فزعتكم يابنات الشرقيه

[ترف نجد]

يابنات ابي افخم الشاليهات والمطاعم الكشخه في الخبر والدمام ضروري ولا تنسوني من الاسواق خبركم لازم فرفرة السوق
:fragghagi

[الدلع ملاك]

مراااااااحب
الاسواق روحي المرينا مول يعجبني واسعاره حلوه والشاطئ مول فخامه بس اسعاااار نااااااااااار بالدمام
هذا اللي ببالي الحين واكمل بعدين بروح ارقد

[الارجوانه الذهبيه]

اي صحيح عن الاسواق عندج المارينا مول والشاطئ مول بالدمام وفي الظهران عندج مجمع الظهران ( جيان)والشاليهات عندج منتجع في شاطئ نصف القمر*الهاف مون*( هوليدي ان _السن سيت )

وفي مطعم هنا وااااجد واذا تبين مطعم فخم اهو مطعم على طريق الكورنيش اسمه بيت الروبيان << مو كل اكلاته بحريه
واتمنى لكم اجازه طيبه وممتعه ^_^

[حلاااا الحلوه]

مرحباااااااااا حبيبتي
اذا بغيتي الاسواااق عندك مجمع الشاطي ومجمع المرينا مول بالدمام بس ترهاااا عاديه جداا
اذا بغيتي بالخبر عندك مجمع الراشد ومجمع الظهرااان وعندك سوووووق البندريه سوووق نسائي وغالي مرررره
بالنسبه للشليهاااات عندك (السن ست بيش - الهولدي ان - شليهااات النخيل - الهاف مون)
اما المطاعم عندك مطعم (السنبوك ) طبعا هذا المطعم انصحك تاخذين فلووووس واااااااااجد لانه غااالي مرررره يمكن تتطلع الفاتوره فوق الالف
وعندك مطعم جندولا على كورنيش الخبر (ايطالي)
ومطعم تشليز ع كورنيش الخبر (مكسيكي)
ومطعم كوبر شندي عند كورنيش الدمااام (هندي)
واتمنى اني كفيت ووفيت
واتمنى لك اجازه ممتعه

[نبض المشاعر]

هلا والله

انا بحرينية بس عندي خبرة كبيرة بالشرقية

مجمع ابن خلدون روعة
مرينا الدمام
الشاطئ مول
الراشد
الظهران
مركز طابا اسعارة رخيصة ودوم زحمة
مجمع الحياة بالدمام

سوق الحريم (( سوق الحب )) بالدمام
شارع سويكت بالخبر
المطاعم

مطاعم كنتون روعة
في مطعم كلمة روعة قليلة علية اسمه ليالينا بالدمام
السنبوك

وفي كورنيش الخبر مطاعم كثيرة وكلها رائعة


اتمنى افدتج

نبض المشاعر

[#ام جمانه#]

هلا اختي طبعا البنات ماقصرو...وحبيت افيدك انا بعد....اذا حبيتي تغيري جو روحي للجبيل ...مدينه رائعه منظمه وهادئه......وكورنيشها يجنن ونظيف ....فيها مركز الفناتير مجمع كبير ورائع...فيه مطاعم والعاب والتسوق فيه ممتع.......