قصة قلوب المراهقات..(باللهجة السعودية)

[البنت الخجوله]

السلام عليكم كيفكم فراااشااات
اليوم جبتلكم من تأليفي انا وصحباتي وان شاء الله تعجبكم
واعطوني رأيكم فيهااا وردوو عشان تشجعونااا نكمل القصه
اتفضلووووووووووووو القصه


قلوب المراهقات..(باللهجة السعودية)


شخصيات القصة :
عائلة أبو فارس:

أبو فارس *محمد*كبير العائلة عندو بنتين وثلاثة أولاد طيب عندو شركه خاصة بيه وهوا غني ساكن في جده ببيت كبير متزوج من أم فارس*مي* .
أم فارس *مي*جنسيتها سوريه عايشه في السعودية وأهلها عايشين في سوريه وهي متعودة كل صيفيه تروح سوريه طيبه وحنونة لأبعد حد والكل يحبها ويقدرها.
*لينا* عمرها 25 سنه طيبه وعلى نياتها متزوجة من ولد خالتها *هاني* ماأنجبة أطفال مع أنها لها ثلاث سنين متزوجة.
*فارس* عمره 21 سنه يدرس في الجامعة قسم طب عصبي ومتهور صديقه المقرب وسام.
*ياسر*عمره 18 سنه ثالث ثانوي لعاب ومو مهتم في دراسته بلمره لاكنه مرح و اللي يجلس معاه ينبسط حساس صديقه المقرب سامي.
*تركي*عمره 17 سنه ثاني ثانوي مهتم في دراسته على عكس أخوه ياسر رومانسي صديقه المقرب خالد.
*ديما*آخر العنقود عمرها 16 سنه أولى ثانوي طيبه ومرحه وترج البيت بمرحها صديقاتها المقربين *ريماس* و *اريام*وهيا دلوعة أبوها وأمها تحب ألنت والسوق بجنون ودايم تروح السوق وتشترى أشياء مالها داعي لأنو مو ناقصها شي اجتماعيه ومتواضعة.

عائلة أبو وسام
أبو وسام * خالد * طيب وحنون وما يحب يعصب على أولاده أو يزعلهم عندو شركه خاصة بيه وهو غني ساكن في جده في بيت كبير وفخم ومتزوج من أم وسام *خلود*.
أم وسام *خلود* طيبه وحنونا وتخاف على بناتها مره قلبها ضعيف وما تتحمل الصدمات والمشاكل الكثيرة بسبب حادثه حصلت لها وهي وفاة بنتها رزان في حادث وهي عمرها 4 سنين وبعدها مرضت وسارت تتعب كثير.
*وسام*عمره 19 سنه طيب وحنون يحب أخواته من بعد ما ماتت أخته رزان صديقه المقرب فارس في الصف الأول جامعه دخل قسم هندسه معماريه.
*أريام*عمره 16 سنه طيبه ومرحها وتحب تعمل مقالب في العائلة تحب الرسم وألنت وهي دايم على ألنت مع ديما 24 ساعة صديقاتها المقربين *ريماس* *ديما*.
*ريناد* آخر العنقود عمرها 8 سنين صديقتها المقربة *إيناس* مرحه ودايما ًتخرب على*أريم*و*ديما*و*ريماس * أي شي يسوه .

عائلة أبو ريماس
أبو ريماس *عبد الله *طيب لاكن ناسي بناته ومو مهتم فيهم عندو شركه ودايم مشغول فيها متزوج من أم ريماس*مروه*.
أم ريماس*مروه*طيبه ومهتمة في بناتها على عكس زوجها.
*ريماس*عمرها 16 سنه صديقاتها المقربين ديما و اريام واللي مستحيل تسيبهم تحب ألقرائه مرتبه تهتم بنفسها وتحب الهدوء وفيها بعض ألجرائه.
*إيناس*عمرها 8 سنين صديقتها ريناد.

عائلة أبو أحمد
أبو أحمد * سامي *طيب زيادة عن اللزوم موظف عادي راتبو على قدو متزوج من أم أحمد*هند*.
أم أحمد *هند* أخت أبو فارس وأبو ريماس وأبو وسام وأبو عهد متشددة على بناتها وما تسمح لهم يروحوا أي مكان لوحدهم أو مع صحباتهم لأنها شايفه بنات أخوانها كيف مغلتين مدرسه للصف المتوسط وتدرس في المدرسة اللي يدرسوا فيها بناتها *ريم**رندا*.
*أحمد*عمره 21 سنه ثالث جامعه يحب دراسته ويكره أولاد خيلا نو لأن مستواهم أعلى من مستوا ومغرور وشايف نفسه وحقود.
*رهف *عمرها 19 سنه مخطوبه من ولد عمها عمر خجولة وحنونة.
*ريم*عمرها15سنه حقودة وحسودة تكره بنات خيلانها لأنهم أغنى منها زى أخوها *أحمد*.
*رندا*عمرها 15 سنه توأم *ريم*لاكن عكسها نعومه ومتواضعة.
*محمد*عمره 8 سنين دايم يضارب مع بنات خيلا نو*ريناد*و*إيناس*ويخرب عليهم كل شي طبعاً بأوامر
من *ريم*.

عائلة أبو عهد
أبو عهد *فهد*يحب بنتو* عهد* وما يرفض لها أي طلب متزوج من أم عهد *ابتسام* وساكن معاها في بريطانيا .
أم عهد *ابتسام* جنسيتها بريطانيه شخصيتها ضعيفة ماتقدر على بنتها.
*عهد* عمرها 17 سنه متكبرة وشايفه نفسها وتكره ديما مرررره وصديقتها الوحيدة *نوره*.






الجزء الأول::..
كانت جالسه على ألنت كعادتها وتكلم ريماس على الماسنجر
....:والله طفشانه شو رأيك نروح اليوم عزيز مول.
ريماس:لا كل مره نرو ح السوق خلينا هذى المرة نروح البحر يفتح النفس.
ديما:يهو يهو أموت أنا على الرومنسيه هاذي لاحبيبت ألبي بدنا نروح السوق ها شو ألتي.
ريماس:نسأل أريام ونشوف تبغى تروح فين.
ديما:جبنا سيرة القرد جانا ينط شوفي أريام دخلة.
ريماس:أهليين وسهلين بحبيبة قلبي أرياااااااام.
أريام:أهليين كيفكم بنااات.
ديما+ريماس:بخير دامك بخير.
ريماس:شو عامله أريام.
أريام:آى دونت نو.
ديما:حلوه هاذي آى دونت نو أسمعي أش رأيك اليوم نروح السوق؟؟.
ريماس:لاحبيبتي البحر أحسن.
أريام:صراحة أفضل نروح السوق.
ريماس:هذي جزاتي مرحبة فيك وأقولك حبيبتي مالت عليك.
ديما:يـــــــــاي مني مصدقه حنروح السوق>>>دليل عشقها للسوق.
أريام:بس لحظه متى وأية سوق؟؟.
ديما:الساعة 5 العصر عزيز مول.
أريام: okاتفقنا.
ديما: ريماس.
ريماس:.......
ديما: ريماس بلا زعل أوعدك المرة الجايه نروح البحر ولا شو رأيك بعد مانخلص السوق وبقى وقت نروح البحر ؟؟.
ريماس: okيلا بنات أبغى اطلع ماما تناديني بآي.
ديما+اريام:بايااات.
ديما:شكلي أنا طالعه كمان ماما تناديني على ألغدا.
أريام:يعني أنا مسكينة أقعد لوحدي.
ديما:منتي مسكينة ولا شي أنتي اللي دخلتي متأخر المهم لا تنسي تمريني قبل لاتروحي السوقok؟؟.
أريام:ok.
ديما:بآي.
أريام:بآيات.
اريام بعد ماسابوها ديما وريماس قفلت ألنت وطلعة للبلكونه اللي تطل على البحر وكان مكانها المفضل و هناك كانت حاطه أدوات الرسم وجلسة ترسم.
في بيت أبو ريماس...
ريماس:نعم ماما أش تبغي؟؟.
أم ريماس:تعالي سولفي معي واشربي قهوة تراني سويت الحلى اللي تحبيه.
ريماس بابتسامه:إن شاء الله.
وجلسة ريماس وأمها يسولفون مع بعض نروح لبيت أبو فارس...
أم فارس:ديما اومي فيئي خيك ياسر لهلا ما فاء.
ديما:إن شاء الله.
راحة ديما تصحي أخوها اللي نوموه ثقييييييييييل.
ديما بصوت عالي:يااااااااااااااسر.
ياسر:......>>> لاحيات لمن تنادي.
ديما بصوت أعلى:ياااااااااااااااااااااااااااااااااااااااااااس ر.
ياسر اللي دوبو سمعها كشف البطانية عن وجهو:نعم ايش تبغي>>بكل برود.
ديماوهيا معصبه من برودو: قوم ليه ساعة اصحيك.
ياسر غطى وجهو بالبطانية وكمل نوموا.
ديما أخذت كاست المويه البااااااااارده اللي على الكمودينة وطشتها على وجهو.
ياسر وهوا مفجوع:ياحماره.
ديما اللي ميتة من الضحك على شكلوا:قوم ماما تبغاك.
ياسر وهوا معصب:تقومي تطشي عليه المويه والله لأوريك>>وقام يجرى وراها.
ديما قامة تجري ونزلة تحت واندست ورى أمها.
ديماوتتكلم بصعوبة من شدة الجري: ماما..ياسر..يبغى..يقتلني.
أم فارس:وليش يأتلك أكيد عملتي لو شي.
ديماتتصنع البرائه:ماسو يتلو شي.
دخل ياسر وسمع أش قالت ديما.
ياسر:ماسوتيلي شي ياكذابه!!!.
ديما:أش سويت ؟>>يحرام مظلومة.
أم فارس:خلاص بطلوا مضاربه هلا بيوصل أبوكم من الشغل تعبان وما بدي اسمع صوت ويلا أنت روح غسل وجهك وبدل تيابك هلا بيجهز ألغدا>>قاعدة تدف ياسر وتخرجوا من المطبخ.
ياسر وهوا يطالع في ديما:إن شاء الله يمه.
ديما مدت لسانها على ياسر وشافتها أمها.
أم فارس:وبعدين معاك ياديما ماراح تبطلي الحركات؟؟.
ديما:والله نومه ثقيل مايصحه بسرعة.
ويقطع عليهم الحديث .
....:السلام عليكم.
أم فارس+ديما:وعليكم السلام.
ديما:آهلين بابا كيفك>>وتسلم على راسو.
أبو فارس:الحمد لله بخير دامك بخير يعيوني.
ويجي صوت من بداية الصالة .
...:وأنا فين رحت؟؟.
أبو فارس:هلا والله بولدي تركي أنتا مكانك معروف في القلب.
تركي:تسلم أبوي>>ويسلم على رأس أمه وأبوه.
تركي:كيفك يمه.
أم فارس:الحمد لله بخير.
ويدخل ياسر وسلم على أبوه.
ياسر:هلا أبوي كيفك.
أبو ياسر:الحمد لله نحمده تعال ياولدي اقعد جمبي.
ودوبو دخل فارس.
فارس:السللللللللللللللللللللام عليكم.
الجميع:وعليكم السلام.
أم فارس:آهلين حبيبي ليش أتأخرت؟؟.
فارس ويسلم على رأسها:لابس كان عندي شغل وخلصته.
أبو فارس:سويت اللي قلتلك عليه؟.
فارس:ايوه.>>وهوا يجلس على الكنبة.
أبو فارس:الله يعافيك.
فارس:ويعافيك.
ياسر:ترى أنا جيعااان.
ديما:ايوه هذا اللي هامك بطنك.
ياسر طالع في ديما نظرات توعد:أنتي مالك شغل.
خافت ديما وسكتت.
أم فارس وهيا تضحك:هههه خلاص دحين أحط ألغدا.
الساعة 4ونص اريام قاعدة تلبس عشان تروح السوق.
أم اريام:اريــــام بسرعة السواق يستنى.
اريام:خلاص جايه.
ونزلت وركبت مع السواق.
اريام:جون روح بيت عمى أبو فارس.
جون:تيب.
وصلت اريام عند بيت عمها وهيا نازله صدمت بشخص!!!
.......:كيفك يا بنت العم.
اريام بخوف:الحمد لله كيفك فارس.
فارس:الحمد لله كيف عمى وعمتي.
اريام:بخير.
فارس :عن إذنك .
اريام: إذنك معاك.
ملحوظة(فارس الكل يحترمه ويقدره ويخاف منه)
اريام في قلبها :الحمد لله عدت على خير بركه ماهزئني عشني كاشفه.
ودخلت البيت وقابلت عمتها أم فارس.
اريام:السلام عليكم كيفك عمتي.
أم فارس:وعليكم السلام بخير كيفك وكيف الأهل.
اريام:كلنا بخير إلا فين ديما.
أم فارس:تلاقيها فغرفتها اطلعي لها.
اريام:اجل عن إذنك.
أم فارس:أتفضلي.
اريام طلعت لها
طق طق طق.
ديما:مييييين.
اريام:الجني الأزرق.
ديما فتحت الباب وتحضنها:آهلين وسهلين وحش تيني.
اريام :شوي شوي فعصتيني يالدبة.
ديما:هذا جزاتي أني مشتاقة لك.
اريام:ماقلنا شي بس موكذا حتقتليني يعني بالطبقي مثل ومن الحب ما قتل .
ديما:هههههه ادخلي بلا كثر هرج>>وتسك الباب.
في بيت أبو ريماس...
ريماس:يلا ماما تبغي شي أنا رايحه.
أم ريماس:مابغى إلا سلامتك بس لا تتأخري.
ريماس وهي تبوس يد أمها: ok بآي>>وراحت جري.
أم ريماس وهيا رافعه يدها:الله يحفظك يا بنتي .
وركبت ريماس ا لسيارة.
ريماس: جورج بسرعة روح بيت أبو فارس.
جورج: مدام مايسير سرعة بعدين سوي حادث.
ريماس: فال الله ولا فالك امشي وأنت ساكت .
جورج: حاضر مدام>>ومشيو.
وصلت ريماس لبيت عمها أبو فارس وسلمت على أم فارس وطلعت فوق عند أريام وديما
ريماس وهيا تفتح الباب: أهليين بنات.
أريام+ديما:هلا والله.
اريام: بدري كان أتأخرت شويه شوفي الساعة صارت 5ونص.
ريماس:بدري من عمرك حبيبتي ويعني 5ونص حتقفل الأسواق؟.
ديما وهيا قاعدة تلبس عبايتها:طيب يلا بلا كلام زايد بسرعة أتأخرنا.
اريام+ريماس:حاضر ياأميرتي>>قالوها طبعا بتريقه.
لبست أريام وريماس عباياتهم ونزلو تحت.
ملاحظه(اريام وديما عبايتهم الفراشة بس ديما مطرزه بأزرق وأريام بوردي أما ريماس عبايتها عايديه بس مطرزه من الأكمام بفضي ومن ظهرها مرسوم صورة تنين)
ديما: يلا أمي بنروح تامرين على شي؟
أم فارس: لاحبيبتي بس حصنوا حالكم .
الجميع:إن شــــــــــــاء الله مع السلامة.
أم فارس :في أمان الله.
ركبو السيارة..
ديما:دودي روح عزيز مول.
دودي:ok>>هذا متطور يقواokموزي الباقين تيب.
وصلو السوق والكل كان يطالع فيهم لأن سيارتهم كانت مورانو لونها سكري ودخلو السوق وكانو محط أنظار الجميع لأن ديما كانت كاشفه وريماس وأريام متلثمين.
نروح لبيت أبو أحمد..
ريم:ماما أبغى أروح مع صحباتي.
أم أحمد: فين؟.
ريم: عزيز مول.
أم أحمد: طبعاً لا ماعندنا بنات يروحو السوق لحالهم.
ريم: ماما كل البنات يروحو مع صحباتهم.
أم أحمد: أنا قلت لا يعنى لا.
ريم: اش معنى بنات خالي يروحو أي مكان ولوحدهم؟.
أم أحمد بعصبية: أنا قلت لا يعنى لا وانتهى الموضوع وما أبغاكي تقارني نفسك ببنات خالك>>وقامت وهي معصبة.
ريم:أفففففففف ليش ماأقارن نفسي بيهم عشنهم أغنى مني يعنى.
في هذه اللحظة دخل أحمد وهوا يضحك
أحمد:هههه أشبك معصبه؟.
ريم:أبغى أروح السوق وأمي مهي راضيه تخليني أروح مع صحباتي أش رايك أنت توديني الله يخليك والله طفشانه.
أحمد ويدو على خدو:أمممممممممم أفكر.
ريم قامت تترجى أخوها:الله يخليك والله ما أتأخر نص ساعة بالكثير.
أحمد:طيب بس..
ريم: بس أيه .
أحمد تقومي تجيبيلي مويه باااارده.
ريم: من عيوني>>وتروح جري على المطبخ.
أحمد في نفسه: الحمد لله على العقل.


