لاتخبرينه انا ادبته!!
(ويلسوا يسولفون وبعدما بندت عنها لفت يدها بالشاش وجربت العباة والشيلة وطلعت مضبوطة ..يلست تطالع عمرها في المنظرة ..ولفت الشيلة عدل ..ودقت الباب على حجرة الشباب..)
عواد: ياي!!ياي!!دومي ابطل البيبان!!
(اول مافج الباب انصدم وكلهم اللي يالسين عالارض ..منهم يلعبون ورقة ..ومنهم بلاي ستيشن واللي يقرا الجريدة ..وكلهم صدوا يطالعون منو هذي اللي لابسة عباة يمكن دانا ولا رفيعة ومنصدمين مكانهم)
عواد: يقول الشاعر!!
الجود مبتسمة: شو يقول؟
عواد: ياطويل المعنق ... ياوسيع النحر...
كلهم: النحر..
عواد: يانحيف المعزل ..ليش لابس عباة..
كلهم: عباة!!
عواد: يكفي من العباية .. جاج لين انحدر..
كلهم: انحدر!!
عواد: لف به عالمفاتن والصدر والقطاة ..
طلهم: القطاة
عواد: والظنور الذرايب ..واستره بالشعر..
كلهم: خصلتين تكفي... تستره عن عراه..
كلهم: عراه!!
(وهي تضحك)
عواد: ماقصر راشد شرار على هالقصيد!!
فهد: حوووووووووووه!!! هذي احلى اغنية اللي كاتبنها سعيد بن مصلح يالتعبان!!!
احمد:شكله رد شفر !!من العباة ما ينلام!!!
عواد: واانا شدراني؟. (وقام احمد وسار صوبهم)
الجود: ها؟ شو رايك؟
احمد منصدم: عجب عجاب!!!
الجود: انا اسفة على كلامي يا احمدان ..على اللي قلته لك في المول ..ومشكور على ...على .....
احمد: ماعليج !!
عواد: شو هذا فايدج؟
الجود: عادي ادش؟
احمد: خشي ياماما!!(وخلوا الباب مفتوح)
الجود: بلاك جلبت القناة المصرية !!
عواد: شفر!!شفر!! ماعليج منه دشي!!
راشد خلا الجريدة: هذي اكيد هدية حقي!!
عواد: لا يا ريال !! (ويغمز للجود) هدية من هل دبي حقي صح؟
الجود يلست عالارض وتبطل الكيس: تبون طبوب؟
احمد: تف!!!
عواد: تف!!!
فهد: تفففففففففففف!!
راشد: تفين الا هب تف !!
حمد: تف تف في التراب!!!
احمد معصب: غربلج الله تسوين طبوب؟ الله واكبر عليج !!اللهم عافنا!! (وكلوها بكلامهم وتتفيلهم)
الجود تضحك: بلاكم اتفتفون ؟ سبحتونا عوذبالله!!!مب انا اسوي طبوب !!تبوني اطيح في النار؟
احمد: عيل منو؟
الجود: اتوقعوا منو؟
عواد: بلاج عاد!!ارمسي!!
الجود: ميري!!
عواد: ميري؟
حمد: لا...لا...حرام هب هي من زمان تشتغل عندنا ..يمكن رحيل!!
الجود:تبون الا اثبات؟
احمد: شو؟ (وتطلع تيلفونها وتراويهم فيديو كليب )
فهد: قوموا روسكم ابا اشوف!!
الجود: ها؟ شو رايكم؟
حمد: الله يخسها !!وشو اللي حطته فمخبا قميصج؟
الجود: ورقة سوداء حطيتها في الكيس !!كاتبين آيات قرآنية بالدم..
عواد: وععع !!هذي الحقيرة !!انا براويها ..
الجود: اليوم انا بسوي فيها شي..يخليها اتروع ..
عواد: انا بساعدج !!
الجود: نسيت اقول لكم شي !!رحيل اتخبرني انه ميري كل يوم اتتفل في الجدر اللي تاكلون منه!!
(ولاعت جبدهم)
عواد: تف!! فضل عنها!!!
احمد: تف !!الله يغربلها !!
حمد: تف!! تف!! تف!! تف!!
فهد: وعععععععععععع برجع!! تف فويهها !!ملعونة الصير!! (واتغير ويه راشد غدا مصفر)
راشد: انا بسير لها وبعرفها جيمتها !!الله ياخذها طول حياتنا ناكل من تفالها !!
(وسار الحمام يرجع)
الجو: خلوها علية انا اعرف دواها عدل!!
