ملف كامل.. لقصائد الشاعرة الرائعة عبير بنت أحمد

[وضحى مارسيليو]

القصائــد العاطفيــة

~ الحفلة ~

~ ~ ~ ~ ~
اليوم عيدي .. وكل ٍ جاني اْ يهنـِّي
قالوا كبرتي .. و انا ابكــي كنني طفله

فتــَّحت كل الهـــدايا ( كن بي جنـّي !)
كنت احسِـب انك فـأحَدَها حاضر الحفله

متعشمه فالزمان .. وخاب به ظنــّي
قايل لي انــك معه يوم اني اوصف له

وادري أنـــا مانقصني شي... لكنـــّي
اشوف كلــّش لو انـّه ناقص .. أصرف له

لوما وجودك بقلبي .. مأنكـتـب فنــِّـي
حبي لك .. اكمـَل قصيده مالها قفلــه

وإن شفت فالدرب صاحي .. فإنشده عنــِّي
بيقول لك كم متيــّـم عفت لأوقف له

ودِّي اطفــّي معَك شمعي وانا اغـنـّي
وافاجئك بالقصيده ذي عــلـى غفله

وابتـل اراضيك .. ثم ّ ازعلـّك منــِّي
هذا مزاجي .. واخبَرك عاد تعرف له

اليوم ماهوب ( عام ٍ ) يحسَب فـ سنــّي
وش عيد ميلادي اللي الناس تهتف له ؟

عيدي الحقيقي .. يجي لاجيت تحضنــِّي
وفي كل ( لحظه ) تمرّ ؟؟.. اْ نحط له حفله



~ يمكن أرضى ~

~ ~ ~ ~ ~
يعني من جـِدك تفكِّر عنـْـك تكـفيني قصيده ؟
لا زعلت ارجع لها وارضى وانا كلي عتاب ؟؟

وإلا يعني ذي جزات القلب يوم اعطاك قيده
يومني مأخترت غيرك إنت من بـِّـد الشباب ...؟


لا !
.
.
.
لا
.
.
.
لا ورب الخلْـق مأركع لأي عبد ٍ من عبيده
لا ورب الخلق وش لي بالمهـانه والعذاب ؟؟

دام راس العزّ راسي والطريق أمشيه ( سِِـيده )
لا الدروب العوج تعنيـني ولا هي لـي مآب

وما يضر الدمع عيني لا مسح حزني بإيده
لو تقـفــّل باب واحد ينفتح لي ألف باب

إسأل اللي يعْـرفوني .. ليـّـنه لكن شديده
وإن تحيـّرت ْ بطباعي ؟ دوك من عندي جواب :-

ما قهرت ْ بـإبتسامي غير فجر ٍ يوم عيده
واللي اهدي له خفوقي .. جاه من ربي ثواب

الله اللي جامع ٍ بي كــل ميــزات ٍ فريده
ومالقيت / إن كان طيبي / يستحق إنـِّه يُـعاب

وأدري إن الورد فتنة / كل من شمّـه يريده
ما تشوف العطر / توّه فـالمَهـَد / لابس حجاب !!

ولـَـنت مرضيني ولو خـلَّدْت حبي في قصيده
بس يمكن / يممممكن ارضى..في مسا ( كتـْب الكتاب )


~ غناء فيروز ~

~ ~ ~ ~ ~
أحبه حب لـو يدري حبيبي وش كثر حبّه؟
ذرَف ملح البحر واخمد عيون الشمس (منشاني!)

تذوب الأرض لو ذاقت لــهـب أشواق مشتبـّه
أخــاف يذوقها .. و ابلش ببرد ٍ مــا تـعـداني

يضحّكـني شعوري ...لا لـمـحته صرت مختبـّه ..
وانا اللي هالقصايد مـا خـَـطـَت (في قوّة لساني)؟!!

أجـوع (برغبـتي) .. إلا إذا بآكـل و أشرب بـه ؟
و اكـفـّن هيكلي و الروح فيني (لـو تحداني) !

ابن سينا و من مثله يمـوت وما وصل طبّه
بــه التريـاق كان انـّه بـ وسـط القلب خلاني

و كان الزين فـا لآلآف مـا يوجـد سـوى حَـبّه؟؟
حبيـبي مـا انوجد منـّه و لا في كوكب ٍ ثاني

من اوّل كنت احب اسمع "غنا فيروز " واطرب به
و اثر كلمة " هلا " منــّه تغـربـل كل ألحاني

حرام اقضي سنيني بسْ عـلى آمال منصبـّه
وانا اشوف المنايا تستبق مـع أمسي الدّاني

سهرت الليل و عيـوني تنـاجي ربي و ربّـه
( ألا يا رب وفــّـق من سهر ويّـاي وحداني )

وفجأه..بينما كنت الْـتِهي في شَعريَ ألعب به
مسكني ( دون مأشعر به ) خيال ٍ له و حاكاني :-

همس لي : عاشقك عندك ألا يا سـالبـه لبّــه
قهرني! كلما حاولت احبه ... صـار يهواني !!!

حبيبي إسقني حبك بـ دلة شـوق لـي صبـّـه
ترى من شِح فنجالـك كفاني كل مــا جاني

ولا يشغل ظنونك ناس قالوا (ليش تعجب به؟)
بأجاوبهم (لعل الله "لحكـمة".. حَـب... يبلاني!)

واذا هم مدّحوني في حضـورك ؟؟ قلـت ذي سبّه
قفلت حصوني لغيرك و لك كسّرت بيباني

حبيبي لا نشـف نهري بـ عـذب مياهكـم عبّه
اخاف ارويه بدمـوعي و يمحي ملـحـي الواني

حبيبي لابغيت أبكي و شفت الدمع بي ..كبّه
بحور الدمع ما تنضب سوى في صدرك الحاني

والا منـّا تفارقـنا ... أمــانه ... هالحـزن خبــّه
انا مالي عذر لكن...........بـ اعلل طيـش قيفاني

~ بلاد العشق ~

~ ~ ~ ~ ~
انا لو بسّ / أدري عن بلاد العشق هذي وين ؟
جَحَـدت ام السعوديه واهلها بس ّ لعيونه !

مشطـْـت الأرض طول بعرض لي فوق الثمان سنين
وانا اسابق رجولي خــــايفه قبــلي يلاقــونه

شطب قلبي عباد الله .. ْو تحته خـَـط ّ له خطين
ولو طاوعت (عقلي) كان مبطي عشت (مجنونه)

أجيله بس أبي نظره../..وأرجع ما فوجهي عين
يجيلي مايبي غيري../..ويرجع.. بسّ من دونه !!

حبيبي لا مشى / جفنه تمّــنى لوهو الرجليـن
حبيبي لا بكى / رجله تـمّـنت لوهي اْ جفونه

حبيبي لاابتسم ينزاح همّ العـــاجز المسكين
وتـتـنهـّد صدور(الصُّـم) لا سولـف على هونه

ثلاث اربـــاعه الطيبه وربعه راح للباقـيـن
ولو ردّوا ثمان اضعاف طيبه ما يجازونه

ولا كامل سوى الله ../ مير عيبه كامل ٍ بالزين
وله حق اْيتـِكـــــامل دام مثـلي فيه مفتونه

ولا أكثر من اللي يعشقوني / مير هم دارين
أقص لسانهم واقطع يميني قبـْـل ما اخونه

نعيش و روحنا وحده /... و بادلنا القلوب اثنين
لجل كل ٍ ينـشـِّـد صاحبه - عن نفسه - اْشلونه

توادعنا عشيــّة سبت .. ْو موعــدنا مسا الاثنين
و همّي صار(شـَـعري) ياترى هو يعجبه لونه ...؟!

أنقـّي في ثيابي../..لاااا لا َ غيره../..لاااا لا َ هذا شين
يا ربي .. وين ابلقى شيّ ٍ احلى منــََّـه فـ كونه ؟!

وأبي أحلى مكان ٍ للقا .. بسْ مــا هقيـــته بيـــن
دبي .. فينيسيا .. باريس .. روما .. كان .. لشبونه...

...حدائق بابل .. اللوفر .. ضفاف النيل .. سور الصيـن
قصور الأندلس .. شاطئ ميامي ... كلللـهم دونــه ...!

ولا به موضع ٍ يسوى مقامـــه بين هــالأدنـيــن
( فقط لا غير) جنـــات النعيم اْتـلـيــق بـعـيــونه

~~~~~~~


~ صح النوم ~

~ ~ ~ ~ ~
جلست البارحه والفكـْر حالف ما يجيني نوم
أبي أكتب قصيده .. بس وين ألقى اللي تشبهلك ؟

ومن باب المسا طلـّت عيونك .. حفلتين ْا نجوم
وشفت مراية ٍ وسْـط السما في وسْـطها مثلك

أقول النور؟ يمكن .. بسّ فرق النور فيـك يدوم
وحللت الصَعَب من يوم حاولت أكتب ْافسهلك

توكلت ودعيت الله وكيلك دعــوة المظلوم
وخفت ادعي عليك .. وصارت الدعوة على أهلك !!

عرفتك يوم ..وعـْـشقتك قبل عامين من هاليوم
واظنك همت فيني طول عمرك وانت في جهلك !!

الا من شفتني زعلانة ٍ متشــرهّه بالكوووووووم
فلا تشره عليّ .. إلا تشرّه بسْ على وصـلك

يموت الشيخ ما يوصل مكانك وان علا فالقوم
وباقي الناس تعلا لو توصـّل ما وطت رجلك

قصيدي حين يقعد لك.. وحين ٍ يرتبك ويقوم
إلى من حسّ بقدومك.. بأقل ..شوي.. من مهلك

أحبك وان غدى حلمي قصيده ..قلت.. صحّ النوم
يـقوم الحلم عمره ما يلاقي شيّ يشبــهـلك ؟!


وللقصائـــــــد بقيـــــــــــة

[*النجمه*]

~ الحفلة ~

~ ~ ~ ~ ~
اليوم عيدي .. وكل ٍ جاني اْ يهنـِّي
قالوا كبرتي .. و انا ابكــي كنني طفله

فتــَّحت كل الهـــدايا ( كن بي جنـّي !)
كنت احسِـب انك فـأحَدَها حاضر الحفله

متعشمه فالزمان .. وخاب به ظنــّي
قايل لي انــك معه يوم اني اوصف له

وادري أنـــا مانقصني شي... لكنـــّي
اشوف كلــّش لو انـّه ناقص .. أصرف له

لوما وجودك بقلبي .. مأنكـتـب فنــِّـي
حبي لك .. اكمـَل قصيده مالها قفلــه

وإن شفت فالدرب صاحي .. فإنشده عنــِّي
بيقول لك كم متيــّـم عفت لأوقف له

ودِّي اطفــّي معَك شمعي وانا اغـنـّي
وافاجئك بالقصيده ذي عــلـى غفله

وابتـل اراضيك .. ثم ّ ازعلـّك منــِّي
هذا مزاجي .. واخبَرك عاد تعرف له

اليوم ماهوب ( عام ٍ ) يحسَب فـ سنــّي
وش عيد ميلادي اللي الناس تهتف له ؟

عيدي الحقيقي .. يجي لاجيت تحضنــِّي
وفي كل ( لحظه ) تمرّ ؟؟.. اْ نحط له حفله______________________________________________ __

وااااااااااااااااااااااااااااااااااو
روعه إلا قمة الروعه
مشكوره
وانتظر الباقي :)

[وضحى مارسيليو]

سعدت بمرورك يالنجمة

ولعيونك بكمل الباقي مع ان الردود ما تشجع

ودمتي بود

[وضحى مارسيليو]

نكمل بقية روائع عبير بنت أحمد

قصائـــد الفخـر والمـدح


~ أنا بنت ~

~ ~ ~ ~ ~
ياهلا باللي كوت قلبي لواهيب إنتظاره
أنورت كل الرياض ووقفت لأجلك تحيه

مل من طول الغياب الشوق يوجس به مراره
عايش سنين العمر ما بينهم روحه و جيـّه

يا يبه واشغلت من هو ساهر ٍ ليله نهاره
كيف أرجـّع لك بعض ما نالني منـّك عطيه

وانتي يا يمه جمعتي كل معنى للطهاره
والدفا فالكون ماخذ من دفا قلبك شويه

ليتني أصنع بعرق القلب لك عقد وسواره
ليتني ألحق جزاكم قبل تدنيني المنيـّه

و يا عيال أمي غلاكم فالحشا مشعل وجاره
لو تطفـِّيه القصايد إشتعل فاقصى قصيـّه

ريح مسك ٍ في خواتي غاير ٍ منهم سماره
حارسه ربه بياض ٍ يوم مارى في صبيـّه

و يا جعل ربي يبارك في نسل جدي و عماره
و يرحمه مع كل مسلم ، لايقولوا : (عنصريه) !

"مجمعه" دار ٍ سكنها و ازدهر فيها تجاره
ما تسمّى بالتجارة.. هي ّ تسمَّت به سميـّه

إن حصل وقت الرخا أرخوا على العالم ستاره
وان حصل وقت الشدايد كلهم قاموا حميـّه

ويا بنات العم فيكم شفت عقل ٍ مع شطاره
و مع جمال و خف دم و زود معها جاذبيـّه

إيــه أنا بنت ٍ ولا بي نقـْص منها أو خساره
دامِـني بنت ٍ لأحمد ، بأفتخر بإنـي بنيـّه

~~~~


~ أرض المواجع ~

~ ~ ~ ~ ~
جيت شعري و المكارم بيننا حـب وقرابه
والمعاني ما لــهـا غير الحبر بعدي عشيق

كنت أحسْبَ الطير يوقـِّع له على ْاطيور ٍ تشابه
واثر ما حولي طيور ٍ واثرني خبْري عتيق !

