يابعد قلبي اللي راحت تركيا تساعدني

[%بنت بريدة%]

كيفكم حبايبي
بسالكم الله يوفقكم ويسهل عليكم



انا باذن الله سبحانه وتعالى ناويه السنه اسافر تركيا
وبصراحه بكذا منتدى قريت عنها اشياء شينه مثل
اللي يقول الشعب سيئ ومعاملتهم شينه ودايم انفسهم
براس خشومهم وعنيفين
واللي يقول غااااليه واسعارها باهضه من ناحية المعيشه
والتسوووق احيانا اقول كيف كلام الناس وليش اصدق
واحيانا اقول اخاف اتحسف اني ماسألت قبل اسافر


والله يعافيكم ياليت تقولون لي عن الاشياء اللي شفتوها
حلوه واللي اروح لها من اسواق واماكن سياحيه
الله يوفقكم ياخواتي

واللي تبي معلومات عن
@الصين@ماليزيا@هونك كونج@مصر@
انا حاضرررررررررررره

[النور المضئ]

انا روحتها من قبل سته سنين تقريبا بس اكيد اتغيرت اشياء كثيييره طبعا سارت بالمره غاليه
هذا الي اعرفه وغير كده ان شاء الله البنات يفيدوكي

[غمووووووووض]

اذا بتروحين لاسطنبول بس انا عندي اللي يرضيك000
لاني العام رحت لها وصرااااااااااااااااااااااحه
جنان ومااعليك من احد حنا شوي ونغير اتجاهنا عن تركيا العام من كلام النااس بس الحمدله رحنا وناوين نعيدها واسعارها بالعس مو غاليه وسكنا بعد بفندق اربع نجوووم وراقي حييييل وموقعه شي
اسطنبول رووعه واكثرها سياح بالعكس معاملتهم شي وماتحتاجين لغه انجليزيه توب هم مكسر واغلبهم يعرف عربي
واذا تبين تفاصيل عن اسطنبول انا حااااااااضره
اما اذا نيتك العاصمه انقره مارحنا لها

[أمطار]

مرحبا اختي .. احد تحصله اسطنبول ويتردد ..
لا تترددين روحي واتكلي على الله .. وتطمني ما فيه اي شي من اللي يقولون ..
بالعكس الشعب مره راقين وبشوشين .. ويكفيك ان الاغلبيه مسلمين ..

واذا رحتي بنصحك بعدة امكان اعتبرها من اجمل الاماكن في اسطنبول..

اولا : جزيرة الاميرات .. من اروع الاماكن .. وتروحين لها بالباخره ..
وتتنقلين فيها بالحناطير بس ما فيه سيارات داخلها..

ثانيا:شارع استقلال .. مره حلو وفيه محلات للتسوق ومقاهي راقيه ومطاعم حلوه .. بس لا تروحين له بعد الساعه 9 بالليل ..

ثالثا: تل العرايس .. وهو عباره عن جبل صغير يطل على كل اسطنبول .. والعصر يتجمعون فيه العرسان .. يجون يحتفلون فيه .. راح تشوفين مناظر حلوه ماراح تنسينها ,,

رابعا: المسجد الازرق .. وايا صوفيا .. لازم اي زائر لاسطنبول يمر عليها .. من المعالم الرئيسه لهالمدينه

خامسا : السوق المسقوف .. سوق شعبي اكثر من رائع وفيه كل شي

سادسا: مول جواهر .. كبير مره وفيه كل الماركات اللي عندنا وزياده

وعلى فكره .. الجو هناك مره حلو .. درجة الحراره بعز الظهر 25 .. يعني ما تحسين باسطنبول بالحر ابدا ..

ولا تنسين تزورين مدينة بورصه .. اكثر من رائعه ..



وبس . اتمنى اني اكون افدتك .. وتروحين وترجعين بالسلامه..وسلميلي على اسطنبول ..
واذا مريتي هالاماكن تذكريني :dfr3

[فوز2]

روحي وانتي مغمضه وبتنبهرين بجمال تركيا وطبيعتها وجوها الراااائع .. انا رحت اسطنبول .. ونفس الامااااكن الي ذكرتها الاخت امطار بالاضافه الى منطقة المياه المعدنيه الجبليه بجزيرة يلوا ... واماكن التسوووق كثيره جداااا جدااا وكلها مولات حلوه واغلب الصناعات تركيه الا انها حلووة واسعارها متفاوته في الغالي والوسط والرخيص اذا في شي مو حلو فهو اسعار المواصلات غاليه كل سائق يحط له سعر على كيفه انتبهوا وخذوا سائق وسياره من الفندق او تاكسي بتايمر يعني عداااد افضل وفي يتكلمون انجليزي لكن شي بسيط والبعض يفهم عربي وحتى تركي يفهمون يعني عقلياتهم تجاريه ويفهمونك اذا سالتي عن شي معين ... انا نفسي اكرر زيارتها والله يحقق لي هالامنيه يارب

