أسواق دبي ..؟؟؟

[^ المها الحاير^]

السلام عليكم ورحمة الله وبركاته
بنات دبي ..
حبيت أسأل عن الاسواق انا بكرة الصبح
رايحه دبي ياريت تردون علي بسرعة ...
حبيت أعرف أماكن الاسواق الشعبية
اللي تبيع الاقمشة ولوازم الخياطة والجلابيات
أبي ردكم بسرعة الله يخليكم ...

[*الجوهرة_قطر*]

صراحه أنا رحت من زمان يوم كنت صغيرة سوق مرشد ويا حريم كبار
لكن الحين انروح المجمعات بس والمولات
أتمنى بنات الامارات يفيدونك والله يوفقك

[فراشة مرة حلوة]

أهلين اختي

صح انا من السعودية بس حبيت أقولك اللي عندي

سمعت عن سوق مرشد ......ورحت لسوق نايف وهو سوق قديم على الشارع<<<رحت وتمنيت اني مادخلته كله رجال وعمال..

ماكنت أعرف انه كذا ...

هذا اللي عندي وأتمنى اني افدتك

[ام حوور]

حبيبتي انا توني راجعه من دبي صار لي 10 ايام بس

وحبيت اقول لج عن مجمع اسمه ابوهيل في دراريع وعبي وايد حلوه بس بصراحه غاليه شوي العبي اما الدراريع في الغالي وفي الرخيص

وعندج سوق عكاظ انا بصراحه ما رحة له بس قالوالي انه في دراريع حلوه ورخيصه بعد

وعندج سوق منال يم سوق عكاظ في محلات خام وااااااااايد

انا نصحج اتروحين سوق مرشد ونايف ومجمع منال وسوق عكاظ اهم جنب بعض بس روحي على البراد لا اتروحين بالشمس لان انا رحت الصبح بغيت اموت طحت مريضه عقب من الحر

اذا تبين تحف اشاياء حلوه ارخيصه عندج مركز القبائل للتخفيضات ماااااااااااايد حلو وارخيص اهو جدام حمرعين بالضبط

وعندج السوق الصيني الدراريع الصينيه شي روعه هناك لا يطوفج

تقريبا هذا الي اعرفه عن دبي وان شاء الله اكون قدرت افيدج حبيبتي

واتروحين وترجعين بالسلامه

[ام حوور]

حبيبتي انا اعجبتني الدراعه وانا من الكويت تقدرين اطرشيلي وحده واحول لج فلوسها

[anona717]

شوقنونا لها ،، اتمنى اني اعرف هذة الاعمال فيها

[مسك الكويت]

دبى روووووووووووووووووعه مجمعاتها كلها

[anona717]

اسواق دبي المجمعات الكبيرة

سوفتيل سيتي سنتر دبي والشارقة
ميجا مول دبي والشارقة
مركاتو
شارع نايف
اسواق بر دبي
شارع المرقبات
حمر عين
مراكز التسوق - وافي ستي / مركز البرجمان / ستي سنتر / مجمع الغرير

المناطق المهمة للزيارة:

خور دبي
متحف دبي ببر دبي
قرية التراث
سوق الذهب
سوق التوابل
نادي دبي للغولف وسباق الخيل
نادي دبي للغولف واليخوت / نادي الإمارات للغولف/ نادي مونتيغومري للغولف

وهذة نبذة عن مدينة دبي انشاء الله كون وفيت

تقع مدينة دبي جنوب شرق شبه الجزيرة العربية وعلى شواطئ الخليج العربي المشهور بروعة ونقاوة مياهه الزرقاء الرائعة، وتعد دبي أكبر ثاني إمارة في دولة الإمارات العربية المتحدة، وهي المركز التجاري الرائد ومركز استضافة المعارض التجارية والمؤتمرات في منطقة الشرق الأوسط. تشهد دبي أيضا الزيادة الكبيرة في قطاع السياحة، وذلك لما تقدمه شواطئها الخلابة والرياضات ووسائل الترفيه المختلفة. حصلت مدينة دبي على مكانتها كجنة لمحبين التسوق نظرا لخلوها من أية ضرائب والأسعار المنافسة ومراكز التسوق الفاخرة.

يشطر الخور دبي لشطرين، ديرة بشهرتها كمركز المدينة التجاري النشط وتقع في القسم الشمالي، والشطر الثاني هو بر دبي الذي يقع في القسم الجنوبي. تعد منطقة بر دبي موقع المدينة القديم، بمباني ذات الهندسة المعمارية التقليدية وشوارعها وأسواقها القديمة. أما شارع الشيخ زايد الذي يتجه جنوبا باتجاه مدينة أبوظبي فقد شهد التغير الكلي ليصبح معلما من معالم دبي تتألق به المباني الشاهقة ذات الهندسة المعمارية الفريدة التي توجد بها المكاتب والشقق الحديثة جدا، إضافة إلى مراكز التسوق وفي الأفق البعيد تفرد الصحراء مساحاتها الشاسعة لتعطي المنظر الفريد بكل تأكيد.

