ساعدوني بليييييز ولكم اللي تبون

[أحلــ MOON ـــى]

صباح الخير
لو سمحتوا يافراشات أنا أبي منكم مساعدة بسيطة وياليت تساعدوني
الموضوع ومافيه إن أخوي مدرس فجابلهم واحد من المدرسين صواني حلى يقول مرة لذيذة وسأله عنها قال له حقوق الطبخ محفوظة وإذا جبت الطريقة لك 5000ريال
وقال لي أخوي إذا جبتي الطريقة لك النص :fhgfreagi
المهم مأطول عليكم الحلى الأول يقول الطبقة اللي تحت كأنها آيسكريم السعودية الساندوتش اللي طبقتين وعليه من فوق طبقه سكرية
الحلى الثاني يقول دوائر تمر وفيها طعم مكسرات وعليه كمان طبقة من فوق لونها أبيض بس مومغطية الدوائر مرة يعني تشوفين الدوائر
الحلى الثالث يقول فية حلاوة أم آند إمز وكيك
فياليت تساعدوني واللي تساعدني النص بالنص:frashagir :frashagir

[توتو البنوته]

ياهووووووووووووووووووو


ووحده منهممرة علي

بس وش يضمني ابي دراهم

قولي لي كم لي واجيبها

[اخت الشمس]

اقلك الدراهم بيني وبينك هذاالحلى بكتاب اطباق النخبه لامل الجهيمي ارسلك رقم حسابي على الخاصه هههههههههه

[ღ .هستوره .ღ]

اكيد تلقينه بكتاب أطباق النخبة لأمل الجهيمي اشتريه وان شاء الله تلقينه اللي يقول عنه اخوك ....


ياحليلهم المدرّسين ياخذون معهم حلى للمدرسة <<<<<<<<<<خخخخخخخ معلومه جديدة

[أحلــ MOON ـــى]

توتة البنوتة
أخت الشمس
أم مهند
مشكورين على ردودكم
وأنا عندي كتاب أطباق النخبة بس مالقيتها فيه كل ماأوريه صورة يقول لا موهو
والكتاب له أجزاء وإلا بس جزء واحد

[الكلمه الطيبه]

ياليت عندي خلفيه........................ماحبيت أدخل وما أرد

والله ما أبخل عليك حبيبتي

أتمنى تعرفيه وتتهني بالقروش........................عندي شرط

أسوي حلى وياخذه أخوك ويساوم عليها ب 10000.......................طماعه صح..............أمزح

موفقه يارب

[^ريانة العود^]

حبيبتي شوفي التمر الي يقوله على حسب خبرتي في الحلويات حسيت من وصفك انها الوصفه التاليه

تجيبين تمر سكري جاف يعني لا مكنوز ولا شي ولا هو قاسي مره يعني حاولي تنقين الي عليه قساوه مو ليونه

تقومين تطحنين بسكوت شاهي وحده كبيره وتخلطين عليها نصف اصبع زبده وحليب نستله لحد ماتشوفين

صارت متماسكه هذي حشوه وحده وفيه حشوه ثانيه الي هي اللوز البجلي تحمصينه وهو مقشر بالزبده طبعا

وتحطين في تمره يالوز يا حشوة البسكوت الي تبين بس من قبل تفتحين التمره على جنب وتطلعين النوى بس

بهداوه ومن ثم تجيبين صينيه متفككه القاعده ورصي التمر فيها على شكل دائره وراس التمره لتحت وعبي

الصينيه وبعدين اغرسي كل تمره بعود نكاش حق الاسنان وتتصبين على التمر خليط الكيري والنستله يعني

7 حبات كيري ونصف كاس نستله وشوي فانيليا وغطي التمر تماما شعلي الفرن من فوق على الهادي وحطي

الصينيه في الرف الي تحت الوسط يعني مو تحت مره خليها لمن تجف من دون تحمر ربع ساعه تقريبا

بعد كذا فكي الصينينه المتحركه وحطيها في طيبق التقديم وصبي عليها كرامل جاهز من هيرشي او سويه انتي

بالسكر والقشطه

وارجوا اني افدتك

[^ريانة العود^]

اما الي قلتي انه زي الايس كريم اعتقد انه حلى الايسكريم الي هو كالتالي وطبعا له طريقتين جربيهم وشوفي

الاولى

4 ظروف دريم ويب

كاس حليب السعوديه

كاس حليب بودره

علبة قشطه

تحطينهم في مضرب البيض مو خلاط عادي لااا ماينجح الا بمضرب البيض الكهربائي المهم

الى ان يتكثف وخليه على جنب

ذوبي على النار كاس سكر الى ان يصبح كراميل ثم ضعي عليها كاس لوز بجلي مقشر ومجروش خشن

ثم طفي النار وصبيه على قصديره وخليها مسطحه لاتلفيها ولا شي وسيبيها في الفريزر الى ان تتجمد

يعني نصف ساعه فقط ثم طلعيها ودقيها بالهاون اليدوي( النجر) وخليه على جنب

جيبي ملعقه صغيره نسكافه واخلطيها بنصف كاس مويه ++++ جيبي بسكوت شاهي واغمسي في النسكافه

وصفي في الصينيه بعدين لمن تخلصي لطبقه الاولى صبي فوقها من الخلطه الاولى حقت الدريم ويب وبعدين

رشي عليها من السكر الي سويتيه وبعدين بسكوت تغمسينها وهكذا طبقات الى تنتهي منه واهم شي رشي الوجه بخلطة السكر وبعدين حطي الصينيه

في الفيزر اذا حبيتي قبل تقديمه بساعه على الاقل واذا مو مستعجله عليه خليه في الثلاجه من الليل حتى الصبح

وبالعافيه عليك واعتقد انها هذي الي يقول عليها لان الي فوق كراميل السكر ولونه سكري او بيج تقريبا

ومابي منك الا الدعاااء يالغاليه

[^ريانة العود^]

الطريقه الثانيه

وهي نفس المقادير حقت الدريم ويب

4 دريم ويب وكاس حليب بودره وكاس حليب السعوديه وعلبة قشطه بس زيدي عليهم ماعقه نسكافيه صغيره

وتجيبين كيك سويس رول او تصلحين كيك شوكولاته بتي كروكر المهم

تقطعين الكيك بشكل عشوائي في الصينيه وتصبي الخلطه عليه وتسوي طبقات

والا تقطعي السويسرول بالكاكاو وترصينيه طبقه وحده وحطي الخلطه وهكذا طبقات وحطيه بالثلاجه او الفريز

اذا مستعجله وبالعافيه

[أحلــ MOON ـــى]

أختي الكلمة الطيبة مشكورة على مرووورك ويالله هاتي طريقة حلاك وأنا أخلي أخوي يساوم لك عليه
أختي ريانة العود مشكووورة على مررووورك وردك الطيب وشرحك الوافي وياليت يكون هو اللي أبي والله يوفقك ويرزقك من حيث لا تحتسبين