تخيلي تدخلي القاعة والكل جالس يسولف ما أحد التفت لك
تخلي ما احد يهنيك ولا أحد يهديك شيء
وش يكون شعورك ؟؟؟؟
أكيد العروس الكل يفرح فيها و الكل يهتم فيها صح وإلا لأ
ليش تحزني
تخيلي بيوم عرسك وجاوبيني بصراحة هل بتفكري بالبنات اللي لسا ما تزوجوا ؟
هل بترفضي الزواج لأجلهم ؟؟؟
لازم تحطي نفسك بمكان أي شخص قبل لا تحزني وأحكمي بنفسك
الكل يتمنى الزواج لكن زي ما تتمنيه لنفسك تمنيه لغيرك
والكل يكره العنوسة وزي ما تكرهينها لنفسك لازم تكرهينها لغيرك
وتذكي إنك إذا دعيتي لشخص يكون لك بالمثل بإذن الله
كلام سليم 100%
وفقكم الباري وأسعدكم في الدارين
شوكولاين جدة
11-02-2009, 01:36 PM
حبيبيتي ادري انه شي صعب ، بس انتي ذكرني نفسي كتير بأنه الله موجود و ما راح ينساك ، و زي ما من عليها راح يعطيك الزوج الصالح قريب ان شاء الله ، لا تأثر فيكي نظرة الناس يا حبيبتي تراهم لا يودو ولا يجيبو
روحي الفرح و ارقصي و انسطي و الابتسامة ما تفارق وجهك و اقهريهم ، و لا تسمحي لاحد يكسر نفسيتك و خاطرك
الله يوفقك و يرزقك
00فراشه بالالوان00
11-02-2009, 01:46 PM
انا مريت فيه مرتين كنت بموت من الالم اول مرة اختي تطلقت وتزوجت مرة ثانيه مع انا انخطبنا سوى بس ربي
الحمدلله ماراد لي
الثانيه اخوي الصغير واخر العنقود تزوج والناس بالشبكه الله يعوضك لين بغيت ابكي منهم وحتى بزواجه وقت الزفه
جت خالتي تقول عقبالك بس انا طلعت على الكوشه وصفقت كني بموت من الفرحه لانه اخوي والله يوفقه وماابغاهم
ينظرون لي بعين الشفقه والرحمه هذا نصيب وانا راضيه بنصيبي اللهم لااعتراض
متعلقه بمروحه
11-03-2009, 07:30 AM
اختي معاناة فراشه
انا احب اختي وفاهمه كل الي تقولينه
ولا ودي اني اضرها ولا اوقف نصيبها
انا كنت ابي نصائح البنات كيف اقدروا يشغلون نفسهم بهالفتره
كيف مااهتموا بالموضوع لان السوالف بتكون بالبيت عن العرس الجديد الي بيصير
كيف مابينوا انهم عادي عندهم وانه الزواج مو بالهم كيف تصرفوا بهالمواقف
لا اكثر ولا اقل انا قصدي الموضوع من هالناحيه
رجاءا اختي افهمي السالفه انا مو شريره واكيد احب اختي اكثر من اي شخص بالدنيا
متعلقه بمروحه
11-03-2009, 07:33 AM
مشكوره دفئ القلب على مرورك بس بعد مو فاهمه قصدي
كل الحلى*
11-03-2009, 08:41 AM
مرحبا حبيبتي ....أولا لا تيأسي من رحمة الله ..
أنا بنات خالتي كذا زيكم تزوجت الصغيرة أول وبعد ما جابت ثلاثة أطفال تزوجت الكبيرة والله كان حظ الكبيرة أحسن بمليون مرة من الصغيرة
أخذت ضابط كبير وبيت روعة وخدامتين وسواق والعرس كان بقاعة خياال بينما أختها راتب زوجها ما يتعدى الثلاثة آلاف وساكنه مع أهل زوجها ...
انت ادع وكل شي بيتسهل .
أما بالنسبة كيف قضوا الوقت حنا كنا نشوف بنت خالتي الكبيرة مع أختها قبل الزواج تروح معها الأسواق وتتقضى ومفصلة فستان حلو وكانت ترقص وترحب
ما حسستنا بشي بس عاد نفسيتها الحقيقية ما ندري أهم شي الحضور ما حس أبدا بزعلها وحتى بنفاس أختها كانت تساعدها وتستقبل
والله عوضها خير..
واعتقد الحين صار عادي تتزوج الصغيرة قبل ما عاد نستنكر أبدا..
