السلام عليكم ورحمة الله وبركاته
أبدخل في الموضوع على طول
أخوي يبغى يخطب وحده مانعرفها ويبغانا نروح نشوفها اليوم والمشكله إنو أول واحد يتزوج في العائله وماحنا عارفين مين تروح غير الوالده لأهل العروسه مع العلم إنه ما لنا خالات يعني تروح وحده منا إحنا يا أخواته ولا يكفي أمي لوحدها بمعنى أخر لمن تروح وحده من أخواته وهي مو متزوجه عيب ولا لا ؟
مع العلم إنهم ما شاء الله متخرجات من الجامعة
ونبغى نعرف عمر العروسه بس محنا عارفين كيف .يعني كيف نسألهم ؟
خصوصاً بنات الغربية أتمنى تساعدوني
KiT KaT jeddah
11-03-2009, 12:52 PM
عادي ياقلبي لو راحت اخته بالعكس البنات يقدروا رعف العروسة كيف اكتر من الام لانه الام حتكون مشغوله مع امها ولو فيه وحده من عماتك وزي كدا عادي وحاولي انك تتكلمي مع البنت كانك صحبتها يعني اساليها تدرسي ومدري ايش بدي الطريقه تعرفي عمرها
**الـتـريـم**
11-03-2009, 01:00 PM
السلام عليكم
عادي ياقلبي لو خواته راحوا
أنا رحت لخطبة اخوي وانا بنت يعني مافي مشكله
اوشيء
وبالعكس احس ضروري ان أخواته يروحوو
لانهم هم أعرف ويقدروا ياخذوا يعطوا مع البنت
ويفهموون للبنات اللي بسنهم
وأنا مع كلام كيت كات ميه بالميه
ومووفقين ياخيتو
حورية حربية
11-03-2009, 01:02 PM
لا ياقلبي عادي لو راحت وحده منكم شوفوا اكثر وحده تفهم على اخوكم وتعرف ذوقه وبالنسبة للعمر سهلة اسألوها متى تخرجت او بالصريح كم عمر بنتكم ما اظن فيها شي هذا زواج ؟؟؟ ومن حقكم تعرفوا كل شي
وربي يتمم لأخوكم على خير ويسخر له بنت الحلال
اللهم آمين
ضيء الشموع
11-03-2009, 01:21 PM
الله يجزاكم خير
لكن احنا نخاف يكون فيها شئ لأن فيه ناس يقولو عيب الي مي متزوجه تروح في أمور مثل هذي عشان كذا إحنا مترددين في الروحه
وعلى فكره عماتي مو ساكنين في نفس المنطقه الي إحنا فيها
اوكيد
11-03-2009, 01:33 PM
انا مع البنات اختي والله يوفقكم
alfajr-21
11-03-2009, 01:45 PM
ياقلبي عادي لو رحتوا مشاءالله يعني كبار مو بزران صغار عشان نقول مايصير يروحون بالخطبه !!!
و بالنسبه للعمر عادي سولفوا مع العروسه و اسألوها اي مرحله تدرس و هيك ولو قالت بالسنه الفلانيه او متخرجه قولو يعني عمرك كذا ؟؟ عادي يعني
بس ما احسها حلوه انكم رايحين على طلب اخوكم و في الاخير تسألون امها سؤال صريح كم عمرها ؟؟؟؟
يعني احسن تجي بين السوالف فاهمتني ؟؟؟
و بالعكس كذا راح تتعرفون على بعض ويكون بينكم اتصالات و تفاهم
احسن ما تكون غريبه عنكم لحد ما يملك عليها او يتزوجها ساعتها بيكون التأقلم معها صعب شويه
ضيء الشموع
11-03-2009, 01:54 PM
نسيت أقولكم إنو الوالد وأخويا (العريس ) كلموا أبوها وهو الي قاله قول لأمك تجي
وتشوف البنت
ابتسامة بريئه
11-03-2009, 02:15 PM
يا قلبي ربي يتمم له ان شاء الله على خير
روحي انت مع امكـ او وحده من خوااتكـ
وشوفي البنت عادي مافيها شي ..
وخذي معاااكـ صحن حلااااوة كشخه .
وحاولي باسلووب. بالكلام تعرفين كم عمرها يعني تكلمي عن الجامعة وشوفي وش ردها <<امكن تقوولك كم سنه لها متخرجه ..فهمتي علي..
وربي ييسرلكم ..
وبالتوفيييق
KiT KaT jeddah
11-03-2009, 02:22 PM
ضيء ياقلبي بنات جده هنا مافي عيب ابدا خخخخخخخخخخخخخخخخخخخ
انا يوم يجوا عرسان لاخواتي اشوف فيه اهل عريس يجيبوا اخواته واهل عريس لا وبالعكس الي مع اخواته نرتاحلهم اكتر لانه نعرف عن العريس واهله من البنت وهم يعرفوا عن العروسة مننا اخواتها من جد عادي يعني لاتشيلي هم وزي ماقالت خدوا معاكم صحن شوكولاته كشخه وتوكلوا على الله والله يتمم على خير بس لاتنسو تعزموني خخخخخخخخخخ
بس خلي امك تستخير طول الوقت الين لما توصلوا لانه سبحان الله لو مافيها خيره من البدايه يبعد عنكم
ضيء الشموع
11-03-2009, 02:29 PM
أبشرو بعزمكم كلكم على الفرح إذا تم الموضوع إن شاء الله
طيب أختي الي أصغر مني هي شافتها في الجامعة وتكلمت معاها يمكن مرتين وأنا ما أعرفها يعني مين تروح ؟
وكمان إيش نتكلم معاها غير الجامعة
KiT KaT jeddah
11-03-2009, 02:48 PM
مين الي تفهم وقريب لاخوك اكتر هي الي تروح ودايما الصغير تسحب الكلام اكتر ههههههههههههههههه
والكبير تحكم احسن بس والله زي ماقلت الي قريب لاخوك تروح
واسالوها اش مسويه وليش اختارت تخصصها دا الافضل انتي تروحي لانه اختك قابلتها يعني تعرف تخصصها انتي سوي نفسك ماتدري واساليها واش تحب تسوي بعد التخرج وامممممممممم يعني سوالف بنات كلميها كانك ببتعرفي على صديقه مو رايحين تخطبه وكدا تشيلي الكلفه بينك وبينها وامكن هي يعجبها وترتاح فالكلام
ضيء الشموع
11-03-2009, 02:51 PM
المشكله انو سمعنا انها خجوله بالمره يعني كيف الواحد يتعامل معها
KiT KaT jeddah
11-03-2009, 03:09 PM
امكن تقدروا مع اخواتها او امها
ضيء الشموع
11-03-2009, 03:15 PM
اتفقنا انو تروح أختي الي أصغر مني يمكن يكون أحسن من لمن أروح أنا يعني هذا توقع انها يمكن تتكلم معاها
إيش رايكم