عواد: انا بسير اعلم ابويه ..شو هذا؟ هذي الملوج جيه تسوي؟ ما أذيناها بشي !!
الجود: عواد لا!! لانه انتوا ما عندكم بشاكير غيرها ..رحيل اتخبرني انها سوت سحر خلتني احترق ..من غير تقول انه دانا ماتيب عيال لانها سوت لها سوا !!
عواد: الصراحة لو ماراويتينا الفيديو ما كنا بنصدقج !! لكن فخاطرية اسحبها من كشتها !!ام القمل والصيبان!!
سهيل يدش عليهم: اوووووه!!اوووووووووه!! منو الحجية؟
الجود: عمتك وتاج راسك الجود بنت سالم!!
سهيل: يالله!!مووول اممممرة !!شو ما شاء الله؟ ظهر عليج الطوع؟ويايه توزعين ادعية حق الشباب؟
الجود: بقولك شي !!(وتنشد) الا صلاتي ما اخليها ... إهية حياتي ... (وصخت فجأة .. حست بالاحراج لانهم يطالعونها)
راشد بحماس: كملي!!
احمد: بلاج؟ كملي ؟والله صوتج حلو!!
الجود: ماشي!! انا بروح حجرتي!! (واحمر ويهها)
سهيل: استحت البنية !!
عواد: جامة؟ انزلي تحت خلها يدوه تشوفج ..بنشوف her reaction
سهيل: اووووووووووووووووب!!! بعد her reaction اتطورت العزبة ياخويه!!
(فهد خذا عنها الكيس ودساه)
الجود: يالله!!
(ونزلت وهي متغشية ....ووراها عيال عمها وميتين من الضحك ..ومسكها احمد من ذراعها وبصوت واطي)
الجود: آآآي!!
احمد: اسف اسف !! يدوه؟ يدوه؟ بعرفج على ربيعتي في الشغل !!
(ورفيعة طالعة من المطبخ ...وتشوفهم)
اليدة مستغربة: ماشفتها حادرة من الباب !!هذي رفيعة ولا دانوه!!
رفيعة: انا هنيه!!
سهيل: أييييييهأ !!اتحرين بخلي اخويه إيووود دانا؟ هذا اللي ناقص!!
اليدة تزاعج ومسكت راسها: وابويه !!وشو تسوي فحجرتك؟
احمد بمكر: كنا نشتغل !!شغل!! شغل!!!
اليدة: وااابووويييييه!! يوم انها فحجرتك اكيد كشفت عن ويهها !! وجيه متغشية جدامي ها؟
احمد بمكر ازيد: بكل صراحة !!ماتشوفين جيش ورايه ؟ عيب يشوفونها انا اغار !!
(والجود تبا تنفجر من الضحك)
اليدة تولول: اتغربلتي !!امايا ؟ هذا عيب ومنقود !!البنية ما اتدش بيت عرب ماتعرفهم !! شو هالبلى!!(وتزاعج) علوووه !! ياعلوووه!!! هات حرمتك وطالع مذهب ولدك الخايس!!! انزلوا وطاعوا البلى !!اشوف هدها لاصق فيها لزقة!!! هدها!!!
احمد: ما اقدر يدوه !!بوصلها لموترها ..كانت حابة تسلم وبس!!!
عواد: سلمت عليها العافية!!(وكلهم ردوا وراه ..ورفيعة منصدمة)
اليدة تعطس: الحمدلله ..انتوا بتجتلوني؟ (وتأجب على عصاتها وتقوم) اميييه؟ تيسري بيت اهلج ...والله يستر عليج !!! ماعندنا معاريس هني!! يبتوا لي المرض!! (وفجت غشوتها وكلهم ماتوا من الضحك واليدة منصدمة)
احمد: ها؟ شو رايج؟
اليدة وتيهيل: وييييه !! يعله من نصيبج قولي امين!!
الجود وتسوي بايدها: مب امين!!مب امين!!
اليدة: وشعلية من كلامج ؟ علكم لبعض !! (ورفيعة مشتطة وينكسر الصحن) خير!!خير!! خير ان شاء الله..
رفيعة فخاطرها: ماعليه يامسودة الويه !!انتي تاخذين عني احمد؟ لا والف لا!! (وسارت الجود فوق واتصلت لمحمد)
الجود: محمد؟
محمد: الجود؟
الجود: زعلان مني؟.
محمد: يمكن!! مادري بج!!