[غمووووووووض]

ااااااااااااااه يا اسطنبوووووووول قريت كلامك أمطااار
تقريبا نفس الاماكن رحت لها بس شارع الاستقلال مو هو اللي يسمونه تقسيم
والسوق المسقوف يسمونه بعد السوق المصري
هاه لانويتي تروحين لاتنسين بعد تاخذين جوله على مضيق البسفور بالسفينه روووووعه وهذا المضيق يفصل
بين الجزء الاوربي والجزء الاسيوي
يلا روحي شتستنين

[الشاطئ الذهبي]

صراحه شوقتيني ازور ها في المستقبل ا لقريب
ان شاء الله

[موكا22008]

أنا ناويه اروحلها باذن الله وودي اعرف طريقة الحجاب هناك
عادي البس عبايه سودا ولا البس حجابات ملونه

[ذابحتهم عيوني]

حبيبتي أنا رحت لها أيام شهر العسل ررررررررررررررروعه وعدني زوجي بعيد زواجي الخامس نروح لها
سبحان الله دوله جميله وجوها يجنن بس نصيحه لاتروحين للأماكن السياحيه إلا بمرشد يوفره لك الفندق في النهار مافيه خوف روحي لكل مكان بس باليل زوجي ماكان يرضى نطلع أماكن برا تقسيم وهو عباره عن دوار تطل عليه مجموعه شوارع فيها فنادق وعليه حراسه مشدده يعني لاتخافين حتى لو تمشين بروحج لأن الشارع هذا كله سياح والحكومه موفره فيه حراسه وشرطه إسكنو في هذا الشارع وراح تحسين بالأمان أنا سكنت في فندق ريفا 4 نجوم نظيف وحلو اليوم ب 90 يورو خلو الفندق هو الي يحجز لكم التكسي ويفهمه وين تبي تروحون بالتركي


أي مساعده أنا حاضره

[غمووووووووض]

اللبس عادي انا لبست عباية كتف ولثمه
واول مره البسها بحياتي لاالعبايه ولا اللثمه لاني البس الرااس
بس اذا انتي مثلي تلبسين الراس انصحك تضلين عليها لان هناك كثير يلبسون رااس ويتبرقعون ويتنقبون سواء سعوديات او ايرانيات

[حلاوة مصاص]

أنا ناويه اروحلها باذن الله وودي اعرف طريقة الحجاب هناك
عادي البس عبايه سودا ولا البس حجابات ملونه




مرحبا اختي....انا رحت لتركيا العام الماضي بالعبايه السوداء...والحمدلله كانت الرحله راااااااائعه
بس بعض الأجانب هناك يستنكرون السواد شوي

[اميره الصمت]

هلا حبيبتي انا رحت العام ..صراحه مررره رووعه هي وشعبها ,,

انتي اسألي وانا اجاوبك بس بالنسبه للي سمعتيه في مبالغه

اسطنبووووووووووول روووووووووووووووووووووووعه

وان شالله لو حصلي اروح مره ثانيه مااقول لا ابدا

عندي ملاحظه بالنسبه للحجاب

الصراحه هم مرره يستغربون من غطا الوجهه ..وهذا الشي الوحيد الي ضايقنا

ولا الباقي كل شي اوووكي .. واسعارها زي اسعار اوربا تقريبا ..

[الامتنان]

حبيبتي

إحنا يقريبا كل سنه احد من العئله لازم يروح لتركيا
احنا رحنا العام

بالنسبه لاسعارها تراها ناااااااااااااااااار

اما هيا خطيييييييييييييره

وأهلها خطيريييييييييييين

ومحل متروحي تلاقي أحد من أهلها يتكلم عربي بس طبعا مكسسسسسسسسسسسسسسسسر
في محل رحناه في ورصه هوا فووووووق الجبل ومرررره خطير هادا المحل تقريبا زي الهدا في الطايف وما يطلعوه الا اللي يبغى ياكل كباب على أصوله

وكمان ما يجيك الكباب مشوي لالالالالالالالالالالالالالالا انتوا نفسكم تشوه

بس مررررررررررررررررررره انبسط هناك

[eima watson]

تركيا توني جايه منها

جلسنا ثلاث أيام وطفشنا لأنها ماتصلح للعوائل

وجلسنا بسوريا صراحه جناااااااان

[أم سجى]

http://***************.net.in/all/index.php .

