عــــاجل اغراض رمضان والمزانيه كسيفه

[جرح المكان]

السلام عليهم


الحقوووا علي يابنات..

حسبي الله عليهم دنيا واخره معلين الاسعار :14_6_11[1وانا مزانيتي كلها 1500 ريال بس..:15_1_68v[محددها ابو العيال..:11_1_202[

الي عندها اقتراح لي تقول وتنقذني شلون اخلي مزانيتي تكفي لكل متطلبات المطبخ في رمضان

بس مواد غذائيه..

انا متعوده ماخلي مطبخي ينقصه شي بس هالسنه

مدارس ورمضان وعيد كلها وراء بعض:15_6_26[1


ويل قلبي من المصاريف واغراض البيت والمدارس..ماشاء الله عائله كبيره وعزايمها كثير شباب ومجلس فاتح طول الوقت..وناس داخله وناس طالعه..



دبروني بجدول مشتريات بشي اقدر اظبط اموري فيه هي كلها 1500 وش بتسوي لي يارب:dfs:


الله يجزاكم خير :3_3_5v[1]

[سعودية صريحة]

طيب قولي 1500 بس مواد غذائية ولا معها الاودات للطبخ والملا بس واشياء المدراس عشان اقدر اساعدك

[**رهام**]

اول شي الله يكون بالعون الغلا بكل مكان مو بس عندكم ..
والمبلغ هذا الافضل انك تشترين فيه الاساسيات وهذا يعتمد على جدول تسويه لشهر رمضان وشنو راح تقدمين على السفره ولازم تكون اطباقك تتناسب مع الميزانيه يعني تقدمين الشي الاساسي فقط
مثلا : الطبق الرئيسي (على سبيل المثال رز ولحم او اي طبق يحبونه ) + شوربة (شوربة عدس لانها ما تكلف) + سمبوسه بحشوة اقتصاديه مثل حشوة البطاطا او جبنة بيضا بسعر معتدل تسوين كميه وتحطيها بالفريزر + صنف حلى واحد وما يكلفك (مثلا اللقيمات وهي طحين وخميره وماء ولا تكلف لانها ما تحتاج قشطة وكريمه )
اذا صارت سفرتك محدوده وثابته راح ترتاحين بالميزانيه
ابتعدي عن الاصناف اللي تبي قشطة وكريمه واجبان لان المكونات هذي غاليه ويبيلها ميزانيه

كل عام وانتي بخير والله يكون بعون الجميع

[ام انس1]

الله يعينك اختي

[اميرةعنيزة]

شوفي وانا اختك اطلبيه وحبي راسه وقولي له بس وصلها لالفين ريال 0000 وبعدين اقتصري على سمبوسه دجاج وخضار وورق عنب مايكلف وشوربه وبسبوسه واشتري ملابس العيد قبل رمضان والغلا 000

[المفلوقه]

الله يعينك ياوخيتي والله الدنيا شابه ضوء من الاسعار
مالك الا انك تقولين لزوجك ولا لاخوانك هالسنه لاتجمعون احد على الفطور
اذا ودكم تعزمون اعزموا الليل وعاد مايبيلها تكاليف كلها كريمة كراميل ولا مهلبيه والحمدالله
وانتي لاتقعدين تسوين مية صنف
كل يوم سوي صنفين بالكثير
صدقيني راح ترتاحين من رمي الاكل في الزبايل
وملابس العيد حاولي تشتريهم هالوقت لانه تخفيضات
وحتى اغراض المدارس تلاقينها رخيصه في الاسواق الشعبيه ومافيها زود عن اللي بالمجمعات
والله يسهل امرك

[بلسم الحياه]

الله يعينك ويعينا كل شي جايب جهده من مقاضى مدرسه لمقاضى رمضان الله يشرفه الى ملابس العيد
وانتى خلى بينك واهلك واخواتك واخوانك واهل رجلك دايره يعنى مو كل شي عليك تكسبين اجرهم تفطرينهم برمضان وهم يكسبون اجرك وبالنسبه لمشتريات المدرسهلا تشترين الغالى يعنى لا تتقضين من المكتبات الكبيرة مثل العبيكان وجرير روحى للمكتبات ااصضيرة ولا عندك الاوراق الى يحطونها عند الباب وفيها الاسعار من هايبر بنده وكارفور
وحتى ابو ريالين منزل شنط
لا يلعبون عليك ترا كله صينى الى ببو ريالين والى بالعبيكان
والعيد انا بعد زيك الله يعينى محتارة وش لون اشترى لى وعيالى ثلاثة والميزانية ما تساعد

[الأماني المستحيلة]

الله يكون في عون الجميع

[من هي انا؟؟]

انا فاشله في هاالموضوعع
فوووووووووووق

[زهور20000]

والله الحال من بعضو
طمع التجار حسبي الله عليهم
وفي البيت ثمانيه والميزانيه خربانه من الاقساط
والشكوه على الله
الله يفرجها علينا وعلى جميع المسلمين
وكل عام وانتم بصحه وعافيه

[عسيريه وافتخر]

الله يكون بعوووووووووون والله اناااااااااااااااافااااااشله لن باقي توني بنووووووته بس والله حااااسه فيكم

لن اشوف امي مسكينه تحاااتي المدرسه ورمضااااااااان والعيد على الاقل انتوا عندكم ازوواجكم الله يخليهم

بس امي مسكيييينه ارمله الله يسااااااعدها يارب <<<<يتيمه :(

[علاية2]

الله يكون بعون الجميع
والله الحياة صايرة صعبة من الناحية المادية
أقساط وديون وآجااار اللي هو قطعة من نار
مدارس ورمضان وعيد والكل يقول هاات
الله يكون بالعون بس حاولي قد ما تقدرين الإقتصاد
اللي ماله داعي لا تشترينه وأبعدي عن الكماليات ,,الضروري فقط أشترية

[رغد عمري]

ليش هذي الفكره الي احنا حاطينها عن رمضا انو كثيررررره

مصاريفه >>>>رمضان كريم اخواتي

اول شي حطي في بالك انك تحتسبين الاجر في اطعام اهل بيتك

ولو يبقى اكل من امس حاول ماتكبينه غيري فيه لبكره!!!

عشان مايبين انو بايت ومايملونه عيالك
بمعنى لو بقى شويه رز او مكرونه زيدي عليه وسويه كشري

او اذا بقي خضار افرميها وحطيها شوربه خضار
او بشوي من الدجاج ممكن تسويه حشوه للسنبوسه او حشوه مكرونه

وفيه بدائل جدااا رائعه ممكن تستخدمينها للاكلات

مثال ,,,,,,,,,,

شوربه الكويكر لعمل الشوربه ليوم واحد لثمان اشخاص تقريبا راح تستخدميم
8 ملاعق تقريبا صح ,,,,,
ممكن انك تبدلينها ب8 ملاعق حب الجريش ينقع ويسلق قليلا ثم يخلط في الخلاط
وتستخدم نفس طريقه الشوربه العاديه
والله نفس الطعم لشوربه الشوفان
لانو الجريش ارخص بكثيررررر من علب الشوفان

,,,,,,,,,,,,,,

الحلا ممكن يكون لقيمات وهي ارخص الانواع في الصنع

,,,,,,,,,,,,,,,,,,,,,,,

قللي استحدام اللحوم والسمك والدجاج >>>>>مو كل يوم
اقل ضرر وافضل من ناحيه الصحه

يعني خلي لك يومين في الاسبوع نباتي

مثال ,,,

الشوربه خليها شوربه عدس بدون لحوووم
او ممكن تكون عندك مرقه لحم من قبل
او استخدمي مكعبات ماجي
او جربيها بدون ولاااشي والله تطلع خفيفه وحلوه


الطبق الرئيسي
سوي مكرونه با الخضار والبشميل والجبن روووعه
او رز ابيض مع اي نو ع من الخضار
او ممكن جريش
او كشري انا اسويه بدون لحوووم لان العدس الاسود كافي عن اللحوم

المقبلات ممكن تكون بطاطس في الفرن اومقلي
او سنبوسه با الجبن او التونه او البطاطس او با الخضار المشكله

ولاتنسين طبق السلطه كل يوم سوي شكل ويااااارخص التبوله وهي سيده السلطات صراحه

وبكذا يكون يومين بدون لحوم اريح لمعدتك ولجيبك

.................................................. ...................................


وممكن يكون يوم تسوين معلبات وفول وخبز

او سندوتشات بيض وجبن او تونه

او لبن وقرصان

يكون عشا خفيف >>>>>>>>>>طبعا هذي في اخر رمضان لانو الكل يكون مل من الاكلات

.................................................. ...............................................

اغراض المدارس والله ماابالغ عليكم صديق اخوي عنده بضاعه في اسواق وشيقر يقول الدرزن
بايعها على مكتبه جرير ب300 ومايخاف الله صاحب مكتبه جرير يبيع الحبه ب350
يقول صديق اخوي والله انا شايفها عنده بنفسي بغيت اموووووت قهر

روحي للسويلم وتقضي منه اغراضه والله روعه وارخص لك من ها النصابين

ممكن انك تبدلين شنط العام الماضي مع احد قريباتك اذا كانت سليمه اكيد الطفل بيفرح فيها

,,,,,,,,,,,,,,,,,,,,,,,,,,,,,,,,,,,,,,,,,,

ملابس العيد روحي قبل رمضان واشتري فيه تخفيضات الحين لاتفوتك
وحاولي تقتصدين في كل شي

لانو الانسان مسؤل عن ماله في ماافناه


صدقوني اهم شي القناعه وادعي ربي انو يقنعك في هذي الدنيا با اليسير

احنا ناس تعودنا على الترف والله لو بشويه اقتصاد بيمشي الحال


انا كنت قبل اتزوج اصرف بجنووووون
بدون اي حساب الله يخلي لي بابا

وبعد ماتزوجت كان زوجي على قد حاله
يعني بيت اجار وسياري يا لله تمشي الحال

وفي كل صلاه ادعي ربي انو يغنيني بحلاله عن حرامه وانو ربي يقنعني في الدنيا با اليسير

والله الحين مشى حالي وصرت احسن بكثيرررر من اول حتى حياتي انا وزوجي
تحسنت بيت ملك وسياره حلوه
واموري تحسن جداااا ولله الحمد

بشويه دعاء واقتصاد في البيت راح يمشي الحال باذن الله

سووووري اني طولت بس حبيت افيد

[فراشه ملفوفه بقماشه]

دائما ادعي ..ان الله يبارك لك في مالك ...
والفراشات كفوا ووفوا ...... كلامهم عين العقل ما شاء الله عليهم ...

[المستحيله1]

الله يعينك ويعينا والله هذى السنهمره المصاريف كثرت الاجازه والسفرات على المدارس على رمضان على العيد الله يكون بعون الى ماعندهم رواتب ووظايف والسوق صاير نار بكل شيء الله يكون بعون الجميع

[توفي3]

الله يعين

[الرساويه22]

كثري استغفار وان شالله ربي يبارك لك فيها والله الحال من بعضه الله يفرجها لي ولكل مسلم ومسلمه

[الريم اللعوب]

الله يعين ويفرجها