°•.♥.•° روائـــــع الــشــاعــر "مـــسـاعـد الـرشـيـدي " °•.♥.•°

[•·.عاشقة الدموع.·•]

:


:

:



http://www.grnaas.org/img/upload/wh_58887179.gif



http://www.grnaas.org/img/upload/wh_86755713.gif



][ مساعد الرشيدي ][


شاعر متألق و مرهف الحس ..

شاعر آسر ، يجيد توظيف المفردة في تناغم حسي موزون...

بلغ ذروة مجدة في كتابته لأوبريت الجنادرية...

مساعد هو من الشعراء الذين يغلب على شعرهم بساطه الكلمة وقوة المعنى...

تجد في قصائد مساعد الحزن العميق والكبرياء والشموخ في آن واحد...

مساعد كثير الحديث عن الجرح في قصائدة...

ويندر أن تجد قصيدة من قصائد مساعد لا يتحدث فيها عن الجرح ، ولكل جرح معنى..

هو من الشعراء الذين أجادوا استخدام فن من فنون الشعر وهو التضاد المسنجم مما يميز شعر مساعد عن غيره...

ومن أمثلة ذلك قصيدة سيف العشق، كل اللي بقى شمعه، وش قالت الريح..وغيرها الكثير...

شاعرنا المجروح هو بلا شك أحد أعمدة الشعر في المملكة...


هو اكتشاف جمالية شعره للمتذوق...

يظل مساعد قريبا من القلب في شعره وبساطته...

http://www.grnaas.org/img/upload/wh_58887179.gif

أوراقـ بالذكرى


كلك تعــــــــالي غلا ولا ارجعي كلك
>>>>>>>>>>بعـــض الغلا منك ما يستاهل الجيه

طالت وانــا في رجــــا ليتك ويا علك
>>>>>>>>>>اوراق بالـــــذكرى و اوراق منسيه

ما بــل ثوبك مـــطر شـوقي ولا بلك
>>>>>>>>>>لو علتك من سحاب الـروح وسميه

ليه امشي الدرب دامـه ما يوصل لك
>>>>>>>>>>تخاف رمضا الضياع اقـــدام رجليه

يا بنت تو الهـــوى ما صرت انا خلك
>>>>>>>>>>للحين ما زالت الصـــــــوره رماديه

ومازال بعض الغموض الشره يحتلك
>>>>>>>>>>وشلون انا اعشقــك على الــــــــنيه

اشـــوفك هنــــاك قدامـــــي ولا ادلك
>>>>>>>>>>صعب الكتابه ليــا صــار الورق ميه

ان كان شـــمسك تساومني على ظلك
>>>>>>>>>>ما عــــاد ابي منك لا شمسٍ ولا فيه

امـــا تـــــعالي لــقلبٍ فـــــزلـك كــلك
>>>>>>>>>>ولا اتركيني ما ابـي لك بالهوى جيه


http://www.grnaas.org/img/upload/wh_58887179.gif


لا عــاد تـــنشد ما بـقى عـــــندي علوم
>>>>>>>>>>كـــــل العلوم المبـــــطيات تــخبرها

ما جــــــــيتك اشكي ميلة الوقت مزحوم
>>>>>>>>>>نفســي ليا ضاق المدى ما اخسرها

ياصاحبي كنت امس كنت امس محشوم
>>>>>>>>>>واليــــــوم هــج بجيتك واختصرها

خـلــك بعيد ابعد من العــــــــــام للــيوم
>>>>>>>>>>وادنى من احـــلام النجوم وقمـرها

بعــض الكــلام اللي تحــليه مســـــموم
>>>>>>>>>>وما كــل كـــف صافحتك تغــــدرها

كــــم طــيب ســــــاقـته الاقــدر لرخوم
>>>>>>>>>>ويا كــثر ناس تــنخدع في صورها

والحــر ما يشــــره على خـــنعة البـوم
>>>>>>>>>>الله رفع شـــانه ووطا قـــــــــدرها

لــــــو جــيتني كنك على الوجه ملطوم
>>>>>>>>>>بعــض الخـطايا عذرها مـا غــفرها

عنـــدي تساوت هرجــة العــذر واللوم
>>>>>>>>>>هــــذيك ما ابغاها وذيـــك احتقرها

زلــه وعـــدت ما حدتــني عــــن النوم
>>>>>>>>>>مرت ســلام وبـعد الله كـــــــدرها

انــا اعتبرها كبـــوة حصـــــــان ويقوم
>>>>>>>>>>وانت اعــتبرها زي مــا تـعتــبرها



http://www.grnaas.org/img/upload/wh_58887179.gif


كيف أطفي الريح بثيابك وكيف اشعلك
>>>>>>>>>>كيف اتنثر على جمـرك وكيـف احتويك

نقضت ليل الحرير وجيت ماانت لهلك
>>>>>>>>>>سمّيت باللي فتني بـك وقلت ابتديـك

هذا اول الدرب او هذا الطــريق اولك
>>>>>>>>>>جيت آتوقّا عذابات المدى 00واهتديك

شوقـي مسافـة وهمساتـك مـدار وفلك
>>>>>>>>>>ان ماظميتك غلى 00ياعلني ماارتويك

إية اعرفك واعرف اني من غلاك اجهلك
>>>>>>>>>>مرات اضمّـك واخـاف اني مشبة عليك

مـرات اشوفـك بنفس الوقت واتخيـلك
>>>>>>>>>>وانشد كفـوفي عن اخر سالفة من يديك

أعـنّ لك لـو تصّـب المـوت 000واتهيّلك
>>>>>>>>>>واجـوع لـك وآتمـنى خنجـرك واشتهيـك

ماقلـت لك عمر سيـف العشق مايقتلك
>>>>>>>>>>ماتشوفني حي قدامك وانا امـوت فيك

اشتقت لك قبل اجيك وجيت واشتقت لك
>>>>>>>>>>البارحة طول ليلي بين هذي 00وذيـك

مليت جمـر انتظارك واستحيت أسألـك
>>>>>>>>>>واحسبتني ما بعد جيتك وفكرت اجيـك

اثرك بقلبي من البارح وانا استعجلك
>>>>>>>>>>واثري نسيتك من الفرحة وقمت احتريك.. .. .. ..


http://www.grnaas.org/img/upload/wh_58887179.gif

ولع رماد الشوق يامعذبي نار
>>>>>>>>>>!!من كان يحلم باشتعال الرمادي ؟

ماكنت احسب انه يكون اللقا حار
>>>>>>>>>>لين التقينا واشبكتنا الايادي

وقامت لنا الذكري تغني على الطار
>>>>>>>>>>تنساب باسماعي نغم حب هادي

حسيت شي لفني مثل الاعصار
>>>>>>>>>>واستيقظت نشوة غلاك بفؤادي

اخذت لي سجه وانا شبه منهار
>>>>>>>>>>بين الخيال وبين علمٍ وكادي

وفزيت يوم انى تنبهت وش صار
>>>>>>>>>>مثل الذى توه صحي من رقادي

تغير الموقف بلا سابق انذار
>>>>>>>>>>وغير المشاعر جت مشاعر جدادي

رديت لك عقب التجافي والانكار
>>>>>>>>>>وطويت صفحات الزعل والعنادي

وتبددت ذيك المبادي والافكار
>>>>>>>>>>ايه جنون افكار وايه مبادي

تراي انا مليتها لعبه النار
>>>>>>>>>>ما احد لعبها قبلنا واستفادي

من رد للجنه عقب صالى النار
>>>>>>>>>>حتى السموم يصير عنده برادي



http://www.grnaas.org/img/upload/wh_58887179.gif

تخوفني مشاوير الطريق المظلم المهجور
>>>>>>>>>>واليامني ذكرتك قلت طولي يامشاويري

عزاي انك رجاي العذب لو كل الدروب عثور
>>>>>>>>>>وصلت اوماوصلت اعرفك ما انته منتظر غيري

حبيبي .. وكل الله لاتحسب إني بليد شعور
>>>>>>>>>>لو انت المستحيل الصعب .. ماابدي لك معاذيري

احبك .. رغم تجريح الليال لقلبي المقهور
>>>>>>>>>>اشوف الجرح يكبر وانت تكبر وسط تفكيري

احبك .. لو يموت الحب وتصير القلوب قبور
>>>>>>>>>>احبك كلمة لو حرموها .. حل تفكيري

احبك من هنا حتى طلوع الفجر .. حد النور
>>>>>>>>>>صحيح انك قدر محتوم بس اجمل مقاديري

بعذر اللي يحبك لو يصير الشاعر المشهور
>>>>>>>>>>لأنك تنهمر حلو القصيده في تعابيري

احد ربي يحطك له حبيب .. ومايجيه غرور ؟
>>>>>>>>>>وانا مهما بغيت استوعبك ياقل تقديري

هلا بك من قدمك ... لغرتك لي شعرك المنثور
>>>>>>>>>>هلا في كل شيٍ فيك وانت اغلي مساييري

أثر صدق الغلا يجبر حطام الخاطر المكسور
>>>>>>>>>>وانا مهما منحتك من غلاي اشعر بتقصيري

ولو طالت مشاوير الطريق المظلم المهجور
>>>>>>>>>>انا لامن ذكرتك قلت .. احبك يامشاويري