على الرغم من التطور والحداثة لمدينة دبي، فإنه وبالإمكان لمس ومشاهدة بعض من الماضي الذي لا يزال يمارس اليوم بخور دبي حيث السفن الخشبية التي تقوم بنقل البضائع من دبي لأقطار شتى. فأساليب الاتفاق على الشحن والسعر التي يناقشها التجار مع أصحاب تلك السفن لم تتغير منذ مئات السنين. إضافة الى رحلة قصيرة بما يعرف بالعبرة (وسائل نقل الأجرة المائية) والتي تقوم بالتنقل بين ديرة وبر دبي يتمكن الشخص من خلالها مشاهدة الأسواق والمباني القديمة التي تقع على ضفاف خور دبي. وعلى جانب بر دبي وفي قلعة الفهيدي التي تحوي متحف دبي اليوم ويعتقد بأنها أقدم مبنى في دبي. هنالك أيضا المسجد الكبير ببر دبي الذي يصل عدد قببه 45 قبة وأطول منارة في المدينة، وليس بعيدا من هنا تجد منزل الشيخ سعيد المكتوم الذي يعود تاريخ بنائه لعام 1896 ويعكس تراث فن العمارة الغني بدبي، واليوم تم تحويل هذا المنزل ليصبح متحفا للعموم.

[anona717]

الصراااااحة دبي وااايد فيها أماكن حلوه .

بالنسبة للمراكز ..

عندج ..

1- سيتي سنتر ..
2- ابن بطوووطة ..
3- ميركاتو ..
4- برجماان ..
5- الواحة سنتر ..
6- لامسي بلازا ..
7- الغرير ..
8- مدينه جميرا ..

هذيل إللي اتذكرهم ألحين ..

و بالنسبة للمطاعم ..

1- شيليز ..
2- مطعم النافورة ..(( في أبراج الإماارات ))
3- جولدن دراجون (( مطعم صيني ))
4- قصر الهند ..
5- مطعم البوم (( في الخور )) ..

و بالنسبة للحداااائق ..

1- حديقة الصفاا ..
2- حديقة الممزر ..
3- حديقة الخور ..
4- حديقة الحيوانات ..

و بالنسبة للأماكن السياحية ..

عندج ..

1- متحف دبي ..
2- المدينه الثلجية (( في المركز التجاري ))
3- مدينه مدهش (( في المركز التجاري ))

اتمنى اني اكون اعطيتك ببعض الذى اعرفه من الاخوات الذين زارووووو دبي ،، الامارات

[غراشيب]

المها الحاير ......... الأسواق الشعبية مثل ما قالولج الاخوات.........سوق نايف ومركز المنال للأقمشة............ سوق عكاظ للجلابيات وبجنبه كله محلات للوازم الخياطة مثل التبت وكيوتو وغيره.......وسوق مرشد ....
بالنسبة للمراكز أحس نفس اللي عندكم والأسعار نفس الشي...........

[anona717]

يسلمووووو على روح المشاركة هلا فيكي

[^ المها الحاير^]

الجوهرة - قطر
تسلمين اختي على المشاركة ..

[^ المها الحاير^]

فراشة مرة حلوة
تسلمين على المشاركة الطيبة
وصح كلامج سوق نايف كله
رياييل ومايصلح للحريم يرحون
بروحهم اشكر مشاركتج ..

[^ المها الحاير^]

أم حور تسلمين يالغالية على الزيارة والمشاركة
مركز ابو هيل مارحت له بس رحت سوق نايف ،،
ومركز المنال ومرشد وسوق عكاظ اللحمد الله
حصلت على اللي ابيه وزيادة بعد ،،،
اما عن السوق الصيني مازرته ممكن تقولون لي وين
صاير بضبط ..!!!!

[^ المها الحاير^]

ام حوور مركز القبائل زرته
عنده اشياء حلوة ورخيصة
الغالية اذا كنتي تبين نفس
الجلابية ياليتج تتفضلين عندي المحل
لاني للاسف ما أرسل خارج البحرين
السموحة يالطيبة ...

[^ المها الحاير^]

مسك الكويت تسلمين على المشاركة يالطيبة ..

[^ المها الحاير^]

أنونا 717 تسلمين يالطيبة على المعلومات
وبصراحة انا زرت دبي ورحت مجمعاتها
رووووووووووووووووووووووووووووعه

[^ المها الحاير^]

غراشيب كل المحلات اللي قلتي عنها زرتها
واللحمد الله رب العالمين الله وفقني وتسلمين
اختي على المشاركة والمساعدة ...

[anona717]

شكرا على مروركم الكريم والشكر فيكم وعليكم ،، انونـــــــ 717 ـــــــــا