السلام عليكم ورحمة الله وبركاته
كيفكم بنات ؟؟؟:fragghagi
خلونا ندخل في الموضوع الصراح ياخواتي انا شفت كثير يسألون عن ماليزيا فحبيت اساعد
بحكم اني عايشه فيها صارلي 6 سنوات
المهم انا حبيت اعرض خدماتي انه اي احد عنده استفسار او اي شي انا جاهزا اذا عندي اي معلومه مراح ابخل عليكم بيها واذا ماعندي معلومه عن سؤالكم انا ممكن اعطيكم ارقام ناس يشتغلون بالسياحه من العرب الموجودين بماليزيا يساعدونكم وان شاء الله ميصير الا خير ...والأرقام راح تكون على الخاص عشان ماحد يقول اسوي اعلان :frashagir
يالله الي عنده سؤال يتفضل ...بس تكفون سؤال عن تذاكر السفر من الان اقول ماعندي معلومه بس الناس الثانين ممكن يساعدونكم الي عندي ارقامهم ...وياريت طلب أخوي محد يقول انتي مندوبه شركه مدري ايش اني لا مندوبه ولا غيره بس زي ماقلت انه اني عايشه في ماليزيا فحابه اساعد اخواتي ... وياليت تعذروني اذا تأخرت شويه عليكم بالرد لانه عندي امتحانات اخر السنه ادعولي
سلام :fkjuiyhag
حوريه بس غير
05-20-2007, 08:42 AM
الله يعطيك العافيه اختي ماقصرتي وان شاء الله البنات يستفيدون
دلوعة الدنيا
05-20-2007, 08:53 AM
مشكوره اختي بس ياليت تقولين لي عن المحلات والاسواق الحلوه لاني ودي اروح اجهز لزواجي وايش تنصحيني اروح
والله يوفقك دنيا واخره
حبيبة فوفوو
05-20-2007, 09:58 AM
حبيت اسجل اسمي لي عودة ان شاء الله للاسئلة
الراجية ربها
05-20-2007, 11:29 AM
السلام عليكم ( حور العين )
انا من عشاق ماليزيا وقد سافرت اليها اكثر من ست مرات والعام الماضي لم أذهب وسمعت ان الأسعار أصبحت غالية ومعاملة الخليجيين أصبحت سيئة ...فهل أجد عندك إجابة؟
عذآآآيب
05-20-2007, 11:39 AM
نفس السؤال والله يعطيك العافيه
حبيبة فوفوو
05-20-2007, 11:56 AM
قد عدت من جديد سؤالي مالشئ المميز اللي يستاهل اشتريه من ماليزيا ولا يوجد عندنا ؟
وسؤالي للي عندهم معرفة بفنادق ماليزيا هل يوجد فيها مكواة للملابس اذا طلبت من الفندق علما انه 5 نجوم
انا تعودت في فنادق السعودية كلها اذا طلبنا مكواة يعطونا مع طاولتها فماادري عن ماليزيا ؟؟؟ وانا ماودي اخذ معي يثقل علي !!
وسؤال ايضا ماهي الاماكن اللي اذا الواحد طلع من ماليزيا ومازارها يتندم مااقصد المدن اقصد الاماكن
في كوالا ولنكاوي وجنتنق ؟
وايضا ماهي الاماكن التي ينصح بعدم الذهاب لها بقوة ؟؟
وعليكم السلام ورحمة الله وبركاته
اهلين حور العين
انا الله يعطيك العافيه ابسأل عن المسافه بين كوالا00لنكاوي00جنتنق00
وهل في ماليزيا اماكن فيها ثلوج 00واي المدن اجمل فيها
والاسواق الحلوة فيها الرخيصه والغاليه 00
الللللللللللللللللللللللفففف ششششششششششككككرررررررر
جولينا ابراهيم قزاز
05-20-2007, 05:01 PM
المناطق التي ذكرتيها يفضل السفر فيها عن طريق الطيرا الداخلي وهي رخيصة
جولي
.