__________________
http://www.grnaas.org/img/upload/wh_58887179.gif
.
.

[•·.عاشقة الدموع.·•]

http://www.grnaas.org/img/upload/wh_58887179.gif


هذا انت والا حمرة الشمس واليم
>>>>>>>>>>ريـح المطـر ولا نسايـم حنينـك

يومك ضحكت وبش باوجانك الدم
>>>>>>>>>>قبـل الغيـاب وكلهـم حاسدينـك

كن النهار اللي رسم للشفـق فـم
>>>>>>>>>>ضحكة ثغرك اللي سماهـا جبينـك

هذا انت ولا من يضم الحشا ضـم
>>>>>>>>>>هـذى يديـن البـرد والا يدينـك

ثلجي نحرك ..أدفي من غفاية الهم
>>>>>>>>>>عن خاطر ٍ صحوات همـه تدينـك

بأعانق احدود الضما والغلا جـم
>>>>>>>>>>وأبقي معك سيد هـواك ورهينـك

http://www.grnaas.org/img/upload/wh_58887179.gif

جيتك بقايا حي كـل اكثـره مـات
>>>>>>>>>>وصلت لك بآخر رمق مـن حياتـي 0

جيتك خوي الخوف في رحلة الذات
>>>>>>>>>>بين الرجـا وظروفـي القاسياتـي

جيتك مـن الفرقـا كثيـر التلفّـات
>>>>>>>>>>جيت انتحر في نجلـك الناعساتـي

جيتك مزيج جروح ودموع وآهـات
>>>>>>>>>>نديـم لعيـون الاسـف والشماتـي

جيتك شظايا تشتعل شوق بسكـات
>>>>>>>>>>ما ادري حزن مدري سعادة اسكاتي

جيتك لو انتي سابـع المستحيـلات
>>>>>>>>>>اللـي يحبـك يصنـع المعجزاتـي

جيت استجيرك من شموس المتاهات
>>>>>>>>>>عيّـت تظللنـي تَحَتْهـا عبـاتـي

واباتعفّـى مـن عـذاب المعانـاة
>>>>>>>>>>على رصيـف اشواقـك الدافياتـي

تلقّفينـي مـن ايديـن التشـتـات
>>>>>>>>>>صيري بحلاة الروح قـارب نجاتـي

هلى غلا يمحى كـدر كـل مافـات
>>>>>>>>>>يامزنـة افراحـي ومنبـع هناتـي











http://www.grnaas.org/img/upload/wh_58887179.gif




العنود اللي مساء البارح وانا سيد سهرهـا
>>>>>>>>>>اقبلت مثل البياض وودعت مثـل برديـة

المساء ضج بسوالف عطرها واشعل سفرها
>>>>>>>>>>والعروق اللي روت مسيرها خضر ونديـة

مانشدت اخت المهاه ليامتى حـزة خدرهـا
>>>>>>>>>>حد علمي يوم امد لجيدهـا شرهـة ايديـة

عقدها المغرور تاة بعطرهـا ولا نحرهـا
>>>>>>>>>> ساعة اشرة عليـة وساعـة يشـرة عليـة

كل مالدت على البـال والعقـد يخزرهـا
>>>>>>>>>>قلت انا ماني خوي عادتـة ينسـى خويـة


ليتها تدري وعقد الماس لويـدري عذرهـا
>>>>>>>>>>اشهدان الجمرة اللي في الحشاء منى وفيـة


من سرت يمي وانا مالي خيار الا قدرهـا

>>>>>>>>>>كنهـا كـل السنيـن المقبلـة والأولـيـة


من غدت همي وانا مالي ديـار الا ديرهـا

>>>>>>>>>>جالها بين الظلوع الظامية روحـة وجيـة


جادل كل الدروب المعشبة تنبـت بثرهـا

>>>>>>>>>>جت تبي جرح وقصيد وخلت الثنتن ليـة


من يحدثني حديث الثلج للجمـر بثغرهـا

>>>>>>>>>>والله اني كنت ناوي لي بهاك الجمـر نيـة


من نشدهاك الوساع الخرس عن دنياحورها

>>>>>>>>>>وش جمع سحر الغموض بسودهاوالنرجسية


الوكاد اني بشط الكحـل غنيـت لبحرهـا

>>>>>>>>>>ماحلا هوسة هدبها والمسـاء والسامريـة


من يعلم مستريح الريح عن فوضى شعرها

>>>>>>>>>>الحرير اللي كسى هاك المتون العسجديـة


علموة ان مازح الغرى ونشد عـن قمرهـا

>>>>>>>>>>لايخاف ان شاف ظلما وشاف الشمس حية



http://www.grnaas.org/img/upload/wh_58887179.gif


جابك الله على غايـة المطلـوب
>>>>>>>>>>من مواطيك بالعشـب لأهدابـك

جيت يالمترف الناعم الرعبـوب
>>>>>>>>>>مرحبا فيك لأقبلت وأهـلا بـك

تنثني كنـك النايـف النبنـوب
>>>>>>>>>>وانثني وأنشد الصبح وش جابك ؟

تبتسـم للنسايـم تـذوب قلـوب
>>>>>>>>>>وابتسم وأهـدي الـورد عنّابـك

ضحكتك غيمة وبلهـا مسكـوب
>>>>>>>>>>ظللتـنـي نهـاريـن بغيـابـك

فيك من لفتة الشـادن المرعـوب
>>>>>>>>>>كل ماهـزّك الشـوق وانتابـك

مرةٍ كنك الشمس وقـت غـروب
>>>>>>>>>>ومـرةٍ كنـك الحلـم متشـابـك

كل ماجيت أبي استلهمك وآتـوب
>>>>>>>>>>ضعت بك ضيعة العطر بثيابك !




http://www.grnaas.org/img/upload/wh_58887179.gif





__________________
http://www.grnaas.org/img/upload/wh_58887179.gif
.
.

[•·.عاشقة الدموع.·•]

جت في يدها وردتينٍ حمر
>>>>>>>>>>قبل الشفق والشمس محمره

النق نافر والسوالف خمر
>>>>>>>>>>والموت بين العنق والغره

والريح تاخذ من شعرها غمر
>>>>>>>>>>تلعب معاه شوي وتثره

ذاك الثليل اللي جمرني جمر
>>>>>>>>>>اللي بغيت اموت من حمره

قلت انورت كل الدروب السمر
>>>>>>>>>>والعيد جا يمشي على الجره

برق السنين ومجهمات وقمر
>>>>>>>>>>جيتي وخفاقي نفض شره

الليله ليله من ليالي العمر
>>>>>>>>>>واحلى ليالي العمر بالمره

قالت غيابك وانتظارك جمر
>>>>>>>>>>وايطت تعاتبني وتتشره

قلت ابشري والرمش يا مر أمر
>>>>>>>>>>يالول وجداني ويادره

واللي جمعنا يا انتظار العمر
>>>>>>>>>>ما اعود هالفرقا ولامره



http://www.grnaas.org/img/upload/wh_58887179.gif


آخر عباراتي وداع ..وآخر مشاويري رحيل
>>>>>>>>>>جيتك وبي لفحة ضما واقفيت كبدي ناشفه

اصعب كلام أصعب خبر صرخه عقب صمت طويل
>>>>>>>>>>مثل الهدوء اللي سبق لحظة هبوب العاصفه

وأنتي بمتناول يدي ... تبدين مثل المستحيل
>>>>>>>>>>في عشرتك صوت العقل يقتل طموح العاصفه

الحب ماهو كل شي إليا وقف حظٍ بخيل
>>>>>>>>>>قلوبنا مثل العسل بس الظروف مصالفه

لاللندم ..لاللعتب .. أوشي من هذا القبيل
>>>>>>>>>>وانتي ماجا منك خطا حتى تقولي اسفه

من غير ليه .. استسلمي ..واستلهمي صبرٍجميل
>>>>>>>>>>ولاتسأليني وش جرى مالك بطول السالفه

قولي لهم ياعزوتي ماعابنا موت النخيل
>>>>>>>>>>اللي يوافيها الأجل وتموت لكن واقفه

آخر عباراتي وداع آخر مشاويري رحيل
>>>>>>>>>>جيتك وكبدي ناشفه واقفيت كبدي ناشفه


http://www.grnaas.org/img/upload/wh_58887179.gif



على كثر الكلام وكثـر ماقبـل الكـلام جـروح
>>>>>>>>>>سكت ومالقيـت الكلمتيـن اللـي علـى بالـي

أخاف ان قلتها وان قلتهـا ما قلتهـا بوضـوح
>>>>>>>>>>توسدنـي ملامـات الرفيـق وشرهـة الغالـي

كذوبه ياالهجوس اللي على الخاطر تجي وتروح
>>>>>>>>>>بغيـت ازبـن ذراهـا واستريـح وماتهيّـالـي

ورحت اتلي..شتاتي..واترجا صوتـي المبحـوح
>>>>>>>>>>تموج ابي الدروب..ومسندٍ كفّـي علـى ظلالـي

عسى ماانتي رجايه يابروقٍ فـي سمـاي تلـوح
>>>>>>>>>>يشرهبنـي رعدهـا والظمـا بالصـدر همّالـي

نقلت جروح مااعرفها بقلـبٍ مرهـفٍ مجـروح
>>>>>>>>>>تنطحـت البيـاض وسـود الله وجـه عذالـي

ولو طالت بي الحـروه وبانـت للمـلام شبـوح
>>>>>>>>>>نهض شوفي جناحه واستبـان المرقـب العالـي

ولو خان الشفق مـرّه ومـرّه طيـره المذبـوح
>>>>>>>>>>بقى وكره على جبـاه النجـوم المرقبـه خالـي

يسامحني رفيقٍ كل مااخطى قلـت لـه مسمـوح
>>>>>>>>>>على كبر الهقاوي من رفيقـي مرخـي حبالـي

ماهو ب..ذنب الكفوف اللي شذاها بالجميل يفوح
>>>>>>>>>>الى من صافحت بعض الردى في بعض الاحوالي

ماهو ب..ذنب الوفا والنيّه البيضا وطيب الروح
>>>>>>>>>>وانا ثـوب الجمالـه مالبستـه جـرد واسمالـي

