:de11
[size=3حبايبي ممكن تساعدوني الأسبوع الجاي مقررين أنزور الكويت وبصراحة هذه أول مرة بازور فيها الكويت...
ممكن أدلوني على فنادق أسعارها معقولة ومكانها زين من السوق لأني بصراحة سمعت ان الفنادق عندكم وايد غاليه. وبعد إذا تكرمتو أبي أعرف وين الأسواق الرخيصة عنكم وأحصل فيها ملابس بمقاسات كبيرة لأني دايم ماحصل ملابس بقياسي .
إن شاء الله ما تتأخرون علي في الرد[/size]
:frasha11:
شهدQ
08-31-2005, 01:57 AM
حبيبتي دزيتلك رساله ع الخاص
أم جمانه
08-31-2005, 07:41 AM
حبيبتي شهد مشكورة على الرد لكن أنا فراشة جديدة ومشاركاتي ما وصلت 15 وما أقدر أفتح الأيميل الخاص لي.
إذا ما يكون في أزعاج ياريت أتردين علي على العام.
مع الشكر
بنوتة كويتية
08-31-2005, 08:02 AM
حبيبتي راح تنورين الكويت بوجودج بس انا ما اعرف فنادق اسعاراها رخيصة بس اذا تبين هدوم رخيصة و بمقاسات كبيرة روحي مجمع اسمة ( الأيوب ) و مجمع ( السندس ) بمنطقة حولي و عندنا (لاند ماك ) بمنطقة الشويخ و اذا تبين تروحين تتمشين بالسوق عندنا اسواق روعة مثل ( الفنار) و ( مرينا مول ) و ( سوق شرق ) و ( المهلب ) و غيرة اكيد ... انا اشتري منهم هدوم بس مقاساتهم صغيرة .. و ان شاء الله اكون افدتج بشي ...
أم جمانه
08-31-2005, 09:13 AM
مشكورة حبيبتي وما قصرتي............ كفيتي ووفيتي جزاك الله ألف خير
النيرة*
09-01-2005, 04:14 AM
حياج الله ياأم جمانة بالكويت:fhgfreagi
أولا الفنادق :
إذا بتجين بالطيارة التاكسي راح يفيدج أكثر من هالناحية ،وإذا عن طريق السيارة فدوري على فندق في منطقة السالمية ( منطقة الأسواق ):gfdee44
ثانيا الأسواق ( غرامي ) ::sdgsdg:
عندك منطقة السالمية وفيها الغالي الوسط والرخيص ، الغالي: مجمع الثريا ( مجوهرات) ليلى غاليري ( فساتين أفراح ومجوهرات) مجمع زهرة ( فساتين أفراح ومناسبات)
الوسط ( الأكثر اقبالا من بناتنا لأن فيهم كل شي وبدلات والفساتين تكون كاجوال وحلوة) وهم الفنار ومارينا مول
الرخيص : شارع سالم المبارك وهو عبارة عن شارع طويل فيه المحلات على الجهتين وتحصلين فيه كل شييي ومقاسات على كيفج
وفيه بعد مجمع مشهور بالكويت بمنطقة النقرة اسمه مجمع النقرة وفيه الملافع ،البدلات والفساتين اليومية ، وفساتين الأفراح الرخيصة والحلوة بنفس الوقت ، الأقمشة كل شي والمقاسات على كيف كيف كيفج
وطبعا سوق الكويت الشهير( الذهب والحواويج ( العطارين )
الفروانية وهي منطقة تشتهر بمجمعاتها اللي فيها العبايات والشيلات والبدلات ( مثل اللي تلبسهم زينب العسكري ):15_8_8[1]
anona717
09-01-2005, 04:17 AM
اسفة ،، لا معلومات لدى عربيا احببت السلااام للمرور وشكرا
أم جمانه
09-01-2005, 08:07 AM
حبيبة قلبي مشكورة وايد والكويت منورة بأهلها وإن شاء الله راح أزور كل هالأسواق الي خبرتيني عنها وباتذكرج وراح أدعيلج بالخير.