لا و انا ماني من اللي باع شعره واشترى به
لأنسلب منـّه شعوره ، وش بـ يَـعني للبَريق ؟

شــاعره و اكتب قصيد ٍ يفقـِد العــاقل صوابه
كنه المخمور و اللي ما على بـــاله يفيق !!

والقصيدة لا عصتني ؟؟ خذتها دون استجابه
يكفي اللي في خفوقي بارد ٍ وسط الحريق !!

لا و انا بنت احمد الشيخ ِالذي كل ٍ يهابه
مـــا ورثت الا الأصاله من ورا مجدٍ عريق

بنت ابوي ولا لقيت إلا الفخر فيني شقا به
والطموح اللي شقا بي ما غدى حر ٍ طليق

بنت واكتم عبرتي وارسم على وجهي سحابه
تمتلي عيني قصايد لامتلى صدري شهيق !!

وابتسمت ومادريت ان الزمن تعوي ذيابه
والبلابل صوتها في مسمعي مثل النعيق !!

الليالِ الموحشه دلــّـتـني دروب الكآبه
واحتريت الصبح ميرالصبح ما دلّ الطريق !!

وش بلا أرض المواجع كـلـما زادت رحابه
زاد في زرعي قصـيده كن ما ودي تضيق؟

رحت و الأبيات نمشي .. قصدنا قتل الرتابه
ما قتلت الا قصيد ٍ ممتلي عطر ورحيق !

والحسود اللي حشر في سيرتي حضرة جنابه
ناهق و ماضر اشجار الصخا صوت النهيق !!

لا غرابه لو جفاك الوقت عادي لا غرابه
لا غدت حتى القصايد ما بها نفس ٍ تطيق !

قلت باصبر دام صبري علـّم الشعر الكتابه
وانكتب شعري بصبْْر ٍناشفٍ من دون ريق!

هو سؤال ٍ كل ما جيت أسأله مـ القى جوابه
ليش ماللشاعره غير" الغبن " وحده صديق ؟

~~~~~


~ لمعوا إسمي ~

~ ~ ~ ~ ~
لمّعوا إسمي مثِل ما تــشـتهون
لبّسوا شعري صـنـاديق اْ ذهَـبي

وامدحوني ضِعـف منتم تمدحون
دام هــذي كورتــي في ملعبي !!!

فهّموا سحر القوافي وش تـبـون؟
واتركوا قـلبي على ما هو يبي !

ليتكم يوم ان عرفــتــوا تجهلون
ما جهلتوا معــرفـــة حظ ٍغبي !!

ابتدت فـيـني غرابيل و طعون
وانتهت فــيــني براءات اْ لـْعَبي

مابقى مني سوى روح و شجون
أغتذي عمري ودمعي مشربي

لو على همِّي أنا ؟؟ كـلـِّش يهون
بس لو أدري حياتي وش تبي؟!

يمتلي سطري بهمزات ْوسكون
و البنا(ء) أصبح ضحيــّة مُعربي

وينهم ياللي اذا هــم يشعَـرون
الشِّعر واحنـا لهم نحبي حبي

يحلــفـون و يحلـفون و يحلفون
ما لهم مطلب يــوازي مطــلبي

أسقي اوراق الشعر حبر العيون
العيـون اللي كما عــين الظبي

تصغر الدنيا إذا هم يزعـلـون
وإن رضوا كل الضوايق ترحبي

تاجيَ الطيبه ولو وشـّو يكـون
آآوي ْهموم ٍ يشيب إْ لها الصبي

لكن الشرهه على اللـي يدِّعون
الشِّعر عن قولـة إني معجبي

المشاعر و المعاني و الوزون
والهجوس اللي تحدد منصبي

نختم بْمثـل الذي به تخـتمون
بالصلاة اللـي على آخر نبي

~~~~

~ شعر ما ينقال !! ~

~ ~ ~ ~ ~
إهداء لقلب الشاعرة هيفاء التميمية
~~~~~~~~~~~~~~~~~~~~~
بأكتب قصـــيد ٍ فيــك ما قبلي انقال
حبي شِـعِـر محد ٍ تجـــرأ و قـاله

تعبت أدوّر في المعاني والامثال
ولقيت فإسمك كل معنى الجزاله

( هيفا ) ملكـــتي كل محمود الافعال
لكن ّ طـهــرك هابــــل ٍ بي لحـالـه

من شاف فعلك قال :- " هالبنت رجـّـال "
ومن شاف قلبك قال :- " خِـلــِّي فدا لـه "

ومن ما يعَرفك .. ما عرَف راحة البال
مهموم من كــثر القهر والـــنذاله

مالك شبيهة.. لا ولا قيمتـــك مال
ما يشبهك .. كان البدر فاكــتماله

لي بنت وحده بالهوى .. واربع عيال
خذتي غلاهم .. والأبو.. وش بقى له ؟

أحسد ( هذاك) اللي ملا عقلك هبال
واقول ليتي يالعـزيــزه بدالــه

خافي من الله مِنزل آيـــات الانفال
ترى عذولـــي حالته منك حالـــه

لا تنشديني عقب شوفـتــْـك عن حال
أكيد حالي طيّـــــب وطــاب فاله

الطيب طيــبك وانتي الفال للفـال
الله يحَـفظك مـن شرور الحثـالـه

والشعر لا قبلي ولا بعدي انـقــال
ْولا جاب شِعـري بعض حبـّـك و قاله

~~~~

[ريحانة]

يعطيك العافيه ياقلبي

[ملكة الإحساس]

روعه روعه

ياريت اذا كملتي باقي القصايد ترسلين لي مسج ولك شكري ياعسل

[وضحى مارسيليو]

الله يعافيكِ أختي ريحانة

لا عدمت مرورك الحلو زيك

دمتي بود

[وضحى مارسيليو]

ملكة الاحساس أنتي الروعه والعسل

شرفتي صفحتي المتواضعه

دمتي بخير

[وضحى مارسيليو]

نكمل البقية الباقية

\
/
\

القصائـــــــد الرثائيـــــة


~ أي عيد اللي تهنوني عليه ؟ ~

~ ~ ~ ~ ~
في رثاء الشاعر طلال الرشيد رحمه الله والمسلمين
~~~~~~~~~~~~~~~~~~~~~~~~~~~
أي عيـد اللي تهـنـّـوني عليه ؟؟؟
عيدكــم هذا ترى ماهوب عيـد

عيدكم.. مجرم!! و سفـّاح وسفيه !!
مـالقى يقتل سوى ولــد الرشيد ؟!

تعجز الأوصــاف تلـقى له شبيـه
هو فـقـيد ٍ كن ما غيــره فقيد

والعطا لومـا تعلــّم من يديــه ؟
ينقلب معنــاه للحرمان اكيــد

وكل هم ٍ ينفـرج لا قـال : ايــه
وغير عظمه.. ماخبرنا به شديـد

كل ّما سجّـيـت انا فكــّرت فيه
وانزف دموعي مثـل دمه وازيد !

هــادم اللــذات .. كل ٍ يحتريه
لا رحم شيــخ ٍ ولا خلـّى وليد

بس ابفهم ليــه ابونواف ليــه ؟؟
ومن وفاته قاتـله وش يستفــيد !!

يا طلال .. الصيد ماكـنـّـا نبـيه
رايح ٍ بتصيد..والصيّـاد صِـيـد

للحزن فيـنا ملايـيـن الوجيــه
وانت عنـد الله بحول الله سعيـد

رحمـتك يارب .. يـامن نرتجيـه
يالله انك تـقـبله عندك شهـيـد

ضيـفك اللي جاك عابد ..لا تجيـه..
.. نارك اللي قولها:" هل من مزيد " ؟!

والفراق الله يصـبـّرنـا عليــه
عظـّم الله أجرنا واجر القصيـد

~~~~~~
~ حفنة عظام ~

~ ~ ~ ~ ~
يا خوي بين القلب و اوجاعه اْ عهود
أفطر بـ همّ ٍ وارتشِف من وريده

لا قلت يكفي قال : أجل رغبتك زود
لابو جزالــة هالهموم البلـيده !!

أوجس شعور ٍ لا هو بْـنوم أو نود
تشـبـه وصـوفه للمنايا الشديده

أكـْهَـل شبابي شيب في قـلب ملهود
حولي خلايق مير كنـّي وحيده

تمطر عيوني دونما برق و رعـود
تمطر بصــوت ٍ بالمـناحة نشيـده

زفــَّـت منيره بنتها بْـعِـقد منضود
راحت قبل لا عِـقــْدها تستعيده

لا خير فيها .. دنية ٍ ما بها اسْعود
مات ْو كتابه ينتظر من يفيده

معقول موضي ماكل جسمها الدود ؟؟
وخلـَّى هدوم ٍ في كِـيَـسْها جديده ؟؟!

أم الجمايل عقـبها الراي مفـقـود
ساره .. خـذاها عن مَرَضـها حميده

بيت السعاده عـقـبها صار مـهدود
لطيفــه .. اللي ما بَعَـدها فقـيده

راعي الفضيله شيخ ما عنـْه منشود
عثمان قــفــّى لابس ٍ ثوب عيده

و إليا سلينا نذكره شيخنا حمود
وشلون ننسى شمس علم ٍ فريده

عبدالعزيز وْ طِـيبة ٍ ما لها حدود
كل ٍ توارى تحـْـت أرض ٍ بعيده

حتى رضيع ٍ ما له أيـّام مـولـود
ودّع مهاده جنـْب أمّ ٍ تـريـده

ما شِفت وافي مثلما الموت بالجود
لا مات نشمي مات عقبه عضيده

يا كود شعْر ٍ ما بَلَغ وصـفهم كود
ماتوا و عاشت هالقصايد زهيده

الجسْم ِ ناحِل غادي ٍ عقبهم عـُود
حفـنة عِـظام ٍ تكتسيها قصيده

و العقل غايب بس بالإسم موجود
والدمع يمسح كحـْْلِ عيني بإيده

يا عزتــالي فـرَّق الموت عنــقود
ليت إنّ فرقا الروح عنهم تحيده

شدِّيت عزمي وانقطع عزم مشدود
ظنـِّي أطارد و اثـري اللي طريده

مقرود منهو (يحسب الحظ مقرود )
الحظ هُو هو...بس حنـّا نعيده

البندق اللي ما يعَبـّا بّبارود
تفنى حياته و الصِّدا في حديده

أشكي على اللي ما خِشِـر معْه معبود
يرحم شيوخ ٍ كلهم من عـَبيده

الموت حق و كلنا نشهد اشْـهود
يا ربِّ تجعل خاتِـمَتـنا سعيده

~~~~~[/COLOR[COLOR=Red]]~ وهو باقي أحد نبكي عليه ؟ ~

~ ~ ~ ~ ~
في رثاء الشاعر عبدالرحمن البطي (راعي العنود) رحمه الله
وجمعنا به في جنات النعيم
~~~~~~~~~~~~~~~~~~~~~~~~~~~~~~~~~~~
وهــو باقي صباح ٍ نلتقيه ؟!
و هـو بـاقي مساء ٍ به سبات ؟!

