هذي قصيدة كتبها أبوي في أخو صديقة لي عندما توفى أخوها

[*أسيرة زوجها*]

علم لفاني نهار السبت ياشينه
ياليت راعيه لا شفته ولاجاني
العلم هايل ومن هوله مخفينه
يخفون علم وهوللناس قد باني
من غاب بندر بعد يالعين ترجينه
في كل يوم خياله ماتعداني
يالعين هلي دموعك لاتخزنينه
هلي بدمع غزير فوق الاوجاني
بندر بدر دنياي من غاب ياوينه
من غاب بندر اشيل الهم واحزاني
يازين حلم الليل ياناس يازينه
لي شفت بندر بعالي الصوت ناداني
لبيه يمه وحاضر ويش تبغينه
نرضيك ونرضي قرايبنا وجيراني
يالله ياللي خلقت الناس من طينه
ياباسط الارض يارزاق ياباني
اسالك يوم الحشر ترجح موازينه
ويفوز بالاخره برياض وجناني
ياخذ كتابه مع الابرار بيمينه
يحشر مع اهل التقى ياعالي الشاني

وسلامتكم