&&حور العين&&
05-21-2007, 01:13 AM
الله يعطيك العافيه اختي ماقصرتي وان شاء الله البنات يستفيدون
تسلمين اختي على مرورج الطيب يالغاليه
Pink Rose1423
05-21-2007, 01:53 AM
ماليزيا رووووووعة
وان شاء الله ماتقصرين يا حور العين
&&حور العين&&
05-21-2007, 02:46 AM
مشكوره اختي بس ياليت تقولين لي عن المحلات والاسواق الحلوه لاني ودي اروح اجهز لزواجي وايش تنصحيني اروح
والله يوفقك دنيا واخره
اهلين اختي دلوعه الدنيا ..على مافهمت انك راح تروحين شهر عسل ...فألف مبروك اولاً ...ثانياً انا ماعرف اش المده الي راح تقظينها اهنا بماليزيا على العموم اني راح اذكرلك كذا محلات واسواق وراح اعلق عليهاا
اولاً :-
1_ في اسواق على الشوارع مش مجمعات تسوق وراح اذكر بعضهااا مثلاً شارع بوكيت بينتانج Bukit
Bintang وهو شارع مليان اسواق بس مشكلته غالي شويتين لانه قريب من الداون تاون ((قلب المدينه او وسط البلد)) وشارع تونكو عبد الرحمن Abdul Rahman وهذا شخصياً انا مازرته بس يشبه بوكيت بينتانج على ماسمعت وفيه شارع أميناج وهذا انا مازرته بس يشبهلهم في محلات متنوعه والاسعار فيه ماعرف بس الخلاصه انه هذي الاسواق في شهر May الي شهر August يسمونها شوارع العرب لدرجه انه اذا دخليتها تحسين انك في منطقه عربيه
2_ وفي اسواق شعبيه مثل السوق المركزي Central Market والسوق الصيني ChinaTown هذولي الاسواق فضيعه الأشياء بيها بالبلاش طبعاً كل شي بيها تقليد يعني مش ماركات بس رخيصه بشكل يعني تروحين على البايع يقولج الشغله هاي ب40 مثلاً تقوليله لا ب10 يقولج موافق ...بس خذاري خذاري هذي المكان الواحد من يروحهاا لازم مايخذ شنطت يد ويا لانه اماكن شعبيه والشرطه قليل فيها ..هيا ماتخوف بس الحذر واجب يعني الوحده تجيبها شنطه اصغيره احسن وتخبيها في جيبها بس تشيل افلوسها بيهااا
3_ وشارع تون رزاق Razak Tun هذا الشارع بجنب كي أل سي سي KLCCوهما البجين الكبار لوهن اسم ثاني ((برجي بتروناس)) هذا شارع تون رزاق قمه في التسوق الي على اصوله :frashagir بس كله ماركات وطبعاً غالي ..
4_ في سوق سوريا كي أل سي سي وهومكون من سته طوابق يكون امام KLCCهو معروف والعرب كلها اول ماتجي تروح عليه به كل شي في ادوار للملابس وفي ادوار للأحديه والمساج وفي ادوار للكشك هذني المحلات الصغيره وفي ادوار للألات الكهربائيه وفي دور للسينما والمطاعم العالميه وفي دور للمطاعم الشعبيه بس في حاجه بقولها كلمت سوريا معناته((الشمس بس بلغة السنكريتيه يعني مو بالملايو)) المهم هو مجمع من كل شي في كل شي ... نسيت اقول انه فيه بحيره تحت المجمع وحديقه رهيبه
5_ في سوق بينتاج بلازا وهو مخصص للأشياء المستورده يعني كل شي فيه من صنع برا مش محلي وسوق بيبي بلازا وهو سوق ميالن محلات عربيه وخاصتاً محلات العود وفي محل امي اشترت منه عود رهيب وعطور مخلطه تجنن ....وفي سوق يسمونه شارع مسجد هندي وبالملايو جلن ماسجيد انديا هذا خاص بملابس الهندون في يبوعون الساري والحطور تبعهم وغيره بس اني عن نفسي كثير رحتله لانه جد بيه بضاع محليه وسعرها معقول مره
.................................................. ..
وطبعاً في كثير والكثير من الاسواق اني لو بتكلم من اليوم لبكره مراح اقدر اعددهم اني بس ذكرت اببرهن واكثرهن شيوعاً عن الناس
واني فوث ذكرت الاسواق الي في داون تاون وقريبه منه وفي اسواق ثانيه بعيده شويه يعني نس ساعه ساعه بالكثير اذا فيه ازدحام بالطريق وراح اذكر اسمائها بس لانه حاسه نفسي طولت كثير في الكلام
1_ سوق ميجا مول اكبر سوق في ماليزيا
2_ سوق تايم اسكويرل سوق كامل من كله وفيه فندق كمان
3_ سوق بوترا مركز تجاري عالمي
وغيره كثير
الراجية ربها
05-22-2007, 03:58 AM
لماذا ياحور العين لم تردي على سؤالي
ياحسره
05-22-2007, 08:18 AM
ابا اسال عن مصنع الجلود لو سمحتي اللي في كوالمبور؟
توتوه
05-30-2007, 04:02 PM
مراحب ياعسل..
طيب بسأل عن اللغه هناك اقدر امشي بالعربي يعني مافي عرقله؟