وهو باقي أحَــد نبكي عليه
عقب ما ماسح الدمعات مات ؟؟!

سميح الوجه .. نصــّـاح السفيه
رهيف الحِس ّ .. ممدوح الصفات

أبو صالح .. وتتحـدَّر وجيه
أبو صالح .. وتنهدّ الجهات

أبو صالح.. ياراعِ الطيب ليه
تروح وبسّ ؟! .. تتركنا شتات !؟

لو اْ يباع العمر .. لك نشتريه
و لاْنِّـك تبـْدِل الجسم بـ رفات

يجوز الصبر مقدور ٍ عليـه
ولكن كيف نقوى الذكريات ؟!!

خذاك الموت .. واحنا نحتريه
معاد ْا لنا بهالدنيا حيـاة

عسى اللي لمّـنا بالحب فيه
يجمّــع شملنا بعد الممات

مع الأبرار .. هذا اللي نبيه
يا رب الكون نطلبك الثبات

وهو باقي أحَـــد نبكي عليه
عقب ما مبهج الأفراح مات ؟؟!

~~~~~
~ عساه بجنة الخلد ~

~ ~ ~ ~ ~
في رثاء محمد إبن شقيقة الشاعر فيصل القريني
~~~~~~~~~~~~~~~~~~~~~~~~~~~~~~~~~
مشينا في طريق ٍ بإسم دنيا .. والعمر مشوار
و إلى منــّا وصلنا .. فـ َ القبر فاتح لنا ْيدينه

وكم من ميِّت ٍ عمره قصير ٍ ما يذوق النار
وكم من حيّ .. يتزوّد ذنوب وطالت سنينه

نويت اكتب.. وانا وشلون أبكتب والحزن جبّار
إذا ما هزّت اشعاري شعوره .. طحت من عينه

وألا ياكثر ما طاح بقصيدي من هموم كثار
ولكن ّ القلم .. عيا َّ يخط ّ .. وسنّ سكـّينه

فقيد ٍ ما فـَقـَده (إن كان ظلّـه) ..ما لقى مقدار
وفقيد ٍ لو نعيش ألفين عام ٍ موب ناسينه

يا مؤمن لا تضيق إن راح غاليك وْ خلَت هالدار
عساه بـ جنة الخلد اْيتحرّى لأهله بـ زينه

خذاه اللي هو ارحم به من امّـه .. كاتب الأقدار
وجعل الله يصبِّـر من فقد غاليه ويعينه

يافيصل .. جيت أعزيّـك .. ْولقيت ان العزا .. لي صار !
رضينا بأمر من جمّـع مَـ بين الناس في دينه

~~~~~~~~

[COLOR=Gray]~ وين أودي دمعتي يا فواصل ~

~ ~ ~ ~ ~
آآآآآه بس وين اودي دمعتي يافواصل
كل مألمح غلافك غصب عني بكيــت

بين حد ارتوائي والظما حدّ فاصل
واشهد اني وصلته .. بس .. ما قد رويت

لو نويتك قطاعه؟ عادة الحزن واصل
جيت ابنسى طلال وضيقتي .. ما قويـت

ليتي اقدر اصدّق مير ماهوب حاصل
والمقدّر أبــــد ما يرفعه قول ليت

راح من كان طيبه بالذكر سيف ناصل
راح من كان معطي الطيب إسم ٍ وصيت

أحسن الله عزاك فميتك يا فـــواصل
ما ترك عقب مأقفى حيّ .. ماهوب ميت

~~~~~~

وفيما بعد تأتي البقية الباقية لشاعرتنا الرائعه عبير بنت أحمد

[الملاك البريء]

تسلمييييييييييييييييييييين والله قصائد رووووعة وإنتي أروع
الملاك البريء

[وضحى مارسيليو]

ملووووكة أنتي الرائعه يا قلبي

وثانكس على الإطراء المتواضع يسعدني متابعتك لي

ودمتي لنا بخير

[*النجمه*]

باااااااااااااااااااااااااااااااااااااااك
وضحوه الله يرج العدو ليش ماقلتيلي انك كملتي؟!!!
هاه

اعترفي بسرعه(وجه معصب رافع حاجبه اليمين)

على العموم ماحصل إلا الخير<<<تصرف خافت لاتتصففق


مشكوره على القصائد اللي نزلتيها وانتظر الباقي :)

واكثر شي عجبني:-
كنت أحسْبَ الطير يوقـِّع له على ْاطيور ٍ تشابه
واثر ما حولي طيور ٍ واثرني خبْري عتيق !
_________________________________________

[وضحى مارسيليو]

أحلى بااااك نجووومه

العذر والسموحه منك يالغالية خلاص ولا يهمك كل ما أكمل الوصلة

أرسلك مسج كم عندي نجمه انا ^_^

دمتي بخير

[وضحى مارسيليو]

نكمل ملف شاعرة نجد الأولى ...


قصــائـــــــــــــد الفــــــــراق

\
/
\
/

~ ميلاد انتحاري ~

~ ~ ~ ~ ~
أدري انه ما يهمك بس جيتك : شوف عينك
منها آسلـّم عليك.. و.. منــّها آرد اعتباري

يوووه لو تدري.. جهاتي الاربعه - بيني و بينك –
كلهم من زود حبك زاحموا فيني يساري !!!

علـّـموك شلون ترفع راسك و تعـْـقـِــد يدينك
ما تشوف إلا عبيد ْوخافـقـك كله جواري !!

إلتهيت انت ْبغرورك قلت اجل " خله رهينك !! "
خفت لا تكسر كلامي، كافي ٍ فيني انكساري؟؟!!

يوووه يا ذيك المحبة.. وينها.. ويني .. ووينك ؟!
هو صحيح ان المشاعر كل مافيها تجاري !؟؟؟

أنتصر لك فالمحافل لاجل نـقــهـر عاذلــيـنـك
وانت . قدام العوااذل تنسحب ما جبت طاري ؟!

ما دريت اني بكيييييييييت ولا بكيت إلا لعينك
والمصيبة وش يهوّنها علي لا صرت داري ...!

ويـــــن كنت انت الذي لا شفتني يشرق جبينك
ما بقى من ذكرياتك غير تنهيــدة نـهـاري !!

لا تعوّدني صدودك يرحـــم الله والدينك
كيف يتحمل دلال المترفة عيش الصحاري

كان جالك عـِــز ّ مني .. ردّه.. الله لايهينك
نفسي ارجع يوم والقى غير ذلـِّي فانتظاري !!!!

قـلــّي وين ألقى دموع ٍ في حياتي ما تدينك؟
إرتكب جرمك ولكن خل موتي باختياري !!

حِسـْـت ابو التاريخ!! ادوّر عن ولادة ياسمينك
مالقيت الا وداع ٍ فيه ميلاد انتحاري !!!

ادري انه ما يهمك بس جيتك : شوف عينك
جيت بآسلـّم عليك.. ورحت من دون اعتباري

~~~~~~


~ ثمان أيام ~

~ ~ ~ ~ ~
ثمان ايام يالظالم.. تمرّ .. ولا لكم شوفة !!
ثمان ايام معقولة تمرّ .. ولا لنا سيره ؟!

انا وعيوني وقلبي و يدّ و يدّ مكتوفة
تحرينا لكم انت .. ولسانك .. وْلمعاذيره

تلعثم .. قال انا احبك .. وقام يعدد ظروفه
توقعته على العادة .. مثل ماعتدت من غيره !

يجيني .. طالب ٍ قربي ..يزبرق ساحر حروفه
والا من جَد وقت الجِد ؟.. قال إن ْ توك اْصغيره !

انا مــا خفت من هاجس خداعه .. لكن الخوفه
لو أتجاهل بـ نيــّه صافيه..؟ بامووت بالحيره

نشدني .. (- يااا بعد عمرِي - وراك اليوم ملقوفه ؟!!
بعد بكره يجيك العلم ... والله يكتب الخِيرة )

أعَرف اني وفـِّية لو زمنـّا جارت صروفه
واعَرف انه وعدني والوعد ويـّاه تفسيره

وصاروا عشرة ايامه... سنين ٍ تحتري شوفه
وانا لليوم ما حاولت اجيب لخاتمي سـيـره

~~~~~


~ قولوا وراي ~

~ ~ ~ ~ ~
قالوا إن الحب أعمى .. قلت اجل قولوا وراي
الله اْيـقدِّي لحب ٍ ما لــمس دمعة حبـيـب !

والله اني كل ما غمضت اشوفك في عماي
ولا فتحت عيوني ؟ اتعامى وانا اشوفك تغيب

صح انا سلـّمت نفسي مرغمه.... بسّ بـ رضاي
هيكل ٍ كلـه جروح و خاف من مشرط طبيب

رحت اسولف لك عن اشواقي ولاااا كنــّك معاي
قمت اسولف لي عن اوجاعي واقول الشوق عيب !

جايز ان الحب ضربة حظ مأختارت سواي
مير انا ما قد خبرت الظــن في حظي يخيب

واكتشــفت ان القمر ما له مقر ٍٍ في سماي
والبحر طفــّى لهيب الشمس في وقت المغيب

وأدري ان ّ الهم ما ينصاني الا من غلاي
الفرح يااامااا تحضّـنـته و حس ّ انه غريب !!

ومن حكى عني بوجهي .. وش رجى منـّـه قفاي؟
ولا ابعَدَت عنِّّي حياتي ؟.. وش لو اْبيـبعـد قريب

ما لقيت ْبهالخلايق حـيّ ... يستاهل هواي
قلت اجرّب .. يمكن القى لي مع الموتى نصيب !

وارسل آهاتي قصايد تـنـقـل لـ نفسي عزاي
ومارجع لي من ورا شعري سوى زود النحيب !

دامني وكـّـلت ربي .. مأنتظر منـّـك جزاي
سامح الله كل قلب ٍ ممتلي جود ٍ و طيب !!

وقالوا إن الحب أعمى .. قلت اجل قولوا وراي
لا سقى الله حب ٍ ابصر .. ليلة ْا فراقه حبيب

~~~~~~~~~


~ راحت عليك ~

~ ~ ~ ~ ~
خلاص راحت عليك .. وراحت أيامك
والحب راحت به الأيـام من دونــك

يا قلب صحصح.. زمـن وآبشرّك .. ضامك
إلحق جروحك قبل تستفحل طعونك

لو ما ظلام الليالي حسّ بالآمك
ما كان شفناه صابغ وجهه بـ لونك

حذرتك اْمن المسا .. واهديـته احلامك ...؟
أو تحسب انـّـه سهر لك لأســود عيونك ؟؟!!

وقتٍ يخونك به الرجـّـال قدّامـك
ظـنــّـك سفيهه .. إلى قفــّيت بيصونك ؟

اللي حكى لك .. بيحكي فيك لأقلامـك
حتى اقرب الحبْر يا مسكين بيخونـك !!

ما يكفي اْمن الحبايب جـفـّـت عظامك...
للحين ترجي من الحسـِّـاد يسقونك ...؟!

الطيب ذنبك .. وعيبك طاهر اسلامك
ومع كل هذا.. تبي بالخير يطرونك !!

يا قلب يكفي حراااام تقطــِّع ابهامك
كل ٍ له الله .. و كـــان الله في عونك

اليوم ميلاد موتك.. وفــِّر اعوامك
وان شاع ذِكـْرك مصير الناس ينسونك

خلاص راحت عليك .. وراحت أيامك
والحب راح ورجع لي بسّ .. من دونــك

~~~~~~~


~ زمن قاسي ~

~ ~ ~ ~ ~
ماهي غريبه يـا زمـن .. قاسـي
عـاداتــك.. الله لا يـغـيِّـرهـا

مـادام حظـي طــاح متـواسـي
نشـوف وش بيصـيـر آخـرهـا

قلبـي كبيـر .. ومعدنـي ماسـي
والنـاس تصقـل فـي مظاهـرهـا

ياللـي قطعـت آمـالـي بفـاسـي
وش حاجتك فـي كسـر خاطرهـا؟

وبعض الكسور..ابني بهـا ساسـي
أقلّـهـا .. ممـكـن نجبّـرهـا !

