السلام عليكم ورحمه الله وبركاته
يا بنات الشرقيه والجبيل انا ان شاء الله رايحه للجبيل الاسبوع القادم واول مره ابروح له ولا اعرف عنه اى شئ
ياليت الاخوات الي تعرف عنه اي شئ اتقولي من مطاعم او كورنيش او شقق
او اي شئ فيه زين يراحله
فيه ناس قالو لي انها ماتسوى من يروحله ولى ادري عن صحه الكلام
الله يجزكم خير ردو علي في اسرع وقت
يعطيكم العافيه
%في جعبتي حكايه%
03-25-2007, 02:29 PM
هلا أختي أم الصغار
الصراحه أنا مو من الجبيل بس ماحبيت أقرا موضوعك من دون مارد
أنا رحت للجبيل كذا مره بس زياره لقريبتي هناك
وكل مانروح نجلس بالمنتزهات فضييعه ماشاءالله كلها خضار×خضار كانها جنه سبحان الله
وخاصه لما يكون الجو صافي وربيعي مو حر
عندك منتزه النخيل او شاطئ النخيل ماأذكر بالضبط لي فتره عنه بس هذا الظاهر اللي فيه بحر
وعندك منتزهات ثانيه مثل منتزه الأندلس كأن اسمه كذا ولله ماذكر
مثل ماقلتلك تراني اخربط بأساميهم
بس أن شاءالله يفيدونك بنات الجبيل
اما عن الأسواق عندك مجمع الفناتير بس مادخلته ألا مره يقولون حلو بس غويلي>>>>تصغير غالي خخخ
ترى اللي أتكلم عنه الجبيل الصناعيه اما البلد مانزلت فيها ولا مره ويقولون انها بايخه
هذا اللي عندي وان شاء الله تستانسين فيها
والله يسلم بنات الجبيل ماراح يقصرون أن شاءالله
وأن أستدعى الأمر لأي مكان تستفسرين عنه خبريني وأنا أدق على قريبتي هناك وأسألها أن كانت تعرفه
وأعطيك خبر:fragghagi
hanooooo
03-25-2007, 02:40 PM
هلا اختي حياك الله عندنا بالجبيل
بالنسبه للشياء الزينه بالجبيل المطاعم عندك مطعم اليخت وهو مطعم صيني وعندك مطعم صيني بعد في المجمع بس نسيت اسمه والفنادق ماعندك الا الانتر والمجمعات مافي الامجمع واحد وهو الفناتير مول والثاني ان شاء الله قريب راح يفتحوونه والكورنيش روعه
دمعة الأحزان
03-25-2007, 03:07 PM
عزيزتي أنصحك لاتفوتي على نفسك زيارة الجبيل مدينه صغيره(يعني كل شئ تبينه قريب منك) وهادئه وحلوه
أول شئ الفنادق والشقق المفروشه من قال أنه مافيه بل العكس الجبيل البلد يمكن (5) شقق مفروشه أشتغلت خلال شهر وأحلى شئ أنك تستأجرين شقه مفروشه تكونين انتي اول وحده تسكنينين فيها والشقق الجديده في شارع الخزان(جبيل البلد) صحيح المطاعم ما فيه مطاعم راقيه بس مع الحدائق ماأحتجناها نأخذ عشانا ونروح الكورنيش عندك كورنيش النخيل والفناتير وهذا مره كبيرومره حلو وحديقة الأندلس وحديقة الدفي وهذ كلها في الجبيل الصناعيه
وانا دايمآ أخذ كابتشينو وأروح الكورنيش أو الحديقه نستمتع الطبيعه إذا بغيت جلسه كييفه عملت القهوه الي على كيف كيفك مع حلا بسيط أو شوكلاته وشاي بالحبق ومكسرات من اللي يحبها قلبك وماشاء الله على القعده بس....والحين علينا مطر من جد ترى مو دعايه ......وترى الدمام قريبه اذا بغيتي انقزي يمها بس الله يعين على الزحمه...
ام الصغار
03-26-2007, 12:10 PM
الله يعيكم العافيه ماقصرتو على ردودكم الطيبه
ان شاء الله اني ابروح لها واردلكم باذن الله تعالى
بس سؤل ؟
ياخواتي سمعت ان المنطقه الشرقيه جاها افلونز الطيور هل هذا صحيح ام مجرد كلام
والله ضاق صدري لما سمعت بلخبر هذا
انشاء الله انه ماهو صحيح يارب
ردوعلى في اسرع وقت عن صحة الكلام
الله يعطيكم العافيه
%في جعبتي حكايه%
03-26-2007, 01:46 PM
هلا اختي أم الصغار
الصراحه اول مره أسمع منك
اللي سمعته الحصبه االله يعافينا ويعافي الجميع يارب ويعافي من من ابتلى به موانفلونزا الطيور
عالعموم أنتي طعمي عيالك ولاراح يصير الا كل خير أن شاءالله
والله يعافيك ويعافي عيالك ويعافينا وكل المسلمين يارب