المساعد الشخصي الرقمي

مشاهدة النسخة كاملة : المتبل والحمص ارجوووكم

بسمة بدر
12-22-2007, 08:58 PM
السلام عليكم امانة يا بنات يا طباخات ارجوكم ابي طريقة تحضير المتبل اللي بالباذنجان طبعا والحمص بعد اللي مطحوون اموت عليه ومن كتر حبي له ابي اسويه بالبيت تكفون ساعدون والله يوفقكم يااارب
shشيرينsh
12-23-2007, 02:02 AM
طريقتي با المتبل تقطعين البديجان حلقات بدون قشر ثم تقلينه بالزيت بعدين تحطينه في خلاط الطماطم وتحطين علبه زبادي وملعقتين طحينه وثوم حسب الرغبه وملح وكمون شوى وعصير ليمون وتخلطينهم بعدين تحطين عليهم زيت زيتون فيه طريقه ثانيه بدل القلي شوي البديجان
اما الحمص تنقعين حمص ليله كامله بعدين تطبخينه في قدر الضغط الى ان تكون الحبه لينه ثم تحطينه با الخلاط مع زبادي وثوم وملح وملعقة طحينه وتخلطينهم با الخلاط وتزينينه بزيت زيتون وحبات الحمص
وطبعا بعد الانتهاء من عمله تضعينه با الثلاجه وبا العافيه
بنت المدينههه
12-23-2007, 02:23 AM
وهذي طريقتي للمتبل مرا رووووووووووووعه
اشوي الباذنجان على النار بالفرن او فوق البوتوقاز وبعدين شيلي القشر عنه وبعدماتشيلين القشر اخخلطي الباذنجان بالخلاط الكهربائي مع الزبادي والطحينه السائله والثوم والملح وكذا يصير عندك متبل باذنجان غطيه وحطيه بالثلاجه لحين حاجتك او كليه على طول وبتشوفين الطعم
طريقة الحمص انا اخذ حمص مطحون جاهز الي يجي معلب وانزله من علبته واضيف عليه الزبادي والليمون والثوم والملح واخلطها بالخلاط وكذا يصير عندك متبل باذنجان وحمص من عمل يدكوزينيه برشة بقدونس من فوقه وزيت الزيتون
احب قطوتي
12-23-2007, 04:08 AM
الحمص بطريقتي اخذ اللي جااهز واحط عليه قشطه وزبادي وطحيينه الين اشووفه ثقييل شوي وااكله
يمييييييييييي حلو طعمه مع المشااوي
اما المتبل فزي ماقالت اقطعه وانقعه في خل شوي عشاان مايشرب الزيت واقليه واحطه في خلاط الطماطم واحط زبادي وثووم وطحينه وليمون وكموون وسلامتك
بسمة بدر
12-23-2007, 07:18 PM
تسلمو يا حبيباتي اللع يعطيكم العافية ويوفقكم ياااااارب قولو امين عسى الله يتقبل
HهايديH
01-01-2008, 03:29 PM
ياقلبي هذا الي عندي لمتبل بس والله روعه طعمه ولونه ابيض اون شاءلله اني افدك
حبة متوسطة من الباذنجان
5 ملاعق طعام لبنة
ملح وفلفل
فص ثوم مهروس
ملعقة صغيرة زيت زيتون
ملعقة صغيرة ليمون
بقدونس للزينة
الطريقة :-
1- يشوى الباذنجان في الفرن حتى ينضج ويسهل نزع قشرته الخارجية.
2- يهرس الباذنجان بواسطة الشوكة.
3- يضاف الفلفل والملح والليمون والثوم واللبنة إلى الباذنجان ويخلط جيداً بواسطة الملعقة حتى نحصل على مزيج متجانس.
4- يسكب هذا المزيج في طبق للتقديم ويزين بالبقدونس وزيت الزيتون
وبالعافيه وياليت تعطييني رايك لاني انا اخذتها من منتدي ثاني سويته وطلع لذيذ مره
منقول من رد احد الاخوات
المهندسة زهرة الرمان
01-02-2008, 01:22 PM
تسلموا خواتي الغاليات ...
ورقة تقويم
01-06-2008, 08:01 PM
اممممممممممممممممممم خلينا اجرب الحمص عندي علبه ومحتاره في طريقتها مشكورين جميعا