ولو ذقت ممـا ذقـت فـي كاسـي؟
عينـك بتبـكـي دم .. وأعـذرهـا

ودي أورِّي دنيـتـك .. بـاســي
واخـاف لا أجـرح مشاعـرهـا !!

هجـرت لجلـك موطنـي وناسـي
وأمّنـت روحـي عنـد هاجـرهـا

ناديـت حتـى بـحّـت اجـراسـي
وتسـمـع ولا حـتـى تعبِّـرهـا !

وماطعت فيـك الصاحـب الراسـي
حتـى اطـيـع انــذال تحقـرهـا

وأدري بصـدق الحاسـد الخاسـي
وأكـذب علـى نفسـي بأسايرهـا

لوهـي علـى همـي وهوجاسـي؟
هانـت علـى نفسـي عبايـرهـا

بس كيـف يعجـب عينـك لباسـي
وانـا .. منيـب اللـي تناظرهـا؟!

البـارح اهديتـك مـن احسـاسـي
واليوم اشوفك صرت .. شاعرها !!!

وانت أقرب اْ من النفـس لأنفاسـي
وأقرب مـن الدبلـه لبنصرهـا !!!

وياهونـهـا لاشـفـت كـرّاسـي
مصيبـتـه وشـلـون يصبـرهـا

ماجيـت اعـزز بالأمـل يـاسـي
جيتـك بأعـزّي فيـك.. وأشكرهـا

وآذكّـرك بالبـعـد يــا نـاسـي
والا المـحـبـه ؟.. لا تّـذكّـرهـا

ومادام طاح الحُـب مـن راسـي؟؟
ماهيـن نفسـي وانـت خابـرهـا

من عادتـك .. يـا قلبـك القاسـي
خطيبـتـك .. دايــم تغـيّـرهـا

~~~~~~~

~ نشوة الإعجاب ~

~ ~ ~ ~ ~
سلام ٍ يالذي أنت الذي من بـِدّ هالأصحاب
ملك قلبي ، ملَك عقلي ، ملَك كل الذي ما (بي)

إذا كل القلوب أمْسَت تبيك وْ لك تهجّ ابواب
فأنا مالي سوى قلب ٍ عيوف ٍ قافل ٍ بابي

إذا حتى الهقــاوي خانت المحبوب و الأحباب
مَـعاد بـْدنيتي شي ٍ يساوي هقوة إغـضابي

أنا ما قد هقيت إنّ الشِعِر يَصْـدِق وهو كذاب
مثل ما قد هقيت إنك تخون الحب فــغيابي ؟!

حضرت و لا حضرت إلا بَعَد ما كلّ مابي غاب
لبست ولا لبست إلا بَعَـد ما ضاقتِ ثــيابي

رَغـَم كــود المـمـات اللي تساوت عنده الأسباب
غريب إني تحرِّيت الضمير الحيّ يصحى بي

كفــاية نظرة عيونك تبرهن دونما استجواب
كفاية مبسمك عايش على توتير أعصابي

غبية كـنــت!! كيف إني سمحت لـْـنشوة الإعجاب
تنادي للغبا طيف ٍ غباءه.. سِـــبـَّـة إعجابي

و جوَّعت القوافي لاجل تِـطعَـم " فصّ ملح ٍ ذاب " !!
و عَطـَّـشت القصايد لاجل تشرب ملح أهدابي

ألَم بوح المشاعر و المشاعر ما لهاْْ ايّ حساب
سوى ما للمشاعر من ألم ينصَــبّ فــحسابي

رهنت لبسمتك ثغري و عضـّيت الندم بالناب
عَبَس وجهي ولكن ما تولـّى غير لاحبابي !!

اذا ما كان بك ( كذبٍ ) يراضيني إليـّا خاب؟؟
مصير الصدْق بي يرضى اذا ما جرّب عتابي

سلام ٍ يالذي " كنت " الذي من بد هالأصحاب
ملك قلبي،ملك عقلي،ملك كل الذي ما (بي)

إذا كل القلوب أمسَـت تبيك ولك تهج ابواب
فأنا مالي سوى قلب ٍ..عيوفٍ... قافــل ٍ بابي

~~~~~~~~~


أتمنى أني وفقت في هالوصلة ، وشاكرة تفاعلكم معي :de43r

[الدموع 2006]

يسلمووووووووووووووووووو حبيبتي الله يعطيج العافية

[وضحى مارسيليو]

يسلمووووووووووووووووووو حبيبتي الله يعطيج العافية


ويعافيك أختي سعدت بمرورك المتواضع

ودمتي بخير

[*النجمه*]

واكتشــفت ان القمر ما له مقر ٍٍ في سماي
والبحر طفــّى لهيب الشمس في وقت المغيب
_______________________________

أتمنى أني وفقت في هالوصلة ، وشاكرة تفاعلكم معي :de43r
العفو
&
شدعوه تتمني؟!
كانت كالعاده من اروع كتابات عبير
وأحلى بنقلك لها
:)
دمتي.

[الملاك البريء]

واااااااااااااااااااااااااااااااااو يسلموووووووووو ع القصائد الرووووعة مثلك
ومشكوووووووورة الله يعطيكي العافية.......
الملاك البريء

[وضحى مارسيليو]

واكتشــفت ان القمر ما له مقر ٍٍ في سماي
والبحر طفــّى لهيب الشمس في وقت المغيب
_______________________________

العفو
&
شدعوه تتمني؟!
كانت كالعاده من اروع كتابات عبير
وأحلى بنقلك لها
:)
دمتي.


نورتي يا نجووومه ^_^

وربي أنتي الأحلى بتواصلك معي يا قلبي ..

ودمتي بخير

[وضحى مارسيليو]

واااااااااااااااااااااااااااااااااو يسلموووووووووو ع القصائد الرووووعة مثلك
ومشكوووووووورة الله يعطيكي العافية.......
الملاك البريء


الله يعافيك يالغلاااااا

أنتي الروعة بمرورك ، ودمتي بخير

[وضحى مارسيليو]

أما الان أقدم لكم قصــــــــائـــــــد خاررجــــــــة من صميــم القـلـــــب

:

:

:

~ مستحيلات الزمان ~

~ ~ ~ ~ ~
الصاحب اللي ما سأل عني ولا أهتم لبكاي
ما حدني ربي اداري خاطره وابكي معه

والمشكلة المشكلة .. لا من طعني من وراي
وانا اكتم الصرخة أخاف يهل -لأجلي- مدمعه !!!

علـّيت قدره بالشعر ابيه يوصل مستواي
بسّ الدني دايم دني مهما تحاول ترفعه

انقال عنـّه معجزه اللي قدر يكسب رضاي
وانقال عنـّي عاااااشقة والروح في رهن اصبعه

أما اعشقه ...!! الا يهبا.. ما طال لو ريحة غلاي
المسك غالي... والا نفخ الكير صنعة مصنعه

انا اللي كنت ازرع لغيري راحته ../.. أجني شقاي
أنا اشهد انه هالزمن إما يطيعك .. أو طعه

يا قلب تبطي مالقيت اللي يبي قربك / سواي
من يشتريك اشره ومن خلاك للفرجة ../.. بعه

الغول والعنقاء والخل الوفي + هواي
صاروا بعيني مستحيلات الزمان الأربعة

صدَّقت بالله ما خِـلِق فالأرض من يصدق معاي
وآمنت بأنه .. غير وجه أمي ...... مجرد أقنعه

.......................................


~ عسى ما تكلفت ~

~ ~ ~ ~ ~
عقب الثمان دهور مريــتني اليوم
جايب تحياتك .. عسى ما تكلفت !!

ما كنك اللي قلت (انا فيك مصدوم)
عيني بعينك .. تنكر انك تحسفت ؟!

لو تمهلك دنياك مـــا تمهلك دوم
هذا.. لــو انك للـغلا قد تعرفت

أجل أنا يا صاحبي ما علي لوم
لو عن رجاي وحسن ظـني توقفت

وكانك تعاف اْمن الوله لذة النوم؟؟
أنـا لهـالدنيا بلـذاتها عفت

ياما سهرت وصحبتــي ليل ونجوم
وياما على روح المجرات سولفت

وياما رحم حالي يتيم ٍ ومظلوم
والجن احـــس اني معاهم توالفت

لين الشقى خلـّى من عزومي..عزوم
وعن رَكْب تبّاع الهزايم تخلـَّـفت

ما شفت قبلك داخله ( أمّة ) رخوم
ومثلك(قبيلة) في الردى..مابعد شفت

القلب لولا نبضته ؟؟ مـاله لزوم
والدم لولا حـرمته ؟؟ ما تكتفت

محروم عشت .. وخلَّك تموت محروم
يكفيك بإنك في صدودي تشـرفت

ولا تحسب اني ارتجف خوف وهموم
لولا الحساب وشدِّتــه.. ما تراجفت

ولا يقبل الله لي صلاة ٍ ولا صـوم
إن كانني من غيـر رب الملا خفت

لو بس تفهم ليه انـا أستر علوم
ما كان عني هالحكايات ألـَّـفت

خطاك سهم ٍ صايب الروح مسموم
ماعاد يشفع لك أسف لـو تأسفت

وبهالبساطة جيتني شاري اليوم
وتبيعني بكره ؟؟ عسى ما تكلفت

................................


~ قد المراجل ~

~ ~ ~ ~ ~
من قال حنا نبي لك شي يالغالي؟
لا صرت كلْـما تكحلـّها.. بتعميها

حطيت عندك أمانه من ردى فالي
وازريت اقول إن حاميها حراميها

موروث طيبي وطهري وانصع اعمالي
ظنوك بانك على ماقـيل راعـيها

ياكثر ما خاب فيني ظن عذالي
وياكثر هقوات خابـت قبل لأهقيها

ما شفت نخل ٍ وجا لي تمرها حالي
الا والاقي دسـيس السمّ سـاقيها

مدري تثاقلت اشيل الهم بلحالي...؟
مدري كتوفي عليّ اليوم وش فيها...؟!

طقيت انا كل باب ٍ شفته قبالي
ما غير باب الرذايل قلت مابـيــها

جنـّبت سمعي دروب القيل والقالي
ورفعت نفسي عن اللي هو يماشيها

عند الشدايد أحلّ معقــّد حبالي
واشد روحي على الضيقات وارخيها

والخير.. مهما جفوه الناس .. يبقالي
والناس ما تجفي الا من تردِّيــها

جربت صمتي .. لقيت الموتة اشوى لي
والموت عيا على صمتي يعـَـدِّيها

وان صرت بنت ٍ فلانيب اصغر عيالي ؟؟
قدّ المراجل..وانا ابــوها..واسمّيـها !

................................


~ التوبه ~

~ ~ ~ ~ ~
جيت النسايم لـها ذعذاع
والمسْك عطـّرْت له ثوبه

لا قلب لي فاتح ٍ مصراع
وْلا طهر يشكي من ْاْ ذنوبه !!

يوم القدَر للفرح منصاع
جوني حشودك وراحوا به !!

يا سيّدي والوصل قطـّاع
والهجْر عتـّب على دروبه

كانك تقول البحر بك ضاع
دوك السما بيّ مصلوبه !!

ما دام ذا في الهوى لك باع
عينك عن الحب معصوبه !!

خنت الرعابيب باستمتاع
ياليت ماني برعبوبـه !!

لا تنشد الوافيَ الخدّاع
ليـه المحاظير مرغوبه !!

سرّ المولـّع اذا ما شاع؟؟
تصبح نــواياه مقلوبه !!

لااصبحت جا خافقي ملتاع
ولاامسيت رددت "والكوبه" !!

خل الـتجـّهم ولا ترتاع
مثلك انا كنت مغصوبه !!

تدري أنا خافقي لا باع
مأهتــم شاريه كم هوبه

كان الهوى واعدَك بالقاع ؟
قدْر الـهواوي ومحبوبـه !!!

ماعاد لي في هواك اطماع
التوبـه التوبه الـتوووبـه

................................


