السلام عليكم ورحمه الله وبركاته
حبيباتي ان شاء الله راح ازور جده اخر شهر يناير (1) لمده يومين فقط ..
وابي اروح لمحل العبي سيدتي الجميله ( ماي فير ليدي ) وين اقدر احصله في اي مجمع او اي سوق ؟؟؟
وبسألكم عن فندق قصر اابحر الاحمر .. شرايكم فيه ؟ ..
ام ميهو
01-09-2008, 05:18 AM
اختي سندس
الله يحيك بجده واهلا وسهلا فيك
في عندنا فرعين
فرع في سوق المساعديه طريق المدينه النازل
فرع في طريق الملك وانتي متجهه الى شمال جده يجي علي اليمين
سندس 23
01-09-2008, 05:22 AM
ام ميهو الله يوفقج يا قلبي
ومشكوووره ماقصرتي
وابي بعد اسماء مجمعات فيها محلات للعبي والشيلات بكثره ..
هلا والله بسندس حياك في بلدك الثاني تعالي عندي
بلا فنادق ولايحزنون
بس انا ساكنه مكه ههههههههههههه
بالنسبه لفندق البحر الاحمر قديم في عندك الموفنبيك والهليتون جدا روعه على البحر
الحائره
01-09-2008, 05:28 AM
عند عزيز مول والصيرفي ميجا مول
وشارع التحليه
وسوق حراء
سندس 23
01-09-2008, 05:50 AM
الحائره ماتقصرين عزيزتي ..
توني جايه من مكه ياحلوها بزحمه الحج
و راح اجي مكه ان شاءالله تاريخ 28 وحاجزين 3 ايام في دار التوحيد .. خلينا نشوفج :)
وبعدين راح نمر جده يومين ( ليله وحده ) للسوق لانه اشتقنا لها من زمان ما مريناها :)
انا سويت سيرج للفندق حسيت انه قديم ان شاءالله الوالد يقدر يغيره !!
وبعدين ان شاءالله المدينه دار الايمان ..
حلومة الدبدوبة2009
01-09-2008, 06:05 AM
سندس اهلا وسهلا فيكي بجدة وتنورينها عندك محلات العبي والشيلات بمجمع الشرق شارع المكرونة محل اسمه اعجوبه العبي عنده شئ ثاني وفيه محلات ثانيه بس لايغلبونكم بالاسعار ابو هنودة>>> السوق شعبي بس فيه شغلات حلوة
وبالنسبه للمولات عزيز مول والتحليه سنتر وشارع التحليه وسوق حراء الدولي والصيرفي ميجا مول>>>>بس مو حق تسوق بس وناسه وتمشيه حال اما الفندق موقعه حلو يعتبر يمكن 4 او 5 نجوم وهو حليوو مو بشين وموقعه بمنطقه البلد وفيها كثير اسواق اغلبها شعبيه وفيها كم مركز مثل المحمل والكورنيش واذا تحبين تعرفين ايش يميز كل سوق قولي لي واي سؤال او استفسار انا حاضرة بالخدمة واذا بغيتي اي شئ ارسلي لي خاص >>>>احس اني كثرت قرقرة
ساحرني الهوى
01-09-2008, 08:22 AM
:02:هلا بأختي سندس أنا من جدة في عندك فنادق على البحر زي البلاد حلو كثيييير حتى المطعم هباااال أما الأسواق في الحفني سلطان مول جرير مول واللي ذكرتة الأحت حايرة:0149:
سندس 23
01-09-2008, 08:28 PM
حلومه حاولت ادز لك عالخاص بس مشاركاتي اقل من 30 ..
اي والله ابي بالتفصيل عزيزتي .. شنو المحلات اللي مثل اعجوبه ممكن اسماءهم ؟؟
ومجمع الكورنيش والمحمل شنو المحلات اللي تنصحيني فيهم :)
ساحرني الهوى .. مشكووره غاليتي على مرورج .. وهذا العشم فيكم اهل السعوديه ..
