>>>>وداعة الله قلتها دونـــ ترتيبـــــــ <<<<<

[ياكر]

لحظه قبل لاتطلب البعـد وتغيـب

وتنهي معـي مرحلـه مـن حياتـك

اخذ الهدايا ؟ والصور؟ والمكاتيـب

دامي خسرتك ... ماأبـي ذكرياتـك

يمكن يكون فراقنا رأي.. ومصيب

خيره كتبها الله جتنـي ... وجاتـك

تعكرت بالعين صـاف المشاريـب

حتـى قطـار الحـب روح وفاتـك

مادمت مخطي وفي عينك مصيـب

معجب بترتيب الحكي فـي صفاتـك

شفني مقدره عند عكف الاشانيـب

مانيب بمن تومي عليه.... بعصاتـك

عداني وانا بنت النشاما عن العيب

والحرص واجب فيه تلقـى نجاتـك

اعرف عوى دوني الفهـد والذيـب

وانا بعد شفت برحيلي ... مناتك

جاني كلامك حار مثـل الملاهيـب

غيرت ظني فيـك وغيـرت ذاتـك

تراني ابعيده عن الشـك والريـب

فوق الثريـاء عاليـه فـي سماتـك

إن كان ماعديـت روس المراقيـب

ماني كفو اصلـن تنادينـي غناتـك

ماحسبت ظني فيـك بيـوم يخيـب

ولاحسبـت لـي هـذي مجازاتـك

الله يعلم خافي السر .... والغيـب

ويعلم قبل تكتـب وتنطـق شفاتـك

رح للفراق اللي تركنا ....مصاويب

شمت اعداتي قبـل تشمـت عداتـك

وداعـة الله قلتهـا دون ترتـيـب

خلاص حتـى لـو تغيـر صفاتـك

الله معك رح.... وين ماودك تغيب

هذي حياتك وانت حر .... بحياتـك

[rosesdreams]

سلمت يداك اختي

[أفراح القلوب]

ماشالله قصيده رائعه يعطيكي العافيه

[ياكر]

سلمت يداك اختي

:02:شاكره لتعليقك ومرورك الاكثر تشريفا" ..:02:

[ياكر]

ماشالله قصيده رائعه يعطيكي العافيه

:02:حياك الله اختي وتشرفت بحضورك ..:02:

[الشقرديه 2]

وداعـة الله قلتهـا دون ترتـيـب

خلاص حتـى لـو تغيـر صفاتـك

الله معك رح.... وين ماودك تغيب

هذي حياتك وانت حر .... بحياتـك

صح لسانك
كلمات رائعه جدا
يعطيكِ ألف عافيه يالغلا