السلام عليكم كيفكم يااحلى فراشات
بصراحه انا بدخل عالموضوع بسرعه يابنات انا فاشله في الطبخ مااعرف اطبخ وربي حاطني عند ناس طباخين بصراحه استحي :044:من زوجي لما يذوق اكلي ليه 3سنوات والله كل اكله اشويها يكون فيها عيب حتى الفطاير اسويهاتطلع حجر وثقه مافي من وين اجيب الثقه واكلي كذا كرهت الزواج والسبه الطبخ:074: والله ماابالغ تكفون ساعدوني والله لو ماني واثقه فيكم ماقاتلكم اعتبروني زي اختكم الصغيره وفهموني واتمنى اني اسيرطباخه على يدكم:0145::045:
مزوحة وبداخلي مجروحة
12-16-2007, 01:30 AM
لا ياقمر ماانتي فاشلة مافية احد يجي من بطن امة متعلم جيبي كتب طبخ واتعلمي منها وان شاء الله نشوف طبخاتك في هدا القسم وووووووووووووووادعيلي ياقمر00000
الموت الصامت
12-16-2007, 02:32 PM
يعطيك العافيه اختي مزوحة وبداخلي مجروحه والله يحققلك مرادك
الموت الصامت
12-16-2007, 02:41 PM
معقوله 9 يدخلون وماترد الاوحده خلاص بشيل عفشي واروح منتدى ثاني :042::042:(كلمه ولو جبر خاطر)
The White Mare
12-16-2007, 04:40 PM
المشكلة هذي تصير معنا كلنا
بس حاولي أكثر من مرة الين ما تضبط معك الطبخة
وسر الكل يكون في البهارات
روحي عند عطا واطلبي بهارات كبسة
أو في السوبر ماركت في بهارات كويسة مثل بهارات دارين للكبسة وزيدي كمون وفلفل أسود لانه يعطي نكهة
واشتري كتب طبخ مثل أطباق النخبة لان مقاديرة ممتازة
والله يوفقك
أعذاب
12-17-2007, 10:32 AM
فعلا السر في البهارا ت
أشتري بهارات الكاري مره حلوه وحطي مع الأكل زي الكبسه والمكرونه وغيرها ورق غار وهيل وقرفه وإحمسيها مع البصل
والفطاير المنتدى مليان من أشكال وانواع منها
وإذاطبختي الأرز قيسي المويه على حسب نوعية الرز
لأن بعضها تشرب المويه وبعضها لا
وإذا بغيتي أي سؤال أنا حاضره
والله يوفقك
وأنصحك بكتاب أطباق النخبه لأمل الجهني
مرررررررره سهل والمقادير اللي فيه معروفه
ام وليدويوسف
12-18-2007, 01:10 PM
حبيبتي كل مرره تفشلين عيدي الطبخه الين تتعلميها زين
ابداي بالوجبات السهله السريعه
دائما اتقني المقادير
اهم شيء الملح اما العجينه خليها اخر همك والله انا ما تعلمت لها الا بعد اربع سنوات من زواجي اكتشفت سرها ليش تخرب
لاني احيان يكثر الزيت
واحيان الحليب
واهم شيء بالعجينه تكون متماسكه ولا هيب صلبه اذا طلع الطعم حلو ما يهم المره الثانيه اهتمي بالشكل
وادخلي على مواضيعي بتلاقي انشاء الله اشياء بتعجبك وانا اكيده من انها تكون سهله
واسرار حلوياتي وكمان افكار حلوه
frasha_118
12-18-2007, 02:16 PM
السلام ماحبيت اطلع وانا ماقلت طريقه العج ينه اللي اعتمدتها وصرت تقريبا اعجنها واسويها يوميا لانها تناكل كلها وصارت عجينتي تميزني وطلبتها اختي وامي وضبطت معاهم من اول مره
واحلى ما في الموضوع ان مقاديرها متوفره وما فيها بيض
وللامانه انا ماخذتها من هالمنتدى الرائع واذا ماني غلطانه من مشرفتنا الرائعه ضي العين
المقادير
بفنجان القهوه تحطين سكر وحليب بودره في كاس الخلاط
وبفنجان الشاي تحطين سكر
وكاس ونص مويه دافيه
وتخلطينها سبع دقايق او اكثر
في هالوقت جهزي طاسه او كروانه اللي بتعجنين فيها وحطي كاسين طحين الكويت وملعقتين خميره وانخليهم مع بعض وصبي الخليط على الطحين واعجني زييييين
واذا شفتيها رخوه شوي حطي ملعقتين طحين
اصلا بتلاحظين انها مثل اللبانه في يدك
غطيها واتركيها تخمر ربع ساعه
واحشيها اللي تبين او سويها بيتزا
وان شاء الله بتدعين لي انتي وزوجك
وباذن الله مابتخرب معاك وتحجر
وادعي لبناتي في ظهر الغيب ان الله يشفيهم
وســــــــــــــــــــــــــــــــلامـــــــــــــ ـــــات
الموت الصامت
12-20-2007, 07:49 PM
الله يسعد كل من رد عليه
دلــوعــة حــبــيــبــهـا
12-21-2007, 08:54 AM
حبيبتي انا فاااشله مثلك وزواجي بعد شهرين ومن تعاسة الحظ ربي رزقني بواحد يحب طبخ البيت (نصيب) :(
بس هذا انا اشتغل على نفسي :)
نصيحة ادخلي على قسم الطبخ في هذا المنتدى ترااااه كفى و وفى وكل اللي موجود فيه سويت له نسخ .. وكتاب النخبه انا شريت منه آخر اصدار مررررررررره رووووعه .. وكتاب رابحه .. والشيف رمزي ... الخ ياااكثر الكتب :)
الله يوفقك ياقلبي ويسعدك وتكونييين احسسسن طباخه .
تقبلي مروري
أم عيال
12-21-2007, 09:27 AM
حبيبتي البنات كفوووو ووفوووو وماقصروا ... عندك قسم الطبخ بالمنتدى روعه
وسمي بسم الله قبل لاتطبخي وتوكلى على الله ومره على مره بتضبط معك وبتصير ايدك خفيفه ونفسك حلو بالطبخ
قلبي اى استفسار عن طبخه ومقاديرها ارسلي لي على الخاص وانا مستعده اشرحها لك من الالف الى الياء
حلوى الفالوذج
12-21-2007, 07:47 PM
انا كنت ابكي بكاء لاني مو واثقه من نفسي في الطبخ
اخواتي وامي كانو يسوون المهمات في العزايم وانا اتفرج ما يتكلون عليه
واذا قلت اسوي شيء يخرب واتحطمممم بقوه
وقبل الزواج كنت خايفه ومو واثقه
لكن بعد ماتزوجت تسهلت والحمد لله
اخذت بهارات الكاري وبهارات من سوبر ماركت انواع واشكال
نفعتني بقوه ولله الحمد
وادخلي المنتدى هاذا واسالي الطباخات
وقولي لنفسش هاذا حال كل الحريم
كل الحريم يتعلمون شويه شويه
ومافيه احد فاشل الا الي يياس
وبصراحه انا الحين سمعتي ممتازه في الطبخ
وانتي بكره سمعتك بتصير احلى:0151:
بس غيري اسمش في هالمنتدى الى الطباخه
علشان عقلش الاواعي يتفاعل معاش
اتمنى لش التوفيق
مع خالص احترامي
رغودي2006*
12-22-2007, 01:00 AM
للرفع
ام وليد ويزيد
12-25-2007, 11:24 AM
حبيتي كل مادخلت المطبخ اتوكلي على الله وبهارات كمان لها دور