*ضحية ذيابه*

[*حظي العاثر *]

*بسم الله الرحمن الرحيم*




http://m002.maktoob.com/alfrasha/up/1909828135381776203.gif


* اعجاب وادري يازمن كلك اعجاب
كأني طعينه من زمان الصحابه
من اربع اميه والف لليوم ماطاب
كل من نهمته يلمس الجرح هابه
الجيت همّي مابقت فيني اعصاب
من جور حزني والقهر والكآبه
ياامي لمسته ماعلى حسي ثياب
هاجوس ضاوي مدري الليل جابه
ونين روحي ارّق صياح زرياب
والناس تاخذ صيحتي في دعابه
شيّبت راسي من تهاويل لتعاب
ياكيف ابيّن ونتي في كتابه...؟؟!!
مسروج فكــري والتناهيد مرقاب

واتهد حيلي مزنةٍ من سحابه..!!!!!*



http://m002.maktoob.com/alfrasha/up/15674364601924968435.jpg

*اشباب ياامي الفوا بثوب شيّاب
عليهم لباس الفخر والمهابه
تلـّـوه ياامي ماحسبت الهم حساب
ياحيف ثرهم بالخفايا ذيابه..!!!!
ياامي قوية والحشا فتّـت وذاب
وعناد صبري زاد ميل التهابه
اتلوج روحي بين مخلاب وانياب
حرمة ولا لي بالذرى كود غابه
حرمة ولا لي في ملاجيج لغباب
نزوح عمري ماغترني سرابه
خلاّن قلتي..؟هو بقى عندي احباب..؟
كلٍ يصيح الويل من حرمابه
من وين اجيب احبابا واقراب وانساب.؟
والكل شفتي..غلّــق قفول بابه..!!
ابعاد واقراب..وقريبين واغراب
والماي بارد واحرموني شرابه..!!
اعوان وارهاب وجماعات واحزاب
والام وجروح وطعون اتشابه.!!
لالاح دمعي من على الكف خضّاب
قالوا صغير الجرح توّه هبابه..!
هباب عمري..من مجاريد لحراب*


http://m002.maktoob.com/alfrasha/up/20746904881623168145.jpg

*يهبون ياامي مالجتهم اصابه..!!!!!!
ياامي دريتي.؟ لاتناجيت بعتاب
جرّوا من عتابي لحون الربابه
قومي فديتج غلّقي عنهم الباب

ذولا يزيدون المصاب التهابه*


http://m002.maktoob.com/alfrasha/up/1871553816316334937.jpg

رحمتك يارب البشر رب الارباب
رجيت عفوك واحتميت بجنابه
يارب عوّضني بجنات واعناب
وانهار ومخـــوّة حريم الصحابه
عـــزّاه ياجرحٍ قضـى الدهر ماطاب
لامات بومي ولا قتلني غرابه
ماينتهي جرحي ولو كثروا احباب
اصلا مصابي من عموم القرابه..!!!



http://m002.maktoob.com/alfrasha/up/251793572176617472.jpg

*ياسامعيني صفقّوا حيل باعجاب
اليوم جرحي جددوا لي مصابه
باسباب مابي ..والمقادير باسباب
والعمر ضايع من يعــوّض شبابه.؟!
امليت قافي من عنا (آبه وآاب)
سـردٍ يشابه كاتبين الخطابه
حسافه الطيّب تناهشه لذياب
في ظل دنيا تشبه ظروف غابه*




http://m002.maktoob.com/alfrasha/up/1297550658664332020.jpg

*ياامي امانه سجّي دموع واطياب
وقولي لهم كانت(.. ضحية ذيابه..!!!)
كانت صدوقه في رجا وقت كذّاب
والصدق فيهم ..عظّـم الله ثوابه!!!
والعنبو وقتٍ على الطيب غلاّب
واللي بقى لاااهلا ولامرحبا به!!
تدرون..؟! حنّت من عنا وجدي اركاب
ولاعاد باقي مايثير الغرابه
ياامي غفيتي..!!؟ قومي ادموني ابناب
ياعل تطويهم دروب الخرابه
اعجاب وادري يازمن كلك اعجاب
فتقت جرحٍ ماحدٍ قد درابه!!!!*

:و2:
من اجمل القصائد التي قرايتها..
للشاعره الأماراتيه (ريانه)
اتمنى ان تنال اعجابكن...

[%طموحي عالي%]

رائع ماتم نقله هنا
ودادي لك

[أميرة غرام]

يسسسسسلمو النقل الحلو

ماننحرم جديدك ..

[*حظي العاثر *]

رائع ماتم نقله هنا
ودادي لك


الرائع مرورك المميز ياغاليه:و1:



يسسسسسلمو النقل الحلو

ماننحرم جديدك ..
الله يسلمك ياقمرررررر:و1:

الله يجبر بخاطركن:044:

[غزة الجريحة]

وآآآآآآآآآآآآآآآآآآآآآآآآآآآو من جد أكتر من رآآآآآآآآئع
وكلماآآآآآآآآآآت فى قمة الروووعه
يسلموووووووووو ياااآآآآآآآآعسل على النقل الرااائع
بانتظاآآآآآآآر جديدك المميز

دمتي بود :02:

[*حظي العاثر *]

وآآآآآآآآآآآآآآآآآآآآآآآآآآآو من جد أكتر من رآآآآآآآآئع
وكلماآآآآآآآآآآت فى قمة الروووعه
يسلموووووووووو ياااآآآآآآآآعسل على النقل الرااائع
بانتظاآآآآآآآر جديدك المميز

دمتي بود :02:



الله يسلمك ياقلبي...
غزوووووووووووووووي..:و1:

[حبيبي بندر]

روووووووووووووووووووووووووووووووووووعه وراااااااااااااق لي ويسلموووووووووووووووووووووو

[°·.·•ღنـ صف الروحღ•·.·°]

يسلم ع القصيده

[*حظي العاثر *]

روووووووووووووووووووووووووووووووووووعه وراااااااااااااق لي ويسلموووووووووووووووووووووو

الرائع مرورك ياقلبي حبيبي بندر :072:
شرفني مرورك :و2:
يسلم ع القصيده

الله يسلمك ياقمرررر نصف الروووح:072:
شرفني مرورك لاهنتي:و2: