عروسه في تابوت

[انكسار زهره]

:019::019: كنت فتاه عند اهلي مدلله مجابه كل طلباتي ولدي مكافاه شهريه العب وامرح بالمال كيفما اريد واجد كل الاحترام من اهلي ووالدي وتمنيت مثل كل فتاه ان ياتيني ذلك العريس الذي يركب على حصان ابيض وينقلني لعيشة افضل من العيش عند اهلي ولما احلم باكثر من ان نخرج في الشهر مره لنتعشا او نتغدا في مطعم وان نتنزه سويا في كل يومين او ثلاثه ولو لربع ساعه وان نسافر لاقرب منطقه لناوتبعد عنا فقط ساعه الا ربع ولو مرتين في الشهر وجاءني ذلك العريس المنتظر :076:وكل ايام الملكه مااسمع منه الا سمعا وطاعه ومحترم وخلوق وكل طلباتي مجابه ورايته الرجل المثالي وتوقعت ان تكون حياتي معه جنه .:و2:....... يتبع

[شجن]

ياربي والله تعبت من دا الاسلوب كم قصه دحين متابعتها وعلى دا الحاال الله يخليكم اكتبوها على الوورد ونزلوها والله اتشتتنا وانقلبت روسنا ندور تكملة كل قصه

[ريوم العسيري]

وش ها هالطريقه تجي الوحده تكتب قصتها وتقول يتبع من جد وربي حركه تنرفز ؟؟؟؟ بس الله يسامحكم
بس الله يفرج هم كل مهموم .. ويغفر لنا ويسامحنا ويتب عليناا
استغفر الله العظيم واتو ب اليه

[لبنانية متميزة]

الله يفرج همك..

[شوكولاين جدة]

من جد الله يسامحكم ، و انتي بس كتبتي كلمتين مو شي كتير :(

[" رونق"]

يعني تبينا نجلس ندور التكمله بين الصفحات
والله شي يملل خلاص ربي يفرج همك
ويوفقك انا مابكمل لاني ما احب اقعد احوس بين الصفحات اعذريني اختي لاني تحمست لقصتك بالاخير تقولي يتبع

عموما ربي يعينك وييسر امورك

[أحلى جود في الوجود]

روقوا بالكم

أكلتوا البنت

[انكسار زهره]