الجود: والله صدق !!زعلان؟
محمد: لا!! اسوي سوالف وياج !! بشري؟ شو سويتي؟
الجود: اتصالحنا واعتذرت منهم
(وماطاعت تخبره عن الحريجة وعلى الساعة 12 كانوا خلق الله رقود ..بس الجود واعية وتبا تاخذ قضاها من ميري .. وعلى فكرة عواد يابلهم عشاء من برع ..وسوت تيلفون حق عواد ..ثره برع يترياها في الحوي)
عواد: شوها؟
الجود: حصا!!(وتصاصره)
عواد: انتي يالساحرة!! ههههههه انتقام فظيع !!يالله نبدا ...
(وسارت الجود وفرت الحصا على دريشتها كم من مرة ما قامت وبعدين قامت ..وعواد حذال دريشتها وماسك القطو .. اول مافجت الدريشة ... تبا توايج تبا تعرف ..شو هالصوت فر القطو داخل والمشكلة عفد القطو على ويهها .. وميري تشاهق وتزاعج ..وحالتها لله ومحد سامعنها لانهم بندوا البيبان عدل..الجود وعواد يبون يضحكون بس مسكوا عمارهم)
ميري: آآآي!! آآآآه !! آآآآآه ماماااااا!!
(ووقفت الجود عند باب حجرة ميري هي وعواد ..وكانت ميري قافلة باب الحجرة ... وقبض عواد قبضة الباب يزيغها..)
الجود بصوت عالي: مياااااااااااااااااو!! مياااااااااااااااو!!
(وهو يقبض قبضة الباب وهي تناوي .. وهذيجي تنتفض ومن غير عندها البلوى العودة القطو .. ويطلع القطو من الدريشة ..تموا على هذي الحالة نص ساعة بعدين روحوا وهم يركبون الدري)
عواد:الجود؟ دخيل الله رمسي رحيل !!قوليلها هي خلها تطبخ وميري تنظف وانا من معاشي بزيدها ولا هالوصاخة!!!
الجود: وابويه؟ شو هالكلام؟ شو تزيدها؟ بتطبخ وميري بتنظف ماعليك!!
عواد: شخبار هل دبي؟
الجود تبتسم: والله ماندري بهم من هذيجي المرة !!
عواد: وصلي لهم السلام!!
الجود: يبلغ ان شاء الله عواد؟ انته بتيب اماية نداية.؟
عواد: انا وراي شغل !! البطالي احمدان بييبها هو وابويه !! (وتغير السالفة)
الجود تبتسم: ها؟ اكيد ينت ميري !! على اللي سويناه اليوم!!
عواد: الا بتهاذي بالقطو !! مياااااو!!
الجود: مياااو !!مياااااااو!! هههههههه وابويه اخاف يتراوالي في الليل !!
عواد: اتعوذي من ابليس ورقدي!!
(وراحت غرفتها وتتجلب في الفراش مب ياينها رقاد ..وتسمع نخير رحيل ..بس هي مب ياينها رقاد ..لانها اتذكرت الحريجة اللي شبت فيها ..هذا شي هب هين .. فحياتها مافكرت انه حد يسوي سحر ..وكيف تلبج فيها الضو فظهرها وماحست بها ويوم يمسكها احمد ويلحفها بقميص عواد .. وفجأة تضحك تذكر كيف عمها واليدة ووفاء وعواد يركضون وراها يبون يزخونها ومحد قادر يزخها غير احمد اللي كان حاد لها الجهة الثانية ..شكله كان يبا يزخ قطوة ...ونشت على الساعة 11 .اتسبحت وحطت الدوا ولفت يدها بالشاش ..لبست تنورة تركواز قصيرة لين ركبتها وبادي تركواز ولبست حزامها الذهبي..ونعال سطاحي ورفعت شعرها فوق ..ونزلت كم من خصلة وحطت كونسيلر على عينها تخفي السوادة اللي فعينها ..لانها ما رقدت عدل .. وحطت جلوس شفاف وتعطرت ويوم توها بتظهر )
الجود: اووووووووه !!نسيت اهم شي !!
(وطلعت من صندوقها مال الذهب خلخال من الفيروز كانت شارتنه من صحارى ولبسته)
الجود: نااايس!! نااايس!! يبالي رقصة !!
(وبطلت الباب وتشوف دانا)
دانا: هبيبيتي سلامات!! Yesterday ,I was so exhausted from work ,what happen to you?
الجود:ماصار الا الخير !! بعدين بخبرج!!
دانا: انا خذيت holiday عشان your mom بتي وبسير وياكم ..
الجود:حياج الله!!
دانا: وين؟ is the pain?
الجود: في ذراعي
(وهم نازلين .. تشوف اليدة تتكلم في التيلفون ووفاء يالسة تشرب قهوة ويا علي)
علي: مرحبا !!مرحبا!!
