عهدي بها قدام تلبس عبايه... وانا بعد قبل البس شماغ وعقال!! طفلين نتهجى حروف الكتابه... الله يامجمل سواليف الاطفال!! كانت لنا في كل شارع حكايه.. وكنا نقول علوم ماهيب تنقال!! وكنت اتقاسم مامعاها معايه... من (عسكريم) التوت ل(العلك)أبو ريال!! وكانت بعكسي شاطره بالقرايه... تقرا جزء عم وطه والأنفال!! وانا -لك الله-من مواري غبايه... مدري ابو نقطه هو الذال أو الدال!! وكانت لابويه تشتكي من شقايه... وتعلمه كيف اربط الباب بحبال!! ياما على ظهري كسر من عصايه... يقول لي: خلك وانا ابوك رجال!! وامي تقول: ادع لولدك الهدايه... خوفي يصيبه كثره الضرب بهبال!! لاشفتها مع أول الدرب جايه... مادري انا اللي ملت والا الوطا مال!! أحس قلبي يرتجف في حشايه... ماكنه الا الضيف لاهز فنجال!! ياما عن (السعلي) تخبت ورايه... لاخوفوها فيه ثم شافت ظلال!! تقول خلك يا(......)معايه... واستانس العب عندها دور الابطال!! واغاااااار حتى من عيون اصدقايه... لا طالعوها!! قلت:
(تكفوووون يا عيال)!
وش رايكم انتظر ردوووودكم لا تسفهوووون ...