بنات الكويت ابي فزعتكم

[رايقه33]

مساكم ورد وفل

بنات الكويت انا ان شاء بجي زياره للكويت بعد اسبوع تقريبا زوجي عنده شغل هناك وبروح معاه

وبصراحه اول مره نروح للكويت ياليت تدلوني على الاماكن الحلوه والاسواق بعد وعن الفنادق واسعارها


تحياتي لكم

[بنوته حائل]

انا مو من الكوويت
بس ياانها فله ووناسه
انا بقولك للأماكن اللي جيتها
المدينه الترفيهيه ملاهي الشعب سوق شرق مارينا مول سيتي سنتر والمهلب والابراج مجمع جيته روووعه وعلى البحر بس والله نسيت اسمه
وبنات الكويت ماراح يقصرو معاك
وسفرة سعيده عليك

[قطرية وبنت قبايل]

http://***************.net.in/all/index.php .حبيبتي انا 6 مرااات زرت الكويت وباقولج الاماااكن
الاسواااااااااق والمجمعاااات
لو حبيتي تفصلين جلابيااات كويتية مثل الهااام الفضااله عندج سوق اسمة العربيد ويفصل في يومين لو كنتي مستعجلة وهاااي طبعا سوق شعبي
الحمرا مول
والعربيد بلازا
وليلى غالري بس غااالي
الستي سنتر كل شي فية رخيص
سوق المباااركية وااايد حلووو وشعبي
سوق شرق بس وااايد غالي
المجمعااات اللي بالسالمية
والمطاااعم
والله ثم والله لو كلتي في هالمطعم بتدعين لي هو مطعم هندي اسمة ميغا محل
ومطعم ماكولات عربية اسمة ميس الغانم وااااااايد اكلة حلووو
اماااكن الترفية
عندج حديقة الشعب الترفيهية والله الالعاب روووعه
والكورنيش

واي خدمة انا حااظرة

[المرام2000]

حي الله من راح يجينا

عندك الافنيوز توه فاتح بالكويت كبير بالحيل وفيه ايكيا وكارفور ,وكويت ماجك ,,لاتنسين المركز العلمي امانه تراه روعه ,,وفيه مجمع الكوت بالفحيحيل اكوا بارك ,,شاطيء المسيله فيه حمامات سباحه ,,لاتنسين السينمات (على فكره السينما عندنا ما فيها لقطات اباحيه ,,يعني كأنك تشوفين التلفزيون) ,,عندك بعد حولي بارك......

[رايقه33]

بنوته حايل

قطريه وبنت قبايل

المرام

مشكورين ماقصرتوا يامال العافيه والله

اقتراحاتكم راح اخذ بها ان شاء الله بس باقي الفنادق او شقق تكون مرتبه واسعارها حلوه اذا عندكم خلفيه عن السكن ياليت تدلوني ومشكورين حبيباتي

[المرام2000]

عندك فندق جديد بالفحيحيل اسمة روتانا المنشر حق الوليد بن طلال تحته على طول سوق المنشر وهذا سوق جديد وحديث متصل مع مجمع الكوت الذي يعتبر سوق راقي وبجابه على طول سوق شعبي اسمة بازار فية ارخص الاسعار
وطبعا اغلب الفنادق بالسالمية ,,,بس ما عندي فكره بالشقق واي شي انا حاضره

[نجمة الكويت]

والله الأخوات ما قصرو
ويمكن أزيد

** بعض أشهر الفنادق الكويتية **

ــ كراون بلازا ( الفروانيه والأقرب للمطار )

http://www.kuwait.crowneplaza.com/

ــ الشيراتون ( العاصمه )

ــ راديسون ساس ( البدع )

http://arthurerickson.com/images/movies/kuwait4.jpg

ــ فندق شاطىء المسيله ( المسيله )
ــ ريجينسي ( البدع )
ــ الميرديان ( العاصمه )
ــ بلازا (العاصمه )
ــ إنتركونتيننتال ( بنيد القار )
ــ سفير الرقعي ( الرقعي )
ــ سفير بستكي ( بنيد القار )

ــ لخدمات الشقق المفروشة
( تفضلوا على هذا الموقع )
http://www.aaahousingq8.com/

شقق رويال سويت

http://www.royalsuiteku.com/contact_ar.asp
** الأماكن الترفيهية **

ــ الواجهة البحرية ــ بإمتدادها الواسع والجميل حيث تحتوي على العديد من الأماكن الترفيهية والمطاعم وأبراج الكويت


http://www.kuwait-info.org/Photo_Gallery_pictures/modern_kuwait/kuwait%20towers%20at%20night.jpg


ــ المدينة الترفيهية
ــ حديقة الشعب
ــ شوبيز تم هدمة ومازال العمل مستمر فية لإعادة بنائة في شكل جديد
ــ الحدائق المنتشره
ــ أكوا بارك
ــ منتزه شاطىءالمسيلة
ــ صالات طفل المستقبل للألعاب ( منتشره بأغلب مجمعات التسوق الكويتية )
ــ حديقة الحيوان
ــ النوادي البحريه
ــ المركز العلمي ( عباره عن صرح علمي جميل يحتوي على بعض الصالات للتعريف بالبيئة الكويتية , سواء البحرية ( الأكواريوم ) أو البريه بالإضافه لوجود السينما التي تعرض الجميل من الأفلام العلمية ثلاثية الأبعاد .
وللمزيد من المعلومات عن هذا الصرح الرائع .

