يابنات انا زوجي عازم اصحابه الاسبوع الجاي بليز ساعدوني ايش اسوي انا اول مره اعزم احد عندي واطبخ للأشخاص كثيرين
الله يخليكم لاتفشلوني والله اوعدكم لادعي لكل وحده دعوه محترمه:0145:
بس ابغا شي مجرب ومرتب بليز
انا انتظركم
&~غلاها ~&
12-05-2007, 09:03 AM
حبيبتي واللة العزائم ماوراها الا التعب اذا في احد يساعدك زي امك واخواتك ممكن تعملين بوفية مثل مكرونة سمبوسة لحم وجبن ودجاج و رز وورق عنب وحلا وصواني وغيرها لكن ياحبيبتي ريحي نفسك واطلبوا من المطعم
قوت القلوب *
12-05-2007, 09:48 AM
انا مع اخت قلب السعودية.
العيون البريئة
12-05-2007, 10:05 AM
مرحبا.........انا ابعطيك بعض الافكار اللي انا مجربتها في العزائم واهم شي انك تحضرين كل شي من بدري من تقطيع الخضار والحلى يكون جاهز في الثلاجه واهم شي تكوني مرتبه طاولة الاكل من بدري زي المناديل الكاسات وباقي اغراض السفره ...........................ام اصناف الاكل اهم شي المقبلات تبوله وسلطة الذره وممكن تستخدمي بعض انواع السبرنق رول المحشيه بالخضار توجد في جميع السوبو ماركات الكبيره ..................طبعا اصناف الرئيسيه سوي صينية سمك بالصحينه او بالليمون وممكن صنية مكرونه صينيه والرز على راحتك اذا كنتي تبغي تعمليه كبسه او ممكن طريقه حلو ومميزه انك تعمليه مثل المكرونه بالبشاميل بس محشي دجاج وفطر وخضار وكمان في بعض انواع الايدامات السريعه وماتاخذ وقت ام حلى العشاء جيبي تشيز كيك من برى وريحي راسك او ممكن تعملي كيكة الفراوله ................................إن شاء الله اكون افدتك
Om Shooq
12-05-2007, 12:21 PM
ماقصروا الاخوات وادا تبي طرقه شي محدد ارسلي لي مسج
طنط دودي
12-07-2007, 08:25 PM
الله يسلمك بس المشكله انا في غربه وصعب نطلب من برى ومافي احد يساعدني فياريت تعطوني طرق للبعض الطبخات الي قلتوها معليش ازعجتكم.
قمر الشرقيـmـه
12-08-2007, 05:05 AM
ولو اني بعدني بنوته ومالي بهسوالف
وبكره عازمين زوج اختي بس يالله بعطيك اللي اقدر عليه:
اول شيء :
اشتري عصيرات منوعه وبعض المشروبات الغازيه
واللبن ((جهزي كلشيء تحتاجينه قبل العزيمه بوقت كافي موحزه حزت))
2.ضروري يكون الطبق الرئيسي رز عشان يعبي عيون اصحابه واذا شاطره بالكبسه سويها او اي طبخه رز انتي شاطره فيها
((خليه يكون جاهز قبل وصولهم 10 دقايق كذا ))
3.الأطباق الثنائيه اعملي سلطات نوع نوعين واعمليهم من الصباح عشان ماتكوني مزحومه وانتي تعملي كل شيء مع بعض
واذا كان على عشاء اعمليهم من الظهر كذا
4.سوي مقبلات سبوسه .كبه .ورق عنب .محاشي.((جهزيهم قبل بيوم اللي ينحفظ بالفريز واللي ينحفظ بالثلاجه)).
((حمص و متبل .........وهكذا .. بس هذولي موقبل بيوم بنفس اليوم تعرفي يتغير لونهم بسرعه حلاوتهم طازه ))
انتي تعرفي المقبلات .
اوه صح سوي(( شوربه ))ضروري
وجهزي الصحون والملاعق كلها على السفره والمويه والكاسات والمناديل بشكل مرتب ولبق
موضروري تتفنني اذا ماكنتي شاطره اهم شيء الترتيب
وخلي العصيرات والمرطبات على جنب السفره
والطبق الرئيسي بالوسط والباقي نسقي على كيفك
وبعد ساعتين من الأكل من بعد مايريحو
هاتي طبق الفاكهه وبعد ربع ساعه
هاتي طبق اوطبقين الحلا اللي انتي مسويتهم
وحطيهم باطباق اوعلبه شوكلاته معاهم والشاي
والقهوه
وانشاءالله اكون افدتك وسهلت عليك العميله
قمر الشرقيـmـه
12-08-2007, 05:32 AM
شفي هذي طبخات نقي منها اللي يعجبك وسويها
بس هاه قولي ليه نتايج العزيمه من بعد ماتخلص
http://www.2s2s.com/vb/t61703/
http://forum.hawaaworld.com/showthread.php?t=1028488
http://www.2s2s.com/vb/t100439/
http://forum.hawaaworld.com/showthread.php?t=979768
http://www.bahrainevents.com/forum/showthread.php?t=264604
http://www.2s2s.com/vb/t96367/
هذي مجموعه داخلها اللي بيفيدك زود
واتمنى ان مايحذفون مشاركتي لأن فيها افاده لك
واذا بيحذفونها يحذوفوها من بعد ماتخلصي عزومتك
والله يوفقك انشاءالله
طنط دودي
12-08-2007, 08:48 PM
الله يرضى عليك ويوفقك انشاء الله والله ماقصرتي كفيتي ووفيتي.