على كثر الكلام وكثر غيضـي مانويـت آبـوح
>>>>>>>>>>عساهـا ماتعـود الكلمتيـن اللـي علـى بالـي


http://www.grnaas.org/img/upload/wh_58887179.gif


سمّها ذكرى مزوح اللي تسمّـي
>>>>>>>>>>انت ابو خضر الطعون وسمّهـا

انت ياشيخ البها سيـدي وعمّـي
>>>>>>>>>>تنثـر ايامـي عبث..وتلمّـهـا

انت همّي ولّ ياما احلاك همّـي
>>>>>>>>>>معـك ياملـح السنيـن وهمّهـا

قبل اقول لسودك الحلوين سمّـي
>>>>>>>>>>من غلا سودك غرقت ف..يمّهـا

اندهك تنبـت نواويـرك بفمّـي
>>>>>>>>>>المحـك شمـسٍ نهـاري يمّهـا

جيت لك من جامر الشوق متحمّي
>>>>>>>>>>كـل ماتبـرد طعونـي ضمّهـا

جيت لك واقصى معاليقي تومّـي
>>>>>>>>>>هـمّ يخطيهـا وهـمّ يخمّـهـا

ان ظميت اشرب سواليفك بدمّي
>>>>>>>>>>وان تثاقلـت الـدروب ازمّهـا

وان خذتني منك عينٍ ماتسمّـي
>>>>>>>>>>ألعـن الدنيـا وابوهـا وامّهـا



http://www.grnaas.org/img/upload/wh_58887179.gif



ياابن الحلال انت وش تبغي بها الدمعه
>>>>>>>>>>بتموت ماشفت دمعة ذل مـن عينـي

ماني حبيبـك اذا ضحيـت بالسمعـه
>>>>>>>>>>لاذلني حب ويش اللـي تبـي فينـي؟

لاتزهم الليل كل اللـي بقـى شمعـه
>>>>>>>>>>هي كل شـي تبقـى بينـك وبينـي

وهج المكابر تـراه بيحرقـك لمعـه
>>>>>>>>>>باكر ترى اقول لـك ماعـاد يمدينـي

ابعدتني والقلـوب القشر مجتمعـه
>>>>>>>>>>دايم وانا القاك دايم وانـت مغدينـي

أهيم انا وانت مثل السبت والجمعـه
>>>>>>>>>>ياقربنـا والصحيـح انـا بعيديـنـي



http://www.grnaas.org/img/upload/wh_58887179.gif

أمشي وهمّي جبل يمشي معي وين ماروح
>>>>>>>>>>أزريت اشيل الجبل وازريـت لاافارقـه

كل الخطاوي تعبْ كل الليالـي جـروح
>>>>>>>>>>أرضي هجير وسمايـه شمسهـا حارقـه

ماغير روح التحدّي في عروقـي تفـوح
>>>>>>>>>>قوّة صمودي على جور الزمـن خارقـه

هذا وانـا عزّتـي دايـم قبالـي تلـوح
>>>>>>>>>>لين اصبحت في حياتـي ميـزةٍ فارقـه

أرفض شعور الندم وارفض طمان السفوح
>>>>>>>>>>لوكـان فيـه الحيـاة غصونهـا وارقـه

مادام فيني نِفَسْ يـذري وفينـي طمـوح
>>>>>>>>>>بـابٍ وراه اعتـزازي طارقه..طارقـه

رغم امتداد التعب عيّا يمـوت الطمـوح
>>>>>>>>>>والشمس بكره ورغم انف الدجى شارقـه



http://www.grnaas.org/img/upload/wh_58887179.gif


بين فرحة لقاك وهم فرقاك
>>>>>>>>>>لاتذكرت جرح ولا نسيتك

حي هالشوف ماتنمل دنياك
>>>>>>>>>>شف سواة العيون ليا لقيتك

عين تشربك شوف وعين تظماك
>>>>>>>>>>لاذبحني ظماك ولا رويتك

قمت اخيلك هنا ... وهناك .. وهناك
>>>>>>>>>>وين ترحل بي النظره نصيتك

ان تبسمت قلت الموعد شفاك
>>>>>>>>>>وان تمنعت بانفاسي دعيتك

وان طلبت الغلا قلت الغلا جاك
>>>>>>>>>>وان سكنت الخفوق البيت بيتك

وان نثرت القصيد بدرب لاماك
>>>>>>>>>>ذاع صيت القصيد وذاع صيتك

يارجا العمر لو حفتك الاشواك
>>>>>>>>>>ليتك اول طريق القلب ليتك

ودع البرد كف ضم يمناك
>>>>>>>>>>صافح الود قلبي يوم جيتك

حي هالشوف رغم هموم فرقاك
>>>>>>>>>>لو تناسيت جرحي مانسيتك


http://www.grnaas.org/img/upload/wh_58887179.gif

البارحة كل رمش ... سل شلفاه
>>>>>>>>>>وانا على نيتي ساهي وشارد

مسرح وجمهور متبلد وملهاه
>>>>>>>>>> يوم انت تطعن حشاي بدم بارد

ياسيدي من يقول الموت مأساه
>>>>>>>>>>والموت بغضايتك خيل تطارد

ماعندك الا حلالك وحلا لاه
>>>>>>>>>> لي اركيت قلبي على سود المبارد

الرمش طاغي وانا ماني بوياه
>>>>>>>>>> صدرت ضامي غلاك وجيت وارد

شبيك لبيك قلب العبد لله
>>>>>>>>>> بين اصبعينك غدا خادم ومارد

اطلب وتدلل فداك اللي تمناه
>>>>>>>>>> لو تطلب الشمس وسهيل وعطارد

http://www.grnaas.org/img/upload/wh_58887179.gif

[•·.عاشقة الدموع.·•]

http://www.grnaas.org/img/upload/wh_58887179.gif


صوتك اللي بقالي من ليالينا
>>>>>>>>>>عاد لو غاب صوتك ويش يبقالي

صوتك الموج والمجداف والمينا
>>>>>>>>>>صوتك الناس لوني في خلا خالي

صوتك الذكريات اللي اتدفينا
>>>>>>>>>>كل ماهل شفت العيد يبدالي

صوتك بعيد مثل البعد يطوينا
>>>>>>>>>>صوتك اغليه ... صوتك يابعد حالي

من غروب الكلام لشرق اسامينا
>>>>>>>>>>ياحبيبه وصوتك عندي الغالي

سولفي ... لعنبو هــمٍ يبكينا
>>>>>>>>>>انت اقصى مدى الهقوات والتالي

مالها حد شرهتنا وامانينا
>>>>>>>>>>والمسافات قشرى مالها والي

يقبل الليل لامرفأ ولامينا
>>>>>>>>>>عاد لو غاب صوتك ويش يبقالي



http://www.grnaas.org/img/upload/wh_58887179.gif

تذكرين الغـلا والصيـف يالسـوده
>>>>>>>>>>لمّـة البرق..والخـلاّن والـراعـد

تذكرين القصيد..وسلْمهـة سـوده!
>>>>>>>>>>واحـدٍ كـان مامثلـه ولاواحــد!!

تذكري غيرَتهَ..ورْضاه..وصْـدوده
>>>>>>>>>>تذكريـن المطر..والشعر..ومساعـد

عاشقك جا يقـود الشمـس وتقـوده
>>>>>>>>>>دفتـره ياسمين..وغيمتـه نـاهـد

شاعرٍ من عيونـك يطلـب الـزوده
>>>>>>>>>>جا يجـدّد قديـم الوِلْـف ويعاهـد

سودة ابهـا يديـن العـذر ممـدوده
>>>>>>>>>>حجّتـي ماتبـي قاضي..ولاشاهـد

يوم شفتك لصـدْر الغيـم مشـدوده
>>>>>>>>>>وردةٍ تستغيث..وعطرهـا سـاجـد

(خذْتْ ضيم) الضباب اللي ثنى عوده
>>>>>>>>>>ماترك لـي قليـل ولاتـرك واجـد

يكفي انِك علـى ثنتيـن محسـوده
>>>>>>>>>>بنت عمّ السحاب..وشاعرِك خالـد!