تظرة عيووون
11-14-2005, 02:40 PM
حبيبتي المجمعات والمركز غاليه وايد وتحصلينه بمكان ثاني ارخص
عندك النقره الجنوبي وايد حلو ومجمع المهلب وعندك بعد بالفروانيه مجمع الحمراء مول اسعاره حلوه
ولاندمارك روعه والسالميه رهيبه خاصه بالجواتي عزج الله
ان شاءالله قدرت اساعدج
تظره عيوووووووون
:::مـــشـاعــــــر:::
11-19-2005, 09:30 AM
ياهلااا اختي ..
بالاضافه اللي اذكروه البنات عندك بعد ( مجمع كويت مجك) في ابو حليفه رووووووعه
وبعد عندك سوق الفحيحيل بمنطقه الفحيحيل وفيه مجمعات ( سلمان الدبوس والعنود) حلوووو ورخيص وفيه كل المقاسات
مجمع العثمان بحولي حلوووو
ان شاء الله افتدك
بنت حائل2006
11-22-2005, 12:19 AM
انا سكنت بفندق شيك فلامنغو مرررره روعه لوتاخذون شاليه على البحر يكون احلى بس برد
اما المجمعات مررهه نار موقده مالك الاسوق على مااعتقد اسمه بو سليمان والله ماادري يمكن البنات يفيدونك عند سوق شرق هو اللي رخيص وقشيت منه البجايم روعه عندهم والبالطوات لاتفوتك
انا من معجبي دولة الكويت
راويه24
04-28-2006, 12:56 PM
للملابس >>> الدراريع عندك الفروانيه ومشاغل الكويت كثييييره في حولي والسالميه والبدل في مجمع المهلب بحولي
قمصان النوم والبجامات من >>>> الايوب مجمع في حولي ومحل لاسنزا في مجمع العثمان في حولي
العبايات >>>> في الفروانيه بجنب مجمع الحمرا مول اسعارهم معقوله وحلوه
العطووور >>> في كل المجمعات في المهلب تاناغرا في سوق الكويت المباركيه
المكياج >>> اذا تبي رخيص وحلو في لاند مارك في السالميه وفي العاصمه الكويت وفي سوق المباركيه سرداب خاص للمكياج بصراحه حلو وكل شي فيه في محل شارمل بعد في مجمع الحمرا مول في الفروانيه وفي مجمع السندس في حولي
الاكسسوارات>>> مجمع المهلب مجمع الحمرا مول بالفروانيه في محل تحت يبيع فيه مصري عنده كسسوارات حلوه وسرداب المكياج في سوق المباركيه في واحد يبييع اكسسوارات حلوه ورخيصه هو هندي او عنده لحيه ومحله صغير
الملافع الشيلات >>> مجمع الحمرا مول تحت في كشك يبيع فيه هندي عنده شيلات ايماراتيه وسعوديه حلوه واسعارها معقوله وعندك بعد نوران معروف مخصص للشيلات بالكويت
للملابس الداخليه >>> نكست و ماركس اسبنسر ولاند مارك ودبنهامز
وفي محل في جمعية الدعيه في منطقة الدعيه يجنن اسمه بيكوكس يبيع بجامات وملابس داخليه وقمصان نوم واكسسوارات وبدل باسعا معقوله بعد حلو وااايد
السنفرات والكريمات >>> موجوده في الجمعيات ( سوبر ماركت) او الصيدليات او العطار وبعد في محل في منطقة الصالحيه جدام مجمع الصالحيه في سوق المتحده في نفس مجمع محل اولادنا تبييع فيه فلبيبنيه اسمها سالي عندها سنفرات وكريمات
الخامات والاقمشه >>> عندنا سوق البلوكات او سوق الاقمشه بالعاصمه وعندنا سوق اسمه سوق دبي للخامات رخيص وحلو
في مجمع عجبني في الفحيحيل حلو وايد اسمه اجيال او اجياد رخيص ومعقول وحلو