اشكر كل من مرت على قصتي وان دل يدل على سعه قلوبكم وصدوركم لازم نتعلم الصبر يارونق كدا علمتني الحياه واكمل لكم سالنا عنه شخصين اثنوا عليه وشخص ثالث لم يثني عليه قلنا اكيد جاره وزعلان منه واقمنا حفل الزفاف في بيتنا اكراما له لان اهلي عندهم قاعد يشترون الرجال الطيب وكل الفرح على بعضه ماكلفه 7 الاف وذهبت من اول ليله لبيتي ومن وقت حطيت رجلي فيه اكرمكم الله جاني شعور وحديث داخلي يقولي هذا البيت مابتعيشين فيه كل عمرك اقسم بالله العظيم ورابع ليله اعترف لي باعتارفات ان تزوج قبلي 4 وطلقهم انصدمت انهرت ولكن قلت ربما يكونوا هما غلطانات ومافي عروسه من اول ايامها ترجع لبيت اهلها لاي سبب واول اسبوع ماشفت مخلوق غيره بوجهي ولا خرجنا ولا ولا لان عاداتهم تقول كدا وطبعا كنت في وضع نفسي متردي بين تحولي الجسدي من فتاه لامراه والصراع بين العروس وزوجها في اول الايام او اول الاسبوع والاسبوع التاني نفس الشي بس شقتي مشتركه مع اهله اقصد مافي باب بيننا يقفل هم تحت وانا فوق مافي غير امه وبنات اخوه 2 المتوفي يعني بنات مساكين يتيمات وانا عروس مااقدر اخذ راحتي في لبسي لانهم باي لحظه الاقيهم عندي بشقتي في مطبخي اي شي ينقصهم ياخذوه من مطبخي بدون اي استاذان وعرفت ان ملكي الخاص هو غرفة نومي فقط فقط فقط وكنت البس له وابدع له في شكلي ومظهري وكدا مره يرفع يديه للسماء يشكر الله على نعمته الكبيره اللي هي انا فانا كنت انسانه واعيه ومتفتحه وجاكم ثالث اسبوع حجز لي شاليه عند البحر وجلسنا فيه فقط اربع ايام وخامس يوم الا امه وبنات اخوه اليتيمات المسكينات وهما في وجهيي طبعا امه معودته حتى في السفر تجيب اغراضها وتطبخ لها مافي نشتري اكل جاهز من غدا وعشا ويالله كملوها معانا الى الجمعه ورجعنا البيت وطبعا ماعنده تظهر زعل او انك متضايقه وانا اقولكم طريقته في الحياه اولا اسواق انسي غير مع امه وبنات اخوه اليتيمات ومايعطي ريال واحد واقسم بمن يراني الان اكتب بيدي مايعطيني ريال في يدي يقول امي تحاسب عنك عشان نظام العائله كدا لانه دايما يردد فلانه زوجه خاله كان دايم زوجها يعطيها مصروف وجمعته واشترت اليوم نص العقارات حقت المنطقه وباعت زوجها بالرخيص فخايفين لااسوي مثلها وامه تقضي لي كل شي ابيه حتى الفوط الصحيه هي تجيبها لي ولو بغيت بريال مويه في السوق اطلب امه ريال والله شهيد على مااقول وثانيا مافي خرجات او تاخذين لفه اومطعم انسي لا لا لا ولما يخرجني لازم بعد مرور اربع ايام لاقبل ولابعد تكون الخرجه الساعه 2 ليلا وامه لازم معانا واليتيمتين طبعا امه ماتمشي تحبي حبي رجولها مجلوطه والاقيها قبلي عند الباب واقسم بمن رفع السما بلا عمد ماخرجنا لوحدنا غير مره فقط فقط فقط وثالثا يفتشني عند خروجي ودخولي لاهلي طبعا ماازورهم غير كل ثلاثه اسابيع يوم واحد فقط فقط فقط ورابعا حاطط تسجيل في التلفون يسجل علي ويسمع مكالمات امي واخواتي معايا وطبعا ماعندهم الحرمه تشيل جوال عيب وكبيره من الكبائر واللي عندها نت في البيت تعتبر قح....وكنا نحن في العائله عند اهلي 3 متزوجات حديثا وعرايس وتعرفون عن ايش كان كلامنا واليتيمات بدأو يسون لي حركات استفززازيه انه يجون لي عندباب غرفة النوم ويدقون ومايروحون اللين افتح ونكون احيانا بوضع مايسمح مايسمح مايسمح واكيد انتم فاهميني ومره صحيت فجاه من نومي وكنت نايمه عاريه تحت اللحاف واسمع صوت اليتيمات مع عمهم فوق السرير اللي انا نايمه عليه يفطروا ويضحكوا بالله ايش بيكون موقف اي وحده منكم بكيت بحراره وفتحت طرف اللحاف وقلت خلهم يخرجون باقوم البس وطبعا استنكر كلمتي وخرجهم شوي وواقفين عند الباب ينتظروني البس ولبست ودموعي تسابقني وقال افطري معانا قلت يكفي هم يفطرون معاك ولما يجي يخرج انا اوقف له الين الباب والاقيهم واقفين قبلي وهم اخر من يسلم على وجهه ولما يرجع الساعه 2 او 3 الفجر هما برضه يستنوه قبلي لما اسمع صوته واخرج من غرفتي الاقيهم بوجهي ويبوسوه اوقات نكون تحت او على سريري احيانا واعمارهم 16 و15 ماهم صغار واجسامهم جثث ويطيحون فوقه ويكون مسترخي وتلاقيها قدامه مسترخيه ايش قلت الحيا والتربيه هذي وشويه تلاقيهم قاموا يفتحوا المسجل ويرقصوا البنات مصري وخليجي وقدام عمهم ويصفق لهم ويرقص معاهم وتعالوا شوفوا اللي يظهر صدر ومؤخره وحاله لان وزن الوحده فيهم 60 وبناطيل جينز وبلايز بدي ياربي ايش هذا القرف وين بيت ابوي المحترم وين الاخلاق عند اهلي وين مجتمعي ووين مجتمعهم ولما كلمته قلت رجاء لاتبوسهم على سريري قال عادي ولو عدتي كلامك تروحي لاهلك ووووووووو وجلست خمسه اشهر وماتحملت وفاض بي الكيل وااحسست بمرض ووهن بجسدي ورجعت لاهلي وكلموه اهلي انه مااعاد لي رجعه وحاول يكلم اخواني بس رفضوا مقابلته ودب بي مرض منه وها أنا اعاني اشد المعاناه من مرضي وادعو لي فقط بالشفاء تدمرت وتدمرت صحتي ونفسيتي وهانا اليوم انتظر فقط انه يرأف بي ويطلقني وارتاح لي سنه الان معلقه وكل ما نفسيتي تعبت انتكست حالتي الصحيه فعلا اصبحت عروس في تابوت حتى هذه اللحظه مازلت اشم رائحه ملابسي الجديده فكلاها باوراقها بعد لم تلبس واحذيتي اكرمكم الله وعطوراتي جديده اقسم بالله ما اترش منها سوى اربع او خمس رشات فقط وشنطي باوراقها اين فرحتي اين املي اين مستقبلي اين حلم يضاع لم يكن حلمي كبير او معجزه لا فقط حلمت برجال يخاف الله فيني يعطيني حقوقي كزوجه لها استقلاليتها ولها مملكتها انا انسانه مقبوله الشكل يقال عني جميله نوعا ما ولست قبيحه مهتمه بمظهري ولبسي وانا مازلت معلقه ياتيني الخطاب وانا بذمته بعد حسبي الله ونعم الوكيل اصبحت كل دعواتي في الثلث الاخير من الليل عليه و على بنات اخوه اليتيمات كيف مايخاف الله في بنات الناس وانه ربنا بكره بيبتليه والدنيا دواره وسلف ودين ماتفعله اليوم تلاقاه في الغد ماذنبي احمل لقب مطلقه وانا انسانه الكل يشهد لي بالتميز ربنا لاتؤخذنا ان نسينا او اخطانا ربنا ولاتحمل علينا اصرا كما حملته على الذين من قبلنا ربنا ولاتحملنا مالا طاقه لنا به واعف عنا واغفر لنا انت مولانا .... نفذ صبري وماعدت احتمل الامتحان فكرت مرات كثيره بالانتحار واتخلص من الحياه ولكن اتردد تعبت تعبت تعبت واتعبت اهلي وتكلفوا المبالغ الطائله تصل الى 10 الاف او 11 الف في علاجي ومازلت اتعالج اخ ياربي ارججوكم فقط لاتنسوني بدعوه ان ربنا يشفيني واتطلق من الخبيث فقط لاغير

[& غلاهم &]

الله يفرج همك

[عيا زماني]

الله يفرج همك

[lights0011]

الله يفرج همك يعينك

واكثري من الاستغفار

باذن الواحد الاحد ربنا مارح يردك خائمة ويفرج همك

[ام ميرال..]

الله يساعدك يارب ويساعد كل مسلم مهموم ويفرج همك وهمي ويريح قلوينا

[@GODIVA@]

اختي الله يعوض عليك واحسن شي انك نفذتي بجلدك منه قبل التورط بطفل

[$مذوبة الورد$]

الله يعوضك ويفرج همك

[زهرة نفسي]

الله يفرج همك ويشفيكي


بس يا حبيبتي لا تدعي على بنات اخو هذول ولايه وانتي وليه ما تقولي غير

حسبي الله ونعم الوكيل

والدنيا تلف وادور خذيها قاعده


خليكي متفاثله واصبري وفرحي حالك ولا تظلمي حالك


ما حد يفيدك اتركي كل شي وراكي وعيشي حياتك وشوفي مصلحتك بسسسسسسسسسسس

[أم هبة الله]

شفاك الله وعافاك


واستغفري ربك واستعيذي بالله من الشيطان الرجيم الذي يوسوس للموحدين بقتل أنفسهم عياذا بالله


ليرتاح منهم ومن عبادتهم لله


ثم إن قاتل نفسه أخيتي بالنار خالد مخلد على قول من قال ذلك من أهل العلم رحمهم الله فإن كنت لم


تقدري على ابتلاء الدنيا فهل ستتحملين عذاب جهنم عياذا بالله


إن كان قد رفض تطليقك فاخلعيه


وقومي وانفضي عن نفسك ما اعتراها من حزن وكآبة بسبب شخص لم تبدأ حياتك معه ولم تنته عنده


الحياة جميلة وفرج الله قريب


أكملي دراستك واشغلي نفسك بما يرضي الله عزو وجل من عمل وحفظ للقرآن ومساعدة للآخرين


وانا واثقة أنك ستبشريننا بعدها بحياة طيبة هنيئة بإذن الله


وزوج صالح يكون لك خيرا مما تمنيت بإذن الله القادر على كل شيء


واذكري كلام أختك في الله التي لم ترك ولم تعرفك أم هبة الله

[شجن]

ياربي الله يشفيك ويرفع عنك يارب طيب مافي احد كلمه انه يطلق حرام تقعدي كده وعمرك بيمشي الله يكافيه خوفوه قولوله اذا ماطلقت بنشتكيك الله يفرجها عليك يارب

[مرايا الغياب]

اللهم أنت الله لا اله الا انت المنان ذو الجلال و الاكرم
لا اله الا انت سبحانك اني كنت من الظالمين
اللهم اني اسئلك باسمك الاعظم الذي اذا سئلت به أعطيت واذا دعيت به
أجبت
اللهم ريح بال :069:(التئام زهرهـ):069: وانزع الحزن عن قلبها و فرج همها
و أكفها ما أغمها وأهمها
وأكتب لها مخرجا" و يسرا" عاجلا" غير آجلا"
آمـــيــن...

[๘like m00n๘]

الله يفرج همك ياقلبي ..

[انكسار زهره]

كل الشكر لمن منحتني شي من وقتها ومرت على موضوعي ودعت لي كامكم ودعواتكم تجبر الخاطر الله يجبر بخواطركم يارب