بنت الطويلعي
11-03-2009, 09:51 AM
حبيبتي اعرفي ان هذا الشئ ماهو بيدك ولا يدها هذا الشئ معلق بالقدر من قبل ماتنخلقين بعدين هذا نصيب وانتي ان شاء الله راح يجيك نصيبك وكل تاخيره فيها خيره وانتبهي تبينين لاحد هالشي حتى لو نسيتي هي ماتنسا ودعواتي لك بالتوفيق
نجد الحبوبه
11-03-2009, 11:28 AM
ياعمري انتي رزقك بيجيكي اصبري بس
وبعدين انا عرف وحده تزوجت الصغيره قبل الكبيره اقسم بالله ماقام بالعرس الا الكبيره
تدور بالزواج ورقصت لين ماقالت بس وبالزفه مع اختها مع العلم انها احلى بكثيييييييير من الصغيره
وسبحان الله عقب زواج اختها تزوجت على طوول مع انه عمرها 26 او 27
ومو بس هذي حتى ثانيه تقربلي نفس الحكايه الصغيره قبل الكبيره وبعد الزواج تزوجت الكبيره الصيف اللي بعده
انتي افرحي معها وانزلي معها وجهزي معها وساعديها بالمشوره ..
وصدقيني ان ربي بيرزقك بعد زواجها على طول :)
ح ـكاية روح
11-03-2009, 11:52 AM
انا ايام خطبت اختي الصغيره ما ابالغ لو اقولك فرررررررررررررررحت من قلبي كانها انا المخطوووووبه
وكنت اجهز لها اللبس والمكياج وكل شي واروح المطبخ اجهز القهوه والشاهي للخطاب
ولازعلت ولاشي اهم شي وحده منا تنخطب ونفرح فيها
وبالنهاية الزواج قسمه ونصيب مو شرط الي تتزوج بدري تكون سعيده ولامن تتاخر تكون تعيسه
بل غالبا العكس صحيح ربك العادل يعووووض الصابرين خييييييييييييييير
صح يتحزني شوي وقت التجهيز لكن تعوذي من الشيطان لانه يوسوس لك
واستغفري واذكري الله تروح من بالك هالافكار الحزينه
وش تستفيدين لازعلتي ؟؟ غير الحزن والقهر وبتحز بنفس اختك لاشافتك انك مافرحتي لها بفرحة عمرها !!
انتي احضري واكشخي وارقصي وانبسطي وافرحي قد فرحة اختك واكثر
موفقـــــه عـــــــــزيزتــي ..
سبايب عذابي
11-03-2009, 03:00 PM
خواتي تزوجت الصغيره قبل الكبيره باربع سنوات تقريبن والحين الكبيره تزوجت وكلهم جابو عيال وعايشين
وماحاولت اقارن لان الوضع صار عادي ان الصغيره تعرس قبل الكبيره بس المهم انك بالعرس تفرحين وترقصين وتشيلين
الحفله على راسك من الترحيب بالمعازيم والتوزيعات والرقص والوناسه وربي بيرزقك انشالله وبتقولين الفراشات قالو
معاناة فراشة
11-04-2009, 01:37 PM
والله حبيبتي الفراشات ما قصروا بردودهن
المهم قلبك يتمنى كل خير لأختك هذا اللي أنا قصدته بردي
ومهما قهروك الناس بنظراتهم فلا يؤثر هذا بعلاقتك ومشاعرك تجاه أختك
أنا أدري إن نظرات الناس تقهر ولك حق لو زعلتي من الناس (مو من أختك)
لكن الأفضل ما تبيني هذا لأن الناس بيفرحون إذا قهروك
كثير من الناس يستمتعون بالمقاهر ويحبون يفرقون بين الخوات
فلا يهمك طنشي وخليك أقوى بأفعالك
ولما أقول خليك أقوى ما أقصد إنك ممكن تمر عليك تعليقاتهم بدون ما تحسي
أنت وأنا وكل من مر بهذا إحنا بشر ولنا قلوب ونحس وتؤثر فينا النظرة
تؤثر بمشاعرنا ونرغب بالبكاء هذا شيء طبيعي حبيبتي
بس المهم ما تؤثر بأفعالنا قدام الناس ولا قدام خواتنا
هذا اللي قصدته بردي
والله يكتب لنا السعادة في الدنيا والآخرة
أنا فداه
11-06-2009, 11:06 AM
اللهم لك الحمد كما ينبغي لجلال وجهك وعظيم سلطانك
حبيبتي أنا جربت زيك أخوي الأصغر مني تزوج والحين زوجته حامل صحيح يحز بالخاطر شوي وتشيلين هم كلام الناس بس هذا كله من الشيطان والرزق عند الله وكل تأخيره وفيها خيره وبالعكس نسيت هالشي كنت مشغولة في تجهيز شقته واستعدادات الزواج والاستقبال والرقص لأني الكبيرة والحمد لله كل المعازيم يمدحون قومتي بالعرس ووقفتي مع أخوي وبالنسبة لأخواتي والله ادعيلهم بالستر والأزواج الصالحين حتى لو كان قبلي على الأقل وحدة مو ثلاث كلنا نطيح في كبود أهلنا.الله يرزقنا وبنات المسلمين الرضا والأزواج الصالحين .