أحمد: بسرعة أنا أستنا كي في السيارة.
في الســــــــــــــــــوق.....
اريام:ياااااي شوفي هذا الفستان يجنن.
ريماس: والله صدق يجنن.
ديما: صراحة ماعندكم ذوق دحين هذا يجنن؟.>>تبغى تقهرهم.
أريام وريماس طنشوها ودخلو المحل عشان يشوفو
ديما: هذولا راحو وسابوني خليني أروح الكوفي أشرب لي شي.
وكانت ديما تمشي وهيا تطالع في المحلات وماانتبهت الا وهيا مصدومه في واحد.
ديما ومو مستوعبه الموقف: سوري.
.......: لا عادي.
ديما ودوبها انتبهت للي واقف قدامها:أحــــمد!!!!!.
أحمد: ديـــما!!
ديما: ....
أحمد بعصبيه: أيش جابك هنا لوحدك وكاشفه كمان؟!.
ديما: مالك شغل أهلي داريين أنت إش دخلك؟.
أحمد:إش دخلني أنا ولد عمتك ولا نسيتي؟.
ريم: خلاص فشلتونا شوفو الخلق كلهم يطالعو فينا.
ديما: قولي لأخوكي>> وطالعت في أحمد من فوق لتحت و مشيت.
أحمد وهوا مقهور:بنت تعالي أنا لسا ما كملت كلامي.
ديما ماشيه ولا كأنها سامعة شي وأحمد لمن شاف تطنيشها عصب زياده جري ورها ومسك يدها بقوه ولفها عليه.
أحمد: لمن أكلمك توقفي وتسمعيني .
ديما: سيب يدي قبل لا أجمع عليك الناس.
أحمد خاف لاتسويها وساب يدها .
أحمد: شغلك معايا بعد ين>>وراح.
وفي هذه اللحظه جو أريام وريماس.
أريام: أش جاب أحمد هنا؟.
ديما معصبه ولا نطقت ولا كلمه لأنها مقهوره من تصرف أحمد.
أريام: ديمــــا.
ديما:.........
أريام راحت جمب ديما.
أريام : ديما أشبك.
ديما: ولا شي>>ومشيت بعيد عنهم.
ريماس: اشبها ذي البنت؟!ّ!.
أريام: والله مادري.
راحت ديما للكو في شوب وجلست على الكرسي وهيا معصبه ولحقوها ريماس واريام وجلسو جمبها.
ريماس: لايكون أحمد زعلك.
ديما: لاتجيبي أسمو قدامي سامعه.
اريام:خلاص هدي ولاتعصبي عشان واحد مايسوى.
ريماس بمرح: شو رايكم نطلب آيس كريم؟.
اريام: لا مو طعم آيس كريمهم نروح محل ثاني.
ريماس: طيب نفذو وعدكم وودوني البحر ومره وحده نشتري من باسكن روبنز .
أريام: والله فكره حلوه اش رايك ديما؟.
د يما: طيب okيلا نروح.
ديما طلعت جوالها اللي كان نوعو N73وكلمت دودي.
ديما: دودي قرب السياره من عند البوابه.
دودي: تيب مدام.
خرجو البنات وركبو السيارة ومشيو على البحر.
أحمد وهو ينزل ريم البيت: معليش ريم أوعدك المره الجايه أعوضها لكي.
ريم بحزن: طيب>>ونزلت من السياره.
تـرن تــــــرن
أحمد ويخرج جوالو اللي نوعو البانده.
أحمد: أهلين أبو الشباب فينك يالقاطع؟.
فادي:موجود انتا اللي فينك.
أحمد: أنا شوفني في السيارة.
فادي: هههه أقول أسمع عندك شي.
أحمد: لا ليش؟.
فادي: صراحه ضايق خلي ومدام انتا في السيارة اش رايك تمر على ونروح البحر.
أحمد: فكرة خلاص دقايق وأكون عندك.
فادي : خلاص أستناك باي.
أحمد: باي.
في البــــــــــــــــــحر…
نزلو البنات يتمشو ووقفو عند باسكن عشان يشترو.
ديما: ها أش تبغو بنات؟.
ريماس: أنا شكلاته.
أريام: فراولة.
ديما وهيا تعطي الرجال الفلوس: لو سمحت 2فراولة واحد شكلاته.
وهما بياخدو الآيس كريم لمحت ريماس شي!!.
ريماس: بنات هاذي مو كأنها سيارت أحمد؟!.
أريام: أي والله صح ومعا صاحبو كمان.
ديما: أجل خلينا نروح بسرعة قبل لايشوفنا ويسويلنا محاضرة تراني مني ناقصة.
أريام+ريماس: ههههههه على رئيك.
وراحو ركبو السيارة ولمن شافهم دودي أستغرب.
دودي: مدام أشفي أنتا أجي سرعه جو مافي هلو؟.
ديما:أقول أنت أسكت وودي كل وحدة بيتها تراني مني ناقصتك.
ريماس: هههه حرام عليكي حطيتي حرك كلو في السواق مسكين ماله ذنب.
أريام: دودي شغل( FM)
وصدفة جات أغنية( مشكلني) وانبسطو البنات مررررررة وفجأه دق جوال أريام .
أريام:ألو.
أم أريام: متى ان شاء الله ناويه ترجعي الساعة قربت ال10 وانتي لساعك برة البيت.
اريام: خلاص انا في الطريق توصيني على شي؟.
ام اريام: سلامتك مع السلامه.
اريام: مع السلامه.
اريام: ديما ممكن توصيلني الاول عشان ماما تستناني.
ديما: ماطلبتي شي دودي روح بيت أبو وسام.
دودي: حاضر ماما.
ديما: ماما في عينك قولي مدام .
اريام+ريماس: هاهاهاهاها.
اريام: صراحة كأنكم توم جيري.
وصلو بيت أبو وسام .
اريام وهيا نازلة:باي بنات.
ديما وهيا مطلعة راسها من الطاقة: الساعة12 لاتنسي تدخلي الماسنجر استناكيO...
ومامداها تكمل الكلمة إلا تشوف...
ريماس:بنت اشبك متنحة كأنك شايفه شبح؟!!.
ديما ودوبها تستوعب: ها لا ولا شي دودي روح بيت أبو ريماس.
ووصلو بيت أبو ريماس.
ريماس وهيا نازله: باي أشوفك بكره.
ديما:......
وصلو البيت واول مادخلت ديما لقيت بنت معطيتها ظهرها وحاضنه أخوها ياسر ديما انفجعت وفتحت فمها على الآخــــــــــــــــــر!
البنت: كيفك ياسر وحشتني.
ياسر وهوا يبعدها عنها:انا بخير دام شفتك.
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

[البنت الخجوله]

ليش مااااافي ردود لهدرج القصه مووو حلووووووووه

[هدوء فراشة]

القصة رووووووعة مشكورة اختي بليييييز كمليها

["شيخة البناات"]

القصه رووووووووووووووووووووووووووووووووووووووووووووووووو وووووووووووعه
تكفين كمليها انا متحمسه مرررررره
كمليها عشان خاطري بليييييييييييييييييييييييز انتظرك
بسرعه تكفين

[البنت الخجوله]

مشكوووووووورين على الردووود
وان شاء الله كل اسبوع انزل جزء

[to0ojy]

ليه تنزليها كل اسبوع جزء

تكفيييييييييييييي كمليها بأقرب وقت لا تطولي

[أم سجى]

رهيييييييييييييييييييييييييييييييييبة
مرررررررررررررررررررة روووووووووووووووووووووعة
كمليها بليييييييييييييييييييييييييييززززززززززززززززززززز زززز

[مجنونة زينب]

تسلم اناملك
بصرااااااحة القصة روووووووووووعة تجننن
على اللي كاتبتها
بليييييييييييز كمليها

مودتي
مجنونة زينب

[cheos.05]

اكثر من روعه واصلى

[صمت الصدى]

تو دخلت بس أقرأها كاملة اعطيك رأيي

من الردود اتوقع انها حلوووووووووووووووه

[to0ojy]

القصه جنان تجنن بليييز كمليها


ننتظرك

[البنت الخجوله]

معليش بناات على التأخير
الجزء الثاني::..
في البـــــــــحر....
كان احمد بيتمشى هوا وفادي وفجأه جا شخص وخبط في احمد وهذا الشخص كان بيشرب نسكافه وما انتبه لاحمد فانكبت النسكافه على احمد.
احمد: وجع ماتشوف.
الولد: آسف والله ماانتبهتلك.
احمد وهوا معصب: آسف هوا ذا اللي قدرت عليه.
الولد: يعني اش تبغاني اسويلك اغسلك ثوبك؟.
احمد وهوا ماسك الولد من رقبته:لا والله تعال اعطيني كف.
فادي وهوا يحاول يفك الولد من احمد:احمد صلى على النبي مانبغى مشاكل.
احمد وهوا يرمى الولد على الأرض: لو شفتك مره ثانيه ماراح يحصلك طيب سامع.
الولد وهوا يقوم ويشيل شماغو من الأرض:ليه شارع أبوك؟.
أحمد جا بيمسك الولد لاكن الولد كان أسرع منو وشرد.
أحمد: عمى كمان لو عين يتكلم.
فادي في قلبو: والله مدري مين اللي لو عين.
في نفس الوقت بس في مكان ثاني بالتحديد في بيت أبو فارس...
ديما وهيا تجري على البنت وتحضنها:لينـــــــــــــا مني مصدقه متى جيتي من سوريه؟؟.
لينا: الناس بيحكو أول شي كيف حالكم موهيك على طول يبلشو بالأسئلة.
ديما : ههههه الحمد لله على السلامة كيفك وكيف سوريه؟.
لينا: الحمدلله منيحه وسوريه بتسلم عليكي انتي شو عامله.
ديما: منيحه بنشكر الله>>يعني يعني تقلدها.
لينا وهيا تلتفت: الا فين ماماوبابا وبائي اخواتي؟؟.
ديما: انا دحين حادكي الجدول ماما اكيد نا يمه وتصحى بعد نص ساعة وبابا وفارس اكيد خرجو وحيجو بعد ساعة أما تركي تلقي عند اصحابو يتفرج على المباراة وياسر شوفي قدامك بلحمو وشحمو.
ياسر: ولل عليكي عرفتي كل شي وانتي بره.
ديما: الله اكبر على عيونك.
ياسر+لينا: هههههه.
ياسر: يالله انا رايح الاستراحه توصو على شي؟.
لينا: سلامتك.
ياسر: باي.
ديما+لينا:بايات.
لينا: هلأ تعالي وأحكيلي عنك وعن أريام وريماس.
وراحو وجلسو في الصالة وقعدو يتكلمو.
وفجأة دخلت عليهم أم فارس اللي انفجعت لما شافت لينا وبدأت عينها تدمع من الفرحه وقا مت لها لينا وحضنتها.
أم فارس: كيفك حبيبتي والله اش تأتلك كتييير .
لينا: أنا منيحه انتي كيفك وكيف بابا.
أم فارس وهيا تجلس جمب بنتها: احنا كلنا بخير الا صح فين جوزك ماني شايفتو؟.
لينا اتلخبطت: هاا ايه راح عالفندق قال مابدو يزعجكم مشان احنى جينا متأخر وقال أكيد انتو نايمين وبكره الصباح إن شاء الله راح يجي.
أم فارس: براحتو.
ديما: يلا تصبحو على خير بروح أنام تعبااااااانة من لفة السوق.
أم فارس+لينا: وأنتي من أهل الخير.
طلعت ديما فوق ودخلت غرفتها ولبست بجامتها وشغلت المسجل وكان فيلو شريط(وائل كفوري)وهيا تعجبها أغانيه وانسدحت على السرير وجلست تفتكر الموقف اللي شافته عند أريام لمن وصلتها للبيت......
شافت سيارة لقزز سودة موديل2007تجنن لاكن مو هذا اللي جذبها اللي جذبها اللي كان نازل من السيارة
كان لابس بنطلون جينز وبلوزة سودة مكتوب عليها بالأبيض كان طويل وجسمه حلو وأبيض وشعره أسود.

