السلام عليكم
بنات انا بسلفر دبي والكويت ان شاء الله على العيد
ابغى اعرف فنادق سعرها حلو
افضل محلات الجلابيات الفخمه
والاسواق الشعبيه
وومحل اطقم مواعين حلوه مثل ثلاجة قهوه وشاي طقم مع الكاسات والفناجيل والسفره
ابغى اعرف اماكن ترفيهيه
تكفون ابغى الرد خلال اسبوع
لاني بعد اسبوع باسافر لاهلي وعقبه بمشي لدبي وبمر الكويت
؛ البنفسجيه ؛
09-30-2007, 04:07 AM
سؤالي صعب والا اعتبره تطنيش
عبير الرمضان
10-05-2007, 08:13 PM
,فى بالكويت مجمع وايد حلو للجلابيات أسمة مجمع الاوقاف و مجمع المرينا مول للملابس الجاهزة وفى مجمع جديد وايد حلو أسمة الافنيو هذا أكبر مجمع فى الكويت
فراشة فهد
10-05-2007, 10:26 PM
اقول لج مقدما حياج الله في بلدج الثاني الكويت (( خليجنا واحد ))
بالنسبه للفنادق في شقق فندقيه وايد حلوه و رخيصه في مكان اسمه (( رويال سويت )) على البحر و قريب من كل المطاعم و المجمعات اللي بالسالميه و حولي ،، و بالنسبه للجلابيات مثل ما قالت اختي اللي قبلي بمجمع الاوقاف و عندج بعد في الفروانيه مجمع مغاتير و الحمراء مول و العربيد بلازا طبي و تخيري من الدراريع ،، و بالنسبه للمواعين في بمجمع الاوقاف محلات كثيره و اشهرها محل (( الشلاحي )) في اطقم روعه ،، و عن الاسواق الشعبيه طبعا اهم موقع بالكويت فيه هالسوالف و كل ما يخطر على بالج هو (( سوق المباركيه )) فيه كل ما تشتهي نفسج الغالي و الرخيص و تحصلين فيه دراعات بعد ،، و عن الاماكن الترفيهيه في عندج المدينة الترفيهية و حديقة الشعب و الاكوا بارك و مرح لاند و سيتي سينتر اللي بالسالميه .. عاد سيتي سنتر صج يونس ،، و اخيرا اختي العزيزه اتمنى اكون قدمت لج خدمه و هذا شرف لي و شي يسعدني و انشالله تستانسين بديرتنا و عيدج مبارك مقدما و تعودينه انتي و حبايبج و اللي يعز عليج كل سنه يارب .
و دمتي بخير .