أول مرة أسافر.......وعندي سؤااااال؟؟!!

[أم زيزو]

أهلين
يافراشات
أنا أول مرة أسافر للخارج
بروح لماليزيا

ودي أسألكم عن أحتياجات السفر؟؟!!<<<<<هذي النقطه مهمة لأن ماعندي سالفه وش أجيب نوعية الملابس والأغراض...

سواء لي أو لأبني.....

ودي أسأل ياحبايب عن بعض الأوتيلات(الفنادق)
وش رايكم فيها؟؟؟

يهمني أنها تكون خمس نجوم (مريحه وفخمه ونظيفه)

الأوتيلات هي:
1/منتجع صنواي لاجوون في سلانجور...
2/بارك رويال في بينانج..
3/شيراتون لانكاوي في لنكاوي..
4/ ماندارين أورينتال في كوالالمبور/أو/ويستون /أو/كراون بلازا موتيارا..

ومقترحاتكم يا أخواتي في الأماكن الحلوه علما بأن ((زوجي ملتزم))

ياحبيباتي رجاء ردوا علي ضروري...

محبتكم:
أم زيزو....

[ريم الدمني]

اسمحيلي ما رحت ماليزيا بس اعرف ان اسواقهم حلو وتقريبا نفس اسعارنا بس شهر 8 عندهم المهرجان وترخص الاسعار

[النمله المبرقعة]

والله ماعندي خبرة عن ماليزيا ماقد رحت لها

اتمنى البنات يفيدونك

[أم زيزو]

بـــــــنـــات
وينكم؟؟؟

مافيه أحد يرد علي؟؟؟

الفززززززززززززززززززززززعه!!!!

[بنوته صغيره]

اهلين حبيبتي بالنسبة للفنادق انا ما سكنت فيها بس مريت عليها حلوه ولا عليها كلام
اما من ناحيه الملابس خذي لك انت وولدك ملابس خفيفه علشان الجو حار في ماليزيا وإذا كنت بتروحون جنتينق خذي ملابس ثقيله علشان الجو مره بارد فيها
اما بالنسبه للأماكن كوالالمبور في نفس الفندق يسون رحله سياحيه على معالم كوالالمبور وفي منتجع افاموسى يبعد عن كوالالمبور تقريبا ساعه مره حلو وهو عباره عن سفاري
بيانغ فيه مكاتب سياحيه في بيانيغ قريب لم الفندق تأخذين سواق يوديك كل الأماكن الحلوه فيها والساعه بعشرين ريجينت بس يستاهل
اما لنكاوي نفس الشيء الكهوف مره حلوه تروحين على القارب ساعتين 250 ريجينت بس لاتفوتك تراها خيال
فيه حديقه التماسيح و اعلى قمه في لنكاوي تركبين فيها اللتلفريك خيال هذا المرتفع وعالم البحار
لنكاوي هادئه مره من تغيب الشمس وانت في الفندق مافيه طلعه
بيانغ فيه سوق الليل مره حلو بس لا يلعبون عليك بالأسعار يعني إذا قالك 200 ريجنت قولي لا 25 واتركيه ورحي يجي يلحقك ويقول خذي بالسعر اللي تبغين
نسيت في كوالالمبور خلي التسوق اخر ما ترجعون فيه السوق الصيني كل شيء فيه وغير المجمعات الثانيه وبرج التوأم

واي سؤال انا في الخدمه انا رايحه لها الصيف اللي راح

[moon]

ماليزيا رااائعة وانا زرتها 2

تحتاج إلى ملابس خفيفه

وهنا بعض الملاهي في ماليزيا
مدينة ألعاب صن واى لاجون:

http://daleel-malaysia.com/modules/Gallery/data/media/20/_malaysia_RIMG0023bukitbintang_plaza_.jpg

http://daleel-malaysia.com/modules/Gallery/data/media/20/_malaysia_RIMG0059bukitbintang_plaza_.jpg

مدينة ألعاب جنتينج هايلاند

http://daleel-malaysia.com/modules/Gallery/data/media/22/malaysia_afamosaRIMG0467malaysiagenting_.jpg

http://daleel-malaysia.com/modules/Gallery/data/media/22/malaysia_afamosaRIMG0456malaysiagenting_.jpg

منتجع أفاموزا

http://daleel-malaysia.com/modules/Gallery/data/media/24/afamosaafamosaRIMG0627malaysiamalaysia.jpg

http://daleel-malaysia.com/modules/Gallery/data/media/24/afamosaafamosaRIMG0636malaysiamalaysia.jpg

http://daleel-malaysia.com/modules/Gallery/data/media/24/afamosaafamosaRIMG0522malaysiamalaysia.jpg

منتجع بوكت تنجي

http://daleel-malaysia.com/modules/Gallery/data/media/45/malaysia_Bukit_Tinggi_263_langkawi_.jpg

http://daleel-malaysia.com/modules/Gallery/data/media/45/malaysia_Bukit_Tinggi_016_langkawi_.jpg

[السديراويه]

اهلين اختي انا بصراحه ما رحتها
بس اختي راحتها وتمدح >ولاية صباح<
فيها اكواخ تسكنون فيها روعه0
واتمنى لكم سفر ممتع
نصيحه: في السفر استانسوا وانسو همومكم ومشاكلكم .فرصتكم.............