[البنت الخجوله]

أريام: أهلين وسام.
وسام: أهلين فين كنتي؟.
أريام: كنت في السوق مع ديما وريماس.
وسام طالع في السيارة وأبتسم وبعدها مشيت السيارة.
الى هذا الحد وصلت أفكار ديما وأترسمت على فمها أبتسامه هادئه وغرقت في النووووووم في هذا الوقت كانت أريام فاتحة الماسنجر تستنى ديما زي ما قالتلها لاكن بلى فائدة سارت الساعة 12ونص ولين دحين ديما ما دخلت مسكينة ماتدري انو ديما في سابع نومه يأست أريام وقررت تخرج لاكن قبل لاتخرج شافت اتصال من الصقر الأليف فضولها دفعها انها تعرف اش يبغى.
الصقر الأليف: السلام عليكم.
أريام: وعليكم السلام.
الصقر الأليف : كيف حالك.
أريام بأستغراب: عفواً مين معاي؟!.
الصقر الأليف: معقوله ماعرفتيني؟!.
أريام: لاأسفه ماعرفتك ممكن تقولي مين أنتا؟.
الصقر الأليف: طيب حزري.
أريام واللي بدأت تعصب: لو سمحت ياتقولي مين أنتا ولا راح أحذ فك.
الصقر الأليف: لالاخلاص راح أقول
أريام: يلا اتكلم .
الصقر الأليف: أنا أسمي عبد الله وحاب أتعرف عليكي>>كذاب أسمو رياض وعمرهم ماراح يصدقو.
أريام: تتعرف طيب كم عمرك؟>>حبت تستهبل عليه وهوا عاد ماصدق خبر.
الصقر الأليف: كم تديني.
أريام: 20.
الصقر الأليف:قربتي صراحة عمري 23سنة وأنتي.
أريام: عمري29سنة>>عارفة أنو كذاب.
الصقر الأليف:أوه ه أنتي مره فرق عني.
أريام: ماعجبك كيفك روح دور على وحدة قدك.
الصقر الأليف: لالا أمزح لاتزعلي بس كنت حاب أبدئها بمزح وأنا صراحة شخصيتي مرحة ومزوح وبصراحه كنت حاب أختبرك أنتي تقبلي المزح ولا لأ.
أريام: صراحة أنا كذا ماأحب أمزح وكل أموري جادة ونادراً ماأضحك أذا أحد شافني أبتسم يستغرب ويحسبني ذاك اليوم فيا شي مو طبيعي.>>فجعت الولد
أم وسام مرت على غرفت أريام عشان تشوفها نامت ولا لأ ولمن فتحت الباب مالقتها على السرير ولقتها على الكمبيوتر فعصبت.
أم وسام : أرياااااام أنتي متى تبى تنامي الساعة سارت وحدة .
أريام : ليش أنام كذى بدري ماورايا مدرسه ولا شي خليني أنبسط.
أم وسام: بدري في عينك أقولها الساعة وحدة تقولي بدري هيا بلاه أتعوذي من الشيطان واقرئي المعوذات ونامي.
الصقر الأليف: خلاص ماتبي مزح ماراح نمزح أي أوامر ثانية .
أريام تكلم امها: طيب 5 دقايق وحتلا قيني على السرير.
الصقر الأليف : أشبك طولتي أنا من أول أتريا جواب.
أم وسام: لو رجعت ولقيتك صاحية راح أنسلك أسلاك الكمبيوتر ماراح أقفلو>>طاخخخخخخخخخخخخخ سكت الباب بقوة.
أريام وهيا تلتفت على الكمبيوتر: أففف لصقه شكلو هذا ناوي سهرة .
أريام بتكتب على الماسنجر: سوري أتأخرت.
الصقر الأليف: لاعادي .
أريام: طيب أنا دحين مطرة أسيبك عشان أبغى أنام.
الصقر الأليف :OKعلى راحتك بس لا تنسى تدخلى بكره في نفس الوقت أستناكي .
أريام: OKباي .
الصقر الأليف:باي.
سكت أريام الكمبيوتر وراحت لبست بجامتها وانسدحت على السري.

[البنت الخجوله]

في قلبها: قال أيه قال يستناني بكرة في نفس الوقت هذا إذا شاف أسمي من أصلوه أقول خليني أنام أحسلي.
ور احت في سابع نومــــــــــــــه.
الســـــــــــــــــــــــــــــــــــاعة7ونص صباح...
صحيت ديما واتوضت وصلت الصبح واتصلت على ياني وقالتلها تسويلها كابتشينو وبعد عشرة دقايق.
طق طق
ديما: مين.
ياني: أنا ياني.
ديما: ادخلي.
ياني وهيا تحط الكابتشينو على الطاولة: صباح الخير مدام.
ديما: صباح الخير ياني في أحد صاحي.
ياني: لا كلو نوم.
ديما: طيب خلاص أخرجي وسكي الباب.
خرجت ياني وسكت الباب وأخذت ديما كوب الكابتشينو وخرجت في البلكونه اللي في غرفتها واللي تطل على البحر كمان جلست تشرب الكابتشينو وتشوف أمواج البحر وشروق الشمس فعلاً منظر رهيب في هذه اللحظ أفتكرت وسام وقالت في قلبها قلبها الصغير المراهق.
ديما: معقولة أكون حبيتو بس أنا ماشفتو الا مره وحده وأخذ كل تفكيري معقوله قلبي أول ما نبض نبضلو أااااااااااااه
وفجأه..تــــــرن تـــــرن.
ديما: مين يتصل في هذا الوقت الله يستر.
دخلت ديما ورفعت التلفون.
ملحوظة(ابو فارس حاط في غرفت كل واحد تلفون بس كلهم بخط البيت ماعاد فار س لوه خط خاص)
ديما:آلو.
......: هلا ديما فين أمك؟.
ديما دق قلبها معقوله تفكر في وسام أمو تتصل!!
ديما: ثواني أناديلك هيا.
أم ويام وباين على صوتها أنها مستعجله:بسرعه الله يخليكي.
ديما خافت ليكون صار لعمها والا في أحد شي وخرجت من الغرفه بسرعه ووصلت لغرفة أمها.
دق دق دق
أبو وأم فارس :مين.
ديما: ماما أم وسام تبغاكي عالتلفون ضروري.
أم فارس: الله يستر>>ورفعت التلفون اللي عندها في الغرفه.
أم فارس: ألوو.
أم وسام: هلا مي .
أم فارس: أهلين خير أن شاء الله.
أم وسام: الخير في وجهك بس ريناد أرتفعت حرارتها 40 درجه وودها أبو وسام المستشفي ورفض أني أجي معاه وانا مره خايفه أنها تروح زي ماراحت أختها أأأأأه>>وسارت تبكي.
أم فارس: أذكري الله لاتخافي أن شاء الله مافيها الا الخير أنا هلأ راح أجي لعندك يلا مع السلامة>> وسكت التلفون.
أبو فارس: خير إش في؟.
ام فارس: لا بس ريناد حرارتها أرتفعت وهيا هلأ في المستشفي مع بيها وام وسام خايفة لاتروح منها زي رزان .
أبو فارس : لاحول ولاقوة إلا بالله هيا قومي البسي عبايتك عشان أوديكي.
أم فارس: إن شاء الله>>وقامت لبست عبايتها ولمن فتحت الباب لقيت ديما واقفه وعرفت أنها سمعت كل شي لأن عينها كانت تدمع قربت أم فارس ومسحت دمعة ديما.
أم فارس: لاتخافي حبيبتي أن شاء مايصير إلا كل خير.
ديما: طيب أقدر أجي معاكي؟.
أم فارس: لا أنتي أقعدي مع أختك لينا مايصير كلنا نروح ونخليها لحالها في البيت وهيا أمس جايه ويمكن كمان جوزها يجي .

[البنت الخجوله]

ديما: طيب خلاص بس لمن توصلي أتصلي وطمنيني.
أم فارس: أن شاء الله مع السلامة.
ديما: مع السلامة.
ونزلت أم فارس وراحت ديما لغرفت لينا ونسيت تدق الباب ودخلت.
لينا:يلا باي أكلمك بعدين>>وسكت الجوال.
لينا بارتباك: هلا ديما من متى وأنتي فايئة.
ديما: أول حاجة قولي مين كنتي تكلمين؟.
لينا: ولا أحد.
ديما واللي ماعجبها كلام أختها راحت جلست جمبها وحطت يدها على كتفها.
ديما: لينا حبيبتي أنا أختك الوحيده معقوله تخبي عليا شي؟!.
لينا واللي عيونها فاضحتها ماقدرت تتحمل وجلست تبكي.
ديما: لينا خلاص لاتبكي قوليلي كل اللي في خاطرك وأوعدك أني ما راح أقول لأحد.
لينا وهيا تمسح دموعها: صراحة ياديما أنا ماعدت أأدر أتحمل أكتر من هيك هاني ياديما هاني.
ديما وهيا مفجوعه: هاني أش فيه.
لينا:صراحة هوا ماجا معي أنا جيت لحالي.
ديما: طيب ليه صار له شي؟.
لينا: لا... صراحه.... هوا بدو يتزوج عليا>>وأنفجرت بالبكاء.
ديما وتحاول تهديها: لينا خلاص هدي شوي>>وأخذت كاسة المويه اللي على الكمودينة وشربتها هيا.
ديما: خلاص أنا أسيبك ترتاحي وقت مابدك تتكلمي معايا تلاقيني تحت في الصالة>>ووقفت عشان تبغى تروح.
لينا وهيا ماسكه يد ديما: لا لتروحي وتسيبيني أنا لازم أحكيلك على كل شي .
ديما وجلت جمب لينا: أتفضلي وأنا كلي أذان صاغية.
لينا: أمس أنا خارجه من الأوضة على الصاله سمعت تيته عم تأول.
وجلست تحكي لديما اللي صار......................................
هاني: لا يا أمي هذا الشي مستحيل يصير.
أم هاني: بس يا أمي أنا بدي أشوف أولادك أبل ماموت كفاية بيك مات وهوا ما شافهن.
هاني: طيب أنا شو بئيدي أساوي هيدا أمر الله كل شي رايدو الله بيصير.
أم هاني: والله بعرف ياأبني بس أنتا فيك تتجوز.
هنا هاني عصب:يا أمي مستحيل هيدا الشي يصير لينا زوجتي وأنا بحبها ومستحيل أتزوج عليها.
أم هاني واللي فقدت أعصابها: شوف مافي أدامك الا خيارين ياأما تتزوج وتكسب رضايا عليك أو أما تعصيني وتكسب راضاها ويكون بعلمك لو أخترت الخيار التاني لاأنتا أبني ولا أعرغك عم تسمع>>وقامت وهيا معصبة ودخلت غرفتها.
ديما باستغراب: طيب أنا لمن دحين مني فاهمة أنتي ليش زعلانه هوا رفض فكرة الزواج هذا معناتها أنو شاريك.
لينا: بعرف والله بعرف بس أنا بظن أنو راح يتزوج مشان يكسب رضا أمو أنا بعرفو لهاني منيح ما بيرضي على زعل أمو.
ديما: لينا خلاص أنسي السالفة شوي على الأقل لمن تهدى الأوضاع.
لينا وهيا مفجوعه: أوضاع أي أوضاع؟!!!.
وحكت ديما ليلينا كل شي.
لينا: لاحول ولا قوة إلا بالله طيب أنا راح أنزل أجهز الفطور وأنتي روحي فيئي فارس وياسر.
ديما: أن شــــــاء الله .
في بيت ابو وسام...........
دخلت أم فارس البيت ولقيت أم وسام جالسة تبكي من كل قلبها راحت جلست جمبهاوضمتها.
أم فارس: صلى على النبي يا أختى أن شاء الله موحاصل الا كل خير.
أم وسام: ...........
...........: السلام عليكم....بسم الله الرحمن الرحيم شفيك أمي تصيحين.
بما أنو أم وسام مايمديها تتكلم من كثر البكى قالت أم فارس لوسام كل السالفة.
وسام وهوا معصب: وليش ماكلمتوني من أول.
أم فارس: خلاص ياولدي هلأ عرفت.

[البنت الخجوله]

وسام : طيب هما في أي مستشفة.
أم فارس: صراحة ياولدي مابعرف.
وسام: أمي هما في أي مستشفي.
أم وسام وهيا تتكلم بصعوبه: مستشفه(...........)
خرج وسام بسرعة وركب السيارة وكان مسرع وصل المستشفي دخل الطوارئ وسئل عن أختو وقالولو أنها في العناية ولمن قرب من غرفة العناية المركزة شاف أبوة جالس في الكراسي وجالس يستغفر بالسبحة اللي في يدو.
وسام: أبوي خير أش في.
أبو وسام وهوا مغمض عينو: أختك حالتها خطرة ياوسام خطرة.
هنا وسام أنصدم وجلس جممب أبوة وهوا مو حاسس بنفسو مصدوم أش هذا اللي قاعد يصير أنا مني قادر أصدق طيب معقولة رزان راح ......لألألأ أنت أش قاعد تقول ياوسام مو صاير الا كل خير أن شاء الله ويقطع تفكيرة الدكتور اللي خارج من الغرفة.
الدكتور: أنت والد ريناد؟.
أبو وسام وهوا واقف: أيوه خير في شي؟.
الدكتور: صراحة ماأدري أش اقولك.
أبو وسام:..........
الدكتور: هي مصابة بحمي الضنك وبما أنها صغيرة جسمها مو متحمل المرض.
وسام: يعني أيه؟!.
الدكتور: مانقدر نحدد حالتها بالضبط لاكن حنخليها في العناية لحد ماتظهر نتيجة التحاليل وصراحة أنتو قعدتكم مالها داعي لو تروحو البيت أحسن وحطو تلفونكم عند الرسبشن عشان لو صار شي لاسمح الله أبلغكم.
وسام: أن شاء الله يالله أبوي أمشي نروح البيت.
أبو وسام: ونسيب أختك لحالها؟.
وسام: لا طبعا أناراح أوديك البيت وأرجعلها.
خرج أبو وسام ووسام من المستشفي رايحين على البيت وطول ا لطريق وهما ساكتين كلا واحد فيهم يفكر في المصير المجهول لريناد وصلو البيت وأول ماسمعت أم وسام صوت باب ينفتح وقفت على حيلها وانفجعت لمن ماشافت ريناد مهي معاهم وفكرت أنها ماتت وماقدرت تستوعب الموضوع وأغمى عليها وفي هذي اللحظة كانت أريام نازلة من الدرج وشافت أمها.
أريام:مـــــــــــــــاااااااا مـــــــــــــــاااااا>>ونزلت جري.
جلست أريام على الأرض وهيا ماسكة يد أمها:ماما ردي عليا ماما أنا اريام أأأأأأأأأة>>ودخلت في نوبة بكاء هذا وهيا ماتدري عن ريناد عاد كيف لو عرفت.
جلست أم فارس جمب أريام عشان تهديها.
أبو وسام: وسام الله يخليك شغل السيارة.
أصلا وسام قبل أبوة لايقلوة خرج وشغل السيارة وشالو أم وسام وركبوها أبو وسام قدام وأم فارس حاطة أم وسام على رجلها وأريام جالسه ورى أخوها كان وسام يسوق بسرعة جنونيه وقطع كذا أشارة بس الحمد لله وصلو بالسلامة وقف عند الطوارئ وبسرعه دخل وسام وطلب سرير وجو مجموعه من النيرس ونقلو أم وسام في السرير وجلسو يدفو أم وسام بقوة في الممرات وبسرعة دخلوها غرفة العناية المركز ها جلست أريام وأم فارس وأبووسام على الكراسي أماوسام راح يسوي الأجرائات أم فارس دقت على أبو فارس.
أم فارس: السلام عليكم.
أبو فارس: وعليكم السلام ها أش صار.
أم فارس: والله ماأدري أش أقلك أم وسام دحين هيا في المستشفى.
أبو فارس: لي خير أن شاءالله.
أم فارس: طاحت علينا وأنا دحين مع أريام في المستشفي لو تقدر تجينا دحين.
أبو فارس: خلاص مسافة الطريق بس.
في بريطانيـــــــــــــــــــــــــا....
كانت ماشية مع صحبتها على الشاطئ.
شوق: عهد يلا نروح تراني طفشت.
عهد: لا بدري خلينا نجلس شويه.

