غسلة الصحون ....مين مجربها

[roze-roze]

سلامي
ودي استشيركم ...ايش رايكم بغسالة الصحون الأتوماتك تنصحون فيها ولا لها عيوب
مين مجربتها ...واي شركه تنصحون فيها وكم سعرها
لأني صراحه افكر اشتريها ..بس ماعندي اي خلفيه عنها
والله يجزاكم كل خير

[توفي5]

انا ما جربتها بس يقولون انها تلمع مره وتنظف بعد ومريحه بس لازم تغسلي الاواني قبل بمويه يعني تزيلي بقايا الاكل منها
وبكذا ما استفدتي شي

[سويمره]

غساله الصحون شي خيال مريحه مره
تخلي المواعين قمه في النظافه وريحتها نظافه
انا عندي غساله إل جي شريتها بالفين وخمس مئه
راحه مابعدها راحه
اول شي ترشين المواعين اللي تبغين تغسلينها في الغساله بمويه وتشيلين بقايا الاكل منها وترصينها في الغساله وتشغلينها وتروحين السوق او تنامين وتصحين وتلاقين المواعين نظيفه وريحتها جنان خاصه الملاعق والسكاكين والكاسات القزاز وحوض المطبخ ديما نظيف ومرتب لان ماعاد فيه مواعين المواعين اول باول في الغساله

[roze-roze]

اشكركم خواتي للرد ..وعسى ربي ييسر كل أموركم

[ريموووو]

انا عن نفسي عندي غساله الصحون بس خساااااااره
كانت مريحتني مره با النسبه للصحون الزجاج والملاعق والسكاكين بس لازم تنتبهين لها علشان الملح تعبينها بين كل فتره وفتره
وابغي اقول لك ليش خربت عندي؟
اللي يخربها انها تقعد عنك فتره طويله ماتشتغل
لزم بين فتره وفتره تشغلينها يعني اللي عندها شغاله ماتنفع عندهم ......
انا ماعندي شغاله بس كانت عندي ضروف وطفيتها تقريبا 6شهور بعد كذا صارت تخرب والا من اول ولا احسن منها وانا كنت سامعه انها تخرب اذا ما اشتغلت با ستمرار يقولون ان خراب غساله المواعين انك تطفينها فتره طوي
بس حبيت اوصل لك المعلومه يا روز
معليش على الاطاله

[roze-roze]

مشكوره اخت ريموووو على المعلومه المهمه
وبالعكس كلامك قصير وفيه نصيحه قيمه
الله يجزاكي كل خير

[ملاكt]

غساله الصحون شي خيال مريحه مره
تخلي المواعين قمه في النظافه وريحتها نظافه
انا عندي غساله إل جي شريتها بالفين وخمس مئه
راحه مابعدها راحه
اول شي ترشين المواعين اللي تبغين تغسلينها في الغساله بمويه وتشيلين بقايا الاكل منها وترصينها في الغساله وتشغلينها وتروحين السوق او تنامين وتصحين وتلاقين المواعين نظيفه وريحتها جنان خاصه الملاعق والسكاكين والكاسات القزاز وحوض المطبخ ديما نظيف ومرتب لان ماعاد فيه مواعين المواعين اول باول في الغساله



كلام سليم 100%

[roze-roze]

ملاكt اشكرك

[ضحكات طفلي]

ولله انا بعد خاطري اخذها لكن مااعرف من وين اخذها

[غيوده الاموره]

انا خاطري فيها من زمان

[الشيهااانه]

مرحبااااااااااااااااااا

انا ودي اشتري غساله مواعين بس وش تنصحوني فيه وهل ينفع اغسل فيها الطناجر ولا بس المواعين الصغيره
وسؤال ثاني اذا حطيت صحون ستيل ماتكرب عشانه حديد
وش افضل نوع غساله وال لجي زينه ولا لا وبكم سعرها

[,, الشهد ,,]

مرحبااااااااااااااااااا

انا ودي اشتري غساله مواعين بس وش تنصحوني فيه وهل ينفع اغسل فيها الطناجر ولا بس المواعين الصغيره
وسؤال ثاني اذا حطيت صحون ستيل ماتكرب عشانه حديد
وش افضل نوع غساله وال لجي زينه ولا لا وبكم سعرها


نفس السؤال .. وأتمنى تجاوبون
وأللللف شكر

[فراشة المجد]

تسلمووووون على الإفادة

[نجد11]

عندي غسالة صحون المانيه بحدود الفين ريال
و أنا كد ماشغلتها لمدة شهر ونص وعقبه اشتغلت عادي ولله الحمد والشكر
ولازم لها ملح وصابون وملمع كلهن خاصات لها
ومريحه بمعى كلمة مريحه نظافه وريحه حلوه ولمعان في كل المواعين
وآسفه على طول الكلام لكن أقول للمعلوميه فقط

[roze-roze]

يابنات ودنا بمزيد من التجارب لاتبخلون علينا
ردووووعلينا

[فراشه دلع]

