مرحبا .................................................. .....................غاليتي عساكم دوام مبدعين كذا في الطبخ ممكن طلب بسال عن الخضار الي تجي مع صحن التقديم في المطاعم مكونة من جزر وكوسة وزهرة القرانبيط ولها نكهة حلوة وتقريبا مسلوقة نص سلقة يليت احد يعلمني الطريقة وشاكرة لكم ومو طنشون
**رهام**
07-17-2007, 11:50 AM
عزيزتي الخضار اللي بالمطاعم غالبا ما تكون مسلوقه بالبخار (نوع خاص من اواني البخار) او انك تسلقينها بشكل عادي وبعد ما تطلعينها من ماي السلق على طول حطيها بماء بارد حتى تحافظ على لونها وشكلها وبعد السلق يتم تشويحها بالزبد
فيعطيها الطعم المميز وبالاخر يتم اضافة الملح
وانا مجربتها والطريقه روووووعه
واذا في اي استفسار انا بالخدمه
بلسم الحياه
07-17-2007, 09:23 PM
باى مطعم هذا الى شفتي يمكن قد مر على
دمووع الشمووع
07-19-2007, 03:43 AM
عزيزتي
هذا النوع من الخضار يسمى خضار سوتيه
ويتم طبخا بالبخار غالبا او السلق
ممكن تشترين قدر البخا ر او اللي يسمونه قدر المنتو وهو عباره عن قدرين فوق بعض واحد تضعين فيه ماء على النار واللي فوقه يكون مخرم بحيث يدخل البخار الى الخضار وتطهيها
وممكن عمل المنتو فيه او الكفته بالبخار عموما هذا النوع من الاكل صحي جدا ومفيد للي عنهم امراض كوليسترول او يبغون رجيم
وهي طريقه صحيح حيث تحتفظ بالقيمه الغذائية للاكل
Q8_ButterFlay
07-19-2007, 09:22 PM
اكو جدر بخار .. يكون عادي بس الغطاء مال الجدر يلف على جنب ويكون مسكر بإحكام هالنوع يسوون فيه السوتيه ممتاز لأنه يحافظ على القيمة الغذائية بالخضروات ..