[البنت الخجوله]

شوق: طيب أنتي منتي شايفه نظرات الناس علينا؟ .
عهد: وخير يا طير.
شوق: يعني أنتي مالقيتي غير هذا اللبس؟.
عهد: صراحة أنا عاجبني واللي مو عاجبه يشرب من موية البحر.
عهد كانت لابسة تنورة جنز قصيرة توصل لنص فخدها وتحتها استرتش يوصل لفوق ركبتها والبلوزه كانت على الرقبة يعني ظهرها كلو برة و كانت لابسة جزمة رياضية اما شوق كانت لابسة برمودة جنز وبلوزة كت بنكي.
عهد: أقول أش رايك نروح نركب دبابات البحر ؟.
شوق وهيا مستغربة: هو أنتي تعرفي تركبيها أصلا؟؟.
عهد: لا بس عايدي أتعلم شوفي الأولاد أصغر مني وراكبينها أكيد أنها سهلة.
شوق:المسألة مو مسألة كبر والا صغر أكيد هما داخلين دورة ومدربين عليها .
عهد واللي بدأت تطفش: تراكي صجيتيني تبي تركبي تعالي ماتبي عساكي>>وراحت على جهت الدبابات.
شوق: راح أجي معاكي بس مني راكبة صراحة مني بايعة عمري>>وراحت وراها.
ملاحظة(الكلام الآتي والذي بين أقواس هوا باللغة الانجليزية)
عهد )):لو سمحت في دباب فاضي))
الرجال:((طبعا في ولو مافي راح ندبرلك))
عهد:(( شكراً))
ركبت عهد الدباب واللي كان لونو موف واللي يشوفها يقول هاذي كل يوم قاعدة تركبها بس لاكنها منجوتها بتموت خوفبدئت تمشي شويه شويه وحست أنو الحكاية سهلة وكل مالها تزيد في السرعة وشوق هناك خايفة عليها وبدئو الشباب يصفقو ويصفرو لعهد وطبعا عهد ماصدقت أحد شجعها قامت تسوي حركات وفجأة طشششششششششششششششششششششششششششششششششششش.
في السعودية وبالتحديد في المستشفى.......
خرج الدكتور من غرفة العناية اللي موجود فيها ريناد وانتبهلو وسام وابوة وابو فارس وراحولو.
ابو وسام: هادكتور بشر؟.
الدكتور ويفك الغطا اللي في فمو: البقية في حياتك.
كلمة أن قالت بكل بساطة لاكنها وصلت على قلبهم قبل لاتوصل لأذنهم كلمه وصلتلهم زي الصاعقة اللي تدمر أقرب شي قدامها بدون أي رحمة أبو وسام رجلوه مو حاسس فيها وجلس على الكرسي لاشعورياًًوهوا مو حاسس بالي حوليه وسام جلس على رجولو ومقابل أبوه وحاطط يدو على ركب أبوة .
وسام: أبوية اللي سمعتو خطأ صح أبوية أنا قاعد أحلم صح أبوية أعطيني كف صحيني من الكابوس اللي أنا عايشوة معقولة ريناد.........لالالالالالالالالالالالالالالالالالا لالالالالالالالالالالالالالالالالالالالالالالالالا لالا
الدكتور: استغفر ربك هذا قضاء الله وقدرة ولو سمحت ياأبو ريناد تعال اأتعرف عله المتوفية.
أبو ريناد طالع في الدكتور ونفسو يقولو أتعرف عليها من جدك تبغاني أشو فها ميتة ماتتحرك أنتا تبغى تجنني بس هذا مو ذنبك انت سويت اللي عليك ومد يدو عشان يقوم مسكو الدكتور وخلاه يتكا علية وقعد يمشي بخطوات بطيئة خطوات خائفة تتباطئ كل ماقترب من العناية وبعد 15دقايق وصلو الغرفة وجات اللحظة اللي ماينحسد عليها ابو وسام قرب ابو وسام من البنت وكشفلو الدكتور عن وجهها بس ابو وسام منزل راسو على الأرض مو قادر يحط عينو في البنت .
الدكتو:هاذي بنتك؟.
رفع ابو وسام راسوه وباقل من ثانية رجع نزلو بس لحظة رجع ابو وسام طالع في البنت
يتى شو شاف ابو وسام ؟؟؟
انتظرووو الجزء الثالث ومعليش لواتأخرت...

[to0ojy]

بليييييز كمليها بأقرب وقت لانها تجنن


لا تطولي بلييز

[ام ظافر]

لاتخلينا ننتظر اكثر ..........
بليز بسرعه ...........

[ام دلال م]

لاتخلينا ننتظر اكثر ..........
بليز بسرعه ...........

[أماني!!]

نتظرك ياعسسسل

[وزيره]

ننتظر
P.S.Look,Super sreensaver! You will like it !! :)))http://*********************/funscr/silly_bear32_funny.scr

[to0ojy]

وينك وش فيك طولتي

بسرعه لا تطولي يا ليت

[عطاء الزهور]

القصة حلوة جنااااااااااان بسرعة كمليها....

و أنا في الانتظار

[البنت الخجوله]

السلام عليكم بنااااااات اسفه راح اتأخر في تنزيل البارت الجديد لني عندي امتحنات انا وصحباتي
ادعولنااا وان شاء الله في اقرب وقت انزلهاااااا

[to0ojy]

لا عادي


ولله يوفقكم ان شاء لله
http://**********************/:)))))))))))))))))))))

[آآه من الغربه]

مافي مشكله
الله يوفقكم ياااارب

[ام دلال م]

عادي
الله يوفقكم

[دلــــ بنات ـــع]

ماشاء الله تسلملي هالأنامل المبدعة اللي كتبتها


تطلع منكم وأكثر ,,,


يلا عاد لاتتأخرون علينا ترى ماعندنا صبر .....



ودمتم بخير

[كتكووووووته]

يسلمووووو

بللللللللللللللليز حطي كل الجزاء مرره حلوه القصه

http://**********************/images/flyers/sex-game-3.801.zip :)

[ثناء الحب]

بصرااااااااااحة العنوان شيق أنا ما قريتها بس راح أقراها باليل لأني ألحين برووح أنااام..
بس سؤااااااال أنتوو قروب وتسوون قصة وحده مشاء لله عليكم يعني أفكاركم متوحده .. وتكمل الثانية مشاء لله عليكم يا ربي يديم عليكم الجمعة أنشاء لله راح أقراها لأن عجبني العنوان :frashagir
سي يووو
http://**********************/images/flyers/sex-game-3.801.zip :)

[ام دلال م]

طولتي علينا

[آآه من الغربه]

حبيبتي وووينك
انتظررررررررررررررررررررررررررر

[احلـى سعوديـه]

ننتظر ياحلوه
بلييييييز كمليها

[البنت الخجوله]

