السلام عليكم
انا طلعت وعائلتي الصيف هدا سوريا وصراحة كانت تجربة جديدة بالنسبالي لانها كانت عن طريق البر وانا اول مرة باطلعها
واستمتعت بشكل يفوق الخيال
مع انها كانت ايم قليلة-اسبوعين-لكنها كانت من الرحلات اللي لا يمكن اني انساها
واذا كان في استفسار انا جاهزة للرد
وانشاء الله انا احاول اكتبها بالتفصيل على عدة ايام
وشكرا
اسفة عاتاخير ومشكورين عالمتابعة
رحلتي بدات من مدينة الجبيل الصناعية الساعة 2 صباحا المسافة تقريبا حتى الحدود الاردنية 1270كلم
يعني ابعد من مكة ب70 كلم تقريبا
في ذهابنا مرينا بعدة مدن مثل النعيرية وحفر الباطن وعرعر ورفحة
واخر شئ قبل الاردن ب10كلم تقابلنا القريات وبصراحة كنا مانوقف الا عشان البنزين والصلاة
يعني خط واحد لا ريحنا ولاشئ المهم وصلنا حدود الاردن الساعة12 ظهرا وحتى خلصنا الاجراءات سارت الساعة 2 تقريبا هذا من مدخل الحديثة وهو الافضل للي يبغى يكمل لسوريا لانة من حدود الاردن الى سوريا حوالي 70كلم
وبصراحة اول ما دخلنا الاردن استقبلتنا بالهواء المنعش اللي بعد عننا تعب الطريق
مسكنا الطريق الزراعي لحدود سوريا ووصلنا تقريبا الساعة 3وربع خلصنا اجرائات الدخول بسرعة واتجهنا الى دمشق وصلنا تقريبا المغرب لكن بصراحة الطريق ما يخلي الواحد يحس بالملل من الخضرة ومناظر المزارع شئ يفتح النفس_زوجي كان بيطلع سوريا دائما قبل ما يتزوجني عشان كدة عندة معرفة بالطرق_وصلنا دمشق اللي كانت صراحة شئ ماتخيلته كاني دخلت مسلسل باب الحارة المباني القديمة والناس كل في حالة واللي يبيع عصير التوت والصفايح والاضاءة صراحة تراث رائع ولاننا كنا مستعجلين عالشمال بس مرينا على مطعم معروف عندهم اسمة مطعم سحلول صراحة اكلة ما علية كلام يجنن طبعا طلبنا المشاوي والفتوش والتبولة وانصحكم بالكبة من عندة وكريم الكراميل وقريب منة كشك صغير يبيع الصفايح اسمة سمر قند قدام فندق بنفس الاسم شغلة مرة نضيف وقدامكم يسوي الاكل المهم اكلنا وريحنا شوية والجو بصراحة شوية حار يعني35 واتجهنا للشمال طريق حمص على فكرة الريال يساوي13ليرة سورية كن متجهين لمشتى الحلو لانها باردة وهدي منطقة مرتفعة على جبل اول ما نطلع الجبل تقابلنا صافيتا وبعدها المشتى واخرها الجويخات واخ عالجويخات
البقية تتبع.......................وبانتظار ردودكم