انا بعد يومين بسافر البحرين واحب اعرف اش اجمل الاماكن ايلى ازورها وتكون حلوه حق الرحلات والمرح
يالله بنتظر ردودكم لانى مو بعرفه وين اروح وهدى اول مره بسافر فيها البحرين لاتنسونى
نور القلوب2005
06-29-2006, 10:53 PM
حياج الله اختي في بلدج الثانيه والله البحرين فيها اماكن اكثيره اذا تبين المجمعات عندج مجمع البحرين ومجمع السيف ومجمع الدانه وانشاء الله احين بيبتدي مهرجان الصيف وقاعة المعارض فيها كل ماتتمنين ويستمر شهر واحد وعندج قلعة عراد وقلعة البحرين وبيت سيادي وبيت القراءن والله هاذي الي يخطر عله بالي وحياج الله
الفراشة الهادئة2005
06-29-2006, 11:36 PM
أختي بالنسبة للمجمعات أختي نور ما قصرت .. بس عندج بعد مجمع العالي .... وهذي المجمعات كلها راح تلقينها في منطقة وحدة .. يعني تقدرين تزورينها في يوم واحد..
وبعد تقدرين تزورين منتجع البندر ...
وإذا كنتي راح تطولين في البحرين ...أنصحك تروحين جزيرة حوار .. وهي جزيرة تروحين لها عن طريق ساعة في البحر .. وأكيد راح تستانسين هناك ....
وأول ما اذكر شي .. راح اقولج..
وأكيد راح تنورين البحرين بوجودج..
القمر المنير
06-30-2006, 12:55 AM
اهلين حبيبتي
بتنوري البحرين
والفراشات ما قصرواا وياج
واتمنى لج رحلة حلوة وسعيدة يارب