السمبوسة الفرني

[ناعمة الخديين]

لو سمحتم يا طباخات يا شطار تفيدوني كيف اساوي السمبوسة الفرني الله يخليكم

[miss earth1]

اهلين حبيبتي مايبغى لها شي احنا في الرياض نلفها بالطريقه العاديه وبالحشوه اللي انتي تحبين وبعدين تدخليها الفرن ي صينيه وتشغلي الفرن من فوق ومن تحت بس تكونين قريبه منها واذا حمرت من فوق ومن تحت على اللون البني خلااااااااااص..
بس اقولك على حاجتين مهمات:
نوع العجينه يتحكم في طعم السمبوسه
والشي الثاني اذا دخلتي السمبوسه امسحيها من الوجهين بالقشطه حتى ماتصير قاسيه وتطلع لينه وحلووووووووه..
ارجو اني افدتك وتقبلي تحياتي

[&&كابتشينو&&]

وممكن تدهنينها بزيت زيتون
وفيه طريق ثانية بعد
اللي هي انك تحمرين السمبوسة بـ آلة تحميص السندويتشات
وتطلع معك تمام
موفقة

[صادقة الشوق]

انا اغمسها في حليب بودره مذووب بالماء واصفها في صينيه مدهونه بنقطه زيت وادخلها الفرن

لذيذه ولا ماتنشف

[$$$ساره$$$]

بنات معليش عندي استفسار ؟؟؟؟

قصدكم الرقاق ولا لها عجينه خاصه ؟؟

.

[أحلى فوفو]

نفع الله بكم جميعا .

[جنون الكبرياء]

أنا ما أسوي ألا السمبوسة اللي بالفرن..

لأن اللي تجي مقلية تكووون مليانة زيت ..
طريقتي ألف السمبوسه (( الرقائق اللي بالزيت أحسن من اللي بالدقيق)) بأي حشوة أبغاها ودهنها بالزيت من فوق ومن تحت وأحطها بصينية تيفال عشان ماتلزق ..
وأحطها بالفرن وأشغل عليها من فوق ومن تحت وأكوون قريبة منها إليين تتحمر وعلى طول أشيلها وأحطها بكيس عشان تنتكتم وتتبخر وتصير لينه لييين وقت التقديم ..