انا رحتلها وجلسنا اسبوعين
صراحة خياااااااااااااااااااااااااااااااال ولله اذا مارحتي رح تندمين
دراناها ولفيناها لف ولله بلد راقي جددددددددددددددددا
الجو خيااااااااااال هناك تشوفي الفصول الاربعة على اصولها
والشعب مرررررررة طيب ومعاملتهم جدا راقية
وتصدقين بعدها سافرنا كثيييييييييييييير ولفينا بلدان كثيييييييييييير
بس مافي مكان عجبنا كثر تركيا.. بصراحة اوروبا الحقيقية
وماحسنينا انها غالية بزايادة انا رايحه لها اربعة سنوات
وكل الفنادق الي سكناها اربعة وخمس نجوم
موغالية كثير حتى الاكل مطاعمها تقريبا اسعار الاكل عادية مش غالية
بس الجلديات عندهم غالية شوي.

http://***************.net.in/all/index.php .

[اخت الشمس]

انصحك تطلعين عن طريق شركه سياحيه اضمن لك بعد الله وادخلي موقع المسافرون العرب راح تلقي كل شي بالشرح والتفصيل رحله سعيده وموفقه باذن الله

[%بنت بريدة%]

مشكووووووووووووووووووووووووووووووووووووووووووووووو وووورين
خواتي كلكم وما قصرتوا الله يوفقكم ويسهل عليكم ويسخر لكم ازواجكم
اشكرك اختي امطار على التوضيح الرائع ماقصرتي ياعمري
ان شاء الله شكلي بتوكل على الله واجزم اروح لها الله يسهل
عليناجميع احوالنا

[كشخه]

بما أنك ماسبق ورحتي لها ..فانصحك روحي لها يكفي أنها إسلامية أوروبية وصوت الآذان يرتفع فيها..

ضروري تزويرين المساجد فيها والآثار الإسلاميه ...

بس بصراحة كونها أجمل مدن أوروبا فهذا كلام ماهو صحيح ابداً ..خاصة بالنسبة لاستانبول ..رحت لها العام الماضي..الجو كان حااار ...بورصة أزين جو..وفيه طربزون إذا تبين الجمال والطبيعة والخضرة على أصولها..
وأنا مثلك سمعت أن شعبها سيئ..بس في الواقع لقيته شعب أكثر من رائع وحبوب...
الأسعار كانت أغلى من السنوات السابقة بس مو الغلاء الفاحش أبداً ..زي ماليزيا كانت جداً رخيصة وبعدين ارتفعت الأسعار.
أسواقها زينا ...وأقل بعد مالقيت فيها هذاك التميز نهائياً..
في استانبول روحي لقصر بهجت باشا لايفوتك ..لإني لقيت كثيرين مايعرفونه وهو قريب جداً من منطقة تقسم أو هو فيها نسيت!!
..وخذي رحلة بحرية واقعدي في القهاوي اللي في الحواري جنب البحر تحسين أنك في اليونان أو ايطاليا...
تركيا حلوة بس لو الجو أبرد..والبلد اقل زحمة وأكثر نظافة كان ياسلام ..
بس لو خُيرت بين تركيا وبين جنيف أو باريس أو فيينا طبعاً خليت تركيا على جنب..بس أرجع وأقول بلد اسلامي جميل أنك تروحين له..على فكرة خذي معك مهفة يدوية إذا رحتي تزورين الآثار ضروري .
وبالنسبة للحجاب أنا كنت لابسة عباية الفراشة والنقاب الأسود وبتشوفين كثييييير من الحريم مسوينها وأبداً أبداً ماتعرضت لمضايقات ..

اتمنى لك رحلة سعيدة..

[زاهي الكحل]

مشاء الله البنات ما قصرو في المدح وفي المعلومات الحلوه
ودي اضيف بعض الاشياء
في مجمعات حلوه مررره 1- ميترو سيتي 2- اكامركز 3 - كانيون

وبالنسبه للعبايه نادره جدا انا مستغربه من اللي قالو فيه عبايات !!!!!
انا جلست 3 اسابيع ما شفت الا 2 في جزيرة الاميرات
البسي ملابس محتشمه تنانير وبلايز وحجابات بدون مكياج احسن لك
عشان ما تلفتين الانظار

بصراحه المطاعم والقهاوي غاليه شويه بس والله تستاهل لان الجو حلو والمناظر روعه