السلام عليكم "
كيف حال الحلوات في الصيف اكيد اشغلهم السفر والزواجات عموما الله لا يشغلنا عن ذكره ولايجعل الدنيا أكبر همنا .((امين))
حبيت اطلب منكم ان تساعدوني بمعلومات عن النمسا اي فيينا وزيلاميسي .
الاماكن الحلوة
الاوقات المناسبة للتممشي
الفنادق النظيفة
المطاعم والاكلات الحلوة
الاسواق
وقبل كل شي كيف اعرف توقيت الصلاة والقبلة هذا اه شي
وكيف اقضي الصلاة اللي في الطيارة
الله يعطيكم العافبة
الأميرةالصغيرة
07-23-2006, 10:11 PM
مرحبا:
انا جيت من النمسا قبل 3 ايام واى سوال انا حاضرة ... وهذى المره الثانية الي اروح فيها للنمسا...
هل حجزتوا والا لسه؟؟ وهل تم استخراج الفيزا والا بعد؟؟؟
وبالنسبة للاستفساراتك:
الاماكن الحلوة : حسب المدن الي بتروحون لها وحسب المدة..
الاوقات المناسبة للتممشي : عادي ما في وقت محدد انا افضل شهر جولاي ..
الفنادق النظيفة : فينا ((الماريوت)) سالزبوج : ((اوروبا +شيراتون+برستول)) زي لام سي: سي هوتيل
المطاعم والاكلات الحلوة : نورد سي + انكير (مخبز + فطاير)
الاكلات الحلوة بالنمسا اهم شي الايس كريم
الاسواق : النمسا اسواقها عادية بس ميونخ قريبة من سالزبوج ساعتين بالقطار تقدرين تروحين يوم تتسوقين وترجعين..
وقبل كل شي كيف اعرف توقيت الصلاة والقبلة هذا اه شي ؟ التوقيت تلقينه بجريدة الشرق الاوسط.. والقبلة خوذي معك بوصلة
انا اخذتها من جرير بـ 18 ريال..
وكيف اقضي الصلاة اللي في الطيارة ؟ بالطيارة للاسف ماكان فيه مكان بس صليت بمكاني على الكرسي..
واي استفسار انا حاضرة..
الأميرةالصغيرة
07-23-2006, 10:28 PM
أوقات الصلاة بفينا
الفجر الظهر العصر المغرب العشاء
2:40 1:02 5:11 8:43 11:07
mm 55
07-24-2006, 11:19 AM
شكرا لك اختي الاميرة الصغيرة
انا بروح اول لفينا وبقعد فيها 3 ايام بعدين بروح لزلاميسي وبقعد اسبوع كامل
وبعدها الرياض ان شاء الله
الأميرةالصغيرة
07-24-2006, 02:53 PM
بالنسبة لفينا عندك:
1- قصر شنبرون : وهذا قصر كبير وفيه حدايق حلوة وحديقة حيوان
2- مغارة سي قروتي.
3- حديقة لكسمبورج حلوة ورايقة وكبيرة وفيها بحيرة صغيرة.
4- الجبل وهي منطقة مرتفعة تكشف لك فينا كلها.
5- ملاهي براتر.
والشوارع المهمة: الكارتنر - ساحة ستيفنر .
والتسوق: شوبنق سيتي.
اما زيل ام سي:
1- الطائرة الصغيرة : وهذي محددة باوقات واسعار مختلفة 20 دقيقة او 35 دقيقة او ساعة.
2- الكابرون : وهي منطقة ثلجية تطلعينها بالتلفريك على ثلاث مراحل حلوة وباردة والمنطقة الاخيرة تزلج.
مرحبا أختي ... في النمسا ... بقعة من أروع بقاع الأرض وأجملها وهي زل ام سي ... منطقة يحتار الناظر في وصفها .. طبيعة تنسيك كل شيء ... ومنها تقدرين تنطلقين اٍلى سالزبورج وهي مدينة .. تتسوقين فيها .. ومنها أيضا تقدرين تروحين لميونيخ وفيها في السنتر تقدرين تتسوقين .. أسواق وبضاعة حلوة .. ومنها أيضا انطلقنا اٍلى البندقية في ايطاليا ست ساعات بسيارتنا الخاصة بس تستاهل ... أما فيينا فكانت محطتنا الأخيرة تسوقنا وتمشينا فيها .. وطبعا تشتهر بمقاهيها الرااائعة .. رحلة موفقة .. فقد اخترتِ أروع بقاع أوروبا ... الله يهنيك (:
هــــــايمه
07-25-2006, 02:47 AM
أنا رحت النمسا
والمناطق اللي رحتها:
فينا :رحت للقصر وساحه استفز وهذي فيها محلات حلوه تقدرين تتقضين منها ...ورحت لمطعم اللورد وهذا مطعم لبناني في الليل يسون سهرات زي مصر...ورحنا للملاهي ومرررررره حلو
بصراحه فينا حلوه بس بس مو مرره للتمشي ...وسكنت في هيلتون بلازا
سالسبورغ:هذي منطقه مره حلوه وطبيعتها محليتها أنا سكنت بفندق بس الزين أنك تسكنين بالفنادق الي بالجبال رحنا المطعم الهندي ...أكله مرره لذيذ ...ورحنا لمغارة الثلج والملح ...وركبنا التلفريك اللي يفرجنا على النمسا كلها...
زا لا مسي :منطقه مرره هادئه ويكفي البحيره اللي فيها سوقها مرره جميل وصغيرون ولا تنسين تاكلين البيتزا من هناك
انسبورغ .منطقه حلوه بس منطقه معماريه ..رحنا التلفريك ...والمطعم التركي وفيه سوق مرره حلو وتقدرين تتقضين منه
هذي كل معلوماتي عن النمسا ...بس أنا أقول لاتفوتك جنيف روحيها ولو يوم واحد
mm 55
07-25-2006, 02:56 PM
شكرررررررررررررررررررررررررا لكم جميعا وان شاء الله اخدمكم في اشياء اخرى
وان شاء الله بعد ماررجع راح اكتب وش صار وش شفت
وشكرا مرررررررررررررررة ثانية
أم مشعل 3
07-26-2006, 08:58 PM
فيه موقع اسمه العرب المسافرون
بتلقين عنده كل الي تبينه