الشرقيه سياحه

[مشااعر]

من تعرف اماكن حلوه بالشرقيه

[ام شيومة]

اي منطقة قصدك بالشرقية الدمام او الأحساءاو بقيق او الجبيل ترى مناطقها كثير و اماكنها السياحية اكثر و اكثر عندك الدمام و الخبر فيهم مجمعات كثيرة مثل الراشد و الظهران و المارينا مول و الدانة و فؤاد سنتر وعندهم هناك الملاهي و الشاليهات و غيره و غيره
و الأحساء مو مثل الدمام او الخبر بس يكفي طيبة اهلها يكفي نخيلها وريحة الطباين فيها عن جد حلوووووووووة مرة
زوري الشرقية و ماراح تندمين

[ملاك المحبه]

روحي على البحر والكرنيش اكتير منظر روعه في المساء او اليل


ومجمعات والملاهي ومناطق اكتير حلوة في الشرقيه

[anona717]

الااااااااا يوجد معلووووووومات او عناوين مراكز لهذة الاموور

[Dream Love]

اهلين حبيبتي

طيب انتي ايش الاماكن اللي تبغيها بالضبط ياليت تقوليلي عشان اقدر افيدك اكثر

بس بقولك دحين على كم شي

من ناحية المجمعات عندك الراشد والمارينا مول والظهران مرررررررررره روعه وفؤاد سنتر وكلهم فيهم مطاعم وملاهي للأطفال

ومن ناحية الترفيه والمطاعم

عندك ملاهي في الدمام اسمها الهابي لاند تبع الحكير حلوه وكبيره بس مو حلوه في المناسبات لانو تكثر فيها المشاكل يعني روحيها اي وقت غير ايام العيد

وفي كمان الفن تايم برضو في الدمام مرررررررره جلساتو روعه ومريحه زي الغرف يعني فيها خصوصيه وتطل على البحر على طول يعني البحر تحتك وفيها ملاهي حلوه للصغار..

وفي كمان قرية العزيزيه مررررررررره حلوه بس وضعها زي الهابي لاند لاتروحيها في الاعياااد كلها مضاربات ومشاكل اختاري اوقات تكون رايقه فيها لانها بجد حلوه جلساتها ونظامها حلو لانو فيها خيام تتأجر يعني اذا حابه تروحي فيها من بدري يعني الظهر تأجري خيمه وتخلي الاطفال يلعبو وفيها كمان العاب للكبار حلوه وفي كمان عند كل خيمه موقف للسياره وفيها شوايه للي حاب يشوي وكل خيمه جواتها تلفزيون ومفروشه بصراحه حلوه
وغير كده كمان في نفس القريه كوفي اسمو اوليه مررررررررررره رهيب من ناحيه اكل وجلسات وديكورات جلساتو زي الغرف يعني تكوني قاعده فيها كنك جالسه في صالة بيتك..

ومن ناحية الشاليهات
احلى شاليهات شاليهات الهوليدي ان مرررررررره روووعه وفخمه بس عيبها انو مافيها مسبح للحريم هوه مسبح واحد في النص وحولينو جلسااااات بس ايش جلسات ترد الروح خصوصا لما يكون الجو حلووووووووو..

وفي كمان شاليهات في الدمام اسمها النادي البحري مررررررررره حلو وراقيه كمان والحلو فيها انو فيها مسبح للحريم ونادي ودبابات خاصه للحريم ومسوره يعني تقدري تاخذي راحتك فيها

ومن ناحية المطاعم احلى مطعم وافخم مطعم وانا شخصيا ما استغني عنو كل اسبوع وانا هناك مطعم ياباني اسمو اورينت وفي فوق كوفي جلساتو مفتوحه وكلها شجر بصرااااحه مررررررررره رووووووووعه يكفيك الاكل والديكور اللي يهبل..

وفي كمان مطعم بيت التنور في شارع الظهران اكلو مرررررررررره جنااااااااان اكل هندي وصيني وايطالي..

وفي كمان مطعم دارين مررررررررره حلوووووووووو هوه بحري بس عندو كمان اكل تاني غير البحري..

وغير كده الكورنيش طبعا مايبغالو كلان مررررررره حلو خصوصا الواجهه البحريه مررررررره خطيره

هذا اللي مفتكرتو الين دحين انتي شوفي ايش تبغي تعرفي وانا تحت امرك ان شاءالله

ربي يسعدك

[دانه**2005]

ماشاء الله.. الاخت Dream Love
الله يعطيها العافيه..ماقصرت كفت و وفت..

[anona717]

تسلم الانامل ،، يعطيك ربي 1000 عافية

انونا 717