بنات الشريقه طالبه منكم طريقة طبخه بس اتمنى الي تعرف تطبخها تكتب الطريقه بيدها مايكون منقول والمقادير تكون مضبوطه فانا حابه اسالكم عن طريقة طبخ المكبوس على ما اعتقد هذي اسمه الطبخه والله كانت عندنا سيريلانكيه كانت عند ناس في الشرقيه قبلنا وعلموها طبخته مره طعمه وماكانت ترضى تورينا كيف تسويه بس الي اتذكره انها لما تسلق الدجاجه تجيب الليمون الناشف وتدقه وتبزره وشي ع الدجاج في الفرن وشي تحطه في الاكل كيف مدري والرز يكون ابيض واصفر والاصفر فيه طعم الليمون الناشف فالي تعرف لا تبخل عليه بالوصفه نفسي فيها وياليتكم تساعدوني
$$ام مريوم كل الحلى $$
11-04-2009, 07:07 PM
شوفي حبيبتي اول شي احمسي البصل مع الطماطم وثوم ثم ضعي البهارات العدله وهي ليمون ناشف وقرنفل ودارسين وهيل وماجي ثم ضعي الدجاج وضعي ماء السلق ويترك المدة ساعه ثم يرفع الدجاج يتبل الدجاج بالبهارات وهي شوية ليمون ناشف ناعم وقليل هيل ناعم فلفل اسود وبهار وكركم ومعجون طماطم وقليل من ماء السلق ثم يصب عليها شوية زيت وتدخل الفرن وتحمر طبعا انتي منقعه الرز ضعي الرز في الماء السلق مع شوية ملح وتريه حتى ينشف بعدها سوي كشنه بصل زبيب صنوبر محمر شوية زيت قليل ملح بهار فلفل اسود زعفران ليمون ناشف ناعم بعدين ضعيها على الرز يعدها يترك المدة 25 دقيقه على نار هادئه جدا ثم يقدم بالعافيه عليكم انصحك تعمليها والله لذيذه
ريهام جده
11-05-2009, 12:31 AM
جزاكي الله الف خير والبسك لباس الستر والعافيه وجعل جنات الفردوس الاعلى من نصيبك واياكي اللهم امين
سلمت يمناكي