http://www.grnaas.org/img/upload/wh_58887179.gif



ادخل على الله واسلم الامر تسليـم
>>>>>>>>>>واستغفرة واستذكـرة واستميحـة

وضح النوايا والمساري مجاهيـم
>>>>>>>>>>والحلم غالـي والليالـي شحيحـة

سادت مفاهيـم وبـادت مفاهيـم
>>>>>>>>>>ويح الزمن يابنت الاجـواد ويحـة

خلي علـوم أمسسيـن المرازيـم
>>>>>>>>>>واخذي علوم مصمصمين القريحة

حنا طنايا عبـس يامذيـر الريـم
>>>>>>>>>>حنـا مقابيـس الوغـى يامليحـة

حنا سلايل قاسـم الخيـل ودليـم
>>>>>>>>>>وقت العنا يـوم المكايـد رجيحـة

بدو حفايـا مانصفتنـا المقاسيـم
>>>>>>>>>>وبصدورنا عـز تطـارخ فحيحـة

نرعى رفيف البرق في ساقة الغيم
>>>>>>>>>>ومن يستبيـح حدودنـا مانبيحـة

ولياترع في هرجتة دفـش وبهيـم
>>>>>>>>>>خطو الهبود اللي تكابـر فطيحـة

عن ساقط الهرجة نطق الملاطيـم
>>>>>>>>>>ومن طاح فيها مارحمنـا مطيحـة

نكبر عن الطفسة ونجزع من الضيم
>>>>>>>>>>ونموت ما ناطا شليـل الفضيحـة

نزوم زومات الرجـال المحاشيـم
>>>>>>>>>>ونهـد هـدات النمـور الجريحـة

ربـع علـى در المنايـا مفاطيـم
>>>>>>>>>>من هازنا زاغت عجوزة تصيحـة

اليـا تغشلينـا عسيـر الشغاميـم
>>>>>>>>>>لومك على اللي مايبرهـن مديحـة

وان لولشـن محشمـات الملاثيـم
>>>>>>>>>>والموت حثرب بالحناجر ضبيحـة

جينا من اقصانا سحايـب مراديـم
>>>>>>>>>>كل يذكّي حروتـة عـن نطيحـة

يازيـن دح قفوشنـا لـة ترانيـم
>>>>>>>>>>والعج واقف والفعايـل صريحـة

كـان المنايـا سوقهـا مابـعـدسيم
>>>>>>>>>>والخوف برّك بالقلوب الكسيحة

حنـا زباينهـا علـى المـلازيـم
>>>>>>>>>>علـمٍ يقرّيـة النصيـح لنصيحـة

واللي بنـى بيتـة نبيـة ابراهيـم
>>>>>>>>>>إنّا طريـق المستميـت لضريحـة

بني رشيد ان عتم الجو الجو تعتيم
>>>>>>>>>>ماللـردى فينـا ملامـح وليحـة

أجسر من الرعاد واكرم من الديـم
>>>>>>>>>>سمر الجباة اهل الوجيـة الفليحـة

خوينـا نقريـة عـزة وتحشيـم
>>>>>>>>>>دخيلنا دونة عن المـوت صيحـة

يابنـت ماحنـا فقـارا معـاديـم
>>>>>>>>>>لوماسكنـا بالقصـور الفسيـحـة

تجـار لوحاشـت يدينـا ملاليـم
>>>>>>>>>>ومـن الغنـاة قلوبنـا مستريحـة

مانستضيـق ليالفونـا معـازيـم
>>>>>>>>>>للضيـف لونذبـح حدينـا ذبيحـة

دايـم ايدينـا للعطايـا موالـيـم
>>>>>>>>>>لي خانت الفزعـة وجيـة كليحـة

طال القريض ومقبل الـود ومقيـم
>>>>>>>>>>والبـال عيـا طارقـة لايريـحـة

اقولها وابصم على القول تبصيـم
>>>>>>>>>>والعلم بين زايفـة مـن صحيحـة

ماهو قصور بالحـرار الصماصيـم
>>>>>>>>>>كل بدرب العـز قـد هـب ريحـة

مدحـي لربعـي مايـذم الاكاريـم
>>>>>>>>>>ولايستشـك الا خبيـث الشريحـة

والحق واضح للرجـال المفاهيـم
>>>>>>>>>>والحقد يخرث بالنفـوس القبيحـة

والشر من جيّة معزي وهـو نيـم
>>>>>>>>>>واليوم وحدة والشريعـة سميحـة




http://www.grnaas.org/img/upload/wh_58887179.gif


ياابوي لايلحقـك شـكٍ ولاريـب
>>>>>>>>>>انفض هجوسك وارفع الراس عالي

أنا شبابك لاغزا راسـك الشيـب
>>>>>>>>>>وأنا عضيـدك لوتجـور الليالـي

أي والله ابشر يارع الطيب بالطيب
>>>>>>>>>>والله ل..اسدّك لو يضيق المجالـي

آمر وتحت امرك تهون المطاليـب
>>>>>>>>>>إنخـا وتلقانـي قريـبٍ موالـي

أجيك كلّي ماخشيـت المصاعيـب
>>>>>>>>>>لي طبت تكفا يايبه طـاب فالـي

ان عاش راسي عزيز المجاذيـب
>>>>>>>>>>ل..اشيل حملك لو يفوق احتمالـي

واطفي ظماك ان حتربنّ المشاريب
>>>>>>>>>>واسقيك من زندي قـراحٍ زلالـي

ولايهمـك ياكريـم المواجـيـب
>>>>>>>>>>يفـداك حالـي يايبـه والحلالـي

أبشر وذيبك يارفيع الشرف ذيـب
>>>>>>>>>>ياأبـوي دام تشوفنـي لاتبـالـي


http://www.grnaas.org/img/upload/wh_58887179.gif

[•·.عاشقة الدموع.·•]

ينجرح قلب..لكـن ترتفـع هامـه
>>>>>>>>>>والله انّي ل..اموت ولاانحتى راسي

لورمانـي زمانـي وسط..دوّامـه
>>>>>>>>>>العواصف شديده..والجبل راسـي

أنقل الحزن وامشي منتصب قامـه
>>>>>>>>>>قاسي الوقت لكنّـي بعـد قاسـي

واسمع الحلم يصرخ لحظة اعدامه
>>>>>>>>>>رابط الجاش..ماهزّ الخبر باسـي

عزّتـي غاليه..والنـاس سوّامـه
>>>>>>>>>>قِلت مااطيع حتى تقطـع انفاسـي

زانت ايام عمري..شانـت ايامـه
>>>>>>>>>>مارجيت العزا من رحـة النّاسـي

من عجز لايـدوس الهمّ..باقدامـه
>>>>>>>>>>لازم انّـه مـع الايام..ينـداسـي

يندمل جرح قلبٍ ..ماتت احلامـه
>>>>>>>>>>بس مااظن يبرا جرح الاحساسـي

يوم صارت مابين القلب والهامـه
>>>>>>>>>>ويش ابي بالحياة اليا انحنى راسي



http://www.grnaas.org/img/upload/wh_58887179.gif



ليلك نثر عطره على شاطي النيـل
>>>>>>>>>>وانا ضواني ليـل نجـد وسريتـه

يامطوّل الغيبات يامااطـول الليـل
>>>>>>>>>>توّي دريـت انّـه سـواد وجفيتـه

أثر النجوم اكثر من الجدي وسهيـل
>>>>>>>>>>نجـمٍ كتـب همّي..ونجـمٍ محيتـه

ياصاحبي عطشان..عطشان لك حيل
>>>>>>>>>>مظمـي وهمّـال السهـر ماقويتـه

رد السـلام لمترفـات المنـاديـل
>>>>>>>>>>كحل العيون ودمعك اللـي نسيتـه

الدرب ميـت والخطـاوي مقاتيـل
>>>>>>>>>>وان لاح طيفك مت فيـه وحييتـه

الله على الضحكه نهار المواصيـل
>>>>>>>>>>هاك النهار اللـي بعمـري فديتـه

قبل اتقهوى مـن كسـالا مظاليـل
>>>>>>>>>>قبل السلام وقبـل جانـي وجيتـه

ضم الحشا واكسر جمود التفاصيـل
>>>>>>>>>>ماعندي اغلى من خفـوقٍ كويتـه

لمصافحك كف وقصيد وهلاهيـل
>>>>>>>>>>امـا زبنـك القلـب ولاّ خذيـتـه

لويغري القمـرا ذبـول القناديـل
>>>>>>>>>>بعـت النهـار لجيتـك واشتريتـه

يوم انتثر عطرك على شاطي النيل
>>>>>>>>>>انا ضوانـي ليـل نجـد وسريتـه




http://www.grnaas.org/img/upload/wh_58887179.gif


ياشيـخ عقبـك كـنّ مااحـدٍ هنيّـا
>>>>>>>>>>وانـا ورب البيـت كنّـي لحالـي

واللي رفـع قـدرك مكـان الثريّـا
>>>>>>>>>>انك قبـل غالـي وهالحيـن غالـي

بظـلال قصـرك لوتغيـب اتفيّـا
>>>>>>>>>>يـدوم عـزّك ياوريـث الظلالـي

يااميـر يانعـم الطـرا والطـريّـا
>>>>>>>>>>في الناس طيب وطيب(متعب) خيالي

متعب حفيد اللي على الحكـم عيّـا
>>>>>>>>>>ولد الشجاع اللـي يـروم المعالـي

قبل امدحـك مادحـك ربـي بليّـا
>>>>>>>>>>ديـن ووقـار وهـامـةٍ ماتبـالـي

ماغير اطـرّب خاطـري هالسويّـا
>>>>>>>>>>ياعلّي استـر ضيقـةٍ وسـط بالـي




http://www.grnaas.org/img/upload/wh_58887179.gif



بين نار الصخا والقلّ والحاجه
>>>>>>>>>>والمشاريه والخلاّن..والطيبه

شفت لي مزنةٍ غرّا..ولعّاجـه
>>>>>>>>>>قلت للقلب يدوي من مراقيبه

الليالي تبي صملات ومواجه
>>>>>>>>>>ياولد لاتضرّيها على الهيبـه

كل حرّ يمينه تطلق حجاجـه
>>>>>>>>>>مايدلّي مع التالـي مجاذيبـه




http://www.grnaas.org/img/upload/wh_58887179.gif



سلام ياحايل حبيبة طي..بنـت الخيـال
>>>>>>>>>>الليله انتي سيدة حرفي وانـا شاعـرك

قالوا انك ماكبرتـي ياعـروس الشمـال
>>>>>>>>>>باقي عروس..ويلمع البـرّاق بآسـاورك

لا..لاتقولي شّي عن سر البها والـدلال
>>>>>>>>>>إنتي خطاك الغيم حيّـي وانـا عـاذرك

الله عليك ليا تواضعتـي وقلتـي تعـال
>>>>>>>>>>والله على هيبة غرورك نوب ومكابـرك

المسعد اللي كل ماماريعّ عليك الظـلال
>>>>>>>>>>لمّ البختري والنفل والشيح عن صابـرك

ماادري حرام الموت بين يديك والاّ حلال
>>>>>>>>>>لكني ادري ليه انا احبـك ولاآشـاورك

يامرتع التاريخ لاعدّت فعـول الرجـال
>>>>>>>>>>المجد من ماضيك مسراته الى حاضـرك

انتي ليا جا للكرم طاري وجابوا مجـال
>>>>>>>>>>كلٍ تمنى لو يجي مرّه علـى خاطـرك

وانا ادري انك فوق كل اللي نقول ويقال
>>>>>>>>>>وان النجوم تغار لو ان القمـر جـاورك

والشاعر اللي لاكتب بك مايثير الجـدال
>>>>>>>>>>الله وامانه يابعد حيّـي مهـو شاعـرك




http://www.grnaas.org/img/upload/wh_58887179.gif


من زمان تسولف الريح عن شاله
>>>>>>>>>>كل عطرٍ ساقت الريح من يمّـه

وش عليه ان مرني شايفٍ حاله
>>>>>>>>>>كم صباحٍ سيّل الشمس من كمّـه

كم هبوبٍ عرسهـا لثـم شلالـه
>>>>>>>>>>كم ترشفه الشفق وانتثـر دمّـه

لو فهم جمر النحر عذر سلسالـه
>>>>>>>>>>ماتضايق مايس القد مـن زمّـه

لو عيونه تجرح الشوف مختالـه
>>>>>>>>>>ماتمل عيون مغليه مـن ضمّـه

ليه اسمّي سود الاهـداب قتالـه
>>>>>>>>>>والحياه بساهي الرمـش ملتمّـه

ليلـة انـه بينهـم كنّـه لحالـه
>>>>>>>>>>ضاع قلب وضاعت ازوال بالّلمّه

مانشدته طيب الفال عـن فالـه
>>>>>>>>>>جيت ماادري تايه الراي واليمّـه

اتلمس بين الاضـلاع منزالـه
>>>>>>>>>>واثره اللي في ذرى القلب ماهمّه

مترفٍ يومـي دلالـه ويبرالـه
>>>>>>>>>>يوم كلًّ يمدح الشـوف ويذمّـه

ماتورّث زيـن عمّـه ولاخالـه
>>>>>>>>>>ياولد عمّ القمـر ياالقمـر عمّـه



http://www.grnaas.org/img/upload/wh_58887179.gif


حزين من الشتا والاحزين من الظما ياطير
>>>>>>>>>>دخيل الريشتين اللي تضفك حل عن عيني

دخيل الما ..وملح الما..وحزن الما قبل ماتطير
>>>>>>>>>>تهيا للهبوب اللي تصافق في شراييني