انا بعد مثلكم افكر اشتري بس ابغى تفيدوناا تصلح لكل المواعين ولا بس للكاسات والوجاج انا عندي صحون مالامين تصلح والقدوور تصلح لها ولا لا

اؤجووو الافاااااااااده للي عنهم غساله الصحووووووووون

[Samaa22]

هلا يا بنات انا بصراحه عندي غسالة صحون وبصراحه مريحه مررررررررررررررررره من يوم ما جبتها ولا جلي ولا تعب بس لازم الواحد يحط فيها ملمع كل ما خلص انا احط تقريبا كل عشر مرات غسيل هو على حسب استعمالك للغساله والملح ضرووووري عشان لا يصير فيها كلس اما عن الطناجر فهي بصراحه ما تنظف الطناجر اللي ملزق فيها رز بس هي ممتازة للصحون والملاعق وباقي الجلي طبعا انا عندي نوع elektrolex بس بصراحه عندكم بالسعوديه ما ادري اذا فيه او لا .على العموم اسفه عالاطاله بس حبت افيدكم بتجربتي

[روابي الرياض]

الموضوع يهمني فووووووق

[$شعاع الامل$]

يعطيكم العافيه اناكنت افكر اجيبها

[~حورية البحر~]

up

[roze-roze]

up..............

[المدنية]

السلام عليكم ورحمة الله وبركاته
انا عندي غسالة ماركة هوفر يمكن لها اكثر من ثمان سنين
ما شاء الله لا قوة الا بالله مريحة لدرجة ما تتصوريها
انا ما اشطف الصحون قبل مااغسلها لكن ازيل الاطعمة منها جيدا
ممكن قدور السلستيل التي لا تحتاج تلميع اضعها فيها
بمعنى انني اضع كل الاواني ماعدا القدور الكبيرة او الانواع التي تحتاج تلميع والصواني الكبيرة جدا التي لا استطيع وضعها
لها عدة اختيارات للغسل على حسب درجة الدهون والاوساخ
ايضا درجة الحرارة ممكن التحكم فيها على حسب نوع الاواني
مثلا كاسات وصحون استعمال عصير واطعمة خفيفة لا تحتاج درجة حرارة عالية ولا مدة طويلة يكفي مدة نصف ساعة او اقل
طبعا مثل ما قالوا الاخوات لها صابون خاص وملح وسائل ملمع
على فكرة انا لا احتاج تجفيف الاواني بعد الغسل فقط افتح باب الغسالة بعد الانتهاء من الغسل لمدة ساعة تقريبا وهي تجف بسبب تبخر الماء منها

ارجو المعذرة من الاطالة ولكن لابراء الذمة

[* اميرة الحب *]

اب

[راعية البيت]

يإذن الله أشتريها
زوجة أخوي عندها وحدة تقول ممتازة لكن الصحون والكاسات اللي فيها خطوط ذهبية تمحيها تخليها سادة

[الجوهره المكنونه(111)]

يعطيك العافيه اختي

[ليااااالي2008]

والله مافي افضل من غسيل اليد بس ماانكر غسالة الصحون مفيده خاصة لما يكون عندك ضيوف كتير وماعندك خدامه هنا حتحسي قيمة غسالة الصحون

[tweetee]

والله حتى انا افكر اجيبها والبنات ماقصروا كتبوا كل الي انا اقوله
لكن نبغى معلومات اكثر

[الدره الثمينة]

يعطيك الف عافيه على الموضوع المفيد افكر اشتريها ومتردده بس ردود البنات تحمس إن شاء الله بشتريها

[ورة السعودية]

اختي سويمرة اذا مريتي ع الموضوع وشفتي مشاركتي اتمنى القا اجابة منك
سوالى عن الماء يقولون ان غسالة الصحون تلعب في الموية صح ولا لا
ياريت تردين علي
او اي وحدة عندها معلومة عنها
ودمتو بخير

[ورة السعودية]

وعندي سؤال ثاني سامحوني على كثرة الاسئلة بس كان ودي اعرف بالنسبة لتسليك الماء الحار هو من السخان ولا هي تسخن الماء والله يعطيها العافية الفراشة الي تجاوبني ضروري

[أم بنياتي1]

وعندي سؤال ثاني سامحوني على كثرة الاسئلة بس كان ودي اعرف بالنسبة لتسليك الماء الحار هو من السخان ولا هي تسخن الماء والله يعطيها العافية الفراشة الي تجاوبني ضروري
انا ماعندي غسالة بس مقررة اشتريها بااذن الله.. ومن كثر ماقريت عنها في اكثر من منتدى انها تحتاج خط تسليك واحد وهي بنفسها تسخن الموية.. واتوقع ان استهلاكها للماء في مرة وحده.. ماراح يكون اكثر من صبصبتنا للموية طول الوقت.. واكثر من مرة في اليوم بس انا محتارة اشتري اي ماركة.. الكل يمدح غسالته :)

[ro0ofa55]

ن جد الكل يمدح ماركته
مالنا الا الاستخاره

[$بريق الماس$]

حتى انا نفسي اشتريها بس المشكله مطبخ مو كبير ومافيه مكان فاضي لها تهئ تهئ