~ كلي شوق ~

~ ~ ~ ~ ~
وش حدني للشعر يا كود شوقي
ووش حدني للشوق لولا محبتــْـك

ووش حدني للحب لــولاك ذوقي
وما حد ذوقي غير علمي بطيبتك

حبك تغلغل واستبد فـعروقي
سريت فيها لين فـ القلب صبَّـتك

وان كان به غيرك سكن في خفوقي؟
فما غيرها امّـك يومها ليّ جابتـْك

وتغِــيـر ؟ هذا وإنت طيّـحت سوقي !
اللي يجي لي؟ يشتري منـْك هيبَـتـْك

وماشفت وش كثر الفراشـــات فوقي؟
حتى محَـد يلمح جناين .. حبيبَـتـْـك

والشمس..أنا..لكن.. حضورك .. شروقي
ما لي غروب الا إن أطريت غيبـتــْـك

ويحق لي لا قـلـت للنفس : موقي
مادام حتى الموق مايق بسِـبّّـتـْـك

المشكلة .. هالناس يقرون شوقي
والعين حق.. وشكلها عين صابتــْـك

يومي أبرّك .. ليه تبدا عقوقي ؟
كذا تجازي من على الحب ربّـتــْـك؟

ولاعاد من حقي أدوّر حقوقي
مدام روحي راضيه يوم حبـَّـتـك !

تلــّـيت وردي قبل تثمر عذوقي
واللي جنيته منـْك : شكك وريبتك

و اجيك كلـّي شوق .. وتذل شوقي ؟؟!

لا بوك !

.
.
.


لا بو الشوق !!

.
.
.


لا بوووو محبتك

...........................



~ وأطري عليك ~

~ ~ ~ ~ ~
آسفه .. كنت احسب انك ( قدّ ما آحـبك ) تبيني
قلت يمكن تشفق الدنيا عليّ .. و اطري عليك ؟

ما هقيت انك ولا مرّة .... كذا ..... فكرّت فيني
يوم انا مالي وجـــود إلا إذا فكرّت فـيك

كل ما شفت الشروق.. اقول..هذا انت ْابـتجيني
لين ما ذابت شـمـوس الكون من شوقي إليـك

وكل ما حسّــيـت في قـلـب ٍ عروقـه تحتويني
صوَّره عندي خيالي (لك).... وأتلهف و اجيك!

وآتــوَّهم قبل ما .... أوصل ...... بأنك تحتريني
وآتسـاءل .. ويش بتسوِّي .. لو إني ما أبيك ...؟؟

وإقتناعي ....... إن ذا مكتوب مبطي في جبيني
وإنني ماني سوى لعبه .. وطاحت في يديك

يا خســـارة كل احاسيس الغلا لك في سنيني
يا خســـارة عمري اللي راح عمره يحتريك

يا خســـارة كل زين ٍ ما قدر يوصل لعيني
يومني ارويت عيني بك..ولا ارضى لك شريك

آسفه ..... لا والله الا آسفـــــه بيني وبيني
كنت احَسب انك كـفـو هالقلب يومه محتويك

كيف أنا قارنت أصلاً (حب غيري) مع (حنيني) ؟؟!!!
لكن الشرهـه عليّ والا انت .. ما يشرَه عليـك


..............................


ودمتن بفرح ومسرة :fragghagi

[ملكة الإحساس]

يسلمووووووووو ياعسل

ننتظر البااااااااااااااااااااااااقي

[وضحى مارسيليو]

العفووووو يا حبابة

والباقي في الطريق بس نبغى تواصلكم معنا ^_^

ودمتي بخير

[وضحى مارسيليو]

Arial]
وش دعــــــوة ولا رد ، خلاص بكمل القصائد لنفسي ة_ة


قصـــــــائـــــــد السخــــــــريــة

\
/
\
/

~ حلول ألغاز ~

~ ~ ~ ~ ~
يامعجب / تقول انك لشعر النسا منحاز
ياليتك / توفــّر هالمشاعر / ورايك .. لك

مرزز / ميَـة صورة / تـِقِـل " صالح العزاز " !!
تبيــنا / ندقق في كلامــك / أو فـ شكلك ؟

على بــالك ْا عيونك معـاها / حلول ألغاز
تـَحَسب ان ازارير العذارى / تــّــفـكك لك !!

ترى لي / حميـّــة شيخ .. ولي فالشرَّف مركاز
وحجـة محبـَّـتـْـك الشـِّـعِر.. ما / تملـِّك لك

تحديتــنـي يمكن .. ولكن من اللي فاز
على الرغـــم من ألفين مبدع / مشارك لك

اذا انــّك وصلت لـ وزن مطلع ؟.. وصلت انجاز
وعشرة كسور ٍ في القصيدة / تضاحــكـلك

تبـــي تفهم المغزى : عط الخبز للخباز
فـلاحد ٍ( سمع بالذائقة ) .. يشتهي أكلك

وانا عادتــي ما احط بالي للإستفزاز
بس انـي أبيك ْاتشوف غيره / يشبِّـك لك

وخذها من العطر.. الصراحة بكل إيجاز
لوإنـــك تخلي النت كله .. ترى ابرك لك

.............................

~ نفرتيتي ~

~ ~ ~ ~ ~
لي صاحب احلام ورديّـه
له كل كلي / ولي صيتي

ماشفت انـا مترف ٍ زيّه
دلـّوع يــاناس تربـيتي !!

يضحك وانا احكي بجديّه
واحيان يبكي لـ تنكيتي

ولا صرت ويـّـاه رسميـّه؟؟
قال انتِ وش جاك صدّيتي

واعَـدته..ْولاحضـَر ضيّـه
ويقول لي: ليه ما جيتي !

كم له يواعدني بـجيـّه
ولاقد سأل وين هو بيتي

عندي اختبارات يوميّه
ما قالـلي كيف سويتي

وإن جبت ميــه على ميّه
قال اشكريني على (شيتي) !

ولو شاف شَعره رماديّـه
قال الســبب يوم حبيتي

لا ؟ .. ويبيني رومنسيّه !!
ولاهو سعودي ولا كويتي

كبــَّر مواضيع عاديّـه
مفروض تنحـل سُـكـّيتي

ولو عنــّـه أتأخر شويّه
قال (انتي اللي تخلّيتي..

.. لو تتركين المزاجيّه
صرتي كذا وان تغلـّيتي ) !!

وارجع لحبـــّه بحنيـّـه
ويرجع لجَـمعي وتشتـيتي

هو فاهم إنّـني جنيــّه
ماشاف والله عـفــاريتي

محناب رجّـال وبنيــّـه
فرعون عاشق نفرتيتي !!

لو قلت فالحب مرثيـّـه
عـوَّد غلاه و شطب بيتي

ليتي مـعـه دامني حيّـه
ياليت.. ليته (مثـِل) ليتي

مير إني مدري وش النيّه
شكله مخطط على صيتي

..............


~ بس ! ~

~ ~ ~ ~ ~
إذا خلـِّـك لقاك إن ضاق..ْولا ضقت إنت.. بك ما حسّ
وش اللي عـلــّقـك ويـّاه... غير إن الهوى ذِلــِّه ؟

أبو صالح جمَع أحباب قلبه عندهم فــي الــرسّ
وانا ما غير اجمِّـع قلبي اللي فرَّقــه خِـلــّـه !

لو ْايغيب الحزن لحظة .. لـقيـته فالـفرح مندسّ
عمى يعميه كــن الحظ تنقص طيـنــتـه بـلـّـه ؟!!

وحتى فاختباري كنت ابكتب No .. صارت .. yes !!
و (إسمي) .. صرت اغشــّه !! من كثر ما صعّبوا حلّـه

ذكرت الله وانا اهوجس ...... عسى ماهوب هذا مسّ ؟
أو احدٍ ما ذكر ربــي عليّ .. وعلــّني عِـلــّـه ؟!

فـ رحت لألف شيخ ٍ ثــــم مريت اربعمْـيَـة قسّ ..
وصار ان البلا اللي فِـي ّ .. ماله للأسف مِـلــّه !!

بديت ابكي .. وقلت الحين وش لي بالكآبه بسّ
عساني مأنحرم مـــــن طيبة اهل المنتدى والله

وإذا إنــّي أمس مِت ّ.. وصاحبي في (عيشتي) ما حسّ
أجل بيحس بي لا ضقت !! قـلللعـة ذا الهوى كلـّه

.......................

ابي شوية ردود الله يفتحها عليكم ، عشان اعرف اذا احد متواصل او لا ^_^[/FONT]

[*النجمه*]

ووش حدني للحب لــولاك ذوقي
وما حد ذوقي غير علمي بطيبتك
________________________
عندي اختبارات يوميّه
ما قالـلي كيف سويتي
وإن جبت ميــه على ميّه
قال اشكريني على (شيتي) !
<<<خطييييييييييييره عجبتني.
____________________
رووووووووووووووعه
ومشكووووووووووره
وانتظر الباقي:)

[وضحى مارسيليو]

ووش حدني للحب لــولاك ذوقي
وما حد ذوقي غير علمي بطيبتك
________________________
عندي اختبارات يوميّه
ما قالـلي كيف سويتي
وإن جبت ميــه على ميّه
قال اشكريني على (شيتي) !
<<<خطييييييييييييره عجبتني.
____________________
رووووووووووووووعه
ومشكووووووووووره
وانتظر الباقي:)

أنتي الروعـــــــ ، ـــــــة يا قلبي بتشريفك صفحتي

لا عدمت تواجدك بمواضيعي ، والباقي في الطريق ... ودمتي بخير

[وضحى مارسيليو]

أسفة على التأخير حبيباتي .. أكمل لكم بقية القصائد

قصـــ ، ــــائـــد وجــــ ، ــــدانية

:

:

:

~ في مجلس القلب ~

~ ~ ~ ~ ~
في مجلس القلب جـــا شيخ الحزن وارتكى
يقدع عروقي وابـهـِّر له بدمّـــي دِلال

هي جت على جرح ؟؟.. عاااادي كل جرح انتكا
وش صار مادام شرب الدم أمسى حلال

جافيت انا الناس مبطي بس مو من ذكا
أصلاً غباهم من اوّل ما ترك لي مجال

كل ٍ حكابي وشاهِـد طيبتي ما حكـــا
قلت إن جفوني .. معي سجادتي والجـِلال

مـلـيـت يا صاحبي طول الصبر والبكا
كني عجوز ٍ توفــى لي ثـماني عيال

حتى الفرح يوم شرَّف .. زارني مضــنِكا
والله مدري من اللي قال له بس : تعال

جاريت وقتي على انه من حياتي شكــا
وانا احمِد اللي قِـسَم حظــي على كل حال

هي جت على جرح .. عااادي كل جرح انتكا
وْ بنت الكرم ما تشح بدمـّـــها للــدِلال

..............................

:

~ حكاية عذابي ~

~ ~ ~ ~ ~
الحين جيت تقول لي جيت مشتاق؟؟
الحين تسأل عن سبايب غيابي

خانوك أحبابك و فكرت تشتاق
والا على الطاري ذكرت الوفا بي

يوسعك صدري مع همومك و لا ضاق
وَ لا وسع صدرك هواي أو درابي !!

عفت المشاعر والقصايد والاوراق
وقفلت عقبك عن هوى القلب بابي

قد جف نبع الحب مبطي بالأعماق
وارويته بدمعي إلين امتلابي

لا تحسِب اني بوهبك فايض اشواق
ماعاد عندي فايض الا عتابي

ما كنت لك إلا للأسقام ترياق
وما كنت لي إلا حكاية عذابي

ترجع تزيد الجرح توثيق وخناق؟
والله فلا اضيّع عليكم شبابي

خوفي الى من لفـّت الساق بالساق
ألقاك انت اللي تعســّر حسابي

............................

:

~ معنى الكآبة ~

~ ~ ~ ~ ~
الكآبه لو تبـي معــنى الكــــآبه؟
ناظر فوجهي ..... وتعرف جَـدّها !!