دخيل الغصن والظل والهزيل وهفهفات إعصير
>>>>>>>>>>دخيلك لاتشح بنجمتي والليل ممسيني

ترفرف يافقير الريش ضيقه والنهار قصير
>>>>>>>>>>علامك كل ماليل جناحك جيت ساريني

انا ماني بخير وجيت يمي وانت مانت بخير
>>>>>>>>>>وانا ياطير في من الهجاد اللي مكفيني

ترى لو شفت لي ظل ومهابه في عيون الغير
>>>>>>>>>>ترى كل الزهاب اللي معي جرحي وسكيني





http://www.grnaas.org/img/upload/wh_58887179.gif




عذب السجايا وعوده بأول الكنه
>>>>>>>>>>متى تزين السوالف وآخذ علومه

وأسامحه عن خطات الجرح والونه
>>>>>>>>>>واعاتبه لو يصـد شـوي والومـه

وأذكره ب.أول المسفار حتى انـها
>>>>>>>>>>ليا تذكر زمان أول نسـى نومـه

يوم انه أقبل خدين الـروح يومنـه
>>>>>>>>>>وأقبلت أراعيه والقومه هي القومه

من يومها والحشا ماعاد لـه خنـه
>>>>>>>>>>الا لصوته ..وميعاده ..وملزومـه

عفري هنف للضلوع وجا لهن حنّه
>>>>>>>>>>واستانست له فياض القلب ورجومه

لبا جبينه اليا ارتـج الغطـا كنـه
>>>>>>>>>>برق يصب الرفيف في كف ديمومه

ما قول شفته وشفت البيض يتلنـه
>>>>>>>>>>اقول شفته وشفت الشمس منجومه

ماقول كنـه الجديـل الليـل لكنـه
>>>>>>>>>>ليلن خرعه الظلام وضيّع نجومـه

يا قبلت الله هكااللعنقود لـي منـه
>>>>>>>>>>قام يتهجا شذى عطره ويشمومـه

فيه انتهى النور لاوالله بـدا منـه
>>>>>>>>>>فجرن نعس بالوريد ونام بهدومـه

وردن تفرعن حماره وقلت أبا كنـه
>>>>>>>>>>اليا متى والحنايا منـه مفطومـه

فز وتطرّق رطيبه قلـت مـا عنـه
>>>>>>>>>>بالم شيحه ..وقيصومه ..وريحانـه

صد وتلعثم هديله فـي بـرد سنـه
>>>>>>>>>>يا قوم ذا النور يوم انكت يا قومـه

الله عطانيـه والله يعطـي الجنـه
>>>>>>>>>>واليا ستجد الهوى كلن ومقسومه




http://www.grnaas.org/img/upload/wh_58887179.gif


مل الخجل فيك ما مليت من شوفك
>>>>>>>>>>واغمض عيوني عنك وانسى انك عيوني

مل الغلا في مابين بعض خوفك
>>>>>>>>>>يامعصبي في سماء عينك ويا هوني

اسرفت بك شوف وانت اسرفت بكسوفك
>>>>>>>>>>ماتدري ان بخجلك تزايد غبوني

ليتك تمعنت في نظرات ملهوفك
>>>>>>>>>>تشرب ملامح غلاي وتستلف لوني

يالذتي لو قدرت استوعب وصوفك
>>>>>>>>>>ازريت لا استوعب اللهفه بمكنوني

يالذتي يوم اشوف نخضب كفوفك
>>>>>>>>>>تضما كفوفي سلام وتشرق طعوني

لاتعتذر لي اكيد مقدر ظروفك
>>>>>>>>>>متاعب الدرب ماتخلف بك ظنوني

لو ما تجملت فيني شفت معروفك
>>>>>>>>>>مهما تكون الظروف تكون مطنوني

ما جيت اعاتب حبيبي جيت ابا اشوفك
>>>>>>>>>>وش عاد لو كنت بين الرمش وجفوني

جيت اعشقك لين ينده لي شتاء جوفك
>>>>>>>>>>وادفي شجونك من ابرد نار بشجوني

جيت اكتبك في قصيدي واغرس حروفك
>>>>>>>>>>باعماق نبضي وباعماقي وبعيوني




http://www.grnaas.org/img/upload/wh_58887179.gif

[•·.عاشقة الدموع.·•]

يسعد صباحك يا بعد كل عمهوج
>>>>>>>>>>يسعد صباحك لو غشا الصبح ظلما

يا بنت كساب الثناء مقدي العوج
>>>>>>>>>>وقلوب عدوانه من الغيض تدما

لك بالشرف قدر ومدرارات وبروج
>>>>>>>>>>واسم تنومس هيبته بين الاسما

انا دخيل الكحل والعطر والروج
>>>>>>>>>>والضحكه اللي قادت العشب للما

لايزعل اللولو يموت ازرق الموج
>>>>>>>>>>والحلم يغرق والمجاديف تظما




http://www.grnaas.org/img/upload/wh_58887179.gif



القصيده التي قالها مساعد بالشاعره البحرينيه ريميه عندما اقام امسيه شعريه هناك


أخت القصيد وشيخته ريميه
>>>>>>>>>>الساس نجدي والترف بحريني

مرت على بال المطر عصريه
>>>>>>>>>>القاع جرداء والعرب مضميني

غنت وهلت وامطرت وسميه
>>>>>>>>>>ماها قراح وعشبها يغريني

الله هو اللي عالم ٍ بالنيه
>>>>>>>>>>الرب داري والبشر داريني

الوقت قيد وشعرها حريه
>>>>>>>>>>انشد قصيد ٍ كاتبه بيديني

من نبضها تدري انها نشميه
>>>>>>>>>>ماهي عشيرة ثرثري ودويني

عيّت على قدر القصيد بنيّه
>>>>>>>>>>كبرت وكبر اصرارها في عيني

بغيت اجيب لدارها عيديه
>>>>>>>>>>دار النشامى والنهار الزيني

لديت والا مابقي الا هيه
>>>>>>>>>>والوقت ضيق خفت مايمديني

قلت القصيد وشيخته ريميه
>>>>>>>>>>الساس نجدي والترف بحريني

http://www.grnaas.org/img/upload/wh_58887179.gif











http://www.grnaas.org/img/upload/wh_58887179.gif

في زمانٍ كـنّه الـبـرد شـبّـيـت الـقـصـيـد
>>>>>>>>>>قـلت ابـدفـا والـلـيـالـي تـمـوت بـبـردهـا
في طـريـقٍ كـنّه الـمـوت ولحـالي وحـيد
>>>>>>>>>>قـلت ابـحـيـا والـمـنـايـا تـبــوح بـسـدّهـا
أتـقـارب هـقـوة العـمـر لـو كـانـت بعـيـد
>>>>>>>>>>واتـغـــنّي بـالـمـقــابـيـل واخــطـب ودّهـا
لاقـديـم الجـرح يقـوى ولاالجـرح الجديد
>>>>>>>>>>يخـلـف النـفس العـزيـزه عن اللي ودّهـا
والـله انّي ما تـنـازل ولــي رايٍ عــنـيـد
>>>>>>>>>>ليـن أداعب غـرّة الـشـمس والثـم خـدّها
وانـزفي يا وردة الشعـر مـن دم الـوريـد
>>>>>>>>>>لا تـجـفّـي في عـــروقٍ تــراجــف يـدّهـا
يا قـصيـدي كان الأشعار سادات وعـبـيد
>>>>>>>>>>واللـه انـك من بـحــورغــريــبٍ جـــدّهـا
ما تـقـاود مـهـرة الـحـرف للـقـلب البلـيد
>>>>>>>>>>يا قـصـيـدي خـذ رسـنـهـا وخـلّـك قـدّهـا
في طـريـقٍ كـنّه الخـوف سلّـيت الـقصيد
>>>>>>>>>>قـلـت ابحـيـا والـلـيـالـي تـمـوت ببـردهـا


http://www.grnaas.org/img/upload/wh_58887179.gif


قصيدتة في مهرجان الجنادرية.


شاعرٍ وحد الباري وسمى يقول
>>>>>>>>>>كلمة ٍ ما حدن حده على قولها

تدفعه نخوة الواجب مقام ومثول
>>>>>>>>>>والنوايا تصب الشمس هملولها

الليالي مريفه ياعريب الأصول
>>>>>>>>>>والقصايد تجي الليله على اصولها

ياسلامي سلام ٍ بالحنايا يجول
>>>>>>>>>>عد ماصف ريشه واصطفق جولها

للفهد راعي الطولات عمره يطول
>>>>>>>>>>لابو متعب ليا من ثقلت حمولها

للوطن للتراب اللي وطاه الرسول
>>>>>>>>>>حي فال الديار وحي مرسولها

مزنة ٍ سبّلت لطويق رمش ٍ كسول
>>>>>>>>>>نقضّت عند جال العان مجدولها

فاحت النود عود ونجد غيدا جفول
>>>>>>>>>>ماتداني يمر الذّل من حولها

وجه ٍ ابيض وقلب ٍ من زبرجد ولول
>>>>>>>>>>كل ماجهم الخاطر ضحك لولها

كل مارفّ بارقها مداها يطول
>>>>>>>>>>كل مالجّ راعدها صعب نولها

بنت عزّ ٍ مهرها من صهيل الخيول
>>>>>>>>>>انشد الوقت عن حمزه ومسلولها

بيرق النور يزهى خصر ضامر نحول
>>>>>>>>>>واحمر الخد يسوى رنّة حجولها

يعربيه كريمه نفس عطفة زحول
>>>>>>>>>>لا نظرها الحسود ولا اختفى زولها

طشت القلب والشيله لراعي ذلول
>>>>>>>>>>ليلة ٍ وقفت الدنيا على طولها

يوم لدّت لها هيبه وطرف ٍ خجول
>>>>>>>>>>والرجاجيل تاطا الموت برجولها

وانتخت به وهو للطيب قرم عجول
>>>>>>>>>>لو يشوف المنايا تنفض فلولها

قال عندي ( واخو نوره ) يقول ويطول
>>>>>>>>>>واستوت زرقة الشلفا لمقتولها

ربّع العز واعشوشب بجرد السهول
>>>>>>>>>>ويله اللي يبي ذرّه من سهولها

نجد ماتعطي العصمه لغير الفحول
>>>>>>>>>>مايروع العذيه حلم بهلولها

من طمع عقب ( ابو تركي ) بنجد مهبول
>>>>>>>>>>حكمة يشهد الحاضر بمدلولها

اقبل الحق والباطل زهوق ٍ ملول
>>>>>>>>>>وانحنت هامة التاريخ من هولها


http://www.grnaas.org/img/upload/wh_58887179.gif



من ليم القمرا على وجه الطريق
>>>>>>>>>>و اوما لقلبي من بعيد وصاح به

الا انت يا المياس منثور الدليق
>>>>>>>>>>نهر الحياة اللي ضماي ارتاح به

خل السوالف ماعليها الا صديق
>>>>>>>>>>الصدر دلة للفجوج الراحبه

ان عودت للجد والعلم الوثيق
>>>>>>>>>>ما جابه الريح الشمالي راح به

اي والله اعلنها وانا وجهي طليق
>>>>>>>>>>والبال غصن كل قمري ناح به

انا من اللي مايخونون الصديق
>>>>>>>>>>بوم ولد اللاش خان بصاحبه

http://www.grnaas.org/img/upload/wh_58887179.gif


ذكرى الجراح

ليتني من فرحك قريب

ليت لي جرحك نصيب

خلني دمعة بعيونك !

