اهل البحرين اهل الكرم والطيب اطلب منكم طلب بس لا تردوني وردو علي في اقرب وقت ابي اعرف اسماء محلات تبيع ملابس اطفال عندكم غير المحلات الي تبيع الماركات العالميه ابي محلات غير السيف والعالي في الاسواق الشعبيه او في اماكن ثانيه ملابس حلوه للعيد والي ترد بدعي لها ان ربي يحقق لها كل الي في بالها
فجر الحلوه
08-22-2006, 06:17 AM
شدعوه 9 يدخلون ولا وحده ترد
كيكة المنجا
08-22-2006, 06:18 AM
إن شاء الله يفيدونك بنات البحرين
أم الــخــيــر
08-24-2006, 12:33 PM
امممممممممم والله مادري شقولج خيتو
المهم شوفي روحي مجمع البحرين والدانه
في مجمع البحرين بتلقين محلات سناء عندهم تشكيله صيفيه خفيفه ويمكن منزلين جدد وفي محلات ثانيه دوري المجمع كله ترا مو كبير واجد بس اوكي
اما مجمع الدانه في كذا محل للصغار وتشكيلتهم روعه روحي وان شا ءالله تلقين ذوقج
روحي المرينا مول هناك مذركير المرينا فيه تشكيله حلوه للصغار وبوسيني بعد اشيائه حلوه
على فكره مذركير المرينا مول غير عن مذركير السيف واللي بالسيف اهو نفسه اللي بالراشد
بس اللي بالمرينا عندنا غير روحي زوريه وشوفيه
المرينا صاير بالسلمانيه راح تشوفينه اذا وصلتي لدووار اللؤلؤ
ومجمع البحرين والدانه قريبين من بعض على شارع مرمريز ومركز البحرين للمعارض
واذا سالتي ترا مايقصروني
هلا فيج اختي في البحرين
الاسواق الشعبيةفي عندنا سوق واقف في مدينة حمد والسوق الشعبي في مدينة عيسى و سوق الرفاع وسوق المحرق..وفي محلات اسمه بيت التنزيلات موجود في المنامة بقرب حديقة السلمانية وفرع اخر في سند على شارع الاستقلال يعني على الشارع العام مايضيع..والاسواق اللي ذكرتها لج كل اسم على اسم المنطقة و فيها اشياء حلوة اذا تدورين و اسعار مناسبة...
ونسيت بعد اهم سوق وهو سوق المنامة سوق كبير وانشاءالله نحصلين فيه كل شئ