في وجوه العـــــالم احزان ٍ تشابه
بس في خدِّي ؟؟.. تميـــّـز خدّهــا

حدَّني حظي على المر ّ.. ورضـــى به
بس ابفهم .. هي عليّ وش حـدّها ؟؟

واصـــلة .. وبزعمها..هذي طيابه
ليت تـتـكـــرم عليّ بصدّهــا

خابره قلبـي أبد ما صـــــك بابه
خابرتني طـيّـبه .. مـــا اردّهــا

وإحتراقي: عود .. والدمعة: سحابه
واليمين ْبلا عطا؟ مـــا امدّهـــا

وش بلاها تحسب لهـمِّــي حســـابه
وابتساماتي .... علي ّ تعدّها ؟ !!

والزمن .. حتى الزمن .. زادت عذابه
مابقى به حيل يقوى هـــدّها !!

والفرح سافر و خلى لي غيابــه
ما يبي يجلس .. وهي ما ودّهــا

راح مِتشرّه.. ولا عندي إجــابــه
غير بإني خاتم ٍ في يــــــدّها !؟

وكل ما اتجاهل شقاها بالكتـــابة
هددت سرّي : (تبيِّـــح سدّهـــا) !!

ليمتى بأسكت لها ذوق و ذرابــه؟
كنــــّـها ما قد تعدّت حـــدّها ؟؟

واثر جيشي مختفي قبل انسحابه
واستبـــاحت كــنني من كدّها

لبّــست كل اجنبي ٍ بي .... حجابه
واستــقرت داخـلـي ... من جدّها !؟؟

ومع مرور الوقت بـــأنواع الرتابه
صرت اوقــّف ضد منهو ضدّهـــا !

والكآبه .. تعني الحين (( المهابه))
زادها وجهي شرف .. من قـدّها ؟!!


................................

:

~ إحتضار ~

~ ~ ~ ~ ~
الموت آمنا به إن مات محبوب
مير البلا من مات قلبه وهو حيّ !

ما ينفعه لو هو صبر صبر أيوب
دام الأماني ما تزيده سوى غي ّ

يهرب من الدنيا ولا يلحق ْهروب
وتركض له الدنيا ولاااا شافها شي ّ!!

كن الليالي لابسه طـَـلعتـه ثوب
ما غير تفرق بأنها أبيَـض شويّ !!!

وفكل أسبوع ٍ يمر....( سبعة قلوب..
..تموت في صدره) و لا مرّهـا ضيّ

نصفه جماد .. ونصفه احساس مسكوب
واكثر جروحه ناضجه .. والعمر نيّ !

الله يفرِّج كرب من كان مكروب
يطوي همومه كلـّـها بالرضا طي ّ

الموت .. آمنا به ومــات محبوب
مير البلا ما عاش عقبه ولا حيّ

.........................

:

~ المستحيلة ~

~ ~ ~ ~ ~
لا تــّمادى فـ الأماني ..... والأماني مستحيله
لا توقــِّف فالمسافه بين (إحساسي) و (ظلـّـه)

ايـــه ياللي تحسب اني رايقه.. شفني عليله
لا تصدِّق بإنني لا صرت اغنـِّي مسفهلــّـه

لي حبيب ٍ من فقدتــه .. صارت البسمة دخيله
ماخذ ٍ قلبي و خلا ّ الجرح يدمي في محلــّـه

كان لا جاني عَـبوس ٍ ..راااق لا فك ّ الجديـله
كيف لو جاني مروّق .. يوم كلـّـي رايق ٍ لـّه؟

شامخه .. لكن ّ مثلـــــه يستحق اني أجيله
ولو بغى راسي بكل العز ... خليته يتلّــه

بس مدري وش بلا المحبوب شوفاتـه قليله
وفجأة ٍ ماعاد له شوفة ومدري وش حصل له؟

عادة الدنيا على العشـــاق فاللقيا بخيله
وإن بغت تجزل عطاها ؟ جابت هجوس ٍ مملـّـه :-

(هو على عهده .. أو انـّـه لاقي ٍ عنـّي بديله؟؟
أو تــناساني وانا اللي ذابحه نفسي وفا ً له ؟؟)

منبـِري عودي من الفرقا..وانا أصلاً نحيـله
ما درى بإن العطر مرهون به.. يومه يعـلـّـه؟؟

بس اقلـّـب ذكرياتــه .. ليلة ٍ من بعد ليله
والألم بعضه ترى يذبح .. أجل وشلون كلــّه

يا ترى وش آخرة صبري على ْحمول ٍ ثقـيله
هو بقى فالعين دمع ٍ ما نشف .. حتى أهـلـّـه ؟

ورغم كل اللي حصل بآقولها .. (ياحبنـيـله)
ورغم كل اللي يبوني .. عفتهم بس فدوة ٍ لـّـه

آآآه ياليت الشعر يجـمع خليل ٍ مع خليـلـه
كان ما خليــت خل ٍ في الملا من دون خلّـه

وانت ياللي لي تحجّج بالهوى ..عطني دليله
مير يا كثر الهواويـه و يا قل ّ الأدلــــّه

أنت .. قدّ الحب.. يوم انـك تجاهد في سبيلـه؟
والا ظنـّك..كل من جاهد يبي قلبي..وصل له؟!!!

جايز اني شاعرة واكتب احاسيس ٍ جميـــله
بس انا ماني مجرد شــاعرة ..ياللي .. مولـّه

مير دامك عاشق ٍ( شِعري )..وأنا بنت ٍ أصيله؟
دوك شِعري..واترك الخافق ترى منتب هل ٍ له

خلنـّي عنـّـك .. تراني واثـقــه ما لك وسيلـه
شف لك أيـّة شاعره تـنشر صوَرها في مجلّة

إعرف انك يوم تحلم في غرام المستحيلــــة
لا تحرّك لك من احساسي .. ولاحرّكت ظلــّـه

......................................

:

~ فاقد إخلاص ~

~ ~ ~ ~ ~
والله اني على الشـدّات فعلي عسير
وكل نجم ٍ إذا نـاظرت فيه اختفى

وإعرف انك حظيظ ويحسدونك كثير
كان ماشفت فيني ميزة الا الوفا

إختلط في حشاي الحر و الزمهرير
وما تحدّد شعوري برد والا دفا

مير ماعاد تفرق صار وش ما يصير
دام للطهر وجه ٍ خان ظن القفى

ولو فتك بي مرض قـتــّال ماله ضمير
يكفي ان لي ضمير ٍ حي ّ لو ما شفى

وان غلبني هوى هالنفس مـــاني عبير
ولو طباعي وصل ؟؟ / طبّعتها بالجفا

تهت مدري هو انـّي جـِد..مالي مصير ؟
والا هالدرب من كثر الهموم اكتفى !!

مدري الا وانا والسرّ طحــنا في بيـر
صرت انا تحت سطح الما و سرّي طفا

قمت أأشر لشخص ٍ مرّ.. واثره ضرير
وقمت أصوّت ولا يرجع لي الا ( أفا )

كان عندي أمل فالحبْل واصبح قصير
كان عندي أمــل فالنور مير انطفا

وحتى لو كــان باقي بين هـالناس خير
عادة الحـظ خايب لو زماني صفى

مير ماعاد تفرق صار وش ما يصـير
فاقد إخلاص .. كيف ارجـيه يعطي وفا

..............................................

:

~ كل الأعذار ~

~ ~ ~ ~ ~
بي ضيقة ٍ تغنيك عن كـــل الاعذار
ولوما كفاك الضيق..عذري ظروفي

أضيق..عادي بس لوصــار ماصار
ما ضاق شِـعري عن فيافي حروفي

يامانكتب إبداع فـــنصوص واشعار
ْولا فيه وصف ٍ قـيــل فالضيق يوفي

كل ٍ لقى لـه بيـــن الاحلام تذكار
وانا على احلامي اصفـّـق كفوفي

لولا تلاوة مـصـحـف وذكر الاذكار
مأرتاح ليــن السم يشبع بـــجوفي

لو كان للطــيّــب من الحظ مقدار؟
مأعلنت عن دنيا العجايب عزوفي

بأخـتار همي غصب لو كنت بأختار
وما للبلاوي سلوة ٍ عــن كتوفي

بيني وبين النور مليون مشوار
ودروبي الظلما رفيقـــات خوفي

لا قلت باكر تنــفرج ؟.. جَـدّت اخبار
مـــا سرني سمعي ولا سرّ شوفي

كم من صبورٍ واقف .. وراااحت أعمار
وأدعي عـسـى الله لا يطوّل وقوفي

الأرض لا ضاقت بي وصبري إنهار..؟
..جلست اسولف للرمل عن حتوفي

..............................

:

~ يا رب ~

~ ~ ~ ~ ~
يا رب .. كانه ما حصل لـي ألاقـيـه
والقى معه روحي و نبض ٍ فقـدته

خذ عمري اللي باقي ٍ لي .. فلابيـه
أنا وعَدت .. وبأوفي اللي وعَـدته

الـ(لا)..لغيره.. بس له..تنقلب (إيـه)
وقــّعت بإســـمه خافقي واعتمدته

الله و اكبر من كثــر مــاني اغليـــه
لا زاد هجرانه/ من الوصل زدتـه

عهدي به اصلاً..مايجي لين اناديـه
واليوم ما جاب النــدا مــا عهدتـه

مليت انادي وانشد الكون وش فيـه؟
ولامن مُجيب-الا الصدى-لا نشدته

ولا من سألني خاتمي ويــن راعيـه
أهذي عليــه.. وأحسب انـــي أفــدته

إحتار صوتي بين الآهات والـ(ليـه) ؟
وباقي الحكي ضايــع ولوّي وجدته

تضيق بي دنياي اذا جـِـيـب طاريـه
حسره على وقت ٍ مـعـه مـا قعدتــه

وقتي يا إمـا ْهجوس والا مشــاريـه
نفس الشريط اليا انتهى..قمت عِـدته

أخفي دموعي بـ إبتسـامات ووجيـه
واوصف جنون ٍ فالهوى ما شهـدتـه

والهــمّ ؟ إبـن ٍ ما اعَرف كيف اربيّــه
والا الفـرح ؟.. جا ميّـت ٍ من ولــدته

يارب ياللــي مالي الا انت اناجيــه
ولا غيــرك احد ٍ في حياتي عبدتـه

خذنـــي اذا انـّي بعد موتي بألاقيــه
وش لي بهــالدنيا عقب ما فقدتـه

....................

:

~ بدون أحباب ~

~ ~ ~ ~ ~
العيد فرحة لقا الأحباب بعد الغياب
وانا حزينه بدون احباب وبْـدون عيد

ياعيد ما زدت فيني غيـــر همّ وعذاب
وش زود غيري من الأفراح زاد و يزيد

ألحق سراب ٍ وانا ادري بإني ألحق سراب
وأسكب دموعي وانا ادري بإنـها ما تفيد

للهم ألفين باب و للفرَج ( ظل ) باب
ما يمدي آصلـْـه .. إلا ْوتغرب الشمس أكيد !!

يا شين حسّ العَــجَـز والعمْر توّه شباب
ويا شيــن موت الرجا والياس توّه وليد

يشبهني الحزن .. لا .. وش جاب حزني لجاب ؟
وان قلت انا والحزِن خِلان .. ويش الجديد ؟

لا صار كل ٍ لأصله .. و الأصِـل من تراب
عند الحزن ما فــَرَق.. أسـياد والا عبيد

ومن جرَّب الموت.. قال الموت ما ينتهاب
ومن عزني ؟؟ ليت يدعي لي بـ ( موت ٍ ) مديد

ما كان في خاطري أكتب بهمي كتاب
للفم قيد ٍ وللأقلام مليون قــيــد

مير الشعر جابه الله لي ونيس الغياب
في صبح عيدٍ ..بدون احباب وبْدون عيد

............................

:

~ خلوني آخذ راحتي ! ~

~ ~ ~ ~ ~
يعني على قل البخت تحسدوني !!
والا تكاثرتوا على الشٍعر فالي؟

من واقعي غصب ٍ علي تحرموني
تبي تـحَرمونــي بعد من خيالي !!

أكتب قصيدي لجل انـَسِّــي طعوني
مرّ الزمان اللي جرعته لحالي

والا أنا..؟ لا عشت وصفي جنوني
وَ لا بهالعشاق قلبي يــبالي

ياليتكم من ذا الهوى تعتــقـوني
وشلون افكر به عقب ما جرالي

أسمع ولا أصدّق ..و شفت بعيوني
لاحد ٍ تودد لي و لا حد ٍ حكالي ..