كل ماثارت شجونك !

خلني حزن وشقا

دام جرحك لي حبيب

ضميني ياكل الحنان

وخذيني لايّة مكان

نسيني ماضينا اللي راح

ماعاد أبي ذكرى الجراح

خلني حزن وشقا

دام جرحك لي حبيب

رديني لعيون الأمان

وأعطيني من فرحك زمان

ارويني ياقلبي الحنون

وكل شيء بعدك يهون

خلني حزن وشقا

دام جرحك لي حبيب



http://www.grnaas.org/img/upload/wh_58887179.gif

هبت شمال وساقت الوبل هتان
>>>>>>>>>>قالوا روى قلب العطش قلت لِلَه

توه يبل الريق من ريق الأمزان
>>>>>>>>>>قلبٍ تفيا غيمةٍ مسفهله

ودي تفيض بفاتر الصوت غدران
>>>>>>>>>>المطر يرفا عن الكبدعله

حي الغلا بشفاك ياعطر الأشجان
>>>>>>>>>>قل للغرير اللي نهى القلب قله

طاح الربيع ووردت جرد الأغصان
>>>>>>>>>>عشب القلوب مصافح الخل خله

نش السراب وحادي الغيم نشوان
>>>>>>>>>>هيض غناه معانق الورد طله

من فرحتك شابت نواطير الأحزان
>>>>>>>>>>وبجيتك خان أسود الهم ظله

هج الظلام وسال في حجر الأعيان
>>>>>>>>>>ضي تزفه غرةٍ مسفهله

لك من هنا لأخر تفاصيل الأزمان
>>>>>>>>>>عشق ٍ تمده راحةٍ ماتمله

واليا لفحك القيظ بأطراف الأجفان
>>>>>>>>>>خذ نصف قلبي لا خذ القلب كله

لا تستذير معاند الشوق غلطان
>>>>>>>>>>الله عطاك امر الخفوق وتوله

احيان اسوق العمر وتسوقه احيان
>>>>>>>>>>بيني وبينك دق عمري وجله

نمسي على جال المقادير خلان
>>>>>>>>>>نصبح ومرباع الغلا في محله

ماعاتبك لو ساهي الرمش كسلان
>>>>>>>>>>ألقا العزا بمزاح شعرٍ تفله

هاك القصيد تفجر العشق بركان
>>>>>>>>>>خذ من سناه وبارد الحرف خله

ياعل شعرٍ منت قافه والأوزان
>>>>>>>>>>تصدا عليه شهورهن و الأهله

http://www.grnaas.org/img/upload/wh_58887179.gif

من يــــرد العلــــم لمدلل زمانه
>>>>>>>>>>قبل يـــرتد العتب من رمش عينه
من يسلم لي عليه ومعه أمانه
>>>>>>>>>>يعتـــذر مــن سيــد القلب وظنينه
والله اللـــي طوع العطـــر لبنانه
>>>>>>>>>> مــــانشدت أقرنفله عن ياسمينه
قمت أسولف للندى عن قحويانه
>>>>>>>>>>قبل يـجمعه المطر في نصف عينه
آه منـــه ومن غـــلاه ومن حنانه
>>>>>>>>>>- ومن نهـــار مــــا جمع بيني وبينه
ما حلا تله في قلبي وسهيانه
>>>>>>>>>>- كــن لا قبلــــه صبـــــاح ولا مدينه
كل هذا بس من ضحكة ثمانه
>>>>>>>>>>- قــــاد خفاقي معــه قـود الرهينه
الله أعلـــم لا فتنــــا خـــيزرانه
>>>>>>>>>>- مـــن نصــــدق قذلتـــه ولا جبينه


http://www.grnaas.org/img/upload/wh_58887179.gif

قلت اجمع برد ليلي وهمي وحطبي
>>>>>>>>>>قلتها...واقصى ضلوعي ذيابٍ عاويه

الشتا يرثع ورا البال والليل يحبي
>>>>>>>>>>والطعون اقفت فرادا وجت متخاويه

صاحبي لي مرّك الشوق مرّه..مرّبي
>>>>>>>>>>لا تجيني مع هجوسٍ تجيني ضاويه

آه يا صعب اغترابي بعدك ما اصعبي
>>>>>>>>>>عقبك الدنيا بعيني غدت متساويه

آتطوى كني القاع لا هجهج ظبي
>>>>>>>>>>كل ما اصرّد بعيني تضيق الزاويه

ليه يا درّة شبابي ولولي...وذهبي
>>>>>>>>>>ليه خليت الحنايا عروشٍ خاويه

يوم تضحك لي عيونك...عيونك وش تبي؟؟؟
>>>>>>>>>>كم لها تشرب نحولي ولا هي راويه

لا غلاك ..اكبر ذنوبي..ولا قلبي نبي
>>>>>>>>>>الله اعلم والمقابيل وشهي ناويه؟




http://www.grnaas.org/img/upload/wh_58887179.gif


يابنت بعتيني وأنا كنت شاريـك
>>>>>>>>>>ياللأسف رديت انا منـك خايـب

لاتحسبين القلب سهـل يخليـك
>>>>>>>>>>لكن تراني شفت منـك العجايـب

سبعة شهور وانا اطرد سرابـك
>>>>>>>>>>القلـب يعشقـك وفيـك ذايـب

طمعت في حبك ولاقـدر اخليـك
>>>>>>>>>>غصب علي اتركك مادمت هايـب

يابنت قوليلي على كـل مافيـك
>>>>>>>>>>يابنت وضحي كل ذيك السبايـب

شوفي طريق العشق يابنت مأذيك
>>>>>>>>>>وراعي الهوى يابنت يشبع طلايب

ماتعرفين اللـي يـودك ويغليـك
>>>>>>>>>>ولو كان قلبك حي ماهو بصايـب

حسبي على اللي غير الجو فيـك
>>>>>>>>>>العاذل اللي حط فيـك النشايـب

اللي حذفني عقب ماكنت مغليـك
>>>>>>>>>>قلعك عني جعلهـا لـه خرايـب

دعيت ربي ياعسى الكل يرميـك
>>>>>>>>>>ويجيك من جور الليالي مصايـب

لانك طعنتي قلب دايـم يباريـك
>>>>>>>>>>ولانك عشقتيني وانا كنت تايـب

[•·.عاشقة الدموع.·•]

قم ياصباح الندى والعشب
>>>>>>>>>>قم ولع الجمر من جمري

وادلق جديلك وصبه صب
>>>>>>>>>>وبراحتك يابعد عمري

وابراحتك يارقيق وعذب
>>>>>>>>>>وبراحته شاعرك الخمري

من يوم عذب النسايم هب
>>>>>>>>>>ماعاد لي شي من امري

خلك بقلبي فداك القلب
>>>>>>>>>>من وين ماتسري وتمري

كل الحقايق بدونك كذب
>>>>>>>>>>ياباشاة البيض والسمري

الله يااني احبك حب
>>>>>>>>>>حب اخضر الغصن للقمري




http://www.grnaas.org/img/upload/wh_58887179.gif


من قصائد مساعد القديمة " مدح في حضور صاحب السمو الملكي الأمير سلطان بن عبد العزيز ولي العهد"...


ياسحابٍ دنا طيـب وتدنّـا
>>>>>>>>>>وارتووا به يتامـى وفقـرا

حبك اللي رحلنـاه وسكنـا
>>>>>>>>>>ينكتب..بالعروق..وينـقـرا

القصايد على صيتـك تغنـا
>>>>>>>>>>ماتصدق علـى الله تنطـرا

ليت شوفك لنا دوم ايتسنـا
>>>>>>>>>>كل ابونا نصير الك شعـرا

سيدي في قدومـك نرجهنـا
>>>>>>>>>>جابك الله وحنا فـي حـرى

شاعرٍ ياطويل العمـر غنـا
>>>>>>>>>>في لزومك وحسب اللى ترى

غير شدة حجاجـك ماتمنـا
>>>>>>>>>>ماخذا الشعر جـاه ولاثـرى

الحيا شرق عن(روضة مهنا)
>>>>>>>>>>والله اللي عن الخافـي درى

http://www.grnaas.org/img/upload/wh_58887179.gif







http://www.grnaas.org/img/upload/wh_58887179.gif


تعبت...قالها للشاعر فهد عافت...