وفاء: مرحبا الساع!!
الجود: مرحبا ملاييين ..هذا احلى ترحيب احصله !!
وفاء: يمه روحوا صالة الطعام واتريجوا وانتي دانا اتريجي عدل من البارحة ماكلتي!!
دانا: ان شاء الله mom
علي: ترا اليوم خالتكم هي اللي مسوية الريوق!!
الجود مستغربة: ليش؟ وميري؟
علي: اتخبلت هالحرمة ..ماندري شو جاسها !!متحلف بكنسلها !!صبروا علية!!
وفاء: اونه عفدت عليها قطوة فغرفتها!!كيف مانعرف !!وجعااااه فينبها قولوا امين !!
الجود: امين!!
اليدة: لبسها سكني في الليل ماعليكم منها !!(وترد ترمس في التيلفون) هيييييييييه!! هذي ميري بشكارتنا !!خسها ابليس ان شاء الله !!
( الجود تضحك ويدشون غرفة الطعام ..واحمد توة بيصب له حليب ..شكله توة نازل ..كان لابس كندورة بيضاء ..ومتعصم وعيونه مسودات من قلة الرقاد)
دانا والجود: صباح الخير!!
احمد: صباح النور!!
الجود: بلاها مسودة عيونك؟
احمد: شي غيرهن؟ هالقطاو الله ياخذهن ما يخلن حد يرقد !!جان ما احطلهن سم اسم راسهن به الملاعين!!!
الجود: خبرك عواد؟
احمد: عن شوه؟ ماشفته سار الدوام !! ليش شو السالفة؟
الجود: خبلنا البارحة فوحدة الله يستر عليها (وهو سار تفكيره جدا رفيعة)
احمد: هااه؟
الجود: مب هذيلا يالعفش!! ميري!! (وتتكلم بصوت واطي) خبلنا بها!!
دانا: what did you do? Haram !!
احمد معصب: حرمت عليها عيشتها !!هذي ما ينقال لها غير الذبح فيها حلال !!
دانا: ليش؟
الجود: انته خبرها انا ابا اكل !! (وهي تغرف في الصحن حقها وحق دانا خبيصة وتاكل بايدها)
احمد: جد سمعتي عن بشكارة تشتغل عند ناس اخيار وتسوي سحر حقهم؟
دانا: magic? سمعت وايد ناس!!
احمد: وشو رايج؟ (وتقاطعهم الجود)
الجود: كلي واسمعي!! (وتاكل واحم يرمس)
احمد: وشو رايج اذا قلنا لج ..انه الاكل اللي ناكله من يد ميري وهي اتفل عليه!!قولي من طبت البيت!!
دانا: شنو اتفل؟
الجود: اراويها اشجى يتفلون؟ هههههههههههه
احمد: اععععععععععع !!يا ويلج!!
الجود بصوت واطي: يعني تف!!تف!!
دانا باشمئزاز: yuk!! Disgusting !!oh god!! Yuk yuk yuk yuk gross!! This……………. (مقص الرقابة ما نروم انقول شي هههه)
الجود: الا؟ ............(وتقول كلمة دانا) امية مرة هب مرة!!!
احمد: وانها تسوي سويات وخلت الجود تحترق ..ومن غير ماخذة اغراضج عسب جذيه ماتيبين عيال !!
دانا: شو هذا؟ are you kidding?
احمد: لاوالله !!وراوتنا جاموووه البارحة فيديو شي مب طبيعي !!ماخبرتيني شو سويتوا؟
الجود: اتحيد القطو اللي زاخينه في القفاطة؟
احمد: هيه الله يلعنه !!آدمي هب قطو!!(وتخبره)
الجود: اقولك غديت جني في مكة شليت حصا وقمت افر على دريشتها !!جنه نفر على الشيطان !!
(واحمد ودانا ميتين من الضحك )
احمد: وبعدين؟
الجود:عواد حد لها عند دريشتها وفايده القطو ..اول مافجت الدريشة عفد القطو على ويهها
(الجود وعينها تدمع من الضحك .. واحمد احمر ويهه من الضحك )
احمد: خلصتوا ريوق؟
دانا: الحمدلله
الجود: الحمدلله هيه
احمد: دانا بتاخذين الجود وياج؟
دانا: زين ..
احمد: زين خذي سويج البورش كايين وانا باخذ الانفينيتي مال راشد..
دانا: غريبة he didn't say anything …
احمد: عطيته الليكزس ستيشن شو يبا بعد؟
الجود: وراشد شو بيسوق؟
احمد: ماخذ ال x5 مال فهود!!
