~بريق الالماس~
03-23-2010, 09:09 AM
واااااااو يا جده لو قلتي يا جده يقولو لك قاعات ومولات
:076:
عندك قاعه نسايم ليل
قاعة نسايم ليل تاخد معازيم 700 وادا تبغي زياده يفتحو لك زياده 200 كرسي عملنا زواج ولد خالي فيها وكان في اجازة والسعر كان 28 الف وادا في الاجازة وايام الاسبوع ينزل السعر 8 الاف وادا ايام المدرسه اعتقد ينزل السعر كمان
مميزاتها زفتها حلوة فيها بلكونتين وحده على اليمين والتانيه على اليسار تنزّل على درج بالنص يودي للممر وبداية الممر ( اللي هوا الدرج اللي يودي للكوشه ) فيه حركة حلوة من القاعه انو العروسه توقف على الممر هذا ويرتفع فيها فوق ويدور والمعازيم كلهم يشوفوها وبعدين ينزل ويرجع عادي وتكمل باقي الزفه
هذي صورة من نسايم ليل يبين فيها البلكون
http://t1.gstatic.com/images?q=tbn:kdOZQvOttPlOxM:http://up4.m5zn.com/9bjndthcm6y53q1w0kvpz47xgs82rf/2009/10/25/06/9be53uqix.jpg (http://images.google.com.sa/imgres?imgurl=http://up4.m5zn.com/9bjndthcm6y53q1w0kvpz47xgs82rf/2009/10/25/06/9be53uqix.jpg&imgrefurl=http://forum.hawaaworld.com/showthread.php%3Ft%3D1988163&usg=__jj740mr8O4ksEweKTrhMfgIvBFg=&h=480&w=640&sz=54&hl=ar&start=1&sig2=9tANzhgvG-zM9L6w--D0Kg&um=1&itbs=1&tbnid=kdOZQvOttPlOxM:&tbnh=103&tbnw=137&prev=/images%3Fq%3D%25D9%2582%25D8%25A7%25D8%25B9%25D8%2 5A9%2B%25D9%2586%25D8%25B3%25D8%25A7%25D9%258A%25D 9%2585%2B%25D9%2584%25D9%258A%25D9%2584%26um%3D1%2 6hl%3Dar%26safe%3Dactive%26sa%3DN%26rlz%3D1G1GGLQ_ ARSA372%26tbs%3Disch:1&ei=DkGoS-aLM4m6jAeewJ2lAQ)
هذي صورة الممر اللي يرتفع
http://up4.m5zn.com/9bjndthcm6y53q1w0kvpz47xgs82rf/2009/10/25/06/h5o7yjr9w.jpg
وهذي صورة يبين فيها بداية الممر اللي يرتفع وطبعا الكوشه حسب ما تحجزوها انتو
,,,,,,,,,,,,,,,,,,,,,,,,,,,,,,,
قاعة الشرق الاوسط
ما عملنا فيها افراح بس احب افيدك انو كنا نبغاها لقيناها بـ 35 الف طبعا الكلام قبل سنتين اكيد نزل السعر
القاعه فيها قسم زي الكافي اذا مليتي من جوو الفرح تقدري تروحي تجلسي في الكافي
,,,,,,,,,,,,,,,,,,,,,,,,,,,,,
قاعة الارجوان
صغنونه حليوة ما عليها السعر ما ادري كم
بلكونتها كبيرة وركنيه ( على ركن )
,,,,,,,,,,,,,,,,,,,,,,,,,,,,
ليلة فرح ( خلف الارجوان) < حلوة وصغنونه تنفع لملكه
مدخلها صغير وهادئ والقاعه جوا حلوة احيان تكون عليها عروض صديقتي سوت ملكتها فيها اخدتها بـ 13 الف
,,,,,,,,,,,,,,,,,,,,,,,,,,,
قاعة الركستال _ والكرساله ـ ليالي الركستال _ كلها على طريق الامير ماجد
ما اقدر افيدك فيها لاني ملخبطه فيها < لانها كلها لاصقه في بعض واللي انا رحتها فيهم كانت اصغر وحده في القاعات واذا ما خاب ضني انها ليالي الكرسال بس كمان حلوة
,,,,,,,,,,,,,,,,,,,,,,,,,,,
قاعة النرسيان < حلوة وفخمه وتنفع لمعازيم اتيكيت ( اخدناها زوواج خالتي )
حلوة هذي القاعه وكبيرة مرة وزفتّها كمان حلوة بلكونتها اعتقد اخدناها من 4 سنوات بـ 30 الف
هذا الموقع الالكتروني لـقاعة النرسيان
http://e-sog.com/str-q-nersyan.aspx