.. حبايبي .. ما فكــروا يحتــووني
وصدّقت بأني عاشقه من هبالي !

عطيتهم ما قلت ابد.. وش عطوني
بدّيتهم ماقلت..اجل وش بقى لي ؟

لكــن ّ ربعي اصبحوا مـا يبوني
راحوا وانا كــلي عليهم يلالي

ماقلت للمقفين .. معكم خذوني
ومن كان غالي وين ما راح غالي

مع السلامه يــــا سلاسل سجوني
أنا اقتنعت ان الحِلِم راس مالي

بأترك جميع الناس تحـــيا بدوني
مافيه داعي تـنتحر من جمالي !!

وياللي عذلتوني فلا تعذلـــوني
ما ظن فيكم شــــدة ٍ لاحتمالي

ماني شبيهتكم ولا تــشبـهوني
انتو شَبـَـه.. وآنا شبيهي ظلالي

لقيت في عشق الشعر كـل كوني
خلوني آخـــذ راحتي مع خيالي

................................


و الباقي عما قريب :de43r

:

:

[*النجمه*]

شامخه .. لكن ّ مثلـــــه يستحق اني أجيله
ولو بغى راسي بكل العز ... خليته يتلّــه

بس مدري وش بلا المحبوب شوفاتـه قليله
وفجأة ٍ ماعاد له شوفة ومدري وش حصل له؟

عادة الدنيا على العشـــاق فاللقيا بخيله
وإن بغت تجزل عطاها ؟ جابت هجوس ٍ مملـّـه :-

(هو على عهده .. أو انـّـه لاقي ٍ عنـّي بديله؟؟
أو تــناساني و انا اللي ذابحه نفسي وفا ً له ؟؟)
_____________________________________
----------------------------------------------------------------
الـ(لا)..لغيره.. بس له..تنقلب (إيـه)
وقــّعت بإســـمه خافقي واعتمدته

الله و اكبر من كثــر مــاني اغليـــه
لا زاد هجرانه/ من الوصل زدتـه

عهدي به اصلاً..مايجي لين اناديـه
واليوم ما جاب النــدا مــا عهدتـه

مليت انادي وانشد الكون وش فيـه؟
ولامن مُجيب-الا الصدى-لا نشدته

____________________________________
اكتب لكي اعجابي وشكري وتقديري للمره الرابعه
سلمت يمينك
:)

[وضحى مارسيليو]

يا هلا و الله بالنجمه ، وربي تو ما نور موضوعي بردك الحلووو

يشرفني انك متابعة للقصائد الرائعة ، وانتي الاروع بمرورك ، ودمتي بخير ^_^

:

:

[وضحى مارسيليو]

يسعدلي صباحكم بكل خير ^_^

رجعت اكمل بقية القصائد :h45r4


:

:

~ أنا الجاني ~
~ ~ ~ ~ ~
* المطلع إقتباس من قصيدة للشاعر حمد المغيولي
~~~~~~~~~~~~~~~~~~~~~~~~~~
(( كفا الله فراقك يا بعد كل من حبّيت
عسى الموت لي قبلك و طيـّات الاكفاني ))

تعاني من اسبابي وانا منـْك كم عانيت
و يدمح ..غلانا .. كل غلطه من الثاني

حبيبي .. وتكتب كل نبضه فحبك بيت
على الله أطيح بدرب قلبك وتقراني

حبيبي .. وتتحدر عيوني متى مأقفيت
وتدري متى مأشرّت ..عندك بتلقاني

حبيبي .. وتتهاوى عظامي إذا صدّيت
وتصدح طيور الموت فوقي وتنعاني

حبيبي .. وتتلاشى الأمومه متى حنـّيت
حبيبي ولو تقسى عليّ إنت .. أنا الجاني !

عيوبك قبل ميزاتك اغرتني ْوظليّـت..
..أحَسب انــّي استاهلـْـك .. حقي وماجاني

وحقك عليّ إن كنت بإسم الغرام اخطيت
وحقي عليك تكون راضي وتهواني

تصدِّق .. على ان الشوق مالي عليّ البيت
عجزت آتجرَّد لو للحظه من احزاني

تجيني على شان المواجع متى ما جيت
ياليتك تجي لو بس مرّه على شاني

نخاف اللقا من خوف فرقا .. كذا حسيت !!
بأبرر علام الصمت جاثم على لساني

حبيبي ولا ينلام عقلي إذا انجنيت
اجل كيف .. عاد إن جن ّ شعري و قيفاني !!

أحبك .. وانا لا قلت أحبك .. فأنا حبّيت
على انك تبي تاخذ خفوقك من احضاني

........................


~ موطن الشاعرية ~
~ ~ ~ ~ ~
ايه انا قلت شعرٍ ما بعد قيـل زيّـه
صفقت لي قلوب ٍ وانحنت لي رقاب

والقصايد خذتـني عن طموح البريـّـه
لين مـا صرت نجمة واعتليت السحاب

جايز الشـِّعر يحلى .. لأمتلى نرجسيّـه
لكن .. النرجسيه فالمحـبـه ؟.. خراااب

ذقت من طبّ عشـــاقي ثمانين كيـّـه
ْولا تعودت اضيـّـق صدرهم بالعتاب

واقرب الخلْـق فيني ما خـَـذتهم حميــّه
لين مالعين صارت من رموشي تهاب !!

صرت احسّ الطعون بخافقي سرمديّـه
وصرت ما عاد افرّق بين خنجر و ناب

جيت للحب زهره .. والشـِّعِـر مزهريـّـه
قــلــت مــا ودي أفتح للمعاناة باب

والا لو بأكتب لهمّي ؟؟.. كتبت الوصيــّه
واجبر الناس يبكوني لـ يوم الحساب

والا يعني تظنــِّي بأنهــبل من شويــّه؟
لا ذكرت ان جسمي صار مثـــل السراب

لاذكرت إن شيـبي ما تركـني صبيـّـه
لاذكرت ان دربـي مـــا يدل الشباب ؟!

إكتشفت ان همّي .. موطن الشاعريـّـه
وإكتشفت إني بألقى راحتي فالعذاب

وإكتـشفت ان شِـعري ما بعد قيل زيـّـه
بسّ لا جـــاب حظ ... و لا كتب لي كتاب

...............................


~ الدنيا ~
~ ~ ~ ~ ~
غبيه يالقلوب اللي تبي في ضيقها إنسان
إذا الإنسان في حزة رخاه.. اْ يخون محبوبه

أدوّر بالنقا روحي ولا ألقى سوى الخذلان
واسّحب حافي رجولي على الأشواك مغصوبه

نعم .. ياما انظلمت .. ودعوتي ما عنــّـها بيبان
ولكني تسامحت و جرعت الظلم من كوبه

وش ارجي من ورا دنيا مشى فيها نبي ..وانهان؟
رفعت الرايه البيضا على ذا الوقت وحروبه

انا ما جيت للدنيا رجا مخلوق ايًّا كان
ولا يوم ٍ بقول لطيبتي .. ياطيبتي توبه

ولانيب انتخي دنيا ً دنيـّه في زمن خوّان
مدام ان الله العالي حفظ للحق مسلوبه

عباتي تستر عيوبي و راسي لابس ٍ تيجان
وعزِّي مــالــي الدنيا بـ ذل ٍ لابس ٍ ثوبه

أبهرب من عبير الورد واترك عطرها الذبلان
عجزت استفرد بْحالي وانا لاحقني اْ هروبه ؟!

حبيبي يـا إلهي .. أشتكي لك قلبي الشفقان
وذولا كاتبـَينه وانت تدري ويــش قالوا به

سألتك رحمة ٍ تقبض جروح الروح يا رحمان
ومتعة شوفتك غاية مُـنى الخافق ْومطلوبه

على الدنيا السلام إن كانها ما عمـِّرت بايمان
سلامي واعذريني لو رحيلي قصـَّر اسلوبه

.......................


~ من الذات للذات ~
~ ~ ~ ~ ~
على جال الخليج العربي
~~~~~~~~~~~~~~~~~~~~~~~~~~
ماللفرج معنى بدون المعاناة
وماللنَّفَس حاجة بدون التناهيت

انت البحر .. والا انها دمعتي جات ؟؟
هيّضتني والحزن ماله مواقيت

جيتك أبحكي عن همومي .. بالإنصات
ورجعت مدري من كتب مننا البيت !!

ياما سمعنا عن طباعك حكايات
ليتك تخلِّي غدرك اليوم يا ليت

مأذكر ترى قد قلت لك يا بحر هات
وْلأذكر طلبتك تذكر اللي لك اعطيت

هي بسّ هالمرّه .. من الذات للذات
تكفى انا لا تردِّني يومني جيت

ليتك تخلِّي لي وعد .. ما بعد فات
ودي أعمِّر – لو بالاحلام – لي بيت

الجال همِّي .. والأماني مسافات
والريح ما تجري على ما تمنيت

وين انت ياللي تحسب الموت لحظات
تقلب مصير الحيّ .. لأهل التوابيت ...

... شفني انولدت وحسبتي ضمن الاموات !
عِد انت واغلط فالعمر كم توفيّت

ولو للفرج قيمه بدون المعاناة ؟
ما هاجت أمواجك بريح التناهيت

..............................


~ وش تسمينه ؟ ~
~ ~ ~ ~ ~
تقول امي علامك لك شهر حالك يجيب الخوف
وصرتي ما تقولين السلام .. وْ لا تردِّيــنه...؟!

يايمه وش أقول وحالتي ما تنوصف بحروف
وما يفضح هموم الروح غير اللي تشوفينه

وليش امسح دموع اطفال شِعري .. والأبو مخطوف؟
نهيم ْفكــل وادي بسّ نتـفـّـقـد دواوينه

أعيش الحب باحلام ٍ تـــّحرّى وعده المخلوف
ونظرات الخيانه ، قبل حبه ، تلـمع بْـعينه...!!

ومدري وش عطاني غير حزن ٍ ماكن ٍ بالجوف
وانا تلـــّـيت له قلبي بكبره من شرايينه

يايمه وش بلى حظي عليّ من الصِغر منتوف؟؟
وحزني نافش ٍ ريشه يموق بحظــه وْ زينه؟!

يايمه لو تخبــِّـين العنا .. هذا البخت مكشوف
وانا من قبل لا أولد ..عرفت اللي تخبينه

وانا اذكر يوم قلتي لي طريقك بالشقا محفوف
ولكني نسيت اني (وانا اضحك) قلت : " ماشينـه "

يسموني حزينه .. لاااا .. أنا هالحزن بي موصوف
إلى قالوا (تعبــَّر) ..هاه .. بالله وش تسمــِّينه ...؟؟؟!!

ولو يمه تعذبت و صِفقــْـني هالزمـان ْ كفوف
انا ادري توّنــي ما ذقــْـت ربع اللي تذوقينه

طبيعي من مرارة حاضري .. مستقبلي معروف
ولكنه يصير احلى حلى دامك تعيشيــنـه

عسى ربي يخلي لي حنانك للأبد موقوف
وعسى ربي يخلي لك جميع اللي توِّديـــنه

يايمه لو طلبتيــني عيوني .. ما ذخرت الشوف
بعذر الجنه إن جت تحت ماطـــا ً .. لو تدوسينه

و لي فوق (العمر) والحال هم ٍ في كدر في خوف
وأحَد يقدر يشوفك .. دون ما يرتاح في حيـنـه...؟

..............................


~ إنتفاضة ~
~ ~ ~ ~ ~
للجمود الساكن اللي في محيطاتي العميقه
بأنتفض موج ٍ و ابعثر رجفة ٍ تقلب كياني

من بديت أمشي وانا من ضيقه ٍ في ألف ضيقه
كل ما ضايقت درب ٍ..ضاق فيني درب ثاني !!

لو تعَـزويت الصبر ؟.. ما تكفي الدنيا دقيقه
ولو تعزويت التجمِّـل؟..ملـــّت الدنيا الأماني؟!

يقطع أم الحب كان الحب هذا هو طريقه !!
ويش ابي بالشمع كان الشمْع يحرق شمعداني؟

يالخفوق إفرج عن الأشعار والحب و رقيقه
و اسجن القرآن عندك لين يعرف وش دهاني ؟؟!!

