مرحبا يامغتربات , أنا قاعده أفكر في الابتعاث للماجستير في أمريكا , وفيه أمور كثيره تشغلني من ضمنها موضوع الشغالة اللي ذكرته لكم , وكمان أنا زوجي مدرس, وممكن يأخذ سنة استثنائي ويجي معاي بس الفترة الباقية ممكن أبقى لوحدي , وماأدري هل أقدر أتحمل الغربة لوحدي وخاصة عندي بنت عمرها أربع سنوات . ايش رايكم . وبودي أسألكم عن طبيعة الدراسة بالجامعة والاختلاط بالطلبة والطالبات , كيف الوضع؟ وهل تلاقون صعوبة في الدراسة واستيعاب المناهج بالإنجلش ؟وكيف تتنقلون بين الجامعة والبيت ؟ وأيش أفضل الجامعات للدراسة بأمريكا ؟معليش أسألتي كثيرة:044:
لك روحي
10-22-2009, 01:47 AM
كنظام اعتقد تقدرين تجيبين شغالتك بس طبعا موضوع الراتب وعدد ساعات العمل والنظام الصحي وغيره من الاشياء لازم تتبعين نظام الولايه الي انتي فيها يعني ماراح تدفعين لها الراتب الي هي تاخذه بالسعوديه ولا بتطيحين بمسائل قانونيه انتي بغنى عنها
وعلى حسب كل ولايه ..
ان شاءالله بنات امريكا يفيدونك اكثر
بس مدري بنوته وحده وعمرها 4 سنوات ما اعتقد بيسمحون لكم بالشغاله غير انتي ممكن تدبرين امورك من غير الشغاله بسهوله
لاتحسبيني بهالكلام ربه بيت شاطره افشل مني مافي وماعمري شلت منديل من الارض قبل لا اتزوج لكن ربي يسهلها ويعينا مع الدش واشر والحضانه وترتيب وقتك بتقدرين خصوصا ودراستك ماستر مو بكالوريوس
لو بكالوريوس اقولك صح تحتاجين شغاله لان الدراسه مره صعبه وتاخذ وقت طويل
لكن الماستر معروف طالب الماستر يقدر يدرس ويشتغل بنفس الوقت لان مافي ضغط كبير زي البكالوريوس فتقدرين تدبرين نفسك وامور بيتك وبنتك
وبعدين بامريكا في كثييير شغالات بالساعه خصوصا المكسيكان اسعارهم رخيصه من كلام البنات
زوجك ليه ماياخذ اجازه مرافق؟؟ ويقدر يقعد معاك لحد ماتخلصين وهو يستغل الوضع ويدرس اي حاجه لو بس انجليزي
high class teatcher
10-24-2009, 03:49 PM
مشكورة لك روحي على تجاوبك , يعطيك العافية , أنتظر ردود الأخوات بخصوص اسئلتي الأخرى
Fantasy dream
10-24-2009, 07:55 PM
الصراحه الشغاله راح تتبهذلين معاها اكثر مما راح تستفيدين منها
وبعدين انظمتهم غير انظمتنا يعني لو تشرد منك مافي امل تقدرين ترجعينها خخخخخخ
لان القوانين بكل الوسائل والطرق تحميها ..
وتدخلون في سين وجيم معاها ..
وهناك عاد ما يصدقون يلاقون علينا اي شي ويكون ضدنا ,,
وفي قصه سمعتها عن عائله سعوديه كان معاهم شغاله ويوم جا المطار جلسو يسئلونها كذا قالت انهم ما يطلعوني وحاكمين علي ومايخلوني اشوف الناس وشغل في البيت ههههه الخ ..
طبعا هم ماصدقوو وفتحو قضيه بهاالشيء ولا قدرو يطلعون منها بالراحه
توكلي على الله ياقلبي احنا ندرس وندير بيوت ومتكلين على الله في كل شي ولا شفنا شر .. ولا تخلين الخدم دائما هم الحل الوحيد عشان تنجحين ،، اثبتي وجودك ونجاحك بدونهم وشيلي فكره انهم المعين لنا ،،
المعين الله سبحانه
اتمنى اني افدتك باللي عندي ..
high class teatcher
10-27-2009, 09:24 PM
مشكورة اختي fantasydream عالرد وعالنصيحة , بس مارديتو علي عن افضل الجامعات بأمريكا وطبيعة الدراسات العليا هناك ؟ هل هي بالساعات الدراسية أو بالبحث مع الدراسة للماجستير والدكتوراه؟
عبلاء
10-29-2009, 04:17 AM
هلا اختي ممكن زوجك يقدم على الايفاد وهو التدريس بالاكاديميه السعوديه الموجوده بالمكان اللي بتبتعثين له وبالنسبه لبنتك دخليها روضه او تمهيدي يكون وقت دراستهم طويل واي استفسار انا حاضره