الجود: اوووووووووووووف!!بخبركم شو هالمواتر .؟ عمي وايد مدلعنكم !!
احمد: شوفي!! نحن اول شي من ناخذ الليسن ابويه الله يطول لي بعمره ياخذ لنا الموتر اللي نبا والموتر لثاني بمعاشنا !!انا مثلا عندي ليكزس ستيشن ورنج سبورت ..الرنج انا شارنها من معاشي!!
الجود: خلك يابومعاش !!يالله انروح اخاف طيارة اميه وصلت!! (وهم يركبون ونزلت دانا الجامة حق احمد)
دانا: race ok?
احمد: تم!! Ladies first !!
(ويأشر بايده انها تسبقهم ..مثل انه تحديني بس انا بفوز وقاموا يترايسون لين فازت دانا)
الجود: اسميج هب هينة يادان!!!
دانا: لو سمهتي ام زايد !!
الجود تضحك: وابويه عليج !! علموج هالسوالف بعد ؟
دانا: فديتج sure (ووقفوا في الباركينج) ها؟ loser!!
احمد: loser ? loser!!
دانا: منو الهينه الجولة؟ (والجود وعلي يضحكون على كلمة جولة ... دوم الرياييل يقولون عن الحرمة انها يوم تسوق جولة )
احمد: انتي من بين كل البنات ياحرمة اخويه هب جولة اشهد انج هب جولة !!
علي: اميه دانا ؟ لاتسرعين جذيه خطر!! اخر مرة!!
دانا: ان شاء الله father ( وهم يمشون تشوف دانا خلخال الجود) خااال!! Wow nice!!
(وينفجرون من الضحك)
الجود: هذا خلخال والله واصل!!
(ووخت الجود تبا تبطله واحمر ويه احمد)
(ووقف وراها على طول عسب ما يشوفون اللي شافه ..علي ودانا ضحكوا)
علي: آآآخ منكم !!اللحمة عظاظة!!
(واحمر ويه احمد وبطلت الخلخال)
الجود: بلاها اللحمة وليش عظاظة؟ (وصدت) وانته بلاك ورايه؟
احمد: أستر عليج !!هذا يزايه؟ وانتي مرة ثانية لاتلبسين جذيه !!عوذبالله!!
علي يقاطعه: احمدوه؟ مالك خص !!يوم بتكون حرمتك وعلى ذمتك قول لها البسي وسوي!!
احمد: انا بس كان قصدي.. (احمر ويه الجود وويه احمد وابتسمت دانا)
الجود: عمي؟
علي: ها؟
الجود: ليش تعصب على ولد عمي؟ هذا مزاجي ووسط روض القلب !!لاتغلط عليه وجدامي بعد؟
علي: هذا يزايه ادافع عنج؟ ماعليه يوم بيقول شي بسكت بشوف شو بتقولين له يا ام لسانين!!
الجود وماسكة ذراع احمد: اقول احمدان؟
احمد: همممممممممم؟
الجود: عمي عازمنا على هالكوفي شوفه؟ (وتصاصره) لو رفوع هني جان اشتطت وبراطمها انتفخن!!
احمد ضحك: هههههههههه غربل الله بليسج !!العيب بلى !! بس ماجذبتي !!
علي: انتوا اتجدموا ..انا ودانا بنطالع متى طيارتها (وهم يمشون) يالله اتكون من نصيبه!!
دانا: امين بس هذيلا كله سوالف مافي شي جدي!!
علي: بيكون !!بيكون!! ويالله ايكون جريب !!(واحمد خذ الجود الكوفي شوب خذت لها جالاكسي ووحليب بالكاكاو وهو خذ كوفي ويوم يابوا لهم كان احمد كبير)
الجود:الله واكبر بتشربه كله هالجيك؟
احمد: قولي ماشاء الله تبيني اغص؟
الجود: ماشاء الله .. ماشاء الله!!
احمد: ها؟ ماشاء الله متكشخة حق منو هذا كله؟
الجود وتنفض فانيلتها: بسم الله علية !!انا امبوني كشيخة !!وهالمرة زيادة لانه ست الحبايب ياية!!
(ويشوف احمدان حرمة ياية صوبهم )
احمد: وحدة ياية صوبنا وايد تشبهج طاعيها !!صدي ورا!! (وصدت تبا اتطالع)
الجود: منو اللي تتجرأ تكون شبيهة الجود؟ (وانصدمت مكانها ..وتحس بقشعريرة فجسمها
اذاا شفت ردودكم راح اكمل باقي البارتات