شيخة الحور

[الفريدة]

عهـدٍ عليّـه مـا تشوفيـن زلّــة
حتى لو أصبحتي بلا احساس واشعور
فيـك المحبـة والهـوى فيـك كلّـه
أنتي مُنى عمري وأنا فيك مسـرور
أميـرةٍ للورد دقّــه وجـلّـه
والله رزقني فيك يـا شيخـة الحُـور
فارقت همّـي يااريـش العيـن والله
من يوم شفتك شبْ في داخلـي نـور
أنتي زهر فايـح وأنـا اليـوم ظلّـه
لا والله إنك دولـة اورود وازهـور
حبّـك شربتـه مثـل فنجـال دلّـة
حين أشرب الفنجال ما أخلّيَ السُّـور
بعت العمر لاجـل العيـون المظلّـة
ما بي حياتي دونها .. يوم واشهـور
كلي وفا واخـلاص والحـب "ملّـة
عندي" وأنا معروف فالحـب دكتـور