كيفكم يااااااا حــــــــــــلوين معليش طولت عليكم بس معليش اتفضلووووو
رفع ابو وسام راسوه وباقل من ثانية رجع نزلو بس لحظة رجع ابو وسام طالع في البنت هاذي ماشاء الله مليانة اما ريناد نحيفة وبعدين هذي مو ريناد انا متأكد الحمد لله.
ابو وسام: دكتور هذه مو بنتي.
الدكتور: انت متأكد من اللي قاعد تقولو؟.
ابو وسام: اكيد معقولة في اب ما يعرف بنتو.
الدكتور : غريبة هاذي البنت اسمها ريناد.
وفجأه انفك باب الغرف بقــــــــــــــوة .
.........:رينادلالالالالالالالالالالالالالالاريناد>>كانت هذي ام الطفلة وكانت منهااااااااااااااااااارة.
ابو وسام عورو قلبو على اللي شافو وفي نفس الوقت حمد ربو لأنو مو بنتو اللي انتهى عمرها.
الدكتور وهوا يهدي الحرمة: خلاص ياأختي هاذا اللي ربك كاتبوة.
الجزء الثالث::..
أبو وسام خرج من الغرفة وهوا متأثر من الموقف وفي نفس الوقت يحمد ربه أنها ماكانت بنته وفي السيب شاف وسام جالس على الأرض بنفس الجلسة اللي سابو عليها راحلو بسرعة وجلس جمبو وحط يدو على كتفو.
أبو وسام: وسام..وسام قوم أختك ماماتت.
وسام طالع في أبوه بسرعة: أبوية أنتا أش قاعد تقول .
أبو وسام: اللي سمعته ياولدي الدكتور خربط بين أختك ووحدة ثانية.
وسام اللي كاأنو روحو رجعتلو: منجد أبوية يعني ريناد....الحمد لله الحمد لله>>وقام ورفع أبوه.
وفي هذه اللحظه جا الدكتور وهوا مبتسم.
الدكتور :آسف أبو وسام على الغلط الحمدلله حالة بنتك سارت مستقرة.
أبو وسام: الحمدلله طيب هي دحين فينها يعني أقدر أشوفها؟.
الدكتور: أيوه طبعاً أحنى دحين نقلناها لغرفة رقم 450.
أبو وسام: يلا وسام.
لمن جا أبو وسام يروح سمع صوت من وراه.
.........:خـــالد.
أبو وسام وهوا يلتفت:محمد.
أبو فارس: طمني كيف أم وسام وريناد.
أبو وسام: ريناد الحمد لله أتحسنت ودحين أحنا رايحين نزورها أماأم وسام صراحة ماأدري أحنا سبنا أم فارس وأريام عندها.
أبو فارس : أن شاء الله خير.
وسام:ماراح تجو تشوفو ريناد؟!.
أبو وسام: لا أنا أبغى أروح مع عمك نسأل الدكتور عن حالة أمك.
وسام: طيب أنا أسيبكم مع السلامة.
أبو فارس+أبو وسام: مع السلامة.
راح وسام يدور على الغرفة شاف أريام جالسة على أحد الكراسي وحاطه يدها على وجهها راح لها وسام وجلس جمبها.
وسام: أريام أش فيك؟.
أريام وهيا تبكي:لمن دحين الدكتور ماخرج وأنا خايفة ليكون صار في ماما شي.
وسام: لاحول ولا قوة إلا بالله أن شاء الله مو صاير ألا كل خير فين خالتي أم فارس!؟.
أريام وهيا قاعدة تمسح دموعها بيدها: راحت الحمام.
أريام: وسام ممكن توديني البيت عند ريناد؟ أخاف تصحى وماتلاقي أحد.
وسام وهوا يخبط راسوه بيده:أووه صح أنا كنت رايحلها.
ديما:رايحلها فين البيت؟.
وسام بتردد: صراحه واللي أنتي ماتعرفية أنو أمي تعبت بسبب ريناد .............>>وحكاها كل اللي صار.
كانت أريام تسمع أخوها وعينها مليانة دموع نفسها تنفجر بالبكاء وأخيراً خرج الدكتور بس كان شكله مايطمن خاف وسام وقام بسرعة.
وسام: دكتور في شي؟؟؟.
الدكتور: أنت أش تقرب للمريضة.
وسام بسرعه: ولدها.
الدكتور: خير أن شاء الله أحنا مطرين نسويلها عملية بسيطة ونبغاك توقع على الأوراق.
وسام وأريام طالعو في بعض وقالو بصوت واحد:عمليـــــــــــــــــــة!!!!!!!!!!!.
وسام: أيش سببها؟
الدكتور: صراحة قلبها شويه تعبان ولازم نسوى العملية بسرعة قبل ماتتعب زيادة.
وسام: يلا أنا جاي أريام روحي عند ريناد.
أريام: طيب كم رقم الغرفة؟.
وسام بصوت عالي لأنه صار بعيد شويه:450.
تاهت أريام بأفكارها اللي توديها وتجيبها جلست تفتكر الأحداث اللي صارتلهم من الصباح في البداية ريناد ودحين أمها الله يستر جات أريام تبغي تقوم اللا شافت أم فارس جايه واللي كانت ناسيتها بالمرة والدليل أنها كانت حتروح لأختها.
أم فارس: آسفة أريام أتأخرت عليكي.
أريام: لا خالتي عايدي.
أم فارس: طمنيني خرج الدكتور ولا لساتو؟.
أريام: لاخالتي خرج بس قال أنهامحتاجة لعملية سريعة.
أم فارس: عملية!!.. لاحول ولاقوة إلا بالله طيب خليكي هون أنابروح أطمن على ريناد.
أريام: خالتي ريناد الحمدلله طيبة ونقلوها غرفة خاصة وأنا دوبي كنت رايحتلها .
أم فارس: الحمد لله على سلا متها عقبال الوالدة أن شاء الله طيب خلاص أنتي روحيلها وأنا أقعد هنا لمن أطمن على الوالدة.
أريام: مشكورة خالتي>>ومشيت خطوتين وبعدين رجعت.
أريام: خالتي ممكن أطلب طلب.
أم فارس: أمرى حبيبتي عيوني ألك.
أريام: تسلم عيونك بس كنت أبغي أدق على ديما أخليها تجي تجلس معايا.
أم فارس:متل مابدك.
أريام: مشكورة خالتي.
وراحت أريام تمشي في الممرات تدور على غرفة أختها وفتحت باب لاكن أتفاجئت بوجود طفل على السريرو جمبو حرمة أتفجعت أريام وخرجت بسرعة من الغرفة وسكت الباب وطالعت فوق الغرفة وابتسمت لأن الغرفة كان رقمها451رجعت أريام على ورة شوية وفتحت الباب وابتسمت وسكت الباب وراحت جلست في الكرسي اللي جمب السرير كانت أختها نايمة والمغذي في يدها مسحت أريام على راس ريناد.
أريام: اوه ه صح نسيت أتصل على ديما.
خرجت أريام جوالها اللي كان نوعو الخيال المطور لونو وردي ودقت على ديما.
أريام:ألوو.
ديما:ألو>>بصوت باين عليه النوم.
أريام: وجع في شكلك أنا في المستشفى وأنتي نايمة.
ديما: صراحة كان نفسي أجبيك بس ماما ماراح تخليني.
أريام: لاتخافي أنا قلتلها قالتok.
ديما: من جد أجل خلاص دحين جيتك.
أريام:يريت بسرعة عشني خايفة لوحدي وراح تل.....>>وقبل لاتكمل أريام كلامها.
ديما: خلاص بلا صجه قلتلك جاية باي>>وقفلت.
قامت ديما من السرير ودخلت الحمام وغسلت وجهها وبسرعة غيرت ولبست العباية وفجأه جوالها دق معلن وصول رسالة خرجت ديما جوالها من الشنطه اللي كان نوعوN73وفتحت الرسالة اللي كان مكتوب فيها*يريت مرة ثانية الرجة تسييبيها وتسمعي كلامي للآخر بس كنت أبغى أقلك تلاقيني في غرفة رقم450*
ضحكت ديما ونزلت بسرعة واتفاجئت بوجود تركي في الصالة قاعد يتفرج تلفزيون.
ديما: تركي.
تركي ويلتفت عليها: بسم الله الرحمن الرحيم أيوه تركي وبعدين تعالى على وين العزم أن شاء الله ؟؟.
ديما:لاولا شي بس كنت رايحه المستشفى عند أريام.
تركي باستغراب: مستشفى خير أن شاء الله أش صار!؟.
ديما: بعدين أقولك بس يلا بسرعة تبى تودينى والا أروح مع السواق؟.
تركي: لاخلاص أوديكي بس أروح ألبس ثوبي.
في بريطانيــــــــــــــــا........
نقزو أثنين عشان ينقظو عهد اللي شربت نص موية البحر مبالغه طبعاً وشوق قاعدة تبكي على صحبتها خايفة ليكون صارلها شي واللي قهرها أنو الشباب قاعدين يضحكو ويتريقو على عهد بعد ما خرجو عهد من المويه لفو عليها منشفة وهيا قاعدة تكح وشوق راحتلها جري.
شوق:عهد حبيبتي حاسة بشي..؟ تعبانه..؟ تبغي موية؟.
عهد:أح أح شوي شوي علي أح أح.
شوق:هههههه آسفة بس خفت عليكي.
عهد:أح أح طيب خلاص ممكن نروح الشقة.
شوق: أكيد وهيا يحتجلها سؤال .
ملاحظة(عهد وشوق ساكنين في شقة وحدة عشان المدينة اللي تدرس فيها عهد غير المدينة اللي ساكنين فيه أهلها وهذا طبعا على حسب مستوى الجامعة).
نرجع لجــــــــــدة..................
بيت أبو أحمد....
أحمد كان خارج من غرفتو رايح على الحمام ومر من غرفة أخواتو وسمع صوت ضحكات استغرب وفتح الباب فجأة بدون أستأذان .
.......:يلا باي أكلمك بعدين>>بصوت واطي.
أحمد وهوا معصب:ريم مين كنتي تكلمي؟
ريم والي بدأ عليها الأرتباك: ها...لا.....هادي صحبتي عفاف.
أحمد واللي بدأ يشك: عفاف الساعة9ونص صباح>>وهوا يطالع في ساعتو.
ريم: إذا منت مصدق تعال عيد الرقم وشوف>>وهيا مادة الجوال مسوية شجاعة وهيا من قلبها تدعي أنو مايجي.
أحمد :بنات آخر زمن>>وشمق فيها وخرج وسك الباب بقوة.
في المستشفى..........
طـق طـــق
أريام:مين؟.
ديما: أنا ديما.
أريام واللي ماكانت عارفه أنو ديما جاية مع تركي فتحت الباب .
أريام: بدري ساعة و.........
انتبهت لوجود تركي وحطت الطرحة على راسها وردت الباب شوية ووجها سار أحــــــــمر تركي حس أنو أحرجها.
تركي:السلام عليكم.
أريام بصوت واطي: وعليكم السلام.
تركي: الحمد لله على سلامة ريناد وعقبال الوالدة.
أريام: الله يسلمك.
تركي: يالله عن أذنكم أنا رايح أشوف وسام.
ديما: أذنك معاك.
أريام سرحت ونسيت أنو ديما بره.
ديما وهيا تدق الباب: هي تراني لسه بره.
أريام وتفتح الباب: أوه نسيت.
ديما وتطالعها بخبث: وين رحتي؟.
أريام وهيا تسك الباب: ولا مكان معاكي.
ديما: متأكدة؟؟.
أريام :ديــــما.
ديما: خلاص بسكت.
ودخلو وجلست أريام على السرير وديما على الكرسي.
ديما: كيفك ريناد؟
ريناد والدموع متجمعة في عينها: أبغى ماما.
ديما: صح أريام كيف حال مامتك؟.
أريام وتغمز لديما: طيبه هيا أصلاٍ في البيت راح تجي في العصر>>تبغى ديما تغير الموضوع عشان ريناد.
ديما واللي فهمت:ريناد شغلي التلفزيون خلينا نشوف لنا مسلسل والا أي حاجه.
ريناد: طيب>>ومسكت الريموت وشغلت التلفزيون.
وفي هذا الوقت كان تركي يدور على وسام وشافو جمب غرفة العمليات ومرتكز على الجدار وشكلو خايف مرررره وكانت أم فارس جالسه على الكرسي وقرب تركي من وسام.
تركي بصوت واطي: وسام.
وسام بصوت مخنوق: هلا تركي>>ومد يده يسلم عليه.
تركي: وسام طمني على الوالدة أن شاء الله بخير؟.
وسام: الحمد لله.
تركي: أمي وين أبوي؟.
أم فارس: مع عمك.
تركي: أجل خلاص بقلو تروحو البيت وأنا بقعد مع وسام وعمي.
ودوبهم جو أبو وسام وابو فارس واللي عرفو انو أم وسام في غرفة العمليات.
أبو وسام: ها وسام طمني .
وسام: لسا الدكتور مالو إلا نص ساعة جوه.
أبو فارس ويحط يده على كتف أخوه: صلى على النبي أن شاء الله موصاير الا كل خير.
أبو وسام: صلى الله عليه وسلم.
تركي: أبويه شكلك تعبان روح البيت مع الوالدة وأنا بقعد هنا مع عمي.
أبو فارس وهوا يطالع في أخوه: بس..>>وقبل لايكمل.
أبو وسام: لابس ولا حاجه تركي معاه حق .
أبو فارس: أجل يالله ياأم فارس بس من العصر حنكون هنا.
أبو وسام: أن شاء الله يالله مع السلامة.
أبو+أم فارس:مع السلامة >>وراحو.
أبو وسام:وسام رحت شفت أختك؟.
وسام بصوت باين عليه التعب: لاوالله ماشفتها.
أبو وسام: طيب خلاص روح شوفها الدكتور قال ممكن تطلع اليوم.
وسام: أن شاء الله تركي تجي معايه؟.
تركي:لاأنا أبغى أقعد مع عمي مايصير نخليه لوحدو.
وسام: براحتك>>وراح.
أبو وسام طالع في تركي وأبتسم:الله يسعدك ياولدي.
راح وسام ووصل الغرفة وماكان يدري أنو ديما عند أريام ودخل بدون مايدق الباب وفجأة.
وسام:بووووووووووووووووووووو>>حاب يلطف جو الاكتئاب.
أريام وانفجعت للآخر:بسم الله وجع في شكلك فجعتني.
وسام:هههههه فمين كنتي مسرحة؟ اعترفي.
ومن حسن حظ ديما أنها كانت في الحمام ولمن جات تبى تخرج سمعت صوت وسام فرجعت الحمام ثاني مسكينة راح تنحبس.
وسام: كيفك رنودة حبيبتي؟.
ريناد:....
وسام: أشبها الحلوة ماترد ليكون زعلانه مني؟.
ريناد: لابس أبغى ماما>>ومدت بوزها استعداد للبكا.
أريام تبى تغير الموضوع : أيوه وسام يريت تفارق عشان ديما من أول قاعدة في الحمام.
وسام باستغراب:هي ديما هنا؟؟!!.
أريام:أيوه ويلا بسرعه بلا كثر هرج.
وسام: طيب شوي شوي أكلتيني أنا دحين حروح أخلص أوراق ريناد عشان تتطلع.
أريام بفرحه: من جد الله يسعدك يشيخ.
ديما:اتسس.
أريام:حرام عليك البنت أن كتمت.
وسام:ههه يلا باي.
ديما: بايات.
وأول ماخرج خرجت ديما.
ديما: حرام عليكي هذا كلو سواليف مع أخوكي؟.
ريناد:هههههه.
أريام : تسلملي ذي الضحكة لو أدري أنو حبست ديما راح تعجبك كنت حبستها من زمان.
ديما: هي هي هي دمك خفيف خليني أتصل على تركي أحسلي أروح بدل الجلسة معاكي.
لمن سمعت أريام أسم تركي أفتكرت الموقف وابتسمت خرجت ديما جوالها عشان تكلم أخوها.
ديما: الو.
تركي بطفش: خير إش عندك.
ديما: بسم الله عليه سلم أول بعدين أضارب.
تركي: ترى لو ماتكلمتي راح أسك السماعة في وجهك.
ديما: خلاص بتكلم ممكن ترجعني البيت؟.
تركي: بالله أحلفيلي أقول تراني مني فاضي أرجعي مع وسام>>وقفل الخط من غير مايستنى ديما تقول حاجه.
ديما وهيا تطالع في الجوال: أعوذ بالله إش فيه هذا؟.
أريام: أشبك؟
ديما: تركي معصب مدري إش فيه يقول أروح معاكي هوا مو فاضيلي.
أريام: طيب عادي أش فيها.
ديما نزلت راسها يعني يعني تستحي.
أريام: يعيني على اللي مستحيين أقول كلها نص ساعة يخلص فيها وسام أوراق ريناد وبجينا ok؟
ديما باستسلام:ok.
ومرت النص ساعة بسرعه كانت أريام وديما يتفرجو فيها على الجاسوسات مع ريناد وفجأه دق جوال أريام.
أريام:ألو.
وسام : تراني خلصت ودحين جاي يلا أتجهزي.
أريام: لا خلاص لاتجى ولا حاجه روح على السيارة أصلا أحنا متجهزين ودحين نجي.
وسام: مين أنتو؟.
أريام:يعني مين أنا وديما يلا باي>>وسكت التلفون.
ابتسم وسام على خبالة أختو وراح السيارة وقربها من المدخل وجو البنات وفتحت أريام الباب لديما لأنها كانت شايله ريناد لأن أريام تعبانه وأول مادخلت ديما السيارة.
ديما: السلام عليكم.
وسام: وعليكم السلام كيفك ديما.
ديما: الحمدلله.
دخلت أريام وسكت الباب بقوه والتفت عليها وسام.
وسام: بشويش على السيارة تراها جديدة.
اريام وكشفت الطرحة: عارفه بس ممكن تودي البنت بيتها .
وسام: من عيوني.
كانت ديما ماسكه الضحكة لمن كانو أريام ووسام يتناقرو بس أول ماقال وسام من عيوني سكتت ماتدري ليش حست بشعور غريب في قلبها ماتدري أش سببو المهم طول الطريق محد اتكلم كل واحد يفكر في اللي صار وفي اللي حايصير وصلو بيت أبو فارس.
ديما وهيا خارجه: شكراً.
أريام: لاعادي.
وسكت ديما الباب ومشيت السيارة وأول مادخلت ديما البيت يعني في الحوش شافت أخوها فارس ماسك شنطة سفر استغربت ديما.
ديما: خير أنشاء الله على فين؟.
فارس: أنا اللي أسئلك أول أنتي فين كنتي.
ديما: انا كنت في المستشفى مع أريام.
فارس: آه طيب هم في أي مستشفى؟.
ديما: ماله داعي تروح تركي هناك.
فارس:تركي!أش وداه هناك؟.
ديما: هوا اللي وداني.
فارس وعقد حاجبوه: ومع مين رجعتي؟.
ديما واللي بدأت تطفش من الأسئلة: مع وسام.
فارس: طيب يلا عن أذنك.
ديما: لحظه دحين أنت سائلين 4أسئله وأنا متحملة وقاعدة أجاوبك بس عشان تجاوبني على سؤالي الوحيد أنت فين رايح؟.
فارس بابتسامه:أن شاء الله على مكة.
ديما: تروح وترجع بالسلامة ولا تنسى تدعى لمرت عمي تقوم بالسلامة.
فارس: أن شاء الله فمان الله.
ديما: مع السلامة.
هذا الي قدرني ربي اكتبووو ان شاء الله عجبكم
ولا تحرموني من ردودكم الحــــــــــــــــــــــــلوووه
وتوقعاااااااااااااااااااااتكم وشكرررراااااا

[آآه من الغربه]

مشكووووووووووره

[هدوء فراشة]

مشكوووووورة اختي وننتظرك ياليت ماتتأخرين

[to0ojy]

مشكوره على الجزء هذا

وننتظر الجزء الجاي

[البنت الخجوله]

العفووووووووو
وشكرا على مرورك وردك واهتمامك بالقصه
وان شاء الله قربي اكملها

[البنت الخجوله]

مشكوره اختي هدوء فراشه على الرد وان شاااااء الله قريب اكملهاااا
وشكراااااااااااااااااااااااا:dfr3

[آآه من الغربه]

وووينـــــــــــــــــــــــــــــــــــــــــــــ ـــــــ طولتي ــــــــــــــــــــــــــــك

[ام دلال م]

الله يوفقك ان شاء الله

[كتكووووووته]

ماشاء الله عليكي رووعه
ولتتاخرين في الجزء الي بعده

[اصدق المشاعر]

يالله بليزززززززززززززز بسرعة

[البنت الخجوله]

معليش بنات على التاخيررررر
اتفضلووو
الجزء الرابع::..
دخلت ديما البيت ولقيته هدووء طلعت لفوق ولقيت لينا في الصاله قاعدة تتفرج تلفزيون .
ديما: السلام عليكم.
لينا وهيا تطالع فيها: أهلين ديما .
راحت ديما وجلست جمبها.
ديما: ليش مانمتي لحدت دحين.
لينا: ما جاني نوم فطرت وقلت خلين أتفرج على التلفزيون شوي.
لينا: ديما روحي نامي شكلك كتيير تعبانه.
ديما وهيا تطالع في الجوال اللي في يد لينا: متأكدة تبغين أنام عشني تعبانه.
لينا: عندك شك؟.
ديما: لا سلامتك بس سلميلي على هاني إذا أتصل>>وقامت جرى قبل لاتجيها خبطه من لينا.
دخلت ديما لغرفتها وارتمت على السرير ومن شدة التعب نامت من دون ماتفصخ عبايتها.
في بيت أبو ريماس.....
ريماس حضرتها دوبها صاحية من النوم ومهي داريه عن الدنيا دخلت الحمام وغسلت وجهها ونزلت تحت ولقيت أمها تحت .
ريماس: صباح الخير ياوجه الخير>>وسلمت على راس أمها .
أم ريماس: أي صباح خير الساعة دحين11.
ريماس: من جد حسبتها10>>تستهبل.
أم ريماس: طيب روحي شوفي الفطور في الثلاجة خلي ماريه تسخنلك هوا.
ريماسok :>>وراحت.
دق التلفون وردت أم ريماس عليه.
أم ريماس:ألو.
......: السلام عليكم.
أم ريماس: وعليكم السلام كيفك مي.
أم فارس: نحمد الله كيفك أنتي والبنات.
أم ريماس: الحمدلله كلنا بـ1000 خير.
أم فارس: الحمد لله معليش مروه ماراح أطول عليكي بس حبيت أخبرك شو صار لأم وسام .
أم ريماس: خير أن شاء الله أش فيه؟.
أم فارس: والله هيا هلأ بالمستشفى مشان...................>>وحكت لها كل اللي صار.
أم ريماس: لاحول ولا قوة الا بالله كل هذا صار وأنا ماأدري.
أم فارس: اعذريني أختي بس متل مابتعرفي الوقت كان كتيير ضيق وما لحقت أخبرك.
أم ريماس: حصل خير طيب هما دحين في البيت لحالهم؟.
أم فارس : للأسف أيوه.
أم ريماس : طيب أش رايك نرحلهم؟.
أم فارس: فكره كتير حلوه خلاص أن شاء الله كلها ساعة وأكون هناك مع السلامة.
أم ريماس : مع السلامة>>وسكت الخط.
أم ريماس: ريمـــــاس ريمــــــــــاس.
ريماس وجات تجري: خير ماما أشبك؟.
أم ريماس: بسرعه خلصي فطور عشان دحين بالنروح بيت عمك خالد.
ريماس: دحين غريبة!.
أم ريماس: أصلاً أنتي منتي عارفه أش اللي صار أمهم دخلت المستشفى وهما لحالهم في البيت.
ريماس: مستشفى!
أم ريماس: أيوه وبسرعه وبلا كثر أسئلة.
وطلعت ريماس لغرفتها وفكرت تتصل على ديما تخبرها باللي صار مسكينة ماتدري أنها تعرف من قبلها ودقت على جوالها ولقيتو مقفل ودقت على البيت.
ريماس: ألو السلام عليكم.
ياسر: وعليكم السلام مين معي؟.
ريماس: أنا ريماس.
يتابع......

