يابنات ياحلوات عندي استفسار بسيط عن فندق الفورسيزن المملكه وعن الفيصليه
انا جربت الاثنين بس كنت اخذ غرفه عاديه بالمملكه او الفيصليه وخذت مره سويت بالمملكه ماعليه حليو
بس ماقد جربت السويت حق الفيصليه
فياليت اللي جربت سويت المملكه وسويت الفيصليه مع بعض او عندها فكره عن اي واحد فيهم او قد سمعت عنه انه حلو تعلمني سريعا
محتاره اخذ سويت المملكه ولا اجرب الفيصليه هالمره وش تنصحوني فيه ياحلوات؟؟؟؟؟
ومن اللي يقدم خدمات احلى للغرفه ا؟؟؟؟
وشكرا مقدما
زهور الشام
11-28-2006, 06:52 PM
ياويلها ......؟ خوفتيني
بصراحه مااحس ان الفرق واضح يعني كلهم حلوين
الفراشــــ شمس ـــــه
11-29-2006, 03:52 PM
الفراشه المغتربه وزهور الشام مشكورين ياحلوات عالرد
وش رايكم في الشده <<<< قويه البنت
بس تحطمت 109 دخلوا ومارد الا هالثنتين الله يجزاهم خير ... وش دعوه ما استاهل تردون يعني
angel on earth
11-29-2006, 08:30 PM
احلى الفيصليه
**الحرة**
11-29-2006, 11:53 PM
انا من سكان الرياض وماصار لي اجرب واتمنى أجرب اسكن المملكة تعرفي ليه؟؟
لإني شفت مرة برنامج عنه في التيفي شي خييااااااااااال يعني راقي خدمات متميزة هذا طبعاً الي شفته من خلال الشاشة
وماعليكي جربي الفيصلية مدام جربتي المملكة وماأظن بيكون هناك اختلاف الا في الديكور واما الخدمات ماعليكي فلوسك تخدمك يعني كل مادفعتي أكثر لقيتي خدمة أحسن ....
بس حبيت اشارك لإنك تقولين كم وحدة قروا الموضوع ولا فيه ردود لانهم ماعندهم خلفيه زي حلاتي ومع كذا رديت فلا تلوميهم
وموفقة حبيبتي
moon_22
11-30-2006, 05:09 AM
كلهم حلووين ترى ولا اعتقد في اختلاف يذكر لكن انتي دام انك جربتي المملكه عاد جربي الفيصليه دحيين لو من باب التغيير عيوني وبالتوفييق
تحياتي ...
مرسام مجتمع
11-30-2006, 06:31 AM
ياجماعة يا أهل الرياض حطولنا صور للملكة والفيصلية والله ودي أشوفها أحسها معلم راقي
أنا ماقد رحت الرياض وودي أشوف هالبرجين
آسفة كنت أتمنى أساعدك بس مثل ما قالت مون من باب التغيير غيري وروحي الفيصلية
**همس**
12-02-2006, 07:46 AM
قلبي انا في يوم زوجي رحت الفورسيزن وكان روعه احلى شي انو كان تشوفين الرياض لنو زوجي كان ما خذ في دور 44 كان رايق خاصه في الصبح بس الفيصليه ماادري عنه واحسه مو مثل الممكله
nono2240
12-02-2006, 04:52 PM
[QUOTE=**همس**]قلبي انا في يوم زوجي رحت الفورسيزن وكان روعه احلى شي انو كان تشوفين الرياض لنو زوجي كان ما خذ في دور 44 كان رايق خاصه في الصبح بس الفيصليه ماادري عنه واحسه مو مثل الممكله[/QUOT
انا اوايد كلامها الفورسيزون احلى
moon35
12-03-2006, 02:12 PM
الصراحه سويت الفيصليه احلى من المملكه حليو بس الفيصليه احلى وااااااااااااااااااااو
والله يهنيك
انا ماجربت السويت جربت غرفه بس مو غرفه عاديه لا بس اقل من السويت ..
وان شاء الله احاول انزل صور للمملكه والفيصليه للإخت الي من جده وطلبت الصور
نجمةالسماء
12-03-2006, 07:54 PM
أنا من رايي انك تلروحين بنفسك وتشوفين السويت اذا عجبك خذيه لا تحجزي قبل ماتشوفيه يمكن اللي يعجب غيرك مايعجبك ...
طبعا أنا هاذي طريقتي ما أدخل مكان الا أتفحصه بعدين أحجز ....
PRIMA DONNA
12-05-2006, 07:42 PM
كتبت موضوع بعنوان المملكه والفيصليه ان شاء الله اكون افدتكم ..
الفراشــــ شمس ـــــه
12-10-2006, 04:01 PM
مشكورين حبايبي ماقصرتوااا
يعطيكم الف عافيه
انا دورت بالفيصليه مالقيت الا سويت كبير مره كلها فل.....وبالنسبه للخدمات الفيصليه خدماتهم احلى بكثير اذا تبين تسوين يوم زواجك عندهم مره روعه بس مالقيت حجز
والمملكه اخذت فيه سويت وطلبت منهم اشياء يحطونها بالغرفه ومأكده عليهم 3 ايام وانا ادق ااكد عليهم وبالاخير اروح وما القى شي انقههههههههههههههررررررت مره مره كل هالتعب راح
المره الثانيه باخذ بالفيصليه ...كش عليهم مايقدرون ولا شي
اختي بريما مشكوره عالصور الفيصليه نفس الصور بس المملكه غير 200 في الميه اشين من الصور
&حـــورية نـــجد&
12-13-2006, 03:11 AM
الفورسيزون أحلىىىىىىىىىىىىىىى بكثير من الفيصليه بنظـري لأني جربت الأثنين بس انتي دام جربتي المملكه جربي الفيصليه حلووو التغيير وبالتوفيق خيتو و و و و !!
تحــيـاتـيــ ،،
موكا22008
12-26-2006, 11:19 PM
السلام عليكم؛
الصراحه انا مآرحت لشي منهم
بس صديقآتي يمدحون الفيصليه يقولون أحلي بكثيييييييييييييييييييييييييييييييير من المملكه