سمر الحربي
11-21-2007, 06:01 PM
تدري وش اللي يتعب البنت ياسعود...؟!
رجلٍ يخون اشواقها و المودة
إللي إلا احتاج الغلا صار نمرود
وإلى شبع مما عطاه إسترده
البنت ريحانة غلا ... ناعمة عود
تبي لها رجلٍ ورث طيب جده
رجلٍ فعولة كلها جود في جود
ما يلتفت للي كفوفه تمده ...!!
رجلٍ إلا جته الليالي بمنقود
يتكى لها ما بيح الوقت سده
مهوب ***ٍ ما رعى للهوى عهود
وادناة ما عارض طريقه يرده
ولاهوب لاعلة ... ولاهوب ملهود
ولا شكوك ... و كلٍ طارئٍ يحده
ما اشين من الرجال لا جاك ببرود
وإن قال له ترف القدم شي صده
تبي لها براق طيبٍ له رعود
إن اجدبت يمطر على ريف خده
وإن نادته تكفى لقت عنده الفود
يشيل عزتها على قو زنده
كفه نفل ... وانفاس صدره لها عود
وظلاله الضافي بيدها تمده
البنت خد ... وقد ... ونواظرٍ سود
وريحة غلاً ... ياسعد من شم نده
البنت إلا ضحكت ثمرها لك ورود
يا سعد من يقطف نواوير وردة
واللي يهين البنت ناقص ... ومقرود
فرس غلا ... ماهي حمارة مكدة
وانا عشيري فيه زودٍ على زود
فديت خصره لنهصر ثم شده
مياسةٍ ما حازها زول مملود
تشكي هواي لقلبها ... والمخدة
وتمد لي من طارف الكرم عنقود
بكفٍ اذوب من الوله يوم اشده
وتصفى ليال العمر والعمر مطرود
واشرب غدير شفاه طيب و (مودة)
من يوم هاواني وانا فيه محسدود
والمشكلة محدٍ يسد بمسده
ضافي جديله فوق الامتان مرجود
المسك يقطر من حوايف مكده
ورمانه الغضة غرض كل مكمود
يهتز غصن الشوق لاهز قده
يا ويل قلبي والعذارى لهن مود
فيهن من الإحساس مأحدٍ يعده
غضات جسم ولالهن بالبهى حدود
بحر المشاعر بين جزره ومده
منقوووووووووووووووووووووووووووووووول
رجلٍ يخون اشواقها و المودة
إللي إلا احتاج الغلا صار نمرود
وإلى شبع مما عطاه إسترده
البنت ريحانة غلا ... ناعمة عود
تبي لها رجلٍ ورث طيب جده
رجلٍ فعولة كلها جود في جود
ما يلتفت للي كفوفه تمده ...!!
رجلٍ إلا جته الليالي بمنقود
يتكى لها ما بيح الوقت سده
مهوب ***ٍ ما رعى للهوى عهود
وادناة ما عارض طريقه يرده
ولاهوب لاعلة ... ولاهوب ملهود
ولا شكوك ... و كلٍ طارئٍ يحده
ما اشين من الرجال لا جاك ببرود
وإن قال له ترف القدم شي صده
تبي لها براق طيبٍ له رعود
إن اجدبت يمطر على ريف خده
وإن نادته تكفى لقت عنده الفود
يشيل عزتها على قو زنده
كفه نفل ... وانفاس صدره لها عود
وظلاله الضافي بيدها تمده
البنت خد ... وقد ... ونواظرٍ سود
وريحة غلاً ... ياسعد من شم نده
البنت إلا ضحكت ثمرها لك ورود
يا سعد من يقطف نواوير وردة
واللي يهين البنت ناقص ... ومقرود
فرس غلا ... ماهي حمارة مكدة
وانا عشيري فيه زودٍ على زود
فديت خصره لنهصر ثم شده
مياسةٍ ما حازها زول مملود
تشكي هواي لقلبها ... والمخدة
وتمد لي من طارف الكرم عنقود
بكفٍ اذوب من الوله يوم اشده
وتصفى ليال العمر والعمر مطرود
واشرب غدير شفاه طيب و (مودة)
من يوم هاواني وانا فيه محسدود
والمشكلة محدٍ يسد بمسده
ضافي جديله فوق الامتان مرجود
المسك يقطر من حوايف مكده
ورمانه الغضة غرض كل مكمود
يهتز غصن الشوق لاهز قده
يا ويل قلبي والعذارى لهن مود
فيهن من الإحساس مأحدٍ يعده
غضات جسم ولالهن بالبهى حدود
بحر المشاعر بين جزره ومده
منقوووووووووووووووووووووووووووووووول