اممممممممممم ممكن سؤال .. هل يوجد محل الشرقيه بجده ؟ >>>>>>> تقبلوني سندس كويتيه طماعه :)
@STAY WITH ME@
01-09-2008, 11:31 PM
عندك بدون اسم في عزيز مول
الفنادق هليتون . ريديسون ساس
ام ميهو
01-09-2008, 11:44 PM
عزيزتي سندس
بصرااحه البحر الاحمر مو قد كذا عندك فنادق ويستون البلاد شيراتون والهيلتون كلها على الكورنيش
اما اذا تبغي اقل درجه بس حلوه عندك رادسون ساس على طريق المدينه مرره حلو وكمان فيه الشقق المفروشه على شارع حراء ومستوياتها عاديه
عاااد انتي حررره وفي كثييييييير بس على قولتهم الذاكره مشي حالك على القد
ليش ماتنزيلي البلد جده القديمه ترا مرره حلوه تشوفي كيف جده زمان ومبانيها
وبالمره تتقضي من هناك في سوق المحمل وسق الكورنيش
وفي محلات الجمله اكسسوارات واقمشه والعاب وعطور تلاقينها بالخاسكيه قريب من المحمل
واذا تبين ماركات انا انصحك بشارع التحليه
طييييييب مرينا والله نكرمك وابشري بالذبيحه تراها والمه هي تعالي
شرفينا امانه عليك
اختك ام ميهو
سندس 23
01-10-2008, 02:28 AM
طعميه .. تسلمين بدون اسم روعه ومشكوره انج ذكرتيني فيه عزيزتي
ام ميهو ماتقصرين يا قلبي وبالكويتي انقول خيرك سابق .. بس تدرين ماكو وقت .. ان شاءالله الجايات اكثر .. عزيزتي اذا عندج مسنجر ودي اضيفج عندي عشان تفيدني اكثر .. اذا ماعندج مانع ..
ام ميهو
01-11-2008, 07:40 AM
يعطيك العافيه اختي سندس والله لك حق وواجب علينا وانتي في بيتك الثاني وانا في خدمتك باي وقت
واتمنالك قضاء احلى الاوقات في جده واذا تبين الماسنجر تعالي زورينا وابشري
ميــ ام ــهــو
ام الجوري
01-12-2008, 09:07 AM
عندش فندق ريدزالكويت والمنشروبودل والمارينا
ريموعسل
01-15-2008, 09:11 PM
هلا وسهلافيك بس حبيت اقول لك عن محلات العبايات اللي في سوق البوادي روعه ورخيصه
السوق شعبي بس العبايات عنده روعه وانصحك تروحين الاسواق الشعبيه قبل المولات وهلا فيك
# ام نـــــــــــواف #
01-16-2008, 07:36 AM
اللله يحيك حبيبتي في جده
والبنات ماقصرو معاك000
& هدية السمــــــــاء &
01-16-2008, 01:18 PM
هلا والف غلا لكي سندس في جده
واذا ماشالتك الفنادق تشيلك عيوننا فديناكي والله
وجده تنور بمرورك وياليت تقعدي اكثر من يوم علشان تتمشون اكثر لان جده مررره حلوه
وبالنسبه لماي فير ليدي في فرع على طريق الملك
وفي فرع بسوق المساعدية واعتقد بروشان مول الي بالتحلية في فرع لهم جديد وروحي التحلية في اغلب الماركات والاسواق
وهلا وغلا باهل الكويت ونورتنا بوجودكم
غلا الجواهر
01-17-2008, 06:04 PM
هلااااااااااا فيك سندس في جدهــ
وبالنسبهــ للمحلات بمجمع الكورنيش فيه عندك محل واحد دايم اشتري منه عندهم اكسسورات روووووووووعهــ اسمه عفيف موجود بالدور الخامس.....
والدور الخامس نفسه فيه محلآآت يبيعون مكيآآج وعطوور وشنط وأشيآآء كثيرررررة
أتمنى أنك تقضي وقتا ممتعا في جدهــ غير ولا تنسين تزورين الكورنيش حقنا....
وفيه محل اكسسوارات ثاني اسمهـ كليرز موجود بصيرفي مول وعزيز مول ومركز الجمجوم برضو...
أختك غلآآ
سندس 23
01-18-2008, 05:04 AM
فعلالالا بنات جده ماقصرتو معاي
ان شاءالله راح احط لكم تقرير رحلتي اللي صج صج مشتاقتلها :)
aflis
01-18-2008, 08:51 AM
هلا وسهلا فيك بجدة سندس 23
ونورتينا يالغالية
ومن جد والله انكم يأهل الكويت لكم معزة خاصة علينا بقلوبنا
بالله عليك خلينا نشوفك
عيب والله نقصر معكم ولا نقوم بواجبكم
حنا ترانا أهل
تعالي ومالك الا طيبت الخاطر يالغالية
اختك ام علي
سندس 23
02-05-2008, 01:12 AM
الحمدلله رديت من جده وسكنت فيها ليله بس عالسريع ..
اول ماوصلت رحت على طول ماي فير ليدي بالمساعديه وكان فيه خصم تقريبا 50% وشريت منه العبي وطلعنا ورحنا شارع المكرونه بالضبط مجمع الشرق بصرااااحه البضاعه اهناك شي شي فضيع وحلوووو بالنسبه للاقمشه والعبي وحتى ملابس السهره والاسعار عن جد رخيصه وحلوه
اشكركم بنات جده وان شاءالله كل سنه نمركم بعد ما انتعمر :)