المركز العلمي
http://www.tsck.org.kw/ar/index.htm

المتاحف .
وللأسف أغلب المتاحف تم إغلاقها نظرا لعمليات السلب والتدمير أيام الغزو وإن بقي القليل من الآثار في .

ــ المتحف الوطني
ــ بيت البدر ( السدو )
ــ متحف طارق ( متحف خاص )
http://www.trmkt.com/

ــ المقاهي الشعبيه العديده .( ونيسة )
ــ يوم البحار .


ــ شاليهات الخيران ــ



الشاليهات:ـ
ــ الخيران
ــ منتجع خليفه
ــ منتجع الجون
ــ منتجع شيك
ــ منتجع هيلتون
ــ شاليهات صالح شهاب
وهناك العديد من الشاليهات الأخري ربما فاتني ذكرها بالإضافه للعديد من الشاليهات الجاري تنفيذها

طبعا تختلف مستويات الأسواق ما بين الضخم والبسيط والعادي و هناك أسواق محلاتها ذات أسعار معقوله و البعض الآخر من المجمعات ذات البضائع العالمية المختلفه ( الماركات ) وتلك غالبا تكون أسعارها مرتفعه


ــ منطقة العاصمه _

ــ سوق المباركية ( يعتبر السوق الرئيسي في دولة الكويت وهو عباره عن عدة أسواق متنوعه تجتمع في منطقه واحده والكثير من تلك الأسواق حديثة وتحتفظ بمسمياتها القديمه ( كسوق الخضار ـ سوق السمك ـ سوق الحلوي ـ سوق اللحم ـ سوق السلاح ـ سوق الذهب _ سوق الحريم ـ سوق الجملة إلخ ....... )


ــ سوق الصفاة

ــ سوق الأقمشة والبطانيات

ـ شارع فهد السالم

ــ مجمع الصالحية

ــ مجمع الخليجية

ــ مجمع المثني

ــ مجمع الأوقاف

ــ سوق شرق ( من الأسواق الحديثة والجميله والتي تم إفتتاحها بالتسعينات )

ـــ منطقة السالمية ــ

ــ شارع سالم المبارك (السوق الرئيسي) وهو سوق ممتد ينقسم إلي أكثر من جزء ويسمي بالساسوق السالمية القديمه وسوق السالمية الجديده

ـــ سوق مركز السالميه ( أحدث المراكز التي تم إفتتاحها مؤخرا ) وهو مركز منوع يحتوي الكثير من المحلات ذات الأسعار المناسبة جدا بالإضافه إلي الكوفي شوب والمطاعم المختلفه ومطاعم الوجبات السريعه , وصالة كبيره لألعاب الأطفال
بالأضافه إلي مبان أخري ملحقه فيه تحتوي على سوق للحم والخضار والسمك والخضار والفواكه

ــ بعض المجمعات


ــ مجمع ليلي غاليري ــ

ــ مجمع الفنار .
ــ المارينا مول( الأحدث )
ــ ليلي غاليري
ــ مجمع زهره
ــ مريم
ــ الوطنية
ــ البستان
ــ الدانه
ــ منيره
ــ بلازا السالمية

ــــ منطقة حولي ــ

ــ مجمع العثمان ــ مجمع المهلب ( الأحدث )
ــ مجمعي النقره الشمالي و الجنوبي
ــ السندس
ــ بلازا
ــ الأيوب

ــــ منطقة الفروانية ــ

ـ مجمع ميترو
ـ الحمراء مول
ـ الدبوس
ـ مبارك الصيفي
ـ مناور
ـ العربيد
وفي مجمع جديد نسيت اسمة.... والله ماني ذاكرة

ـــ منطقة أبو حليفه ــ
ــ كويت ماجيك ( من الأسواق الجميله شكلا وموقعا )

ــ منطقة الفحيحيل ــ
ــ مناور
ــ الدبوس
الأجيال
الكوت
والمنسر
وايضا توجد الأسواق الشعبية المنتشرة في الفحاحيل اسعارها مناسبة جدا جدا وتناسب كل الأذواق
وهناك الكثير من شركات الأسواق المنتشره في الكويت مثل

ــ موذر كير
ــ بي إش إس
ــ الطبيعه
ــ سناء
ــ لاند مارك
ــ سيتي سنتر وايد حلوة أنصحج تروحينها

انشاء الله ما نسيت
وانشاء الله وفيت وكفيت

[ريانة الكويت]

السلام قبل الكلام
اول شي حياج الله في دولتك الثانية انشالله راح تستانسين فيها
ثاني شي ماقصرت اختي نجمة الكويت نزلت موضوع خاص عن نبذت الكويت
اتمني انك تفتحينة للان مكفيه كل شي متكلمه عنه اناراح احطه لك في الصفحة الاولي

[رايقه33]

المرام تسلمين ياقلبي ماتقصرين والله

نجمة الكويت يعطيك الف عافيه على هالرد كفيتي ووفيتي يالغاليه
جزاك الله الف خير


ريانة الكويت الله يحييك وتسلمين ماقصرتي


جزاكم الله الف خير من جد استفدت منكم