تعبت من القصيد .. من الجروح .. من انتظـار طـال
>>>>>>>>>>تعبت استقبل طعـون الزمن .. واربت على كتفـه

تعبت من الكلام .. من السكوت اللي يهد ّالحـال
>>>>>>>>>>تعبت أكثر من الحزن الذي.. ما ينتهـي عزفـه

تعبت من الوعود .. من الصديق الطيّب المحتـال
>>>>>>>>>>تعبت أعرف كل اللي .. تعرف الناس بالصدفـه

تعبت من العدو اللي عجز.. يدخل معي بقتـال
>>>>>>>>>>تعبت من الظـلام اللي قتلت .. ولا لقى حتفـه

تعبت أسأل من المخطي ..؟! تعبت اردّد المـوّال
>>>>>>>>>>ما دامك ما سـقيت الزرع .. ما لك حق في قطفـه

تعبت القىالجواب المقنع اللي ماعليه جـدال
>>>>>>>>>>تعبت القى .. طـريقٍ ما يكون بآخـره شـتــــفه

تعبت اضفي على الصوت الحبيبه وردتين وشـال
>>>>>>>>>>تعبت اسـمع صدى شامت يردّد طاحت الغدفه

تعبت أغـازل البسمه على ثغر البكـا .. تخـتـال
>>>>>>>>>>تعبت أشـوف شوفي ينهزم .. رغمٍ على انفـه

تعبت اجامل ايامي .. ولو ورّتنـي .. الأهـوال
>>>>>>>>>>تعبت أقـول عن حملٍ ثقيل .. اتفه من الأتفـه

تعبت أهـزّ راسي غيظ ! والقى في يديّ اغـلال
>>>>>>>>>>تعبت أسـير خلف الوهم.. لو غيري ركض خلفـه

تعبت أشـد وانزل.. ما ظهر لي طيّـب المنـزال
>>>>>>>>>>تعبت من الدروب اللي مشيت .. وكلّها صـلفـه

تعبت أرسم حروفي شمس.. والمح بالوجيه ظـلال
>>>>>>>>>>بعض ناسٍ .. تعـرف النور .. بس تقول ما تعرفـه

تعبت وقلت كل اللي اظنّـه " يا فهد " ينقـال
>>>>>>>>>>تعبت ابغى القط انفاسي .. اذ لابد من وقفـه


http://www.grnaas.org/img/upload/wh_58887179.gif



قلبي على الماء وقلب الماء على شطك
>>>>>>>>>>الماء وانا يا القراح العذب ورادك

كم شالك الحلم باهدابي ولاحطك
>>>>>>>>>>والعين يرعى نظرها عشب ميعادك

يا شمسي اللي تدلي بالسماء قرطك
>>>>>>>>>>عن كل هالورد هذا القلب عبادك

طلي وهلي على صدر البحر خطك
>>>>>>>>>>وش تالي اخبار ريحانك ورينادك

الله على يوم رذاذ الندى عطك
>>>>>>>>>>والنور يا طا على رملك وسجادك

انا احسدك ومثلهم والااني اغبطك
>>>>>>>>>>الراي رايي او انه راي حسادك



http://www.grnaas.org/img/upload/wh_58887179.gif


معـارضه الكنه


عذب السجايا دموع العين يرثنه
>>>>>>>>>>باأللحد الاظلم عليه القاع مردومة
من غير ماصف وصوف الحور يشدنه
>>>>>>>>>>اللي فراقه جعل دنياي مكتومة
لوذاق حزني ملاك الموت ماأظنه
>>>>>>>>>>شاله وخلا لي الوغدان وهدومه
يامرها لاسمعت من الوغد ونه
>>>>>>>>>>ياشينها فاجعات الوقت وسلومه
قالوا يبه ودنا قم ودنا الجنة
>>>>>>>>>>نبي نشوف أمنا وننام بكمومه
يبون مثل خوياهم..والجدا ..ونه
>>>>>>>>>>آمنت في دبرة الخالق ومقسومه
ياطول حزني عليها مأقدر أكنه
>>>>>>>>>>ماينفعن ليت لي يومٍ قبل يومه
اثناعشرعام عجزن لاينسنه
>>>>>>>>>>موته لقلبي زمهريره وزقومه
هي جنةٍ ذقتها غيري سمع عنه
>>>>>>>>>>مايرومه الوصف مهما جاااد مايرومه
ياوسع عذر الدموع الياتباكنه
>>>>>>>>>>مالي جدا الا الونين وقول مرحومة
حنيت حنة خلوجٍ شالته دنه
>>>>>>>>>>وحوارها شوف عينه قسمة لحومه
وونيت لي ونةٍ ماونته شنه
>>>>>>>>>>بيد العقيدي من المسحوب مهمومه
وأرسلت له صيحةٍ مااااعودت منه
>>>>>>>>>>ولازلت اراجي بشير الخير بعلومه
عساه بالخلد والانهار يسقنه
>>>>>>>>>>في روضةٍ من رياض الخير محشومة
وصلاة ربي عدد طشٍ يهلنه
>>>>>>>>>>غر السحايب على محمد وتسلومه


http://www.grnaas.org/img/upload/wh_58887179.gif

حب جديد .. وقصيدة عشق مجنونه

>>>>>>>>>>الله يـحـيـيـك يــاحــب لــفـــا تـــــوه


حــب لكـلـه .. وحــبٍ بــس لعيـونـه

>>>>>>>>>>حبين باقصي خفوقي بس لـه هـوه


ايه انصتي ياشجـون الـروح ممنونـه

>>>>>>>>>>جاني رقيـق المشاعـر نـاوي الخـوه


جاني حبيبي وعمري فرحة غصونه

>>>>>>>>>>ربيعهـا يـوم سـال السيـل مـن نــوه


يوم انهمر لـي حنانـه باعـذب لحونـه

>>>>>>>>>>قلت الله الله صفـا جـوي علـى جـوه


والله ل..احبه ولو حظـي وقـف دونـه

>>>>>>>>>>مافـيـه قــوه تـصــد الـحــب بـالـقـوه


بس انتظر يازمـن ليـن اعلـن المونـه

>>>>>>>>>>ومن بعدها اللي تسوي يازمن سوه


http://www.grnaas.org/img/upload/wh_58887179.gif



تفهّق الليل الأدلم و الهوا ساكن
>>>>>>>>>>و انا هنا يا سبب همِّي و تسهيدي

في خايع ٍ من نفيض الوسم متماكن
>>>>>>>>>>نبته يليق بتمدري نافل الجيدي

متموج ٍ بين عشبي و أخضر ٍ داكن
>>>>>>>>>>و أمعفّر ٍ من نسايم جرهد البيدي

يا مودّعات السنين من العمر هاكن
>>>>>>>>>>تالي تباريح بالي في ضحى عيدي

و يا مدلّهات الحشا مدري وش ألهاكن
>>>>>>>>>>أونس بصدري مثل فوح البغاديدي

هيلن علي من رذاذ الحلم يفداكن
>>>>>>>>>>وجه ٍ قصر عن حياه و قلب رعديدي

يجلا غثا الكبد يو أشتف من ماكن
>>>>>>>>>>شفّ العسل بين أشافي ترفة الغيدي

واللي جمعكن بوسط الصدر و انشاكن
>>>>>>>>>>إني لاحطب لرعدكن من تناهيدي

هذي علومي و ستر الله و عفاكن
>>>>>>>>>>لحقن مصاديري العطشى مواريدي

وإلا هبوبي رفيعة شان شرواكن
>>>>>>>>>>النقص ينقص عن الحروه و انا ازيدي

هيّضني الضلع في كبد الثرى راكن
>>>>>>>>>>و ان حدّك الضيم قل للضلع يا سيدي

و اركيت ظهري على ظل الجبل لكن
>>>>>>>>>>ماجت مواعيد ظلّه مع مواعيدي


http://www.grnaas.org/img/upload/wh_58887179.gif


ويش اسوي لاطريق ولاخوي
>>>>>>>>>>لا قرار ولا خيار ولا مصير

الليالي تلوي ذراعي لوي
>>>>>>>>>>والرفيق السيف يغريه الجفير

والضياع بسكتي يدوي دوي
>>>>>>>>>>اتصفق لا سراب ولا غدير

أطوي الظلما وعيت تنطوي
>>>>>>>>>>واشتهيت الشوف بعيون الضرير

مثل طير طاح بيدين بدوي
>>>>>>>>>>يلعن الطيحه ولا يقوى المطير

كل يوم آقول باكر تستوي
>>>>>>>>>>وخاب ظني بالزمان وبالنصير

كنت انا الصدر الحنون المحتوي
>>>>>>>>>>وكنت انا لـ..احساسهم سلك الحرير

وصرت انا هاك النحيل المنطوي
>>>>>>>>>>تلهث انفاسي ورا حلم كبير

ضاعت الحيلات حيل الله قوي
>>>>>>>>>>لاني الأول ولا اظن الأخير

قلت با صرخ وآخر علاجي كوي
>>>>>>>>>>وصلت الحلقوم والخاطر كسير

من شرب من كف غيره ما روي
>>>>>>>>>>لعنبو كف على المده قصير

لاتعاتب ويش اسوي يا خوي
>>>>>>>>>>لاقرار ولا خيار ولا مصير



http://www.grnaas.org/img/upload/wh_58887179.gif

[•·.عاشقة الدموع.·•]

انا في خاطري حاجه ولا ادري ويش ابي بالضبط
>>>>>>>>>>ولااني قادر اكتمها ولااني قادر ابديها

متاهة بداخل اعماقي بحر وحيره بليا شط
>>>>>>>>>>خذاني موجه العاتي عذابي من iموانيها

ابهرب من غموضي مير ماباليد حل وربط
>>>>>>>>>>ضياعي كل يشوفه حقيقه مقدر انفيها

انا مدري مكاني فوق ولاتحت ولا وسط
>>>>>>>>>>اسوق الرجل وتبعها وقول الله يسويها

انا عايش بها الدنيا بلاقيد وبليا شرط
>>>>>>>>>>مجرد ظل لايامي تباريني وباريها

انا ايامي سوى مافيه يوم اصعب ويوم ابسط
>>>>>>>>>>ولاادري كيف اميز بين حاضرها وماضيها

انا مشكي من احزاني ولاذقت السعاده قط
>>>>>>>>>>ومع هذا احس الناس وضحكهاوبكيها

انا واحد من العالم انا جمله تحتها خط
>>>>>>>>>>احاسيسي غريبه من بدايتها لتاليها

انا في صفحة الدنيا حروف ماعليها نقط
>>>>>>>>>>حياتي مالقيت اللي يترجم لي معانيها


http://www.grnaas.org/img/upload/wh_58887179.gif


الطواريق ماعادت تســـــــلي
>>>>>>>>>>والحنـــــــــــــــايا تدامى وتحدا
والطواري تتل البال تلـــــــــــي

