انا من المنطقة الشرقية في السعودية
واريد زيارة الرياض ولكن لا اعرف اي شىء فيها ولا عنها
خصوصاً انه ليس لي اقارب هناك ولا معارف .
فهل تفيدوني اخواتي ؟
اريد معرفة افضل فنادقها وشققها المفروشة ،
والمرافق السياحية فيها من آثار و متاحف واماكن ترفيهية للعوائل وليس للنساء فقط
كما سمعت انه الكثير من الاماكن الترفيهية لا يدخلها رب الاسرة و الاولاد ، فقط لنساء ،
واريد معرفة اشهر اسواقها وخصوصاً مما تتميز بجودة صناعة بضائعها ورخص ثمنها،
واشهر سوق لللاواني المنزلية المميزة ، وقرطاسيات ادوات المدرسة .
ارجو الافادة
تحياتي لكم
وشكراً
.
SuN LiGhT
08-24-2005, 04:52 AM
اود مساعدتك عزيزتي
ولكني لا اعلم
عسى ان يساعدنك الفراشات
^_^
عطر فله
08-24-2005, 06:52 AM
ياهلا والله فيك وان شاء الله رحله سعيده
في منتزهات كثيره للعوائل في الثمامه وفيه ملاهي للنساء فقط الحكير لاند وستار ستي وفيه للعوائل المرسى وفيه منتزه سلام .
بنسبه للمتاحف فيه دارت الملك عبد العزيزمتحف مع حديقه.
فيه الفيصليه حلوه ممكن تتسوقين وتتعشون وفيه ملاهي للطفال تحت وبعدين تطلعين للبرج فيه المطل حلو مره منظر الرياض من فوق.
فيه المملكه مثل الفيصليه بس مافيها ملاهي فيها فوق مملكة المراه يعني كلها حريم فقط.
فيه سوق صحارى الرياض حلو مره كبيرررررررر وفيه ملاهي حلوه للاطفال .
فيه اسواق كثيره مثل الاندلس والعثيم مول وفيه اسواق شعبيه مثل حلة القصمان و فيه الديره وووووو الخ اكثر شي عندنا في الرياض الاسواق في كل زاويه سوق .
بنسبه للاواني المنزليه فيه سوق بن دايل وفيه اسواق الربوه .
والادوات المدرسيه تلقينها بالجمله في العطايف في الديره وفيه مكتبات كبيره مثل جرير و الشقري وغيرهااااااا.
اتمنى اني افدتك ولو بشي بسيط والفراشات الباقيات مايقصرون .
والله يحيك في رياض المجد دار العلا والاريحيه.
القصيمية
08-24-2005, 07:55 AM
ما شاء الله عطر فله ما قصرت معك
انا اضيف لك
فيه حدائق عامه مثل حديقه المكتبه
وحديقه الغرفه التجاريه
وفيه فنادق كبيره مثل الهوليدي ان وغييييييييره وفيه شقق مفروشه جديده على امتداد مخرج 15 شارع الامير سعد بن عبد الرحمن(الميه)حي الجزيره
وفيه اسواق فخمه مثل المملكه والفيصليه
واسواق متوسطه مثل المجد والرياض مول والمعيقليه واسواق مكه
وفيه اسواااااق رخيييييييييصه ولالالاكن قديمه مثل حله القصمان والبطحاء والديره واشيقر وسويقه وحجاب
وفيه مطاعم بشااااارع الامير عبد الله والتحليه وشارع العليا العام
هذا اللي اذكره الحين وفيه موضوع بالقسم العام اسمه
ملف خاص لبنات الرياض للاخت توتوة