كن حظي ورْد يومي نحلة ٍ تلْـفِـظ رحيقه
كل ما قبّـلت قفـّى .. وان تحاشيته نصاني

و كن في غصني غراب ٍ يزعج الكون بنعيقه
ما دريت إنه حسود ٍ لين با زهـــاااري رماني

ما عرف للطيب غير اللي تمصلح مع رفيقه !
و ما عرف للجود غير اللي يعدد وش عطاني ؟؟!

الجحود اللي كتبته تــوّ ما بلـّــيت ريقه
والصديق الصادق اصبح بعض حبر ٍ في معاني ؟!

الحقيقه ما تزِّيف من يزيِّـــف فالحقيقه
و المشـاعر ما تـبادر من يـبادر في هـواااني

سلـّت الدنيا سيوف ٍ في وجـِه ساطع بريقه
وفالوجيه الشـِّهـْب ؟؟ حارت .. بين.. أفراح و تهاني !!

يا عشيقي لا تقول انك تدِّور عن عشيقه
ما بقى فالناس عاشق ما يدِّور عن مكاني

للجمود الشامخ اللي فالعمر ماله وثيقه
باكتب إثنين ٍ و معهم عشرتي ويـّا ثماني

.............................


~ نبض ~
~ ~ ~ ~ ~
تمرّد يا نبـِض شعري على شيطانك الملعون
تمـــرّد قـبـل ِ لا يثري ظلام الحق إجحافي

على تشكيلة ألواني عجزت ألقى حكي به لون
يوضـّح لوحة عروقي .. ولا يختـل ّ به قافي !

ألا يا جرحي الدامي أنا لك خنجر ٍ مطعون
إذا ما خانني نزفك و صار البلسم الشافي

مدام الطهر له ناس ٍ على بيبانهم مرهون
علام الخبث مايمشي سوى في دربهم حافي؟!!

رحل عنـِّي الفضا قصده يدوِّر بينهم عن كون
رجع مع كونهم قصده يزوِّد حمل أكتــافي

ينـــاديني سحر همي و لبـَّى فرْحيَ المغبون
عجيبه هالزمن دايم يكابد همّ إنصــافي !

ركـَبـْته مركبي بـ ابحر على طوفانه المجنون
تمسّـكت ْبشراع الحرف لكن ضاع مجدافي

نعم وان كانت حروفي "عبير ٍ" للي ما يدرون
فـهــي كل الشتات اللي يحاول لمّ أهدافي

نعم وان جفــَّت همومي على خفـّاقي الممنون
مصير النبض في شِعري يبيـِّح سدّه الخافي

.............................


~ برد الدفا ~
~ ~ ~ ~ ~
ودّعت همٍّ يومه فعمري شهَر
والشهْر رحّب في همومي واحتفى

همٍّ كساني هم به ضاق الصدر
و همٍّ يهلي بالجديد اللي لفا

كان العسل يوم ٍ شفا مرضى البشر
وش في مريض الهم عمره ما شفى!؟

أضحك وانا قلبي تجرَّع بالقهر
وأبكي بدمع ٍ في وسط عيني خفى

أبرد و تجْمد عبرتي عند الجمر
واستعذِب الآهــات في برد الدفا

ماللسهر داعي إذا غاب القمر
مير إن غفت عيني ؟ عذابي ما غفى

مصباح أحلامي تحطـّم وانكسر
وسراج أحزاني ولا مرّه طفى !

ياما عطيت الحظ من إسمي عطر
يقطع حظوظ ٍ ما بها ريحة وفا !

لا من سكـنـِّي الهم وش باقي عمر
لا من تساوى العام مع لحظة جفا؟

لا العمر يكفيني ولا فيني صبر
قلت أكتب الأحزان بالحبر ..وكفى

.....................


~ مواويل الملل ~

~ ~ ~ ~ ~
ما ذقت للراحة طعم، من عقـْب هذاك الزعل
إكذب و قل لي يالغلا .. إنك على قلبي رضيت !

ليتك تحسّ بهالألم ، لا من سَلَب منّي الأمل
ما ظنّتي باقي عطا .. بـَـقدر عليه و ما عطيت !

البــارحه جـاني نغم ، يقطع مـواويـل المـلـل
في نغمته يبكي بكا .. يومه بكا عندي .. بكيت !

أشكي سواتك للنجم ، و اشوفه بعيني : نزل !!
و من شافني وسط الملا .. كنّي أبد ما قد شكيت !

إنّي أحبك إي نعم ، ما قلتها.. قصدي خجل !
يا كيف تجزاني جفا..إرحم طعون اللي جفيت !

ما قلت أبي منّك وهم ، يكفيني ماجاني علل
أبيك بسْ إن جا وفا .. تذكر بأنـّي لك وفيت !!

............................


~ بلا بداية ~
~ ~ ~ ~ ~
وين أدوّر في حروفي عن مكاني ؟
كيف أبـَنـْهي هالقصيد بْـلا بداية

شاقِـني للهم ّ إحساس المعاني
لو بقى لي من أحاسيسي بقايه !

الحزين اللي من اْجروحه يعاني
ما درى باللي تعشْعَـش في حشايه

هو بقى للحِـزْن درب ٍ ما مشاني ؟
لا ولا حتى قدر يلــْحق جزايه !

ربي اللي قدَّر القسمه عطاني
حظ يشبه زول وجهي فـ المرايه !

ما شـَغـَلني من حسود ٍ لو وشاني
قد تعوّدنا على سَمـْع الوشايه

هـَـلّ دمعي قبلِ لا أبكي ، بكاني
قبل يفضحني ..ستَرته بالعبايه

مشهد التوديــع عاقِـد لي لساني
والأمل فيني يـلــوِّح بالنـــهايه

وش رجيت من العمر لا صار فاني؟
ما وصَلــْـني من غرابيــله كـفـايه !!

الهوى طمـــّاع و العاشق أنـاني
و الوفــا دايــم نردد به حكايه

ذي حياتي كلـّها صارت أماني
إنــتهت في فصـْـل حب ٍ من روايه

لا تقولوا فيني الإحساس ثاني ؟!
عِـفــْت أنا بعد المشاعر كل غايه !

ليت شِـعري ما كتب صادق حناني
لين يعـْـرِف دفتري معنى القرايه

من يبي يلقى قصيد ٍ في مكاني
يرجع لـْـشِـعري ، يدوِّر له بدايه ...!!

..................


اتمنى انهم يعجبونكم زي اللي قبل ^_^

"

"

[لوليتاء]

روعة حبيبتي مشكورة

[وضحى مارسيليو]

انتي الروعه بمرورك عزيزتي نورتي موضوعي ^_^


"

[سفيرة الشوق]

رووووووووووووووووووووووووووووووووووووووووووووووووو وووووعة
قصااائد في منتهى الرووعة والذوووق

مشكووورة الله يعطيك العااافية

[وضحى مارسيليو]

الله يعافيك يا قلبي ، الحمد لله ان القصائد اعجبتك ^_^

ودمتي بخير ...


"

[*النجمه*]

مرحباااااااااااااااااااااااااااا
هلاوغلا وضحي
وجيت بعد هالمره اسجل اعجابي
قصائد في منتهى الروعه
واختيار موفق
:)
دمتي
____________________________
~ مواويل الملل ~

~ ~ ~ ~ ~
ما ذقت للراحة طعم، من عقـْب هذاك الزعل
إكذب و قل لي يالغلا .. إنك على قلبي رضيت !

ليتك تحسّ بهالألم ، لا من سَلَب منّي الأمل
ما ظنّتي باقي عطا .. بـَـقدر عليه و ما عطيت !

البــارحه جـاني نغم ، يقطع مـواويـل المـلـل
في نغمته يبكي بكا .. يومه بكا عندي .. بكيت !

أشكي سواتك للنجم ، و اشوفه بعيني : نزل !!
و من شافني وسط الملا .. كنّي أبد ما قد شكيت !

إنّي أحبك إي نعم ، ما قلتها.. قصدي خجل !
يا كيف تجزاني جفا..إرحم طعون اللي جفيت !

ما قلت أبي منّك وهم ، يكفيني ماجاني علل
أبيك بسْ إن جا وفا .. تذكر بأنـّي لك وفيت !!

[اروووجه]

روعه القصائد ......

تسين عزيزتي ..........

بس هذي الشاعره من وين اول مره اسمع عنها ........

لاني من زمان عن الشعر...........

انتظر ردك........

ولك تحياااتي.....

[وضحى مارسيليو]

مرحباااااااااااااااااااااااااااا
هلاوغلا وضحي
وجيت بعد هالمره اسجل اعجابي
قصائد في منتهى الروعه
واختيار موفق
:)
دمتي
____________________________
~ مواويل الملل ~

~ ~ ~ ~ ~
ما ذقت للراحة طعم، من عقـْب هذاك الزعل
إكذب و قل لي يالغلا .. إنك على قلبي رضيت !

ليتك تحسّ بهالألم ، لا من سَلَب منّي الأمل
ما ظنّتي باقي عطا .. بـَـقدر عليه و ما عطيت !

البــارحه جـاني نغم ، يقطع مـواويـل المـلـل
في نغمته يبكي بكا .. يومه بكا عندي .. بكيت !

أشكي سواتك للنجم ، و اشوفه بعيني : نزل !!
و من شافني وسط الملا .. كنّي أبد ما قد شكيت !

إنّي أحبك إي نعم ، ما قلتها.. قصدي خجل !
يا كيف تجزاني جفا..إرحم طعون اللي جفيت !

ما قلت أبي منّك وهم ، يكفيني ماجاني علل
أبيك بسْ إن جا وفا .. تذكر بأنـّي لك وفيت !!


أهلاً عزيزتي " النجمة " كم اتحفني مرورك وردك العطر

اسعدتيني بتواجدك هنااا بين روائع المبدعة عبير أحمد ، ودمتي بسعادة ...


"

[وضحى مارسيليو]

روعه القصائد ......

تسين عزيزتي ..........

بس هذي الشاعره من وين اول مره اسمع عنها ........

لاني من زمان عن الشعر...........

انتظر ردك........

ولك تحياااتي.....


أشكر لكِ مروركِ عزيزتي " أرووووجـــه " ، أما بخصوص استفسارك

عن شاعرة نجد الأولى عبير بنت أحمد ، فهي أشهر من نار على علم

وقد أحيت كذا أمسية في مدينة الرياض ، ولها موقع بأسمها و كذلك المنتديات أصبحت تكتب عنها

وعن قصائدها فعلاً فهي شاعرة مبدعة ، أسعدتيني اختي بمرورك العطر .. ودمتي بود ..


"

[كلـي حلا]

يعطيييييك العافية
ع المجهووود الرائع مثلك

[وضحى مارسيليو]

الله يعافيك يا قلبي ^_^

أسعدني مرورك وردك العطر .. ودمتي بود ...

"

[ملاذ الحنين]

يسلمووووووووووو حياتي بالمره حلوييين..

[وضحى مارسيليو]

العفوووو يا قلبي نورتي موضوعي

"

[الدلوعه المزيونه]

قصائد راااااااااااااااااااائعه ....يسلموووووووووووووو

[@الأمـيـرة جـــــوري@]

رووووووووووووووووعه غاليتي
الله يعطيك العافيه على مجهودك
يسلمووو ايدك

[الفراشة المهمة]

حبيبي لا نشـف نهري بـ عـذب مياهكـم عبّه
اخاف ارويه بدمـوعي و يمحي ملـحـي الواني

كلمات رائعة من شاعرة اروووووع
قصائد في قمة الروعة لايكتبها الا شعراء كبار
استمتعنا بقرائة هذه القصائد

الف شكر لك اختي على هذه الأختيارات الموفقة..

[وضحى مارسيليو]

أشكر لكن مروركن غالياتي

و ردودكن الأروع ، دمتن متألقات بسماء الفراشة


"

[ام عبدالله 10/15]

الله يعطيك العافيه حبيبتي

على هالمجهود الرااااائع

[وضحى مارسيليو]

الله يعافيك يا قلبي ، اسعدني مرورك وتواجدك بصفحتي

ودمتي بود ......


"