>>>>>>>>>>كل ماورق اللي وهـــــــــــــــدا

لاني اشوا ولاني مسفهلــــــي

>>>>>>>>>>اتهيا وانـــــــــــــا ضايع جــــــــــدا

واتسمر على جدران ظلـــــــــــي

>>>>>>>>>>اتشره على رجع الصــــــــــــــــدا

اتوحا ياعلة صوت خلـــــــــــــــــي

>>>>>>>>>>اتلفت ولا حولي حـــــــــــــــــــدا

وانشد الليل يسمران قــــــــــلي

>>>>>>>>>>لية انا وانت من الصبح احــددا

ويش اباخذ من طعوني وخلي

>>>>>>>>>>والملامح تشابة ماعـــــــــــــــــدا

ضل نعناعة قامت تصــــــــــــــــلي

>>>>>>>>>>في حشاية على قطر النــــــــــــــدا

غصنها بسراجيف متـــــــــــــــــــــدلي

>>>>>>>>>>لة بروحي تفاصيل ومــــدا

من فداها لوني جيــــــــــــــــت كلـــي

>>>>>>>>>>وان خذتنــــــــــــــي طواريها فـــــــــــدا







http://www.grnaas.org/img/upload/wh_58887179.gif


عزيزي الزائر هذة الابيات يخاطب بها مساعد من عقدو الندوات لفشال مسيرت مساعد
وهولا خونة لقبيلتهم وبلدهم ودينهم طبعا لان مساعد ثروة ادبية للخليج والامة العربية

ودايم الشجر المثمر يرمى بالحجر



ضاق الغمام وفح صدر المزاريب

>>>>>>>>>>يالله بجاهك ياعايم الغيوبي

يامنجي يوسف من الجب والذيب

>>>>>>>>>>بحماك ياستر خفايا عيوبي

صاحوا تناخوا دورو بي عذاريب

>>>>>>>>>>تجمعوا ليلة وزا سولفوابي

أثري مسوي بالقلوب الاعاجيب

>>>>>>>>>>وانا مثل وجة السماء نقش ثوبي

انا وسيع بطان راهي مطاليب

>>>>>>>>>>ماضيق لوشانت نوايا دروبي

ارد وصدر واخذ العلم واجيب

>>>>>>>>>>ماني على طرش الرعاع محسوبي

بردت كبدى من قراح المشاريب

>>>>>>>>>>دوبي رويت من الشهاليل دوبي

خليت للحاقد طشاش وحثاريب

>>>>>>>>>>يتوب ولا قلعتة لايتوبي

شعرى زها بجباة بيض الكاتيب

>>>>>>>>>>شعرى على طرياة هبت هبوبي

شعري رسايل عيد طيب على طيب

>>>>>>>>>>شعرى لوى تلعات الاراقب صوبي

شعري شهد لة طيبين المجاذيب

>>>>>>>>>>وش عاد لو سود النوايا حكوبي

لوكان مالي غيرها من مكاسيب

>>>>>>>>>>ما ابغي شهادة ميتين القلوبي


http://www.grnaas.org/img/upload/wh_58887179.gif











http://www.grnaas.org/img/upload/wh_58887179.gif
البارحة كل رمش ... سل شلفاه
>>>>>>>>>> وانا على نيتي ساهي وشارد

مسرح وجمهور متبلد وملهاه
>>>>>>>>>> يوم انت تطعن حشاي بدم بارد

ياسيدي من يقول الموت مأساه
>>>>>>>>>>والموت بغضايتك خيل تطارد

ماعندك الا حلالك وحلا لاه
>>>>>>>>>> لي اركيت قلبي على سود المبارد

الرمش طاغي وانا ماني بوياه
>>>>>>>>>>صدرت ضامي غلاك وجيت وارد

شبيك لبيك قلب العبد لله
>>>>>>>>>>بين اصبعينك غدا خادم ومارد

طب وتدلل فداك اللي تمناه
>>>>>>>>>> لو تطلب الشمس وسهيل وعطارد


http://www.grnaas.org/img/upload/wh_58887179.gif


سيرن نشادة البال عن لليل الهجــــــــــاد
>>>>>>>>>>من هنا مرة تجي ومرة من هنــــــــــــــــــا
هاجس يملا ضلوعي سواليف ومـــــــــــــــداد

>>>>>>>>>>كل ماهز المعاليق قلت الله لنـــــــــــــــــــــــا

قال من طش المجدايق قلت الســـــــــــــندباد

>>>>>>>>>>قال من غني لة النجم سامر قلــــــــــــت انــــا

شاعرا مالة من البيد خبث ولاحـــــــــــــــــــــماد

>>>>>>>>>>غير ظل لوحني الريح غصنة ما انــــــــــــــــــحنا

ول لاعادت طواريك ياليل الهجـــــــــــــــــــــــــــــاد

>>>>>>>>>>من هما كنت احتريها وجتنــــــــــــــــــــي من هنا


http://www.grnaas.org/img/upload/wh_58887179.gif


يابوي لايلحقــــــــــك شك ولاريـــــــــــــــب
>>>>>>>>>>انفض هجوسك ورفع الراس عالـــــــــي
أناشبابك لاغزى راسك الشـــــــــــــــيب
>>>>>>>>>>وانا عضيدك لوتجور اليالـــــــــــــــــــــــــي
أي والله ابشر يارع الطيب بطيـــــــــــــــــب
>>>>>>>>>>والله لسدك لو يضيق المجــــــــــــــــــــــالي
أمر وتحت امرك تهون المطاليــــــــــــــــــــب
>>>>>>>>>>أنخا وتلقاني قريب موالـــــــــــــــــــــــــــــــــي
أجيك كلي ماخشيت المصاعيـــــــــــــــــــــب
>>>>>>>>>>لي طبت تكفا يايبة طاب فالــــــــــــــــــــــــــــي
ان عاش راسي ياعزيز المجـــــــــــــــــــــــاذيب
>>>>>>>>>>ل...شيل حملك لويفوق احتـــــــــــــــــــــــمالي
وطفي ضماك زان حثربن المشـــــــــــــــــــاريب
>>>>>>>>>>وسقيقك من زندي قراح زلالـــــــــــــــــــــــــــــــي
ولايهمك ياكريم المواجـــــــــــــــــــــــــــــــــــــتيب
>>>>>>>>>>يفداك حالي يايبة والحــــــــــــــــــــــــــــــــــــــلالي
أبشر وذيبك يارفيع الشــــــــــــــــــــــــــــرف ذيب
>>>>>>>>>>يابوي دام تشوفني لاتبـــــــــــــــــــــــــــــــــــــــالي



http://www.grnaas.org/img/upload/wh_58887179.gif




مراهيش نوك ماتبل الورق يــــــــــــــاهن
>>>>>>>>>>لها اليوم تاسع يوم تبرق ولا ســــــــــالت

يقولون لاضاقت عليك الوسيعة غــــــــــن

>>>>>>>>>>وانا اقول شفت مقرد الخلق وش قالـــــت

انا البارحة من يوم غابت اليـــــــــــــن اذن

>>>>>>>>>>تحلوى عيوني للكرى مير ما احتـــــــــالت

يثوع النعاس من ارمد الجفن يوم تعــــــــن

>>>>>>>>>>سراميد غيظ با لحشاء حبلها فــــــــــــالت

ماغير اتدرق بسمر الليل لالــــــــــــــــــجن

>>>>>>>>>>هجوس ليا قامت تكرب وقمــــــــــــــت اون

تصرم معاليق الحـــــــــــــــــــــنايا ليا انهالت

>>>>>>>>>>ذلول الهجاد اللي نبت في جمـــــــــاها سن

من العام تثعى في ضلوعي ولازالــــــــــــت

>>>>>>>>>>حلال الذهاب اللي استشاطت لبسها جــــن

عساى اتجود في نحرها ليامالـــــــــــــــــت

>>>>>>>>>>وانا يوم امس ابطانها ما على مــــــــــــــــن

يدين الهوان ان حطت اللوم وان شالـــــــــت

>>>>>>>>>>ابازم نفسي عن طمان هــــــــــــــواة مصن

واعدى لجفني وارقب العيـــــــــن وش خالت

>>>>>>>>>>عليها الملام ولاعلية الســـــــــــــــــلام ابدن

يدين تبي قصرت ايديني ولا طالــــــــــــــت

>>>>>>>>>>بعد مانفضت غبار صدري ولد ياهـــــــــــــن

بعد ماروت روحي من الغيض واكتالـــــــــت

>>>>>>>>>>يقولون لي ضاقت عليك الوسيـــــــــــعة غن

وانا اقول شفت مقرد الخلق وش قـــــــــالت


http://www.grnaas.org/img/upload/wh_58887179.gif


يانهار البشاير ... صب لى شمس
>>>>>>>>>>باتقهـوى وانـا والله ...حيـاوى
يكفي اني فداوى عندك امن امـس
>>>>>>>>>>وانت تشره علـى ثقـل الفـداوى
احسب انك قبل لاتمد لي ... خمس
>>>>>>>>>>تحتضني ... وانا امـد الرهـاوى
لاتعجب ... تلمس خاطري لمـس
>>>>>>>>>>لاتغـرك مـن بعيـد ...الكسـاوى
جايز اضحك لو انه خاطري عمس
>>>>>>>>>>نوب ضحكني مثل طبعـي نحـاوى
يمكن انى قريب ومبعد .. الرمـس
>>>>>>>>>>كل لونٍ لبـس جسمـي سمـاوى
جيت اقص الزمان وجرته طمـس
>>>>>>>>>>قلت ابا انشد ... قنب بالرجم عاوي


http://www.grnaas.org/img/upload/wh_58887179.gif


/







/








واخــــــــــــــــــــيــــــــــــــــــرا ً .. !




خــتــــــــام هذا الموضوع ...




مــوضــوع روائــــــــــــــع الـــشــاعـــــــــــر " مـــــســاعـــــــد الــرشــــيــــــــــدي "



اتمنى انه قد نال على اعجابكم ..




][.... دعـــــــــواتـــكــم لــــــــي بالــتــوفـــيـــق .. والــحــيــاه الــســـــعــيـــدهـ .... ][


لــــــكــم كـــــــــل الــــــــــود ..




الموضوع منقـــــــــــول ...
/






/


:
:
:



`•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸عاشقة الدموووووع¸.´¨`»
(¸. •'´(¸.•'´ * `'•.¸)`'•.¸ )
¸.•’’ ’’
( `•.¸
`•.¸



http://www.grnaas.org/img/upload/wh_58887179.gif