[أم زيزو]

مررررررررررررره شكرا يابنات

مروركم جدا أسعدني

بس ودي أعرف أجيب ملابس صيفيه وبس ومعها بلوفرين(شتوي)
ولا ربيعي(يعني صيفيه بأكمام طويله)...<<<<<<<<أزعجتكم بالأسئله..


فراشاتي

أنا عبايتي على الراس
وش رايكم ألبس عبايه على الكتف (بس فضفاضه )
وألبس طرحه كبير إلى تحت الكتفين أو أكثر ونقاب<<<<<بس من وين ألقى طرحه كبيره ونقاب كويس
لأن نقابات سيدتي الجميله مو مريحه حتى بدون أسم...
والطرح ما أدري وين ألقاها؟؟
وهل تتوقعون مريحه أو فيه أقتراح ثاني..

وبالنسبه للجزم وش أجيب لأبني( تنس شوز)أو صنادل..

وفيه أقتراحات للسفر
سواء من ناحيه الملابس أو الأماكن أو حتى التسوق..
الله يعافيكم
وأعذروني على كثرة الأسئلة...........

[أم زيزو]

ريم الدمني
النمله المبرقعة
السديراويه

شكرا على مروركم العطر
________________________________
بنوته صغيره
moon

ماتدرون كيف أفدتوني مررره شكرا على المعلومات الحلوه والإقتراحات الأروع...

[moon]

اما بالنسبه لمراكزالتسوق ..بالنسبه لي افضل مركز المركز الاخضر ( سوري والله ما اذكر اسمه ) بس بتلقينه

في شارع المراكز ..

اما بالنسبه لج اذا تبحثين عن نقاب او طرحه طويله بتلقينها في محل المتحجبه ..

لطفلج انصحج انج تحملين معاج صندل و جوتي رياضي ..

الصندل للطلعات الخفيفه مثل يوم بتنزلون تتعشون او تسوق سريع اما الجوتي الرياشي لطلعات الطويله ..

انصحج ما تفوتين كاميرون هايلند منطقه جبليه ولا روع وهاديه .. وفليزر هيل منطقه جبليه رهيبببببببه

مع تمنياتي لج باجازة سعييييده واوقات ممتعه ..

[java girl]

اهلين اختي اتمنى انك تزوري موضوعي ةعلى هذا الرابط وانشاء الله بتلقين كل شيء لاكن تابعي الموضوع من يوم ليوم
لاني كل يوم انزل صور عن الاوتيلات وانشاء الله افضل الاسواق والمطاعم

http://www.alfrasha.com/showthread.php?t=123208


واي سوال انا حاضره لبس حطيه في موضوعي عشان يكون ملف متكامل للي بيروحون ماليزيا....


وشكراُ

[بنوته صغيره]

حبيبتي البسي عبايه على الكتف اريح لك في المشي والعبايه مع الطرحه سويها تفصيل احسن علشان تسوين اللي تبغين فيها
اما بالنسبه للملابس خذي معك بروفر ثقيل علشان البرد في جينتينق وبيجامه ثقيله عند النوم علشان الجو مره بارد فيها
بالنسبه لولدك خذيله كوتش علشان التمشي ما يتعب فيها وصندل خفيف للبحر وإذا كان يشرب الحليب خذي معك لانه ماراح تلقين الحليب البودره بسهوله واي استفسار ثاني انا بالخدمه

[أم زيزو]

ياقلبي يا أحلى ((بنوته صغيره ))تسلمين عاى اللإقتراحات الحلوه ...

أبني عمره 4سنوات والحمدلله مانحتاج حليب ولازحمه...

بنوته .... عندك أقتراح لشكل العبايه بس تكون(مريحه وساتره)...