قاعة المنصور كمان حلوة وكبيرة اخداناها زواج بنت خالي بـ 20 الف ان ما خاب ظني
< وخلفها المنصور 2 صوغننه كمان تنفع ملكة او غمرة بس ما عجبتني زفة العروسه فيها لان مافيها بلكونه
قاعة نوف كبيرة تاخد معازيم بالهبّل نظامها الحمامات الله يكرمكم والبوفيه( صالة العشا) خلف الكوشه ديكوراتها بلون عودي بلكونتها ما عجبتني
بس حلوة للي عندهم معازيم كثير وموعارفين فين يحطوهم
,,,,,,,,,,,,,,,,,,,,,,,,,,,,,,,,,,,,,,,
قاعة الرحاب كمان حلوة وصغيرة نوعا ما , اخدوها الجيران ايام مدارس بـ 10 او 13 الف
وعملت بحث دحين في النت لقيت كاتبين انها بـ 5000 والله اعلم
،،،،،،،،،،،،،،،،،،،،،،،،،،،،،،،،
عندك قاعة المملكة بلكونتها حلوة ب25 الف
ما اقدر افيدك عنها بشي لاني ما حضرت فيها
( ان شاء الله فرحي يكون فيها ادعولي )
،،،،،،،،،،،،،،،،،،،،،،،،،،،،،
في عندك قاعة الفيصل كان فيها زواج بنت خالي من 5 سنوات
طبعاٌ حلوة وكبيرة تاخد حول 700 شخص سعرها كان بـ 26 الف
وهذا رابط قاعة الفيصل
ظ‚ط§ط¹ط© ط§ظ„ظپظٹطµظ„ ظ„ظ„ط§ططھظپط§ظ„ط§طھ - ط¯ظ„ظٹظ„ ظ‚ط§ط¹ط§طھ ط§ظ„ط§ظپط±ط§ط (http://www.ga3at.com/index.php?tool=ga3at&do=read&id=12)
,,,,,,,,,,,,,,,,,,,,,,,,,,,,,,,
عندك قاعة فرح والفخامه والامراء < كلهم جنب بعض شمال جده طريق المدينه الطالع كل وحده افخم من اختها
بالنسبه للاسعار ما اعرف والله بس زواج قريبتي ان شاء الله في الفخامه قريب وراح اسال عن السعر
,,,,,,,,,,,,,,,,,,,,,,,,,,,,,,,
في قاعة الفردوس كبيرة وحلوة كمان
فيه قاعة العرب نفس الشي كبيرة وحلوة
فيه قاعة جوهرة الفردوس يقولو حلوة ما شفتها
,,,,,,,,,,,,,,,,,,,,,,,,,,,,
عاقة سهارى وسط مو كبيرة ولا صغبرة
زفة العروسه فيها تنزل من اصنصير قزاز اعتقد بـ 15 الف
في قاعة سمايا يقولو كوشتها ركنيه بس القاعه حلوة بشكل عام
,,,,,,,,,,,,,,,,,,,,,
قاعة السلطان كمان حلوة بس عيبها مدخل الصاله بشكل دائري واللي يجلسو فيه ما يشوفو الكوشه
,,,,,,,,,,,,,,,,,,,,,,
عاقة امسيتي كلمة روعه قليله فيها عملنا فيها فرح سعرها 80 الف
,,,,,,,,,,,,,,,,,,,,,,
قاعة الف ليله وليله
كمان روووعه واكثر من روعه سعرها 70 الف < قبل 7 سنوات
,,,,,,,,,,,,,,,,,,,,,,,,,,
قاعة الرفيدي في حي السامر سعرها الحالي ما ادري بس كانت 25
,,,,,,,,,,,,,,,,,,,,,,,,,,,,,
قاعة الماسه حلوة وصغنونه بس عيب البلكونه تبعها نازله يعني جبهت العروسه ما تبان وما تاخد العروسه راحتها لمن ترمي الورد اعتقد بـ 15< او اقل الله اعلم
,,,,,,,,,,,,,,,,,,,,,,,,,,,,
القاعة الذهبيه بالفيحاء وقاعة اماسي كمان بالفيحاء اماسي اخدوها الجيران قبل 10 سنوات بـ 100 الف
,,,,,,,,,,,,,,,,,,,,,,,,,,,,
مون لايت << من برا شكلها عادي من جوا يقولو فخمه ما حضرت فيها
,,,,,,,,,,,,,,,,,,,,,,,,,,,,,,,
في قاعة بجنب مجمع العرب ناسسين اسمها بس تجنن
,,,,,,,,,,,,,,,,,,,,,,,,,,
خلاص بكذا احنا تعبنا << محضرين على الاب توب 4 بنات هههههههههههههههههه
تحيه لبنت خالي واختي وصديقتي هههههههههههه سوينا الملف ولو اتذكرنا شي بنرجع
ادعولنا بالخير :ق3::ق0::ق555::ق2::ق100::ق206::ق204::ق203::ق250::ق 5::ق200::ق7::ق201: