السلام عليكم ورحمة الله وبركاته
واضح طلبي من العنوان اتمنى اتعرف على صديقات من بريطانيا ومن بريستول او نيو كاسيل خاصه
انا بعد شهرين بسافر لأن زوجي عنده بعثه هناك وانا بروح معه ادرس
واتمنى اتعرف على صديقات متزوجات اجيهم ويجوني اذا سمحت الظروف ونخفف عن بعض الاحساس بالغربه
واوسع صدري معهم
زي ماتعرفون بروح لحالي وبطفش لااعرف احد ولاعندي احد بيضيق صدري وسط هالأجانب >>>>> مسكينه شوي وتصيح ههههه
وياليت لو كان عندهم اولاد بعد عشان يلعبون مع ولدي >>>>> من كبر ولدك عاد ههههههههه
اعرفكم على نفسي انا ميس كابتشينوووووو متزوجه عمري 20 سنه وعندي ولد عمره 7 شهور وشوي
راح ادرس هناك سنتين واذا الله اراد وتسهلت الأمور بتكون 6 سنين
والتعارف رح يكون عالماسنجر
فهل من صديقه ؟؟؟؟؟؟
غروب جده
09-02-2007, 08:03 AM
بالتوفيق
وتروحين وتجين بالسلامه
وراح اكيد بتسكنون في اسكان خاص بالمبتعثين العرب
وراح تلقين
وعندي صديق زوجي عزابي مايصلح بس هذا الي اعرف في برطنيا كلها
وفي منتدى تجمع الطلبه المبتعثين في بريطاانيا خاااص بالمبتعثين سوي بحث قوقل
ادخلي فيه وشاركي واكيد باذن راح تلقين الصديقه
الله يخليلك ولدك ويحفظكم من كل شر
رفيف2
09-02-2007, 09:02 AM
الله يوفقك ان شاء الله
وتروحين وترجعين لنا بالسلامه
انا ما اعرف احد ببريطانيا
وان شاء الله تلاقي صديقات
ام ريوووفه
09-06-2007, 04:13 AM
تروحين وترجعين بالسلامه انا بعد رايحه بعد شهر تقريبا بس لمانشيستر ولاتخافين يقولون
بريطانيا مليانه عرب واكيد بتسكنون بالاحياء اللي فيها عرب وبتتعرفين على صديقات
وبعدين بتقولين مابي ارجع
جولينا ابراهيم قزاز
09-06-2007, 04:18 AM
بالتوفيق
وتروحين وتجين بالسلامه
سحابة ربيع
09-07-2007, 06:21 PM
السلام عليكم انا في بريطانيا بس في ليدز وفيه عرب كثير لا يضيق صدرك بس خذو بيت في حي فيه سعوديين والله يسهل عليكم ويردكم الى اهلكم سالمين اللهم امين
ام ريوووفه
09-07-2007, 06:41 PM
السلام عليكم اختي سحابة ربيع ابغى اسالك سؤال محيرني من ناحية العبايه في بريطانيا
وش رايك البس عبايتي العاديه ولا الملونه افضل عشان ما اكون شاذه
elham62007
09-07-2007, 06:42 PM
تسافرى فى رعاية الله وترجعى بالسلامه انشاء الله
وانشاء الله تتعرفى هناك على صديقات والاهم التمسك بديننا وعاداتننا فالفتن كثيره ابعدك الله وزوجك عنها
بالتوفيق انشاء الله
:fragghagi
بحرينية بريئه
09-07-2007, 06:47 PM
العبايه السوده والعبايه الملوونه ثنتينهم ما شيين في بريطانيا
miss كابتشينووو
09-07-2007, 11:27 PM
مشكورين بنات على الاقل عالمرور
اما بالنسبة للعبايه عادي اسود زي ماكنا بالسعوديه وانا ماافضل البس عبايه ملونه تعودت على الاسود بس زوجي يقول فصلي ملونه لأن اللون الاسود عندهم شاذ شوي خصوصا بريستول مافيها احد يتحجب هناك لان مافي خليجيين كثير
الله يعين ويسلمو مرة ثانيه
سوفليه
09-08-2007, 09:57 PM
لا تخافين اختي بريطانيا مليانه سعوديين وخليجيين...............انا كنت في هل...........واستفدت كثير وكسبت صديقات من دول الخليج...........وبس نصيحه اسكني في حي يكون فيه عرب ترا انا زوجي راح قبلي واستاجر بيت بعيد عن مجمع سكن السعوديين وصار لازم يوديني بالسياره.......بتحسين بالغربه في البدايه يعني شهرين..........وصدقيني بتستانسين ان شاء الله..............عن تجربه ........بالتوفيق.
betty
09-09-2007, 10:00 PM
انا كنت في بريستول قبل ست شهور .في رحلة عمل..ازور مستشفى ساوثميد...
.مدينة حلوووة وجدااااااا هادية..واكثر المسلمين اللي شفنهم هناك كانوا من الصومال..بس واايد ارتحت في هالمدينة اكثر من مانشستر ولندن..وعيالي استانسو فيها
miss كابتشينووو
09-10-2007, 05:09 PM
betty
زوجي راح قبلي ويقول كئيبه بريستول نادرا ماتلقين عرب وخليجين بعوائلهم
عالعموم الله يجزاكم خير وان شاء الله الله بييسر اموري
الربـــ(فراشة)ـيـع 2006
09-10-2007, 05:19 PM
بالتوفيق
عنود الفراشة
09-10-2007, 05:42 PM
الله يوفقك ويردك سالمه ويحفظك وولدك وزوجك
وعموما انا ماعندي اي خلفيه عن المدينه بس حبيت اشارك بدعاء لك ونصيحتي لك احفظي الله يحفظك وبالتوفيق