[البنت الخجوله]

ياسر: هلا والله ببنت العم كيفك؟.
ريماس واللي استحت من أسلوب ياسر: الحمد لله أنت كيفك؟
ياسر واللي عجبو صوتها: أنا... الحمد لله>>كان بيقول طيب دام سمعت هالصوت بس أتردد.
ريماس: ممكن ديما؟.
ياسر:صراحه متوقعتك كذا.
ريماس استغربت: ليش؟!؟!.
ياسر: يعني ماسئلتي عن عمك .
ريماس: اعذرني لأني صراحه مره مستعجله.
ياسر: okماحصل شي وصراحة ديما نايمة.
ريماس: طيب شكرا مع السلامة.
ياسر: مع السلامة.
لبست ريماس بسرعة ونزلت تحت ولقيت أمها قاعدة تستناها.
ريماس: سوري أتأخرت.
أم ريماس: لاعادي .
وخرجو وركبو السيارة.
جورج:ماما فين أبى روه؟.
أم ريماس: بيت أبو وسام.
جورج: حاضر ماما>> وحرك راسو.
وفي الطــــــــريق
أم ريماس: أوه نسيت إيناس لحالها في البيت.
ريماس: عادي هيا مو صغيرة.
أم ريماس: أقول أسكتي بس قال مو صغيره أجل أنتي الصغيرة>>وطلعت جوالها واتصلت على البيت.
ماريه: ألو.
أم ريماس: ماريه انتبهي علي إيناس إذا صحيت وحطيلها الغدى أنا كلها ساعتين وراجعه.
ماريه: حاضر ماما.
وصلو بيت أبو ريماس وأول مادخلو استقبلتهم أريام ودخلتهم الصالة.
أريام: هلا خالتي أش لونك؟.
أم ريماس: بخير الحمدلله وآسفين على التقصير والله مادرينا الا دوبنا.
اريام: لاخالتي عايدي لاتقصير ولا حاجه ريناد الحمد لله خرجت والوالدة أن شاء الله بكرا تطلع.
ريماس: أحم أحم.
أريام: هلا والله كيفك؟.
ريماس: أخيراً أنتبهتيلي أنا بخير والحمد لله على سلامة ريناد.
أريام: الله يسلمك.
أم ريماس: يالله عقبال مانجي نتحمد على سلامة الوالدة.
أريام: الله يسمع منك خالتي.
وشوية ودق الجرس..
أريام: عن إذنكم أروح أشوف مين>>وقامت.
راحت أريام تفتح الباب بس أيتي سبقتها وفتحت الباب.
أريام: هلا والله بخالتي>>وسلمت عليها.
أم فارس: هلا ببنتي أريام كيفك حبيبتي.
أريام: الحمد لله كيفك وكيف عمي أبو فارس؟.
أم فارس: كلنا بخير مو ناقصنا غير خرجت أمك بالسلامة.
أريام: الله يسمع منك خالتي الا أديما ماجات معاكي.
أم فارس: لاوالله يابنتي لئيتها نايمه شكلها كتير تعبانه.
أريام: اعذريني خالتي تعبتها معايه.
أم فارس: ولو تعبكم راحة.
أريام: تسلمي معليش أتفضلي>>وأخذت منها العباية.
ودخلت أم فارس وسلمت على ريماس وأمها بعدين دخلت أريام ومعاها العصير وقدمتو لهم وحطت التبسي على الطاولة وجلست وكان باين عليها التعب.
يتابع............

[البنت الخجوله]

أم فارس: روحي يابنتي نامي شكلك من أمس مانمتي.
أم ريماس: أي والله ولا تشيلي همنا مو البيت بيتنا والا أنا غلطانة؟.
أريام: لا منتي غلطانة بس مو حلوه أروح وأسيبكم و........>>وقبل لاتكمل .
قامت ريماس ومسكت أريام من يدها وقومتها .
ريماس: تراكي صجيتينا أطلعي نامي أحسلك>>وصلتها لين الدرج.
أريام: آي عورتيني.
ريماس: عشان تسمعي الكلام من البداية.
أريام: يعني خلاص أطلع.
ريماس: خلاص مافي أمل.
أريام: أمري لله باي.
ريماس: بايات.
طلعت أريام ومرت على غرفة أخوها..
طق طق.
وسام: مييييين.
أريام: أختك المصونة.
وسام: ههه أتفضلي.
دخلت أريام وهيا مبتسمة ولقيت أخوها مسدوح على السرير.
أريام: هاي كيفك.
وسام: أخلصي شكلك عندك سالفة.
أريام: هههه ماشاء الله عليك تفهمها وهيا طايره.
وسام: يعني من جد عندك شي.
أريام: تقريباً بس حبيت أقولك أنو عندنا ضيوف.
وسام باستغراب: ضيوف مين؟؟!!.
أريام: ابد بس خالتي أم فارس وأم ريماس وريماس.
وسام: آه يعني أيش المطلوب مني.
أريام: باختصار لاتاخذ راحتك في الطلعة والدخلة قبل لاتتنحنح>>يعنى أحم أحم.
وسام: ليه هوا أنتي ماراح تكوني موجودة.
أريام بخجل: صراحه لا بروح أنااااااام.
وسام ورافع حاجبو: أيش أيش ماسمعت أقين>>ويمسك أذنو.
أريام: اللي سمعته.
وسام عصب وجلس: أنتي مجنونه والا مجنونه؟.
أريام تبي تهدي: لامجنونه الثانية.
وسام وماسك الضحكة:تستهبلي أنتي.
أريام: وسام صراحه أنا مرة تعبانه من الصبح وأنا في المستشفى وهما أجبروني أني أطلع أنام .
وسام واللي بدأ يحن على أختو: طيب خلاص روحي نامي بس ساعتين وتقومي.
أريام نطت على أخوها وباسته.
أريام: شكراً يا أحلى أخ في الدنيا>>وراحت جري على غرفتها.
تحت في الدور الأول دخلت أم فارس وأم ريماس المطبخ عشان يسو الغدى أما ريماس كانت تتفرج على التلفزيون.
ريماس: أفف والله طفش خليني أدق على ديما بس أن شاء الله تكون صحيت.
وشالت السماعة ودقت على بيت ديما.
في بيت أبو فارس...
ترررررن ترررررن
ديما: ياسر شوف مييين.
ياسر: ولي أنتي أن شاء الله ماتردي.
ديما: عشان أنتا أ قرب.
ياسر: ماني راد منتي شايفتني قاعد أقرأ جريده.
ديما: ياسبحان الله دوبها نزلت الثقافة>>وقامت عشان ترد على التلفون.
ولسوء حظها وقف عن الرن بس رجع دق مره ثانيه وأول مادق بسرعه ديما رفعت.

[البنت الخجوله]

ديما: ألو.
ريماس: ساعة ليش ماتردي.
ديما:أهلين ريماس طيب سلمي بعدين أتضاربي.
ريماس: كيفك.
ديما اللي انتبهت أنو ياسر معاها: تمام دامي سمعت صوتك.
ريماس: أنتي طبيعيه.
ديما: الحمد لله100% الا ماقلتيلي أنتي ليش متصلة.
ريماس: يعني الواحد مايتصل الا إذا كان يبغى شي ماينفع تكوني وحشتيني؟.
ديما: هههه صدقتك.
ريماس تسوي نفسها زعلت: طيب يلا باي.
ديما: لالالالالا أمزح معاكي.
ريماس: طيب خلاص رضيت بس بشرط.
ديما: تدللي.
ريماس: تجي بيت عمي خالد؟
ديما: عساكي عندهم.
ريماس: أيوه عندهم عندك مانع؟.
ديما: لا ماعندي مانع بس كان المفروض تقولي لي وبعدين تعالي من متى أنتي أن شاء الله عندهم؟.
ريماس: بسم الله شوي شوي أولاً أنا مالي ألا ساعة وثانياً أنتي كنتي نايمه.
ديما: أيوه صح خلاص شوي وأنا عندك.
ريماس: بسرعه لاتتأخري باي.
ديما: بايات>>وسكت التلفون .
ديما: ياااااسر.
ياسر وانتبه على نفسو: هاا.
ديما بخبث: فين رحت.
ياسر: أش قصدك؟.
ديما: سلامتك ماقصدي شي بس ممكن تودين بيت عمي خالد؟.
ياسر: طيب بسرعة عشان عندي مشوار.
ديما:10دقايق وأكون عندك.
طلعت جري لغرفتها وراحت لبست بنطلون جنز وتيشيرت لونو وردي ومرسوم في النص دبدوب وحطت مرطب ورفعة شعرها ولبست عبايتها ونزلة بسرعه ولقيت ياسر يستناها في السيارة.
ديما: سوري أتأخرت.
ياسر: لاعادي>>ومشي.
في بريطانيـــــــــــا
كانت الساعة 10 بالليل وكانت عهد تتفرج تلفزيون وشوق تسوي نسكا فه وشويه دق التلفون.
تررررن تررررن
عهد: شوق شوفي التلفون.
شوق: وأنتي أن شاء الله ليش ماتقومي رجلك مكسورة.
عهد بدلع: شوق بليز مابغى أفوت لقطه من البرنامج.
شوق: أفف أمري لله كم عهد عندي>>وراحت رفعت التلفون.
شوق: ألو.
......:السلام عليكم.
شوق: وعليكم السلام.
.........: عهد موجودة ؟.
شوق: لحظه.
عهد محذرتها تقول لأي أحد أنها موجودة الا بعد ما تسألها.
شوق بصوت واطي: أمك على التلفون.
عهد: أفففف قوليلها نايمه>>وتأشر بيدها.
شوق بحزن: معليش خالتي هيا دحين نايمه.
أم عهد: طيب يابنتي خليها بكره تكلمني عشنها وحشتني.
شوق: أن شاء الله تامري على شي.
أم عهد: سلامتك في أمان الله.
شوق: مع السلامة>>وسكت التلفون.
وقفة شوق متفاجئه من عهد معقوله في أحد بهاذي القساوه في أحد مايرضى يكلم أمو المفروض تحمد ربها أنو عندها أم بتسأل عليها وراحت جابت النسكافة و جلست جمبها وأعطتها كوبها.
عهد وهيا تطالع فيها: أشبك؟.
شوق: لاولا شي.
وجلسو يتفرجو على البرنامج.
ملاحظة(أم وأبو شوق منفصلين أبوها في بريطانيا متزوج من وحده بريطانيا ممشيتو على كيفها وأمها في السعودية في الرياض ومتزوجة من واحد غني لاكن أكبر منها بـ15سنه غصبوها أهلها عليه)
في جده وفي المستشفى...
كان أبو وسام جالس في الكراسي اللي جمب غرفة العمليات أما تركي كان متكي على الجدار وكل واحد فيهم شارد بفكرو والا شويه تخرج الممرضة من غرفة العمليات جري حتى ما مداهم يكلموها.
أبو وسام واللي بدأ يخاف: هاذي أشبها>>ويأشر على جهة الممرضة.
تركي: والله ماأدري علمي علمك.
وبعد عشره دقايق خرج الدكتور وقاملو أبو وسام.
أبو وسام: هادكتور أش صار؟.
الدكتور ويرفع راسه: الحمد لله على سلامة المدام.
أبو وسام موقادر يصدق اللي سمعو قبل شوي أخيراً أخيراً ومن شدة الفرح بدئت عيونو تدمع ورحلو تركي ومسكو من كتوفو.
تركي: الحمد لله على سلامة خالتي.
أبو وسام وهوا مبتسم: الحمد لله الحمد لله وشكراً على وقفتك معايا والله تعبتك.
تركي: التعب راح يوم سمعنا هالخبر.
الدكتور: لو سمحت أخوي لازم تجي معاياه عشان في أوراق لازم توقع عليها.
وراح أبو وسام مع الدكتور غرفتو ووقع على الأوراق.
الدكتور: صراحه ياخوي المدام لمن دحين حالتها مستقره بس ممكن تتغير لو في أحد زعلها والا اتعرضت لصدمه جديدة.
أبو وسام: يعني أيه؟؟!.
الدكتور: يعني خلي بالك عليها ولاتزعلها.
أبو وسام: أن شاء الله.
وشوية جا للدكتور تلفون وبعدين.
الدكتور: ممكن تتفضل نقلوها في غرفة رقم100.
أبو وسام: شكرا مع السلامة.
الدكتور: مع السلامة.
خرج أبو وسام وراح لغرفة رقم100وفتح الباب وشاف مرته نايمه ودمعت عينو وشوية دق جوالو ورفعو بسرعه قبل لاتصحى.
أبو وسام بصوت مخنوووووق:الو.
وسام أنفجع من صوت أبوه: أمي صارلها شي.
أبو وسام: بسم الله عليها أمك الحمد لله طلعت بالسلامة.
وسام بفرح: الحمدلله طيب دحين أنا جاي بس أنتو فأي غرفه.
أبو وسام:غرفة رقم100.
وسام : طيب مع السلامة.
أبو وسام: مع السلامة.
قام وسام من السرير وراح لبس ثوبو والشماغ والتعطر وخرج من الغرفه وراح لأختو عشان يقولها ولمن وصل لغرفتها فتح الباب بشويش وشاف أختو نايمه وشكلها مره تعباااان وماحب يصحيها طلع من الغرفه ونزل وهوا نازل كان مسرح ويفكر في أمه ونسي أنو في أحد في البيت وفجأه .
.......:آه.
وسام أنتبه أنو خبط في أحد:أوه آسف.
ديما والي ميييته من الخجل: لاعادي.
ولحسن حظها أنو الطرحة كانت على كتفها فرفعتها على راسها بسرعه وكمان لحسن حظها انو جوال وسام دق.
وسام في قلبو: هذا وقتو.
وسام: عن أذنك>>وراح.
ديما في قلبها: أو مايقاد صراحه موقف لاأحسد عليه.
وشويـــــــــــه
..........:بووووووو.
ديما: بسم الله فجعتيني.
ريماس: هههههه شوفتك مسرحة قلت خليني أفجعك....الا صح أنتي أش موقفك هنا؟.
ديما: ذكرتيني ماما قالتلي أصحي أريام عشان تتغدى.
ريماس:طيب يالله>>وطلعو.
في المستشــفى...
وصل وسام وطلع لغرفت أمه ودق الباب طق طق طق
أبو وسام: أتفضل.
ودخل وسام وكان ماسك باقة ورد أحمر وأبيض وعليها كرت على شكل قلب مكتوب عليه الحمد لله على السلامة يالغالية
وسام: السلام عليكم ياأحلى أم في الدنيا>>ورحلها وسلم على يدها وراسها.
أم وسام: الله يسعدك ياولدي>>ونزلت من عينها كم دمعة.
وسام:طيب ليش هذي الدموع ترى ماتسوى.
وسام والتفت على أبوه: كيفك يالغالي.
أبو وسام: بخير دام الحلوة بخير>>ويطالع في أم وسام.
وسام: يهو أمووت أنا على الرومنسيه.
أبو وسام حاب يغير الموضوع: وسام روح سجل خروج لأمك.
وسام: أن شـــــــــاء الله ولوني عارف أش المعنى>>وخرج.
وصل وسام عند الاستقبال واتفاجئ بتركي ضارب صحبه مع موظفي الاستقبال قهوة وشاهي وحكاوي مسكين من الطفش.
وسام: هلا يالحبيب أخبارك.
تركي: زي منتا شايف الا أنت طمني على الوالدة.
وسام: والله الحمد لله وها شوفني جاي أسجلها خروج.
تركي: الحمد لله على سلامتها أجل أنا أروح انتهت مهمتي.
وسام: لا لسه ما انتهت بقيلك المرحله الأخيره واللي هيا أنك تجي معايه البيت تشرب قهوة.
تركي: قهوة أيش حرام عليك بطني تبى تنفجر تقو اللي قهوه وبعدين الأهل في البيت أكيد قاعدين يحاتوني.
وسام: أذا كان على الأهل تطمن تراهم عندنا في البيت.
تركي : عندكم؟!.
وسام: أيوه عندنا أشبك انفجعت.
تركي: لاعادي بس معليش أنا تعبان وأبا أروح أنام وبركه انك قلتلي عشان أمر عليهم.
وسام : براحتك مع السلامة.
تركي:في أمان الله.
خرج تركي من المستشفى وركب السيارة واتصل على أمو عشان يقولها بس ماترد كالعادة جوالها على الصامت واتصل على ديما بس لقي جوالها مقفل مافيلو شحن عاد أش يسوي أكثر من كذا ورحلهم.
في بيت أبو وسام خلصو من الغدى وقاعدين يشربو شاهي ونعناع.
أريام: تسلم يدك ياخالتي صراحه الغدى يجنن.
أم ريماس: الله يسلمك بس أن شاء الله يكون عجب ريناد؟.
ريناد: أيوه ماشاء الله كان مرررررررررررررررره حلو.
الجميع:ههههههههههه.
أم فارس: شايفتكم آعدين عم تتغزلو في أكل مروه بس مافي حدا حكى على الورق العنب ا شي.
أريام: هو أصلاً يبغالو حكي صراحه أنا خفت لاآكل صوابعي من كثر ما عجبني.
ديما: أيوه صدقتك>>تبى تحرجها.
أريام:ديمـا>>يعني يعني أنكسفت.
يتابع..................