[الدكتورة...س]

العزيزة الغالية

ام زيزو

السلام عليكم ورحمة الله وبركاتة

في البداية اتمنى لك التوفيق بالسفر واتمنى انك تستانسين برحلتك

واذا خلصتي ترجعين لنا بالسلامة

((( وماتنسين عمري دعاء السفر وانتي رايحة )))

وبصراحة انا عندي ملاحظات خارج الموضوع بس هي مهمة مرة لأي وحدة تبي تسافر خارج السعودية

اولا :

بالنسبة للفنادق مهم جدا جدا انك تحجزي من فنادق خمس نجوم وماتروحي غيرها

لان الفنادق الثانية احيانا يكون فيها اشياء مو اخلاقية وتكدر مزاجك عالآخر

ثانيا :

ضروري جدا انك تحجزي الفندق من هنا قبل ما تسافري

ويكون الحجز من مكاتب سياحة مشهورة مو من اي مكتب

لانك احيانا تحجزي الفندق من هنا من مكتب عادي وتدفعي الفلوس

ولما توصلي الفندق يقولك مالك حجز عندنا بعدها تتورطييييين

وكمان حجز الفندق من هنا ارخص كثيييييير من لما توصلي

ثالثا :

خوذي معاك بطاقات إئتمان ( فيزا ــ ماستر كارد ....) على الاقل ثنتين

لانو لو اخذتي وحدة بس احيانا يطلع فيها مشكلة وتتعطل وتصيرين في مشكله

وطبعا المبالغ النقدية خطيرة مررررة

رابعا :

راح تحصلين البلد هناك مليااااااااااانه سياح من الخليج واكثر شي من السعودية وخاصة الرياض

وراح تقابلي ناااااس كثير تعرفيهم من الرياض

خامسا :

لو قدرتي تاخذي معاك ساعة العصر او ساعة الفجر افضل

لانك تبرمجيها عالبلد اللي بتروحين لها وهي تعلمك هناك القبلة واوقات الصلوات

سادسا :

افضل لك لما توصلين بالسلامه انشاء الله تطلعي شريحة موبايل ماليزي افضل وارخص كثير للمكالمات

تتصلي منها على مواقع ماليزيا وتتصلي منها على السعودية ارخص كمان

سابعا ::

جوازات سفركم مهم اول ماتوصلو تسجلو ارقامها عند سفارة السعودية هناك

واذا خلصتوا الافضل تسلموها الأمانات بالفندق عشان احفظلها دائما

ثامنا :

حاولي قد ماتقدري ماتروحون اماكن مش مزحومه لوحدكم مهما كانت جميلة او سياحية

وكمان لااااااا تدخلين محلات صادة او معزولة او بعيدة عن الناس


....

[بنوته صغيره]

حبيبتي ام زيزو انا يوم سافرت لبست عبايه على الكتف وسيعه وشريت معها طرحه كبيره يعني إذا لفيتها على راسي تغطي إلى أسفل الظهر ولابسه فوقها النقاب مره مرتاحه فيها
ولا تنسين تأخذين لك كوتش مريح في المشاوير البعيده
واي استفسار انا بالخدمه

[وردة جده]

ان شاء الله حبيبتي تروحين وترجعين بالسلامه

ماليزيا حلوه بس الجو حار فيها وانا انصحك ماتسكنون بكوالالمبور كثير لان الجزر احلى وهاديه

خاصة لنكاوي وماانصحك بالشيراتون في اماكن احلى منه

لاتفوتين جنتنج حلوه وبارده وايضا كاميرون هايلاند ولاتروحين بينانغ ماتنفع بالمره خاصة ان زوجك

ملتزم تشوفين مناظر على الشاطيء ماتسرك بعكس لانكاوي الهادئه والرائعه

صنواي لاقون رائع وفيه فندق وملاهي ومركز تسوق

[نارمين]

اتمنى لكى التوفيق

[Ranronah]

يا حبيبتي تروحي وترجعي بالسلامه
أنا ما رحت بس أخواني راحوا وكثيييييير انبسطوا ويمدحوا في البلد والأوتيلات وأختي تقول مطعم أبل بيز اللي عندهم أحلى من اللي عندنا :)
رحله موفقه إن شاء الله

[دلوعة..]

وبالنسبة للعباية مثل ماحكت لك اختي بنوته صغيرة
ولو تحصلي ملونه عباية مثل حقت الاخوات المصريات ترى احلىى ومنها تمنع النظر اليك باانك خليجيه

[lady100]

حبيبتي انشالله تروحين و ترجعين بالسلامة و الفرح

أول شي اخذي معاك ملابس خفيفة و بناطيل عشان الرحلات الأن التنانير راح يتعبونك و تتبهدلين طبعا لبست فوقهم عبابية و كنت مرتاحة

بالنسبة للفنادق في كولامبور سكنا في فندق تايم سكوير هو مجمع كبير و داخله سوق و سيمنا و مدينة ألعاب بس ما عجبنا للسكن لكن التسوق فيه متعة

أما أحلى فندق مندرين روووووووووووووووووووووووعة وايد حلو أنصحك فيه بشدة

سلانجور سكنا في الخيول الذهبية ما كان ذاك الزود و ممل بعدين كان فيه وايد تماثيل بالاضافة أنه رسمي هذا من رايي

لانجاوي ما أذكر اسمه بس كان على شكل أكواخ حلو و كان أفخ فندق بالجزيرة

بينينج موتيارا كان في وااااااااااااااااايد عرب كان متوسط

أنا في الخدمة