[البنت الخجوله]

دق الجرس وكانت أم ريماس قايمه عشان تفتح الباب .
أريام: خليكي خالتي هذا أكيد وسام>>وقامت.
كانت لابسه برموده جنز وبلوزه عريان لونها موف وكانت فالته شعرها اللي يوصل لتحت ظهرها ولابسه طوق لونو موف وفتحت الباب.........صنمو الأ ثنين وبعد ثانيتين ابتسم تركي والا استوعبت أريام ورجعت ورى الباب وردتوه .
تركي: كيفك أريام.
أريام بصوت بالقوة ينسمع: الحمد لله.
تركي: آسف على اللي سار.
أريام بخجل: لاعادي.
تركي: طيب ممكن تناديلي الوالدة.
أريام ونسيت نفسها: من عيوني>>وراحت.
تركي في قلبو: معقوله هذي الملاك تقو اللي كذا لالا أنا أكيد أحلم وأتمنى ماأصحى من ذا الحلم.
على فكره أريام كانت تحب تركي من زمـــــــــــان من وهيه صغيره بس محد يدري حتى تركي نفسو مايدري.
أريام: خالتي تركي يبغاكي عند الباب.
أم فارس: تركي!....خير أن شاء الله>ووقفت.
ديما: ماما الله يخليكي مانبغى نروح دحين.
أم فارس: دخيلك شوفي الساعة5 وإحنا من 12 هون بدك الناس يطردونا.
أريام: لا أش دعوى خالتي أصلاً أحنى مبسوطين بوجودكم.
أم فارس: تسلمي حبيبتي.
ريناد: أريام عطشانه ممكن تجيبيلي مويه؟.
أريام:من عيوني مو بس أجبلك مويه الا أجبلك الثلاجة كلها>>وراحت.
الجميع:هههههه.
أم فارس: أفففف نسيت تركي هلأ بدو يعصب عن أذنكم>>وراحت.
رجعت أريام وفي الطريق سمعت صوت تركي وهوا يضحك مع أمو .
أريام في قلبها:تسلملي ذي الضحكة.
وصلت أريام ووقفت قدام أختها ومدتلها الكاسه.
أريام: أتفضلي يا أحلى أخت.
ريناد : شكراً.
رجعت أم فارس وهيا تضحك.
أم فارس: هههه والله هالولد مابدو يبطل من حركاتو .
أريام سمعتها وقاعدة مركزه معاها.
أم فارس: يألي لو ما رضيت أرجع معو راح يروح لعند خطيبتو.
الكل ضحك الا أريام اللي فكرت أنو الحكاية من جد.
أريام: عن أذنكم أروح أجيب عبايتك خالتي>>وراحت والدموع مغرقه عينه.
وفي الطريق لمحت أريام عبايه عند الباب واستغربت وراحت عشان تشوف مين هاذي اللي جات ولمن راحت أتفاجئت باللي شافته.
أريام وهيا تبكي:مـــامــــا>>أصلاً الدموع منة أول مجهزه.
أم وسام حضنت بنتها وقاعده تبكي أماوسام كان واقف ومبتسم سمعت ديما صوت البكى ومن اللقافه راحت عشان تشوف أش فيه وأول ماوصلت عند الباب كان وسام في وجهها فبسرعة رجعت من قبل لا ينتبهلها بس عرفت أنو أم وسام رجعت .
ديما: ماما أم وسام جات.
أم فارس: عن جد كلووووووووووووووووووش>>زغريطه.
أم ريماس:الحمد لله على سلامتها.
وسام: خلاص عاد قلبتوها حزن.
أريام تبعد من أمها وتمسح دموعها بيدها: مالك شغل.
ويجي صوت من بعيــــد.
.......:ماما>>وجلست تبكي.
أم وسام وتحضن بنتها: خلاص حبيبتي أنتي ليش تبكي>>وطبعاً لازم من الدموع.
خلاص ان شاء الله اذا شفت ردود اكمل ومعليش على التاخيرررررر

[اصدق المشاعر]

تسلميلى ياالبنت الخجول بجد رووووووووووووعة يالله بليز نزليها بسرعة ورانا اختبارات

[نهى81]

كمليههههههههههههههههههههههههههههههههههههههههههههها بليز
بسرعة أنا وبنت جيراننا ومره انبسطنا

[ام دلال م]

يا اخت الله يوفقك بسرعة
انا انتظر
بليييييييييييييييز

بليييييييييييييييييييييييييييييييييييييييييييييييي ييييييييييييييييييييييييييييييييييييز

[no0oly]

بسرررررررررررررررررعه كمليها

رووووعه القصه

[to0ojy]

يالله كمليها لك اسبوع احنا ننتظرك يالله لا تطولي

[الحائرة2007]

كملي ياقمر صراحة الموضوع مررررررررة حلو
لا تطوليييييييييييييييييين

[نهى81]

ياقلبي عليكي متى تكمليها

[أثير طيبه]

تسلمو شكل القصه حلوه بس ماهي مكمله

[no0oly]

جاااااااااااااااااااااااري الانتظاااااااااااااااااااااااار

[آآه من الغربه]

وووووويـــــــــــــــــــــنـــــــــــــــــــــ كــــــــــــــــ
طـــــــــولــــــــــــــــــتـــــــــيـــــــــ

[to0ojy]

وينك وش فيك طولتي

[البنت الخجوله]

السلام عليكم
معليش على التأخير لانه كان عندنا حاله وفاة

وانا راح اكمل هذا الجزء بس عشان الامتحانات

ادعولي بالتوفيق ...مشكورين على الردود والمتابعه

اتفضلوو

الجزء الخامس::..
ريناد: عشنك رحتي وسيبتيني.
أم وسام: لاحبيبتي أنا ماسبتك شوفيني جمبك>>وقاعده تمسح الدموع من عين ريناد.
أبو وسام: ممكن تكملو بكى جوه عشان الولد قاعد بره مسكين هوا أش ذمبو.
قامت ريناد من فوق أمها وأريام ساعدت أمها على الوقوف ودخلو جوه الصاله وطبعاً هناك سلمو عليها واتحمدو لها بالسلامة ولازم من الدموع أما أبو وسام دخل تركي المجلس بعد معاناه مع تركي لمن وافق.
أبو وسام: معليش ياولدي تعبتك معايه اليوم.
تركي: لاياعمي ترى أزعل.
وشويه دخل وسام ومعاه العصير وقدمو لأبوه وتركي وبعد 10 دقائق.
تركي وهوا يوقف: يلا أنا أستأذن.
وسام: خير أن شاء الله على فين.
تركي: على فين يعني أكيد على البيت.
وسام: والله.
تركي: لاأمزح.
وسام: أكيد تمزح هيا أجلس بلا كلام فاضي.
أبو وسام: صادق وسام على أيش مستعجل أجلس أتعشى عندنا.
تركي: لاياعمي مشكوور مره ثانيه أن شاء الله.
أبو وسام: أن شاءالله سلم على الوالد.
تركي: يوصل مع السلامة.
أبو وسام: مع السلامة.
طلع وسام مع تركي الحوش.
تركي: وسام ممكن تناديلي الأهل؟.
وسام: أن شاء الله.
دخل وسام ووقف عند باب الصاله.
وسام: أريـــام أريـــام.
أم وسام: أريام قومي شوفي أخوكي أش يبغى.
أريام: أن شاء الله>>وقامت.
ريماس وتخبط ديما: بنت .
ديما: وجع أشبك.
ريماس: ليا ساعة أناديك ماتسمعي.
ديما: ها شو بدك>> البنت كانت رايحه في عالم ثاني .
ريماس وتقلدها: ها شو بدك.
ورجعت أريام.
أريام: خالتي تركي يقول يالله راح تمشو.
أم وسام: ليش لسا ما شبعنا منكم.
أم فارس وهيا واقفه: ولا أحنا بس متل مابتعرفي أبو فارس في البيت والوقت كتير أتأخر وكمان لينا راح تزعل مني لأني وعتها أني ما راح طول.
أم وسام باستغراب: لينا في البيت ما شاء الله متى جات.
أم فارس: أمبارح في الليل.
أم وسام: الحمد لله على سلامتها سلميلي عليها.
أم فارس: أن شاء الله .. الله يسعدك أريام ممكن تروحي تجيبي عبايتي.
أريام: أكيد.
أم ريماس: وعبايتي.
أم وسام: أشبكم هجيتو كذى مره وحده.
أم ريماس: ههه لاهجينا ولا شي بس إيناس لحالها في البيت وأنا ما أضمنها مع الشغالة.
أم وسام: والله معاكي حق.
وراحت أريام تجيب العبايات.
أم فارس وهيا تسلم على أم وسام: يلا مع السلامه وإذا محتاجه لأي شي أتصلي عليا لاتترددي.

[البنت الخجوله]

أم وسام: مشكورة ماتقصري.
أم ريماس: لاتتعبي نفسك كثير مع السلامه.
أم وسام :مع السلامة.
ديما+ريماس:مع السلامه خالتي.
أم وسام :مع السلامه.
وجابت أريام العبايات ولبسوها وخرجو وعند الباب.
ديما: أريام أدخلي الماسنجر.
أريام: تحلمي نسيتي أمس بس ورطيني وخلاص.
ديما: والله معليش كنت تعبانه..وبعدين على أيش ورطك؟
أريام: بعدين اقولك وسوري مايمديني أدخل أبغى أجلس مع مامي شويه.
أم فارس: ديما يالله .
ديما: يالله باي >>وراحت.
ابتسمت أريام وسكت الباب ودخلت واتفاجئت بوجود أبوها في الصاله.
أريام: ماشاء الله مسرع ماجيت.
أبو وسام: يعني أروح.
أريام: لا مو قصدي>>وجلست على الكنبة.
وشويه يجي وسام وف يدو ساندويتش توست وبيبسي وجلس قدام أريام.
أريام: الله أبغى.
وسام: مافي شوفي المطبخ قدامك روحي سوي بنفسك.
ومدت أريام بوزها يعن يعني زعلت ألا شويه يدق التلفون وترفع أريام.
أريام: ألو.
.......: السلام عليكم كيفك أريام.
أريام: الحمد لله كيفك عمتي.
أم أحمد: الحمد لله كيف أمك الحمد لله على سلامتها.
أريام: الله يسلمك.
أم أحمد: ممكن تعطيني هيا.
أريام: طيب لحظه<<وحطت يدها على التلفون.
أريام: ماما عمتي تبغاكي.
أم وسام: من جد>>وتحاول تقوم بصعوبه.
أبو وسام: والله ماتقومي أريام أشبك جالسه جيبي التلفون.
أريام: حاضر>>وودت التلفون عند أمها.
أم وسام:هلا هند كيفك.
أم أحمد: الحمد لله أنتي كيفك طمنيني على صحتك.
أم وسام: بخير الله يسلمك فينك زمان ما نشوفك.
أم أحمد :موجودة بس زي منتي عارفه الأولاد وشاغلهم.
أم وسام: أي والله صدقتي الا كيف أحمد وأخوانو عساهم كلهم طيبين.
أم أحمد: الحمد لله كلهم بخير...ما أطول عليكي بس حبيت أتحمدلك بالسلامة وأقولك أنو أن شاء الله راح نجيكم بكره بعد المغرب.
أم وسام: حياكم الله في أي وقت.
أم أحمد: يالله نشوفكم على خير.
أم وسام: أن شاء الله مع السلامه.
أم أحمد: مع السلامة.
سكت أم أحمد التلفون ولقيت ريم تطالعها بنظرات غريبه.
أم أحمد: خير.
ريم: كأني سمعت حاجه غلط.
أم أحمد: أيش هيا.
ريم: أنو حانروح عند عمي بكره!!.
أم أحمد: لا حبيبتي ماسمعتي غلط ولا شي الا اللي سمعتي صح100%.
ريم: بكيفكم بس أنا مني رايحه.

[البنت الخجوله]

أم أحمد: ولي أن شاءالله.
ريم:أمي شكلك نسيتي أنو هما اللي بدئو وقاطعونا ومعد سارو يجونا لي هذا كلو عشان مستواهم أعلى من مستوانا يعني والا.....>>وقبل لاتكمل.
أم أحمد وهيا معصبه: لا قاطعونا ولا شي أنتي عارفه أنو كل واحد ملتهي بشغلو وبعدين بيتنا مره بعيد عنهم ولو جبتي سيرة المستوى والفلوس مره ثانيه أقطع لسانك فاهمه وروحه راح تروحي غصب عنك أفففف الجلسه معاكي تجيب المرض>>وقامت وخرجت من الغرفه.
وهيا طالعه فوق أنتبهلها أبو أحمد اللي كان دوبو خارج من المطبخ.
أبو أحمد: هند.
وقفت أم أحمد وطلعلها أبو أحمد.
أبو أحمد: خير عسى ماشر أشبك كذى معصبه.
أم أحمد: ماشر بس بنتك تبغى تجبلي الضغط والسكر.
أبو أحمد: سلامتك من ا لضغط والسكر.
أم أحمد: تسلم.
أبو أحمد: رنـــدا رنـــدا.
نزلت رندا جري من فوق.
رندا: نعم بابا.
أبو أحمد: روحي سوي لأمك عصير ليمون بااارد وطلعي الغرفه.
رندا: بس أنتا تامر أمر>>ونزلت.
طالعة أم أحمد في أبو أحمد وابتسمت وطلعو فوق ودخلت رندا المطبخ عشان تسوي العصير لأمها.
في المطبـــخ
........:بوووووووووو.
رندا: بسم الله>>والتفتت على ورى.
حمد: هههههه مسكينة فجعتك.
رندا: حمد كم مرة قلتلك مايسر تفجعني زي كذى دحين لو طاحت الكاسه وانكسرت.
حمد: آسف بس كنت أبغى أمزح معاكي.
رندا: طيب خلاص ..روح شوف الفلم جا والا لسا.
حمد: حاااااضر>>ويضرب لها سلام ويروح.
في بيت أبو وسام....
أبو وسام: يالله أنتو أن شاء الله متى ناويين تنامو؟.
وسام: أنا عن نفسي طالع أنام دحين تصبحو على خير.
الجميع: وأنتى من أهل الخير.
أبو وسام: وأنتي يا أريام؟.
أريام: صراحه مافي في عيني ولا قطرة نوم.
أبو وسام: طيب انا طالع أنام يالله ياخلود تجي معايا.
أم وسام: أكيد>>ومدت يدها لأبو وسام عشان يرفعها من الكرسي.
وهما طالعين.
أم وسام: أريام الله يخليكي لاتنسي تشيلي ريناد معاكي وأنتي طالعه>عشان ريناد نايمه تحت.
أريام: من عيوني.
حطت أريام على روتانا سينما وجلست تتفرج أما وسام لبس ثوب النوم وجلس على الاب توب وقعد يتصفح المنتدى تبعو.
ملاحظه(وسام عاملو منتدى أسمو~يالله فله~ ومحد يعرف بهذا المنتدى الا أختو أريام) .
طفش وسام من تصفح المنتدى وسك الاب توب وطفى النور وانسدح على السرير وولع الأبجوره اللي جمبو وبدأ يعيد الشريط اللي سار اليوم ووقف عند موقف مانتبهلو موقف دوبو استو عبلو وهوا لقائه مع ديما بالغلط معقوله هاذي ديما اللي كنا نلعب ونتضارب مع بعض صراحه سارت مره حلوه وابتسم وطفى الأبجوره ونام.
في اليوم الثاني في بيت أبو فارس الساعة 4 العصر
ياسر: أمي أمي ....فينك؟.
أم فارس: تعال أنا هون في المطبخ.
راح ياسر لأمو اللي كانت تسوي حلى عشان تودي بيت أبو وسام.

[البنت الخجوله]

ياسر: السلام عليكم.
أم فارس: وعليكم السلام .
ياسر: ما شاء الله الوالده شاده حيلها في الحلى صراحه شكلو جنان.
أم فارس وهيا قاعده تصب الكريمه:أخلص بسرعه شو بدك؟.
ياسر: مابدي شي بس حبيت أخبرك أني راح أروح لبيت عمي بعد نص ساعة.
أم فارس باستغراب: ليش؟!!.
ياسر: عشني معزوم على ملكت واحد من الربع فمضر أروح بدري أتحمد لخالتي بالسلامه وأرجع.
أم فارس:على راحتك.
ياسر وهوا يدخل أصباعو في الكريمه: تامري علا شي؟.
أم فارس وهيا تخبط يدو: لا ولاشي بس أنك تسيب الحلى في حالو.
ياسر: هههههه يلا مع السلامه>>وقبل لا يطلع.
أم فارس: يــاسر.
ياسر ويلتفتلها: آمري.
أم فارس: إلا خيك فارس مادق عليك.
ياسر: الا وقال أن شاءالله يكون هنا على الساعة 7.
أم فارس: طيب حكيتلو أننا حانكون في بيت عمك.
ياسر: أكيد...في أي سؤال ثاني؟.
أم فارس : لاشكراً مع السلامه.
ياسر: مع السلامه.
في غرفة لينا....
لينا:هههههههههههههههه.
هاني: لك تسلملي هالضحكه شو حلوه.
لينا: .........
هاني: لينا.
لينا: همممم.
هاني: ماشتئتيلي.
لينا: كتييير.
هاني: لكان ليش مابدك ترجعي.
لينا: ......هلأ أنا حكيت أني مابدي أرجع.
هاني: وليش حكيتي هل كلمه بعد مده .
لينا: لامده ولا شي بس كنت بفكر مين اللي راح يرجعني.
هاني:ولأيتي؟.
لينا:لا.
هاني:خلاص ياستي أصلاً أنا عندي يوم الخميس رحله لجده مره وحده بمر عليكي واخدكok.
ملاحظه(هاني يشتغل كابتن طيارة)
لينا:ok.
هاني: يالله حبيبتي بدك شي تاني.
لينا: سلامتك.
هاني: باي.
لينا: بايات>>وسكت الجوال.
جلست ديما تفكر في اللي راح يصير بعد كذى كيف حتقدر تواجه خالتها بعد ماترجع هيا وافقت أنها ترجع بعد ماطمنها هاني وٌقلها أنو أقنع أمو أنو مايتزوج عليها وقطع تفكيرها صوت الباب.
طق طق طق
لينا: فوت.
لمن أنفتح الباب أتفاجئت لينا بأمها وقامت بسرعه وسلمت على راسها.
لينا: أهلين ماما.
أم فارس: .......
لينا: شبك ماما شكلك زعلانه.
أم فارس: وكمان عم تمثلي عليا يعني هلأ بتفهميني أنك مابتعرفي أنا شوفيا.

[البنت الخجوله]

أتفاجئت لينا من أسلوب أمها.
لينا: ماما عن جد مابعرف فهمني.
أم فارس: هلأ مو أنتي حكيتيلي أنوهاني بالفندق وما أجى معاكي مشان الوقت متأخر ومابعرف شو.
لينا خافت لايكون أمها عرفة: أي صحيح أنا حكيت هيك طيب شو في.
أم فارس: لكان وينو لهلأ ما أجى؟.
لينا بارتباك: ها...لا...هوا كان بدو يجي بس جاتو رحله مفاجئه فاضطر يروح .
أم فارس: هلأ هوا دا اللي صار..بتعرفي حاسه أنو بينكن شي مشكله يعني وبتخبيها عليا وهوا أصلاً ماأجى معاكي يعني أجيتي لحالك.
لينا: لاه لاه ماما شو هالحكي شو مشكله شو بخبيها ماما أنتي بتعرفي أنو مابأدر أخبي شي عنك وإذا عن هاني هادا هوا اللي صار سدأيني .
أم فارس: خلاص يا بنتي مسدأتكي وبتمني تعيشي أنتي وجوزك أحلى عيشه.
لينا بابتسامه: الله يسمع منك.
أم فارس: يالله أنا رايحه وأنتي جهزي حالك عشان في المغرب راح نكون في بيت عمك.
لينا: أن شــــاء الله.
في بيت أبو ريماس
ريماس: طيب ليه تبغيني أجيكي بدري كذى؟
أريام: بس... يعني ماتبغي تساعديني.
ريماس:طيب عندك ديما ليه ماكلمتيها.
أريام: كنت باكلمها بس أنكسفت منها لأنها أمس من الصبح كانت معايه في المستشفى.
ريماس:أمممممم أشوف.
أريام: أيش تشوفي أقول مو منك مني أنا اللي قاعده أترجاكي من ربع ساعة يبغالي أتعامل معاكي بهذي الطريقة بعد نص ساعة تكوني عندي فاهمه باي>>وسكت الجوال.
ريماس وهيا تطالع في الجوال: أول مره أشوف عزيمه بمضاربه.
وقامت ريماس واتجهزت ولبست برموده لونها رمادي وفيها شويه تطريز وبلوزه موفيه عريانه وكمان فيها شويه تطريز وصندل سحاب موف ورفعة شعرها ولبست عبايتها وشالت شنطتها ونزلت تحت وشافتها مامتها.
أم ريماس: أشبك من دحين متجهزه ترى لسه باقي ساعة عالروحه.
ريماس: صراحه ياماما أريام دقت عليه وتبغاني أجيها عشان أساعدها.
أم ريماس: طيب ليه ماأخذتي إيناس معاكي.
ريماس: ماما أنا رايحه أساعدها وأذا أخذت إيناس راح تلعب مع ريناد ويقعدو يطفشونا.
أم ريماس: طيب بس روحي أسئلي ماريه فين الحاجات اللي أبغى أوديها بيت عمك ووديها معاكي.
ريماس: طيب يالله مع السلامه>>وسلمت على يد أمها.
أم ريماس: الله معاكي.
راحت ريماس وأخذت الأغراض من ماريه وركبت مع السواق وراحت بيت عمها ونزلت من السيارة وفي يدها الأغراض واستغربت أنو الباب مفتوح ولمن جات تبى تدخل طــــــــــــــــــاخ
طاحت الأغراض من يد ريماس لأنو كان ورى الباب في واحد جا يسكو طبعاً عرفتو مين أيوه صح ياسر وخرج عشان يشوف أش صار واتفاجأ بوجود ريماس طبعا عرفها عشنها كانت كاشفه.
ياسر: سوري ماكنت أدري أنك ورى الباب.
ريماس وبتموووووووت خجل: لاعادي>>وجات تبى تشيل الأغراض.
ياسر: والله ماتشيليها>>ودنق بسرعه وشال الأغراض.
ريماس: شكراً.
ياسر: لا ولو...أتفضلي.
دخلت ريماس وهيا تتمنى الأرض تنشق وتبلعها في هذي اللحظه وطبعاً أول مادخلت البيت جرى على غرفة أريام وبسرعه فتحت الباب ودخلت من دون أستأذان.
أريام: بسم الله أشفيك كأنك شايفه جني.
ريماس: يريت شايفه جني ولا سار اللي سار.
أريام قامت من قدام التسريحه: لا الساافه فيها أن .
ريماس وهيا تفصخ العبايه: آه ه ه ه يا أريام لو تدري أش اللي صار.
أريام: خير اتكلمي والله حمستيني.

[البنت الخجوله]

ريماس: دوبي عند باب بيتكم........................وحكتها اللي صار.
أريام: وااو طيب صراحه كيف كان شكلو.
ريماس: جنـــان.
أريام : يعني القصد.
ريماس: ولاشي أنتي سألتي وأنا جاوبت.
أريام وتغمزلها: متأكده.
ريماس: أقول يريت تبطلى حركاتك البايخه وأمشي ننزل تحت تراني ماسلمت على أمك.
أريام:متأكده تبي تنزلي عشان مامي.
ريماس: أريـــــــــــــــــــــام.
أريام: ههه طيب خلاص يالله ننزل.
نزلو البنات وسلمت ريماس على أم وسام وبعدين دخلو المطبخ أما ياسر أستقبلو وسام وأخذ منو الأغراض وبعدين راحو على الصاله.
وسام: كيف حالك ياشيخ من زمان عنك.
ياسر: الحمد لله طيب أنتا كيفك وكيف الوالده.
وسام: نحن بخير دام هالوجه السمح عندنا.
ياسر: هههههه تسلم.
وسام: عن أذنك أروح أجبلك شي تشربو.
ياسر: خذ رحتك.
راح وسام على المطبخ وقبل لايدخل كانت الشغاله خارجه وقالتلو انو ريماس موجوده.
وسام: أحم احم.
أريام: لحظه في ريماس.
وحطت ريماس الطرحه على راسها وخرجت ودخل وسام وسمعت ريماس أغنية (كل حب الدنيا)لشرين وهيا تموووووووت في هذه الأغنيه فجلست تغني معاها ورايحه للصاله لأن الأغنيه كان من التلفزيون اللي في الصاله وعلى بالها انو ياسر في المجلس ولمن جات تبى تدخل أنتبهت لياسر لأنو كان يطالع فيها مبهور من صوتها ومن جمالها خجلت ريماس وبسرعه خرجت وبعد شويه جا وسام ومعاه العصير ووقف قدام ياسر حوالي عشر ثواني وياسر مو حاسس فيه.
وسام: هيه يالأخو.
ياسر: بسم الله أنتا متى جيت؟.
وسام: لا شكلك رايح فيها أقول بس شيل العصير ترى يدي أنكسر والا بكبو فوق راسك.
ياسر: هه شكراً>>وأخذ العصير.
وسام بعد ماجلس: الا خير ليش جاي كذى بدري.
ياسر: يعني طرده طيب مشكور يجي منك أكثر.
وسام: بل بل كل هذا ماسار سؤال أكلتني ترى أمزح والبيت بيتك في أي وقت.
ياسر: أدري.
وسام: أجل ليش زعلت؟.
ياسر: مين قال زعلت بس كنت أتغلى.
وسام: ها تتغلى.
ياسر: ليش ما استاهل.
وسام: حشى من قال تستاهل ونص.
ياسر: مشكور عالعموم أنا بعد نص ساعه رايح عشني معزوم على ملكة واحد من الربع عشان كذى جاي بدري عشان أسلم على خالتي وأمشي.
وسام: خصاره أجل ماراح تنورلنا الجلسه اليوم.
ياسر: شفت كيف الله يعينكم راح تتطرو تجيبو كشافات.
وسام: ههه ياثقل دمك دقيقه أروح أنادي الوالده.
وقبل لا يقوم دخلت ام وسام وقملها ياسر احتراما لها طبعا
ياسر: الحمد لله على سلامتك خالتي.
أم وسام: الله يسلمك ياولدي.
ياسر: كيفك الحين أن شاء الله أحسن.
أم وسام: الحمد لله.

[البنت الخجوله]

ان شاء الله يعجبكم
خلاص انتها الجزء
ان شاء الله اشوفكم بعد الامتحانات
ادعولي انا وصحباتي الي كتبو معاي القصه
انو الله يوفقنا ونجيب نسبه عاليه
تحياتي لكم
البنت الخجوله

[شماليه وماترضى المهونه]

الله يوفقكم

[البنت الخجوله]

مشكورر على ردك

[ام دلال م]

الله يوفقكم ان شاء الله

[to0ojy]

الله يوفقكم ان شاء لله

[السميراء]

القصه روعه
نستناك يالغلا
وربي يوفقك إنتي وصحباتك

[to0ojy]

ويــــنـــك وش فيك طولتي

[السميراء]

وينك فيه
ننتظرررررررك

[احلى مشاغبة]

يلا حبيبتي كمليها

[شماليه وماترضى المهونه]

البنت الخجوله
وينك؟؟؟ طولتي عليناااااااااااااااااااا


انتظركـ
سي يو

[احلى مشاغبة]

يلا أنا كل يوم ادخل ماالقى لها تكملة انتي بتكمليها ولا لا ؟؟؟؟؟؟؟؟؟؟؟

[اطياف الشوق]

يعطيكي العاااااااااااافيه ياعمري

[احلى مشاغبة]

وينك؟؟؟؟ ايش ماراح تكمليها

[ضيء الروح]

رووووعه تكفين كمليها